ycp leadersఎన్నికలొస్తున్నాయంటే సీట్లకు సిగ పట్లు ఎక్కువుగా వుంటాయి. ఒక్కో సీటుకు ఇద్దరు ముగ్గురు పోటీ పడుతుంటారు. నెల్లూరు జిల్లా వైయస్సార్‌ కాంగ్రెస్‌పార్టీలో ఆ పరిస్థితి చాలా తక్కువుగానే కనిపి స్తోంది. జిల్లాలో ఒక్క కావలి సీటు విష యంలో మాత్రమే సిట్టింగ్‌ ఎమ్మెల్యే రామి రెడ్డి ప్రతాప్‌కుమార్‌రెడ్డికి మాజీఎమ్మెల్యే కాటంరెడ్డి విష్ణువర్ధన్‌రెడ్డి గట్టి పోటీ దారుగా వున్నాడు.

నెల్లూరు లోక్‌సభ సీటుకైతే ఎవరూ పోటీ లేరు. ఇప్పటికైతే సిటింగ్‌ ఎంపీ మేకపాటి రాజమోహన్‌రెడ్డే వున్నాడు. అయితే ఈసారి కూడా ఆయనే పోటీ చేస్తే గెలుపు కష్టమన్న ప్రచారం సాగుతోంది. కాబట్టి ఎంపీ అభ్యర్థిని మార్చడం బెటర్‌ అవుతుంది. 2014 ఎన్నికల్లో వెంకటగిరి నుండి పోటీ చేసి ఓడిపోయిన కొమ్మి లక్ష్మయ్యనాయుడు రాజకీయాలకు దూరంగా ఉండడంతో జడ్పీ ఛైర్మెన్‌ బొమ్మిరెడ్డి రాఘవేంద్రరెడ్డి ఇన్‌ఛార్జ్‌గా

ఉంటున్నాడు. ప్రస్తుతానికి ఈ సీటుకు ఆయన పేరే వుంది. పోటీలోకి ఇంకా ఎవరూ రాలేదు. కాని, ఎన్నికలప్పటికి ఈ సీటు కోసం పోటీకి రావచ్చు కూడా! ఎమ్మెల్యే పాశం సునీల్‌కుమార్‌ తెలుగు దేశంలోకి జంప్‌ చేయడంతో గూడూరు నియోజకవర్గ ఇన్‌ఛార్జ్‌గా మేరిగ మురళీ ధర్‌ను నియమించారు. ఆయన అభ్యర్థిగా అయితే కష్టమే! ఎన్నికల నాటికి ఇక్కడ కొత్త నాయకులు తెరపైకొచ్చే అవకాశా లున్నాయి. సూళ్ళూరుపేటలో సిట్టింగ్‌ ఎమ్మెల్యే కిలివేటి సంజీవయ్యకు ఇబ్బంది లేదు. ఆయనను మార్చాల్సిన పరిస్థితి కూడా లేదు. సర్వేపల్లిలో సిటింగ్‌ ఎమ్మెల్యే కాకాణి గోవర్ధన్‌రెడ్డికి తప్పదు. ప్రస్తుతానికి ఈ సీటును అడిగేవాళ్ళు కూడా లేరు. నెల్లూరు నగరంలో సిటింగ్‌ ఎమ్మెల్యే పి.అనిల్‌కుమార్‌యాదవ్‌, నెల్లూరు రూరల్‌లో సిటింగ్‌ ఎమ్మెల్యే కోటంరెడ్డి శ్రీధర్‌రెడ్డిలు అంతా సెట్‌ చేసుకున్నారు. ప్రజల్లో తిరుగుతూ బెస్ట్‌ ఎమ్మెల్యేలని పించుకుంటున్నారు. వీళ్ళిద్దరిని మార్చే పరిస్థితి లేదు. కోవూరు నుండి గత ఎన్ని కల్లో కొద్ది తేడాతో ఓడిపోయిన నల్లపరెడ్డి ప్రసన్నకుమార్‌రెడ్డే లైన్‌లో వున్నాడు. ఇక్కడ ఆయనే గట్టి అభ్యర్థి కూడా! ఆత్మకూరులో సిటింగ్‌ ఎమ్మెల్యే మేకపాటి గౌతంరెడ్డిపై వ్యతిరేకత లేదు. కాకపోతే ఈసారి టీడీపీ నుండి ఆనం రామనారాయణరెడ్డి దిగితే ఆయన గట్టి పోటీని ఎదుర్కోవాల్సి వుంటుంది. ఉదయగిరి నుండి ప్రస్తుతానికి ఇన్‌ఛార్జ్‌ మేకపాటి చంద్రశేఖర్‌రెడ్డే రం గంలో వున్నాడు. ఆర్ధిక కారణాల దృష్ట్యా కొత్త నాయకులు రంగంలోకి వచ్చినా ఆశ్చర్యపడాల్సిందేమీ లేదు.

