narayanaనెల్లూరు నగరం నుండి మంత్రి నారాయణ పోటీ చేస్తే... గెలుపు ఆయనదే! నెల్లూరు నగర టీడీపీ నాయకుల స్టేట్‌మెంట్‌ ఇది. ఇది పైకి మాత్రమే! ఆయన పోటీ చేయకుంటే మాత్రం సీటు మాకే ఇవ్వాలి. ఇదీ నాయకుల మనసులోని మాట. సీటును ఆశిస్తున్న నాయకులందరూ పైకి నారాయణ వస్తే తిరుగులేదని చెబుతున్నా లోపల మాత్రం ఆయన రాకుంటే బాగుండనుకుంటున్నారు.

2014 ఎన్నికల్లో టీడీపీ అభ్యర్థిగా పోటీచేసి ఓడిపోయిన ముంగమూరు శ్రీధరకృష్ణారెడ్డి నగర ఇన్‌ఛార్జ్‌గా వ్యవహరి స్తున్నాడు. వచ్చే ఎన్నికలలోనూ ఆయన సీటుకు పోటీలో ఉంటాడనడంలో డౌట్‌ లేదు. 2014 ఎన్నికలలోనే నెల్లూరు సిటీ సీటు కోసం తీవ్రంగా ప్రయత్నించిన 'నుడా' ఛైర్మెన్‌ కోటంరెడ్డి శ్రీనివాసులురెడ్డి కూడా మళ్ళీ సీటు కోసం పోరాడకుండా ఉండడు. తెలుగుదేశం పార్టీలో చేరినప్పటి నుండి మేయర్‌ అబ్దుల్‌ అజీజ్‌ నెల్లూరు నుండి నేను పోటీ చేస్తానంటూ పాటపాడుతూనే వున్నాడు. ఇక నగరంలో సొంత వర్గం కలిగిన ఆనం కుటుంబం నుండి ఒకరు ఈసారి ఈ సీటును ఆశించ డంలో ఆశ్చర్యపోవాల్సిందేమీ లేదు. అయితే ప్రతి ఎన్నికలలోనూ జిల్లాలో ఒక సీటును మహిళలకు ఇస్తున్నారు. 2014 ఎన్నికల్లో గూడూరు సీటు నుండి మహిళా అభ్యర్థిగా బి.జ్యోత్స్నలతను నిలబెట్టారు. ఈసారి అక్కడ జంపింగ్‌ ఎమ్మెల్యే పాశం సునీల్‌కే సీటు ఇవ్వొచ్చు. కాబట్టి నెల్లూరు నగరంలో మహిళకు అవకాశం కల్పించవచ్చనే దిశగా మాజీమున్సిపల్‌ ఛైర్‌పర్సన్‌ టి.అనూరాధ కూడా రంగంలో వున్నట్లు తెలుస్తోంది. ఎవరికివాళ్ళు మంత్రి నారాయణను క్రాస్‌ చేసి కాకుండా ఆయన అండదండలతోనే సీటు సాధించాలనుకుంటున్నారు.

mayor ministerనెల్లూరు మేయర్‌ అబ్దుల్‌ అజీజ్‌ గెలిచింది వైయస్సార్‌ కాంగ్రెస్‌పార్టీ తరఫున! మేయర్‌ అయిన కొన్ని నెలలకే చేసిన ప్రమాణాలను పక్కనపెట్టేసి, తన వర్గం వారి మనో భావాలను వెనక్కి నెట్టేసి, వైసిపిని వదిలేసి సైకిలెక్కేసాడు. మేయర్‌ అజీజ్‌ తెలుగుదేశంలోకి రావడానికి ప్రధాన కారణం మంత్రి నారాయణ.

మేయర్‌ ఎలక్షన్‌కు ముందే రాష్ట్రంలో తెలుగుదేశం పార్టీ అధికారంలోకి వచ్చింది. మంత్రి నారాయణ అనుకుని వుంటే అప్పుడే మేయర్‌గా తమ పార్టీ వాళ్ళను చేసుకుని వుండొచ్చు. కాని, మేయర్‌ ఎలక్షన్‌కు ముందే అజీజ్‌తో ఆయన ఒప్పందం చేసుకున్నాడు. మేయర్‌గా గెలిచాక తెలుగుదేశంలో చేరాలని మాట్లాడుకున్నారు. అందుకనే అప్పుడు నారాయణ నెల్లూరు మేయర్‌ ఎన్నికల్లో పెద్ద టెన్షన్‌ పడలేదు. పెద్దగా రిస్క్‌ తీసుకోలేదు. ఇచ్చిన మాట ప్రకారం అజీజ్‌ మేయర్‌గా ఎన్నికయ్యాక తెలుగుదేశంలో చేరాడు. అయితే మంత్రి నారాయణ, మేయర్‌ అజీజ్‌ల మధ్య అప్పుడప్పుడూ బేధాభిప్రాయాలు తలెత్త సాగాయి. నారాయణ మున్సిపల్‌ మంత్రి కావడం, నెల్లూరు సొంతూరు కావడంతో స్వతహాగానే ఈ కార్పొరేషన్‌ వ్యవహారాలలో నారాయణ ప్రత్యక్షంగా జోక్యం చేసుకోసాగాడు. కార్పొరేటర్లు, అధికారులు కూడా నేరుగా మంత్రితోనే టచ్‌లో

ఉండసాగారు. మొదటి మొదట్లో నారాయణ, అజీజ్‌ల బంధం బాగానే కొనసాగింది. అజీజ్‌ మాటకు ప్రాధాన్యత వుండేది. ఆయన చెప్పినట్లే అధికారుల బదిలీలుండేవి. ఆయన కోరిన వాళ్ళే కమిషనర్‌లుగా వచ్చే వాళ్ళు.

అయితే రానురాను అజీజ్‌పై నారాయణకు సదాభిప్రాయం తగ్గిపోయి నట్లుగా కనిపిస్తోంది. కార్పొరేషన్‌లో అవినీతి పెరిగిపోయింది. కేవలం ధనార్జన కోసమే కొన్ని పనులు చేస్తున్నట్లుగా వుంది. మేయర్‌పై లెక్కలేనన్ని ఆరోపణలు రాసాగాయి. దీనికితోడు అజీజ్‌ వ్యతిరేక కార్పొరేటర్లందరూ సిండికేట్‌ అయ్యారు. నెల్లూరు నగరంలో ప్రధాన నాయకులైన ఆనం, సోమిరెడ్డి, ఆదాల... వీళ్లెవరితోనూ అజీజ్‌కు సఖ్యత లేకుండా పోయింది. అజీజ్‌ వ్యవహారశైలితో పార్టీకి నష్టమని భావించిన మున్సిపల్‌ మంత్రి నారాయణ ఆయనకు ప్రాధాన్యత తగ్గిస్తూ వచ్చాడు. ఆయనకు ఇష్టం లేకుండానే నగర పాలక కమిష నర్‌గా ఢిల్లీరావును తెచ్చారు. ఆయనకు ఫుల్‌పవర్‌ ఇచ్చారు. మేయర్‌ ప్రమేయం లేకుండానే, ఆయన ఒత్తిళ్ళు లెక్కచేయకుండానే నగరంలో కమిషనర్‌ తన పని తాను చేసుకుపోతున్నాడు. ఇది అజీజ్‌కు మింగుడుపడడం లేదు. ఆక్రమణల తొలగింపు విషయంలో అజీజ్‌ సిఫార్సులను కమిషనర్‌ ఖాతరు చేయలేదు.

కార్పొరేషన్‌లో కావాలనే తన పవర్‌ తగ్గిస్తున్నారని అజీజ్‌కు అర్ధమైంది. అదీగాక వచ్చే ఎన్నికల్లో నెల్లూరు నగరం నుండి పోటీ చేయాలని అజీజ్‌కు ఉబలాటంగా వుంది. నెల్లూరు నుండి తాను పోటీ చేయొచ్చని ప్రకటించి నారాయణ అజీజ్‌కు షాకిచ్చాడు. ఈ పరిణామాల నేపథ్యంలో మంత్రికి అజీజ్‌ దూరంగా వుంటున్నాడు. ఆయన కార్యక్రమాలలో కనిపించడం లేదు. నారాయణ కూడా అజీజ్‌ వ్యవహారాన్ని పట్టించుకోవడం లేదు. ఆయన పని ఆయన చేసుకుపోతున్నాడు. ఈ వ్యవహారం ఎక్కడిదాకా పోతుందో చూడాలి!

narayanaఅవసరమైతే నెల్లూరు నుండి నేనే పోటీకి దిగుతా... అది నగరమైనా? రూరల్‌ అయినా? పార్టీ బలహీనంగా వుందన్న చోట చంద్రబాబు ఆదేశిస్తే పోటీకి నేను సిద్ధం... నెల్లూరు తెలుగుదేశం నాయకులకు మంత్రి పొంగూరు నారాయణ నుండి అందిన సంకేతాలివి.

