chetta chadaramనెల్లూరు నగరంలో మున్నెన్నడూ లేనంతగా విషజ్వరాలు జనాన్ని గడగడ వణికిస్తున్నాయి. నగరమంతా ఎక్కడ చూసినా మురుగు గుంతలతో, పారిశుద్ద్యం పరమ అద్వాన్నంగా ఉండడంతో దోమలు పెరిగిపోయి ప్రజలు నానా రకాల వ్యాధులకు గురవుతున్నారు. అయినా, అధికారగణం ఏమాత్రం పట్టించుకోవడం లేదు. దీంతో జ్వరపీడితులతో ఆసుపత్రులు కిటకిట లాడుతున్నాయి. అటు కార్పొరేషన్‌ కానీ, వైద్యఆరోగ్యశాఖ కానీ ఈ విషజ్వరాలను నివారించడానికి ముందస్తు చర్యలేమీ తీసుకోకపోవడంతో ఎప్పటికప్పుడు ప్రతి సీజన్‌లోనూ సీజనల్‌ వ్యాధులు, విషజ్వరాలు మరింతగా ప్రబలిపోతున్నాయి.

ఇటీవల నగరంలో భూగర్భ డ్రైనేజీ కోసమని ఎడాపెడా తవ్వేస్తున్న గుంతలతో రోడ్లన్నీ మురుగ్గుంటలుగా..అవే దోమల గుంతలుగా మారిపోయాయి. వీధుల్లో మురుగునీటి ప్రవాహాలు వెల్లువెత్తుతున్నాయి. 'ఏ వీధి చూసినా ఏమున్నది గర్వకారణం.. ప్రతివీధి సమస్తం మురుగు ప్రవాహం'..అన్నట్లుగా అంతా దుర్గంధమే. చిన్న వాన కురిసినా చాలు, ఇక నెల్లూరు రోడ్ల మీద నడవాలంటేే సర్కస్‌ చేయాల్సివస్తోంది. ఏ వీధి చూసినా మురుగుదిబ్బలు.. చెత్తకుప్పలతో నిండిపోవడంతో నగరమే ఒక మురికికూపంగా ఉంది. అధికారులు ఎప్పటికప్పుడు ఈ పరిస్థితులను పర్యవేక్షిస్తున్నామని చెప్తున్నా, ఆచరణలో నానాటికీ దుర్గంధం పెరిగి పోతుండడమే తప్ప పారిశుద్ద్య పరిస్థితి బాగుపడిందే లేదు. అంతేకాక, సైడుకాలువల కోసం తవ్విన గుంతల్ని పూడ్చే పనులు నామమాత్రంగానే ఉండడంతో నగరప్రజల్లో తీవ్ర అసంతృప్తి వ్యక్తమవుతోంది. ఏ వీధి చూసినా ఇదే వేదన. బాగున్న రోడ్లన్నీ గుంతలమయం చేశారని, రేపో మాపో వచ్చి బాగుచేస్తారులే అనుకుంటే రోజులు గడిచినా ఆ గుంతలు పూడ్చేవారే కరువయ్యారని ఆయా ప్రాంతాల ప్రజలు వాపోతున్నారు. అతుకులు గతుకులుగా, గుంతలు మిట్టలుగా తయారైన రోడ్లను చూసి ఈ నగరవీధులకు ఎంత దుస్థితి పట్టిందో కదా అని వాపోతున్నారు. నగరంలో దోమలు ఎంతగా ప్రబలిపోయి వీరవిహారం చేస్తున్నా దోమలను నివారించే ఫాగింగ్‌ యంత్రాలు మాత్రం కనిపించడం లేదు. ఉన్నతాధికా రులు ఎప్పుడో ఒకసారి కఠినంగా ఆదేశించిన రోజున మాత్రం ఆ సిబ్బంది అలా వచ్చి ఇలా వెళ్ళిపోతారే తప్ప నగరంలో పారిశుద్ద్యాన్ని క్రమబద్ధంగా ఉండేలా చర్యలు తీసుకోవడం లేదు. నగరంలోని ట్రంకు రోడ్డు, స్టోన్‌హౌస్‌పేట, పెద్దబజారు, చిన్నబజారు, మూలాపేట, రంగ నాయకులపేట, బాలాజీనగర్‌, దర్గామిట్ట, వేదాయపాళెం ఇలా ఏ ప్రధాన ప్రాంతంలోని వీధుల్లోకెళ్ళినా అపారిశుద్ద్యమే. చివరికి కలెక్టర్‌ కార్యా లయం చుట్టుపక్కల ఉన్న రోడ్లు కూడా పరమ అధ్వాన్నంగా చెత్తకుప్పల మయంగా దర్శనమిస్తున్నాయి. వానొస్తే నీరంతా ఆ గుంతల్లోనే నిల్వ ఉండడంతో, అవి మురుగునీటి గుంటలుగా మారుతుంటాయి. ఒక్కోసారి ఆ ప్రాంతాల్లో మంచినీటి పైపులు పగిలిపోయి ఉంటే ఆ మురుగంతా ఆ పైపుల్లోకి వచ్చేస్తుంటుంది. రోడ్డు మధ్యలోనే ఉన్న ఆ గుంతలు అటు వాహనాల రాకపోకలకు, ఇటు పాదచారులకు ఎంతో ఇబ్బందిగా ఉన్నా నిత్యం అనేకమంది అధికారులు కూడా ఆ దారుల్లోనే వాహనాల్లో

వెళ్తున్నా, చూసీ చూడనట్లు వెళ్తుంటారే తప్ప ప్రజల బాధలు అస్సలు పట్టించుకోవడం లేదని నగరవాసులు ఆవేదన వ్యక్తం చేస్తున్నారు. ఎంతమంది ఎన్నివిధాలుగా చెప్తున్నా గతుకుల మయంగా ఉన్న రోడ్లను బాగుచేసిందీ లేదు.. ఆ గుంతలను సక్రమంగా పూడ్చిందీ లేదు. ఇదీ దుస్థితి. ఇక ఆ గుంతల్లోని మురుగంతా రోజుల తరబడి వాహనాల తొక్కిడితో బురదగా మారి, అదే ఎండకు ఎండి..చివరికి మట్టిగా మారి.. దానిపాటికదే గాలిలో... ధూళిలో కలసిపోవాల్సిందే తప్ప ఇక మరో మార్గాంతరం ఉండడం లేదు. తద్వారా ఏర్పడుతున్న ఆ దుర్గంధపూరిత వాతావరణానికి, ఆ కాలుష్యానికి సమీప ప్రాంతాల్లోని ప్రజలు, ముఖ్యంగా చిన్నారులు, రోగనిరోధకశక్తి బలహీనమైపోయిన వృద్ధులు లేనిపోని వ్యాధుల బారినపడుతూ నానా బాధలు పడుతున్నారు. అక్కడక్కడా కొన్ని ప్రాంతాల్లో ప్రజలకు వైరల్‌ ఫీవర్స్‌తో పాటు, డయేరియా, డెంగ్యూ తదితర ప్రాణాంతక వ్యాధులు కూడా వస్తున్నా అధికారుల్లో ఏమాత్రం చలనం ఉండడం లేదని ప్రజలు ఆందోళన చెందుతున్నారు. ఒక్క నగరంలోనే కాక, జిల్లావ్యాప్తంగా మండల కేంద్రాల్లో, గ్రామాల్లోనూ, ప్రతి పంచాయితీలోనూ ఇదే పరిస్థితి. పారిశుద్ద్య పరిరక్షణకు నిధులున్నా సిబ్బంది, అధికారులు అనేకమంది ఉన్నా పారిశుద్ద్య పరిస్థితి మాత్రం ఎక్కడ వేసిన గొంగళి అక్కడనే అన్నట్లుగా ఉంది. ముఖ్యంగా నగరంలో విషజ్వరాలు మరింతగా ప్రబలుతున్నా ఎవరూ పట్టించుకోవడం లేదని, పారిశుద్ద్యాన్ని పరిరక్షించకపోవడంతో, ఎక్కడ చూసినా దుర్గంధమే తాండవిస్తోందని ప్రజలు తీవ్ర అసంతృప్తి వ్యక్తం చేస్తున్నారు. ప్రజలు అనేకరకాల వ్యాధుల బారినపడి ఆసుపత్రులకు వెళ్తే ఆ పరీక్షలు ఈ పరీక్షలని అధికమొత్తంలో డబ్బు గుంజేసుకుంటున్నారని, ఈ బాధలనుంచి తమను కాపాడేదెవరని ప్రజలు మరింతగా ఆవేదన వ్యక్తం చేస్తున్నారు.

