ycpజిల్లాలో వై.యస్‌.జగన్‌ ప్రజాసంకల్ప పాదయాత్ర విజయ వంతమైంది. 20రోజుల పాదయాత్రలో ఆయన జిల్లాలో 9 అసెంబ్లీ నియోజకవర్గాలను కవర్‌చేశాడు. జగన్‌ తన పాద యాత్రలో కర్నూలు జిల్లాలో ఇద్దరికే సీట్లు కన్‌ఫర్మ్‌ చేసాడు. అనంతపురం, చిత్తూరు, కడప జిల్లాల్లో ఏ సీటు ఎవరికీ కన్‌ఫర్మ్‌ చేయలేదు. ఇప్పుడు నెల్లూరుజిల్లాలోనూ అదే జరిగింది. ఫలానా సీటు ఫలానా నాయకుడికే అని ఆయన చెప్పలేదు.

సూళ్లూరుపేట సీటు సిట్టింగ్‌ ఎమ్మెల్యే సంజీవయ్యకు చెప్పాడని, నెల్లూరు నగరం సీటు అనిల్‌కే అని చెప్పాడని, దీంతో మిగిలిన నాయకులు అసంతృప్తితో వున్నారనే దుష్ప్రచారం జరుగుతోంది. నెల్లూరురూరల్‌లో నిర్వహించిన ఆర్యవైశ్యుల సమావేశంలో కొందరు ముక్కాల ద్వారకానాథ్‌కు సీటివ్వాలని కోరినప్పుడు అక్కడ ఆల్‌రెడీ అనిల్‌ వున్నాడని, అతను కూడా మీవాడేనని, ద్వారకాకు ఏం చేయాలో తాను చూసుకుంటానని చెప్పాడు. అలాగే నాయుడుపేట సభలో సంజీవయ్య గురించి పాజిటివ్‌గా చెప్పాడు. నెల్లూరురూరల్‌లో కోటంరెడ్డి శ్రీధర్‌రెడ్డి గట్టి నాయకుడే! అంతకుమించిన అభ్యర్థి లేడు. అయినా కూడా శ్రీధర్‌రెడ్డే ఇక్కడ అభ్యర్థి అని జగన్‌ చెప్పలేదు. కావలి నియోజకవర్గంలో పర్యటిస్తున్నప్పుడు రామిరెడ్డి ప్రతాప్‌కుమార్‌ రెడ్డినే అభ్యర్థి అని జగన్‌ చేత చెప్పించాలని ఎంపీ మేకపాటి రాజమోహన్‌రెడ్డి తీవ్రంగా ప్రయత్నించాడు. కానీ ఎక్కడా జగన్‌ నోరు జారలేదు. ఆఖరకు పార్టీ జిల్లా అధ్యక్షుడు కాకాణి గోవర్ధన్‌రెడ్డికి కూడా తిరిగి సర్వేపల్లి నుండి ఆయనే పోటీ చేస్తాడని చెప్పలేదు.

ఈసారి టిక్కెట్లన్నీ కూడా ప్రశాంత్‌కిషోర్‌ సర్వే ప్రకారమే ఇవ్వనున్నట్లు తెలుస్తోంది. పి.కె. టీమ్‌ ఇప్పటికే రంగంలోకి దిగింది. నియోజకవర్గాల వారీగా ఏ నియోజకవర్గానికి ఎవరైతే కరెక్ట్‌ అని సర్వే చేస్తున్నట్లు సమాచారం. పార్టీలో వున్న నాయకు లనే కాకుండా పార్టీలో చేరే సూచనలున్న నాయకులను కూడా పరిగణనలోకి తీసుకుని పి.కె టీమ్‌ సర్వే చేస్తున్నట్లు వినికిడి. జగన్‌ కూడా ఈ సర్వే నివేదికల ఆధారంగానే సీట్లు కేటాయిం చాలని భావిస్తున్నట్లు తెలుస్తోంది. 2014 ఎన్నికల్లో ఇలా చేయకుండా ఎవరికంటే వాళ్ళకు సీట్లు ఇచ్చేసి చాలా చోట్ల ఓడిపోయారు. పార్టీ ప్రభావం ఎంతున్నా అభ్యర్థుల ప్రభావం కూడా కొంతుంటేనే గెలుపుకు దగ్గరవుతారు. సర్వే ద్వారా అలాంటి అభ్యర్థులనే రంగంలోకి దించనున్నారని తెలుస్తోంది.

tyagarajఈ నెల 6వ తేది నుంచి 13వ తేది వరకు 53వ శ్రీ త్యాగరాజ స్మరణోత్స వాలను స్థానిక రేబాల లక్ష్మీనరసారెడ్డి పురమందిరంలో ఎంతో వైభవంగా నిర్వ హించేందుకు ఏర్పాట్లు చేస్తున్నారు. ఈ ఏడు రోజులు ప్రసిద్ధులైనవారిచే సంగీత కార్యక్రమాలు నిర్వహిస్తారు. అందుకోసం గత కొద్దిరోజులుగా త్యాగరాజస్వామి ఆరాధకులు నెల్లూరులో వీధివీధినా తిరుగుతూ, శ్రీ త్యాగరాజస్వామి కీర్తనలను గానం చేస్తూ, జోలెకట్టి భిక్ష పట్టారు. ఈ ఉత్సవాల సందర్భంగా శ్రీ త్యాగరాజ స్వామి సంకీర్తనలతో, భక్తిగీతాలతో పుర మందిర ప్రాంగణం పరవశించిపోతుంది. శ్రీ త్యాగరాజస్వామి ఆరాధకులైన దివం గత శ్రీపతి పండితారాధ్యుల సాంబ మూర్తి, దివంగత యనమండ్ర వేంకటేశ్వర శాస్త్రిలు అప్పట్లో నెల్లూరు నలుమూలలా త్యాగరాజ కీర్తనలను ఆలపిస్తూ, జోలెకట్టి భిక్షపట్టి సంగీతసేవ నిర్వహించిన విషయం అందరికీ తెలిసిందే. శ్రీ త్యాగరాజ ఆరా ధనలతో నెల్లూరును మరో తిరువ య్యార్‌లా తలపింపజేసిన మహానుభావులు వారు. ఆ మహనీయులు చేపట్టిన శ్రీ త్యాగరాజ స్మరణోత్సవాలను త్యాగరాజ స్వామి భక్తులు, సింహపురి ప్రజలందరి సహకారంతో శ్రీ త్యాగరాజ స్మరణోత్సవ సభవారు నేటికీ కొనసాగిస్తూనే ఉండడం ఎంతైనా విశేషం. ఎంతో మహనీయమైన ఈ కార్యక్రమాన్ని కొనసాగించేందుకు ఏర్పడిన భిక్షాటనాపూర్వక శ్రీ త్యాగరాజ స్మరణోత్సవ సభ కమిటీకి శ్రీపతి పండితా రాధ్యుల సాంబమూర్తి తనయుడైన విఖ్యాత గాయకుడు డా. ఎస్పీ బాలసుబ్రహ్మణ్యం శాశ్వత అధ్యక్షులుగా, యనమండ్ర వేంకటేశ్వరశాస్త్రి కుమారుడైన నాగదేవి ప్రసాద్‌ శాశ్వత కార్యదర్శిగా, మాచవోలు రాజశేఖరశాస్త్రి గౌరవాధ్యక్షులుగా, చతు ర్వేదుల శ్రీరామమూర్తి అధ్యక్షులుగా

ఉంటూ, ఆ కమిటీ ఆధ్వర్యంలో త్యాగరాజ స్మరణోత్సవాలను ప్రతిఏటా అంగరంగ వైభవంగా నిర్వహిస్తున్నారు. నెల్లూరు నగరానికి ఆ సంగీత భక్తి పరిమళాలను ప్రతి ఏటా పంచుతూనే ఉన్నారు. ఈ ఏడాది మార్చి 6వ తేది నుంచి 12వతేది వరకు జరిగే ఈ స్మరణోత్సవాల్లో భాగంగా తొలిరోజైన 6వ తేది ఉదయం 7 గంట లకు నెల్లూరు వేదాయపాళెంలోని త్యాగ రాజ మందిరం నుంచి శ్రీ సీతారామ లక్ష్మణ హనుమత్సమేత శ్రీ త్యాగరాజ విగ్రహాలను, శ్రీ త్యాగరాజస్వామి చిత్ర పటాన్ని ఊరేగింపుగా తీసుకువచ్చి టౌన్‌ హాలులో ప్రతిష్టించి, పూజలు నిర్వహిస్తా మని కార్యదర్శి యనమండ్ర నాగదేవి ప్రసాద్‌ తెలిపారు. ఈ ఉత్సవాల్లో ప్రతి రోజూ ప్రముఖులైన వారెందరో పాల్గొని ఎంతో భక్తిశ్రద్ధలతో సంగీత కచ్చేరీలు, హరికథా గానాలు, గాత్రకచ్చేరీలు, నాద స్వర కచ్చేరీలు వంటి భక్తి కార్యక్రమాలను నిర్వహిస్తారని, ప్రజలు..భక్తులందరూ విచ్చేసి ఈ కార్యక్రమాలను జయప్రదం చేయాలని ఆయన కోరారు.

13న 'జీవన దర్శనం' పుస్తకావిష్కరణ

హరికథా భిక్షువు శ్రీపతి పండితారాధ్యుల సాంబమూర్తి అయ్యవారి 'జీవన దర్శనం' పుస్తకాన్ని ఈ ఉత్సవాల్లో 13వతేదీన ఆవిష్కరిస్తారు. ఎమ్మెస్‌ సూర్యనారాయణ రచించిన ఈ పుస్తకాన్ని సాంబమూర్తిగారి సతీమణి, విశ్వవిఖ్యాత గాయకుడు ఎస్‌పి బాలసుబ్ర హ్మణ్యం తల్లిగారైన శ్రీపతి పండితారాధ్యుల శకుంతలమ్మ ఆవిష్కరిస్తారు. ఈ సభను డా. ఎస్పీ బాలసుబ్రహ్మణ్యం నిర్వహిస్తారు. ఈ కార్యక్రమానికి ఆత్మీయ అతిథులుగా సినీప్రముఖులు సిరివెన్నెల సీతారామశాస్త్రి, తనికెళ్ళ భరణి, వెన్నెలకంటి రాజేశ్వర ప్రసాద్‌లతో పాటు, ప్రముఖ పారిశ్రామికవేత్త కె.ఇ వరప్రసాద్‌రెడ్డి, లాయర్‌ వారపత్రిక అధినేత తుంగా శివప్రభాత్‌రెడ్డి, మురళీకృష్ణ హోటల్స్‌ అధినేత గ్రోసు గోపాలయ్య, మురళీకృష్ణ హోటల్స్‌ సారధి వీరిశెట్టి హజరత్‌బాబు పాల్గొంటారు. ఈ సందర్భంగా బ్రహ్మశ్రీ చాగంటి కోటేశ్వరరావుచే ప్రవచనం ఉంటుందని నిర్వాహకులు తెలిపారు.

telengana sonaప్రజల్లో ఆరోగ్యంపై శ్రద్ధ పెరిగింది. ఏ టీవీలో చూసినా ఆరోగ్య విషయా లపై చర్చలే... ఏ ఆసుపత్రి వారు చూసినా ప్రజల ఆరోగ్యంపై అవగాహన కల్పించే క్యాంపులే! టీవీ చర్చల్లో అయినా, ఆరోగ్య అవగాహనా శిబిరాల్లో అయినా డాక్టర్లు చెప్పేది ఒక్కటే... రైస్‌ తగ్గించండి. ముఖ్యంగా జిలకరమసూరి బదులు మొలగొలుకుల బియ్యం తినండి... జిలకరమసూరి బియ్యంతో వండిన ఆహారాన్ని తీసుకోవడం వల్ల మనిషిలో షుగర్‌ లెవల్స్‌ పెరుగుతాయని, వివిధ అనారోగ్యాలకు ఇది కారణమవుతుందనే ప్రచారం ఎక్కువుగా వుంది. మరి ఈ ప్రచారం ఉధృతమై జిలకరమసూరి కొనుగోళ్ళు పడిపోతే దానివల్ల నష్ట పోయేది రైతులే!

