azizనెల్లూరు మేయర్‌ అజీజ్‌ వైఖరిపై తెలుగుదేశం నాయకులు అసంతృప్తితో రగిలిపోతున్నారు. ఇక అజీజ్‌ను కొనసాగిస్తే నగరంలో తెలుగుదేశం మనుగడ సాగించడం కష్టమనే భావం పార్టీ వర్గాల్లో వ్యక్తమవుతోంది. అజీజ్‌ ఒంటెత్తు పోకడల మూలంగా నెల్లూరు నగరం, రూరల్‌ నియోజకవర్గాల్లో కొన్ని వర్గాల ప్రజలు పార్టీకి దూరమవుతున్నారని నాయకులు వాపోతున్నారు.

ముఖ్యంగా మేయర్‌ అజీజ్‌ వైఖరితో నగరంలో పార్టీ నష్టపోతుందని ఆందోళన చెందుతున్నారు. నెల్లూరు కార్పొరేషన్‌ను అవినీతికి నమూనాగా మార్చారు. సామాన్య ప్రజలకు పైసలివ్వందే పనులు కావడం లేదు. టౌన్‌ప్లానింగ్‌లో పనులు చేయించుకోవాలంటే తలప్రాణం తోకలోకి వస్తోంది. కార్పొరేషన్‌లో ప్రతిపనికి ఒక రేటు కట్టేసారు. మేయర్‌ అజీజ్‌ సోదరుడు జలీల్‌ కేంద్రంగా అవినీతి సామ్రాజ్యం నడుస్తోందనే ఆరోపణలున్నాయి. అలాగే ప్రతి విభాగానికి నెలకు ఇంత అని అవినీతి సొమ్ము టార్గెట్‌ పెట్టారని తెలుస్తోంది. ఇక పింఛన్‌లు, ఋణాలు వంటివాటి మంజూరు విషయంలో అజీజ్‌ ఏకపక్షంగా వ్యవహరిస్తున్నారు. ఎస్సీ సబ్‌ప్లాన్‌ నిధులు, ఋణాల పంపిణీ విషయంలో నగర, రూరల్‌ ఇన్‌ఛార్జ్‌లు ముంగమూరు శ్రీధరకృష్ణారెడ్డి, ఆదాల ప్రభాకర్‌రెడ్డిలకు అధిక ప్రాధాన్యం ఇవ్వాలని మంత్రి నారాయణ చేసిన సూచనలను కూడా అజీజ్‌ లెక్కపెట్టలేదు. నగరంలో కార్పొరేషన్‌ పరంగా పెద్దగా అభివృద్ధి పనులు కూడా జరగడం లేదు. కనీసం చెత్తా, చెదారం పనులు కూడా సక్రమంగా చేయడం లేదు. ఇప్పుడు అజీజ్‌ తెలుగుదేశం మేయర్‌ క్రింద లెఖ్ఖ! కార్పొరేషన్‌ జమానాలో జరిగే అవినీతి అక్రమాలన్నీ కూడా తెలుగుదేశం ఖాతాలోనే పడుతున్నాయి. ఇదంతా తెలుగుదేశంకు నష్టం కలిగించే ప్రక్రియే! అజీజ్‌ వైకాపా మేయర్‌గానే ఉండుంటే తెలుగుదేశంపై ఈ ప్రభావం ఉండేది కాదు.

నెల్లూరు మేయర్‌ పనితీరు వల్ల నగరం, రూరల్‌ నియోజకవర్గాలలో పార్టీకి కొంచెమన్నా ఉపయోగం ఉండాలి. కాని, అజీజ్‌ చర్యలతో పార్టీ నష్టపోతోంది. ఈసారి అసెంబ్లీ ఎన్నికల తర్వాత స్థానిక ఎన్నికలుండొచ్చు. అసెంబ్లీ ఎన్నికల దాకా అజీజ్‌నే మేయర్‌గా కొనసాగిస్తే ఈ రెండు నియోజకవర్గాలలోనూ పార్టీ దెబ్బతింటుంది. పార్టీకి కార్పొరేషన్‌లు, మున్సిపాల్టీలు, జడ్పీలకన్నా కూడా అసెంబ్లీలు ముఖ్యం. నగరం, రూరల్‌లో తెలుగుదేశం బలహీనంగా వుంది. గత ఎన్నికల్లో ఈ రెండు సీట్లు కోల్పోయింది కూడా! ఈసారి రెండింటిలో ఒక్కటన్నా గెలుచుకోవాలి. ఈసారి కూడా ఎన్నికలు గట్టిపోటీ మధ్యే వుంటాయి. కాబట్టి ప్రతి అసెంబ్లీ మీద పెద్ద కసరత్తే చేయాల్సి వుంటుంది. కాని ఇక్కడ అజీజ్‌ వైఖరి వల్ల ఈ రెండు నియోజకవర్గాల పరిధిలో కొన్ని వర్గాలవారు పార్టీకి దూరమవుతున్నారు. అట్లాగని అజీజ్‌ మూలంగా పార్టీకి ముస్లింలు దగ్గరయ్యారా అంటే అదీ లేదు. ఈసారి తెలుగుదేశం ఎమ్మెల్యే టిక్కెట్‌ అజీజ్‌కు ఇచ్చినా కూడా ముస్లింలు వైకాపా వైపే నిలుస్తారు. ఆయా ప్రాంతానికి మిగిలిన వర్గాలను దూరం చేసుకోవడమెందుకనే ఆలోచనలో తెలుగుదేశం అధిష్టానం ఉన్నట్లు తెలుస్తోంది. పార్టీకి నష్టం కలిగించే విధంగా ఆయన వైఖరి ఉంది. ఇదే విధంగా కొనసాగిస్తే, ఆయనను మేయర్‌ కుర్చీ నుండి పంపించే ప్రయత్నం కూడా జరగొచ్చు.

guntaనెల్లూరు నగర కార్పొరేషన్‌ పరిస్థితి నానాటికీ దిగజారిపోతోంది. నేతల ఆధిపత్యపోరు మధ్యలో ప్రజలకు వాతలు పెడుతున్నారు. అటు కేంద్రంలోనూ ఇటు రాష్ట్రంలోనూ ఇద్దరూ నెల్లూరీయులే పట్టణాభివృద్ధి శాఖలకు సారధ్యం వహి స్తున్నా, నెల్లూరు కార్పొరేషన్‌ని మాత్రం బాగుచేయడం ఎవరి తరమూ కాదన్నంత అధ్వాన్నంగా తయారయిపోయింది.

మాగుంట లే అవుట్‌లోని ఎస్‌.ఆర్‌.కె స్కూల్‌ నుండి సి.పి.ఆర్‌ కళ్యాణ మండపం వరకూ మంజూరు కాబడిన డ్రైన్‌ నిర్మాణ విషయంలో మరోసారి నగర కార్పొరేషన్‌ అసమర్ధత, నేతల చేతగాని తనం బయటపడిపోయింది.

ఇక్కడ గత కొన్నేళ్ళ ప్రయత్నం ఫలితంగా మంజూరైన డ్రైన్‌ నిర్మాణం అధికారుల అలక్ష్యానికి, కాంట్రాక్టర్ల అహంకారానికి సాక్షీభూతంగా నిలిచి పోయింది. దురాక్రమణతో మున్సిపల్‌ స్థలంలో నిర్మించిన భవనాలను తొలగించ డంలో మున్సిపల్‌ శాఖ నీళ్ళు నములు తుంటే అది సాకుగా చూపిన కాంట్రాక్టర్‌ ప్రజల మొహాన ఇసుక, కంకర కొట్టి మనిషి లోతు గుంట తీసి అందులో నిండా మురుగునీళ్ళు నింపి దోమలను ఉత్పత్తి చేస్తూ సరదా చూస్తున్నాడు.

ఈ కాంట్రాక్టర్‌ పుణ్యమా అని కోట్ల రూపాయలు ఖర్చుపెట్టి నిర్మించిన సిమెంటురోడ్డు నాశనమైపోతోంది. కాం ట్రాక్టర్‌ తీసిన గుంట ప్రక్కనే యస్‌.ఆర్‌.కె. స్కూలుంది. ఇక్కడి చిన్నపిల్లలెవరయినా ఆడుకుంటూనో లేక స్కూల్‌ వదిలిన ఆనందంలో ఇంటికి పరిగెత్తుతూనో ఆ గుంటలో పడితే అంతే సంగతులు. చేతులు కాలిన తరువాత ఆకులు పట్టుకున్న రీతిలో రాజకీయ నేతలూ అధికారులూ వచ్చి దొంగ ఏడుపులు ఏడ్చి ఓదార్చిపోతారు.

