narఆనం వాళ్లు... సూదిని దూర్చే సందిస్తే చాలు... దబ్బలాన్ని కాదు, ఏకంగా దూలాన్నే దూర్చేస్తారు. రాకీయాలలో అంతటి ఘటికులు వాళ్లు. తెలుగుదేశం పార్టీలో వాళ్లు చేరినరోజే అర్ధమైపోయింది... ఆ పార్టీలో వున్న మిగతా నాయకులకు బ్యాండ్‌ పడుతుందని. ఈ వరుసలో ముందు నిలిచినవాడు మేయర్‌ అజీజ్‌!

మున్సిపల్‌ మంత్రి నారాయణ ఏరికోరి వైసిపి నుండి గెలిచిన అజీజ్‌ను తెలుగుదేశంలోకి తెచ్చుకున్నాడు. తన పార్టీకి చెందిన డాక్టర్‌ జడ్‌.శివప్రసాద్‌ ఆ రోజున్న పరిస్థితుల్లో మేయర్‌గా గెలవడానికి ఛాన్సున్నా, మంత్రి ఆ అవకాశాలకు గండికొట్టి అజీజ్‌ను మేయర్‌ పీఠమెక్కించి, తెలుగుదేశంలోకి తీసుకున్నాడు. అజీజ్‌ కూడా 2015 చివరి దాకా మంత్రి నారాయణ మనిషిగానే మసలుకున్నాడు. ఈ ఏడాది ఆరంభంలో ఎప్పుడైతే ఆనం సోదరులు తెలుగుదేశంలో చేరారో అప్పుడే అజీజ్‌ పవర్‌ తగ్గడం మొదలైంది. ఆనం వివేకా, ఆనం రంగమయూర్‌లు బహిరంగం గానే అజీజ్‌పై విమర్శలకు తెరలేపారు. మంత్రి నారాయణ కూడా వారి నోటికి కళ్లెం వేసే ప్రయత్నం చేయలేదు.

ఇటీవల కార్పొరేషన్‌లో ఇద్దరు శానిటరీ ఉద్యోగుల బదిలీ ఇరు వర్గాల వారికి ప్రతిష్టాత్మకంగా మారడం జరిగింది. వారిద్దరే లక్ష్యంగా మేయర్‌ అజీజ్‌ లక్కీ డిప్‌ ద్వారా శానిటరీ ఉద్యోగుల బదిలీ ప్రక్రియను నిర్వహించారు. ఈ లక్కీ డిప్‌లో ఆనం వర్గీయులు ఇద్దరికీ చెత్తపోస్టులు వచ్చాయి. దీంతో ఆనం వర్గం మరోసారి మేయర్‌పై విమర్శల యుద్ధాన్ని తీవ్రం చేసింది.

కాగా, ఇటీవల కాలంలో మంత్రి వద్ద అజీజ్‌ కంటే ఆనం మాటకే పరపతి పెరగసాగింది. అజీజ్‌ ఒక డివిజన్‌ స్థాయి నాయకుడు. కాని, ఆనం వర్గంతో జిల్లా వ్యాప్తంగా రాజకీయ అవసరాలున్నాయి. కాబట్టి నారాయణ కూడా ఆనంకే విలువ ఇవ్వసాగాడు. ఈ నేపథ్యంలోనే ఆనం మాట విని, ఆ వర్గానికి చెందిన ఇద్దరు శానిటరీ ఉద్యోగులు తిరిగి వాళ్లు కోరుకున్న స్థానాలకు రాగలిగారు. ఇక తనతో మాట మాత్రం కూడా చెప్పకుండా ఏడుగురు సిటీ ప్లానింగ్‌ సిబ్బందిపై సస్పెండ్‌ వేటు వేయడాన్ని కూడా అజీజ్‌ జీర్ణించుకోలేకపోతున్నాడు. తనకు తెలియకుండానే కార్పొరేషన్‌లో అన్నీ జరిగిపోతుంటే ఇక తాను ఎందుకుండడం అన్నట్లుంది ఆయన పరిస్థితి. ఈ బాధంతా ఆయన మొన్న లోకేష్‌ ముందు కూడా వెళ్లగక్కాడు.

ఏదో కొంపలంటుకుపోయినట్లు మేయర్‌గా గెలిచీ గెలవ గానే అజీజ్‌ తెలుగుదేశంలో చేరాడు. అదే వైకాపాలో ఉండుంటే ఆ గౌరవం, ఆ హోదా ఎక్కడికీ పోయేవి కావు. మున్సిపల్‌ మంత్రి సొంత నగరంలో ఆయన ప్రథమపౌరుడిగా వుంటూ తన హోదా, పరపతిని ఎంతగానో పెంచుకుని వుండేవాడు. తెలుగుదేశంలో ఇప్పుడు ఆ విలువ ఎక్కడుంది?

adalaమున్సిపల్‌ మంత్రి పి.నారాయణ వ్యవహారశైలిపై మాజీమంత్రి, నెల్లూరురూరల్‌ ఇన్‌ఛార్జ్‌ ఆదాల ప్రభాకర్‌రెడ్డి ఇటీవలకాలంలో బాగా కోపంతో వున్నాడు. మంత్రికి ఆదాలకు మధ్య ప్రత్యక్షయుద్ధాలు, వర్గపోరు, కుమ్ములాటలు, సీట్ల కొట్లాటలు ఏవీ లేవు. ఒకరకంగా చెప్పాలంటే 2014ఎన్నికల సమయంలోగాని, ఆ తర్వాతగాని ఇద్దరూ బాగానే వున్నారు. నారాయణ కూడా ఆదాలకు చాలా ప్రాధాన్యతనిచ్చేవాడు. కాని మంత్రి నారాయణ సొంతంగా చొరవతీసుకుని ఆనం సోదరులను తెలుగుదేశంలోకి తీసుకురావడం తెలిసిందే! అప్పుడే ఆదాలకు మండింది. ఆరోజుకు ఆయన సరేలే అని ఊరుకున్నాడు. ఆ తర్వాత ఆనం సోదరుల ప్రమేయంతో ఆదాల క్రిందే మంటపెట్టే ప్రయత్నం జరిగింది. ఆనం బ్రదర్స్‌ డైరెక్షన్‌లో నెల్లూరు నగరం బాధ్యతలు ఆనం బ్రదర్స్‌ చూసుకునేలా, నెల్లూరు గ్రామీణ ఇన్‌ఛార్జ్‌గా నారాయణను నియమించేలా మాట్లాడుకున్నారు. ఇది తెలిసి ఆదాల సీరియస్‌ అయ్యాడు. జన్మభూమి సభలలో కూడా పాల్గొనకుండా చంద్రబాబు వద్దే పంచాయితీ పెట్టాడు. చివరకు చంద్రబాబు కొత్త మార్పులు లేకుండా ఆదాలనే రూరల్‌ ఇన్‌ఛార్జ్‌గా కొనసాగేలా చేసాడు.

ఇంతవరకు బాగానే వుంది. కాని నారాయణతో కలిసి ఆనం సోదరులు తనకు పొగపెడతారనే భయం ఆదాలలో ఉంది. ఈ నేపథ్యంలో నారాయణతోనే తాడోపేడో తేల్చుకుంటే సరిపోతుందనుకుంటున్నాడు. ఈ తరుణంలోనే నెల్లూరులో అక్రమ కట్టడాల కూల్చివేత సబ్జెక్ట్‌ ఆయనకు అస్త్రంగా దొరికింది. దీనిని పెట్టుకునే నారాయణపై ఆదాల విమర్శలు ఎక్కుపెట్టాడు. విజయవాడలో కూర్చుని నిర్ణయాలు తీసుకుంటే సరిపోదని, ప్రజల మధ్య వుండే మేమేం కావాలంటూ ఆయన నారాయణపై గట్టిగానే దాడి చేశాడు. దాదాపు నెల్లూరు నగరం సగభాగం రూరల్‌ నియోజకవర్గం పరిధిలోకి వస్తుంది. కూల్చివేతల ప్రభావం ఆదాల మీద కూడా పడుతుంది. రాబోయే ఎన్నికల్లో ఈ ప్రభావం ఖచ్చితంగా పార్టీపై పడుతుంది. దీనిని దృష్టిలో పెట్టుకోవడంతో పాటు ఆనం సోదరులతో అంటకాగుతున్న నారాయణను ఎండగట్టేందుకే ఆదాల ఆయనతో తాడోపేడో తేల్చుకునే పనిలో వున్నాడని తెలుస్తోంది.

gunapamఎవరి పాపాలకు ఎవరు బాధితులు? ఎవరి అవినీతికి ఎవరు బలవు తున్నారు? ఎవరి అహంకారానికి ఎవరు మూల్యం చెల్లిస్తున్నారు? తప్పులు చేసేది, తప్పుడు పనులు చేయించేది పాలకులు, అధికారులూ... శిక్షలు అనుభ వించాల్సింది ప్రజలా? ఓట్లేయించుకున్నదాకా ఓ పాట...? ఓట్లేయించుకున్నాక ఇంకో మాట...? మీకు ఓట్లేసింది, మీ పార్టీని అధికారంలోకి తెచ్చింది విధ్వంసాలు సృష్టించడానికా? అవినీతి విన్యాసాలు పుట్టించడానికా?

కాంగ్రెస్‌ ప్రభుత్వంలో మున్సిపల్‌ మంత్రిగా నెల్లూరుజిల్లాకు చెందిన ఆనం రామనారాయణరెడ్డి ఉన్నప్పుడు జిల్లాలో పంచాయితీలుగా వున్న ఆత్మకూరు, సూళ్లూరుపేటలను మున్సిపాల్టీలుగా మార్చాడు. జిల్లాలోని మున్సిపాల్టీలలో అభివృద్ధి పనులకు అదనపు నిధులు తెచ్చాడు. ఒక మంత్రి చేయాల్సింది ఇది.

ఇప్పుడు ఇదే జిల్లాకు చెందిన పి.నారాయణ మున్సిపల్‌ మంత్రిగా

ఉన్నాడు. ఆయన ఏం చేసాడని ప్రశ్నిస్తున్న వారికి గుండెల్లో గునపాలు దిగే సమా ధానం చెప్పాడాయన. మున్సిపల్‌ మం త్రయ్యి రెండున్నరేళ్లు కావస్తున్నా ఈ జిల్లాకు నిధులు తేలేదు, అభివృద్ధి పనులు తేలేదు... కాని, నెల్లూరు నగరంలో పాల కులకు, అధికారులకు లంచాలిచ్చి మున్సి పల్‌ అప్రూవల్స్‌ను అధిగమించి కట్టిన భవనాలను కూలగొట్టడానికి మాత్రం ప్రొక్లెయిన్‌లు తెప్పించాడు. నగరంలో టౌన్‌ప్లానింగ్‌ సిబ్బంది 300 అక్రమ కట్ట డాలను గుర్తించగా, వాటిలో స్క్రీనింగ్‌ జరిపి మొదటి వరుసలో 50కట్టడాలను పెట్టారు. ఈ నెల 17, 18, 19తేదీలలో ప్రొక్లెయిన్‌లు, గడ్డపారలు తీసుకుని వాటి మీద పడ్డారు. కొన్ని భవనాలను కూల్చే సారు. బాధితులు క్రిందా మీద పడ్డా, కాళ్ళా వేళ్ళా పడ్డా, కన్నీళ్ళతో వేడుకున్నా ఆందోళనలతో అడ్డుకున్నా... ఏ మాత్రం వెనక్కి తగ్గకుండా మండపాలవీధి, శెట్టి గుంటరోడ్డు, బి.వి.నగర్‌ వంటి కొన్ని ప్రాం తాల్లో అక్రమ కట్టడాలను కూల్చేశారు.

ప్రొక్లెయిన్‌లు, గడ్డపారలు తీసుకుని టౌన్‌ప్లానింగ్‌ సిబ్బంది బయలుదేరుతుంటే భవన యజమానుల గుండెల్లో విమానాలు పరుగెత్తాయి. తమ కట్టడాల జోలికి రాకుండా చేసుకునేందుకు ఎవరి పాట్లు వాళ్ళు పడ్డారు. ఆ మూడురోజులు

వాళ్ళు నిద్రలేని రాత్రులే గడిపారు.

రాజకీయ వ్యతిరేకత

ఉన్నఫళంగా అక్రమ కట్టడాల పేరుతో భవనాలను కూల్చడాన్ని ప్రధాన ప్రతి పక్షంగా వైకాపా తీవ్రంగా వ్యతిరేకించింది. కార్పొరేషన్‌లో వైకాపా ప్రతినిధులు

డిప్యూటీ మేయర్‌ యం.ద్వారకానాథ్‌, ఫ్లోర్‌లీడర్‌ పి.రూప్‌కుమార్‌యాదవ్‌, విప్‌ బొబ్బల శ్రీనివాసయాదవ్‌, ఇతర కార్పొరేటర్లు దీనికి వ్యతిరేకంగా గట్టిగా పోరాడారు. ఇక తెలుగుదేశం నాయకులు కూడా దీనిని బలంగా వ్యతిరేకించారు. ఇలా అడ్డదిడ్డంగా కూలగొడితే వచ్చే ఎన్నికల్లో ప్రజల్లోకి వెళ్లలేమని టిడిపి కార్పొరేటర్లు బాహాటంగానే తమ బాధను వెళ్లగక్కారు. తెలుగుదేశంపార్టీ నెల్లూరు రూరల్‌ ఇన్‌ఛార్జ్‌ ఆదాల ప్రభాకర్‌రెడ్డి అయితే భవనాల విధ్వంసంపై నిప్పులు కక్కారు. నేరుగా మంత్రి నారాయణ మీదనే విమర్శలు ఎక్కుపెట్టాడు. ఆదాల విమర్శల ధాటితో పార్టీ అధిష్టానంలో కలకలం రేగింది.

ఇంత సీన్‌ ఎందుకు?

మున్సిపల్‌ మంత్రిగా నారాయణ ఏమీ చేయడం లేదన్న విమర్శలున్నాయి. అదీ గాక ఇటీవల కాలంలో నెల్లూరు నగర పాలక సంస్థ అవినీతికి నిలయంగా, కలెక్షన్‌ల కేంద్రంగా మారిందన్న ఆరోపణలు వెల్లువెత్తుతున్నాయి. కార్పొరేషన్‌ సిబ్బంది అవినీతికి సాక్ష్యమన్నట్లు ఈ ఏడాదిలోనే లంచం తీసుకుంటూ అసిస్టెంట్‌ టౌన్‌ ప్లానింగ్‌ ఆఫీసర్‌ ఏసిబికి రెడ్‌హ్యాండెడ్‌గా పట్టుబడ్డాడు. అలాగే బిల్డింగ్‌ సూపర్‌వైజర్‌ కృష్ణయ్య ఆదాయానికి మించిన ఆస్తుల కేసులో ఏసిబికి చిక్కాడు. ఇంకా పలు అవినీతి ఆరోపణలున్నాయి. ఇక టౌన్‌ ప్లానింగ్‌ విభాగంలో అవినీతి మూడు పువ్వులు ఆరు కాయలుగా వర్ధిల్లుతుం దన్నది నగ్నసత్యం. భవన యజమానుల నుండి కలెక్షన్‌లు దండుకుంటూ అక్రమ నిర్మాణాలకు టౌన్‌ప్లానింగ్‌ సిబ్బంది సహకరిస్తున్నారు. నెల్లూరు కార్పొరేషన్‌ అవినీతి జమానాగా, అక్రమాల ఖజానాగా మారడంతో, సొంత కార్పొరేషన్‌ సరిదిద్దుకోలేని వాడివి ఇక మున్సిపల్‌ మంత్రిగా ఏం పీకుతావన్న సూటిపోటి మాటలు నారాయణకు సూటిగానే తగులుతున్నాయి.

రాజకీయ వివాదాలు

నెల్లూరు కార్పొరేషన్‌లో నెలకొన్న వివాదాలు సైతం భవనాల విధ్వంసానికి దారి తీసాయని చెప్పవచ్చు. మేయర్‌తో ఆనం వివేకాకు పడదు. ఆదాలకు గిట్టదు. సోమిరెడ్డికి దూరం. సొంత పార్టీ కార్పొ రేటర్లే మేయర్‌కు వ్యతిరేకం. ఈమధ్య ఆనం, అజీజ్‌లు పరస్పర దూషణలతో రోడ్డెక్కారు. పంచాయితీ చంద్రబాబు దాకా పోయింది. అక్కడా నారాయణకు చీవాట్లే... ఈ గొడవల నుండి అందరి దృష్టిని మళ్ళించేందుకే నారాయణ ఈ విధ్వంస రచనకు పూనుకున్నాడని టాక్‌.

నారాయణ నెల్లూరుకు ఏమీ చేయ లేదు... అని అంటుంటే ఉన్నట్లుండీ పెద్ద సంచలనమే రేపాడు. ఎవరు వూహించని విధంగా అక్రమ కట్టడాల విధ్వంసానికి పచ్చజెండా వూపి ఇటు తెలుగుదేశం నాయకులు, అటు భవన యజమానులకు కంటి మీద కునుకు లేకుండా చేశాడు. మూడురోజులకే నారాయణ వేసిన సెల్ఫ్‌ గోల్‌కు నెల్లూరు నగర తెలుగుదేశం నాయ కులు అతలాకుతలమయ్యారు. నగరంలో ఈ విధ్వంసం ఇంకో వారం కొనసాగి వుంటే తెలుగుదేశం నాయకులు నెల్లూరు వీధుల్లో తిరిగే పరిస్థితి కూడా ఉండేది కాదు. మొత్తం మీద మంత్రిగా నారాయణ తన పవర్‌ను అభివృద్ధి పనుల్లో చూపక పోయినా ఇలా చూపించి హడలెత్తించాడు.

ఒత్తిళ్ళతో తగ్గిన కూల్చివేత

నలువైపుల నుండి రాజకీయ ఒత్తిళ్ళు రావడంతో మంత్రి నారాయణ దిగి రాక తప్పలేదు. నగరంలో కట్టడాల కూల్చి వేతను ఆపాలంటూ టౌన్‌ప్లానింగ్‌ డైరెక్టర్‌ రఘుకు ఆదేశాలొచ్చాయి. దాంతో ఆయన ఈ తొక్కలో పంచాయితీకి ఇంత హం గామా ఎందుకన్నట్లు మూటాముల్లె సర్దే శారు. చివరకు అక్రమ కట్టడాల క్రమ బద్ధీకరణకు ప్రభుత్వం నెలరోజుల గడువు ఇచ్చింది. దీంతో భవన యజమానులకు పోయిన ఊపిరి తిరిగి వచ్చినట్లయ్యింది.

మంకుపట్టు మంత్రి

నెల్లూరులో అక్రమ కట్టడాల కూల్చివేతపై మంత్రిగా నారాయణ చాలా మొండి పట్టుదలకు పోయాడు. తనపై, అలాగే కార్పొరేషన్‌పై వస్తున్న ఆరోపణలను సైడ్‌ చేసేందుకే ఆయన ఈ పంచా యితీ పెట్టుకున్నాడు. ఉన్నఫళంగా కట్టుకున్న భవనాలను కూలిస్తే పార్టీకి ఎంత నష్టం, స్థానికంగా వుండే తన పార్టీ నాయకులకు ఎంత కష్టం అన్నది ఆయన ఆలోచించలేదు. ఎంతమంది ఉసురు తనకు తగులుతుందనే ఆలోచన ఆయనకు రాలేదు. ఆరునూరైనా అక్రమ కట్టడాలను కూల్చేయాల్సిందేనంటూ తాఖీదు జారీ చేశాడు. నాలుగు ఇళ్లు కడితే ఓట్లొస్తాయి, నాలుగు ఇళ్లు కూలగొడితే వచ్చే ఓట్లు పోతాయ్‌. ప్రజలతో సంబంధాలు లేని వాళ్ళు, ప్రజల ఓట్లతో పనిలేని వాళ్ళు మంత్రులైతే ఇలాంటి నిర్వాకాలే జరుగు తాయంటూ తెలుగు తమ్ముళ్ళు తలలు పట్టుకున్నారు. మొత్తానికి నారాయణ దెబ్బకు అందరూ 'అబ్బా' అని అరవాల్సి వచ్చింది.

Page 7 of 17

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • రెండు నెలల్లో... ట్రెండ్‌ మారింది
    రాజకీయాలలో పరిస్థితులు తారుమారు కావడానికి ఎంతో కాలం పట్టదు. నాలుగేళ్ళ పదినెలలు సమర్ధవం తంగా పని చేసిన ఒక ప్రభుత్వం ఒక చిన్న తప్పు చేస్తే ఒక్క నెలలోనే గబ్బు పట్టొచ్చు. దాని మూలంగానే ఎన్నికల్లో ఓడిపోవచ్చు. నాలుగేళ్ళ పది నెలల…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…

Newsletter