chandraఎవడబ్బ సొత్తయ్యా ఇది, నీ కొడుకు సొత్తునేమన్నా పెడు తున్నావా, మీరు తినేది ప్రజల సొమ్ము, సిగ్గుండాలి మాట్లాడ డానికి... రాష్ట్ర ముఖ్యమంత్రి చంద్రబాబునాయుడిని ఉద్దేశించి లోక్‌సత్తా కన్వీనర్‌ జయప్రకాశ్‌ నారాయణ చేసిన వ్యాఖ్యలివి. నిజమే... ఎవరి సొత్తును ఎవరు తింటున్నారు. ప్రజల సొత్తును చంద్రబాబు తింటున్నాడా? లేక చంద్రబాబు సొత్తును ప్రజలు తింటున్నారా? చంద్రబాబు ఉండే బంగ్లా, తిరిగే హెలికాఫ్టర్‌, కూర్చునే ఛాంబర్‌, తీసుకునే జీతం... అంతా ఎవరి సొత్తు. ఈ రాష్ట్ర ప్రజల సొత్తు. మరి ఆయన ప్రజల సొత్తును తింటూ ఆ ప్రజలనే బద్నాం చేస్తాడా? ఆ ప్రజలనే నా సొత్తు తింటూ నాకు ఓట్లేయరా? అని బెదిరిస్తాడా?

చంద్రబాబుకు నంద్యాల ఉపఎన్నికల భయం బాగా పట్టుకుంది. ఇక్కడ ఓడిపోతే రాష్ట్రంలో రాజకీయ పరిణామాలు ఎంత వేగంగా మారుతాయో ఆయనకు తెలుసు. అందుకే నంద్యాలలో గెలుపు కోసం అడ్డ దారులు తొక్కడానికి సిద్ధమవుతున్నాడు. సభల్లో కూడా శృతిమించి తన స్థాయికి దిగజార్చి మాట్లాడుతున్నాడు. ఇటీవల నంద్యాలలో ఆయన చేసిన ప్రసంగం రాజకీయ విజ్ఞులను నోరెళ్లబెట్టేలా చేసింది. నేనిచ్చిన పింఛన్‌లు తీసుకుం టున్నారు, నేనిచ్చిన రేషన్‌ తీసుకుంటు న్నారు, నేను వేసిన రోడ్లపై తిరుగుతున్నారు. మరి నాకు కాకపోతే ఇంకెవరికి వేస్తారు ఓట్లు, నాకు ఓట్లేయకపోతే అవేమీ తీసు కోవద్దు... ముఖ్యమంత్రిగా వుండి చంద్ర బాబు మాట్లాడిన మాటలివి. భారత రాజ కీయ చరిత్రలో చంద్రబాబు కన్నా అధ్వా న్నంగా పనిచేసిన ముఖ్యమంత్రులొచ్చారు. కానీ వాళ్ళు ఎప్పుడూ ఇంత హీనంగా మాట్లాడలేదు.

భారత రాజకీయ చరిత్రలో ప్రజల కోసం అమలు చేసే సంక్షేమ పథకాల కోసం ఏ నాయకుడూ సొంత ఆస్తులు అమ్మిన దాఖలాలు లేవు. ప్రజాసేవ కోసం సొంత ఆస్తులను దానం చేసిన నాయకు లున్నారు గాని, ఆ జాబితాలో మాత్రం చంద్రబాబు లేడు. రాజకీయాలలో మూడు రకాల నాయకులు కనిపిస్తారు. ప్రజల కోసం పనిచేయాలని రాజకీయాల్లోకి వచ్చి తాతలు, తండ్రులు ఇచ్చిన ఆస్తులను కర్పూరహారతిలా కరిగించిన నాయకులు మొదటి రకం. ఉన్న ఆస్తులను కాపాడు కోవడానికి రాజకీయాల్లోకి వచ్చేవాళ్ళు రెండో రకం. వట్టి చేతుల్తో రాజకీయాల్లోకి వచ్చి కోట్ల రూపాయలు సంపాదించిన వాళ్ళు మూడోరకం. దేశంలో ప్రస్తుత మున్న నాయకులు చాలామంది ఈ మూడోవర్గంలోకే వస్తారు. చంద్రబాబును అందులో నుండి వేరు చేయలేం. ఇది జగమెరిగిన సత్యం.

ప్రజల కోసం చంద్రబాబు సొంత ఆస్తులను అమ్మిన దాఖలాలు లేవు. ప్రజలు పన్నులు రూపంలో కట్టిన సొమ్మునే ఆయన జల్సాగా అనుభవిస్తున్నాడు. మరి ప్రజల సొమ్మును ఆయన తింటూ నా సొత్తు తింటున్నారని ప్రజలను ఏ విధంగా బెదిరి స్తారు. రోడ్లేసినా, పింఛన్‌లిచ్చినా, రూపా యికి కిలో బియ్యం ఇచ్చినా ప్రజలు కట్టే పన్నుల నుండే ఇస్తున్నారు గాని ఏ నాయ కుడి ఆస్తులు అమ్మి ఇవ్వడం లేదు.

తాను చేసిన అరకొర పనులకే చంద్ర బాబు ఇలా ప్రజలను బెదిరిస్తుంటే ప్రజల గుండెల్లో నిలిచిపోయేలా పనులు, పథ కాలు అమలు చేసిన స్వర్గీయ ఇందిరా గాంధీ, పి.వి.నరసింహారావు, వాజ్‌పేయి, ఎంజిఆర్‌, ఎన్టీఆర్‌, వై.యస్‌.రాజశేఖర రెడ్డి, జయలలిత లాంటి నాయకులకు ప్రజలు జీవితాంతం ఓట్లేస్తూనే వుండాలి. వీళ్లు కూడా వాళ్ల సొంత డబ్బులతో పథకాలు చేపట్టలేదు. ఎవరు మంచి పనులు చేసినా అవి ప్రజల డబ్బుతోనే చేసారు. కాకపోతే వాళ్లు ప్రతి పైసాను ప్రజలకు ఉపయోగపడేలా ఖర్చుపెడితే, చంద్రబాబు పెట్టే ఖర్చంతా కూడా తన వారిని దృష్టిలో పెట్టుకునే ఖర్చు పెడుతు న్నట్లుగా ఉంటుంది.

ఈ దేశంలో ప్రజలెవరూ నాయ కులకు ఋణపడి వుండరు. ప్రజల సొమ్మును తిన్న నాయకులే ప్రజల పట్ల కృతజ్ఞులై వుండాలి. చంద్రబాబు ముందు ఆ సంగతి తెలుసుకోవాలి.

chandraఅసలు ఢిల్లీలో ఏం జరిగింది? ఏం జరుగుతోంది? ఏం జరగబోతోంది? నాకిప్పుడే తెలియాలి అన్నంత ఉద్వేగానికి లోనవుతున్నాడు ముఖ్యమంత్రి చంద్రబాబు నాయుడు. వైసిపి అధినేత జగన్‌కు ప్రధాని నరేంద్రమోడీ అపాయింట్‌మెంట్‌ ఇవ్వడాన్ని ఆయన ఓ పట్టాన జీర్ణించు కోలేకపోతున్నాడు. ఆయన అమెరికాలో ఉండగానే ప్రధానిని జగన్‌ కలిసాడన్న వార్త చెవిన పడింది. అక్కడే మనశ్శాంతిగా ఉండలేకపోయాడు. అమెరికా నుండి నేరుగా వచ్చి ఢిల్లీలో దిగగానే తన వెంటవున్న వారిని హైదరాబాద్‌ పంపించేసాడు. తాను మాత్రం ఏడు గంటలపాటు ఎవరికీ అందుబాటులో లేకుండా గడిపాడు. జగన్‌ ప్రధానిని ఎందుకు కలిసాడు, ఏం చెప్పాడు, అసలు అర్ధాంతరంగా జగన్‌కు అపాయింట్‌మెంట్‌ ఇవ్వడం వెనుక ఆంతర్యమేమిటన్నది తెలుసుకోవడం కోసమే ఆయన ఆ కొన్ని గంటలు అజ్ఞాతంలో గడిపినట్లు తెలుస్తోంది.

ఒకప్పుడు చంద్రబాబుకు ఢిల్లీలో కూడా గట్టి నాయకుడనే పేరుండేది. 1996లో 13రోజుల ప్రధాని వాజ్‌పేయిని దించేసి యూనైటెడ్‌ ఫ్రంట్‌ కూటమిని కట్టించింది చంద్రబాబే! ఆ తర్వాత 1998, 1999లలో ఏర్పడ్డ ఎన్డీఏ ప్రభుత్వాల లోనూ కీలక భాగస్వామిగా వున్నాడు. 2002 గుజరాత్‌ అల్లర్ల సమయంలో ఆ రాష్ట్ర ముఖ్యమంత్రిగా వున్న ప్రస్తుత ప్రధాని నరేంద్రమోడీని జైలులో పెట్టాలంటూ నినదించిన ధైర్యశాలి. గత చరిత్రను చూస్తే జాతీయ రాజకీయాలలో చంద్రబాబు ట్రాక్‌ రికార్డు బాగానే వుంది. అంత పలుకుబడి కలిగిన నాయకుడు జగన్‌ ప్రధానిని కలిసాడని తెలియగానే చలి జ్వరం వచ్చినట్లు వణికిపోయాడు. రాజకీయాలలో ప్రధానిగా వున్నవారిని ఏ పార్టీ నేత అయినా కలవవచ్చనే పద్ధతిని మరచి, జగన్‌కు ప్రధాని అపాయింట్‌మెంట్‌ ఎలా ఇస్తారని మాట్లాడారు. జగన్‌కు అపా యింట్‌మెంట్‌ ఫిక్స్‌ చేసిన పిఎంఓ కార్యా లయాన్నీ చంద్రబాబు ప్రశ్నించినట్లయ్యింది.

అయినా జగన్‌కు మోడీ అపాయింట్‌ మెంట్‌ ఇస్తే చంద్రబాబు ఇంతగా ఆక్రోశం చెందాల్సిన అవసరం ఏముంది? తను ఏదో అభద్రతాభావంతో ఉండబట్టే ఇలా నోరు పారేసుకుంటున్నాడు. ఏపిలో జరిగిన, జరుగుతున్న అక్రమాలను మోడీకి జగన్‌ చెవిలో వూదాడనే కోపంతోనే ఆయన ఈ అరుపులు అరుస్తున్నాడు.

వాస్తవంలోకి వస్తే చంద్రబాబు అంటే మోడీకి ఏమంత నమ్మకం, గౌరవం లేదు. అవసరాన్ని బట్టి చంద్రబాబు రాజకీయ రంగులు మారుతాయని తెలుసుకోలేనంత అమాయకుడు కాడు మోడీ! ఈరోజు తమతో అవసరం వుంది కాబట్టి అణిగి మణిగి వుంటున్నాడు. రేపు బీజేపీకి రెండు చోట్ల పరాభవాలు ఎదురై, మోడీ క్రేజ్‌ తగ్గిందంటే ఇదే చంద్రబాబు దేశంలోని బీజేపీ వ్యతిరేక పార్టీలన్నింటిని కలిపి తృతీయ ఫ్రంట్‌ అనే టెంట్‌ను వేస్తాడు. రాజకీయ స్నేహానికి చంద్రబాబు నమ్మ కస్తుడు కాడు. కాని ఇచ్చిన మాట కోసం సోనియాగాంధీనే ఎదిరించి, 16నెలలు జైలులో గడిపిన జగన్‌ను రాజకీయంగా నమ్మొచ్చు. అదీగాక జగన్‌కు రాష్ట్రం తప్పితే జాతీయ రాజకీయాల మీద ఆశ, ఆసక్తి ఉండదు. కాబట్టే బీజేపీలో జగన్‌ పట్ల సానుకూల ధోరణి కనిపిస్తోంది.

బీజేపీకి జగన్‌ జత కలిస్తే రాష్ట్రంలో తనకు చుక్కలు చూపిస్తారనే భయం చంద్రబాబుకు పట్టుకుంది. ముఖ్యంగా 'ఓటు-నోటు' కేసు బాబు మెడ మీద కత్తిలా వేలాడుతోంది. ఈ కేసును ముందుకు సాగనీయకుండా ఇప్పటివరకు కేంద్రమే ఆదుకుంటోంది. ఈ కేసులో చంద్రబాబు వాయిస్‌ రికార్డర్‌ కూడా పక్కా సాక్ష్యంగా వుంది. ఇక అమరావతి రాజధాని భూముల సేకరణ దగ్గర్నుండి, పుష్కరాలకు వేలకోట్లు తగలేయడం, పోలవరం పూర్త యితే పనికిరాని పట్టిసీమ, పురుషోత్తమ పట్నం వంటి ప్రాజెక్ట్‌లు కేవలం డబ్బు కోసం చేపట్టినవేననే విషయం తెలియంది కాదు. ఏ రాష్ట్రంలోనైనా మోడీ తాను కాలు పెట్టాలనుకుంటున్నప్పుడు అక్కడ ముందుగా సిబిఐ దాడులు జరగడం చూస్తున్నాం. ప్రస్తుతం మోడీ ఏపిని టార్గెట్‌ చేసాడు. ఇక్కడ బీజేపీకి జగన్‌ లక్ష్యం కాదు. చంద్రబాబును నిర్వీర్యం చేయడమే అసలు ఉద్దేశ్యం. ఈ మూడేళ్లలో చంద్ర బాబుకు కేంద్రం వట్టి మాటలు చెప్పడం తప్ప ఎలాంటి సాయం చేయలేదు. విభజన బిల్లులో చెప్పిన ప్రత్యేకహోదా విషయంలో కూడా ఆయన రాజీపడడం ప్రజల్లో చంద్రబాబు నాయకత్వ స్థాయిని దిగజార్చింది. కేంద్రం ద్వారా చంద్రబాబు రాష్ట్రానికి ఏ పనులూ సాధించలేక పోయాడు, సరికదా అసలే అప్పుల్లో వున్న రాష్ట్రంలో ఈయన చేసిన ఆర్భాటపు పను లన్నీ కూడా ప్రజలకు పని కొచ్చేవి కావు. రాష్ట్ర ప్రభుత్వంలో జరిగే అవినీతి, అక్ర మాలపై సిబిఐ విచారణ చేయిస్తే ఎన్నో లొసుగులు బయటపడతాయి. చంద్రబాబు సర్కార్‌ను ప్రజా బోనులో దోషిగా నిల బెట్టడం ఇప్పుడున్న పరిస్థితుల్లో మోడీకి ఏమంత కష్టం కూడా కాదు.

ఏపిలో తెలుగుదేశాన్ని నిర్వీర్యం చేయాలన్నా, చంద్రబాబును బలహీన పరచాలన్నా మోడీకి చిటికెలో పని. తన విషయంలో మోడీ ఆ పని చేయకపోవ చ్చని చంద్రబాబుకు ఇంతకాలం బలమైన నమ్మకం ఉండేది. కాని మోడీని జగన్‌ కలిసొచ్చాక, మోడీ చేతికి అతను చంద్ర బాబు గారి అక్రమాల చిట్టా పద్దులు ఇచ్చి వచ్చాక ఆ నమ్మకం కూడా పోయింది. మోడీ ఎక్కడ ఎప్పుడు తనకు ఎసరు పెడ తాడోననే ఆందోళన బాబులో కనిపిస్తోంది.

