telug biddaతెలుగుదేశం పార్టీలో ప్రజాస్వామ్యం విధానాలన్నారు... ప్రజాస్వామ్యం పద్ధతిలో పదవుల పందారం ఉంటుం దన్నారు... కష్టించినవారికే పదవుల న్నారు... మరి ఏవి ఆ పదవులు. ఎప్పుడూ పదవులు ఒక్కరికేనా? పని చేసేవాళ్లు ఎప్పుడూ బోయీలుగా ఉండి పోవాల్సిందేనా? వాళ్ళను పల్లకినెక్కించే అవకాశం లేదా... అంటూ జిల్లా తెలుగు దేశంపార్టీలో ఓ గొంతు ప్రశ్నించింది. తెలుగుదేశం పార్టీ రాష్ట్ర అధ్యక్షుడికే ఈ ప్రశ్నలను సంధించింది. ఆ గొంతు పేరే పెళ్ళకూరు శ్రీనివాసులురెడ్డి.

కోవూరు నియోజకవర్గంలో ఒకప్పుడు పార్టీకి అండగా నిలిచిన నాయకుడు. జిల్లా అధ్యక్ష పదవి కోసం పోటీపడ్డాడు. చంద్రబాబు చెప్పే ఐవిఆర్‌ఎస్‌ విధానం ద్వారా కార్యకర్తల అభిప్రాయాలు తీసు కుని, అధ్యక్షుడిని ఎంపిక చేయాలని పట్టుబట్టాడు. ఈమేరకు చంద్రబాబుకే లేఖవ్రాసి సంచలనం రేపాడు. అయితే ముందుగానే ఫిక్స్‌ అయిపోయిన పద్ధతి ప్రకారం జిల్లా అధ్యక్ష పదవి బీద రవి చంద్రనే వరించింది. ఆయన వ్రాసిన లేఖను పరిగణలోకి తీసుకున్న పార్టీ అధిష్టానం రవిచంద్రను అధ్యక్షుడిగా నియ మించాక, ఆయన ఎంపికపై ఐవిఆర్‌ఎస్‌ ద్వారా అభిప్రాయ సేకరణ కోరింది.

ఎప్పుడూ లేని విధంగా పార్టీ అధ్యక్ష పదవి కోసం ఈసారి జిల్లాలో పోటీ నడిచింది. బీద రవిచంద్ర పార్టీ అధ్య క్షుడిగా వుండగా, ఈసారి అధ్యక్ష స్థానం కోసం కోవూరుకు చెందిన నాయకులు పెళ్లకూరు శ్రీనివాసులురెడ్డితో పాటు మాజీఎమ్మెల్యే కంభం విజయరామిరెడ్డి, ముంగమూరు శ్రీధరకృష్ణారెడ్డిలు కూడా పోటీ పడ్డారు. ఈమేరకు పెళ్లకూరు శ్రీనివాసులురెడ్డి పార్టీ అధినేత చంద్ర బాబుకు లెటర్‌ వ్రాసి సంచలనం సృష్టిం చాడు. పార్టీలో సమన్వయం లోపించిం దని ఆయన ఆ లేఖలో ఎత్తి చూపారు. 2014 ఎన్నికల్లో కోవూరు తెలుగుదేశం సీటు కోసం ఆయన తీవ్రంగా ప్రయ త్నించాడు. అంతకుముందు పార్టీకి నాయకత్వమే లేని స్థితిలో తాను ముందు కొచ్చి తన సొంత ఖర్చుతోనే ఇక్కడ పార్టీని నడిపించాడు. స్థానిక ఎన్నికల్లో పార్టీ అభ్యర్థులకు అండగా నిలిచాడు. అయితే సీటు తనకే గ్యారంటీ అనుకున్న తరు ణంలో కాంగ్రెస్‌ నుండి వచ్చిన పోలంరెడ్డి శ్రీనివాసులురెడ్డి చివరి క్షణంలో సీటెత్తు కుని పోయాడు. దీంతో ఆయన తీవ్ర నిరుత్సాహానికి గురయ్యాడు. పార్టీ అధికారంలోకి వచ్చిన తర్వాత కూడా ఆయనకు ఎటువంటి న్యాయం జరగలేదు. అడక్కుండా వుంటే ఎవరూ పట్టించు కోరనుకున్నాడో ఏమో, అధ్యక్ష పదవి కోసం పోటీలోకి దిగి చంద్రబాబుకే లేఖాస్త్రం సంధించాడు.