ఈ కాలువ విషయంలో జరుగుతున్న నిర్లక్ష్యానికి సంబంధించి మాగుంట లే అవుట్‌ రెసిడెంట్స్‌ అసోసియేషన్‌ 5వారాల క్రితం రూరల్‌ శాసనసభ్యుడిని కలిసి విన్నవించుకుంది. ఆయన వెంటనే సంబంధిత అధికారులతో మాట్లాడి తక్ష ణమే పనులు మొదలయ్యేలా చూడాలని ఆదేశాలు ఇచ్చాడు. అదేరోజు మేయర్‌ని కూడా కలిసి తమ గోడు చెప్పుకుంటే ఆయన కూడా అధికారులను పిలిచి వెం టనే పనులు మొదలుపెట్టేలా చూడాలని హుకుం జారీ చేశాడట. కానీ ఫలితం మాత్రం శూన్యం. రోజులు మారుతు న్నాయి, వారాలు మారుతున్నాయి, నెలలు మారుతున్నాయి... చివరికి సంవత్సరం కూడా మారింది... కానీ ఈ అధికారుల నిర్లక్ష్యం, కాంట్రాక్టర్‌ అహంకారం మాత్రం మారలేదు.

ఈ దరిద్రానికి తగ్గట్లుగా మంత్రిగారి బామ్మర్ది అంటూ ఓ పెద్దాయనకు నూతన సంవత్సర శుభాకాంక్షలు తెలుపుతూ భారీగా ఫ్లెక్సీలను ఈ త్రవ్వకానికి సమీ పంలో ఏర్పాటు చేశారు. యస్‌.ఆర్‌.కె స్కూలు వైపు నుండి వెంకటేశ్వరస్వామి దేవాలయానికి వెళ్ళేవాళ్ళకి అక్కడో మలుపు వున్నట్లుగా కూడా అర్ధంకాని విధంగా ఈ ఫ్లెక్సీ వుంది. ఇక్కడా మళ్ళీ కార్పొరేషన్‌ నిర్లక్ష్యమే!

ఈ విషయమై ''లాయర్‌'' కూడా నేరుగా మేయర్‌తో మొరపెట్టుకుంది. ప్రజల ప్రాణాలతో చెలగాటమాడవద్దని విన్నవించుకుంది. కానీ, మేయర్‌ కూడా స్పందించలేదు. పరిస్థితి అలాగే వుంది. ఇలాంటి నీచ నికృష్టమైన మనస్థత్వం కలిగిన అధికారులు, రాజకీయ నేతల మధ్య జీవనం సాగిస్తున్న నెల్లూరు ప్రజలు ఎంతటి సౌమ్యులో తలుచుకుంటే ఆశ్చర్య మేస్తుంది. వారి ఓర్పుని, సమాజం పట్ల వారు చూపిస్తున్న అసక్తతని చూస్తే జాలి కలుగుతుంది. ఇది ఉద్యమాల పురిటి గడ్డగా పిలవబడిన విక్రమ సింహపురేనా అన్న అనుమానం కలుగుతోంది. మొద్దు బారిన చర్మంతో రాయిలాంటి హృద యంతో ప్రజల జీవితాలతో చెలగాట మాడుతున్న ఇలాంటి వారిని ఆ భగవం తుడే మార్చాలి... నెల్లూరు నగరమా వర్ధిల్లు...!

fire accident2016 పోతూ పోతూ నెల్లూరుజిల్లాలో ఓ 17 కుటుంబాలలో చీకటి నింపి పోయింది. ఇక కొన్ని గంటల్లోనే కొత్త సంవత్సరంలోకి అడుగు పెట్టబోతుండగా, కొందరికి కొత్త సంవత్సరాన్ని చూసే ఆశ, అవకాశం లేకుండా చేసింది. అనునిత్యం ప్రజల సంతోషాలలో భాగమైన బాణాసంచాను తయారుచేసే కార్మికుల బ్రతుకుల్లో చీకటిని చిమ్మింది.