నెల్లూరుజిల్లాకు సంబంధించి పార్టీలో సీట్లకు పోటీ తక్కువగానే వుంది. అభ్యర్థుల ఎంపిక ఇక్కడ పెద్ద తలనొప్పి కాక పోవచ్చు!

sittingaరాబోయే ఎన్నికల్లో జిల్లాలోని తెలుగుదేశం పార్టీ సిటింగ్‌ ఎమ్మెల్యే లకు చంద్రబాబు తిరిగి సీట్లు ఇవ్వడనే ప్రచారం జోరుగా వుంది. ఒక్క సిటింగ్‌ స్థానాలలోనే కాదు, జిల్లాలోని అన్ని అసెంబ్లీ నియోజక వర్గాల నుండి కొత్త అభ్యర్థులను రంగంలోకి దించుతారని టాక్‌!

ముఖ్యంగా పార్టీకి జిల్లాలో వైసిపి నుండి జంప్‌ చేసొచ్చిన గూడూరు ఎమ్మెల్యే పాశం సునీల్‌ను లెక్కలోకి తీసుకుంటే నలుగురు ఎమ్మెల్యేలున్నారు. అసలు గూడూరు సీటును సునీల్‌కు ఇవ్వడమే పెద్ద సందేహం. సునీల్‌ వైసిపి నుండి వచ్చాక పార్టీ ఎమ్మెల్యేల లెక్క పెరిగిందనేగాని పార్టీకి ఇక్కడ అదనంగా ఒరిగిందేమీలేదు. వైసిపి నుండి ఆయన వెంట పెద్దగా వచ్చినవాళ్లు లేరు. అంతే కాదు, పార్టీలోనే కుమ్ములాటలు ఎక్కువయ్యాయి. పార్టీలో చేర్చు కునేటప్పుడు సునీల్‌కు వచ్చే ఎన్నికల్లో టిక్కెట్‌ గ్యారంటీ ఇచ్చి

ఉంటారు. కాని, అభ్యర్థి ఓడిపోతాడని రిపోర్ట్‌ వస్తే మాత్రం చంద్రబాబు మాటకంటే కూడా సర్వే రిపోర్ట్‌కే ఎక్కువ ప్రాధాన్యత నిస్తాడు. వెంకటగిరి ఎమ్మెల్యే కురుగొండ్ల రామకృష్ణ వరుసగా రెండోసారి ఎమ్మెల్యే అయ్యాడు. అయితే గతంలో ఎప్పుడూ లేనంతగా ఈసారి ఆయనపై ఆరోపణలొచ్చాయి. ప్రజల్లోనూ వ్యతిరేకత వచ్చింది. పార్టీ నాయకులలో కూడా కొంతమందికి ఆయనంటే పడడం లేదు. ఈసారి ఆయనను మార్చవచ్చనే వార్తలు వినిపిస్తున్నాయి. ఉదయగిరి ఎమ్మెల్యే బొల్లినేని రామారావు విషయాని కొస్తే ఎటువంటి అవినీతి ఆరోపణలు గాని, వివాదాలు గాని లేవు. కాకపోతే జనంలో ఉండడం లేదంతే! ఉదయగిరి ప్రజలు ఎమ్మెల్యే తమ మధ్య వుండాలని, తమ ఇంట్లో పెళ్లయినా, చావైనా రావాలని కోరుకుంటారు. అప్పట్లో వెంకయ్యనాయుడు నుండి కంభం వియజరామి రెడ్డి, మాదాల జానకిరామ్‌, మేకపాటి చంద్రశేఖర్‌రెడ్డిల దాకా ఇక్కడ ఎమ్మెల్యేలుగా పని చేసిన వాళ్ళందరూ అలా అలవాటు చేసి పెట్టారు మరి! వాళ్లంతా ఫుల్‌టైం పొలిటీషియన్స్‌ కావడంతో ఆ విధంగా ఉండగలి గారు. కాని బొల్లినేని రామారావు పరిస్థితి అది కాదు. మహారాష్ట్రలో పేరు మోసిన కాంట్రాక్టర్‌. సీఎం తన నియోజకవర్గానికొచ్చినా ఆయన రాలేనంత బిజీ! వారానికొకసారి వస్తాడు. కలిగిరిలోని తన ఆఫీసులో కూర్చుంటాడు. అన్ని మండలాల నుండి నాయకులను పిలిపించుకుని మాట్లాడతాడు. అతని నాయకత్వంలో మండలస్థాయి నాయకులు హ్యాపీగానే వున్నారు. అతనిని ఎవరూ వ్యతిరేకించడం లేదు. కాకపోతే ప్రజల్లో లేడనే వ్యతిరేకత వుంది. ఉదయగిరికి ఈసారి బొల్లినేని కాదనుకుంటే కంభం విజయరామిరెడ్డి రేసులో వున్నాడు. బొల్లినేని కూడా ఈసారి చంద్రబాబు నిలబడమంటేనే పోటీకి దిగేటట్లున్నాడు తప్పితే సీటు నాకే కావాలని గట్టిగా పట్టుపట్టకపోవచ్చు.

