loksabhaప్రత్యేకహోదా ఉద్యమంలో భాగంగా ప్రతిపక్ష నేత వై.యస్‌. జగన్‌ పిలుపుమేరకు ఐదుగురు వైసిపి లోక్‌సభ సభ్యులు తమ పదవులకు రాజీనామాలు చేయడం తెలిసిందే! ఈ రాజీనామా లేఖలు ప్రస్తుతం లోక్‌సభ స్పీకర్‌ సుమిత్రా మహాజన్‌ వద్ద పెండింగ్‌లో వున్నాయి.

ఇంకో ఏడాదిలోనే దేశమంతా లోక్‌సభ ఎన్నికలు జరుగు తాయి. ఇప్పుడు ఈ ఐదుగురు రాజీనామాలు ఆమోదిస్తే ఆర్నెల్ల లోపు 5 లోక్‌సభ స్థానాలకు ఉపఎన్నికలు నిర్వహించాల్సి వుంటుంది. మళ్ళీ ఆర్నెల్ల లోపే ఇవే లోక్‌సభ స్థానాలకు సాధారణ ఎన్నికలు జరుగుతాయి. ఆరు నెలల సంబరానికి... ఈలోపు మళ్ళీ ఉపఎన్నికలు... కోట్ల రూపాయల ఖర్చు... అధికార యంత్రాంగం వినియోగం... పెద్దఎత్తున దుబారా... ఈ కోణాలన్నీ ఆలోచించే లోక్‌సభ స్పీకర్‌ వైసిపి ఎంపీల రాజీనామాలను ఆమోదించలేదని తెలుస్తోంది.

కావాలనే వైసిపి ఎంపీల రాజీనామాలను కేంద్రప్రభుత్వం ఆమోదింపచేయడం లేదని, వైసిపితో బీజేపీ లాలూచీ పడిం దంటూ తెలుగుదేశం నాయకులు ఆరోపణలు చేస్తున్నారు. ఈ నేపథ్యంలో ఇటీవల నెల్లూరు ఎంపీ మేకపాటి రాజమోహన్‌రెడ్డి... తమ రాజీనామాలను ఆమోదించాలని స్పీకర్‌ను కోరామని, ఎన్నికలు ఎప్పుడొచ్చినా ఎదుర్కోవడానికి తాము సిద్ధంగా

ఉన్నామని ప్రకటించాడు.

ఒకవేళ లోక్‌సభ స్పీకర్‌ వీళ్ళ రాజీనామాలు ఆమోదిస్తే పరిస్థితేంటి? ఉపఎన్నికలు తప్పవు. వైసిపికి పాత అభ్యర్థులే! నెల్లూరు లోక్‌సభకు వైసిపి అభ్యర్థి మేకపాటి రాజమోహన్‌రెడ్డే! మరి తెలుగుదేశంపార్టీ తరపున ఎవరు? 2014ఎన్నికల్లో పోటీ చేసిన ఆదాల ప్రభాకర్‌రెడ్డి ఇప్పుడు లోక్‌సభ పోటీకి ఇష్టంగా లేడు. ఇటీవల నెల్లూరులో నిర్వహించిన జిల్లా మినీమహానాడులో కూడా గతంలో ఉపఎన్నికలు వస్తే మంత్రులే పోటీ చేసారని, నెల్లూరు లోక్‌సభకు ఉపఎన్నిక వస్తే మంత్రులే పోటీ చేయాలంటూ ఆదాల ప్రభాకర్‌రెడ్డి పరోక్షంగా మంత్రి సోమిరెడ్డి చంద్రమోహన్‌ రెడ్డిని ఉద్దేశించి అన్నాడు. సోమిరెడ్డి అందుకు తగ్గట్లుగానే స్పందిస్తూ... పార్టీ ఎక్కడ పోటీ చేయమంటే అక్కడ పోటీ చేయడం తన నైజమని, పార్టీ ఆదేశిస్తే నెల్లూరు పార్లమెంట్‌లోనే కాదు, కడప పార్లమెంటుకైనా పోటీకి దిగుతా అన్నట్లు చెప్పాడు.

