roadsనెల్లూరు నగరంలో ఈ మధ్యంతా కూడా డ్రైనేజీ పనులు ముమ్మరంగా చేశారు. ఏ ప్రాంతంలో చూసినా సైడు కాలువల పనులు బాగానే జరుగుతూ కనిపించాయి. అయితే ఈ డ్రైనేజీల నిర్మాణం వల్ల అనుకున్న మైలేజీ రావడం లేదని మున్సిపల్‌ మంత్రి పి.నారాయణకు అర్ధమైపోయింది. ఎందుకంటే నగరంలో భూగర్భ డ్రైనేజీ కోసం అన్ని రోడ్లను పగలగొట్టిపెట్టారు. ప్రజలు నరకయాతన అనుభవిస్తున్నారు. పాలకులను జనాలు రోజూ తిట్టుకోవడమే పనవుతోంది. దీనిని గ్రహించిన నారాయణ నగరంలో రోడ్ల పనులపై దృష్టి పెట్టారు. ఎస్సీ సబ్‌ ప్లాన్‌ నిధులను నెల్లూరుకు బాగానే తెచ్చి దీని క్రింద ముమ్మరంగా రోడ్ల పనులు మొదలుపెట్టించారు.

roadsనెల్లూరులో భూగర్భడ్రైనేజీ మాటేమో గాని దీని కోసం తవ్విన రోడ్లు మాత్రం జనానికి నరకం చూపిస్తున్నాయి. భూగర్భ డ్రైనేజీ కోసం ఇష్టారాజ్యంగా సిమెంట్‌ రోడ్లను తవ్వసి పైపులు వేసిన తర్వాత వాటిని సరిగా పూడ్చకపోవడంతో జనా నికి, వాహనదారులకు ఆ రోడ్ల మీద సినిమా కనిపిస్తోంది. ముఖ్యంగా ఇటీవల అడపాదడపా వానలు పడుతున్నాయి. సిమెంట్‌రోడ్లను పైపు లైన్ల కోసం మధ్యలో తవ్వేసి మట్టితో కప్పేసారు. వానలు పడితే ఈ మట్టి కొట్టుకుపోయి మధ్యలో గుంటలు తేలుతున్నాయి. ఇలాంటి సిమెంట్‌ రోడ్లలో కారు లేదా ఇతర నాలుగుచక్రాల వాహ నాలు పోవాలంటే తవ్విన భాగాన్ని సెంటర్‌ చేసుకుని పోవాలి. ఈ దశలో ఎదురుగా ఏదన్నా వాహనం వచ్చిందంటే పక్కకు జరగడం కూడా కష్టమే! ఏ మాత్రం పక్కకు జరిగినా రోడ్ల మధ్య తవ్విన గోతుల్లో వాహనాలు ఇరుక్కు పోవడం ఖాయం. నగరంలో భూగర్భ డ్రైనేజీ పనులను చేతయ్యి చేతకాని వాళ్లు చేస్తున్నారు. ఈ కాంట్రాక్ట్‌ను ఎల్‌ అండ్‌ టి సంస్థ తీసుకుంది. వాళ్లు ఈ పనుల న్నింటిని సబ్‌ కాంట్రాక్టర్లకిచ్చారు. అను భవం లేని వాళ్ళు కూడా ఈ పనులు చేస్తున్నారు. రోడ్డు తవ్వి పైపులు వేసాక ఆ రోడ్డులో ప్యాచ్‌వర్క్‌ పూర్తి చేయాలి. కాని, కొందరు కాంట్రాక్టర్లు అలా చేయడం లేదు. తవ్విన చోట మట్టితో పూడ్చేసి పోతున్నారు. వానలు పడ్డప్పుడు ఈ మట్టి కొట్టుకు పోతుంది. గోతులు ఏర్పడుతు న్నాయి. నగరంలో ఏ రోడ్డు చూసినా డ్రైనేజీ పనులు జరుగుతుండడం, చేసిన పనులను సక్రమంగా చేయకపోతుండ డంతో ప్రజలకు నరకం కనిపిస్తోంది.

roadsభూగర్భ డ్రైనేజీ పేరుతో నెల్లూరులోని రోడ్లన్నింటిని ధ్వంసం చేసారు. నగరంలోని ప్రతి వీధిలోనూ సిమెంటురోడ్డు వేసి వుండడం తెలిసిందే! 1994-2004ల మధ్య తెలుగుదేశం ప్రభుత్వంలోనూ 2004-2014ల మధ్య కాంగ్రెస్‌ ప్రభుత్వంలోనూ నగరంలో సిమెంట్‌రోడ్లు బాగానే పడ్డాయి. ముఖ్యంగా 2011-2014ల మధ్య ఆనం రామనారాయణరెడ్డి ఆర్ధికమంత్రిగా వున్నప్పుడు నెల్లూరుకు భారీగానే నిధులు రావడం, పెద్దఎత్తున సిమెంటురోడ్లు వేయడం జరిగింది.

నగరంలో వందలకోట్ల ఖర్చుతో వేసిన సిమెంట్‌రోడ్లన్నింటిని ఇటీవల భూగర్భడ్రైనేజీ పైపులు వేయడం కోసం ధ్వంసం చేయడం తెలిసిందే! ప్రతి వీధిలో ప్రతి సిమెంట్‌రోడ్డును మధ్యలో కోసి పైపువేసి తిరిగి మట్టితో పూడ్చారు. మధ్యలో కోసిన సిమెంట్‌రోడ్లను ఎక్కడా కాంక్రీట్‌తో పూడ్చలేదు. వీటన్నింటిని కాంక్రీట్‌తో సరిచేయడానికి ఇంకో సంవత్సరకాలం పట్టొచ్చు. కానీ ఈలోపు వర్షాలతో వీధులన్నీ బురదమయం అవుతున్నాయి. వర్షాలతో మట్టి కొట్టుకుపోయి సిమెంట్‌రోడ్ల మధ్యలో గోతులు ఏర్పడుతున్నాయి. వాహనదారులు జాగ్రత్తగా డ్రైవింగ్‌ చేయకపోతే వాహనాలు ఈ గోతుల్లో పడే అవకాశాలున్నాయి. నిన్న మొన్న కురిసిన కొద్దిపాటి వర్షాలకే పగలగొట్టిన రోడ్ల మీద వాహనాలు తోలాలంటే భయపడుతున్నారు. రేపు భారీ వర్షాలొచ్చి రోడ్లు మీద నీళ్ళు పారుతుంటే పరిస్థితి ఇంకెలా ఉంటుందో?

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter