portదాదాపు పదేళ్ళుగా నెల్లూరుజిల్లా ప్రజలను ఊరిస్తూవస్తున్న దుగరాజపట్నం పోర్టు అంశం ఎత్తిపోయినట్లే కనిపిస్తోంది. ఈ పోర్టు కోసం గత కొన్నేళ్ళుగా ఎన్నో ప్రయత్నాలు జరిగాయి. గత యూపిఏ ప్రభుత్వంలో రాష్ట్రంలో మూడు ప్రాంతా లను పోర్టు నిర్మాణానికి పరిశీలించి, చివ రకు దుగరాజపట్నంను ఎంపిక చేయడం తెలిసిందే! రాష్ట్ర విభజన బిల్లులో కూడా ఏపికి ఇచ్చిన హామీలలో దుగరాజపట్నంను పొందుపరిచారు. 2014 ఎలక్షన్‌లకు ముందు తిరుపతి ఎంపిగా వున్న చింతా మోహన్‌ ఈ పోర్టుకు హడావిడిగా శంకు స్థాపన చేయించాలని కూడా చూసారు. అయితే అది సాధ్యం కాలేదు. ఎన్డీఏ అధికారంలోకి వచ్చాక, ఈ పోర్టుపై మీన మేషాలు లెక్కిస్తూ వచ్చారు. ఈ పోర్టు ఇక్కడ కడితే వచ్చే లాభనష్టాలపై బేరీజు వేశారు. దుగరాజపట్నంకు సమీపంలోనే కృష్ణపట్నం పోర్టుతో పాటు చెన్నైలో రెండు పోర్టులు వుండడం, దీనికితోడు ఇస్రో, పర్యావరణ శాఖ అభ్యంతరాలు ఈ పోర్టుకు అడ్డంకిగా మారాయి. ఈ పోర్టు కట్టినా పెద్దగా ఆదాయం ఉండబోదని నీతిఅయోగ్‌ తేల్చిచెప్పింది. దీనిబదులు ఏపికి మరో రూపంలో ప్రయోజనం కల్పిస్తామని కేంద్రం చెప్పడంతో ఇక దుగరాజపట్నం పోర్టుకు తెరపడినట్లేనని భావించాల్సి వస్తోంది.

portఏపికి ఇచ్చిన విభజన హామీలలో కేంద్రం ఏ ఒక్కదాన్ని కూడా సవ్యంగా అమలు చేయడం లేదు. ప్రధాన హామీ అయిన ప్రత్యేకహోదాను పాడెక్కించడం తెలిసిందే! ఇక పోలవరంను కేంద్రమే చేపట్టాల్సి ఉండగా, తెరచాటు ఒప్పందాలలో భాగంగా రాష్ట్ర ప్రభుత్వానికి ఆ కాంట్రాక్ట్‌ను అప్పగించడం జరిగింది. విభజన హామీలలోనే ఇంకొకటి నెల్లూరుజిల్లా దుగరాజపట్నంలో ఓడరేవు నిర్మాణం! యూపిఏ ప్రభుత్వంలోనే దుగరాజపట్నం ఓడరేవు మంజూరైంది. అయితే దీనికి శంకుస్థాపన చేసేలోపే ఎన్నికలొచ్చాయి. 2014 విభజన చట్టంలో యూపిఏ ప్రభుత్వం దుగరాజట్నం పోర్టును చేర్చింది. ఎన్డీఏ అధికారంలోకి వచ్చి రెండున్నరేళ్లు దాటినా దీనిపై ఒక్క అడుగు కూడా ముందుకు పడలేదు. రాష్ట్ర ప్రభుత్వం కూడా ఈ పోర్టు కావాలని కోరలేదు. ఈ నేపథ్యంలో ఈ పోర్టు ఎంత అవసరం అన్నదానిని అంచనా వేసేందుకు కేంద్రం ఓ కన్సల్టెన్సీని నియమించింది. ఆ కన్సల్టెన్సీ ఇటీవలే కేంద్రానికి... దుగరాజ పట్నం పోర్టు వల్ల పెద్దగా వాణిజ్య ఉపయోగం లేదని పేర్కొంటూ నివేదిక ఇచ్చింది.

సానుకూలంగా నివేదిక ఇస్తేనే కేంద్రం ఈ పోర్టు నిర్మాణాన్ని చేపట్టడం అంతంత మాత్రం. ఇక వ్యతిరేకంగా నివేదిక ఇస్తే అసలు దాని జోలికి పోతుందా? దుగరాజపట్నం పోర్టు మీద ఇక పూర్తిగా ఆశలు వదులుకోవచ్చు.

portలేని ఆశలు కల్పించారు. రేకెత్తించిన ఆశలను నీరు గార్చారు. కేవలం నాయకుల వాగ్దానాలకు, పత్రికలలో వూహాగానాలకు, రియల్టర్ల భూముల కొనుగోలుకు మాత్రమే దుగరాజపట్నం పోర్టు అన్న ఓ ఫోబియాను పరిమితం చేశారు.

వాకాడు మండలంలోని దుగరాజపట్నం వద్ద పోర్టు రానూ వచ్చింది, పోనూ పోయింది. అయితే ఇదంతా కాగితాల మీదే జరిగిపోయింది. దుగరాజపట్నం వద్ద పోర్టు సబ్జెక్ట్‌ ముగిసి పోయిన కథలాగే కనిపిస్తోంది. ఇక్కడ పోర్టు నిర్మాణం వల్ల పెద్దగా ఉపయోగమేమీ లేదని కేంద్ర ప్రభుత్వం నియమించిన కమిటి తన నివేదికలో పేర్కొన్నట్లు తెలుస్తోంది. ఇక్కడ పోర్టు నిర్మాణానికి రోడ్డు, రైలు కనెక్టివిటీలు ఖర్చుతో కూడుకున్న పని. గూడూరు-దుగరాజపట్నం మధ్య రైల్వేలైన్‌ మంజూరైనా ఇంతవరకు ఒక్క అంగుళం పని కూడా జరగలేదు. ఇక పోర్టు నుండి జాతీయ రహదారికి అనుసంధానిస్తూ రోడ్డు విస్తరణ మరియు కొత్త రోడ్డు నిర్మాణం జరగాలి. ఇది కూడా వ్యయ ప్రయాసలతో కూడిన పని. ఈ రెండు పనులు కూడా ఆయా శాఖలు పూనుకుంటేనే పూర్తవుతాయి. ఇక సమీపంలో పులికాట్‌ సరస్సు, షార్‌ సెంటర్‌ ఉన్నందున పర్యావరణ అనుమతులు, భద్రతా పరమైన అనుమతులు కొంచెం క్లిష్టం కావచ్చు. అదీకాక పర్యావరణానికి హాని చేయని సరుకురవాణాకే ఇక్కడ ప్రాధాన్యత నివ్వాల్సి వుంటుంది. ఇక్కడ సమీపంలోనే కృష్ణపట్నం పోర్టు, ఎన్నూర్‌ పోర్టులు ఉన్నందున ఈ పోర్టుకు పెద్దగా వ్యాపారం ఉండకపో వచ్చునని పోర్టు సాధ్యాసాధ్యాలపై నియమించిన కమిటి తన నివేదికలో పేర్కొన్నట్లు సమాచారం.

దీంతో దుగరాజపట్నం పోర్టు కథ ఇక ముగిసిపోయినట్లేనని భావిస్తున్నారు. గత యూపిఏ ప్రభుత్వంలో కేంద్ర ప్రభుత్వం ఆధ్వ ర్యంలో నిర్మించ తలపెట్టిన పోర్టుకు మన రాష్ట్రంలో విశాఖ జిల్లా నక్కలపల్లి, ప్రకాశంజిల్లా రామాయపట్నం, నెల్లూరుజిల్లాలోని దుగరాజపట్నంలను పరిశీలించారు. అటూ ఇటు తిరిగి దుగరాజ పట్నంను ఓకే చేశారు. రాష్ట్ర విభజన బిల్లులోనూ యూపిఏ ప్రభుత్వం ఏపి ప్రజల కన్నీళ్లను తుడవడానికన్నట్లు దుగ రాజపట్నం పోర్టును చేర్చింది. ఎన్నికలకు ముందు తిరుపతి ఎంపీగా వున్న చింతా మోహన్‌ ఆనాటి ప్రధాని మన్మోహన్‌సింగ్‌ చేతుల మీదుగా హడావిడిగా శంకుస్థాపన చేయించాలని చూశారు. అయితే ఎన్నికలు రావడంతో అది సాధ్యం కాలేదు. ఎన్నికల తర్వాత అధికారంలోకి వచ్చిన ఎన్డీఏ ఈ పోర్టుపై అంత ఆసక్తి చూపించలేదు. అదీగాక జిల్లాకు చెందిన ప్రజాప్రతినిధులు కూడా ఈ పోర్టు విషయంలో పెద్దగా పట్టుబట్టడం లేదు. ఈ పరిసరాలలో మన నాయకులకు భూములు లేకపోవడం కూడా దీనికి కారణం కావచ్చు. ఇక ముందు నుండి కూడా పులికాట్‌, షార్‌ వంటి అభ్యంతరాలున్నాయి. ఇప్పుడు కమిటీ రిపోర్ట్‌ వ్యతిరేకంగా ఉండడంతో పోర్టు దాదాపు ఎగిరిపోయినట్లే!

Page 1 of 3

newsbottomad

ఎక్కువగా చదివిన వార్తలు

  • అసలు పని వదిలేసి... అన్న క్యాంటిన్‌లు ఎందుకో?
    గుర్రం చేసే పని గుర్రం చేయాలి, గాడిద చేసే పని గాడిద చేయాలి... అని పెద్దలు చెప్పిన పాత మోటు సామెత అందరూ వినే వుంటారు. పారిశుద్ధ్య కార్మికుడి పని వీధులను శుభ్రంగా ఉంచడం... ఆ పని అతనే చెయ్యాలి. అదే…
  • తప్పెవరిది?
    నెల్లూరుజిల్లా డిఇఓగా మువ్వా రామలింగం వస్తున్నాడని తెలిసి జిల్లాలో అన్ని ఉపాధ్యాయ సంఘాలు ఆందోళనలు నిర్వహించాయి. మాకీ డిఇఓ వద్దంటూ ఉపాధ్యాయులు నెత్తి నోరు బాదుకుని చెప్పారు. 'పోకిరి' సినిమాలో మహేష్‌బాబు పోలీసు ఆఫీసర్‌ అని తెలిసాక అతని ట్రాక్‌రికార్డు గురించి…
  • ఆ పైపులతో... ఆయకట్టుకు నీళ్ళు కట్‌
    చేసే అభివృద్ధి పనులు ప్రజలకు మంచి చేసేలా వుండాలేగాని ఇంకొంచెం ఇబ్బందిగా మారకూడదు. ఒకరి సమస్య తీర్చడానికి చేస్తున్న పని ఇంకో పది మందికి సమస్య కాకూడదు. కాని, నెల్లూరు రూరల్‌ పరిధిలోని 31వ డివిజన్‌ శ్రామికనగర్‌ వద్ద కనుపూరు కాలువపై…
  • ఓటమి నేర్పిన పాఠమేంటి?
    గెలిస్తే ప్రపంచానికి నువ్వు తెలుస్తావ్‌... ఒక్కసారి ఓడిపోయి చూడు ప్రపంచమేంటో నీకు తెలుస్తుంది. రాజకీయాలలో గెలుపును ఆస్వాదించే వాడు కాదు, ఓటమిని భరించేవాడు, ఆ ఓటమితో పాఠాలు నేర్చుకునే వాడు, ఆ ఓటమిని రేపటి విజయానికి మెట్లుగా మలచుకునేవాడే నిజమైన రాజకీయ…
  • వైకాపాలోనూ... నేతలమధ్య కలతలు
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాల్లో నెల్లూరొకటి. ఒకప్పుడు కాంగ్రెస్‌కు కంచుకోట లాంటి ఈ జిల్లా ఇప్పుడు వైకాపాకు పెట్టనికోట అయ్యింది. 2014 ఎన్నికల్లో నెల్లూరు, తిరుపతి ఎంపి స్థానాలతో పాటు జిల్లాలో ఏడు అసెంబ్లీ స్థానాలను గెలుచుకుంది. ఆ…

Newsletter