కోవూరు ఎమ్మెల్యే పోలంరెడ్డి శ్రీనివాసులురెడ్డికి ఈసారి సీటును డైలమాలో పెట్టేటట్లున్నారు. నియోజకవర్గంలో వర్గపోరు తీవ్రంగా వుంది. 2014 ఎన్నికల్లో సీటు ఆశించి నిరాశ చెందిన పెళ్లకూరు శ్రీనివాసులురెడ్డి ఈసారి సీటు కోసం గట్టి ప్రయత్నమే చేస్తున్నాడు. మరి ఆయన ప్రయత్నాలు ఎంతవరకు ఫలిస్తాయో చూడాలి. మొత్తానికి సిటింగ్‌ ఎమ్మెల్యేలు నలుగురిలో ఎవ్వరికీ సీటు గ్యారంటీ లేదు.

newsbottomad

ఎక్కువగా చదివిన వార్తలు

  • ఆత్మకూరు టీడీపీకి... దిక్కెవరు?
    ఈ నెల 8వ తేదీన నాయుడుపేటలో నిర్వ హించిన ముఖ్యమంత్రి చంద్రబాబునాయుడు నవనిర్మాణదీక్ష సభకు మాజీమంత్రి ఆనం రామ నారాయణరెడ్డి రానని చెప్పడంతోనే తెలుగుదేశం శ్రేణులకు ఆయన ఉద్దేశ్యం అర్ధమైపోయింది. ఆనం రామనారాయణరెడ్డిని తెలుగుదేశంలో నిలుపుకునేందుకు జిల్లా మంత్రి పి.నారాయణ నుండి…
  • తమ్ముడు తోడొచ్చేనా?
    మాజీమంత్రి ఆనం రామనారాయణరెడ్డి త్వరలో వైసిపిలో చేరనున్నట్లు తెలుస్తోంది. మరి ఆయనతో పాటు ఆయన కుటుంబసభ్యులు ఇంకెవరెవరు పార్టీలో చేరనున్నారన్నది ప్రశ్నగా మారింది. నాలుగో సోదరుడైన ఆనం విజయ కుమార్‌రెడ్డి ఆల్‌రెడీ వైసిపిలోనే వున్నాడు కాబట్టి ఆయనతో పనిలేదు. ఇక స్వర్గీయ…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • వైకాపాలో కుటుంబ రాజకీయం
    నెల్లూరు జిల్లాలో వైయస్సార్‌ కాంగ్రెస్‌పార్టీలో మొదటగా చేరింది, మొదటి నుండి జగన్‌కు అండగా నిలిచింది మేకపాటి కుటుంబం. పెద్ద రాజకీయ కుటుంబాలేవీ జగన్‌ వెంట రాకున్నా ఆయన పార్టీ పెట్టిన కొత్తల్లో కాంగ్రెస్‌పార్టీ ఎంపీగా వున్న మేకపాటి రాజమోహన్‌రెడ్డి, ఎమ్మెల్యేగా వున్న…

Newsletter