cm modiనాలుగేళ్ళ చంద్రబాబు పాలనలోని పాపాలను బీజేపీ బయట పెట్టబోతోందా? బాబు విధానాలలోని వైఫల్యాలను ఎత్తి చూపనుందా? కేంద్రం ఇచ్చిన నిధులకు లెక్కలేవంటూ బొక్కలు వెదకనుందా? ఇది మీ అవినీతి చిట్టా అంటూ చీటీ చించబోతుందా? ఓటు-నోటు కేసును తిరగతోడనుందా? పోలవరం అంచనా వ్యయం పెంపులో బాబు అక్రమాలను ప్రశ్నించబోతుందా? వైరిపక్షాలతో జతకట్టి తెలుగుదేశం పార్టీని కకావికలం చేయనుందా? రాష్ట్ర రాజకీయాలలో ప్రస్తుతం వినిపిస్తున్న ప్రశ్నలివి.

నిజమే ప్రస్తుత రాజకీయ పరిణామాలను చూస్తుంటే త్వరలో వీటిలో కొన్ని ప్రశ్నలకైనా సమాధానాలు లభించే అవకాశాలు లేకపోలేదు.

బీజేపీ అధిష్టానం ఆపరేషన్‌ ఆంధ్రను మొదలుపెట్టింది. ఈ క్రమంలోనే జమ్మూ-కాశ్మీర్‌తో పాటు ఈశాన్య రాష్ట్రాలలో సైతం బీజేపీ జెండాను రెపరెపలాడించిన రాంమాధవ్‌ను ఏపి ఇన్‌ఛార్జ్‌గా నియమించింది. రాంమాధవ్‌ వెనువెంటనే రంగం లోకి దిగడం కూడా జరిగింది. ఏపిలో తెలుగుదేశం అవినీతిపై, చంద్రబాబు పాలనా వైఫల్యాలపై ఎదురుదాడి చేయండంటూ బీజేపీ అధ్యక్షుడు అమిత్‌షా నుండి రాష్ట్ర బీజేపీ నాయకులకు సందేశాలు అందాయి. రాష్ట్రంలో తెలుగుదేశంను దెబ్బకొట్టడమే లక్ష్యంగా బీజేపీ వ్యూహరచన వుండబోతోంది. అయితే రాష్ట్రంలో సొంతంగా అంత సీన్‌ బీజేపీకి లేదు. రాజకీయంగా ఆ పార్టీ చాలా తక్కువుగా వుంది. దీనికితోడు అధికారంలోకి వచ్చాక ప్రత్యేకహోదా ఇవ్వకపోవడంతో రాష్ట్ర ప్రజల్లో ఆ పార్టీపై వ్యతిరేకత పెరిగింది. జిఎస్టీ, నోట్ల రద్దు వంటి అంశాలు ఆ పార్టీపై వ్యతిరేకతను పెంచాయి. ఈ పరిస్థితుల్లో ఒంటరిగా ఆ పార్టీ తెలుగుదేశంను ఏమీ చేయలేదు. ఇందుకోసం ఆ పార్టీ ఎంచుకున్న మార్గం జనసేన. ఇటీవల గుంటూరులో నిర్వహించిన జనసేన పార్టీ ఆవిర్భావ సభలో చంద్రబాబు, లోకేష్‌లపై పవన్‌ కళ్యాణ్‌ చేసిన అవినీతి ఆరోపణలతో తెలుగు దేశం నాయకుల కళ్ళు బైర్లు కమ్మాయి. ఎందుకంటే ఆ ముందు క్షణం వరకు కూడా పవన్‌కళ్యాణ్‌ మా వాడు అనే వాళ్ళను కుంటున్నారు. పవన్‌ ఇచ్చిన ఊహించని షాక్‌తో వాళ్ళకు ఏ విధంగా ముందుకు పోవాలో తెలియలేదు. పవన్‌కళ్యాణ్‌ ఇక మనోడు కాదని, అతను బీజేపీ ట్రాప్‌లో పడ్డాడని వీళ్ళకై వీళ్ళు నిర్ధారించుకున్నాక అనుకూల మీడియా ద్వారా పవన్‌పై ఎదురుదాడి మొదలుపెట్టించారు.

బీజేపీ చర్యలు ఏ విధంగా ఉండబోతాయన్నదానిపైనే చంద్రబాబులో ఆందోళన వుంది. బీజేపీ వైపు నుండి కేవలం రాజకీయ దాడి మాత్రమే వుండదు. ఒక నాయకుడిని టార్గెట్‌ చేస్తే ఎంతలా తొక్కుతున్నాడో ఒక లాలూను, ఒక శశికళను చూస్తే అర్ధమవుతుంది. చంద్రబాబు మీద 'ఓటు-నోటు' కేసుతో పాటు పలు కేసులు కోర్టుల్లో పెండింగ్‌లో వున్నాయి. వీటన్నింటి మీద ఆయన 'స్టే'లు తెచ్చుకుని వున్నాడు. ఈ నాలుగేళ్ళలో 24మంది ఎమ్మెల్యేలను, ముగ్గురు ఎంపీలను వైసిపిలో నుండి లాగాడు. కొన్నాడని చెప్పొచ్చు కూడా! నలుగురు వైసిపి ఎమ్మెల్యేలకు మంత్రి పదవులిచ్చి రాజ్యాంగ విలువలను తుంగలో తొక్కాడు. ఇక పరిపాలనా పరంగా చూస్తే అన్నీ వైఫల్యాలే! అమరావతి రాజధాని అని చెప్పి ఎన్ని దేశాలు తిరిగాడో, ఎన్ని కోట్లు దుబారా చేసాడో లెక్కే లేదు. పోలవరం ప్రాజెక్ట్‌ను నేనే కడతానని చెప్పి 16వేల కోట్ల అంచనా వ్యయాన్ని 56వేల కోట్లకు తీసుకెళ్లాడు. కేంద్రం ఇచ్చిన నిధులను తన ఆర్భాటపు కార్యక్రమాలకు మళ్ళించాడు. కేంద్రం నిధులతో అమలు చేయాల్సిన పథకాలకు తన పేరు పెట్టుకున్నాడు. పుష్కరాలు, తాత్కాలిక ఇరిగేషన్‌ ప్రాజెక్ట్‌ల పేరుతో వేలకోట్ల అవినీతి జరిగింది. వీటన్నింటిలో దేని మీద విచారణ చేయించినా చంద్రబాబుకు ఇబ్బంది తప్పదు.

మరి బీజేపీ వూరుకుంటుందా? వారి ఆలోచనలు వారికున్నాయి. రాష్ట్రంలో పవన్‌తో కలిసి ఆ పార్టీ ఎన్నికలకు వెళ్ళే అవకాశముంది. పవన్‌ ప్రత్యేకహోదా పోరాటాలు చేస్తాడు. కర్నాటకా ఎన్నికల తర్వాత ఏపికి కేంద్రం ప్రత్యేకహోదా ప్రకటించే అవకాశా లున్నాయి. ఎందుకంటే ముందుగా ఏపికి హోదా ఇస్తే కర్నాటకా ఎన్నికల్లో ఆ ప్రభావం బీజేపీపై పడుతుంది. కాబట్టే కర్నాటక ఎన్నికల తర్వాత ఏపి ఎన్నికలకు ముందు హోదా ప్రకటన వుండొచ్చు. జగన్‌, పవన్‌ చేసిన పోరాటాల వల్లే ప్రత్యేకహోదా ఇచ్చా మనే సంకేతాలు రావచ్చు. బీజేపీ వాళ్ళు జగన్‌ జోలికైతే పోరు. ఎందుకంటే అతని మాట మీద నిలబడే నైజం వారికి ఇష్టమే. ఒక్క చంద్రబాబు నైజమే వారికి సరిపడడం లేదు. అందుకే చంద్రబాబును టార్గెట్‌ చేశారు. బీజేపీ వాళ్ళు ఎక్కడ మొదలుపెడతారో, ఎక్కడ నరుకుతారో అర్ధం కాక చంద్రబాబుకు దడ పట్టుకుంది.

pawanఈ పవన్‌ కళ్యాణ్‌కు ఏమైంది? చంద్రబాబుతో బెడిసిందా? ప్యాకేజీ గడువు ముగిసిందా? కొత్త ప్యాకేజీ కుదరలేదా? లేక తన అంతరాత్మను ప్రశ్నించుకుని వాస్తవ లోకంలోకి వచ్చాడా? 14వ తేదీ గుంటూరులో జరిగిన 'జనసేన' పార్టీ ఆవిర్భావ సభలో పవర్‌స్టార్‌ పవన్‌ కళ్యాణ్‌ ప్రసంగాన్ని విన్న వారందరినీ తొలిచి వేసిన ప్రశ్నలివే! పవన్‌ అందరికీ పూర్తి షాకిచ్చాడు.

నాలుగేళ్ళుగా రాష్ట్ర ప్రజలు గాని, రాజ కీయ విజ్ఞులు గాని పవన్‌ కళ్యాణ్‌ను ఒకే కోణంలో చూస్తున్నారు. ఆయన చంద్ర బాబు మనిషి... ఆయన ఎలా చెబితే అలా నడుచుకునే నాయకుడు. చంద్ర బాబుకు నొప్పి తెలియకుండా ఆయన బాధను పంచుకునే పార్టనర్‌... ఈ అభి ప్రాయాలు కలగడానికి కారణాలు లేకపో లేదు. 2014 ఎన్నికల్లో ఆయన బీజేపీ, టీడీపీల తరపున ప్రచారం చేసాడు. ఆ రెండు పార్టీలు ఇచ్చిన హామీలను అమలు చేసే బాధ్యత నాదేనన్నాడు. వాళ్ళు మాట తప్పితే ప్రశ్నిస్తానని హామీ ఇచ్చాడు.

కేంద్రంలో బీజేపీ, రాష్ట్రంలో టీడీపీ అధికారంలోకి వచ్చాయి. ఇచ్చిన హామీ లను రెండు పార్టీలు కూడా తుంగలో తొక్కాయి. ప్రత్యేకహోదా ఇవ్వమని చెప్పాక పవన్‌కళ్యాణ్‌ నాలుగు చోట్ల మీటింగ్‌లు పెట్టి బీజేపీ మీద విమర్శలు చేసాడు. అంతవరకు బాగానే వుంది. నాలుగేళ్లుగా రాష్ట్రంలో ఎన్నో అవినీతి అక్రమాలు జరి గాయి. అరాచకాలు జరిగాయి. పుష్క రాలు, పట్టిసీమ పేరుతో దోపిడీ, పోల వరం పేరుతో అవినీతి, అమరావతి రాజ ధాని పేరుతో రియల్‌ ఎస్టేట్‌ వ్యాపారం, సెజ్‌ల పేరుతో పచ్చని పైర్లు పండే పొలాలు లాక్కోవడం, దళితులపై దాడులు, అధికా రులపై దౌర్జన్యం, ప్రతిపక్ష ఎమ్మెల్యేలను కొనడం... ఇవేనా ఎన్నికల్లో చంద్రబాబు ఇచ్చిన రైతు ఋణమాఫీతో పాటు ఏ ఒక్క హామీని సవ్యంగా అమలు చేయ లేదు.

ఒక విధంగా చెప్పాలంటే ఈ నాలు గేళ్లలో రాష్ట్ర ప్రభుత్వం అన్ని రంగాల లోనూ అట్టర్‌ఫ్లాప్‌ అయ్యింది. ఇన్ని ప్రభుత్వ వైఫల్యాలున్నా పవన్‌ కళ్యాణ్‌ ఈ నాలుగేళ్లలో ఏరోజూ, ఏ సభలోనూ ప్రశ్నించిన దాఖలాలు లేవు.

మరి నాలుగేళ్ల తర్వాత ఆయనకు జ్ఞానోదయమైందో, లేక జెఎఫ్‌సి ద్వారా పరిచయమైన ఉండవల్లి అరుణ్‌కుమార్‌ లాంటి వారి హితబోధలు పని చేసాయో ఏమో గాని 14వ తేదీ గుంటూరు సభలో తెలుగుదేశం ప్రభుత్వంపై విమర్శలు గురి పెట్టాడు. చంద్రబాబు, లోకేష్‌ల అవినీతిని ఎండగట్టాడు. తెలుగుదేశం ఎమ్మెల్యేల దౌర్జన్యాలను ప్రశ్నించాడు. నాలుగేళ్లలో తొలిసారిగా తెలుగుదేశంపై ఆయన ఘాటుగా మాట్లాడాడు. రాష్ట్రంలో తెలుగు దేశం నాయకులు బరితెగించారు, 2019 ఎన్నికల్లో వైసిపిని ఎదుర్కోవడానికి నియో జకవర్గానికి పాతిక కోట్లు సిద్ధం చేసా మంటున్నారు. ఎంత బరితెగించి అవి నీతికి పాల్పడకపోతే ఇన్నేసి కోట్లు పోగేస్తారు. శేఖర్‌రెడ్డి కేసులో నారా లోకేష్‌ పేరుంది. కాబట్టే నరేంద్ర మోడీకి చంద్ర బాబు భయపడుతున్నాడు. చంద్రబాబు మీద ఎన్నో అభియోగాలొచ్చాయి. పుండు మీద కారం చల్లడం ఎందుకని నేను ఇంత కాలం ఊరుకున్నాను, ఇక నుండి తెలుగు దేశం అవినీతిని ఎండగడతా అంటూ ఆయన నిప్పులు చెరిగాడు.

తెలుగుదేశం పార్టీకి పవన్‌కళ్యాణ్‌ పంచ్‌లు రివర్స్‌ షాకే! గుంటూరు వద్ద కొన్నిరోజుల క్రితమే పవన్‌ కళ్యాణ్‌ రెండెక రాలలో సొంత ఇంటి నిర్మాణానికి శంకు స్థాపన చేసాడు. చంద్రబాబుతో ప్యాకేజీలో భాగంగానే ఈ రెండెకరాల స్థలం ఇచ్చా రని సోషల్‌ మీడియాలో వ్యాఖ్యానాలు హల్‌చల్‌ చేస్తున్నాయి. ఈలోపే షాకిచ్చే విధంగా పవన్‌ మాట్లాడాడు.

నాలుగేళ్ళ క్రితం చేయాల్సిన పని పవన్‌ ఇప్పుడు చేసాడు. 2019 ఎన్నికల్లో టీడీపీతో పవన్‌ పొత్తు ఉండదన్నది జగ మెరిగిన సత్యమే. ఈసారి తెలుగుదేశంకు ఓట్లేయండని పవన్‌ చెప్పినా ఓట్లు పడవు. జనసేన విడిగా పోటీ చేస్తేనే టీడీపీకి లాభం. అంటే ప్రభుత్వ వ్యతిరేక ఓటును పవన్‌ చీలుస్తాడనే నమ్మకముంది. వ్యతిరేక ఓటు జగన్‌కు పోకుండా పవన్‌కు డైవర్ట్‌ చేసే వ్యూహం కూడా వుండొచ్చు. చంద్ర బాబుపై బలంగా విమర్శలు చేస్తేనే జనం పవన్‌ను నమ్ముతారు. ఇద్దరి మధ్య ప్యాకేజీ ఒప్పందాలలో ఇది కూడా ఒక భాగమై వుండొచ్చని అనుమానించేవాళ్ళూ ఉన్నారు.

వారి అంతర్గత విషయాలు ఎలా వున్నా నాలుగేళ్లలో మొదటిసారి పవన్‌ కళ్యాణ్‌ ప్రజల తరపున మాట్లాడాడు. ప్రభుత్వాన్ని ప్రశ్నించాడు. నాలుగేళ్ళుగా ప్రజలు ఆయన నుండి కోరుకుంటున్నది ఇదే! కాకపోతే ఈ నాలుగేళ్లలో జరగాల్సిన అవినీతి, అక్రమాలన్నీ జరిగిపోయాయి. ఇప్పుడు ఏ.పి ప్రజల చేతులు కాలాకా పవన్‌ ఆకుల కోసం పరుగెత్తి ఏం లాభం?

pawankalyaపల్లె హృదయాలను తాకుతూ, పల్లె వాసనలు పీలుస్తూ, పల్లెవాసుల ఆత్మీయ పలకరింపుతో పులకరిస్తూ వైకాపా అధినేత వై.యస్‌.జగన్మో హన్‌రెడ్డి ప్రజాసంకల్ప పాదయాత్ర నెల్లూరు జిల్లాలో దిగ్విజయంగా సాగుతోంది.

అసలు అతను ఏం చేస్తున్నాడు? ఏ లక్ష్యంతో చేస్తున్నాడు? ఎవరిని ఉద్దేశించి చేస్తున్నాడు? ఎవరి బాగు కోసం ఈ వింత చేష్టలు చేస్తున్నాడు? ప్రభుత్వాన్ని వదిలేసి ప్రతిపక్షం మీద అది కూడా ఒక్కరోజు కూడా అధికారంలో లేని పార్టీ మీద విమ ర్శలు చేయడమేంటి? పవన్‌కళ్యాణ్‌ వల్ల చాలామందిలో ఉత్పన్నమైన ప్రశ్నలివి. కొందరు విద్యార్థులైతే ఈ వితండ రాజ కీయ జీవి మీద పరిశోధనలు కూడా చేయాలనుకుంటున్నారు.

అయితే ఆయన చేసిన అనంతపురం పర్యటనతోనే వీటిలో చాలావాటికి సమా ధానం దొరికింది. తనకు ఏ పరిటాల రవి అయితే గుండు కొట్టించాడనే ప్రచారం జరుగుతుందో, అదే పరిటాల ఇంటికి వెళ్ళాడు. వాళ్ళతో మంచి చెడ్డా మాట్లాడు కున్నాడు. అదేపనిలో ఫిరాయింపు ఎమ్మెల్యే చాంద్‌బాషా ఇంటికి కూడా వెళ్ళాడు. మరో టీడీపీ ఎమ్మెల్యే ప్రభాకర్‌చౌదరి ఇంటికి వెళ్ళాడు. ఇక్కడే తెలిసింది ఈయన అసలు రంగు. వెళ్ళింది ప్రజాసమస్యలు తెలుసుకోవడానికే అయితే అధికార పార్టీ నాయకుల ఇళ్ళల్లో ఏం పని. పవన్‌ది అంతా యాక్షన్‌... ప్యాకేజీ పథకంలో ఈ డ్రామా ఓ భాగమే!

ఇటీవల సోషల్‌ మీడియాలో డైవర్షన్‌ ఆంటీ వీడియోలు హల్‌చాల్‌ చేస్తుండడం చూస్తూనేవున్నాం. రానాకు రావాల్సిన మరణాన్ని రామానాయుడుకి డైవర్ట్‌ చేసా నని, ఏపికి రావాల్సిన వరదలను తమిళ నాడుకు డైవర్ట్‌ చేసానని, భారత దేశానికి రావాల్సిన తుఫాన్‌ను బంగ్లాదేశ్‌కు మళ్లిం చానని ఈ డైవర్షన్‌ ఆంటీ చెబుతుండడాన్ని చూస్తుంటాం. ఈ డైవర్షన్‌ ఆంటీ లాగానే ఆంధ్రప్రదేశ్‌ రాజకీయాలలో కూడా ఒక డైవర్షన్‌ అంకుల్‌ తయారయ్యాడు. ఆయనే పవర్‌స్టార్‌ పవన్‌కళ్యాణ్‌.