మాజీఎమ్మెల్యే కంభం విజయరామి రెడ్డి 1999ఎన్నికలకు ముందు నుండే జిల్లా పార్టీ అధ్యక్షుడిగా పని చేశాడు. పార్టీలో పదవులన్నీ డెల్టావాళ్లకేనా... మెట్ట ప్రాంతంలో పార్టీ అవసరం లేదా అంటూ ఆయన అధ్యక్ష స్థానాన్ని ఆశిం చాడు. పార్టీలో సీనియర్‌... అందరితో సత్సంబంధాలున్నవాడు. పూర్తిగా రాజ కీయాలే వ్యాపకంగా ఉండేవాడు. ఆయన అధ్యక్ష పదవిని ఆశించడంలో అభ్యర తరం కూడా లేదు.

ఇక మరో మాజీఎమ్మెల్యే ముంగ మూరు శ్రీధరకృష్ణారెడ్డి కూడా అధ్యక్ష పదవిని ఆశించాడు. అయితే ఆయన రవిచంద్రను మార్చేపనైతేనే తనకు పదవి కావాలన్నాడు. ఇక్కడ అధ్యక్ష స్థానానికి ఈ ముగ్గురూ అర్హులే! కాకపోతే బీద రవిచంద్ర నాకొద్దు అని అనుకుని వుంటేనే వీళ్లల్లో ఒకరికి ఛాన్సుండేది!

kovurజిల్లా రాజకీయాలలోనే కోవూరుకు ప్రత్యేక గుర్తింపు వుంది. ఈరోజు కాదు, ఏ రోజునుండో ఇది అభివృద్ధి చెందిన ప్రాంతం. వడ్లకు, బలిసిన రెడ్లకు పేరు. చైతన్యవంతులైన ప్రజలున్నారు. విద్యాధికులు అధికం. పాడిపంటలతో అలరారు తున్న ప్రాంతం. అభివృద్ధి పరంగా ఎంత ముందుందో రాజకీయ చైతన్యంలోనూ అంతే ముందుంటుంది.

అలాంటి నియోజకవర్గం కేంద్రంగా ఇప్పుడు రాజకీయాలు రోజుకో కొత్త రూపం సంతరించుకుంటున్నాయి. ముఖ్యంగా తెలుగుదేశం పార్టీలో మూడు ముక్కలాట మొదలైంది. 2004ఎన్నికల్లో ఊహించని విధంగా తెలుగుదేశం నుండి కాంగ్రెస్‌లోకి మారిన పోలంరెడ్డి శ్రీనివాసులురెడ్డి సంచలనాత్మక రీతిలో ఎమ్మెల్యేగా గెలవడం తెలిసిందే! అదే సంచలనాత్మక రీతిలో ఆయన 2014లోనూ అదే సీన్‌ రిపీట్‌ చేసాడు. అయితే ఈసారి కాంగ్రెస్‌ నుండి తెలుగుదేశంలో దూరి ఎమ్మెల్యేగా గెలిచాడు. 2014 ఎన్నికల్లో కోవూరు సీటు కోసం స్థానిక తెలుగుదేశం నాయకులు పెళ్ళకూరు శ్రీనివాసులురెడ్డి తీవ్రంగా ప్రయత్నించినప్పటికీ చివరి నిమిషంలో పార్టీలో చేరిన పోలంరెడ్డి ఆ సీటును ఎగరేసుకుపోయాడు.

ఎన్నికలు ఇక రెండేళ్ళలో ఉన్నాయి. ఇప్పుడే సీటు ఎవరికని చెప్పలేరు. కాని, ఈసారి టిక్కెట్‌ టార్గెట్‌గా వర్గపోరు మొదలైంది. ముఖ్యంగా ఇటీవల పోలంరెడ్డి మీదవచ్చిన ఆరోపణలు, మీడియాలో వచ్చిన వ్యతిరేక కథనాల నేపథ్యమైతేనేమీ, జిల్లాలో సిట్టింగ్‌ ఎమ్మెల్యేలకు సీట్లిస్తే గెలవరని కొన్ని వర్గాలు ఇచ్చిన నివేదిక వల్లనైతేనేమీ చంద్రబాబు ఈసారి పోలంరెడ్డికి సీటివ్వడన్న ప్రచారం ముమ్మరంగా సాగుతోంది. దీనికి తగ్గట్లే ఇటీవల ఏపిఐఐసి ఛైర్మెన్‌ పి.కృష్ణయ్య కోవూరు నియోజకవర్గ వ్యవహారాలలో ఎక్కువుగా తల దూరుస్తుండడం కూడా అనుమానాలకు తావిస్తోంది. అదే సమయంలో గత ఎన్నికల్లో సీటును మిస్సయిన పెళ్ళకూరు శ్రీనివాసులురెడ్డి వచ్చే ఎన్నికల్లో ఎట్టి పరిస్థితుల్లోనైనా పోటీ చేయాలనే పంతంతో ఉన్నట్లు తెలుస్తోంది. కోవూరు నియోజకవర్గంలో 'రెడ్ల' ఆధిపత్యం ఎక్కువ. పి.కృష్ణయ్య, లేదా ఇతర బి.సి వర్గాల నాయకులు ఇక్కడ తట్టుకుని నిలబడడం కష్టం. వైకాపా నుండి 'రెడ్లు' నిలబడకుండా పి.కృష్ణయ్య, లేదా ఇంకొకరికి సీటిచ్చినా ఇబ్బంది ఉండదు. ఈ నియోజకవర్గంలో 'రెడ్డి' అభ్యర్థిని మోటుకోవాలంటే ప్రత్యర్థిగా రెడ్డి అభ్యర్థే ఉండాలి. కాబట్టి పి.కృష్ణయ్య లాంటి ప్రయోగాలు ఇక్కడ సక్సెస్‌ కావు. అలా చేయడమంటే 2009ఎన్నికల్లో ఇక్కడ ప్రజారాజ్యం అభ్యర్థిగా చిరంజీవి, తుపాకుల మునెమ్మను దించినట్లే వుంటుంది. కాబట్టి ఏ పార్టీకైనా ఇక్కడ అభ్యర్థి ఎంపికలో 'రెడ్ల'కే ప్రాధాన్యత ఇవ్వక తప్పదు.

