3చంద్రబాబు పక్కా రాజకీయనాయకుడు. కాబట్టే ప్రజానాయకుడు కాక పోయినా ఈ రాష్ట్ర చరిత్రలో అత్యంత ఎక్కువకాలం ముఖ్యమంత్రిగా పరిపాలించిన రికార్డును సొంతం చేసుకున్నాడు. రాష్ట్ర రాజకీయాలను ఔపాసన పట్టిన నాయకుడు. ఎప్పుడు ఏమి చేయాలో తెలి సిన నాయకుడు. ప్రజల్లో బలం లేక పోయినా, ఆ ప్రజల మద్దతు ఎలా పొం దాలో, ఎన్ని మార్గాలలో రాబట్టాలో తెలిసిన నాయకుడు. అలా తెలిసినవాడు కాబట్టే 2014లో పార్టీ పనైపోయిందను కున్న వాతావరణంలో ఉన్న తెలుగుదేశం పార్టీని అధికారంలోకి తీసుకురాగలిగాడు.

ఈరోజు రాష్ట్రంలో తెలుగుదేశం ప్రభుత్వం పట్ల ప్రజల్లో తీవ్ర వ్యతిరేకత వుంది. ప్రజలు కట్టకట్టుకుని ఓట్లేసేంత మంచిపనులేవీ చంద్రబాబు చేయలేదు. ఈ మూడేళ్లలో చేసినవన్నీ కూడా సొం తంగా ఆర్ధిక వనరులు కూడగట్టుకోవ డానికి చేసినవే! ప్రజల్లో వ్యతిరేక వాతా వరణం బాగానే కనిపిస్తోంది. అయినా కూడా రాష్ట్రంలో ఈసారి ఎన్నికలు ఏక పక్షంగా జరగాలనే కాంక్ష చంద్రబాబులో కనిపిస్తోంది. ఇందుకు ఆయన ఎంచుకున్న మార్గాలు మూడు.

మొదటిది రాష్ట్రంలో నియోజకవర్గాల సంఖ్యను 175 నుండి 225కు పెంచడం. ఇలా చేస్తే తెలుగుదేశంలో వున్నోళ్లకు, కాంగ్రెస్‌, వైకాపాల నుండి చేరినోళ్లందరికీ సీట్లొస్తాయి. డబ్బు ఖర్చుపెట్టే అభ్యర్థులకు తెలుగుదేశంలో లోటు లేదు. కాని వైకాపాకు అలాంటి అభ్యర్థుల కొరత ఉంటుంది. ఇక్కడ ప్రతిపక్షం మొదటి దెబ్బ తింటుంది. తెలుగుదేశం తరపున అన్ని నియోజక వర్గాలలోనూ బలమైన అభ్యర్థులు నిల బడతారు.

రెండోది... పవన్‌ కళ్యాణ్‌ ద్వారా ప్రభుత్వ వ్యతిరేక ఓటును చీల్చడం. 2014లో చంద్రబాబు అధికారంలోకి రావడంలో ప్రధాన కారణాలలో పవన్‌ కళ్యాణ్‌ ఒకడు. ఆరోజు ఆయన బీజేపీతో పాటు రాష్ట్రంలో తెలుగుదేశంకు కూడా మద్దతు పలికాడు. దీంతో పవన్‌ అభిమా నులతో పాటు కాపుల ఓట్లు కూడా తెలుగుదేశంకు పడ్డాయి. ఈ మూడేళ్లలో కాపులు చంద్రబాబుకు వ్యతిరేకమయ్యారు. కాపులకు బి.సి రిజర్వేషన్‌లు అమలు చేస్తామన్న బాబు మాట గాలిమూటే అయ్యింది. కాపు రిజర్వేషన్‌ ఉద్యమాలను చంద్రబాబు బలంగానే అణచివేసాడు. ఈసారి కాపుల ఓట్లు తెలుగుదేశంకు పడవని చంద్రబాబుకు తెలుసు. అయితే ఆ ఓట్లు వైకాపాకు పోతే చంద్రబాబుకు డేంజర్‌. వాటిని డైవర్ట్‌ చేయాలి. అందుకు ఆయన ముందున్న మార్గం పవన్‌ కళ్యాణ్‌ జనసేన చేత పోటీ చేయించడం. దీనివల్ల కాపుల ఓటును వైకాపాకు పోకుండా చేయడంతో పాటు ప్రభుత్వ వ్యతిరేక ఓటును వైకాపా, జనసేనల మధ్య చీల్చి తెలుగుదేశాన్ని లబ్దిపొందేలా చేయడం.