ఎన్నో అంచనాలు పెట్టుకున్న 'అజ్ఞాత వాసి' సినిమా ఎత్తిపోయిందని తేలాక రాజకీయ యాత్ర మొదలుపెట్టాడు. ఆ డైవర్షన్‌ ఆంటీ పలు అంశాలను డైవర్ట్‌ చేసానని చెబుతుంటుంది. కానీ, ఈ డైవర్షన్‌ అంకుల్‌కు ఒకటే సబ్జెక్ట్‌. అదే చంద్రబాబు ప్రభుత్వం మీద వ్యతిరేకతతో వైకాపాకు వెళ్ళే ఓట్లన్నింటిని తన పార్టీకి డైవర్ట్‌ చేయడమే! అందుకోసమే వచ్చే ఎన్నికల్లో ఈయన పోటీ చేయబోతున్నాడు కూడా! ఇప్పుడు సడెన్‌గా తెలంగాణ, ఏపి రాష్ట్రాల్లో రాజకీయ యాత్రను మొదలు పెట్టడానికి కూడా ప్రధాన కారణం ప్రజా సంకల్ప పాదయాత్రలో జగన్‌కు వస్తున్న ప్రజాదరణను డైవర్ట్‌ చేయడం కోసమే!

పేరుకు ఈయన రెండు రాష్ట్రాల్లో రాజకీయ యాత్ర చేస్తానంటున్నాడు. తెలంగాణలో పవన్‌కు అంత సీన్‌ లేదు. అక్కడ కేసీఆర్‌కు సరెండర్‌ అయిపోయాడు. ఆయనను ప్రసన్నం చేసుకోబట్టే తెలం గాణలో 'అజ్ఞాతవాసి' బెనిఫిట్‌ షోలకు అనుమతి లభించింది. తెలంగాణలో యాత్రలు చేయాలని, అక్కడ విరగదీయా లనే కాన్సెప్ట్‌ కూడా పవన్‌లో లేదు.

కేవలం ఏపిలో జగన్‌ను అడ్డుకోవ డమే లక్ష్యంగా పవన్‌ రంగంలోకి దిగాడు. ఆయన దిగాడు అనేకంటే కూడా చంద్ర బాబు దించాడని చెప్పవచ్చు. జగన్‌ ప్రజా సంకల్ప పాదయాత్ర రాయలసీమ నాలుగు జిల్లాల్లో పూర్తయ్యింది. ఈ జిల్లాల్లో పవన్‌ ప్రభావం పెద్దగా వుండదు. తాజాగా నెల్లూరుజిల్లా అంటే దక్షిణ కోస్తా నుండి జగన్‌ యాత్ర మొదలైంది. ఇక్కడ నుండి ఉత్తరం వైపుకు వెళ్లే కొద్ది జిల్లాల వారీగా పవన్‌ ప్రభావం కొంతవరకు ఉంటుంది. జగన్‌ గుంటూరు, కృష్ణా జిల్లాలోకి వెళ్ళే సరికి పవన్‌ రాజకీయ యాత్ర కూడా

ఉత్తరాంధ్ర జిల్లాల్లోనే మొదలవుతుంది. ఈలోపు ఆయన గారి తెలంగాణ, రాయల సీమ మొక్కుబడి యాత్రలు పూర్తవుతాయి. కృష్ణా నుండి విజయనగరం దాకా ఈ ఆరు జిల్లాలు కీలకం. రేపు అధికారంలోకి రావాలనుకునే వారెవరికైనా ఇక్కడ మెజార్టీ సీట్లు గెలవాల్సిందే! 2014 ఎన్నికల్లో పవన్‌ అండతోనే ఈ జిల్లాల్లో తెలుగు దేశంకు మెజార్టీ సీట్లు వచ్చి అధికారం చేపట్టగలిగింది. కాని, రేపు ఎన్నికల్లో పవన్‌ మద్దతునిచ్చినా ఆయన అభిమా నులు, పవన్‌ సామాజిక వర్గానికి చెందిన కాపులు తెలుగుదేశంకు ఓటేస్తారన్న గ్యారంటీ లేదు. అందుకే చంద్రబాబు పవన్‌ జనసేన పార్టీని విడిగా పోటీ చేయించి ఈ ఓట్లన్నింటిని జగన్‌కు పోకుండా డైవర్ట్‌ చేయాలని ప్లాన్‌ వేశారు.

