oppandaluనాలుగేళ్ళుగా జిల్లాలో ఎటువంటి పారిశ్రామికాభివృద్ధి లేదు. దివంగత నేత వై.యస్‌.రాజశేఖరరెడ్డి హయాంలో వచ్చిన పోర్టు, పరిశ్రమలు, సెజ్‌లు తప్పితే ఆయన తర్వాత ముగ్గురు ముఖ్యమంత్రులు వచ్చినా ఆశించిన ప్రగతి లేదు. తెలుగుదేశం ప్రభుత్వం వచ్చాక ఇఫ్కో సెజ్‌లో 'గమేషా' పరిశ్రమ తప్పితే ఇంకేమీ రాలేదు. ప్రతి సంవత్సరం పారిశ్రామిక సదస్సులు నిర్వ హిస్తున్నారు. లక్షల కోట్ల ఎంఓయులు కుదుర్చుకుంటున్నారు. నెల్లూరు జిల్లాకు కూడా భారీఎత్తున పరిశ్రమలు, వేలకోట్ల పెట్టుబడులు అని ఊదరకొడుతూనే వున్నారు. ఈ నాలుగేళ్లలో ఏ పరిశ్రమ ఆనవాళ్ళు లేవు. ఇప్పుడు విశాఖపట్నంలో జరిగిన మూడురోజుల పారిశ్రామిక సదస్సులోనూ లక్షల కోట్లలో ప్రభుత్వం కంపెనీలతో ఒప్పందాలు చేసుకుంది. వీటిలో 70కంపెనీల దాకా తమ పెట్టు బడులకు నెల్లూరు జిల్లాను ఎంచుకున్నా యని, రమారమి 50వేల కోట్ల పెట్టు బడులు పెట్టొచ్చని తెగ ప్రచారం చేస్తు న్నారు. ఒక్క శ్రీసిటీలోనే 14కంపెనీలు తమ పెట్టుబడులకు ఆసక్తి కనపరిచాయి. ఇక ఎక్కువ కంపెనీలు కృష్ణపట్నం పోర్టు సెజ్‌లో పెట్టుబడులు పెట్టడానికి ముందు కొచ్చాయి. వేదాంత ట్రాన్స్‌ఫార్మింగ్‌, సుప్రీం ఇండస్ట్రీస్‌ ప్రైవేట్‌ లమిటెడ్‌, ఇండస్‌ కాఫీ వంటి పెద్ద కంపెనీలు కృష్ణపట్నం వైపే మొగ్గు చూపాయి.

నిజంగా ఒప్పందాల ప్రకారం జిల్లాకు పరిశ్రమలు వస్తే అంతకుమించిన ఆనందం ఇంకొకటి లేదు. ఒప్పందాలు కుదుర్చుకున్న వాటిలో సగం కంపెనీలు తమ పరిశ్రమలను స్థాపించినా జిల్లాలో పారిశ్రామిక అభివృద్ధి పరుగులు తీయ డంతో పాటు వేలాది మందికి ప్రత్యక్షంగా, పరోక్షంగా ఉపాధి అవకాశాలు లభిస్తాయి. మొదట వై.యస్‌. మరణంతో, ఆ తర్వాత నోట్ల రద్దుతో చావుదెబ్బతిన్న రియల్‌ ఎస్టేట్‌ రంగం ఊపిరి పీల్చుకుంటుంది.

ఏ కంపెనీ అయినాసరే తమ పెట్టు బడులు పెట్టడానికి రాష్ట్రంలోనే ప్రస్తుతం అనువైన ప్రాంతం నెల్లూరుజిల్లా. పరిశ్ర మల స్థాపనకు కావాల్సినంత భూమి

ఉంది. రవాణా వసతులున్నాయి. పరిశ్ర మలు పెట్టేవాళ్ళకు రాజకీయంగా కూడా ఇబ్బందులుండవు. ఇలాంటి జిల్లాలో పెట్టుబడులకు ఎవరైనా ముందుకొస్తారు. కాని రాష్ట్ర ప్రభుత్వం ఇంతవరకు ఒక ఇండస్ట్రియల్‌ పాలసీని ప్రకటించలేదు. పారిశ్రామిక వేత్తలను ప్రోత్సహించే దిశగా ఎలాంటి నిర్ణయాలు లేవు. అలాంటప్పుడు వూరికే పెట్టుబడులతో రమ్మంటే వస్తారా? రాష్ట్ర ప్రభుత్వం ఒక పారిశ్రామిక విధా నాన్ని అమలులోకి తెస్తే పరిశ్రమలు ఏపి వైపు, అందులోనూ నెల్లూరుజిల్లా వైపు ఎక్కువుగా పరుగులు తీయొచ్చు. లేదంటే గత నాలుగేళ్లలో జరిగిన ఎంఓయుల మాదిరిగానే ఇవి కూడా ఒట్టి ఒప్పందా లవుతాయి.

elections2014 ఎన్నికల్లో వైకాపా ఓటమికి ప్రధాన కారణాలు... చంద్రబాబు ఋణ మాఫీ, టీడీపీకి పవన్‌ కళ్యాణ్‌ మద్దతు పలకడం, నరేంద్రమోడీ ఆకర్షణ, కాంగ్రెస్‌ సీనియర్‌ నేతలంతా జగన్‌ కాదంటే టీడీపీలోకి వెళ్లడం, మతపరమైన ముద్రవల్ల బ్రాహ్మణులు, వైశ్యులు పూర్తిగా వైసిపిని వ్యతిరేకించడం, పచ్చ మీడియా వ్యతిరేక ప్రచారం, ఆర్ధికంగా టీడీపీ పైచేయిలో ఉండడం, ఎల్లోమీడియా విషప్రచారం వల్ల రాజులు దూరం కావడం, విభజన నేపథ్యంలో అనుభవజ్ఞుడైన చంద్రబాబు సీఎం అయితేనే సక్రమంగా జీతాలన్నా వస్తాయని ఉద్యోగులు భావించడం... కర్ణుడిచావుకు సవాలక్ష కారణాలన్నట్లు... వైకాపా ఓటమికి ఇన్ని కారణాలున్నాయి. ఇవే కాదు, వైకాపా ఓటమిలో టీడీపీ గెలుపులో న్యాయస్థానంకు సైతం పరోక్ష పాత్ర వుంది.

అంతకుముందున్న కాంగ్రెస్‌ ప్రభుత్వం స్థానిక సంస్థల ఎన్నికలను వాయిదా మీద వాయిదాలేసుకుంటూ వచ్చింది. 2014లో కొత్త ప్రభుత్వం ఏర్పడ్డాక స్థానిక ఎన్నికలకు పోవాలనే పరిస్థితి ఉండింది. అయితే హైకోర్టు అందుకు ఒప్పుకోలేదు. అసెంబ్లీ ఎన్నికలకు ముందే స్థానిక ఎన్నికలు జరపాలని ఆదేశించింది. దీంతో పంచాయితీలు, జిల్లా పరిషత్‌, మున్సిపల్‌ కార్పొరేషన్‌ల ఎన్నికలను అప్పటికప్పుడు హడావిడిగా జరిపారు. ఈ స్థానిక ఎన్ని కలు ముందుగా జరపడం వైకాపాకు తీరని నష్టం కలిగించింది. స్థానిక ఎన్నికలు జరక్కముందు గ్రామాలలో ఆ వర్గం ఈ వర్గం అని లేకుండా ప్రజలు సాధారణ స్థితిలో జగన్‌కు సానుభూతి పరులుగా వున్నారు. ఎప్పుడైతే స్థానిక ఎన్నికలు జరి గాయో అప్పుడు గ్రామాలలో గ్రూపులు సెట్‌ అయిపోయాయి. గ్రామాలలో పం తాలు, పట్టింపులు ఎక్కువ. ఒక నాయ కుడు ఒక పార్టీకి మద్దతు తెలిపితే ప్రత్యర్థి నాయకుడు అవతలిపార్టీ వైపు పోవడం సర్వసాధారణం. దీంతో వై.యస్‌.జగన్‌ సానుభూతిపరులు గ్రామాలలో వర్గ రాజకీయాల కారణంగా అసెంబ్లీ ఎన్ని కల్లోనూ వాళ్ళు తెలుగుదేశం వైపే వుండి పోయారు. ముందుగా స్థానిక ఎన్నికల కారణంగా జగన్‌కు ఓటేయాలన్న ప్రజ లలోని ఉత్సాహం అక్కడ కొంతవరకు తీరిపోయింది. అంత ఊపు అసెంబ్లీ ఎన్ని కలలో లేకుండా పోయింది.