ap jag chaఏ ఎన్నికలలోనైనా పార్టీల గెలుపుకు ప్రజాదరణ తప్పనిసరి! అయితే ఇది వంద శాతం ప్రభావం చూపుతుందనుకోలేం! ఈ ప్రజాదరణను ఓట్ల రూపంలో మలచుకుంటేనే గెలుపు సాధ్యమవుతుంది. కేవలం గాలివాటాన్ని నమ్ముకుంటేనే గెలుపు రాదు. ఎలక్షన్‌ను వివిధ కోణాలలో చేయాలి. కాళ్లు పట్టుకోవాల్సిన చోట కాళ్లు, గడ్డం పట్టుకోవాల్సిన చోట గడ్డం పట్టుకోవాలి. కులాలు, మతాల రూపంలో ఓట్లు రాబట్టాలి. సెంటిమెంట్లు రెచ్చ గొట్టాలి. నోటికొచ్చిన అబద్దాలన్నీ చెప్పాలి. ఇవన్నీ చేయబట్టే, ఎలక్షన్‌ను ఎలక్షన్‌ తీరులో చేయబట్టే 2014 ఎన్నికల్లో తనకు చాలా తక్కువ అవకాశాలు ఉన్నప్పటికీ చంద్రబాబు అధికారంలోకి రాగలిగాడు. ఇవన్నీ చేయలేక పోబట్టే తన సభలకు వచ్చిన జనం ఓట్లేస్తే సరిపోతుం దని గుడ్డి నమ్మకంతో అవకాశాలు ఎక్కువుగా వున్నా జగన్‌ అధికారంలోకి రాలేకపోయాడు.

జగన్‌ తనను తాను నమ్ముకున్నాడు. మిగతా వారిని, సీనియర్‌లను, పార్టీలోకి వస్తామన్న వారిని నమ్మలేదు. కాబట్టే ప్రతిపక్షం పాత్ర దక్కింది. చంద్రబాబు తనను తాను కాదు కదా తన నీడను కూడా నమ్మలేదు. ఎవరెవరికి ఓట్లున్నాయో వాళ్లను నమ్మాడు. వారితో పొత్తులు కుదుర్చుకున్నాడు. వాళ్ల ఇళ్ల వద్ద పడిగాపులు కాసాడు. కాబట్టే అధికార పక్షం దక్కింది.

