grainవాన రాకడ.. ప్రాణం పోకడ తెలియ దని సామెత. పంటలు బాగా పండాలని, అదునుకు వాన కురవాలని పదునైన ఎదురుచూసినప్పుడు మాత్రం రాని వాన, తీరా పంటలు చేతికి అందివచ్చే సమ యంలో మాత్రం ఒక్కసారిగా కుండ పోతగా కురుస్తుంది. ఎదిగిన పంటలను నీటముంచి వికటాట్టహాసం చేస్తుంది. ఈ ప్రకృతి ప్రకోపానికి అన్నదాతలు విలవిల లాడిపోతున్నారు. అసలే మెట్టప్రాంత రైతులు..కొద్దోగొప్పో నీటితో అష్టకష్టాలు పడి పంటలు పండించుకుంటే ఆ పం టంతా హరీమంది. మూలిగే నక్కపై తాటి పండు పడిన చందంగా, అసలే కరువు వాతపడి రైతులు దీనావస్తలో వున్న సమ యంలో వడగండ్లు పడి మరింత కడ గండ్లు తెచ్చాయి. మండే ఎండల్లో కురిసిన ఈ అకాలవర్షాలు రైతులను మళ్ళీ అప్పుల సుడిగుండంలోకి నెట్టేశాయి. కష్టాల్లో వున్న తమను ఆదుకుని తగు చేయూత నందిం చాలని రైతన్నల కుటుంబాలు ప్రభు త్వాన్ని వేడుకుంటున్నాయి. ఇటీవల

ఉదయగిరి నియోజకవర్గంలోని వింజమూరు, వరికుంటపాడు, కొండా పురం మండలాల్లో కురిసిన అకాల వర్షాలతో రైతన్నలు మళ్ళీ అష్టకష్టాల పాలయ్యారు. పలుచోట్ల వడగండ్ల వాన కూడా కురవడంతో వందలాది ఎకరాల్లో పంటలు దెబ్బతిన్నాయి. ఆ ప్రాంతరైతులు కోట్లరూపాయల్లో నష్టాల పాలయ్యారు. అసలే వర్షాభావంతో కరువు దెబ్బకు ఇక్కడ పంటలు వేసిందే తక్కువ. అయినా వరుణుడి ఆగ్రహానికి పంటలన్నీ నీటిపాలై నాయి. రైతులకు కన్నీటినే మిగిల్చాయి. సుమారు 400ఎకరాల్లో వరి నీట మునిగి పోయింది. మరో 250ఎకరాల్లో బత్తాయి, వంద ఎకరాల్లో అరటి, బొప్పాయి తోట లతో పాటు, మొక్కజొన్న, మిరప తదితర పంటలన్నీ మునిగిపోయాయి. అటు వరి రైతులు, ఇటు తోటల రైతాంగం ఈ అకాలవర్షానికి అతలాకుతలమైపోయారు. అప్పోసప్పో చేసి ఎంతో కష్టపడి సాగు చేసుకున్న పంటలు నీట మునగడంతో మళ్ళీ తిరిగి కోలుకోలేనంతగా అప్పుల పాలయ్యారు. వరికుంటపాడు మండలం లోని గణేశ్వరపురం, నారసింహాపురం, తూర్పు రొంపిదొడ్ల గ్రామాల్లోనైతే ఏకంగా వడగండ్ల వానే పడింది. ఈదురుగాలులు, వడగండ్లు కలసి పంటలన్నిటినీ భీభత్సం