psr sకోవూరు నియోజకవర్గం తెలుగుదేశంపార్టీలో అంతర్గత విభేదాలు, కుమ్ములాటలు ఎక్కువయ్యాయి. తమ్ముళ్ల పోరు బహిరంగంగానే జరుగుతోంది. ఆరోపణలు, విమర్శలు చేసుకోవడంలో ఎక్కడా దాపరికం లేదు. బహిరంగంగానే కుమ్ముకుంటున్నారు.

ఎమ్మెల్యే పోలంరెడ్డి శ్రీనివాసులురెడ్డి ఏకపక్ష నిర్ణయాలపై ఆయన వ్యతిరేక వర్గమైన పెళ్లకూరు శ్రీనివాసులురెడ్డి వర్గీయులు బహిరంగ దాడికి దిగినట్లుగా తెలుస్తోంది. పార్టీలో ఎప్పటి నుండో కనిపెట్టుకుని వున్న తమను కాదని ఎమ్మెల్యే పోలంరెడ్డి కాంగ్రెస్‌ నుండి వచ్చిన వాళ్లకు ప్రాధాన్యతనిస్తున్నారంటూ పెళ్లకూరు అనుచరులు అధిష్టానానికి, పార్టీ పరిశీలకులకు ఫిర్యాదుల మీద ఫిర్యాదులు చేస్తున్నారు. పోలంరెడ్డి మాత్రం ఇవేమీ పట్టించుకోకుండా అంతా నా ఇష్టం అనే రీతిలో తన పంథాను అనుసరిస్తున్నారు. 2014 ఎన్నికల్లో కోవూరు టిడిపి సీటుపై పెళ్లకూరు శ్రీనివాసులురెడ్డి ఎన్నో ఆశలు పెట్టుకున్నారు. 2009 ఎన్నికల అనంతరం నల్లపరెడ్డి ప్రసన్న పార్టీ వదిలి పోవడం తెలిసిందే! ఆ సమయంలో ఇక్కడ పార్టీకి నాయకుడు కరువయ్యాడు. 2012లో జరిగిన కోవూరు ఉపఎన్నికల్లో తెలుగుదేశం అభ్యర్థిగా ఎవరూ లేక సోమిరెడ్డి చంద్రమోహన్‌రెడ్డి నిలబడ్డాడు. ఆ ఎన్నికల తర్వాత కోవూరు రాజకీయాల్లో పెళ్లకూరు శ్రీనివాసులురెడ్డి కీలకపాత్ర పోషించారు. ప్రతిపక్షంలో వున్నా పార్టీ కేడర్‌కు అన్ని విధాలుగా అండగా నిలిచారు. నియోజకవర్గంలోని అన్ని మండలాలలో పర్యటనలు చేస్తూ తన సొంత వర్గాన్ని ఏర్పాటు చేసుకున్నారు. 2014లో ఇక సీటు అతనికే ఖాయం అనుకున్న తరుణంలో కాంగ్రెస్‌లో వున్న పోలంరెడ్డి తెలుగుదేశంలో చేరి టిక్కెట్‌ ఎగరేసుకుపోయాడు. పెళ్లకూరుకు నోటిదాకా వచ్చిన సీటు చేజారినట్లయ్యింది. ఆ ఎన్నికల్లో పోలంరెడ్డి విజయ సాధించడం తెలిసిందే!