పోలీసుల నిర్లక్ష్యం, అధికారుల వైఫల్యం, కొందరు వ్యాపారుల దురాశ... వెరసి ఒక పెను ప్రమాదానికి దారి తీసాయి. 2016 డిసెంబర్‌ 31వ తేదీన నెల్లూరుజిల్లా చరిత్రపుటలో పెద్దప్రమాదం చోటు చేసుకుంది. నెల్లూరు సమీపంలోని పెన్నా పొర్లుకట్ట వద్ద వున్న బాణాసంచా గోడౌన్‌లో అగ్ని ప్రమాదం సంభవించింది. అక్కడికక్కడే ఇద్దరు మృతి చెందగా, గురువారానికి ఆసుపత్రిలో చికిత్స పొం దుతూ మరో 8మంది మరణించారు. మిగిలినవారు 80శాతం గాయాలతో నారాయణ ఆసుపత్రిలో చికిత్స పొందు తున్నారు. మొదట బాధితులను పెద్దాసు పత్రికే తీసుకెళ్లారు. కాని అక్కడ వైద్య సదుపాయాలు ఎంత ఘోరంగా అఘో రిస్తున్నాయో తెలిసిందే కదా! అక్కడ వారికి సరైన వైద్యసదుపాయం అందించే అవకాశం లేకపోవడంతో జిల్లా కలెక్టర్‌ ముత్యాలరాజు చొరవ తీసుకుని వారిని వెంటనే నారాయణ ఆసుపత్రికి తర లించారు. ప్రమాదం సంభవించింది అనుమతి లేని బాణాసంచా గోడౌన్‌లో! 50గజాల గోడౌన్‌లో 17మంది కార్మికులు పని చేస్తుండడమే ఇక్కడి పరిస్థితులకు అద్దం పడుతుంది. యం.వి.రమణయ్యశెట్టి అనే అతను ఈ బాణాసంచా గోడౌన్‌ నిర్వ హిస్తుండగా భాస్కర్‌ అనే గుమస్తా దీని వ్యవహారాలు చూస్తుంటాడు. నూతన సంవత్సర వేడుకలతో పాటు, సంక్రాంతి సంబరాలకు బాణాసంచా అమ్మకాలు ఎక్కువుగా వుంటాయనే ఉద్దేశ్యంతో కూలీ లను పెట్టి బాణాసంచా తయారు చేయిస్తు న్నారు. ప్రమాదం జరిగిన సమయంలో నిర్వాహకుడు భాస్కర్‌ అక్కడే వున్నాడు. ప్రమాదం తీవ్రత ఎక్కువుగా ఉండడంతో అతను పరారుకాగా తర్వాత పోలీసులు అరెస్ట్‌ చేశారు.

ఎక్కువమంది యువకులే...

ఈ ప్రమాదంలో చిక్కుకున్న వారిలో ఎక్కువమంది పాతికేళ్ళలోపు యువకులే ఉండడం విచారకరం. నూనూగు మీసాల వయస్సులోనే వారికి నూరేళ్ళు నిండాయి. అందరూ గిరిజన యువకులే! ఇతర పనులకు పోవడంకంటే ఇక్కడైతే నీడపట్టున కూర్చుని పనిచేయవచ్చనే బాణాసంచా గోడౌన్‌లకు వస్తుంటారు. రోజు కూలీ కూడా రూ.500లు ఇస్తుండడంతో ఇక్కడ పనిచేయడానికి ఆసక్తితో వస్తారు. కడుపు నింపుకోవ డానికి ఏదో ఒక పని అని వస్తే... ఆ పనే వీరి పాలిట మృత్యువుగా మారింది.

ఎస్‌బి హెచ్చరికలు బేఖాతరు...

దీపావళి సమయంలో స్పెషల్‌ బ్రాంచ్‌ పోలీసులు నెల్లూరు సమీపంలోని అన్ని బాణాసంచా గోడౌన్‌లలో తనిఖీలు నిర్వహించారు. అనుమతులు లేని బాణాసంచా గోడౌన్‌లను గుర్తించి, వాటిని తొలగించాల్సిందిగా ఆయా పోలీస్‌స్టేషన్‌లకు సమాచార మిచ్చారు. ఆ గోడౌన్‌లలో ప్రమాదం జరిగిన భాస్కర్‌ గోడౌన్‌ కూడా వుంది. అయితే మూడో నగర పోలీసులు దీనిపై పెద్దగా స్పందించలేదు. వూరికే హెచ్చరించి వదిలేసారని తెలిసింది. ఇప్పుడు అదే గోడౌన్‌లో ప్రమాదం సంభవించడంతో మూడోనగర పోలీసుల మెడకు చుట్టుకుంది. జిల్లా ఎస్పీ విశాల్‌గున్నీ అప్పటి త్రీటౌన్‌ ఎస్‌ఐ రామకృష్ణను సస్పెండ్‌ చేయడంతో పాటు ప్రస్తుత సిఐ రామారావు సస్పెండ్‌కు సిఫారసు చేస్తూ ఐజికి లేఖ వ్రాసారు.

మొత్తానికి అధికారులు, పోలీసుల వైఫల్యం వల్ల, విధి నిర్వహణలో ఉదాసీనత వల్ల ప్రజలు ఎంతగా మూల్యం చెల్లిస్తున్నారనడానికి చితికి చిధ్రమైన ఈ బడుగుజీవుల బ్రతుకులే ఓ ఉదాహరణ.

Page 1 of 18

newsbottomad

ఎక్కువగా చదివిన వార్తలు

  • కోడ్‌ ముగిసింది... కుర్చీలు నిండాల్సి వుంది!
    ఎమ్మెల్సీ ఎన్నికల కోడ్‌ మూలంగా దాదాపు నెల నుండి జిల్లాలో ఎటువంటి అధికారిక నియామకాలు, బదిలీలు జరగ లేదు. 22వ తేదీతో ఎన్నికల కోడ్‌ ముగిసింది. ఇక అధికారుల బదిలీల ప్రక్రియ చేపట్టవచ్చు. ముందుగా భర్తీ చేయాల్సింది నెల్లూరు కార్పొరేషన్‌ కమిషనర్‌…
  • అన్నదాతను ముంచిన అకాలవర్షం
    వాన రాకడ.. ప్రాణం పోకడ తెలియ దని సామెత. పంటలు బాగా పండాలని, అదునుకు వాన కురవాలని పదునైన ఎదురుచూసినప్పుడు మాత్రం రాని వాన, తీరా పంటలు చేతికి అందివచ్చే సమ యంలో మాత్రం ఒక్కసారిగా కుండ పోతగా కురుస్తుంది. ఎదిగిన…
  • నంద్యాల 'ఉప'ద్రవం!
    కర్నూలు జిల్లాలో హఠాన్మరణం చెందిన భూమా నాగిరెడ్డిని కోల్పోవడం ఒక లోటైతే, ఆయన మృతితో రానున్న నంద్యాల అసెంబ్లీ ఉపఎన్నికలు ముఖ్యమంత్రి చంద్రబాబుకు సవాల్‌గా మారనున్నాయి. నంద్యాల సీటు మాదే... కాబట్టి మేము పోటీ చేయడం ఖాయమంటూ వైకాపా అధినేత వైయస్‌…
  • బాబుకు పమ్రాద సంకేతాలు!
    అధికారాన్ని ఫణంగా పెట్టి, విలువలను పాతిపెట్టి, డబ్బు సంచులు తెచ్చిపెట్టి, మాట వినని వారిపై కేసులు పెట్టి, ఓటర్ల తరలింపుకు ప్రత్యేక విమానాలే పెట్టి, రిసార్ట్స్‌లో క్యాంపులు పెట్టి, అక్రమ కేసులు, అట్రాసిటీ కేసులతో అవతల వారిని భయపెట్టి... గెలిచిన గెలుపు…
  • పట్టాభి ఓడాడు... పట్టభద్రుడు గెలిచాడు!
    విజ్ఞానం గెలిచింది... విశ్వసనీయత నిలిచింది. వినయాన్నే విజయం వరించింది. అక్రమార్కులను మేధావులు తమ ఓటుహక్కుతో తుక్కు తుక్కు చేసారు. పట్టభద్రుల ఎమ్మెల్సీగా ఎన్నికయ్యే వ్యక్తులకు ఒక వ్యక్తిత్వం, విలువలు కనీస అర్హతగా ఉండాలని, చెంచాగాళ్ళకు ఇక్కడ స్థానం లేదని పట్టభద్రులు బల్లగుద్ది…

Newsletter