చేశాయి. వింజమూరు మండలంలోని వింజమూరు, చాకలకొండ, బత్తినవారిపల్లి, జనార్దనపురం, గోళ్ళవారిపల్లి, ఊటుకూరు, కాటేపల్లి, తమిదపాడు తదితర ప్రాంతా ల్లోనూ, కొండాపురం మండలంలోని గరిమెనపెంట, చల్లవారిపల్లి తదితర ప్రాంతాల్లోనూ వరితో పాటు బత్తాయి, బొప్పాయి తోటలు, తమలపాకు తోటలు, అరటితోటలతో పాటు మిరప, మొక్కజొన్న పంటలు అన్నీ వర్షార్పితమయ్యాయి. ఇక ఆ రైతన్నలకు దేవుడే దిక్కు అన్నట్లుగా అయింది పరిస్థితి. జిల్లా కలెక్టర్‌ తదితర ఉన్నతాధికారులు వెంటనే స్పందించి, దెబ్బతిన్న ప్రాంతాలను స్వయంగా పరి శీలించి, నష్టం వివరాలను తక్షణం అంచనా వేయించి, నష్టపోయిన రైతన్నలను ఆదుకోవాల్సి వుంది.

rain effectఎండలు భగ్గుమనే మే నెలలో వానలు రావడం ఆశ్చర్యమే. బంగాళాఖాతంలో వాయుగుండం ఏర్పడడంతో ఆ ప్రభా వంతో గత రెండు మూడు రోజులుగా జిల్లావ్యాప్తంగా వానలు జోరుగా కురి శాయి. ఎండలు భగభగమంటున్న తరు ణంలోనే, జనమంతా తీవ్ర ఉష్ణోగ్రతలకు అల్లాడిపోతున్న సమయంలోనే ఉన్నట్లుండి వానలు కురవడంతో ఆ సెగల నుంచి ప్రజలకు ఎంతో ఉపశమనం కలిగి నట్లయింది. బుధ, గురువారం ఈ రెండు రోజులూ జిల్లా అంతటా తుఫాన్‌ వాతా వరణం ముసురుకుంది. ఈదురుగాలులు, జోరువాన మధ్య జిల్లా తడిసిముద్దయింది. ఈ ఎండల్లో ఉన్నట్లుండి వానలు కురవ డంతో భూమి చల్లబడింది. ఈ అకాల వర్షంతో జోరున వీచిన ఈదురుగాలులతో జిల్లాలో పలుచోట్ల పంటపొలాలు, పండ్ల తోటలు దెబ్బతినడంతో ఆయా ప్రాంతాల్లో రైతులు ఇబ్బందులకు గురయ్యారు. అనేకప్రాంతాల్లోని వాగులు వంకలు నిండిపోయి జలకళ రావడంతో, వచ్చే నెల నుంచి రెండో పంట వేసుకునేందుకు సమాయత్తమవుతున్న రైతులకు ఈ వానలు తమకెంతో మేలు చేస్తాయని సంతోషిస్తు న్నారు. కాగా, జోరువాన ధాటికి నగరం లోని రోడ్లు జలమయమై జనజీవనం స్తంభించిపోయింది. పలుచోట్ల విద్యుత్‌ సరఫరాకు బాగా అంతరాయం కలిగింది. ఈదురుగాలుల వల్ల బుధవారం రాత్రి నగరంలోని బాలాజీనగర్‌ తదితర ప్రాం తాల్లో విద్యుత్‌స్తంభాలు నేలకూలాయి. ఈ సమాచారంతో వెంటనే జిల్లా ఇన్‌ఛార్జి కలెక్టర్‌ ఇంతియాజ్‌ బాలాజీనగర్‌లో పర్యటించి అక్కడి పరిస్థితులను స్వయంగా తెలుసుకున్నారు. పలుచోట్ల చెట్లు, విద్యుత్‌ స్తంభాలు కూలిపోవడంతో వెంటనే ఆ చెట్లను తొలగించాలని అధికారులను ఆదేశించారు. విద్యుత్‌ తీగలను సరిచేసి విద్యుత్‌ అంతరాయం లేకుండా చూడా లని, దెబ్బతిన్న రహదారులను వెంటనే బాగు చేయాలని సూచించారు. బుధ వారం నుంచి గురువారం ఉదయం వరకు జిల్లావ్యాప్తంగా జోరువానలే కురిశాయి. తడ, సూళ్ళూరుపేట, నాయుడుపేట, గూడూరు, ఆత్మకూరు, అనంతసాగరం తదితర ప్రాంతాల్లో భారీ వర్షాలు కురిశాయి.

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter