pslvచాలా ఏళ్ళ తర్వాత రాకెట్‌ ప్రయోగాల పరంపరలో ఇస్రోకు ఎదురుదెబ్బ తగిలింది. వరుస విజయాలతో ఊపు మీదున్న ఇస్రోకు పిఎస్‌ఎల్‌వి-సి39 రూపంలో పరాజయం ఎదురైంది. ఆగస్టు 31వ తేదీ శ్రీహరికోట లోని సతీష్‌ధావన్‌ అంతరిక్ష ప్రయోగ కేంద్రం నుండి ప్రయోగించిన పిఎస్‌ఎల్‌వి -సి39 విఫలమైంది. రాకెట్‌ మూడు దశలను విజయవంతంగా అధిగమించి 4వ దశ జరుగుతున్న సమయంలో రాకెట్‌ నుండి ఉపగ్రహం విడిపోక పోవడంతో ప్రయోగం విఫలమైనట్లు శాస్త్రవేత్తలు గుర్తించారు. సాంకేతిక వైఫల్యాలతో ప్రయోగం విఫలమైనట్లు ఇస్రో ఛైర్మెన్‌ కిరణ్‌కుమార్‌ ప్రకటించారు.

rocksవిజయవంతమైన ఉపగ్రహాల ప్రయోగానికి 'ఇస్రో' కేరాఫ్‌ అడ్రస్‌గా మారింది. ఇటీవల కాలంలో ఇస్రో వరుసబెట్టి వదులుతున్న రాకెట్లన్నీ కూడా సూపర్‌హిట్లే! అంతరిక్ష ప్రయో గాలలో ఒక్కో రాకెట్‌ ఒక్కో మలుపుగా ఉంటోంది. ఈమధ్య వరుస రాకెట్ల ప్రయోగాలతో నెల్లూరుజిల్లా శ్రీహరికోటలోని సతీష్‌ధావన్‌ అంతరిక్ష ప్రయోగ కేంద్రం(షార్‌) సందడిగా ఉంటోంది. మొన్నటికి మొన్న జిఎస్‌ఎల్‌వి రాకెట్‌ సక్సెస్‌ మరుగున పడక ముందే తాజాగా జూన్‌ 23వ తేదీ పిఎస్‌ఎల్‌వి-సి38ను ప్రయోగించి విజయపరంపరను కొన సాగించింది. 23వ తేదీ ఉదయం 9.29 గంటలకు షార్‌ సెంటర్‌ నుండి ప్రయోగించిన పిఎస్‌ఎల్‌వి-సి38 పూర్తిగా విజయవంతమైంది. 23.20 నిముషాల ప్రయోగకాలంలో మొత్తం 31ఉపగ్రహాలను నిర్ణీత కక్ష్యలలో ప్రవేశపెట్టింది. వీటిలో రెండు స్వదేశీ ఉపగ్రహాలతో పాటు 29 విదేశీ ఉపగ్రహాలు న్నాయి. ఈ ప్రయోగం విజయవంతం కావడంతో ప్రపంచ వ్యాప్తంగా ఇస్రో అంతరిక్ష వాణిజ్యావకాశాలు మెరుగుపడ్డాయి. ఇస్రో ప్రయోగాలపై ప్రపంచ దేశాలకు నమ్మకం పెరిగింది. అతితక్కువ ఖర్చుతో ఆయా దేశాల ఉపగ్రహాలను కక్ష్యలో ప్రవేశపెట్టే సంస్థగా ఇస్రో గణతికెక్కింది. ఈ ప్రయోగంతో 'ఇస్రో' అంతరిక్షంలోకి పంపించిన విదేశీ ఉపగ్రహాల సంఖ్య 209కి చేరడం విశేషం.

పెద్దనోట్ల రద్దుచేసినా, దేశ రాజకీయాలు ఎలా వున్నా, నాయకులు, మన పాలకులు ఎంత రోతగా తయారైనా... ఇవేమీ పట్టించుకోకుండా తమ పని తాము చేసుకుంటూ అగ్రదేశాలకు ధీటుగా నిలుస్తున్న ఏకైక సంస్థ భారత అంతరిక్ష పరిశోధనా సంస్థ ఇస్రో. అత్యంత తక్కువ కాలంలోనే అంతరిక్ష ప్రయోగాలలో అగ్రదేశాల సరసన నిలిచింది. అమెరికా, రష్యా వంటి దేశాలు ఒకటికి నాలుగుసార్లు ప్రయోగాలు జరిపి విజయవంతమైన ఉపగ్రహాలను ఇస్రో ఒకే ఒక్క ప్రయోగంతో విజయవంతం చేసింది. అంతే కాదు, ఖర్చులోనూ ఎంతో పొదుపుగా ఉపగ్రహాలు తయారు చేస్తూ పెద్ద దేశాలకు గట్టి సవాలు విసురుతోంది. అతి తక్కువ ఖర్చుతో ఉపగ్రహాలను ప్రయోగిస్తూ, విదేశీ అంతరిక్ష వాణిజ్యాన్ని సైతం ఆకర్షిస్తోంది. ఈ పరంపరలోనే మరో అనితర సాధ్యమైన విజయం వైపు ఇస్రో అడుగులు వేస్తోంది. ఇప్పటివరకు ఏ దేశం ప్రయోగించని విధంగా ఒకే రాకెట్‌ ద్వారా 103ఉపగ్రహాలను కక్ష్యలో ప్రవేశపెట్టడానికి సన్నా హాలు చేస్తోంది. మొదట 83 ఉపగ్రహాలను ప్రయోగిం చాలనుకున్నప్పటికీ సెంచరీ కొట్టాలన్న లక్ష్యంతో ఆ సంఖ్యను 103 ఉపగ్రహాలకు పెంచింది. ఫిబ్రవరి నెలలో ఈ ప్రయోగాన్ని నిర్వహించనున్నారు. తేదీ ఇంకా ఖరారు కాలేదు. ఈ ప్రయోగం విజయవంతం కావాలని కోరుతూ దేశవ్యాప్తంగా యువత ర్యాలీలు కూడా నిర్వహించనున్నారు. ఈ అరుదైన అంతరిక్ష ప్రయోగానికి మన నెల్లూరుజిల్లా శ్రీహరికోటలోని సతీష్‌ధావన్‌ స్పేస్‌ సెంటర్‌ వేదిక కావడం నెల్లూరీయులుగా మనకు గర్వకారణం.

Page 1 of 2

newsbottomad

ఎక్కువగా చదివిన వార్తలు

  • దండగ... పండగ...
    పర్యాటక అభివృద్ధి అంటే సంవత్సరంలో 365రోజులు జరగాల్సిన ప్రక్రియ. దానిని రెండుమూడు రోజులు జాతరగా మార్పు చేయడం సబబు కాదు. మూడురోజుల సంబడం కోసం మూడు కోట్లు తగలెయ్యడం కరెక్ట్‌ కాదు. ఆ నిధులనే పర్యాటక కేంద్రాల అభివృద్ధికి వెచ్చిస్తే సంవత్సరం…
  • సినిమానూ వదలని సెగ
    నేనెందుకు పార్టీ పెట్టానో నాకే తెలి యదు, నేనెందుకు ప్రచారం చేస్తున్నానో నాకే తెలియదు, ఎన్ని సీట్లకు పోటీ చేయాలో నాకే తెలియదు... అన్నంత అజ్ఞానంలో వున్న హీరో పవర్‌స్టార్‌ పవన్‌ కళ్యాణ్‌, ఒక దశ దిశ నిర్దేశం లేకుండా రాజకీయపార్టీని…
  • సమన్వయ లోపం... వైకాపాకు శాపం!
    2014 ఎన్నికల ప్రచారంలో జగన్‌ సభలకు జనం జాతర మాది రిగా వచ్చారు. అంతకుముందు నిర్వహించిన ఓదార్పుయాత్రలకు పోటెత్తినట్లు వచ్చారు. అదే చంద్ర బాబు సభలకు లారీలు, బస్సులు పెట్టి తోలినా జనం రాలేదు. అయినా కూడా ఆ ఎన్నికల్లో చంద్రబాబు…
  • అజీజ్‌ బ్రదర్స్‌పై కేసు
    నెల్లూరు నగరపాలక సంస్థ మేయర్‌ అబ్దుల్‌ అజీజ్‌కు షాక్‌ తగిలింది. ఆయన పైన ఆయన తమ్ముడు, కార్పొరేటర్‌ జలీల్‌ మీద చెన్నైలో చీటింగ్‌ కేసు నమోదైంది. మేయర్‌ అజీజ్‌కు చెందిన స్టార్‌ ఆగ్రో కంపెనీలో వాటా కోసం తాము ఇచ్చిన 42కోట్ల…
  • నెల్లూరుజిల్లా ప్రగతిలో... వై.యస్‌. మార్క్‌ తప్పితే... బాబు బ్రాండ్‌ ఏది?
    మొన్న కోడూరుపాటు జన్మభూమి గ్రామ సభలో ముఖ్యమంత్రి చంద్రబాబునాయుడు మాటలు కోటలు దాటాయి. గాల్లోనే మేడలు కట్టారు. 2019కల్లా దగదర్తి ఎయిర్‌పోర్టును పూర్తి చేస్తామన్నారు. కృష్ణపట్నంపోర్టులో సెజ్‌ను ఏర్పాటు చేసి పారిశ్రామికంగా అభివృద్ధి చేస్తామన్నారు. నెల్లూరు నుండి చెన్నై దాకా ఇండస్ట్రియల్‌…

Newsletter