narayanaరాష్ట్ర మున్సిపల్‌ శాఖ మంత్రి నారాయణ నెల్లూరోడు... నెల్లూరు నగ రాన్ని అన్నింటా ముందు నిలపాలను కుంటున్నాడు. నగరంలో ఏ పని చేయా లన్నా సమర్ధుడైన అధికారులుండాలి. వారిచేత పనిచేయించుకోవాలి. అవినీతి అధికారులను ఆరు నెలలకు కాదు, ఆరురోజులకే బదిలీ చేసినా ఇబ్బంది లేదు. కాని నిజాయితీగా, నిఖార్సుగా పనిచేసు కుంటున్న వారిని చీటికి మాటికి బదిలీ చేసుకుంటూ పోతేనే చేసే పనుల్లో గందర గోళం నెలకొంటుంది.

నెల్లూరు నగరం అసలే గందరగో ళంగా వుంది. ఎక్కడ చూసినా ఆక్రమ ణలు... ఇరుకు రోడ్లు... విపరీతమైన ట్రాఫిక్‌... పందులు, దోమలతో నరక యాతన. భూగర్భ డ్రైనేజీ, మంచినీటి పైప్‌లైన్ల పనులతో ధ్వంసమైన రోడ్లతో ఇక్కట్లు. అధ్వాన్నపు పారిశుద్ధ్యం... కొండలా పేరుకుపోయిన పన్ను బకా యిలు... ఒక ఆఫీసర్‌కు వీటి మీద అవ గాహన రావాలన్నా, వీటిని పరిష్కరించే మార్గాలు దొరకాలన్నా కొంత సమయం పడుతుంది. వచ్చిన ఆఫీసర్లు కరెక్ట్‌గా రూటు తెలుసుకుని పని మొదలుపెట్టీ పెట్టగానే బదిలీ చేసి పడేస్తున్నారు. కొత్తగా వచ్చిన కమిషనర్‌ మళ్ళీ వీటన్నింటిని కనుక్కుని పని మొదలుపెట్టేసరికి ఇంకొంత సమయం పడుతుంది.

అసలు మూడున్నరేళ్ల కాలంలో ఆరు మంది కమిషనర్లను మార్చడం ఏమిటి? ఎక్కడ లోపం వుంది? మున్సిపల్‌ మం త్రిగా నారాయణకే ఇది సవాల్‌. తన సొంత కార్పొరేషన్‌లో గట్టి కమిషనర్‌ను వేసుకుని నిలబెట్టుకోలేని మంత్రి ఇతర మున్సిపాల్టీలను ఎలా అభివృద్ధి చేయగల డన్న ప్రశ్న వస్తుంది. అసలు కమిషనర్లను ఎందుకు బదిలీ చేస్తున్నారో కూడా అర్ధం కావడం లేదు. కమిషనర్‌గా ఢిల్లీరావు బాగానే పనిచేస్తున్నాడు. క్లీన్‌ అండ్‌ గ్రీన్‌పై శ్రద్ధ పెట్టాడు. పార్కులు అభివృద్ధితో పాటు పారిశుద్ధ్యానికి ప్రాధాన్యతనిచ్చి పని చేస్తు న్నాడు. మున్సిపల్‌ మొండి బకాయిలను ముక్కు పిండి వసూలు చేయిస్తున్నాడు. కార్పొరేషన్‌లో ఎంతో కాలం నుండి జరుగుతున్న అక్రమాలకు కళ్ళెం వేసాడు. నెల్లూరు నగరాన్ని అందంగా కనిపించేలా చేయాలనే ఉద్దేశ్యంతో పలు ప్రాంతాలలో గోడలపై ఆకర్షణీయమైన పెయింటింగ్‌లు వేయించారు. కమిషనర్‌గా ఆయన పనిలో వేగం పెంచే సమయంలో బదిలీ వేటు వేసారు. మున్సిపల్‌ మంత్రి ఇలాకాలోనే ఇలా ఉత్తి పుణ్యానికి కమిషనర్లను మార్చుకుంటూ పోతే మున్సిపల్‌ మంత్రికే చెడ్డపేరొస్తుంది. అధికార వర్గాలలో కూడా నెల్లూరు కార్పొరేషన్‌పై చెడు అభిప్రాయం ఏర్పడుతుంది.

