mayor ministerనెల్లూరు మేయర్‌ అబ్దుల్‌ అజీజ్‌ గెలిచింది వైయస్సార్‌ కాంగ్రెస్‌పార్టీ తరఫున! మేయర్‌ అయిన కొన్ని నెలలకే చేసిన ప్రమాణాలను పక్కనపెట్టేసి, తన వర్గం వారి మనో భావాలను వెనక్కి నెట్టేసి, వైసిపిని వదిలేసి సైకిలెక్కేసాడు. మేయర్‌ అజీజ్‌ తెలుగుదేశంలోకి రావడానికి ప్రధాన కారణం మంత్రి నారాయణ.

మేయర్‌ ఎలక్షన్‌కు ముందే రాష్ట్రంలో తెలుగుదేశం పార్టీ అధికారంలోకి వచ్చింది. మంత్రి నారాయణ అనుకుని వుంటే అప్పుడే మేయర్‌గా తమ పార్టీ వాళ్ళను చేసుకుని వుండొచ్చు. కాని, మేయర్‌ ఎలక్షన్‌కు ముందే అజీజ్‌తో ఆయన ఒప్పందం చేసుకున్నాడు. మేయర్‌గా గెలిచాక తెలుగుదేశంలో చేరాలని మాట్లాడుకున్నారు. అందుకనే అప్పుడు నారాయణ నెల్లూరు మేయర్‌ ఎన్నికల్లో పెద్ద టెన్షన్‌ పడలేదు. పెద్దగా రిస్క్‌ తీసుకోలేదు. ఇచ్చిన మాట ప్రకారం అజీజ్‌ మేయర్‌గా ఎన్నికయ్యాక తెలుగుదేశంలో చేరాడు. అయితే మంత్రి నారాయణ, మేయర్‌ అజీజ్‌ల మధ్య అప్పుడప్పుడూ బేధాభిప్రాయాలు తలెత్త సాగాయి. నారాయణ మున్సిపల్‌ మంత్రి కావడం, నెల్లూరు సొంతూరు కావడంతో స్వతహాగానే ఈ కార్పొరేషన్‌ వ్యవహారాలలో నారాయణ ప్రత్యక్షంగా జోక్యం చేసుకోసాగాడు. కార్పొరేటర్లు, అధికారులు కూడా నేరుగా మంత్రితోనే టచ్‌లో

ఉండసాగారు. మొదటి మొదట్లో నారాయణ, అజీజ్‌ల బంధం బాగానే కొనసాగింది. అజీజ్‌ మాటకు ప్రాధాన్యత వుండేది. ఆయన చెప్పినట్లే అధికారుల బదిలీలుండేవి. ఆయన కోరిన వాళ్ళే కమిషనర్‌లుగా వచ్చే వాళ్ళు.

అయితే రానురాను అజీజ్‌పై నారాయణకు సదాభిప్రాయం తగ్గిపోయి నట్లుగా కనిపిస్తోంది. కార్పొరేషన్‌లో అవినీతి పెరిగిపోయింది. కేవలం ధనార్జన కోసమే కొన్ని పనులు చేస్తున్నట్లుగా వుంది. మేయర్‌పై లెక్కలేనన్ని ఆరోపణలు రాసాగాయి. దీనికితోడు అజీజ్‌ వ్యతిరేక కార్పొరేటర్లందరూ సిండికేట్‌ అయ్యారు. నెల్లూరు నగరంలో ప్రధాన నాయకులైన ఆనం, సోమిరెడ్డి, ఆదాల... వీళ్లెవరితోనూ అజీజ్‌కు సఖ్యత లేకుండా పోయింది. అజీజ్‌ వ్యవహారశైలితో పార్టీకి నష్టమని భావించిన మున్సిపల్‌ మంత్రి నారాయణ ఆయనకు ప్రాధాన్యత తగ్గిస్తూ వచ్చాడు. ఆయనకు ఇష్టం లేకుండానే నగర పాలక కమిష నర్‌గా ఢిల్లీరావును తెచ్చారు. ఆయనకు ఫుల్‌పవర్‌ ఇచ్చారు. మేయర్‌ ప్రమేయం లేకుండానే, ఆయన ఒత్తిళ్ళు లెక్కచేయకుండానే నగరంలో కమిషనర్‌ తన పని తాను చేసుకుపోతున్నాడు. ఇది అజీజ్‌కు మింగుడుపడడం లేదు. ఆక్రమణల తొలగింపు విషయంలో అజీజ్‌ సిఫార్సులను కమిషనర్‌ ఖాతరు చేయలేదు.

