ycp choopనవ్యాంధ్రలో శరవేగంగా చోటుచేసుకుంటున్న రాజకీయ మార్పు ప్రభావం నెల్లూరుజిల్లాపై కూడా ఎక్కువగానే కనిపిస్తోంది. ఇప్పటివరకు స్తబ్ధుగా వున్న జిల్లా రాజకీయం ఇప్పుడిప్పుడే ఊపందుకుని వేసవి తాపంతో పాటు వేడెక్కుతోంది.

జిల్లాలోని పది నియోజకవర్గాలలో వైసిపికి ఇప్పటికే సమన్వయకర్తలున్నారు. వారే రేపు రాబోయే ఎన్ని కల్లో అభ్యర్థులన్న ధీమాలో కూడా వున్నారు. అయితే ఇక్కడ తాము గెలవడం ముఖ్యమా, తమ లీడర్‌ ముఖ్యమంత్రి కావడం ముఖ్యమా అన్న ఆలోచన చేయగలిగితే వీరిలో చాలా మంది వెనక్కి వెళ్ళాల్సి వస్తుంది. తమ గెలుపే ప్రధానం అని స్వార్ధంతో భావిస్తే వీళ్ళు పార్టీని చిక్కుల్లోకి నెట్టే పరిస్థితి ఏర్పడు తుంది. ఇప్పటికే జిల్లాలోని అన్ని నియోజకవర్గాల్లో పార్టీ బాగా బలంగా వున్నప్పటికీ కొన్ని చోట్ల అభ్యర్థుల పట్ల అసంతృప్తి ఉందన్న వార్త బలంగా వినిపిస్తోంది. జిల్లాలో ఏ నియోజకవర్గమైనా టిక్కెట్టు పొందగలిగితే గెలుపు ఖాయం అన్న ధీమా కొత్త నేతల్లోనే కాదు, జిల్లా ప్రజల్లో కూడా వుంది. సిట్టింగ్‌ల పైన సహజంగానే కొంత అసంతృప్తి వుంటుంది కాబట్టి కొన్ని స్థానాల్లో అభ్యర్థులను మార్చక తప్పదని పి.కె. సర్వే చెబుతోందన్న వార్త కూడా షికారు చేస్తోంది. అయితే జిల్లా అంతటా ప్రస్తుతం వినిపిస్తున్న చర్చ పార్టీకి రానున్న కొత్త నేతలు ఎవరు...? వారి స్థానాలు ఏవి...?

ముందుగా నెల్లూరు పార్లమెంటు విషయానికొస్తే ఇక్కడ ఖచ్చితంగా కొత్త అభ్యర్థి అవసరం వుంది. మేకపాటి రాజమోహన్‌రెడ్డి పార్టీకి పెద్దదిక్కుగా, జగన్‌కి విధేయుడిగా మంచి మార్కులు సంపాదించు కున్నప్పటికీ ఎంపిగా జిల్లా ప్రజలు ఫెయిల్‌ మార్కులే వేస్తున్నారు. ఈ నేపథ్యంలో మాగుంట శ్రీనివాసులు రెడ్డి లేదా ఆదాల ప్రభాకర్‌రెడ్డిల పేర్లు బలంగా వినిపిస్తున్నాయి. అయితే గత ఎన్నికల్లో మేకపాటిపై పోటీ చేసి ఓడిపోయిన ఆదాలయితే గెలుపు ఖాయం అన్న అభిప్రాయం చాలామందిలో వున్నప్పటికీ ఆయన అసెంబ్లీకి వెళ్లాలన్న గట్టి పట్టుదలతో వున్నట్లు సమాచారం.

ఇక వెంకటగిరి విషయానికొస్తే ఇక్కడ కొమ్మి లక్ష్మయ్యనాయుడు పూర్తిగా రిటైర్‌ అయిపోవడంతో బొమ్మిరెడ్డి రాఘవేంద్రరెడ్డి ఈ సీటును కనిపెట్టుకుని పనిచేసుకుంటున్నాడు. జగన్‌ కూడా ఇప్పటికే హామీ ఇచ్చినట్లు చెప్తున్నా, ఇక్కడి నుండి మాజీముఖ్యమంత్రి నేదురుమల్లి జనార్ధన్‌రెడ్డి కుమారుడు రాంకుమార్‌రెడ్డి పేరు బలంగా వినపడుతోంది. రాంకుమార్‌ అయితే వెంకటగిరితో పాటు గూడూరు, సూళ్లూరుపేట నియో జకవర్గాల్లో కూడా పార్టీకి మేలు జరిగే అవకాశాలు బలంగా వున్నాయన్నది రాజకీయ విశ్లేషకుల అంచనా. మాజీముఖ్యమంత్రి కొడుకుగా నేదురుమల్లి వారసుడిగా జనం ఆయనకు జేజేలు పలుకుతారన్నది వీరి అభిప్రాయం. వెంకటగిరి నియోజకవర్గంలో బలమైన బంధువర్గం గల డిసిసిబి ఛైర్మెన్‌ మెట్టుకూరు ధనుంజయరెడ్డి కూడా రంగంలో ఉన్నట్లు తెలు స్తోంది. సీటిచ్చేటట్లైతే వైసిపిలో చేరడానికి ఆయన సిద్ధంగా ఉన్నాడని సమాచారం.

