naluguకన్నతల్లిని జన్మభూమిని ఎప్పుడూ మరచిపోకూడదని మన కేంద్రమంత్రి యం.వెంకయ్యనాయుడు ప్రతి సభలోనూ చెబుతుంటారు. మరి ఎంతమంది ఆ మాటను చెవికెక్కించుకుంటారన్నది వేరే విషయం. కాని ఆయన చెప్పే మాట ప్రతి ఒక్కరికీ వర్తిస్తుంది. కన్నతల్లిని జన్మభూమిని మరువవద్దని ఆయన చెబుతున్న మాటలను చెవికెక్కించుకునే చాలామంది ప్రవాసభారతీయులు గాని, స్వదేశంలో వున్న పారిశ్రామికవేత్తలు, వ్యాపారవేత్తలు గాని తమ పుట్టిన గ్రామాలను దత్తత తీసుకుని ఆ గ్రామాలలో ఎన్నో సేవా కార్యక్రమాలను, అభివృద్ధి ప్రాజెక్టులను చేపడుతున్నారు.

ఈ కోణంలో చూస్తే నెల్లూరు నగరానికి అధికార కోణంలోగాని, రాజకీయ కోణంలోగాని ఇప్పుడు నలుగురు దత్తపుత్రులున్నారు. ఈ నలుగురు కూడా నెల్లూరుతో అనుబంధం ముడిపడి వున్నోళ్లే! కేంద్రంలో పట్టణాభివృద్ధి శాఖ మంత్రిగా వున్న వెంకయ్యనాయుడు నెల్లూరీయుడే! రాష్ట్ర పట్టణాభివృద్ధి శాఖామంత్రి నారాయణ నెల్లూరోడే! ఇక మేయర్‌ పోస్ట్‌లో ఎవరున్నా నెల్లూరు బ్రాండే! వీరికి కొత్తగా నాలుగో వ్యక్తి జత చేరాడు. ఆయనే 'నుడా' ఛైర్మెన్‌ కోటంరెడ్డి శ్రీనివాసులురెడ్డి. నెల్లూరు నగరాభివృద్ధికి నాలుగు స్థంభాలు. ఇక్కడ నిధులిచ్చే వాళ్లిద్దరు అయితే నెల్లూరు నగరాభివృద్ధికి ప్రణాళికలు అమలు పరచాల్సిన వాళ్ళు మిగతా ఇద్దరు. నెల్లూరు మేయర్‌కు కార్పొరేషన్‌ పరిధిలో వచ్చే ఆదాయం జీతాలకు, ఖర్చులకు చాలదు. ఇక నగరంలో అభివృద్ధి కార్యక్రమాలకు ఆస్కారం ఎక్కడుంటుంది. కొత్తగా నెల్లూరు అర్బన్‌ డెవలప్‌మెంట్‌ అథారిటి ఏర్పాటయ్యింది. తొలి ఛైర్మెన్‌గా కోటంరెడ్డి శ్రీనివాసులురెడ్డి నియమించ బడ్డాడు. నెల్లూరు నగరం మీద బాగా అవగాహన వున్న నాయకుడు. నెల్లూరు కోసం ఏదన్నా చేయాలన్న తపన ఉన్నోడు. కాకపోతే వీళ్లకు నిధుల లభ్యత చాలా తక్కువ.

అందుకని 'నుడా' ఛైర్మెన్‌ అయినా, నెల్లూరు మేయర్‌ అయినా కేంద్రమంత్రి వెంకయ్య, రాష్ట్రమంత్రి నారాయణలతో సమన్వయం కావాలి. నెల్లూరుకు ఏం కావాలి, ఏం చేయాలి, నెల్లూరులో రోడ్లను ఎలా వెడల్పు చేయాలి, నెల్లూరురోడ్ల మీద ట్రాఫిక్‌ తగ్గించాలంటే ఇంకేం చేయాలి, నెల్లూరును క్లీన్‌ అండ్‌ గ్రీన్‌ సిటీగా మార్చడానికి ఎలాంటి ప్రణాళికలు అమలు చేయాలి. ప్రజల తాగునీటి కష్టాలు తీర్చడానికి ఏ స్కీంలు అమలు చేయాలి, మురికి వాడలను ఏ విధంగా అభివృద్ధి చేయాలి, ఏఏ అభివృద్ధి పనుల కోసం ఎవరెవరిని సంప్రదించాలి, ఎవరెవరిని అందులో భాగస్వాము లను చేయాలనే అంశాలపై ఒక రిపోర్ట్‌ను తయారుచేసుకోవాలి. అందులో ముందు వెంకయ్య ద్వారా సాధించుకోవాల్సినవి, మంత్రి నారాయణ ద్వారా తెచ్చుకోవాల్సినవి విభజించుకోవాలి. వారిని ఎప్పటి కప్పుడు సంప్రదించుకుంటూ అభివృద్ధికి డిజైన్‌లను ఏర్పరచుకుంటూ ముందుకు పోతే నెల్లూరు రూపురేఖలను కొంతవరకన్నా మార్చగలరు!

kota srinivasనెల్లూరు అర్బన్‌ డెవలప్‌మెంట్‌ అథారిటీ(నుడా) తొలి ఛైర్మెన్‌గా తెలుగుదేశం నెల్లూరు నగర అధ్యక్షుడు కోటంరెడ్డి శ్రీనివాసులురెడ్డిని ఖరారు చేస్తూ రాష్ట్ర ప్రభుత్వం ఉత్తర్వులు జారీ చేసింది. ఛైర్మెన్‌గా శీనయ్యతో పాటు డైరెక్టర్‌లుగా మరో ముగ్గురిని నియమించారు. కావలి నియోజకవర్గం నుండి బీద మస్తాన్‌రావు అనుచరుడు పాలడుగు రంగారావును, నెల్లూరు నగరానికి చెందిన ఆదాల ప్రభాకర్‌రెడ్డి అనుచరుడు షేక్‌ ఖాజావలి, సూళ్ళూరుపేట నియోజకవర్గం నుండి బీజేపీకి చెందిన సన్నారెడ్డి దయాకర్‌రెడ్డిలను డైరెక్టర్‌లుగా నియమించారు. అలాగే వివిధ శాఖల జిల్లా ఉన్నతాధికారులు 'నుడా'లో సభ్యులుగా వ్యవహరించనున్నారు.

సగం నెల్లూరుజిల్లాతో పాటు చిత్తూరుజిల్లాలోనూ రెండు మండలాలలో విస్తరించిన 'నుడా' ఛైర్మెన్‌ పదవి కోసం జిల్లా తెలుగుదేశం పార్టీ నుండి పలువురు నాయకులు పోటీ పడ్డారు. తమవంతు ప్రయత్నాలు చేశారు. కాని, యువరత్న నందమూరి బాలకృష్ణ మాత్రం తన పట్ల అత్యంత భక్తివిశ్వాసంతో ఉన్న కోటంరెడ్డి శ్రీనివాసులురెడ్డికి ఈ పదవి ఇవ్వాలని చంద్రబాబు వద్ద పంతం పట్టాడు. చంద్రబాబు సొంత నిర్ణయమై వుంటే ఈ పదవి వచ్చేది కాదు. ఆ సంగతి శీనయ్యకు కూడా తెలుసు. బాలకృష్ణ పట్టుబట్టాడు. 2014 ఎన్నికల్లో నెల్లూరు నగరం సీటు శీనయ్యకే అనుకున్నారు. అప్పుడు కూడా బాలకృష్ణ సిఫార్సు చేసాడు. అయితే చంద్రబాబు, బాలయ్యను ఒప్పించి ముంగమూరు శ్రీధరకృష్ణారెడ్డికి సీటిచ్చాడు. కాని 'నుడా' ఛైర్మెన్‌ విషయంలో మాత్రం బాలకృష్ణ పట్టు వీడలేదు. చంద్రబాబుకు ఇక తప్పలేదు.

కోటంరెడ్డి శీనయ్య రాజకీయ ప్రస్థానం మొదలైంది కాంగ్రెస్‌లో. ఎన్‌ఎస్‌యుఐ నాయకుడి స్థాయి నుండి కాంగ్రెస్‌లో ఎదిగాడు. కాంగ్రెస్‌లో వున్నంతకాలం కూడా సొంతపార్టీ వాళ్ళతో ఎప్పుడూ పోరాటమే! అటు నేదురుమల్లితోనూ, ఇటు ఆనంతోనూ పడేది కాదు. కాంగ్రెస్‌లో ఆనం ఆధిపత్య పోకడలను నిరసిస్తూ ఆయన 2000 సంవత్సరంలో తెలుగుదేశంలో చేరాడు. అప్పటి నుండి ఇప్పటి దాకా కూడా పార్టీ అధికారంలో వున్నా, ప్రతిపక్షంలో వున్నా పార్టీ కార్యక్రమాలను మాత్రం చురుగ్గా నిర్వహించేవాడు. పార్టీ ప్రతిపక్షంలో వున్న పదేళ్లు కూడా నగరంలో పార్టీ కార్యక్ర మాలను అంతా తానే అయ్యి నిర్వహించాడు. పార్టీని నమ్ముకుని పనిచేసినందుకు ఆయనకు తగిన న్యాయమే జరిగింది.

ఇక నెల్లూరు అర్బన్‌ డెవలప్‌మెంట్‌కు సంబంధించిన పోస్ట్‌ ఇది. కేంద్రంలో పట్టణాభివృద్ధిశాఖ మంత్రి వెంకయ్యనాయుడు గాని, రాష్ట్రంలో పట్టణాభివృద్ధి శాఖ మంత్రి అయిన నారాయణ గాని ఇద్దరూ నెల్లూరోళ్ళే! వాళ్ళిద్దరి సహకారంతో కోటంరెడ్డి శీనయ్య 'నుడా' పరిధిలోని ప్రాంతాల అభివృద్ధికి కృషి చేయాల్సివుంది.

nudaతెలుగుదేశం పార్టీలో ఇంతవరకు జరిగిన పదవుల పందేరం ఓ లెక్క... ఇకముందు జరగబోయే పదవుల పందేరం ఓ లెక్క! ఇప్పటివరకు కులసమీకరణల లోనో, లేక సీనియార్టీ మీదనో, లేక పిలవ గానే అవతల పార్టీల నుండి పరుగెత్తు కుంటూ వచ్చారనో పదవులిస్తూ వచ్చారు. కాని ఇక నుండి ఇవ్వబోయే పదవులు మాత్రం రానున్న ఎలక్షన్‌ కోణంలోనే వుంటాయి. ఆ పదవుల పంపిణీ వెనుక ఓట్ల లెక్కలుంటాయి. ఒకరికి ఈ పదవి ఇచ్చిన దానివల్ల కనీసం ఎన్ని ఓట్లు పార్టీకి అదనంగా వస్తాయనే ఆలోచనలు ఉం టాయి. రేపు 'నుడా' ఛైర్మెన్‌ పదవిని కూడా అదే కోవలో ఇవ్వబోతున్నారు.

'నుడా' పదవికి ప్రస్తుతం అనూరాధ, డాక్టర్‌ జడ్‌.శివప్రసాద్‌, కోటంరెడ్డి శ్రీని వాసులురెడ్డి, దేశాయిశెట్టి హనుమంత రావుల పేర్లు ప్రముఖంగా ప్రచారంలో ఉన్నాయి. ఈ జిల్లా రాజకీయాలలో కుల సమీకరణలు బట్టి కూడా పదవులను ఇవ్వాల్సి ఉంటుంది. రాజకీయంగా రెడ్లు, బి.సిలకు అధిక ప్రాధాన్యతనివ్వాల్సి వుంటుంది. ఈ జిల్లా నుండి చూస్తే కాపుల తరపున ఒక మంత్రి ఉన్నారు. ఇక పార్టీ జిల్లా అధ్యక్షుడిగా బి.సి వర్గాలకు చెందిన నాయకుడున్నారు. ఇక పార్టీని రెడ్లకు చేరువ చేయాలనే దృష్టితో ఇటీవలే ఆ వర్గానికి చెందిన సోమిరెడ్డి చంద్ర మోహన్‌రెడ్డికి కేబినెట్‌లో స్థానం కల్పిం చడం జరిగింది. రెడ్లను పార్టీవైపు లాక్కునే కనీస ప్రయత్నం ఇది.