ఇక మూడోమార్గం అందరికీ తెలి సిన డబ్బు. ఎన్నికలంటేనే దీని పాత్ర ప్రధానమైపోయింది. ఇప్పుడు తెలుగుదేశం నాయకుల దగ్గర ఇది పుష్కలంగా వుంది. మొన్న స్థానిక సంస్థల ఎన్నికలలోనే ఒక్కో జిల్లాలో ఎన్నేసికోట్లు ఖర్చుపెట్టారో చూసాం. 2014 ఎన్నికల్లోనూ తెలుగు దేశం గెలుపులో డబ్బు ప్రభావం బాగానే పనిచేసింది. ఐదేళ్లు అధికారంలో ఉం డడం వల్ల తెలుగుదేశంపార్టీ ఆర్ధికంగా ఇంకా పుంజుకుంటుంది. కాబట్టి వచ్చే ఎన్నికల్లో చంద్రబాబు ఆర్ధిక శక్తులను బాగానే ప్రయోగిస్తాడు.

ప్రజల్లో బలం లేకున్నా, ప్రజాకర్షక పథకాలు ఏవీ లేకున్నా, అవినీతి అక్ర మాలు పోటెత్తుతున్నా, రాష్ట్రంలో కరువు విలయతాండవం చేస్తున్నా... చంద్ర బాబుకు వచ్చే ఎన్నికలో మనదే అధికారం అని బల్లగుద్ది చెప్పడానికి బలమైన కారణం ఈ మూడుమార్గాలను బలంగా నమ్ము తుండడమే!

pawanప్రశ్నిస్తానన్నవాడే ఈరోజు ఆంధ్రప్రదేశ్‌ ప్రజలకు ప్రశ్నగా మారాడు. తప్పుచేస్తే కడిగేస్తానన్నవాడే తప్పుటడుగులు వేస్తున్నాడు. నేటి రాష్ట్ర రాజకీయాలలో పవర్‌స్టార్‌ పవన్‌ కళ్యాణ్‌ అనే ట్టిట్టర్‌ పిట్ట పెద్ద పజిల్‌గా మారింది. ఆయన ప్రశ్నలేంటో ఆ ప్రశ్నలు ఎవరికి సంధిస్తున్నాడో ఆయన ప్రశ్నలకు ఎవరు స్పందించాలో ఎవరికి తెలియనంతగా ఇంకెవరికి అర్ధం కానంతగా ఎవరూ అర్ధంచేసుకోవాలనే ఆసక్తి లేనంతగా ఉంటున్నాయి. పవన్‌ వల్ల ఏదో ఒరుగుతుందని ఇంతకాలం ఎదురుచూసిన అభిమానులకు ఆయన ఎంచుకుంటున్న అంశాలు ఆయన స్పందిస్తున్న తీరు ఆందోళన కలిగిస్తుంది. ఆయన వల్ల ఏమికాదు ఏదీ ఒరగదు అనే నిర్లిప్త భావం ఏర్పడుతుంది. ఆయన ఏం మాట్లాడుతున్నాడో దేనికి స్పందిస్తున్నాడో ఎందుకు సమాధానమిస్తున్నాడో ఎవరిపై పోరాడుతున్నాడో ఎవరిపై విమర్శలు చేస్తున్నాడో ఎవర్ని నిలదీస్తున్నాడో ... అన్నీ అంతులేని ప్రశ్నలే. అర్ధం లేని వ్యవహారాలే. ఇల్లు కాలి బూడిదయ్యాక ఫైరింజన్‌ వచ్చినట్లు ఆకలికి అల్లాడినవాడు సచ్చినాక ప్యారడైజ్‌ బిరియాని తెచ్చినట్లు పవన్‌ కూడా ఎప్పుడో తెరమరుగైన సమస్యల్ని ఇప్పుడు నెత్తికెక్కిచ్చుకుంటున్నాడు. వాటికి సమాధానం చెప్పండంటూ ట్విట్టర్‌లో ట్వీటుతున్నాడు.

దేశమంతా పెద్ద నోట్ల రద్దుతో గందరగోళంగా వుంది. దీనిపై ఏమాత్రం పవన్‌ స్పందించలేదు. ఎప్పుడో తెరమరుగైన రోహిత్‌ వేముల ఆత్మహత్య, గోవధ వంటి అంశాలపై మాత్రం ఆయన ట్విట్టర్‌లో బిజెపిని ప్రశ్నించారు. ఇవి విభిన్నవర్గాల ప్రజల మనోభావాలకు సంబంధించిన అంశాలు. ఎవరి వాదనలు వారికుంటాయి. వీటిమీద జరగాల్సిన రచ్చఅంతా జరిగిపోయింది. మళ్ళీ దీనిని గెలకడం పవన్‌కు సరదాలాగుంది. ఆంధ్రప్రదేశ్‌లో బొచ్చిబోలెడు సమస్యలున్నాయి. రాష్ట్రమంతా అవినీతిమయమయింది. అధికార పార్టీనేతల దౌర్జన్యాలు ఎక్కువయ్యాయి. రైతులకు సాగునీరు లేదు. ఇరిగేషన్‌ ప్రాజెక్టులు పెండింగ్‌లో వున్నాయి. విదేశీయాత్రలు, పుష్కరాలు, రాజధానిపేరుతో వందలకోట్లు దుర్వినియోగం అవుతున్నాయి. ప్రజాసంక్షేమ పథకాలు అటకెక్కాయి. సెజ్‌లపేరుతో రాష్ట్రవ్యాప్తంగా భూదోపిడీ జరుగుతుంది. ఇక రాజధానిపేరుతో జరుగుతున్న అక్రమాలకు లెక్కేలేదు. తన రాష్ట్ర ప్రజలు ఇబ్బందిపడుతున్నా ఈ సమస్యలపై పవన్‌ ప్రశ్నించకుండా స్పందించకుండా జనం మర్చిపోయిన సమస్యలను నెత్తికెత్తుకొని ఊరేగడం చూస్తుంటే ఆయన హీరోనా లేక కామెడీ యాక్టరా అనే అనుమానం కలుగుతుంది.

pawan'నాక్కొంచెం తిక్కుంది..దానికో లెక్కుంది'..అంటూ గబ్బర్‌సింగ్‌ సినిమాలో పవన్‌ కల్యాణ్‌ పదేపదే చెప్తుంటాడు. కానీ, ప్రస్తుతం 'జనసేన' విషయంలో మాత్రం పవన్‌కి ఓ లెక్కుందని ఆ లెక్కకు కొంచెం తిక్క, తిరకాసు వుందనిపిస్తోంది.

జనసేనాధిపతి ప్రత్యక్ష రాజకీయాల్లోకి రావాలనుకోవడం మంచిదే. ఆహ్వానించదగిన పరిణామమే. అందుకు ఎవరూ కాదనరు. అయితే, సినిమా వేరు..నిజ జీవితం వేరు. ఈ చిన్న తేడాను ఎవరైనాసరే గుర్తించాల్సి వుంది. సినిమాను చూసినట్లు జీవితాన్ని కానీ, జీవితాన్ని సినిమాలా కానీ చూడకూడదు. ఎందుకంటే, సినిమా సంగతి వేరు.. ఏదెలా వున్నా చివరికొచ్చేసరికి హీరో గెలవడాన్నే చూపిస్తారు. అయితే, జీవితాల్లో అలా వుండదు. రాజకీయజీవితాల్లో అస్సలు అలా వుండనే వుండదు. తామే హీరో అవుతామను కున్నవారు.. మధ్యలోనే జీరోలుగా మారిపోవడం వంటి సీన్లు రాజకీయాల్లో బోలెడన్ని. సినిమా అంటే 24 ఫ్రేమ్‌లు వుండొచ్చు.. కానీ రాజకీయాలకు లెక్కలేనన్ని కోణాలుంటాయి. వాటిని ఎప్పటికప్పుడు పరిశీలించి అప్పటికప్పుడు సరైన సమయంలో సరైన ఆలోచనతో నిర్ణయాలు తీసుకోకుంటే ఫలితాలు తారుమారవుతుంటాయి. అందుకే రాజకీయాల్లో ప్రతి అడుగూ ఆచితూచి వేయాలని, ప్రతి విషయాన్ని ఆమూలాగ్రం పరిశీలించి నిర్ణయాలు తీసుకోవాలని రాజకీయ పండితులు పదేపదే చెప్తుంటారు. ఇంత కథా ఎందుకు చెప్పాల్సివస్తోందంటే, పవన్‌ కల్యాణ్‌ సభలు చూస్తుంటే, ఏదో సినిమా చూసినట్లుందే తప్ప.. ఆచరణలో అవన్నీ సాధ్యమేనా అనిపిస్తోంది.ఒక్కొక్క డైలాగ్‌ అద్భుతంగానే వుంది తప్ప నిజజీవితంలో అవన్నీ అనుకున్నవి అనుకున్నట్లు జరిగేనా అనిపిస్తుంది. తాను ప్రత్యక్ష రాజకీయాల్లోకి వచ్చేస్తున్నానని, ప్రజలకోసం ప్రజల మనిషిగా పనిచేస్తానని, 2019 ఎన్నికల్లో పోటీ చేస్తానని అద్భుతంగా ప్రకటించి నిజంగానే హీరో అన్పించుకున్నాడు. ప్రత్యేకహోదాపై పోరాటం చేస్తానన్నాడు. నేతల తీరును ఎండ గట్టాడు. తప్పులు సరిదిద్దుకోకపోతే జనసేన ఊరుకోదని చెప్పాడు. నేతల విధానాలపై జనసేన పోరాటం చేస్తుందని, వ్యక్తులపై కాదని స్పష్టం చేశాడు. ముఖ్యమంత్రి చంద్రబాబు కానీ, ప్రతిపక్ష నేత జగన్‌ కానీ చేసిన వాగ్దానాలు నెరవేర్చాలన్నాడు. వారిద్దరికీ తాను వ్యతిరేకిని కాదని, వారి విధానాలకే తాను వ్యతిరేకినన్నాడు. రాజధానిలో అన్ని ప్రాంతాలకు సమాన భాగస్వామ్యం వుండాలన్నాడు. ఆడబిడ్డ, రైతన్న కన్నీళ్ళు పెట్టకూడదన్నాడు. అన్నదాత కోసం ప్రాణాలర్పిస్తామన్నాడు. దేశాన్ని కాపాడే జవాన్లంటే ఎంతో గౌరవమంటూ, అందుకే 'జై జవాన్‌-జై కిసాన్‌' అనేది జనసేన నినాదమైందన్నాడు. అనర్గళంగా సాగిన ఆయన ప్రసంగానికి ప్రజలు, అభిమానులు జయజయధ్వానాలు చేశారు. కరతాళ ధ్వనులు మారుమ్రోగించారు. మంచిదే!.. ప్రత్యక్షంగా విన్నవారికి, ఆయన ప్రసంగాన్ని టీవీల్లో కన్న వారికి కూడా ఎంతో ముచ్చటేసింది. అయితే, ఇక్కడ సామాన్యజనం ఆశ్చర్యపోయిన విషయం ఏమిటంటే, ఎంత జనసేనాధిపతి అయినా, అసలు 'సేన' ఎక్కడా కనిపించకపోవడం ఏమిటా?..అని.

వంద మందికిపైగా కూర్చోగలిగినంత భారీ వేదికనైతే ఏర్పాటు చేస్తున్నారు కానీ... పవన్‌కళ్యాణ్‌ ఒక్కడే ఆ వేదికపైనుండి మాట్లాడడాన్ని జనం విడ్డూరంగా చూస్తున్నారు. ఏ రాజుకైనా ఒక మంత్రి, కొంత సైన్యం, ఆ సైన్యానికి అధ్యక్షుడు, ఇంకా కొంత బలగం వగైరాలన్నీ వుంటాయి. అవన్నీ జనానికి కన్పించకుంటే.. చూసేవారికి అదేదో సినిమాలాగానే వుంటుంది. వేదికపై ఒక్క హీరోయే మాట్లాడడం సినిమాల్లో మామూలే కానీ, రాజకీయాల్లో అలా కాదు కదా!.. ఆయా ప్రాంతాలకు సంబంధించిన నాయకులు, లేదా ముఖ్యమైన ప్రతినిధులు, పార్టీని ముందుకు నడిపించే నాయకగణం వంటివారే అసలైన సేన. ఎంతసేపటికీ 'నేను' అనే పదమే తప్ప, 'మేము' అన్నదే వినిపించకపోవడం మరింత ఆశ్చర్యకరం. గతంలో ఎన్టీఆర్‌ కూడా రాజకీయాల్లోకి ఇలాగే ఎంతో ఆవేశంగా వచ్చినా ఆయా ప్రాంతాల్లోని నాయకులను వెంటబెట్టుకునే రంగంలోకి వచ్చేవారు. స్థానిక నాయకులే అక్కడ కనిపించేవారు. వారి ఆధ్వర్యంలోనే ఎంతటి కార్యక్రమమైనా జరిగేది. అంతేకాదు, ఎన్టీఆర్‌ ఎక్కడికి వచ్చినా ఆయా ప్రాంతాల సమస్యలపై అవగాహనతో మాట్లాడి, ఆ సమస్యల సాధనకు తాను ఏమిచేయదలచుకున్నదీ చెప్పి జనమందరి ఆశీస్సులు అందుకున్నాడు. అందుకే ఎన్టీఆర్‌ అత్యద్భుత విజయం సాధించాడు. ఇప్పుడు పవన్‌ జనసేనకు ఎంతో ప్రాధాన్యత వున్న ఆయన సభలలో స్థానికంగా వున్న అలాంటి నాయకులు వేదికపై ఎక్కడా కనిపించకపోవడం విస్మయమే మరి!..అయితే, పార్టీకి వెన్నుదన్ను అందించే నాయకులు ఎవరన్నది బహుశా ఇంకా ఖరారు కాలేదేమో తెలియదు. ఇక్కడొక అనుకూలమైన అంశం ఏమిటంటే, పవర్‌స్టార్‌ పవన్‌కు అభిమానుల కొదవ లేదు. ప్రజాభిమానం వెల్లువగా వుంది. రాజకీయసాగరాన్ని ఈదగలిగిన సత్తా కూడా పవన్‌కు వుంది. అయితే, పవర్‌ కావాలంటే కావాల్సిందల్లా సంయమనం. సరైన ఆలోచనా దృక్ఫధం. రాజకీయాల్లో ఆలోచనే తప్ప ఆవేశం ఏనాటికీ పనికిరాదు. ఒకవేళ ఆవేశపడాల్సివచ్చినా అందుకు బాగా ఆలోచించే ఎంతవరకు ఆవేశపడాలో అంతవరకే ఆవేశపడాల్సివుంది. ఎందుకంటే, రాజకీయాలు ఎప్పుడు ఎలా వుంటాయో.. ఎప్పుడు ఎలా మారిపోతాయో.. ఎప్పుడు ఎవరిని అందల మెక్కిస్తాయో.. ఎప్పుడు ఎవరిని కిందికి నెట్టేస్తాయో అంతు పట్టని రంగమది. రాజకీయాల్లో ప్రతి అడుగూ ఆచితూచి వేయాల్సిందే..ఎప్పటికప్పుడు లెక్కలేసుకుంటూ పోవలసిందే. ఉదా హరణకు జగన్‌ విషయమే తీసుకుందాం. గత ఎన్నికల్లో తనకి తిరుగే లేదనుకున్నప్పటికీ, తీరా ఎన్నికలయ్యేసరికి కేవలం కొద్దిశాతం తేడాతో ఫలితం తారుమారయ్యింది. సినిమాల్లోనే కాక, రాజకీయాల్లో కూడా పవన్‌ హీరోగానో, నంబర్‌ వన్‌గానో ఎదగాలంటే అందుకు ఆవేశంగా కాక, ఆలోచనాత్మ కంగా..అన్ని కోణాల్లోనూ పరిశీలించి పరిస్థితులను ఎప్పటికప్పుడు గమనించి..ఆచితూచి అడుగు ముందడుగు వేయాలి. ఆయన జనంలోకి వెళ్ళకముందే ఆయన సేనని సమాజానికి పరిచయం చెయ్యాలి... తదుపరి మీటింగ్‌ కన్నా ఆయన పంథా మారాలి.

Page 1 of 4

newsbottomad

ఎక్కువగా చదివిన వార్తలు

  • వారి ఆశలపై... నీళ్ళు చల్లారు!
    రాష్ట్రంలో అసెంబ్లీ నియోజకవర్గాలు 175 నుండి 225కు పెరుగు తాయనే ప్రచారం మొన్నటివరకు బలంగా వుండింది. ఈమధ్యనే కేంద్ర ప్రభుత్వం ఆ ప్రచారానికి తెరదించుతూ ఈ ఎన్నికలకే కాదు, ఆ తర్వాత ఎన్నికల నాటికి కూడా సీట్ల పెంపు ఉండదని కుండబద్ధలు…
  • నంద్యాల ఎన్నికలో... పెట్టుబడిదారులూ నెల్లూరోళ్ళే!
    నంద్యాల ఎన్నికల ప్రచారంలో నెల్లూరు జిల్లాకు చెందిన ఇరు పార్టీల నాయకులు హల్‌చల్‌ చేస్తున్నారు. తామే పోటీ చేసినంత కసిగా పని చేస్తున్నారు. అయితే నంద్యాల ఎన్నికలకు ప్రచారకర్తలే కాదు పెట్టుబడి దారులు కూడా నెల్లూరోళ్ళేనని సమాచారం. నంద్యాల వైకాపా అభ్యర్థి…
  • నేరం మా వాళ్ళది కాదు
    రాజకీయ ఒత్తిళ్లకు లొంగి అడ్డదారులు తొక్కితే, రాజకీయ నాయకుల మాటలు నమ్మి వారు చెప్పినట్లు నడుచుకుంటే పరిస్థి తులు ఎలా వుంటాయో ఇప్పుడు ఉదయగిరి నియోజకవర్గం లోని అధికారులకు తెలిసొచ్చింది. ఇటీవల పసుపు కొనుగోలు వ్యవహారం జిల్లాలో సంచలనం కావడం తెలిసిందే!…
  • ఉపరాష్ట్రపతి పదవికి వెంకయ్య రాజీనామా!
    ఢిల్లీలోని ప్రధానమంత్రి కార్యాలయం. ప్రధాని నరేంద్ర మోడీతో బీజేపీ అధ్యక్షుడు అమిత్‌షా, కేంద్రమంత్రులు అరుణ్‌జైట్లీ, రాజ్‌నాథ్‌సింగ్‌, ఉమాభారతి, సుష్మాస్వరాజ్‌, స్మృతి ఇరానీలు సమావేశమైవున్నారు. మొదట మోడీ మాట్లాడుతూ... రాష్ట్రపతి, ఉపరాష్ట్రపతి ఎన్నికల్లో మన పార్టీ వాళ్లంతా బాగా పనిచేసారు. బాధ్యతలను సక్రమంగా…
  • బెట్టింగ్‌ తీగ లాగుతూనే వున్నారు... డొంక కదులుతూనే ఉంది
    నెల్లూరుజిల్లాకు పిహెచ్‌డి రామకృష్ణ అనే ఒక ఎస్పీ వస్తాడని, బెట్టింగ్‌ రాయుళ్ళపై ఈ స్థాయిలో విరుచుకు పడతాడని, బుకీల బొక్కలు విరిచేస్తాడని ఎవరూ ఊహించ లేదు. అసలు బెట్టింగ్‌పై ఈ స్థాయిలో పోలీస్‌ ఆపరేషన్‌ వుంటుందని ఎవరూ అంచనా కూడా వేయలేదు.…

Newsletter