ఇక యధాఫలంగా అక్కడి నుండి ఇరువర్గాల వారి మధ్య అంతర్యుద్ధం మొదలైంది. నామినేటెడ్‌ పదవుల్లో గాని, పార్టీ కమిటీలలోగాని, పనుల కేటాయింపులోగాని పోలంరెడ్డి తనతో పాటు కాంగ్రెస్‌ను వీడి వచ్చిన వారికి ప్రాధాన్యతనిస్తున్నాడు. ఇది అంతకుముందు నుండి పార్టీని నమ్ముకుని వున్న పెళ్లకూరు అనుచరులకు మింగుడు పడడం లేదు. ముందొచ్చిన చెవులకన్నా వెనుకొచ్చిన కొమ్ములు వాడి అన్నట్లుగా తమ పరిస్థితి తయారైందని వారు వాపోతున్నారు. రాజకీయాల్లో ముందూ, వెనుక అని వుండదు. చంద్రబాబు కంటే ముందే తెలుగుదేశంలో చాలా మంది వున్నారు. వాళ్లకంటే వెనుకొచ్చిన చంద్రబాబుకు పార్టీ సీఎం కుర్చీ అప్పగించలేదా?! రాజకీయా లలో అసలు సూత్రం ఇదే!

newsbottomad

ఎక్కువగా చదివిన వార్తలు

  • సినీ పరిశ్రమకు... అనువైన వేదిక నెల్లూరు!
    కేసీఆర్‌ ఛీ... ఛా... అని ఛీదరించుకుని ఉమ్మేసినా కొందరు సినీ ప్రముఖులు హైదరాబాద్‌ను వదిలేది లేదంటున్నారు. ఇలాంటి వాళ్లది సినీ పరిశ్రమపై ప్రేమ కాదు! అక్కడ పోగేసిన వేలకోట్ల ఆస్తులపై ప్రేమ. అవెక్కడ పోతాయోననే బాధ. అక్కడ నుండి సినీ పరిశ్రమను…
  • సిటింగ్‌లకు... కటింగ్‌ వేస్తాడా?
    రాబోయే ఎన్నికల్లో జిల్లాలోని తెలుగుదేశం పార్టీ సిటింగ్‌ ఎమ్మెల్యే లకు చంద్రబాబు తిరిగి సీట్లు ఇవ్వడనే ప్రచారం జోరుగా వుంది. ఒక్క సిటింగ్‌ స్థానాలలోనే కాదు, జిల్లాలోని అన్ని అసెంబ్లీ నియోజక వర్గాల నుండి కొత్త అభ్యర్థులను రంగంలోకి దించుతారని టాక్‌!…
  • పాదయాత్రతో మరో చరిత్ర
    గతానికి భిన్నంగా, గతంకంటే ఉత్సాహంగా ఆంధ్రప్రదేశ్‌ నడిబొడ్డు గుంటూరు కేంద్రంగా రెండు రోజుల పాటు జరిగిన వైయస్సార్‌ కాంగ్రెస్‌పార్టీ ప్లీనరీ సమావేశాలు ప్రభుత్వంపై ప్రజల్లో వున్న వ్యతిరేకతకు, ప్రజానేత జగన్‌పై వున్న నమ్మకానికి నిదర్శనంగా నిలిచాయి. ప్రతిఏటా ఇడుపులపాయలో వైసిపి ప్లీనరీలు…
  • 'పీకే'దేమీ లేదు
    జగన్‌ అంటే జనంలో అపార అభిమానముంది. వై.యస్‌. కుటుంబంతో తెలుగు లోగిళ్ళకు అపురూప అనుబంధముంది. ''రాజన్న''న్నా ఆయన కుమారుడన్నా ప్రాణాలిచ్చే అభిమానులు తెలుగు నాటంతా వున్నారు. ఎవరు చెప్పినా ఎవరు చెప్పకపోయినా రాజశేఖరరెడ్డి కోసం ఆయన కుటుంబం కోసం పనిచేసే నాయకులు,…
  • కాలం కరిగిపోతుంది... ఆశ ఆవిరవుతోంది!
    నిన్నగాక మొన్న ఎలక్షన్‌ జరిగినట్లు... చంద్రబాబు ముఖ్యమంత్రి అయినట్లుగా వుంది. తిరిగి చూస్తే మూడేళ్లు గిర్రున తిరిగిపోయాయి. ఏది ఆగినా కూడా కాలం ఆగదు కదా! తెలుగుదేశం అధికారంలోకి వచ్చి మూడేళ్లు దాటినా కూడా చాలామంది నాయకుల ఆశలు తీరలేదు. ఇప్పటికీ…

Newsletter