నెల్లూరు బరిలో నారాయణ దిగుతాడనే ప్రచారం ఇప్పటిది కాదు... 1999 ఎన్నికలప్పటి నుండి ప్రతి అసెంబ్లీ ఎన్నికలలోనూ తెరమీదకొస్తూనే వుంది.

తెరమీద రాజకీయాలు వేరు, తెర వెనుక రాజకీయాలు వేరు. తెరవెనుక రాజ కీయాలు కేవలం కొంత పరిధికి లోబడే వుంటాయి. కాని ప్రత్యక్ష రాజకీయాల్లో అలా కాదు. ఇల్లిల్లూ, వీధి వీధి తిరగాలి. సన్నోడిని, ఉన్నోడిని తేడాలేకుండా పలుక రించాలి. ప్రజలతో ఓపిగ్గా మాట్లాడాలి. వారి సమస్యలు వినాలి. వారి ఇళ్ళల్లో కూర్చోవాలి, వారిచ్చిన మంచినీళ్ళో, మజ్జిగో తాగాలి. ఎన్నికల్లో పోటీ చేసి నప్పుడే కాదు, ఎమ్మెల్యేగా గెలిచిన తర్వాత కూడా 24I7 తన నియోజకవర్గ ప్రజలకు అందుబాటులో వుండాలి. నారాయణకు అలా వుండగలిగే అవకాశముందా? తన వ్యాపార సామ్రాజ్యాన్ని వదులుకుని ప్రజా సేవకు అంకితం కాగలడా?

మూడున్నరేళ్ల నుండి మంత్రిగా వుంటున్నాడు. ఎమ్మెల్సీ అయ్యి మంత్రి అయ్యాడు కాబట్టి ప్రజలతో సంబంధాలు లేకపోయినా సమస్య లేదు. మాకిది చేయ మని ఆయనను ఎవరూ అడగడం లేదు. అదే ఎమ్మెల్యేగా గెలిచి మంత్రి అయ్యుంటే ఇప్పుడున్నంత తాపీగా, ప్రజలతో సం బంధం లేనట్లుగా ఉండగలడా?

పోనీ పార్టీ బలహీనంగా వుందనిపిస్తే నెల్లూరు నగరంలో గాని, రూరల్‌లోగాని పోటీ చేస్తానంటున్నాడు. ఈ రెండు నియో జకవర్గాల్లో ఆయనకు అంత ప్రజాబలం ఉందా? ఈరోజు ప్రత్యక్ష ఎన్నికల్లో గెలవక పోయినా తెలుగుదేశం ప్రభుత్వంలో కీలకస్థానంలో వున్నాడు. రేపు ఎన్నికల తర్వాత ఒకవేళ తెలుగుదేశం ప్రభుత్వమే వస్తే నారాయణ పరిస్థితి ఇంకా మెరుగవు తుందేగాని దిగ జారేదేమీ వుండదు. కావాలంటే రాజ్య సభకు కూడా వెళ్లొచ్చు. చంద్రబాబు వద్ద ఆయనకు అంత పరపతి వుంది. మరి ఈ అవకాశాన్ని వదులుకుని ప్రత్యక్ష ఎన్నికల్లో పోటీ చేసేంత సాహసం చేస్తాడా? పొరపాటున ఓడిపోతే పరువే మైనా వుంటుందా?

అదీగాక చంద్రబాబు కూడా ఆయ నను ఒక అసెంబ్లీకి పరిమితం చేయడు. తెలుగుదేశంపార్టీకి ఈరోజు పెద్ద ఆర్ధిక ఆర్గనైజర్‌ నారాయణ. ఎన్నికలంటే డబ్బుతో కూడుకున్న పని. దాని నిర్వహణ నారా యణకు బాగా తెలుసు. కాబట్టి నారా యణను ప్రత్యక్ష ఎన్నికల్లో దించేంత తెలివి తక్కువ పని చంద్రబాబు చేయకపోవచ్చు.