అప్పుడంటే కోర్టు ఆదేశాల వల్ల అసెంబ్లీ ఎన్నికలకు ముందు స్థానిక ఎన్ని కలను జరపాల్సి వచ్చింది. ఈసారి ఒక సారి స్థానిక ఎన్నికలను వాయిదా వేసినా అసెంబ్లీ ఎన్నికల తర్వాతే జరపొచ్చు. అప్పుడైతే ఏ సమస్యా ఉండదు. అధికారం లోకి ఏ పార్టీ వస్తే స్థానిక ఎన్నికల్లోనూ ఆ పార్టీ మద్దతుదారులే ఎక్కువుగా గెలు స్తారు. అభ్యర్థులకు పెద్దగా డబ్బు ఖర్చు కూడా వుండదు. ఎక్కువ స్థానాలు ఏక గ్రీవమయ్యే అవకాశం కూడా వుంది.

కాని, చంద్రబాబు స్థానిక ఎన్నికలను వాయిదా వేయాలనుకోవడం లేదు. అసెంబ్లీ ఎన్నికలకు ముందే జరపాలను కుంటున్నాడు. అసెంబ్లీ ఎన్నికలు పూర్తిగా ఎలక్షన్‌ కమిషన్‌ కంట్రోల్‌లో జరుగు తాయి. స్థానిక ఎన్నికలైతే అధికారాన్ని

ఉపయోగించుకోవడానికి అవకాశముం టుంది. అధికారముంది, కావాల్సినంత డబ్బుంది కాబట్టి మెజార్టీ స్థానిక సంస్థలను చేతిలోకి తీసుకోవచ్చు. స్థానిక సంస్థల్లో పైచేయి సాధిస్తే, వైకాపా కేడర్‌లో నిరు త్సాహం వస్తుంది. అసెంబ్లీ ఎన్నికల్లోనూ టీడీపీయే గెలుస్తుందన్న సంకేతాలు పం పొచ్చు. వైసిపికి బలమైన అభ్యర్థులు లేకుండా చేసి గెలుపును సులువు చేసుకో వచ్చు. ఒకవేళ స్థానిక ఎన్నికల్లో ప్రభుత్వ వ్యతిరేకత కనిపిస్తే అసెంబ్లీ ఎన్నికలనాటికి దానిని సరిదిద్దుకునే మార్గాలు వెదకొచ్చు. స్థానికసంస్థల ఎన్నికల ద్వారా రెండు విధాలుగా తనకే ప్రయోజనం ఉండడంతో చంద్రబాబు అసెంబ్లీకంటే ముందే స్థానిక ఎన్నికలకు ఉత్సాహం చూపుతున్నట్లు తెలుస్తోంది.

bjpమీరు జెండాలు పట్టుకుని రావద్దు... మీ పార్టీ స్లోగన్‌లు చేయొద్దు... మీ పార్టీ చిహ్నాల్ని చూపొద్దు... ముస్లిం ఏరియాలలో అసలు తిరగొద్దు... మిత్రపక్షం కాబట్టి మా గెలుపు కోసం కామ్‌గా ప్రచారం చేసుకోండి... నంద్యాల ఉపఎన్నికల్లో మిత్రపక్షం బీజేపీ పట్ల తెలుగుదేశం వైఖరి ఇది.

మరి కాకినాడ కార్పొరేషన్‌ ఎలక్షన్‌కు వచ్చేసరికి... ఇక్కడ తెలుగుదేసం జెండాలతో సమానంగా బీజేపీ జెండాలు కనిపిస్తున్నాయి. టీడీపీ కార్యకర్తలతో సమానంగా బీజేపీ కార్యకర్తలు తిరుగుతున్నారు. నగరంలో కమలం చిహ్నాలు సైకిల్‌తో సమానంగా కని పిస్తున్నాయి. మరి మిత్రపక్షమైన బీజేపీ విషయంలో తెలుగుదేశం వాళ్ళు నంద్యాలలో ఒక న్యాయం, కాకినాడలో ఒక న్యాయం ఎందుకు పాటించినట్లు? ఎందుకంటే నంద్యాలలో ముస్లింల ఓట్లు ఎక్కువ. పార్టీల గెలుపోటములను ప్రభావితం చేసేది కూడా ముస్లింల ఓట్లే! బీజేపీ జెండాలు కనిపిస్తే ముస్లింల ఓట్లు పోతాయేమోనన్న భయంతోనే నంద్యాలలో వాళ్లను జెండాలు పట్టుకోవద్దన్నారు. అదే కాకినాడలో అయితే ముస్లిం ఓట్ల ప్రభావం తక్కువ. అందుకే అక్కడ జెండాలు కనిపించినా ఫర్వాలేదన్నారు. పొత్తు కూడా కుదుర్చు కున్నారు. నంద్యాలలో మీ జెండాలు కనపడనీయొద్దని చంద్రబాబు అంటే సిగ్గు, అభిమానం వున్న మిత్రపక్ష నాయకులెవరైనా... మీరూ వద్దు, మీ పొత్తూ వద్దు అని తెగదెంపులు చేసుకుంటారు. ప్రచారానికి దూరంగా వుండిపోతారు. కాని, ఏపి బీజేపీలో సొంత పార్టీ మీద ంటే కూడా చంద్రబాబు పట్ల భక్తి, విశ్వాసం చూపించే నాయకులు ఎక్కువుగా వున్నారు. వీళ్లు బీజేపీ అధ్యక్షుడు అమిత్‌షా ఆదేశాల కంటే కూడా చంద్రబాబు ఆదేశాలనే పాటిస్తుంటారు. తమను అందలం ఎక్కించిన బీజేపీ ఏమైపోయినా ఫర్వాలేదు, చంద్రబాబు బాగుంటే చాలు అనుకుంటారు. అందుకే సిగ్గూశరం లేకుండా తమ పార్టీ జెండాలను కనిపించనీయొద్దని చంద్రబాబు చెప్పిన మాటకు తలాడించి అలాగే చేశారు. తమ పార్టీనే చిన్నబుచ్చారు. బీజేపీలో వున్న ఇలాంటి టీడీపీ ఏజంట్ల వల్లే ఈ రాష్ట్రంలో బీజేపీకి ఎదుగూ బొదుగూ లేకుండాపోయింది.

Page 1 of 2

newsbottomad

ఎక్కువగా చదివిన వార్తలు

  • ఆత్మకూరు టీడీపీకి... దిక్కెవరు?
    ఈ నెల 8వ తేదీన నాయుడుపేటలో నిర్వ హించిన ముఖ్యమంత్రి చంద్రబాబునాయుడు నవనిర్మాణదీక్ష సభకు మాజీమంత్రి ఆనం రామ నారాయణరెడ్డి రానని చెప్పడంతోనే తెలుగుదేశం శ్రేణులకు ఆయన ఉద్దేశ్యం అర్ధమైపోయింది. ఆనం రామనారాయణరెడ్డిని తెలుగుదేశంలో నిలుపుకునేందుకు జిల్లా మంత్రి పి.నారాయణ నుండి…
  • తమ్ముడు తోడొచ్చేనా?
    మాజీమంత్రి ఆనం రామనారాయణరెడ్డి త్వరలో వైసిపిలో చేరనున్నట్లు తెలుస్తోంది. మరి ఆయనతో పాటు ఆయన కుటుంబసభ్యులు ఇంకెవరెవరు పార్టీలో చేరనున్నారన్నది ప్రశ్నగా మారింది. నాలుగో సోదరుడైన ఆనం విజయ కుమార్‌రెడ్డి ఆల్‌రెడీ వైసిపిలోనే వున్నాడు కాబట్టి ఆయనతో పనిలేదు. ఇక స్వర్గీయ…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • వైకాపాలో కుటుంబ రాజకీయం
    నెల్లూరు జిల్లాలో వైయస్సార్‌ కాంగ్రెస్‌పార్టీలో మొదటగా చేరింది, మొదటి నుండి జగన్‌కు అండగా నిలిచింది మేకపాటి కుటుంబం. పెద్ద రాజకీయ కుటుంబాలేవీ జగన్‌ వెంట రాకున్నా ఆయన పార్టీ పెట్టిన కొత్తల్లో కాంగ్రెస్‌పార్టీ ఎంపీగా వున్న మేకపాటి రాజమోహన్‌రెడ్డి, ఎమ్మెల్యేగా వున్న…

Newsletter