పవన్‌ కాల్షీట్లను నిర్మాతలు కొంటారు. పవన్‌ సినిమాలను డిస్ట్రిబ్యూటర్లు కొం టారు. కాని చంద్రబాబు ఏకంగా పవన్‌నే కొనేసాడని టాక్‌! అందుకే ప్రచారంలో ఆయనను ప్యాకేజీ పవన్‌ అని విపక్షం విమర్శిస్తుంటుంది. చంద్రబాబు డైరక్షన్‌ లోనే ఆయన రాజకీయయాత్ర మొదలు పెట్టాడు. చంద్రబాబు డైరెక్షన్‌లోనే ఆయన యాక్షన్‌ చేస్తున్నాడు. రేపు ఎన్నికల్లో కూడా చంద్రబాబు ఏ ఏ సీట్లలో తన అభ్యర్థులను నిలబెట్టమంటాడో పవన్‌ అక్కడ మాత్రమే జనసేన అభ్యర్థులను దించుతాడు. తాను అన్ని సీట్లలో పోటీ చేయనంటున్నది కూడా అందుకే!

'అజ్ఞాతవాసి' సినిమాలో ఓ సీన్‌ వుంది... ఎన్ని కార్లున్నా చిన్నప్పటి నుండి సైకిల్‌ అంటే తనకిష్టమని ఆ సైకిల్‌ను పడనివ్వనని చెబుతాడు. రాజకీయాలలో తన ఉద్దేశ్యాన్ని సినిమాద్వారా ఈ విధంగా చాటుకున్నాడాయన! ఒక సిద్ధాంతం లేకుండా, ఒక ప్రజా ప్రాతిపదిక లేకుండా కేవలం చంద్రబాబు కోసమే పార్టీ పెట్టాడు పవన్‌. ఇలాంటి పార్టీలు, ఇలాంటి డైవర్షన్‌ నాయకులు రాష్ట్రానికి అవసరమా? ప్రజలు, అభిమానులు ఆలోచించాలి.

Page 1 of 10

newsbottomad

ఎక్కువగా చదివిన వార్తలు

  • నారాయణను వదలని అనిల్‌
    మున్సిపల్‌ మంత్రి నారాయణకు ఎవరితోనూ సమస్యలు లేవు. ప్రతిపక్ష నాయకులు కూడా ఆయనపై పెద్దగా విమర్శలు చేయరు. కాని, నెల్లూరు నగర ఎమ్మెల్యే పి.అనిల్‌కుమార్‌యాదవ్‌ మాత్రం నారాయణకు చుక్కలు చూపిస్తున్నాడు. ఆయనకు కొరుకుడు పడని కొయ్యగా మారాడు. ఈ నాలుగేళ్ళలో మంత్రి…
  • వేసవి సెలవులు... వినోదం కావాలే గాని విషాదం కాదు
    వేసవి సెలవులు వచ్చేస్తున్నాయి. ఇప్పటికే టెన్త్‌, ఇంటర్‌ పరీక్షలు ముగిసాయి. వీళ్ళతో పెద్ద సమస్య లేదు. టెన్త్‌ వ్రాసిన వాళ్ళు ఇంటర్మీ డియట్‌కు, ఇంటర్‌ వ్రాసిన వాళ్ళు ఎంసెట్‌కు ప్రిపేరవడంతోనే సెలవులు దాటిపోతాయి. లోయర్‌ క్లాస్‌లకు ఈ నెలాఖరు నుండే సెలవులు.…
  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • వైసిపి వైపు నేతల చూపు
    నవ్యాంధ్రలో శరవేగంగా చోటుచేసుకుంటున్న రాజకీయ మార్పు ప్రభావం నెల్లూరుజిల్లాపై కూడా ఎక్కువగానే కనిపిస్తోంది. ఇప్పటివరకు స్తబ్ధుగా వున్న జిల్లా రాజకీయం ఇప్పుడిప్పుడే ఊపందుకుని వేసవి తాపంతో పాటు వేడెక్కుతోంది. జిల్లాలోని పది నియోజకవర్గాలలో వైసిపికి ఇప్పటికే సమన్వయకర్తలున్నారు. వారే రేపు రాబోయే…

Newsletter