నెల్లూరు లోక్‌సభకు ఉపఎన్నిక వస్తే టీడీపీలో ఎవరూ టిక్కెట్‌ కావాలని అడిగే పరిస్థితి లేదు. చంద్రబాబు ఆదేశిస్తే సోమిరెడ్డి, బీద, నారాయణలాంటోళ్ళకు దిగక తప్పదు. వైసిపి వాళ్ళకంటే జిల్లా టీడీపీ నాయకులే ఉపఎన్నికలు రాకుంటే బాగుండుననుకుంటున్నారు. నిన్న లోక్‌సభ స్పీకర్‌ సుమిత్రా మహాజన్‌ చెప్పిన దానిబట్టి చూస్తే ఉపఎన్నికలు రావడం అనుమానమే!

somiredరాజకీయాలలో విమర్శలు, ప్రతి విమర్శలు సహజమే! అయితే రాజకీయ నాయకులకు మధ్యే ఈ విమర్శలు పరిమితమైతే ప్రజలు పెద్దగా పట్టించుకోరు. ఒక నాయకుడు ఇంకో నాయకుడి మీద ఆరోపణలు చేయడం, అతను ప్రత్యారోపణలు చేయడం సర్వసాధారణం. కాని రాజకీయాలతో సంబంధంలేని, అదీగాక ఒక గౌరవప్రదమైన వృత్తిని నిర్వహిస్తున్న వ్యక్తుల మీద అనుచిత వ్యాఖ్యలు చేస్తే లేనిపోని తలనొప్పులు తెచ్చుకోవాల్సి వస్తుంది. దీనికి ఉదాహరణే వ్యవసాయమంత్రి సోమిరెడ్డి చంద్రమోహన్‌రెడ్డి.

సుదీర్ఘ రాజకీయ అనుభవం వున్న నాయకుడు. రాజకీయంగా ఎందరిపైనో విమర్శలు చేస్తుంటాడు. ప్రతిపక్ష నేత వై.యస్‌.జగన్‌ను అయితే సోమిరెడ్డి విమర్శించినంతగా టీడీపీలో ఇంకెవరూ విమర్శించరు. అయితే విమర్శలు చేసినా, ఆరోపణలు చేసినా సబ్జెక్ట్‌ వారీగానే పోతాడనే పేరుంది. మరీముఖ్యంగా ఆనంవాళ్ళలాగా వ్యక్తిగత విమర్శలకు దిగకుండా తన స్థాయిని కాపాడుకుంటూవచ్చాడు. ఎక్కడ ఏ సమావేశంలో అయినా చాలాజాగ్రత్తగా మాట్లాడే సోమిరెడ్డి విజయవాడలో జరిగిన మహానాడు ముందురోజు విలేకరుల సమావేశంలో మాత్రం తొందరపడి నోరు జారాడు. చంద్రబాబుపై విమర్శలు చేస్తున్న టీటీడీ విశ్రాంత ప్రధాన అర్చకులు రమణదీక్షితులను బొక్కలో వేసి నాలుగు తగిలిస్తే నిజాలు బయటకు వస్తాయంటూ మాటదొర్లాడు. ఈ మాటలు నాయకుడిగా ఆయన ప్రతిష్టకు కూడా మచ్చతెచ్చాయి. బ్రాహ్మణ కమ్యూనిటీలో వ్యతిరేకతను తెచ్చింది. పార్టీపరంగా రమణదీక్షితులతో ఏదన్నా సమస్యవుంటే వుండేది తెలుగుదేశం ప్రభుత్వమే! ఆయన ఆస్తుల మీద, ఆయన ఆదాయం మీద విచారణ చేయించండి, అక్రమాలకు పాల్పడినట్లు తేలితే చట్టపరంగా చర్యలు తీసుకోండి, అంతేగాని చట్ట పరిధిని మించి మాట్లాడడం కరెక్ట్‌ కాదు. అసలు రాజకీయాలను దాటి ఎప్పుడూ విమర్శలు చేయని సోమిరెడ్డి టైం బాగాలేక రమణదీక్షితులపై ఫైర్‌ అయినట్లుంది. చేసింది పెద్ద పొరపాటే... వెంటనే ఆయననే క్షమాపణ కోరి సోమిరెడ్డి జరిగిన పొరపాటును కొంతవరకు సరిదిద్దుకోవడం మంచిదైంది.

3ఆనం రామనారాయణరెడ్డిపై తెలుగుదేశం పార్టీ వాళ్ళు ఆశలు వదులుకున్నట్లుగానే కనిపిస్తోంది. ఆయనను ఇక పార్టీలో నిలబెట్టలేమని వారికి అర్ధమై పోయింది. ఈ జిల్లాలో తెలుగుదేశంపార్టీ గట్టి పోటీ ఇస్తుందనుకున్న నియోజకవర్గాలలో ఆత్మకూరు ఒకటి! అది కూడా ఆనం రామనారాయణరెడ్డి అభ్యర్థి అయితే! ఆయనే లేకుంటే గట్టిపోటీ ఇవ్వడం కష్టం. ఆయనే అవతల వైసిపి అభ్యర్థి అయితే పోటీ ఇంకా కష్టం.

ఏ నియోజకవర్గంలో ఎవరు మేటి అభ్యర్థి కాగలరు? అని నియోజకవర్గాల వారీగా తెలుగుదేశంపార్టీ సర్వే నిర్వహిస్తోంది. ఆత్మకూరు నియోజకవర్గానికి సంబంధించి నిర్వహిస్తున్న సర్వేను ముగ్గురు నాయకుల మీదే నిర్వహిస్తున్నట్లు తెలుస్తోంది. వీరిలో ఒకరు మాజీఎమ్మెల్యే కొమ్మి లక్ష్మయ్యనాయుడు కాగా, ఇంకొకరు జిల్లా కేంద్ర సహకార బ్యాంకు ఛైర్మెన్‌ మెట్టుకూరు ధనుంజయరెడ్డి, మూడో నాయకుడు 2014 ఎన్నికల్లో టీడీపీ అభ్యర్థిగా పోటీ చేసి ఓడిపోయిన గూటూరు కన్నబాబు! ఆనం రామనారాయణరెడ్డి నూటికి నూరు శాతం తెలుగుదేశంలోనే ఉంటా డనుకుంటే అసలు ఇక్కడ సర్వేనే అవసరం లేదు. ఆనం రామనారాయణరెడ్డి పేరు తప్ప ఇంకో పేరుతో పనేలేదు. ఆయన పార్టీని వదిలి వెళ్ళిపోతాడనే నమ్మకంతోనే ఆత్మకూరుకు ప్రత్యామ్నాయ అభ్యర్థి అన్వేషణ మొదలైనట్లు తెలుస్తోంది.

ఈ కోణంలోనే నాలుగేళ్ళ నుండి రాజకీయాలకు దూరంగా వుంటున్న కొమ్మి లక్ష్మయ్యను మళ్ళీ తెరమీదకు తెచ్చారు. ఈయన ఆత్మకూరులో ఒకప్పుడు గట్టి నాయకుడే! పార్టీ గుర్తు లేకుండా ఇండిపెండెంట్‌గా గెలిచి సత్తా చాటుకున్న నాయకుడు. కాకపోతే నియోజకవర్గంలో అప్పుడున్నంత క్రేజ్‌ ఇప్పుడు లేదు. గతంలో సహకరించిన 'రెడ్డి' వర్గం ఇప్పుడు మద్దతుగా నిలిచే పరిస్థితి లేదు. గూటూరు కన్నబాబు కూడా సరిపోడని 2014 ఎన్నికల్లోనే తేలింది. ఎన్నికల తర్వాత ఆత్మకూరు ఇన్‌ఛార్జ్‌గా వుంటూ కొంత బలం పెంచుకునే ప్రయత్నం చేస్తుండగానే కన్నబాబును చంద్రబాబే పక్కన పెట్టాడు. మళ్ళీ ఇప్పుడు అభ్యర్థిగా పెట్టినా పుంజుకోవడం కష్టం. వీళ్ళిద్దరిదీ ఒకే సామాజికవర్గం. అభ్యర్థి ఏ వర్గం వాళ్ళయినా కమ్మ సామాజిక వర్గీయుల ఓట్లు 90శాతం తెలుగుదేశంకే పడతాయి. ఇక్కడ 'రెడ్ల'లో చీలిక ముఖ్యం. ఈ కోణంలోనే ఆ సామాజికవర్గానికి చెందిన మెట్టుకూరు ధనుంజయరెడ్డి పేరు పరిశీలిస్తున్నట్లు తెలుస్తోంది. ఆత్మకూరుకు ఫ్రెష్‌ క్యాండేట్‌, ఆర్ధికంగా నిలబడగలడు, స్థానికుడు, వివాద రహితుడు. ఇరు పార్టీల నాయకులతోనూ సత్సంబంధాలున్నాయి. కొంతవరకైనా 'రెడ్ల' ఓట్లను తెచ్చుకోగలడు. కాబట్టి ఈ ముగ్గురిలో మెట్టుకూరువైపే మొగ్గు కనపడవచ్చు. అయితే వైసిపి అభ్యర్థి ఎవరనేదానిని బట్టే ఈ ముగ్గురిలో ఎవరు బెటర్‌ అనేది ఫైనల్‌గా తేలుతుంది.

Page 7 of 60

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…

Newsletter