అందుకే జిలకరమసూరికి ప్రత్యామ్నా యాన్ని ఆలోచించాల్సి వస్తుంది. ఈ క్రమంలోనే తెలంగాణ సోన 15048 ఆర్‌ఎన్‌ఆర్‌ రకం వరి వంగడాలు విస్తృత ప్రచారంలోకి వచ్చాయి. మన రాష్ట్రంలో వీటిని షుగర్‌లెస్‌ బియ్యంగా పిలుచు కుంటారు. 120రోజుల కాల వ్యవధితో ఈ పంట కోతకొస్తుంది. ఎలాంటి తెగుళ్ళ నైనా తట్టుకోగల శక్తివున్న ఈ పంటకు జిలకరమసూరి, ఇతర రకాలతో పోలిస్తే పెట్టుబడి కూడా తక్కువే! తెగులు పట్టినా కూడా దానంతట అదే వదిలించుకుం టుంది. అగ్గితెగులును ఆశించదు. కాబట్టి పురుగుమందులను వాడాల్సిన అవసరమే రాదు. ఎకరాకు రెండు కట్టల కాంప్లెక్స్‌ ఎరువులు వాడాల్సి వుంటుంది. ప్రస్తుతం మనం వేస్తున్న పైర్లకు ఎకరాకు 25 నుండి 30వేలు దాకా ఖర్చవుతుంది. కాని తెలం గాణ సోనకు ఎకరాకు 15వేల నుండి 16వేలు దాకా మాత్రమే పెట్టుబడి అవసరమవుతుంది. మిగతా పంటలకైతే ఎకరాకు 7 నుండి 8కట్టల దాకా రసాయన ఎరువులు, పురుగు మందులు వాడాల్సి వుంటుంది. 5 నుండి 6సార్లు పురుగు మందులు పిచికారీ చేయాలి. ఇంత పెట్టుబడి పెట్టి కష్టపడ్డా పుట్టి ధర 12వేల నుండి 14వేల మధ్యే వుంది. అదే తెలంగాణ సోన అయితే తక్కువ పెట్టుబడితో ఎక్కువ లాభం పొందవచ్చు. సాధారణ రకాలతో పోలిస్తే ఎకరాకు 20వేల దాకా అదనపు రాబడి వుంటుంది. రసాయనాలు వాడని పంట కాబట్టి ప్రజలకు వీటి వాడకం వల్ల ఎటువంటి అనారోగ్యం ఉండదు.

రైతుల్లో అవగాహన తేవాలి - కొర్రపాటి మురళీనాయుడు

అటు రైతులకు ఆదాయం, ఇటు ప్రజలకు ఆరోగ్యం అందించే వరి వంగడం తెలంగాణ సోన. ఇది రైతులకు మేలు చేకూర్చే పంట. ఈ పంటపై వ్యవసాయాధికారులు రైతుల్లో అవగాహన కల్పించాలి. సొసైటీల ద్వారానే రైతులకు విత్తనాలు అందించాలి. ఈ పంటను ప్రోత్సహించే విధంగా ప్రభుత్వం చర్యలు తీసుకోవాలని వైసిపి రైతు విభాగం జిల్లా కన్వీనర్‌ కొర్రపాటి మురళీనాయుడు కోరుతున్నారు.

Page 9 of 48

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • రెండు నెలల్లో... ట్రెండ్‌ మారింది
    రాజకీయాలలో పరిస్థితులు తారుమారు కావడానికి ఎంతో కాలం పట్టదు. నాలుగేళ్ళ పదినెలలు సమర్ధవం తంగా పని చేసిన ఒక ప్రభుత్వం ఒక చిన్న తప్పు చేస్తే ఒక్క నెలలోనే గబ్బు పట్టొచ్చు. దాని మూలంగానే ఎన్నికల్లో ఓడిపోవచ్చు. నాలుగేళ్ళ పది నెలల…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…

Newsletter