గూడూరు నియోజకవర్గానికి సంబంధించి మేరిగ మురళిని నిర్ణయించి గెలిపించే బాధ్యత గౌతంరెడ్డికి అప్పజెప్పినా మురళీరవం నియోజకవర్గంలో అంతగా వినిపించకపోవడంతో ఇక్కడ పనబాక కృష్ణయ్యని తెరపైకి తెచ్చే ఆలోచనలో మేధావులు పావులు కదుపుతున్నట్లు తెలుస్తోంది. అంగబలం అర్ధబలం అన్నీ ఉన్న కృష్ణయ్య ఇక్కడ గట్టి అభ్యర్థి కావచ్చన్నది అంచనా. ఇక్కడ ఇన్‌ఛార్జ్‌ లుగా పార్టీ గెలుపుకోసం గట్టిగా పనిచేయాలనుకుంటున్న పేర్నాటి శ్యాంప్రసాద్‌రెడ్డికి, యల్లసిరి గోపాల్‌ రెడ్డికి, కోడూరు మీరయ్యకి ఈసారి ఎన్నిక పెద్ద సవాల్‌ కాబట్టి అభ్యర్థి విషయంలో వీళ్లు కూడా రాజీపడక పోవచ్చు.

ఇక ఆత్మకూరులో రామనారాయణరెడ్డి ఏ పార్టీ నుండి పోటీ చేసినా గెలుస్తాడని అక్కడ ఓటర్లు బాహా టంగానే చెప్తున్నారు. మంత్రిగా ఆయన చేసిన అభివృద్ధిని మరువలేకున్నామని, గత ఎన్నికల్లో ఆయన కాంగ్రెస్‌పార్టీ అభ్యర్థిగా నిలబడడం కారణంగా మన స్సాక్షిని చంపుకుని గౌతంరెడ్డికి ఓటేశామని అంటు న్నారు. రామనారాయణరెడ్డి ఈసారి ఏ పార్టీ నుండి పోటీ చేసినా ఆయనకే ఓటేస్తామని ఒట్టేసి మరీ చెప్తున్నారు. ఈ క్రమంలో ఇక్కడ వైసిపి నుండి రామ నారాయణరెడ్డి వస్తే ప్రభంజనంలా గెలిచే అవకా శాలు వున్నాయని అంటున్నారు. గౌతం లాంటి విధేయులు జగన్‌ మాట జవదాటే అవకాశం లేదు కాబట్టి, పార్టీ అధికారంలోకి వస్తే గౌతంని యంయల్‌సి చేసి ఆయనను మంత్రిని కూడా చేసే సాన్నిహిత్యం, సహచర్యం జగన్‌కి గౌతంకి మధ్య వుంది. కాబట్టి ఇక్కడి అభ్యర్థిని మార్చడం సులభమే.

కోవూరు విషయానికొస్తే ఇక్కడకూడా పార్టీ బలంగా వుండడమే కాకుండా ప్రసన్నకుమార్‌రెడ్డిపైన సానుభూతి కూడా వుంది. దీంతో సమానంగా పోలంరెడ్డిపైన అసంతృప్తి కూడా ఎక్కువగానే వుంది. అయితే... ఆఖరు నిముషంలో ఏదో విధంగా గెలుపు గుర్రంగా అవతారమెత్తే పోలంరెడ్డి ఆర్ధికబలంతో ఈ సీటుకు ఎసరుపెట్టే ప్రయ త్నాలు మొదలుపెట్టినట్లు తెలుస్తోంది. అయితే జగన్‌మోహన్‌రెడ్డి మాత్రం ప్రసన్న వైపే మొగ్గు చూపుతున్నట్లు వినికిడి.

సమీకరణలు మారి కొత్త నీరు పార్టీకి వస్తే ఉదయగిరి నుండి మేకపాటి రాజమోహన్‌రెడ్డి పోటీ చేస్తాడని కూడా వినిపిస్తోంది. ఇక్కడ శేఖర్‌రెడ్డి ఇమేజ్‌ బలంగా ఉన్నప్పటికీ అన్న కోసం త్యాగం చేసే పరిస్థితే వస్తే ఆయన బలికాక తప్పేటట్లు లేదు.

కావలిలో ప్రతాప్‌ జోరుగా ప్రచారం చేసుకుం టున్నప్పటికీ ఇక్కడ వంటేరు వేణుగోపాలరెడ్డి, కాటంరెడ్డి విష్ణువర్ధన్‌రెడ్డిలు లైన్‌లో వున్నారు. అయితే వీరందరినీ ప్రక్కనబెట్టి కొత్త అభ్యర్థిని తెరపైకి తెస్తే వివాదం సద్దుమణుగుతుందని పార్టీ వర్గాలు భావిస్తున్న క్రమంలో ఇక్కడ కూడా ఆదాల పేరు వినిపిస్తోంది. అయితే జగన్‌మోహన్‌రెడ్డి పాద యాత్రలో వుండడంతోనూ మరోవైపు హోదా పోరు పతాకస్థాయికి చేరుకోవడంతోనూ జిల్లాలోని నియోజకవర్గాల అభ్యర్థుల నిర్ణయం మరికొద్ది నెలలు వాయిదా పడే అవకాశం ఉంది. మిగిలిన నియో జకవర్గాలలో సర్వేపల్లి మినహా మిగిలిన నెల్లూరు నగరం, రూరల్‌, సూళ్లూరుపేటలలో అభ్యర్థులు దాదాపు ఖరారైపోయినట్లే.

ఏది ఏమైనా రాబోయే ఎన్నికలు ప్రతిష్టాత్మకమైనవి. ఇక్కడ అందరి ధ్యేయం ఒక్కటే కావాలి. అది కేవలం వై.యస్‌.జగన్‌ ముఖ్యమంత్రి కావాలి. రాష్ట్రంలో వై.యస్‌.ఆర్‌.కాంగ్రెస్‌ పార్టీ సుపరిపాలన అందించాలి. ఇదొక్కటే నినాదం కావాలి. ఇదొక్కటే లక్ష్యం కావాలి. ఇదొక్కటే అంతిమ నిర్ణయం కావాలి. అప్పుడే పార్టీ విజయం నల్లేరుపై నడకలా సాగుతుంది. వేచిచూద్దాం ఏం జరుగుతుందో...!

ysrcpరాష్ట్రంలో కడప, కర్నూలు జిల్లాల తర్వాత వైయస్సార్‌ కాంగ్రెస్‌పార్టీకి కంచుకోట లాంటిది నెల్లూరుజిల్లా. ఒక్క 1983, 1994 ఎన్నికల్లో తప్పించి మిగతా ఎన్నికల్లో తెలుగుదేశం ప్రభంజనం ఇక్కడ పెద్దగా పనిచేసిందేమీ లేదు. గతంలో తెలుగుదేశం కంటే కూడా కాంగ్రెస్సే బలంగా కనిపించేది. ఇప్పుడు కాంగ్రెస్‌ స్థానంలో వైయస్సార్‌ కాంగ్రెస్‌ ఈ జిల్లాలో బలంగా వుంది. 2014 ఎన్నికల్లో నెల్లూరు, తిరుపతి లోక్‌సభలను గెలవడంతో పాటు, ఉన్న 10 అసెంబ్లీ స్థానాలలో ఏడింటిని వైకాపానే గెలుచుకోవడం ఆ పార్టీ పటిష్టతకు అద్దం పడుతోంది. ఆ ఎన్నికల్లో పార్టీ సంస్థాగతంగా జరిగిన పొరపాట్ల వల్లనే మిగతా 3 స్థానాలైనా ఓడిపోయింది గాని, కరెక్ట్‌ ఎలక్షన్‌ చేసుంటే ఆ సీట్లు కూడా వచ్చివుండేవే!

ఈసారి మాత్రం జిల్లాలో పది సీట్లను సాధించే దిశగా పార్టీ వర్గాలు పక్కా వ్యూహంతో పని చేస్తున్నాయి. జిల్లాలో 10 అసెంబ్లీ సీట్లను చేజిక్కించుకోవాలంటే ఎక్కడెక్కడ ఎవరిని అభ్యర్థులుగా పెట్టాలన్న దానిపై పెద్దఎత్తునే కసరత్తు జరుగుతున్నట్లు తెలుస్తోంది. ముఖ్యంగా అసెంబ్లీలు గెలవాలంటే లోక్‌సభ అభ్యర్థి కీలకం అవుతున్నాడు. ఎంపీ అభ్యర్థిని బట్టే అసెంబ్లీ అభ్యర్థుల గెలుపోటములు ఉంటున్నాయి. 2014 ఎన్నికల్లో నెల్లూరు పార్లమెంటు అభ్యర్థిగా మేకపాటి రాజమోహన్‌రెడ్డి పోటీ చేశాడు. అంతకుముందు రెండేళ్ళ క్రితం ఉపఎన్నికల్లో పోటీ చేస్తే దాదాపు 3లక్షల మెజార్టీతో గెలిచాడు. 2014లో కేవలం 13వేల ఓట్లతో బయటపడ్డాడు. నెల్లూరు లోక్‌సభ పరిధిలో 7అసెంబ్లీలుంటే 5అసెంబ్లీలలో వైకాపానే గెలిచింది. ఈ ఏడు చోట్ల అసెంబ్లీ మెజార్టీలు తీసుకుంటే టీడీపీ కంటే వైకాపాకే దాదాపు లక్ష ఓట్లు మెజార్టీ వుంది. కాని, లోక్‌సభకు వచ్చే సరికి క్రాస్‌ ఓటింగ్‌ జరిగి మేకపాటి 13వేల ఓట్లతో గెలిచాడు. టీడీపీ అభ్యర్థి ఆదాలకు భారీ క్రాస్‌ ఓటింగ్‌ జరిగింది. ఇంత క్రాస్‌ ఓటింగ్‌ వెనుక బలమైన కారణాలు రెండే... ఒకటి సిటింగ్‌ ఎంపీగా మేకపాటి మీద వున్న వ్యతిరేకత... ఆదాల మీద అన్ని వర్గాల వారికీ వున్న సానుకూలత. నెల్లూరు లోక్‌సభ పరిధిలోని నెల్లూరుసిటీ, రూరల్‌, కోవూరు, కావలి, ఆత్మకూరులో సగం ప్రాంతాల్లో పంటరెడ్ల ప్రాబల్యం ఎక్కువ. ఉదయగిరి, కందుకూరులలో అన్ని రకాల రెడ్లున్నారు. గత ఎన్నికల్లో ఆదాలకు క్రాస్‌ ఓటింగ్‌ పెరగడానికి ఈ అంశం కూడా ఒక కారణమే!

ఈసారి నెల్లూరు లోక్‌సభ అభ్యర్థిగా మేకపాటికి బదులు కొత్తవారిని రంగంలోకి దించడం బెటర్‌. మేకపాటిని నర్సారావుపేట లేదా ఒంగోలులో పెట్టుకోవచ్చు. నెల్లూరు లోక్‌సభకు మాత్రం ఆదాల ప్రభాకర్‌రెడ్డి, మాగుంట శ్రీనివాసులురెడ్డి లేదా వేమిరెడ్డి ప్రభాకర్‌రెడ్డిలలో ఒకరు అభ్యర్థి కావచ్చనే అభిప్రాయం వుంది. వీరిలో ఎవరు అభ్యర్థి అయినా 7అసెంబ్లీ అభ్యర్థులకు ఉత్సాహమిచ్చినట్లే! ఇక నెల్లూరు సిటీ, రూరల్‌, ఆత్మకూరు లలో సిటింగ్‌ ఎమ్మెల్యేలను మార్చాల్సిన అవసరం లేదు. ఉదయగిరిలో మేకపాటి కుటుంబసభ్యులే పోటీ చేయాలి. కోవూరుకు నల్లపరెడ్డి ప్రసన్నే మంచి అభ్యర్థి. కావలి నుండి ఈసారి సిటింగ్‌ ఎమ్మెల్యే రామిరెడ్డి ప్రతాప్‌కుమార్‌రెడ్డి పేరుతో పాటు మాజీ ఎమ్మెల్యే కాటంరెడ్డి విష్ణువర్ధన్‌రెడ్డి పేరు కూడా పరిశీలిస్తున్నట్లు తెలుస్తోంది. సూళ్లూరుపేట లోనూ సిటింగ్‌ ఎమ్మెల్యే సంజీవయ్యే మేలు. వెంకటగిరిలో మాత్రం ఇన్‌ఛార్జ్‌ బొమ్మిరెడ్డి రాఘవేంద్రరెడ్డితో పాటు ప్రస్తుతం బీజేపీలో వున్న నేదురుమల్లి రామ్‌కుమార్‌రెడ్డి పేరును కూడా పరిశీలిస్తున్నట్లు సమాచారం. గూడూరుకు పనబాక కృష్ణయ్య అయితే బాగుం టుందని పార్టీ వర్గాలు భావిస్తున్నాయి. సర్వేపల్లి నుండి ప్రస్తుతానికి సిటింగ్‌ ఎమ్మెల్యే కాకాణే అభ్యర్థి.