కార్పొరేషన్‌లో కావాలనే తన పవర్‌ తగ్గిస్తున్నారని అజీజ్‌కు అర్ధమైంది. అదీగాక వచ్చే ఎన్నికల్లో నెల్లూరు నగరం నుండి పోటీ చేయాలని అజీజ్‌కు ఉబలాటంగా వుంది. నెల్లూరు నుండి తాను పోటీ చేయొచ్చని ప్రకటించి నారాయణ అజీజ్‌కు షాకిచ్చాడు. ఈ పరిణామాల నేపథ్యంలో మంత్రికి అజీజ్‌ దూరంగా వుంటున్నాడు. ఆయన కార్యక్రమాలలో కనిపించడం లేదు. నారాయణ కూడా అజీజ్‌ వ్యవహారాన్ని పట్టించుకోవడం లేదు. ఆయన పని ఆయన చేసుకుపోతున్నాడు. ఈ వ్యవహారం ఎక్కడిదాకా పోతుందో చూడాలి!

corporationనెల్లూరు కార్పొరేషన్‌ ఎంత దరిద్రంగా ఉందన్నది ఇంతవరకు నెల్లూరీయులకు మాత్రమే తెలిసిన రహస్యమనుకున్నాం. కాని దీని ఘనత ఢిల్లీ దాకా పాకిందన్న విషయం మొన్ననే బయటపడింది. ఆధునిక కాలానికనుగుణంగా మారడంలో నెల్లూరు కార్పొరేషన్‌ వెనుకబడిందంటూ 'కాగ్‌' అక్షింతలు వేసింది. సాంకేతిక పరిజ్ఞానాన్ని ఉప యోగించుకోవడంలోనూ, తడి, పొడి చెత్త సేకరణలోనూ నెల్లూరు కార్పొరేషన్‌ విఫల మైందంటూ 'కాగ్‌' దుయ్యబట్టింది. కార్పొరేషన్‌ పరిధిలో పెండింగ్‌లో వున్న 5.10కోట్ల కరెంట్‌ బిల్లుల విషయాన్ని కూడా 'కాగ్‌' ప్రస్తావించింది. అయితే 'కాగ్‌' నెల్లూరు కార్పొరేషన్‌ను ఒక వైపే చూసింది. రెండో వైపు చూసుంటే దండకాలను ఎన్ని రూపా లలో చేయొచ్చో, దందాలను ఏ విధంగా చేయవచ్చో తెలిసుండేది. ఆ ప్రతిభను గుర్తించి వుంటే 'కాగ్‌' ఖచ్చితంగా అవి నీతి వసూళ్లలో నెల్లూరు కార్పొరేషన్‌ అభివృద్ధిని మెచ్చుకుని ఉండేది.

ada mun mayనెల్లూరు నగరపాలక సంస్థ కేంద్రంగా తెలుగుదేశం పార్టీలోనే నాలుగుస్థంభాలాట నడుస్తోంది. మేయర్‌ అజీజ్‌ ఒక స్థంభం కాగా, ఆనం, ఆదాల, ముంగమూరులు మరో మూడుస్థంభాలుగా మారి ఆడుకుంటున్నారు. మిగిలిన ముగ్గురికి కూడా మేయర్‌ అజీజ్‌ చిక్కడం లేదు. ఇప్పటికే ఎస్సీ సబ్‌ప్లాన్‌ పనుల విషయంలో మంత్రితో పాటు తెలుగుదేశం పార్టీ నెల్లూరు నగరం, రూరల్‌ ఇన్‌ఛార్జ్‌లుగా ఉన్న ముంగమూరు శ్రీధరకృష్ణారెడ్డి, ఆదాల ప్రభాకర్‌రెడ్డిలతోనూ అజీజ్‌ విభేదించాడు. ఈ విషయంలో ఆయన మంత్రిని కూడా లెక్కచేయలేదు. ఇప్పుడు పింఛన్‌ల వ్యవహారం మరింతగా నిప్పు రాజేసింది. కార్పొరేషన్‌ పరిధిలో ఆనం, ఆదాల, ముంగమూరులు అందజేసిన పింఛన్‌ల దరఖాస్తులను అజీజ్‌ పక్కనపెట్టేసాడు. అలాగే తనకు పడని కార్పొరేటర్‌ల దరఖాస్తులను కూడా ఆయన పట్టించుకోలేదు. ప్రతి డివిజన్‌లోనూ తనకు నచ్చినవారికే పింఛన్‌లు ఇచ్చాడు. తన అనుచర కార్పొరేటర్లు ఇచ్చిన హింఛన్‌ దరఖాస్తులకే ఓకే చెప్పాడు. ఈ పరిణామంతో ఆనం, ఆదాల, ముంగమూరులు ఉడికిపోతున్నారు. మేయర్‌ మీద మంత్రికి కూడా ఫిర్యాదు చేసారు. కాని, అజీజ్‌ మాత్రం వీరిని ఖాతరు చేయకుండా చంద్రబాబుతో, లోకేష్‌తో టచ్‌లో ఉంటున్నాడు. ఇంత బ్రతుకు బతికి ఇంటెనక చచ్చినట్లు... రాజకీయాల్లో మహామహులనే ఢీకొట్టిన ఆనం, ఆదాలలకు ఏ మాత్రం రాజకీయ అనుభవం లేని అజీజ్‌ రూపంలో తలనొప్పి తయారైంది.

Page 1 of 7

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…
  • వివేకన్నా... నీ రాక కోసం.. నిలువెల్ల కనులై...
    సింహపురి సోగ్గాడా... స్టైల్‌ ఆఫ్‌ సింహపురీ... ఓ వివేకా... ఎన్నిరోజు లైందయ్యా నిన్ను చూసి... నిన్ను చూడక, చిరునవ్వుల లొలికే నీ ఫేసు చూడక మా వాళ్ళ ముఖం వాచిపోయిం దనుకో... నాలుగేళ్ళు మున్సిపల్‌ ఛైర్మెన్‌గా, పదిహేనేళ్ళు ఎమ్మె ల్యేగా వుంటే…

Newsletter