rail kuthaఇప్పుడు నలభై ఐదేళ్ల వయసులో వున్నోళ్ళు వారి చిన్నప్పటి నుండి ఒక మాట వింటూనే వుండుంటారు. అదే వెంకటగిరి-నడికుడి మధ్య రైల్వేలైన్‌ వస్తుందని, మన రాపూరు, ఆత్మకూరు, వింజమూరు, దుత్తలూరుల మీదుగా రైలు పోతుందని. అప్పటి నుండి వింటున్నాం... ఇప్పుడూ వింటున్నాం... ఇంకో పాతికేళ్ల తర్వాత కూడా ఇదే మాటను వింటుంటాం...

ఈ రైల్వేలైన్‌కు వాస్తుదోషమో ఇంకేదన్నా లోపమో గాని ఒకడుగు ముందుకు వేస్తే పది అడుగులు వెనక్కు వేస్తుంది. గతంలో యూపిఏ ప్రభుత్వమైనా, నేటి ఎన్డీఏ ప్రభుత్వమైనా ఈ రైల్వేలైన్‌పై సవతి ప్రేమనే చూపిస్తున్నాయి తప్పితే పూర్తి చేయాలన్న చిత్తశుద్ధి చూపడం లేదు. ఈ రైల్వేలైన్‌ను సర్వేలకు పరిమితం చేయడం, అరకొర నిధులు విదిల్చడం చేస్తున్నారు. ఈ బడ్జెట్‌లోనూ ఈ లైన్‌కు కేవలం 420కోట్ల నిధులే మంజూరు చేయడాన్ని చూస్తుంటే ఇప్పటిప్పట్లో ఇది పూర్తి కావడం అసాధ్యమనిపిస్తోంది.

చిత్తూరు, నెల్లూరు, ప్రకాశం, గుంటూరు జిల్లాల్లో దాదాపు 30మండలాల ప్రజలకు ఈ రైల్వేలైన్‌

ఉపయోగపడుతుంది. ఈ మూడు జిల్లాల్లో మెట్టప్రాంతాల నుండి హైదరాబాద్‌, విజయవాడ, తిరుపతి, చెన్నై వంటి నగరాలకు ప్రయాణ అనుసంధానం ఏర్పడుతుంది. తుఫాన్‌లు, వరదల సమయంలో చెన్నై-విజయవాడ రైల్వేలైన్‌ దెబ్బతిని రైళ్ళ రాకపోకలకు అంతరాయం ఏర్పడుతుంటుంది. అలాంటి సందర్భాల్లో ఈ రైల్వేలైన్‌ ప్రత్యామ్నాయ రైలు మార్గంగా ఎంతో బాగా పనికొస్తుంది. వ్యాపార, వాణిజ్య, ప్రయాణీకుల ఆదాయ పరంగా కూడా ఈ రైల్వేలైన్‌కు చక్కని అవకాశాలున్నాయని సర్వేలలోనూ తేలింది. మరి ఇంతటి ఉపయోగమున్న, ప్రాధాన్యత కలిగిన రైల్వేలైన్‌ను కేంద్రం ఎందుకు అశ్రద్ధ చేస్తున్నట్లు?

railway lineమెట్ట ప్రాంతానికి వరంగా మారిన శ్రీకాళహస్తి - నడికుడి రైల్వేలైన్‌ పనులు శరవేగంగా సాగుతున్నాయి. జిల్లాలోని వెంకటగిరి, రాపూరు, పొదలకూరు, చేజర్ల, ఆత్మకూరు, వింజమూరు, దుత్తలూరు, వరికుంటపాడు మండలాల్లో రైల్వే అధికారులతో పాటు రెవెన్యూ అధికారులు కూడా భూసేకరణకు ముమ్మరంగా సర్వే నిర్వహించారు. త్వరలోనే ఈ లైన్‌ నిర్మాణ పనులు కూడా మొదలుపెట్టడానికి సన్నాహాలు చేస్తున్నారు.