ప్రజల్లో ప్రభుత్వం పట్ల వ్యతిరేకత వుంది. వై.యస్‌. అభిమానం వుంది. నెల్లూరు, తిరుపతి ఎంపీ అభ్యర్థులుగా, 10అసెంబ్లీకు అభ్యర్థులుగా గట్టివాళ్లను పెడితే చాలు... జిల్లాను క్లీన్‌ స్వీప్‌ చేయొచ్చని పార్టీ వర్గాలు విశ్వసిస్తున్నాయి.

prasannaవైకాపా సీనియర్‌ నాయకుడు నల్లపరెడ్డి ప్రసన్నకుమార్‌రెడ్డి తాను పార్టీ మారుతు న్నానన్న వదంతులకు తెరదించారు. తన రాజకీయ జీవితం చివరి క్షణం వరకు వై.యస్‌.జగన్మోహన్‌రెడ్డి వెంటే తన పయనమంటూ కుండబద్ధలుకొట్టారు.

ఇటీవలకాలంలో ప్రసన్న తెలుగు దేశం పార్టీలో చేరుతున్నాడంటూ పుకార్లు షికారు చేస్తున్నాయి. ఫేస్‌బుక్‌ లలోనూ పోస్ట్‌లు హల్‌చల్‌ చేస్తున్నాయి. ఇటీవల స్థానిక ఎమ్మెల్సీ ఎన్నికల సమయంలో తనకు సీటు ఇవ్వలేదని ప్రసన్న అలిగాడని వార్తలొచ్చాయి. అసలు ప్రసన్న స్థానిక ఎమ్మెల్సీ సీటు అడగలేదు. అలాంటప్పుడు అలగాల్సిన అవసరమేముంది. అదీగాకుండా ఆయనే గనుక సీటు కావాలంటే ఇక ఇవ్వకుండా పోవడమేమిటి? ఆయన పోటీ చేసుంటే ఫైట్‌ ఇంకా టైట్‌ అయ్యుండేది కూడా!

ఇప్పటికప్పుడు తెలుగుదేశంలో చేరాల్సినంత అవసరం కూడా ఆయనకు లేదు. వైకాపాలో ఆయన గౌరవం ఆయనకుంది. ఆయన సీనియార్టీ ఆయ నది! 2014లో వైకాపా అధికారంలోకి వచ్చుంటే జిల్లా నుండి మంత్రి కూడా ఆయనే అయ్యుండేవాడు. జగన్మోహన్‌రెడ్డి అంత ప్రాధాన్యతనిస్తున్నాడాయనకు!

అయితే ప్రసన్నను తెలుగుదేశంలోకి లాగడానికి కొందరు చేసిన ప్రయత్నాలు నిజమేనని తెలుస్తోంది. ప్రసన్న సమీప బంధువులు జేసీ బ్రదర్స్‌ తెలుగుదేశంలో వున్నారు. ప్రసన్న మరో బావ సోమిరెడ్డి చంద్రమోహన్‌రెడ్డి తెలుగుదేశంలోనే

ఉన్నప్పటికీ ఆయనకు ఈయనకు పడదు. కాబట్టి ప్రసన్న కోసం జేసీ బ్రదర్సే ప్రయ త్నించారు. కాని ప్రసన్న వారి ప్రతిపాద నను తిరస్కరించినట్లు తెలుస్తోంది.

ప్రసన్న రాజకీయ ప్రస్థానం మొద లైందే తెలుగుదేశం పార్టీ నుండి. 1993లో కోవూరు ఉపఎన్నిక ద్వారా ఆయన మొదటిసారి ఎమ్మెల్యే అయ్యాడు. 1994, 1999లలో కూడా వరుసగా గెలిచి హ్యాట్రిక్‌ కొట్టాడు. 2004లో ఓడిపోయాడు. 2009లో మళ్ళీ గెలిచాడు. అయితే అప్పుడు రెండోసారి కూడా తెలుగుదేశం అధికారంలోకి రాలేదు. దాంతో చంద్రబాబు నాయకత్వం మీద విరక్తి పెంచుకున్న ప్రసన్న ఆయనపై పదునైన విమర్శలు గుప్పించి వై.యస్‌. పక్కన చేరారు. ఆ చేరడం చేరడం వై.యస్‌. మరణం తర్వాత కూడా ఆయన కొడుకు జగన్‌నే నీడలా అంటిపెట్టుకుని కొనసాగుతున్నాడు.

Page 1 of 2

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…

Newsletter