major panchayatనెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా ఏర్పడిన కమిటీ జిల్లాలో 9మేజర్‌ పంచాయితీలను గుర్తించి వీటిని మున్సిపాల్టీలుగా చేయొచ్చని ప్రభుత్వానికి ప్రతిపాదనలు పంపింది. కలెక్టర్‌ పంపిన నివేదికలో వింజమూరు, బుచ్చిరెడ్డిపాలెం, పొదలకూరు, అల్లూరు, ఉదయగిరి, ముత్తుకూరు, తడ, కోట, రాపూరులున్నాయి.

అయితే గ్రేడ్‌-4 మున్సిపాల్టీలుగా ఏర్పాటు చేయాలంటే కనీసం 25వేలు జనాభావుండాలి. ఈ గ్రామాలలో చుట్టుపక్కల కొన్ని పంచాయితీలను కూడా విలీనం చేసి మున్సిపాల్టీని ఏర్పాటు చేయాల్సి వుంటుంది. ఈ తొమ్మిదింటిని ఇప్పుడే మున్సిపాల్టీలుగా మారుస్తారా లేక కొన్నింటిని మాత్రమే ఈ విడత మున్సిపాల్టీలుగా మారుస్తారా అన్నది చూడాలి. వింజమూరు, బుచ్చిరెడ్డిపాలెం, శ్రీసిటి, మాంబట్టు సెజ్‌ల దృష్ట్యా తడను, కృష్ణపట్నం పోర్టు వల్ల ముత్తుకూరును ఖచ్చితంగా మున్సిపాల్టీలుగా త్వరలో మార్చనున్నారని తెలుస్తోంది.

పట్టణీకరణలో భాగంగా మున్సిపాల్టీలకు కేంద్రం నుండి కూడా నిధులు బాగానే వస్తున్నాయి. అభివృద్ధి పనులు వేగవంతమవుతున్నాయి. ఈ దృష్ట్యా రాష్ట్ర ప్రభుత్వం జిల్లాలో వీలైనన్ని ఎక్కువ మున్సిపాల్టీలను ఏర్పాటు చేయడానికే ప్రయత్నించవచ్చు.

panchayatజిల్లాలో ఇప్పటికే నెల్లూరు కార్పొరేషన్‌గా ఉండగా గూడూరు, కావలి, వెంకటగిరి, సూళ్లూరుపేట, ఆత్మకూరు, నాయుడుపేటలు మున్సిపాల్టీలుగా ఉన్నాయి. వై.యస్‌. రాజశేఖర్‌రెడ్డి హయాంలోనే సూళ్లూరుపేట, ఆత్మకూరు, నాయుడుపేట మేజర్‌ పంచాయితీలను మున్సిపాల్టీలుగా మార్చడం జరిగింది.

కాగా, జిల్లాలో మరో 9 మేజర్‌ పంచాయితీలను మున్సిపాల్టీలుగా మార్చడానికి అధికార యంత్రాంగం సన్నాహాలు చేస్తోంది. ఈమేరకు అర్బనైజేషన్‌ క్రింద 9 పంచాయితీలను మున్సిపాల్టీలుగా మార్చడానికి తగిన నివేదికలు సిద్ధం చేసి ప్రభుత్వానికి పంపాలని జిల్లా కలెక్టర్‌ అధికారులను ఆదేశించడం జరిగింది. మున్సిపాల్టీలుగా ప్రతిపాదించిన పంచాయితీలలో బుచ్చిరెడ్డిపాలెం, వింజమూరు, అల్లూరు, కోట, పొదలకూరు, రాపూరు, తడ, ముత్తుకూరు, ఉదయగిరి పంచాయితీలున్నాయి. కాంగ్రెస్‌ ప్రభుత్వంలోనే బుచ్చిరెడ్డిపాలెంను మున్సిపాల్టీ చేయాలనే ప్రతిపాదన వచ్చింది. ఈ ఊరు బాగా విస్తరించింది. వ్యాపార పరంగా కూడా మంచి సెంటర్‌ అయ్యింది. ఇక వింజమూరు, పొదలకూరు, కోట, తడ గ్రామాలు ఇటీవలకాలంలో బాగా అభివృద్ధి చెందడమేకాక పట్టణాలుగా విస్తరించాయి కూడా! కృష్ణపట్నం పోర్టు మూలంగా ముత్తుకూరు ఒక పెద్ద వాణిజ్య కేంద్రంగా మారింది. ఇక దీనిని కూడా మున్సిపాల్టీని చేయడం తప్పనిసరి. అల్లూరునకు కూడా మున్సిపాల్టీని చేయాలనే ప్రతిపాదన వుంది. ఇక ఉదయగిరి, పొదలకూరు, రాపూరు మెట్ట ప్రాంతాలు. పట్టణీకరణలో భాగంగా వాటిని మున్సిపాల్టీలుగా మారిస్తే మరింతగా అభివృద్ధి చెందడానికి అవకాశముంటుంది. ఏది ఏమైనా ఈసారి స్థానిక ఎన్నికల నాటికి ఈ తొమ్మిది పంచాయితీలు కూడా మున్సిపాల్టీలుగా మారే అవకాశముంది. ఆ గ్రామాల్లో ఇంతకాలం వున్న సర్పంచ్‌లు పోయి మున్సిపల్‌ ఛైర్మెన్‌లు, వార్డు మెంబర్లు పోయి కౌన్సిలర్లు రావచ్చు.

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter