nippoగత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో విపక్ష సభ్యులు నిరసన వ్యక్తం చేసినా నిప్పో భూ వినియోగమార్పిడి అంశాన్ని ఆమోదించారు.

నెల్లూరులో 'నిప్పో' బ్యాటరీల ఫ్యాక్టరీ ఎలా వచ్చిందో చాలామందికి తెలియదు. జపాన్‌ కంపెనీ భాగస్వామ్యంతో పొట్టిపాటి ఓబుళరెడ్డి నెల్లూరులో బ్యాటరీ ఉత్పత్తుల పరిశ్రమను స్థాపించాలనుకున్నారు. ఈ ప్రకారమే ప్రభుత్వానికి భూమి కోసం దరఖాస్తు చేసుకున్నారు. 1972లో 11.74ఎకరాలు, 1977లో 1.28ఎకరాలు మొత్తం 13.02ఎకరాలను మార్కెట్‌ ధర ప్రకారం కొని రిజిష్టర్‌ చేసుకున్నారు. ఆరోజు పారిశ్రామిక అవసరాల నిమిత్తమే ప్రభుత్వం నుండి భూమిని కొనుగోలు చేసి రిజిష్టర్‌ చేసుకున్నారు. ఇండోనేషనల్‌ లిమిటెడ్‌ పేరుతో పరిశ్రమను స్థాపించి దాదాపు నాలుగు దశాబ్దాల పాటూ దానిని నడిపారు. నెల్లూరుజిల్లాకు చెందిన వేలాదిమందికి ఉపాధి కల్పించడమేకాక, ఎన్నో కోట్లు ప్రభుత్వానికి పన్నుల రూపంలో చెల్లించారు. ప్రత్యక్షంగానే కాదు 'నిప్పో' బ్యాటరీల ద్వారా పరోక్షంగా మార్కెట్‌ లోనూ ఎంతోమందికి ఉపాధి లభించింది.

ఈ నలభైఏళ్ళలో నగరం విస్తరించింది. 'నిప్పో' చుట్టూ నివాసాలొచ్చేసాయి. పరిశ్రమలో ఉత్పత్తులు చేస్తుంటే వెలువడు తున్న కాలుష్యం వల్ల చుట్టుపక్కల ప్రాంతాల ప్రజలు ఇబ్బందిపడే పరిస్థితి. ఈ దశలో తాము మార్కెట్‌ ధరకు కొని, తమ ఆధీనంలో వున్న నిప్పో పరిశ్రమకు సంబంధించిన 13.02ఎకరాల భూమిని ఇండస్ట్రియల్‌ జోన్‌ నుండి కమర్షియల్‌, రెసిడెన్షియల్‌ జోన్‌లోకి మార్చాలని కోరుతూ నిప్పో యాజమాన్యం ప్రభుత్వాన్ని కోరింది. ప్రభుత్వం దీనిని పరిశీలించి ఆమోదం పంపమని నెల్లూరు కార్పొరేషన్‌ను కోరింది. గతంలో కౌన్సిల్‌లో రెండుసార్లు ఈ అంశాన్ని అజెండా పెట్టినప్పుడు రాజకీయ రాద్ధాంతం జరిగింది. 'నిప్పో' స్థలం ప్రభుత్వానిదని, అక్కడ పరిశ్రమ నడపకుంటే తిరిగి ప్రభుత్వం స్వాధీనం చేసుకోవాలని, పేదలకు ఇళ్ళు, గుళ్ళు, మసీదులు, చర్చిలు కట్టించాలంటూ ఆయా పార్టీల నాయ కులు, సంఘాలు డిమాండ్‌ చేసాయి.

పరిశ్రమను పెడతానని నిప్పో ఓబుళరెడ్డి ప్రభుత్వం నుండి ఫ్రీగా భూమిని తీసుకుని వుంటే ఈరోజు వీళ్ళు చేసే డిమాండ్‌కు అర్ధం పర్ధం వుండేది. ఆయన ఆరోజు ఆ చుట్టుపక్కల పొలాలు ఎంత రేటున్నాయో ఈ పొలాన్ని కూడా అంతకంటే ఎక్కువ రేటు పెట్టే కొన్నాడు. ఆయన ప్రభుత్వ భూమిని కాకుండా అంతే డబ్బుతో ప్రైవేట్‌ భూమినే కొని వున్నా ఈరోజు వాటి విలువ కూడా వందలకోట్లకు చేరివుండేది. కాబట్టి 'నిప్పో' భూములపై వారి యాజమాన్యాన్ని ప్రశ్నించలేం. ఇక ఆ ప్రాంతమంతా నివాసాలు ఏర్పడ్డాయి కాబట్టి దానిని రెసిడెన్షియల్‌ జోన్‌గా మార్చడానికి కౌన్సిల్‌ ఆమోదం తెలిపింది. ఇక తుది నిర్ణయం ప్రభుత్వం చేతిలో వుంది.

nippoనెల్లూరుజిల్లాలో ప్రస్తుతం హాట్‌టాపిక్‌ నిప్పో ఫ్యాక్టరీ స్థలం. ఈ జిల్లాలో ఎటువంటి పారిశ్రామిక ప్రగతి లేని 1970 దశకంలోనే జపాన్‌కు చెందిన మిత్సుబిషి కంపెనీ భాగస్వామ్యంతో నెల్లూరు మరియు తడలలో ఇండోనేషనల్‌ లిమిటెడ్‌ పేరుతో నిప్పో బ్యాటరీ తయారీ పరిశ్రమలను స్థాపించి వేలాదిమంది కార్మికులకు ఆ పరిశ్రమలలో

ఉపాధి కల్పించిన గొప్ప వ్యక్తి స్వర్గీయ పొట్టేపాటి ఓబులరెడ్డి. ఆ కాలంలోనే ఆయన ఎంతో దూరదృష్టితో ఆలోచించారు. 'నిప్పో' ఫ్యాక్టరీని నెల్లూరు నగరానికి ఒక ల్యాండ్‌మార్క్‌గా మార్చారు.

నెల్లూరులో పరిశ్రమలను స్థాపించడానికి ఆయన భూమి కోసం ప్రభుత్వానికి దరఖాస్తు చేసుకోగా 1972నవంబర్‌ 27వ తేదీన జిఓఎంఎస్‌ నెంబర్‌ 1230 ద్వారా 11.74 ఎకరాలు, 1973 మే 25వ తేదీన 2.16 ఎకరాల భూమిని కేటాయించారు. అప్పట్లో అక్కడున్న మార్కెట్‌ రేటు ప్రకారమే ఎకరా 4,200రూపాయల లెక్కన కొన్నారు. 1970 ప్రాంతంలో ఇప్పుడు నిప్పో స్థలం వున్న ప్రాంతం నెల్లూరుకు చాలా దూరంలో ఉండేది. ఆ రోజు చుట్టుపక్కల పట్టా భూములు కూడా అంతకంటే ఎక్కువ ధర వుండేది కావు. ఆరోజు నిప్పో ఓబుళరెడ్డి పరిశ్రమను పెడతానని చెప్పి ప్రభుత్వం నుండి ఉచితంగా భూమిని తీసుకోలేదు. కనీసం రిజిష్టర్‌ రేటుకు కూడా తీసుకోలేదు. మార్కెట్‌ రేటుకే కొన్నాడు. ఆరోజు చుట్టుపక్కల వున్న భూముల ధరలు కూడా అంతే! కాలక్రమేణా నగరం విస్తరించింది. ప్రస్తుతం నగరం నిప్పో ఫ్యాక్టరీని కూడా దాటిపోయింది. నగరం విస్తరించడం, రియల్‌ ఎస్టేట్‌ బూమ్‌ వంటి పరిణామాల వల్ల 'నిప్పో' ప్రాంతంలో స్థలాలకు విపరీత మైన రేట్లొచ్చాయి. నిప్పో స్థలం అప్పటి నుండి ఒకే యాజమాన్యం క్రింద వుంది. ఆ చుట్టుపక్కల అంటే వేదాయపాలెం, చంద్రమౌళినగర్‌, ఏ.కె.నగర్‌, కరెంట్‌ ఆఫీస్‌ సెంటర్‌ ప్రాంతాలలో ప్రైవేట్‌ వ్యక్తులు తమ భూములను 1970 నుండి అమ్ముకుంటూ వచ్చారు. ఇలా ఎకరాలు పోయి అంకణాలలోకి వచ్చేసరికి ఈ కాలానికి అంకణం 2లక్షల నుండి 7లక్షల దాకా అయ్యింది. ఎకరా లెక్క అయితే 8కోట్ల పైమాటే! 'నిప్పో' యాజమాన్యానికి చెందిన 13.90 ఎకరాలకు ఖరీదు కడితే దాని విలువ వంద కోట్లకుపైనే వుంటుంది.