ఇప్పుడు జిల్లా టీడీపీ రాజకీయాలలో ఒకటే లాజిక్‌! రెడ్లు దగ్గరైతే పార్టీ బల పడుతుంది. బీసీలు దూరమైతే పార్టీ బలహీనపడుతుంది. 'రెడ్ల'కు నుడా ఇచ్చి నంత మాత్రాన ఆ వర్గాలకు చెందిన ఓట్లు వస్తాయన్న గ్యారంటీ ఇక లేదు. కాని, ఇప్పటికే కాపు రిజర్వేషన్లను కలబెట్టి

ఉండడంతో బి.సిలలో అసంతృప్తి మొద లైంది. రేపు నామినేటెడ్‌ పదవుల విష యంలో కూడా బి.సిలకు తగిన ప్రాధా న్యతనివ్వకపోతే కొత్త ఓట్లు రావడం మాట దేముడెరుగు పార్టీకి ఉన్న ఓట్లు పోయే అవకాశముంది. కాబట్టి పార్టీకి ఓట్లు సమకూర్చే దిశగా 'నుడా' ఛైర్మెన్‌ ఎంపిక ఉండబోతోంది.

Page 1 of 3

newsbottomad

ఎక్కువగా చదివిన వార్తలు

  • ముగ్గురు మొనగాళ్లు
    ఒక ఎమ్మెల్యే సమర్ధవంతంగా పనిచేస్తే ఒక నియోజకవర్గం బాగుపడుతుంది. అదే ఒక కలెక్టర్‌ సమర్ధవంతంగా పనిచేస్తే... ఒక ఎస్పీ కార్యదక్షత చూపిస్తే... ఒక కమిషనర్‌ పట్టుదలతో పనిచేస్తే... ఒక జిల్లా, ఒక నగరమే బాగుపడుతుంది. అదే ఈ ముగ్గురు కలిసి పనిచేస్తే…
  • సినీ పరిశ్రమకు... అనువైన వేదిక నెల్లూరు!
    కేసీఆర్‌ ఛీ... ఛా... అని ఛీదరించుకుని ఉమ్మేసినా కొందరు సినీ ప్రముఖులు హైదరాబాద్‌ను వదిలేది లేదంటున్నారు. ఇలాంటి వాళ్లది సినీ పరిశ్రమపై ప్రేమ కాదు! అక్కడ పోగేసిన వేలకోట్ల ఆస్తులపై ప్రేమ. అవెక్కడ పోతాయోననే బాధ. అక్కడ నుండి సినీ పరిశ్రమను…
  • సిటింగ్‌లకు... కటింగ్‌ వేస్తాడా?
    రాబోయే ఎన్నికల్లో జిల్లాలోని తెలుగుదేశం పార్టీ సిటింగ్‌ ఎమ్మెల్యే లకు చంద్రబాబు తిరిగి సీట్లు ఇవ్వడనే ప్రచారం జోరుగా వుంది. ఒక్క సిటింగ్‌ స్థానాలలోనే కాదు, జిల్లాలోని అన్ని అసెంబ్లీ నియోజక వర్గాల నుండి కొత్త అభ్యర్థులను రంగంలోకి దించుతారని టాక్‌!…
  • పాదయాత్రతో మరో చరిత్ర
    గతానికి భిన్నంగా, గతంకంటే ఉత్సాహంగా ఆంధ్రప్రదేశ్‌ నడిబొడ్డు గుంటూరు కేంద్రంగా రెండు రోజుల పాటు జరిగిన వైయస్సార్‌ కాంగ్రెస్‌పార్టీ ప్లీనరీ సమావేశాలు ప్రభుత్వంపై ప్రజల్లో వున్న వ్యతిరేకతకు, ప్రజానేత జగన్‌పై వున్న నమ్మకానికి నిదర్శనంగా నిలిచాయి. ప్రతిఏటా ఇడుపులపాయలో వైసిపి ప్లీనరీలు…
  • 'పీకే'దేమీ లేదు
    జగన్‌ అంటే జనంలో అపార అభిమానముంది. వై.యస్‌. కుటుంబంతో తెలుగు లోగిళ్ళకు అపురూప అనుబంధముంది. ''రాజన్న''న్నా ఆయన కుమారుడన్నా ప్రాణాలిచ్చే అభిమానులు తెలుగు నాటంతా వున్నారు. ఎవరు చెప్పినా ఎవరు చెప్పకపోయినా రాజశేఖరరెడ్డి కోసం ఆయన కుటుంబం కోసం పనిచేసే నాయకులు,…

Newsletter