pasuvuనీళ్ళు లేక, మేత దొరక్క మూగజీవాల ప్రాణాలు పోతున్నా అటు ప్రభుత్వం కానీ, ఇటు జిల్లా అధికారగణం కానీ పట్టించు కోవడం లేదు. మండే ఎండల్లో నోళ్ళు పిడచకట్టుకుపోయి ఆవులు, గేదెలు తదితర మూగజీవాలు విలవిలలాడుతున్నా ఎవరికీ పట్టడంలేదు. గ్రామీణ ప్రాంతాల్లో రైతులు నిత్యం పడుతున్న వేదనలను అసలు పట్టించుకునేవారే లేరు. రైతులకు అనేక పథకాలు ప్రవేశపెట్టామని, రైతుదే రాజ్య మని, తమది రైతు ప్రభుత్వమని ఇలా రకరకాలుగా మభ్యపెట్టే ప్రకటనలే తప్ప ఆచరణలో రైతుల దుస్థితిని పట్టించుకునే వారెవరూ లేరు. మూడుకార్లు పంటలతో సస్యశ్యామలంగా వుండే నెల్లూరుసీమలో చివరికి పచ్చిగడ్డికి, ఎండుగడ్డికి కూడా కరువొచ్చిందంటే పరిస్థితి ఎంత దయనీ యంగా వుందో తేటతెల్లమవుతుంది. చివరికి తాగేందుకు నీళ్లు లేక, మేత దొరక్క పాడిపశువులు, అనేకరకాల మూగ జీవాలు బక్కచిక్కిపోయి.. ఊపిరి ఉగ్గబట్టు కుని బతుకుతున్నాయి. అటు ప్రభుత్వం కానీ, ఇటు అధికారులు కానీ దుస్థితిని పట్టించుకోకపోవడంతో రైతులు తమ మూగజీవాలను బతికించుకునేందుకు ఇతర ప్రాంతాలకు వెళ్ళి వాటిని అత్యంత తక్కువ ధరకే అమ్మేసుకుంటున్నారు. అసలే వర్షా భావంతో నెల్లూరుసీమలోని అనేక మెట్ట ప్రాంతాలు ఇప్పుడు తీవ్రంగా కరువు బారిన పడివున్నాయి. పంటలు ఎటూ పండేది లేదు కానీ, కనీసం పశువులనైనా కాపాడుకుందామని అనుకున్నా ఆ ఆశలు కూడా ఆవిరైపోతున్నాయి. ఈ నేపథ్యంలో పేదరైతుల దుస్థితి మరింత దయనీయంగా వుంది. ముఖ్యంగా జిల్లాలోని మెట్టప్రాం తాల్లో వస్తే వడగళ్ళు..లేదంటే కన్నీళ్ళు అన్నట్లుగా వుంది పరిస్థితి. ఈ మండే ఎండల్లో ఎక్కడా చుక్క నీరు దొరక్క పశువులు, మేలు వగైరా జంతుజాలమంతా పిడచకట్టుకుపోతున్న గొంతులతో విలవిల లాడుతున్నాయి. వానలు కురవక, భూగర్భ జలాలు అడుగంటిపోయి, చెరువులు దొరువులు కాలువలన్నీ ఎండిపోయి మెట్ట ప్రాంతాల్లోని అనేక మండలాలు బీడుపడి పోతున్నాయి. ఎక్కడ వెతికినా పచ్చిగడ్డి కాదు కదా, కనీసం ఎండుగడ్డి కూడా దొరకడం లేదు. దీంతో, ఇంతకాలం కన్న బిడ్డలా పెంచుకున్న ఆవులు, ఎద్దులు, గేదెలు, దున్నలు వగైరాలన్నిటినీ ఇక సాక లేక అతితక్కువ ధరకే రైతులు అమ్మేసు కోవాల్సిన దుస్థితి ఏర్పడింది. మేత లేక పశువులు అల్లాడుతుంటే, తమ కళ్ళ ముందే అవి బక్కచిక్కిపోయి చావుకు దగ్గరవుతుంటే రైతులు చూడలేక కడివెడు కన్నీటితో వాటిని అమ్మేసుకుంటున్న దయ నీయ దృశ్యాలు ఇప్పుడు మెట్టప్రాంతాల్లో కోకొల్లలు. ముఖ్యంగా, ఉదయగిరి, వింజమూరు, కలిగిరి, కలువాయి, చేజర్ల, రాపూరు, వెంకటగిరి, ఆత్మకూరు, బాలాయపల్లి, తడ, సూళ్ళూరుపేట, నాయుడుపేట, దొరవారిసత్రం, ఏఎస్‌ పేట, అనంతసాగరం, బోగోలు, జలదంకి, మర్రిపాడు, గూడూరు, వెంకటాచలం తది తర అనేక మండలాల్లో కరువు ముసురు కుంది. తాగేందుకు నీళ్ళు, తినేందుకు మేత లేక తమవైపే దీనంగా చూస్తున్న మూగ జీవాలను ఎలా పోషించుకోవాలో తెలియక అనేకమంది రైతులు ఇతరప్రాంతాలకు వాటిని తీసుకువెళ్ళి ఎంత తక్కువ ధరకైనా సరే వాటిని అమ్మేసుకుంటున్నారు. పూటకి కనీసం మూడు లీటర్ల పాలిచ్చే గేదెలను సైతం వాటి ధర కనీసం 60 వేలకు పైగానే వున్నా, ఈ కరువు పరిస్థితుల్లో అవి బతి కుంటే చాలని కోరుకుంటూ పాతిక, ముప్పై వేలకే అమ్మేస్తున్నారు. పశుగ్రాసం దొరక్క రైతాంగం తీవ్రవేదన పడుతున్నా అటు ప్రభుత్వం కానీ, ఇటు జిల్లా ఉన్నతాధికార యంత్రాంగం కానీ అసలు పట్టించుకో వడం లేదు. అందరికీ అన్నంపెట్టే అన్న దాతలు ఎంత దయనీయస్థితిలో వున్నా అటు అధికారుల్లో కానీ, ఇటు ప్రభుత్వంలో కానీ ఏమాత్రం స్పందన వుండడం లేదు. ఈ దుస్థితి ఇలాగే కొంతకాలం సాగితే మెట్ట ప్రాంతాల్లో పాడిపశువులకు ఇక కను మరుగైనట్లేనని రైతులు ఆవేదనతో చెప్తు న్నారు. జిల్లా ఉన్నతాధికారులు ఇకనైనా యుద్ధప్రాతి పదికన పశుగ్రాసకేంద్రాలను -తాగునీటి వసతులను ఏర్పాటుచేసి మూగ జీవాల ప్రాణాలు కాపాడి పుణ్యం కట్టు కోవాలని రైతులు వేడుకుంటున్నారు.

newsbottomad

ఎక్కువగా చదివిన వార్తలు

  • నెల్లూరులో పోస్టింగా? వద్దంటే వద్దు!
    ఒకప్పుడు నెల్లూరులో పోస్టింగ్‌ అంటే ఎవరైనా ఎగిరి గంతేసేవారు. పైరవీలు చేసుకుని మరీ ఇక్కడకు పోస్టింగ్‌ చేయించుకుంటుంటారు. పోలీసు శాఖలో వారికి అయితే నెల్లూరులో పనిచేయడం చాలా ఇష్టం. ఇక్కడ నుండి కదలాలంటే కష్టం. ఇక్కడ టెర్రరిజం లేదు, రౌడీయిజం లేదు,…
  • వేగమందుకున్న ప్రయాణం
    సంగం వద్ద కొండల మధ్యలో నుండి వేసిన కొత్త రహదారి ప్రయాణీకులకు గమ్మత్తుగా వుంది. ఈ కొండ రహదారితో ముంబై జాతీయ రహదారిపై వాహన దారులకు ప్రయాణం చాలా సులభంగా అనిపిస్తోంది. నెల్లూరు-ఆత్మకూరుల మధ్య ముంబై రహదారిని సిమెంట్‌ రోడ్డుగా మార్చడం…
  • కేడర్‌ని... కదనరంగంవైపు నడిపిస్తున్న జగన్‌
    నాయకుడంటే ఓ నమ్మకం... నాయకుడంటే ఓ భరోసా... నాయకు డంటే ఓ ధైర్యం. తన పార్టీలో లీడర్లకు, తన పార్టీ కేడర్‌కు అలాంటి నమ్మకాన్ని, అలాంటి ధైర్యాన్ని కల్పించడంలో విజయం సాధించాడు వైకాపా అధినేత వై.యస్‌.జగన్మోహన్‌రెడ్డి! నెల్లూరుజిల్లాలో వై.యస్‌.జగన్మో హన్‌రెడ్డి చేపట్టిన…
  • అజీజా... నిన్నొదలా...!
    నెల్లూరు మేయర్‌ అబ్దుల్‌ అజీజ్‌ వివాదా లతో సహజీవనం చేస్తున్నట్లుగా వుంది అది వ్యాపారంలోనైనా... ఇటు రాజకీయాలలోనైనా! అజీజ్‌ మేయర్‌ అయ్యింది మొదలు నెల్లూరు కార్పొరేషన్‌లో ఎన్నో వివాదాలు చూసాం. ఏ కమిషనర్‌తోనూ ఆయనకు పడేది కాదు. ఇలా పడకనే గత…
  • ఎవరెవరెక్కడ?
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాలలో నెల్లూరు అగ్రస్థానంలో ఉంటుంది. బలమైన రాజకీయ కుటుంబాలన్నీ తెలుగుదేశం పార్టీలో వున్నప్పటికీ ఈ జిల్లాలో ప్రజలు మాత్రం వైకాపాకే వెన్నుదన్నుగా వున్నారు. 2014 ఎన్నికల్లో ఈ జిల్లా ప్రజలు వైకాపాకు జైకొట్టారు. రెండు…

Newsletter