ఇప్పుడు నిప్పో స్థలంపై వివాదం జరగడం చూస్తూనే వున్నాం. చుట్టుపక్కల నగరం విస్తరించిన నేపథ్యంలోనైతేనేమీ, బ్యాటరీల మార్కెట్‌లో వచ్చిన ఒడిదుడుకుల వల్లనైతేనేమీ, పెరిగిన కాలుష్యం వల్లనైతేనేమీ ఫ్యాక్టరీని తీసేయాలనుకుంటున్నారు. ఈ స్థలాన్ని పారి శ్రామిక జోన్‌ నుండి గృహ, వాణిజ్య వినియోగజోన్‌గా మార్చమని నిప్పో యాజమాన్యం ప్రభుత్వాన్ని కోరింది. దీనిపై ఒకటికి రెండుసార్లు కౌన్సిల్‌ చర్చ జరిగింది. అయితే కొందరు నాయకులు దీనిపై వివాదం చేస్తున్నారు. 'నిప్పో' ఫ్యాక్టరీ భూములు ప్రభుత్వానివని, అక్కడ ఫ్యాక్టరీని తీసేస్తే స్థలాన్ని తిరిగి ప్రభుత్వం స్వాధీనం చేసుకోవాలని, ఆ స్థలంలో పేదలకు ఇళ్ళు, గుళ్ళు, మసీదులు, చర్చిలు, కమ్యూనిటి హాళ్ళు కట్టించాలని కొందరు నాయకులు డిమాండ్‌ చేస్తున్నారు.

నిప్పో స్థలం ఏ నిబంధనల క్రింద ప్రభుత్వం ఇచ్చిందన్నది ఇక్కడ ప్రధాన అంశం! ప్రభుత్వం మార్కెట్‌ రేటుకు భూములను అమ్మినప్పుడు కొనుగోలుదారులకు పూర్తి హక్కు వస్తుంది. ఆరోజు ప్రభుత్వం నుండి కాకుండా ఓబుళరెడ్డి ప్రైవేట్‌ వ్యక్తుల నుండి పట్టాభూములు కొనివున్నా అదే రేటు... ఈరోజు అసలు గొడవే వుండేది కాదు. పరిశ్రమ పెడుతున్నాడు కాబట్టి ప్రభుత్వం తక్కువ ధరకు ఆ భూమిని ఇచ్చివున్నా లేదా ఇన్ని సంవత్సరాలు అని లీజును నిర్ణయించివున్నా దానిపై నిప్పో యాజమాన్యానికంటే ప్రభుత్వానికే ఎక్కువ హక్కుంటుంది.

రాష్ట్రంలో ఎన్నో ప్రైవేట్‌ కంపెనీలకు, విద్యాసంస్థలకు, అంతెందుకు పత్రికా కార్యాలయాలకు కూడా మార్కెట్‌ రేటు ప్రకారమే ప్రభుత్వం భూములు కేటాయించి వుంది. ఎన్ని వార్తా సంస్థలు, ఎన్ని విద్యా, వ్యాపార సంస్థలు తమ సంస్థలను మూసేయలేదు. అవన్నీ భూములను తిరిగి ప్రభుత్వానికి అప్పగించాయా? అందరూ శుభ్రంగా అమ్మేసుకుని సొమ్ము చేసుకున్నారు. ఈ విషయంలో వాళ్ళకొక న్యాయం, నిప్పో యాజమాన్యానికి ఒక న్యాయమా? నిప్పో స్థలం ఇండస్ట్రియల్‌ జోన్‌లో వుంది. దానిని కన్వర్షన్‌ చేయడం, చేయకపోవడం అనేది ప్రభుత్వ ఇష్టం. కాని, మార్కెట్‌ రేటుపై కొన్న ఆ భూమిపై నిప్పో యాజమాన్యానికి హక్కు వుంటుంది. ఆరోజు ఎకరాకు 4,200 రూపాయలు మంచి రేటు. ఈరోజు కోట్లు పలుకుతుండబట్టే ఇన్ని వివాదాలొస్తున్నాయి. ఏ పదివేలో పాతికవేలో అయ్యుంటే దాని గురించి ఇంత రాద్ధాంతం వుండేది కాదు. రాష్ట్రంలో ఇలా కేటాయించిన భూములను ఎందరో అమ్ముకున్నారు. నెల్లూరులో ఒకప్పుడు స్పిన్నింగ్‌ మిల్లు వున్నటువంటి ప్రస్తుత రిత్విక్‌ లేఅవుట్‌ను ప్రభుత్వమే వేలం వేసి అమ్మగా ప్రస్తుతం టీడీపీ ఎంపీగా వున్న సీఎం రమేష్‌ కొని లేఅవుట్‌ చేయడం తెలిసిందే! ఆ లేఅవుట్‌లోనే ఇప్పుడు భారత ఉపరాష్ట్రపతి గారి నివాసం కూడా వుంది. ఇలా ఎన్నో ప్రభుత్వ భూములను ప్రభుత్వమే అమ్మేసుకుంది.

ప్రభుత్వం ఎవరికి భూములు కేటాయించినా నిబంధనలలో ప్రభుత్వానికి అవసరమైనప్పుడు ఆ భూమిని తిరిగి తీసుకునే విధంగా వ్రాసి వుంటారు. ప్రభుత్వానికి అవసరమంటే కొత్తరోడ్డు వేస్తుంటేనో, రైలు మార్గం వేస్తుంటేనో ప్రభుత్వ అవసరాలకు ఆ భూమిని స్వాధీనం చేసుకోవచ్చు. దీనికి ప్రభుత్వం నుండి నష్ట పరిహారం కూడా ఇవ్వాల్సి వుంటుంది. ఎందు కంటే ఉచితంగా ఇచ్చిన అసైన్డ్‌, సిజెఎఫ్‌ఎస్‌ భూములను ప్రభుత్వం అవసరంకొద్ది తీసుకుంటున్నప్పుడు ఆ భూములు సాగుచేస్తున్న రైతులకు నష్టపరిహారం ఇస్తున్నారు. అలాంటిది మార్కెట్‌ రేటు ప్రకారం కొన్న భూములకు నష్టపరిహారం వుండదా?

ప్రభుత్వ అవసరాల కోసం ఇప్పుడు నిప్పో భూములు తీసుకోవా లనుకోవడం లేదు. వాటి విలువ పెరిగింది కాబట్టే వివాదం చేస్తున్నారు. మరి ఈ భూమిపై నిప్పో యాజమానికి హక్కు లేనప్పుడు, వాళ్ళు ఫ్యాక్టరీ ప్రాంగణంలో సాయిబాబా గుడికి స్థలం ఇస్తే ఇప్పుడు వివాదం చేస్తున్న వాళ్ళందరూ ఎందుకు మౌనంగా వున్నారు.