ఇకనైనా, జిల్లా కలెక్టర్‌ తదితర ఉన్నతాధికారులు నగరంలోని వీధులను, ప్రధానరోడ్లను స్వయంగా పరిశీలించి, గుంతలు పూడ్పించి రోడ్లను బాగుచేసేందుకు చర్యలు తీసుకోవాలని, ప్రజలను తీవ్ర ఆందో ళనకు గురిచేస్తున్న విషజ్వరాలను నివారించడానికి, అధ్వాన్నంగా ఉన్న పారిశుద్ద్య పరిస్థితిని వెంటనే మెరుగుపరచడానికి తక్షణ చర్యలు తీసుకోవాలని ప్రజలు కోరుకుంటున్నారు.

crick bettingనెల్లూరుజిల్లాకు పిహెచ్‌డి రామకృష్ణ అనే ఒక ఎస్పీ వస్తాడని, బెట్టింగ్‌ రాయుళ్ళపై ఈ స్థాయిలో విరుచుకు పడతాడని, బుకీల బొక్కలు విరిచేస్తాడని ఎవరూ ఊహించ లేదు. అసలు బెట్టింగ్‌పై ఈ స్థాయిలో పోలీస్‌ ఆపరేషన్‌ వుంటుందని ఎవరూ అంచనా కూడా వేయలేదు. తిన్నామా, తిరిగామా, పడుకున్నామా అన్న పాలసీని అనుసరించే ఎస్పీలు వస్తే బెట్టింగే కాదు, అన్ని రకాల అవలక్షణ కార్యక్రమాలు నిర్వి ఘ్నంగా జరిగిపోతుంటాయి. సిన్సియర్‌ పోలీసు ఆఫీసర్లు వస్తే రౌడీయిజాన్ని అణచి వేయడం, దొంగతనాలను అరికట్టడం, ట్రాఫిక్‌ను దారిలో పెట్టడం వంటివి ప్రధానంగా జరుగుతుంటాయి. కాని, రామకృష్ణ వచ్చీరావడంతోనే బెట్టింగ్‌పై ఉక్కుపాదం మోపాడు. దాదాపు రెండువారాల పాటూ ఈ కేసులో లోతైన విచారణ నిర్వహించి ప్రధాన బుకీలను, పంటర్లను, బెట్టింగ్‌ ఆడేవాళ్లను అందరూ కలిపి 115మందిని దాకా అరెస్ట్‌ చేసి కోర్టుకు పెట్టడం తెలిసిందే! కోర్టు మెట్లెక్కి నిందితులకు బెయిల్‌ రావడంతోనే ఈ కేసును అక్కడితో వదిలేస్తారనుకున్నారు. అయితే ఎస్పీ మళ్ళీ వదల్లేదు. జ్యూడిషియల్‌ కష్టడీలో వున్న ఐదుమంది ప్రధానబుకీలు కృష్ణసింగ్‌, షేక్‌ షంషీర్‌, డిటిఎస్‌ రమేష్‌, తన్నీరు రమేష్‌కుమార్‌, అల్లూరు అనిల్‌కుమార్‌రెడ్డిలను తిరిగి కోర్టు అనుమతితో పోలీసు కష్టడీకి తీసుకుని విచారించారు. ముఖ్యంగా బుకీలకు జిల్లాలోని ఇతర ప్రముఖులకు మధ్య వున్న సంబంధాలను బయటకు తెచ్చే క్రమంలోనే ఆయన విచారణ జరుపుతున్నట్లు తెలుస్తోంది. కాగా, బెట్టింగ్స్‌ మాఫియాతో అధికార, ప్రతిపక్ష పార్టీలలోని పలువురు నాయకులకు సంబంధాలున్నట్లు వెల్లడైంది. వైసిపి నాయకులను మాత్రం పోలీసులకు అరెస్ట్‌ చేశారు. అధికారపార్టీకి చెందినవాళ్ళు మాత్రం పరారీలో వున్నారు. వీళ్లను కూడా పట్టుకునేందుకు పోలీసులు గాలిస్తున్నారు. మొత్తానికి ఎస్పీ ఆ పార్టీ ఈ పార్టీ అని లేకుండా అందరికీ చెమటలు పట్టిస్తున్నాడు.

kotamజిల్లా రాజకీయాలలోనే కాదు, బహుశా దేశ రాజకీ యాలలోనే ఇదో సంచలనం. శాసనసభ్యుల జీతాలు పెంచ డాన్ని సాక్షాత్తూ అసెంబ్లీలోనే వ్యతిరేకించి కొత్త వొరవడికి శ్రీకారం చుట్టిన కోటంరెడ్డి శ్రీధర్‌రెడ్డి... ఇప్పుడు తనపై వచ్చిన ఆరోపణలను నిగ్గు తేల్చాలంటూ బహిరంగంగా ప్రజలమధ్య కొచ్చి ఏకంగా జిల్లా పోలీసు యంత్రాం గాన్నే నేరుగా కలసి సవాల్‌ విసరడం అతిపెద్ద చర్చనీయాంశంగా మారింది.

నెల్లూరురూరల్‌ శాసనసభ్యుడిగా తాను గెలిచిన నాటి నుండి ప్రజల వాడిగా నిరంతరం ప్రజల సమస్యలు తెలుసుకునే ప్రజల నాడిగా తనదైన పంధాలో తన భవిష్యత్‌ ప్రగతికి బాటలు వేసుకుంటూ ముందుకు సాగుతున్నాడు. ప్రజాసేవకు అధికారపార్టీయే అవసరం లేదని, సమస్య పరిష్కరించడానికి చిత్తశుద్ధి వుంటే ప్రతి పక్షంలో వున్నా పరవాలేదని రుజువుచేస్తూ ప్రజాభిమానాన్ని పొందుతున్న ఎమ్మెల్యే లలో మొదటి స్థానంలో వుంటాడు శ్రీధర్‌.

ఇటీవల జిల్లాలో క్రికెట్‌ బెట్టింగ్‌ వ్యవ హారం సంచలనమైన విషయం అందరికీ తెలిసిందే. బెట్టింగ్‌ బాబుల భరతం పడ తానని చెప్పి జిల్లాకి క్రొత్తగా వచ్చిన ఎస్‌.పి పి.హెచ్‌.డి.రామకృష్ణ కేవలం ప్రకటనలకే పరిమితం కాకుండా తన పనితనాన్ని కూడా చూపాడు. ఆ పార్టీ ఈ పార్టీ అన్న తేడా లేకుండా అన్ని పార్టీల వారినీ పట్టి లోపలేశాడు. ఈ క్రమంలోనే శ్రీధర్‌రెడ్డి ముఖ్య అనుచరుడిని సైతం పోలీసులు అరెస్టు చేసారని, అనంతరం జరిగిన విచా రణలో ఓ వైసిపి ఎమ్మెల్యేకి 40లక్షలు ముట్టజెప్పినట్లుగా శ్రీధర్‌ ముఖ్య అను చరుడు వెల్లడించాడని ఓ ప్రముఖ దిన పత్రిక ప్రత్యేకశీర్షికలో వార్తను ప్రచురిం చింది. ఇక్కడే శ్రీధర్‌కి మండింది. గాలి వార్తలు, గాసిప్‌ వార్తలు ప్రచురించడం సబబు కాదంటూ

ధ్వజమెత్తాడు. తన అనుయాయుడిని విచారిస్తే ఓ ఎమ్మెల్యే పేరు చెప్పాడంటూ వచ్చిన వార్తపై సీరియస్‌ అయ్యాడు. ఆ ఎమ్మెల్యే ఎవరో ప్రజలకు చెప్పాలంటూ పట్టుపట్టాడు. ఒకవేళ అది తన పేరే అయినా నిరభ్యంతరంగా బయటపెట్టాలని తాను తప్పు చేసుంటే ఉరిశిక్షకైనా సిద్ధమని తన అనుచరగణంతో ఎస్పీ కార్యాలయం ముందు ప్రత్యక్షమైపోయాడు.

అసలు తమ విచారణలో ఏ శాసనసభ్యుడి పేరూ రాలేదని, ఇదంతా ఓ దినపత్రిక అత్యుత్సాహంతో చేసిన తప్పుడు ప్రచారమే నని జిల్లా ఎస్పీ తేల్చిపారేశాడు. ఎవరో వ్రాసిన నిరాధార వార్తతో ప్రజలను తప్పుదోవ పట్టించడం, అనవసర మైన అభూత కల్పనలతో ప్రజాప్రతినిధుల ప్రతిష్ట దిగజార్చటం సమంజసం కాదని బహిరంగంగానే ఖండించాడు.

అరెస్టు చేసింది శ్రీధర్‌రెడ్డి అనుచరుడిని కాబట్టి ఆ ఎమ్మెల్యే శ్రీధరే అయ్యుంటాడేమోనన్న వాళ్ళ నోళ్ళు మూతపడ్డాయి. పత్రికలో వచ్చిన క్షణం నుండీ ఈ విషయమే మాట్లాడుకుంటుం డిన మేధావుల బాణి మారింది. ''శెభాష్‌'' శ్రీధర్‌ అంటూ శాసన సభ్యుడిని కీర్తించడం మొదలుపెట్టారు. ప్రజాప్రతినిధులపై నిరా ధారమైన ఆరోపణలు రావడం సహజమే. ఆ ఆరోపణలకీ తనకీ సంబంధం లేదంటూ ఓ ప్రకటన పారేసి తమ పని తాము చేసుకుపోవడమూ సహజమే... కానీ శ్రీధర్‌ అలా చేయలేదు. విషయాన్ని నిగ్గు తేల్చాలంటూ పట్టుపట్టాడు. అటు జిల్లా పోలీసు యంత్రాంగాన్నే కాదు ఇటు మీడియాని సైతం నిలదీశాడు. తనని జీరో చేద్దామని ప్రయత్నించినవారి చేతనే హీరో అనిపించుకున్నాడు.

ప్రజాప్రతినిధులంటే అవినీతికి వారధులు కాదు, రాజకీయ నాయకులంటే అక్రమాలకు సారధులు కాదు. నిజమైన ప్రజాసేవ కోసం, నిజమైన సమాజ ప్రగతి కోసం పాటుపడేవాళ్ళూ వుంటారు. ఒక్కసారైనా శాసనసభ్యుడ్ని కావాలన్నది ఒకప్పటి శ్రీధర్‌ జీవి తాశయం. కంఠంలో ఊపిరి ఉన్నంతవరకూ శాసనసభ్యుడిగానే వుండాలన్నది ఇప్పటి శ్రీధర్‌ ఆకాంక్ష. మరి అలాంటి లక్ష్యం వున్నవాడు తప్పు చేస్తాడా..? అనవసరమైన రొంపిలో కాలు పెడతాడా? ఏ రాజకీయ నేపథ్యం లేని కుటుంబం, కోట్ల ఆస్తులు కూడబెట్టిన పెద్ద తరం అండ లేకుండా కేవలం స్వశక్తితో, స్వంత ప్రాభవంతో విద్యార్థి నాయకుడి నుండి శాసనసభ్యుడిగా ఎదిగిన శ్రీధర్‌రెడ్డి గురించి రాజకీయ మేధావులు వేసుకుంటున్న ప్రశ్నలివి.

ఒక మంచి సంప్రదాయానికి శ్రీధర్‌ శ్రీకారం చుట్టాడని చెప్పాలి. ప్రజాప్రతినిధులెవ్వరైనా తమపై వచ్చిన ఆరోపణలు వాస్తవం కాదు అని రుజువయ్యే వరకు పోరాడాలన్నది ఆయన పిలుపు. రాబోయే తరాలలో ఇదొక మంచి ప్రారంభం, రేపటి రాజకీయ నేతలకు ఇదొక మంచి స్ఫూర్తిదాయక సంఘటన. తన ఆశయాలపైన, తాను నమ్ముకున్న సిద్ధాంతాలపైన, తాను పాటిస్తున్న నైతిక విలువలపైనా నమ్మకంతో శాసనసభ్యుడిగానే తన చివరి శ్వాస తీసుకుంటానన్న శ్రీధర్‌ కోరిక నెరవేరాలని ఆశిద్దాం!

Page 1 of 102

newsbottomad

ఎక్కువగా చదివిన వార్తలు

  • వారి ఆశలపై... నీళ్ళు చల్లారు!
    రాష్ట్రంలో అసెంబ్లీ నియోజకవర్గాలు 175 నుండి 225కు పెరుగు తాయనే ప్రచారం మొన్నటివరకు బలంగా వుండింది. ఈమధ్యనే కేంద్ర ప్రభుత్వం ఆ ప్రచారానికి తెరదించుతూ ఈ ఎన్నికలకే కాదు, ఆ తర్వాత ఎన్నికల నాటికి కూడా సీట్ల పెంపు ఉండదని కుండబద్ధలు…
  • నంద్యాల ఎన్నికలో... పెట్టుబడిదారులూ నెల్లూరోళ్ళే!
    నంద్యాల ఎన్నికల ప్రచారంలో నెల్లూరు జిల్లాకు చెందిన ఇరు పార్టీల నాయకులు హల్‌చల్‌ చేస్తున్నారు. తామే పోటీ చేసినంత కసిగా పని చేస్తున్నారు. అయితే నంద్యాల ఎన్నికలకు ప్రచారకర్తలే కాదు పెట్టుబడి దారులు కూడా నెల్లూరోళ్ళేనని సమాచారం. నంద్యాల వైకాపా అభ్యర్థి…
  • నేరం మా వాళ్ళది కాదు
    రాజకీయ ఒత్తిళ్లకు లొంగి అడ్డదారులు తొక్కితే, రాజకీయ నాయకుల మాటలు నమ్మి వారు చెప్పినట్లు నడుచుకుంటే పరిస్థి తులు ఎలా వుంటాయో ఇప్పుడు ఉదయగిరి నియోజకవర్గం లోని అధికారులకు తెలిసొచ్చింది. ఇటీవల పసుపు కొనుగోలు వ్యవహారం జిల్లాలో సంచలనం కావడం తెలిసిందే!…
  • ఉపరాష్ట్రపతి పదవికి వెంకయ్య రాజీనామా!
    ఢిల్లీలోని ప్రధానమంత్రి కార్యాలయం. ప్రధాని నరేంద్ర మోడీతో బీజేపీ అధ్యక్షుడు అమిత్‌షా, కేంద్రమంత్రులు అరుణ్‌జైట్లీ, రాజ్‌నాథ్‌సింగ్‌, ఉమాభారతి, సుష్మాస్వరాజ్‌, స్మృతి ఇరానీలు సమావేశమైవున్నారు. మొదట మోడీ మాట్లాడుతూ... రాష్ట్రపతి, ఉపరాష్ట్రపతి ఎన్నికల్లో మన పార్టీ వాళ్లంతా బాగా పనిచేసారు. బాధ్యతలను సక్రమంగా…
  • వీడుతున్న సంకెళ్ళు
    రాష్ట్రంలో తెలుగుదేశం నాయకులకు ఇంత కాలం ఒక ఆశ ఉండేది. అక్రమాస్తుల కేసుల్లో వైకాపా అధినేత జగన్‌ జైలుకుపోతాడని, రాష్ట్ర రాజకీయాలలో ఇక తమకు తిరుగుండదని భావిస్తూ వచ్చారు. కాని, ఇప్పుడు వారి ఆశలకు నెమ్మదిగా తెరపడబోతోందని తెలుస్తోంది. రాష్ట్రంలో తెలుగుదేశంను,…

Newsletter