gనెల్లూరు నగరపాలక సంస్థకు ఒక సంప్రదాయం వుంది. ఏ కమిషనర్‌ కూడా ఇక్కడ ఆరు నెలలు మించి పనిచేయకూడదు. మహా అంటే తొమ్మిది నెలలు. అదిగో ఆ సాంప్రదాయమే మారలేదు. వచ్చి 9 నెలలు కూడా తిరక్కుం డానే నెల్లూరు నగరపాలక సంస్థ కమిషనర్‌ ఢిల్లీరావును బదిలీ చేసారు.

ప్రస్తుతం నెల్లూరు అర్బన్‌ డెవలప్‌ మెంట్‌ అథారిటీ(నుడా)కు ఇన్‌ఛార్జ్‌ వైస్‌ ఛైర్మెన్‌గా వ్యవహరిస్తున్న ఢిల్లీరావును అదే పోస్ట్‌లో పూర్తిస్థాయి వైస్‌ఛైర్మెన్‌గా నియ మిస్తూ ప్రభుత్వం ఉత్తర్వులు జారీ చేసింది. కాగా, ఢిల్లీరావు త్వరలోనే కంఫర్ట్‌ ఐఏఎస్‌ శిక్షణకు వెళ్ళనున్నట్లు తెలుస్తోంది. ఢిల్లీ రావు స్థానంలో కొత్త కమిషనర్‌గా ఆలీమ్‌ బాషాను నియమించారు. ప్రస్తుతం ఆయన మున్సిపల్‌ పరిపాలనా విభాగంలో మున్సి పల్‌ పాఠశాలల డైరెక్టర్‌గా వుంటూ ఇక్క డకు బదిలీ అయ్యారు.

2014లో కౌన్సిల్‌ ఏర్పడింది మొదలు ఆరు నెలలు మించి ఇక్కడ ఏ కమిషనర్‌ ఉండడం లేదు. కొందరు తమంతటతామే బదిలీ చేయించుకుని వెళితే ఇంకొందరిని తమ మాట వినడం లేదని అధికారపార్టీ వాళ్ళే బదిలీ చేయించారు. ఈ కౌన్సిల్‌ ఏర్పడేనాటికి కమిషనర్‌గా వున్న శ్యాం సన్‌ను 2014 అక్టోబర్‌లో బదిలీ చేశారు. నెల్లూరు కార్పొరేషన్‌కు ఐఏఎస్‌ ఆఫీసర్‌ అయితే బాగుంటుందని చెప్పి ఐఏఎస్‌ కమ్‌ ఐపిఎస్‌ అయిన చక్రధర్‌బాబును కమిష నర్‌గా తెచ్చారు. అయితే ఆయనను కుదురుగా పనిచేసుకోనీయలేదు. ఆయన పనులకు అడ్డంపడ్డారు. కొంతకాలానికే ఆయన పై కత్తి కట్టారు. చివరకు రాజకీయ కారణాలతో ఆయనను పాడేరు ఫారెస్ట్‌కు బదిలీ చేశారు. ఆ తర్వాత కమిషనర్‌గా వచ్చిన పివివిఆర్‌ మూర్తిని కూడా 9నెల లకే రాజకీయ కారణాలతో తరిమేశారు. ఆ తర్వాత వచ్చిన వెంకటేశ్వర్లు పదినెలల పాటు బాగానే పాకులాడాడు. ఇక్కడ నాయకులతో ఊరేగలేక తనపాటికి తానే బదిలీ చేయించుకున్నాడు. ఈయన వెళ్లిన తర్వాత ఇంతియాజ్‌, బి.రామిరెడ్డి, రవి కృష్ణంరాజులు మూడు నెలల పాటు ఇన్‌ఛార్జ్‌ కమిషనర్‌లుగా పనిచేశారు. ఈ ఏడాది మార్చి 31న ఢిల్లీరావు కార్పొరేషన్‌ కమిషనర్‌గా బాధ్యతలు చేపట్టారు. నిజా యితీగా, సమర్ధవంతంగా పని చేస్తున్నాడని పేరు తెచ్చుకున్నాడు. ఆక్రమణల తొల గింపు విషయంలో ఎవ్వరి మాట విన లేదు. ఎవరితో రాజీ పడలేదు. దీంతో అధికారపార్టీ నేతలతో విభేదాలొచ్చాయి. ఆ విభేదాలతోనే ఇప్పుడు బదిలీ జరిగి నట్లుగా తెలుస్తోంది. కౌన్సిల్‌ ఏర్పడిన ఈ మూడూ ముప్పావు సంవత్సరాల కాలంలో ఇన్‌ఛార్జ్‌లతో కలిపి 9మంది కమిషనర్లు మారారు. ఆలీమ్‌ బాషా పదో కమిషనర్‌. ఈయన కూడా సాంప్రదాయాన్ని పాటి స్తాడో, సాంప్రదాయాన్ని బద్ధలు కొడతాడో చూడాలి. ఏదేమైనా కమిషనర్ల బదిలీకి ఒక రికార్డన్నది ఏర్పాటు చేస్తే తొలిగా ఆ రికార్డు నెల్లూరు కార్పొరేషన్‌కే దక్కుతుంది.

mayor ministerనెల్లూరు మేయర్‌ అబ్దుల్‌ అజీజ్‌ గెలిచింది వైయస్సార్‌ కాంగ్రెస్‌పార్టీ తరఫున! మేయర్‌ అయిన కొన్ని నెలలకే చేసిన ప్రమాణాలను పక్కనపెట్టేసి, తన వర్గం వారి మనో భావాలను వెనక్కి నెట్టేసి, వైసిపిని వదిలేసి సైకిలెక్కేసాడు. మేయర్‌ అజీజ్‌ తెలుగుదేశంలోకి రావడానికి ప్రధాన కారణం మంత్రి నారాయణ.

మేయర్‌ ఎలక్షన్‌కు ముందే రాష్ట్రంలో తెలుగుదేశం పార్టీ అధికారంలోకి వచ్చింది. మంత్రి నారాయణ అనుకుని వుంటే అప్పుడే మేయర్‌గా తమ పార్టీ వాళ్ళను చేసుకుని వుండొచ్చు. కాని, మేయర్‌ ఎలక్షన్‌కు ముందే అజీజ్‌తో ఆయన ఒప్పందం చేసుకున్నాడు. మేయర్‌గా గెలిచాక తెలుగుదేశంలో చేరాలని మాట్లాడుకున్నారు. అందుకనే అప్పుడు నారాయణ నెల్లూరు మేయర్‌ ఎన్నికల్లో పెద్ద టెన్షన్‌ పడలేదు. పెద్దగా రిస్క్‌ తీసుకోలేదు. ఇచ్చిన మాట ప్రకారం అజీజ్‌ మేయర్‌గా ఎన్నికయ్యాక తెలుగుదేశంలో చేరాడు. అయితే మంత్రి నారాయణ, మేయర్‌ అజీజ్‌ల మధ్య అప్పుడప్పుడూ బేధాభిప్రాయాలు తలెత్త సాగాయి. నారాయణ మున్సిపల్‌ మంత్రి కావడం, నెల్లూరు సొంతూరు కావడంతో స్వతహాగానే ఈ కార్పొరేషన్‌ వ్యవహారాలలో నారాయణ ప్రత్యక్షంగా జోక్యం చేసుకోసాగాడు. కార్పొరేటర్లు, అధికారులు కూడా నేరుగా మంత్రితోనే టచ్‌లో

ఉండసాగారు. మొదటి మొదట్లో నారాయణ, అజీజ్‌ల బంధం బాగానే కొనసాగింది. అజీజ్‌ మాటకు ప్రాధాన్యత వుండేది. ఆయన చెప్పినట్లే అధికారుల బదిలీలుండేవి. ఆయన కోరిన వాళ్ళే కమిషనర్‌లుగా వచ్చే వాళ్ళు.

అయితే రానురాను అజీజ్‌పై నారాయణకు సదాభిప్రాయం తగ్గిపోయి నట్లుగా కనిపిస్తోంది. కార్పొరేషన్‌లో అవినీతి పెరిగిపోయింది. కేవలం ధనార్జన కోసమే కొన్ని పనులు చేస్తున్నట్లుగా వుంది. మేయర్‌పై లెక్కలేనన్ని ఆరోపణలు రాసాగాయి. దీనికితోడు అజీజ్‌ వ్యతిరేక కార్పొరేటర్లందరూ సిండికేట్‌ అయ్యారు. నెల్లూరు నగరంలో ప్రధాన నాయకులైన ఆనం, సోమిరెడ్డి, ఆదాల... వీళ్లెవరితోనూ అజీజ్‌కు సఖ్యత లేకుండా పోయింది. అజీజ్‌ వ్యవహారశైలితో పార్టీకి నష్టమని భావించిన మున్సిపల్‌ మంత్రి నారాయణ ఆయనకు ప్రాధాన్యత తగ్గిస్తూ వచ్చాడు. ఆయనకు ఇష్టం లేకుండానే నగర పాలక కమిష నర్‌గా ఢిల్లీరావును తెచ్చారు. ఆయనకు ఫుల్‌పవర్‌ ఇచ్చారు. మేయర్‌ ప్రమేయం లేకుండానే, ఆయన ఒత్తిళ్ళు లెక్కచేయకుండానే నగరంలో కమిషనర్‌ తన పని తాను చేసుకుపోతున్నాడు. ఇది అజీజ్‌కు మింగుడుపడడం లేదు. ఆక్రమణల తొలగింపు విషయంలో అజీజ్‌ సిఫార్సులను కమిషనర్‌ ఖాతరు చేయలేదు.

కార్పొరేషన్‌లో కావాలనే తన పవర్‌ తగ్గిస్తున్నారని అజీజ్‌కు అర్ధమైంది. అదీగాక వచ్చే ఎన్నికల్లో నెల్లూరు నగరం నుండి పోటీ చేయాలని అజీజ్‌కు ఉబలాటంగా వుంది. నెల్లూరు నుండి తాను పోటీ చేయొచ్చని ప్రకటించి నారాయణ అజీజ్‌కు షాకిచ్చాడు. ఈ పరిణామాల నేపథ్యంలో మంత్రికి అజీజ్‌ దూరంగా వుంటున్నాడు. ఆయన కార్యక్రమాలలో కనిపించడం లేదు. నారాయణ కూడా అజీజ్‌ వ్యవహారాన్ని పట్టించుకోవడం లేదు. ఆయన పని ఆయన చేసుకుపోతున్నాడు. ఈ వ్యవహారం ఎక్కడిదాకా పోతుందో చూడాలి!

Page 1 of 8

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • హోదా పోరుతో... వ్యతిరేకత పోగొట్టుకున్నారు
    నెల్లూరుజిల్లాతో సంబంధం వున్న లోక్‌ సభ సభ్యులు మేక పాటి రాజమోహన్‌ రెడ్డి(నెల్లూరు), వెలగ పూడి వరప్రసాద్‌ (తిరుపతి)లు ప్రత్యేక హోదా ఉద్యమంలో కీలకపాత్ర పోషించారు. హోదా ఉద్యమంలో చురుకుగా పాల్గొనడం ద్వారా తమ తమ నియోజకవర్గాలలో తమ పట్ల నెలకొన్న…
  • నడిచినా... నిద్రించినా... ఏడాదంతా ప్రజల మధ్యే...
    ప్రజలే దేవుళ్ళు, వారి ఇళ్ళే తనకు గుళ్ళు అని భావించి అనుక్షణం వారి మధ్యే వుంటూ వారి సమస్యలు తెలుసుకుంటూ వారి కష్ట సుఖాలలో తోడుండాలని కోరు కునే ప్రజా నాయకుడు నెల్లూరు గ్రామీణ ఎమ్మెల్యే కోటంరెడ్డి శ్రీధర్‌రెడ్డి. నిద్ర లేచింది…

Newsletter