నేను అవసరమైతే అసెంబ్లీ బరిలోకి దిగుతానని నారాయణ చెప్పడం పెద్ద ఝలక్‌. తాను దిగుతున్నానంటే నెల్లూరులో అలజడి రేగుతుందని, పార్టీ కేడర్‌లో ఉత్సాహం ఉరకలెత్తుతుందని, నాయకులు అలర్ట్‌ అవుతారని, తన పేరు చెబితేనన్నా నెల్లూరులో పడుకుని నిద్రపోతున్న పార్టీ లేచి పరుగులుపెడుతుందనే ఆలోచనలో మాస్టారు ఉన్నట్లున్నాడు. వేచి చూద్దాం ఏం జరుగుతుందో?!

Page 1 of 16

newsbottomad

ఎక్కువగా చదివిన వార్తలు

  • మంత్రి పోటీలో లేకుంటే.. మేమే...
    నెల్లూరు నగరం నుండి మంత్రి నారాయణ పోటీ చేస్తే... గెలుపు ఆయనదే! నెల్లూరు నగర టీడీపీ నాయకుల స్టేట్‌మెంట్‌ ఇది. ఇది పైకి మాత్రమే! ఆయన పోటీ చేయకుంటే మాత్రం సీటు మాకే ఇవ్వాలి. ఇదీ నాయకుల మనసులోని మాట. సీటును…
  • ఆత్మకూరులో... సమన్వయం సాధ్యమేనా?
    2019 ఎన్నికల్లో ఆత్మకూరు నియో జకవర్గం నుండి తెలుగుదేశం పార్టీ అభ్యర్థిగా ఆనం రామనారాయణరెడ్డి వుంటాడు. నూటికి 99శాతం ఇది పక్కా. ఆ ఒక్క శాతం ఇంకేవైనా అనుకోని పరి ణామాలు జరిగితే మార్పుండొచ్చు. ఆనంకు సీటు ఇవ్వడం కోసమే ఇక్కడ…
  • ప్రాణాలను మింగుతున్న చెరువులు
    అన్నెంపున్నెం ఎరుగని, ఆడుతూపాడుతూ తిరిగే ముగ్గురు చిన్నారులను చెరువు మృత్యుకౌగిలిలోకి తీసుకెళ్లింది. ముగ్గురు చెరువులో మునిగి విగతజీవులుగా మారారు. తమ బిడ్డలు ఇక లేరని తెలియడంతో తల్లిదండ్రులు గుండెలవిసేలా రోధించారు. ఈ హృదయ విదారక ఘటన నెల్లూరుజిల్లా దొరవారిసత్రం మండలం వడ్డికండ్రిగ…
  • పోలవరం... ఇక కలవరం
    ఈ ప్రాజెక్ట్‌ నువ్వే చెయ్యాలి బాబూ అని వాళ్ళు అడగలేదు... ఆ ప్రాజెక్ట్‌ వాళ్ళ బాధ్యత... పూర్తి చేయాల్సింది వాళ్ళు... రాష్ట్ర విభజన చట్టంలో క్లియర్‌గా వుంది. ఈయన తగుదునమ్మా అంటూ వెళ్ళాడు... పోలవరం ప్రాజెక్ట్‌ నిర్మాణ బాధ్యత మేమే తీసుకుంటామన్నాడు.…
  • వీళ్ళు... సీతయ్యకు అన్నయ్యలు
    మోచేతి నీళ్ళు తాగే ఆఫీసర్లు ఉన్నంతవరకే ప్రజాప్రతినిధులు ఏ ఆటయినా ఆడగలరు. అధికారి అడ్డం తిరిగాడంటే ప్రజా ప్రతినిధి కాదు కదా ముఖ్యమంత్రి కూడా ఏమీ చేయలేడు. అది ఏ పార్టీ అయినా... ఏ ప్రభుత్వమైనా! అధికారులు కరెక్ట్‌గా వుంటే ప్రజాప్రతినిధులు…

Newsletter