నిప్పో ఫ్యాక్టరీ స్థలం ఎవరికి చెందుతుందన్నది నాయకులు నిర్ణయించేది కాదు, దీనిపై లోతుగా పరిశీలన జరిపితేనే పరిష్కారం దొరుకుతుంది. రాష్ట్రంలో భూములను తీసుకుని ఎత్తేసిన పరిశ్రమలు చాలావున్నాయి. వాళ్ళందరి నుండి ప్రభుత్వం భూములను తిరిగి తీసుకుందో, లేక వాళ్ళు అమ్ముకుని వెళ్ళారో... వివరాలు పూర్తిగా రాబడితే నిప్పో సమస్యకు కూడా అదే మార్గం వర్తిస్తుంది.

cheruvuవేసవి సెలవులు వచ్చేస్తున్నాయి. ఇప్పటికే టెన్త్‌, ఇంటర్‌ పరీక్షలు ముగిసాయి. వీళ్ళతో పెద్ద సమస్య లేదు. టెన్త్‌ వ్రాసిన వాళ్ళు ఇంటర్మీ డియట్‌కు, ఇంటర్‌ వ్రాసిన వాళ్ళు ఎంసెట్‌కు ప్రిపేరవడంతోనే సెలవులు దాటిపోతాయి. లోయర్‌ క్లాస్‌లకు ఈ నెలాఖరు నుండే సెలవులు. వేసవి సెలవుల్లో మనం తరచూ పత్రికల్లోనూ, టీవీల్లోనూ చూస్తుంటాం... 'చెరువులో ఈతకు వెళ్ళి విద్యార్థుల దుర్మరణం' అని. ప్రతి వేసవి సెలవుల్లోనూ ఇలాంటి సంఘటనలు ఒకటి అరా చోటు చేసుకుంటూనే వుంటాయి.

చెరువుల్లో నీళ్లు వుంటే కదా పిల్లలు ఈత కొట్టడానికి అనే అనుమానం కూడా రావచ్చు. నిజమే... గత ఏడాది వర్షాలు లేవు. చెరువులు నిండలేదు. కాని చెరువు ల్లోని గుంటల్లో వున్న నీళ్ళే ప్రమాద కరం. జిల్లాలోని అన్ని చెరువుల్లో అక్ర మంగా మట్టి, గ్రావెల్‌ తవ్వకాలు జరిగివున్నాయి. పెద్దపెద్ద గుంటలు ఏర్పడ్డాయి. వర్షాలప్పుడు ఈ గుంటల్లోనే నీళ్ళు నిలిచిపోతు న్నాయి. ఈ గుంతలు ఎంత లోతుంటాయో తెలియదు. వేసవి సెలవులలో ఇళ్ళ దగ్గర వున్న పిల్లలు స్నేహితులతో సరదాగా ఈతకని వెళ్లి ఈ గుంటల్లో దిగి ప్రాణాలు కోల్పోతున్నారు. కాబట్టి తల్లిదండ్రులు తమ పిల్లలపై ఓ కన్నేసి వుంచడం మంచిది. దుర్ఘటనలు జరిగిపోయాక ఏడ్చి లాభం వుండదు.

Page 1 of 168

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • నిప్పో.. కొన్నదే కాని... కొట్టేసింది కాదుగా!
    నెల్లూరుజిల్లాలో ప్రస్తుతం హాట్‌టాపిక్‌ నిప్పో ఫ్యాక్టరీ స్థలం. ఈ జిల్లాలో ఎటువంటి పారిశ్రామిక ప్రగతి లేని 1970 దశకంలోనే జపాన్‌కు చెందిన మిత్సుబిషి కంపెనీ భాగస్వామ్యంతో నెల్లూరు మరియు తడలలో ఇండోనేషనల్‌ లిమిటెడ్‌ పేరుతో నిప్పో బ్యాటరీ తయారీ పరిశ్రమలను స్థాపించి…
  • నడిచినా... నిద్రించినా... ఏడాదంతా ప్రజల మధ్యే...
    ప్రజలే దేవుళ్ళు, వారి ఇళ్ళే తనకు గుళ్ళు అని భావించి అనుక్షణం వారి మధ్యే వుంటూ వారి సమస్యలు తెలుసుకుంటూ వారి కష్ట సుఖాలలో తోడుండాలని కోరు కునే ప్రజా నాయకుడు నెల్లూరు గ్రామీణ ఎమ్మెల్యే కోటంరెడ్డి శ్రీధర్‌రెడ్డి. నిద్ర లేచింది…

Newsletter