-      విహారి, హైదరాబాద్. 9848025600

స్వప్రయోజనం ఎప్పుడూ

నిలువెత్తు హింసావాది

ఉనికి కోసం చేసే ఉద్ఘాటన

పరిపరి ఉపరి స్పర్శే

పొరలు త్రచ్చుతూ మూలాలకి

పోకపోవటం కళ్లకు మకమ్మిన పొర

బోలు మాటల దొంతర్లలో

సత్యం హత్య చేయబడుతుంటే

రాజకీయం రంగుల వలని విసురుతూనే వుంటుంది

ఇవ్వాళ పట్టుబడిన దౌష్ట్యం

నిన్న మట్టుబెట్టినవి ప్రాణాలు కావంటుంది

దుర్మార్గపు నిబద్ధత తన చట్టం వేరంటుంది

పావురాల్ని కొట్టేవాడు తనకు మాత్రమే

కన్నీళ్ళు కోరటం – దయ్యపు అభ్యర్థన

ఒకరి బతుకు పచ్చదనాన్ని నిప్పచ్చరం చేసేవాడు

తన నీడనూ శిథిలం చేసే కాల రహస్యాన్ని మరిస్తే...

గీతలూ, రాతలూ కలగా పులగమైపోతాయి

radham

-      డా. సి.భవానీదేవి, హైదరాబాదం. 9866847000

శత సహస్త్ర బాహువులు చాచి

స్వాగతించే అరుణుని పాదస్పర్శతో

పులకాంకిత సూర్యరథ విన్నాణమిది

ఇరవైనాలుగు గంటల దినాలు చక్రాలుగా

ఎనిమిది జాములు చక్రానికి ఆకులుగా

మహాలక్ష్మీ సత్త్వల ఇరుసుగా

సప్తవర్ష్యాశ్వర రధారూఢుడు

ప్రత్యక్ష దైవ శిలారథం

సకల కళాతేజ విలసితం

ఈ శిల్పసుందరీ సౌందర్యకల్పనకు

ఏ శిల్పి యవ్వనాన్ని ధారబోశాడో

ఈ నాగినీభృకుటీ విలాసం

ఏ కళింగరాజ దీక్షా దర్షమో

ఈ మిధున క్రీడా భంగిమల్లో

కుదురుకున్నదే సృష్టి రహస్యమో

ఈ నాట్యకత్తెల కాలి అందియలు

కర్ణపేయ రవళిగా రంజిల్లటం

ఎందరు రసమయ శిల్పకారుల

త్యాగనిరతీ సుకృత ఫలమో

సుప్రభాత సూర్య నేత్రానికి

సిసలైన శిల్పకారుడందించిన కళాంజలిని

కళ్ల నిండా నింపుకుందామనుకున్నాను

మనసుతీరా మాట్లాడదామనుకున్నాను

నిశ్శబ్ద సౌందర్యమే మధురం కదా.

(కోణార్క సూర్యదేవాలయం చూసి)

ఆ జీవన సంస్కారానికి

ఆ జీవన పరిష్కారానికి

నిత్యనూతన సంకేతక్రాంతి

ఉగాదికి నమస్కారం

అంతరాంతరాల్లో పాతుకుపోయిన

తిమిరాన్ని వెంటాడే కిరణంలా

హృదయంలో సాగే నిరంతర రణంలా

కాలానికి మరణం లేదని చాటే

ఉగాదికి నమస్కారం.

భూ అనువునుండి

ఆకాశ వైశాల్యం వరకు

సమస్త చేతనా చేతనల్లోంచి

అవ్యక్తంగా తరలివచ్చే

వాసంతజ్యోత్స్నా స్నాతమై

విక్షునారీపై సంధించిన

మల్లె బాణం చేసిన గాయంతో

గలగలా కలకల కూసేకోయిల

పున్నాగ సన్నాయి గానంతో

కదలివచ్చే మదనకదన భావోద్వేగాల

ఉగాదికి నమస్కారం

మావి పిందెల్ని

వేపూతల్ని

చెరకుగడల్ని

చింతతీర్చే పులుపుల్ని

గడ్డకట్టిన సముద్రాన్ని

జీవితకారాన్ని

సమపాళ్లలో రంగరించుకొని

సుమనోభావాల్ని సంతరించుకొని

వెలుతురు పాదాలతో

జయజయ ధ్వానాలతో నడచివచ్చే

ఉగాదికి నమస్కారం

-      గుర్రాల రమణయ్య, నెల్లూరు. 9963921943.

Page 1 of 3

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • రెండు నెలల్లో... ట్రెండ్‌ మారింది
    రాజకీయాలలో పరిస్థితులు తారుమారు కావడానికి ఎంతో కాలం పట్టదు. నాలుగేళ్ళ పదినెలలు సమర్ధవం తంగా పని చేసిన ఒక ప్రభుత్వం ఒక చిన్న తప్పు చేస్తే ఒక్క నెలలోనే గబ్బు పట్టొచ్చు. దాని మూలంగానే ఎన్నికల్లో ఓడిపోవచ్చు. నాలుగేళ్ళ పది నెలల…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…

Newsletter