రాష్ట్రంలో ఈరోజు కూడా చంద్రబాబు కంటే జగన్‌కే ప్రజాదరణ ఎక్కువుగా వుంది. ఇప్పటికప్పుడు ఎన్నికలు జరిగితే తెలుగుదేశంపార్టీకి 50సీట్లు కూడా రావని, చంద్రబాబు చెప్పి చేయించుకున్న సర్వేలే చెబుతున్నాయి. అయితే దీనిని నమ్మి చంకలు గుద్దుకుంటే జగన్‌ పప్పులో కాలేసినట్లే! 2014 ఎన్నికలకు ముందు కూడా రాష్ట్రంలో తెలుగుదేశం పార్టీ పరిస్థితి ఇంతకంటే దారుణంగానే ఉండింది. సర్వేలు కూడా ఇదే విధంగా చెప్పాయి. కాని, అంతటి ప్రతికూల పరిస్థితుల్లో కూడా చంద్రబాబు తన అనుభవంతో ఎదురీది నెగ్గుకొచ్చాడు. రాజకీయాల్లో అనుభవానికి, అనుభవ రాహిత్యానికీ మధ్య ఎంత తేడా వుందన్నది 2014 ఎన్నికలు స్పష్టం చేశాయి. ఇంకో 20ఏళ్లు మనమే అధికారంలోఉంటామని చంద్రబాబు ఘంటాపథంగా చెబుతున్నాడు. ఇది తన మీద నమ్మకంతో అంటున్నది కాదు. జగన్‌ మీద నమ్మకంతో చెబుతున్నది. ఎన్నో అవకాశాలున్నప్పటికీ 2014ఎన్నికల్లో జగన్‌ సద్వినియోగం చేసుకోలేకపోయాడు. అధికారపక్షంగా ఈ మూడేళ్లలో చంద్రబాబు ఎన్నో తప్పులు చేశాడు. కాని వాటిని ఎత్తిచూపడంలో ప్రతిపక్షం అంతకంటే అధ్వాన్నంగా వుంది. జగన్‌ నాయకత్వంలో ప్రతిపక్షం ఉన్నంత కాలం తనకు తిరుగులేదని చంద్రబాబు ధీమా! 2019 ఎన్నికల కసరత్తును చంద్ర బాబు ఇప్పటి నుండే మొదలుపెట్టాడు. వచ్చే ఎన్నికల్లో తిరిగి అధికారం నిలబెట్టు కోవడానికి ఆయన ప్రధానంగా కొన్ని మార్గాలను ఎంచుకున్నాడు. అందులో ప్రధానమైనది డబ్బు. 2014 ఎన్నికల్లో ఇది బాగానే పని చేసింది. 2019 ఎన్ని కల్లో కూడా ఇదే ప్రధాన భూమిక పోషించ నుంది. అందుకు తగిన ఆర్ధిక వనరులు పోగుచేసారని సమాచారం. పోలవరం, పట్టిసీమ, పురుషోత్తమపట్నం, పుష్క రాలు... అన్నీ 'పి'తో కలిసొచ్చిన అంశాలే! ఇక రెండోది రాష్ట్రంలో అసెంబ్లీ నియో జకవర్గాల సంఖ్యను పెంచడం. చంద్ర బాబు దీనిపైనే ప్రధానంగా దృష్టిపెట్టి వున్నాడు. ప్రత్యేకహోదా విషయంలో కేంద్రంతో రాజీపడింది కూడా రాష్ట్రంలో నియోజకవర్గాల పెంపు కోసమే!

చంద్రబాబు గట్టిగా పోరాడి వుంటే ప్రత్యకహోదాపై కేంద్రం తలొంచాల్సి వచ్చేది. చంద్రబాబు రాష్ట్రానికి ప్రత్యేక హోదా కంటే కూడా పోలవరం ప్రాజెక్ట్‌ నిర్మాణం బాధ్యతను తనకు అప్పగించడం, రాష్ట్రంలో నియోజకవర్గాల సంఖ్యను 175 నుండి 225కు పెంచడంపై కేంద్రంతో ఒప్పందం కుదుర్చుకున్నాడు. వీటిలో మొదటి పనైంది. రెండోది డీలిమిటేషన్‌ ప్రక్రియను మొదలు పెట్టడం. నియోజక వర్గాలు పెరిగితే దానికి తగినట్లుగా అభ్యర్థులు తెలుగుదేశంలో వున్నారు. రాజ కీయంగా, ఆర్ధికంగా బలమైన నాయకు లందరికీ సీట్లు సర్దుబాటు చేయొచ్చు. అదే సీట్లు పెరక్కపోతే తెలుగుదేశంలో సీట్లు రాని వాళ్లు వైకాపాకు వెళ్లే అవకాశ ముంది. జగన్‌కు ఆ ఛాన్స్‌ ఇవ్వకూడదనే చంద్రబాబు సీట్ల పెంపుకు పాకులాడు తున్నాడు.

ఆంధ్రాతో పాటు తెలంగాణలో కూడా అసెంబ్లీ సీట్లు పెంచే అవకాశ ముంది. అయితే దీనికి పార్లమెంటు ఆమోదం కావాలి. పార్లమెంట్‌లో విప క్షాలు దీనిని తిరస్కరించవచ్చు. అయినా కూడా కేంద్రం ఆర్డినెన్స్‌ ద్వారా నియోజక వర్గాలను పెంచవచ్చు. ప్రతిపక్షంగా వైకాపా దీనిని అడ్డుకోవడానికి సుప్రీం కోర్టును ఆశ్రయించవచ్చు. అయితే చంద్రబాబుకు సంబంధించిన కేసులకు న్యాయస్థానాల నుండి ఎటువంటి తీర్పులు వస్తున్నాయో చూస్తూనే వున్నాం.