నడికుడి - శ్రీకాళహస్తి రైల్వేలైన్‌ నిర్మాణానికి నెల్లూరుజిల్లాలో రెండువేల ఎకరాల భూములను సేకరిస్తున్నట్లు నెల్లూరుజిల్లా జాయింట్‌ కలెక్టర్‌ ఇంతియాజ్‌ తెలిపారు. వింజమూరు మండలంలోని కాటేపల్లి రైల్వేలైన్‌కు సర్వే చేసిన భూములను మంగళవారం ఆయన పరిశీలించారు. అనంతరం వింజమూరులోని ఆర్‌ అండ్‌ బి బంగ్లాలో ఆయన మాట్లాడుతూ జిల్లాలోని 11మండలాల ద్వారా రైల్వేలైను వెళుతుందన్నారు. అయిదు మండలాల్లో సర్వే పూర్తయిందన్నారు. త్వరలో పనులు పూర్తి చేస్తామన్నారు. భూములు కోల్పోయే రైతులకు నష్టపరిహారం అందజేస్తామన్నారు. మండలంలో 378ఎకరాల భూమి సేకరించాల్సి వుండగా 62.38ఎకరాల పట్టాభూములని, మిగిలినవి ప్రభుత్వ భూములన్నారు. వింజమూరు, చంద్రపడియ సరిహద్దుల్లో వింజమూరు రైల్వేస్టేషన్‌, రావిపాడు, గోళ్లవారిపాలెం వద్ద మరో రెండు స్టేషన్లు ఏర్పాటు చేయడానికి ప్రతిపాదనలు పంపుతామన్నారు. రైల్వేశాఖ బృందం త్వరలో కలెక్టర్‌ కార్యాలయంలో సమావేశమై తుది నిర్ణయం తీసుకుంటుందన్నారు. అభ్యంతరాలు ఉంటే స్వీకరిస్తామన్నారు. రైల్వేస్టేషన్‌ ఏర్పాటు చేసే ప్రాంతంలో 150మీటర్లు, మిగిలిన చోట్ల 50-55మీటర్లు భూమి సేకరించడం జరుగుతుందన్నారు. ఈ కార్యక్రమంలో ఆత్మకూరు ఆర్డీఓ వెంకటరమణ, తహశీల్దార్‌ శ్రీరాములు, ఆర్‌ఐ మల్లిఖార్జున, సర్వేయర్‌ మస్తాన్‌బాషా, రెవెన్యూ సిబ్బంది పాల్గొన్నారు.

newsbottomad

ఎక్కువగా చదివిన వార్తలు

  • నెల్లూరులో పోస్టింగా? వద్దంటే వద్దు!
    ఒకప్పుడు నెల్లూరులో పోస్టింగ్‌ అంటే ఎవరైనా ఎగిరి గంతేసేవారు. పైరవీలు చేసుకుని మరీ ఇక్కడకు పోస్టింగ్‌ చేయించుకుంటుంటారు. పోలీసు శాఖలో వారికి అయితే నెల్లూరులో పనిచేయడం చాలా ఇష్టం. ఇక్కడ నుండి కదలాలంటే కష్టం. ఇక్కడ టెర్రరిజం లేదు, రౌడీయిజం లేదు,…
  • వేగమందుకున్న ప్రయాణం
    సంగం వద్ద కొండల మధ్యలో నుండి వేసిన కొత్త రహదారి ప్రయాణీకులకు గమ్మత్తుగా వుంది. ఈ కొండ రహదారితో ముంబై జాతీయ రహదారిపై వాహన దారులకు ప్రయాణం చాలా సులభంగా అనిపిస్తోంది. నెల్లూరు-ఆత్మకూరుల మధ్య ముంబై రహదారిని సిమెంట్‌ రోడ్డుగా మార్చడం…
  • ఎవరెవరెక్కడ?
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాలలో నెల్లూరు అగ్రస్థానంలో ఉంటుంది. బలమైన రాజకీయ కుటుంబాలన్నీ తెలుగుదేశం పార్టీలో వున్నప్పటికీ ఈ జిల్లాలో ప్రజలు మాత్రం వైకాపాకే వెన్నుదన్నుగా వున్నారు. 2014 ఎన్నికల్లో ఈ జిల్లా ప్రజలు వైకాపాకు జైకొట్టారు. రెండు…
  • టీడీపీ నుండి... లోక్‌సభకెవరో?
    1983లో తెలుగుదేశం పార్టీ ఆవిర్భవించాక అప్పటి నుండి ఇప్పటివరకు నెల్లూరు లోక్‌సభకు 10సార్లు ఎన్నికలు జరిగాయి, 2012లో జరిగిన ఉపఎన్నికను కూడా కలుపుకుంటే! ఈ పదిసార్లలో తెలుగుదేశం పార్టీ గెలిచింది రెండంటే రెండుసార్లే! ఏ లోక్‌సభ స్థానంలో కూడా తెలుగుదేశం పార్టీకి…
  • అజీజా... నిన్నొదలా...!
    నెల్లూరు మేయర్‌ అబ్దుల్‌ అజీజ్‌ వివాదా లతో సహజీవనం చేస్తున్నట్లుగా వుంది అది వ్యాపారంలోనైనా... ఇటు రాజకీయాలలోనైనా! అజీజ్‌ మేయర్‌ అయ్యింది మొదలు నెల్లూరు కార్పొరేషన్‌లో ఎన్నో వివాదాలు చూసాం. ఏ కమిషనర్‌తోనూ ఆయనకు పడేది కాదు. ఇలా పడకనే గత…

Newsletter