కాబట్టి రాష్ట్రంలో నియోజకవర్గాలు పెరగడం అంటూ జరిగితే అది చంద్ర బాబుకు రాజకీయంగా ప్రయోజనమే! మరి చంద్రబాబు రాజకీయ ఎత్తులను జగన్‌ ఎంతవరకు తట్టుకుని నిలబడగలడు? వేచి చూడాల్సిందే!

Page 1 of 4

newsbottomad

ఎక్కువగా చదివిన వార్తలు

  • ముగ్గురు మొనగాళ్లు
    ఒక ఎమ్మెల్యే సమర్ధవంతంగా పనిచేస్తే ఒక నియోజకవర్గం బాగుపడుతుంది. అదే ఒక కలెక్టర్‌ సమర్ధవంతంగా పనిచేస్తే... ఒక ఎస్పీ కార్యదక్షత చూపిస్తే... ఒక కమిషనర్‌ పట్టుదలతో పనిచేస్తే... ఒక జిల్లా, ఒక నగరమే బాగుపడుతుంది. అదే ఈ ముగ్గురు కలిసి పనిచేస్తే…
  • సినీ పరిశ్రమకు... అనువైన వేదిక నెల్లూరు!
    కేసీఆర్‌ ఛీ... ఛా... అని ఛీదరించుకుని ఉమ్మేసినా కొందరు సినీ ప్రముఖులు హైదరాబాద్‌ను వదిలేది లేదంటున్నారు. ఇలాంటి వాళ్లది సినీ పరిశ్రమపై ప్రేమ కాదు! అక్కడ పోగేసిన వేలకోట్ల ఆస్తులపై ప్రేమ. అవెక్కడ పోతాయోననే బాధ. అక్కడ నుండి సినీ పరిశ్రమను…
  • సిటింగ్‌లకు... కటింగ్‌ వేస్తాడా?
    రాబోయే ఎన్నికల్లో జిల్లాలోని తెలుగుదేశం పార్టీ సిటింగ్‌ ఎమ్మెల్యే లకు చంద్రబాబు తిరిగి సీట్లు ఇవ్వడనే ప్రచారం జోరుగా వుంది. ఒక్క సిటింగ్‌ స్థానాలలోనే కాదు, జిల్లాలోని అన్ని అసెంబ్లీ నియోజక వర్గాల నుండి కొత్త అభ్యర్థులను రంగంలోకి దించుతారని టాక్‌!…
  • పాదయాత్రతో మరో చరిత్ర
    గతానికి భిన్నంగా, గతంకంటే ఉత్సాహంగా ఆంధ్రప్రదేశ్‌ నడిబొడ్డు గుంటూరు కేంద్రంగా రెండు రోజుల పాటు జరిగిన వైయస్సార్‌ కాంగ్రెస్‌పార్టీ ప్లీనరీ సమావేశాలు ప్రభుత్వంపై ప్రజల్లో వున్న వ్యతిరేకతకు, ప్రజానేత జగన్‌పై వున్న నమ్మకానికి నిదర్శనంగా నిలిచాయి. ప్రతిఏటా ఇడుపులపాయలో వైసిపి ప్లీనరీలు…
  • 'పీకే'దేమీ లేదు
    జగన్‌ అంటే జనంలో అపార అభిమానముంది. వై.యస్‌. కుటుంబంతో తెలుగు లోగిళ్ళకు అపురూప అనుబంధముంది. ''రాజన్న''న్నా ఆయన కుమారుడన్నా ప్రాణాలిచ్చే అభిమానులు తెలుగు నాటంతా వున్నారు. ఎవరు చెప్పినా ఎవరు చెప్పకపోయినా రాజశేఖరరెడ్డి కోసం ఆయన కుటుంబం కోసం పనిచేసే నాయకులు,…

Newsletter