bjpజిల్లాలో దుగరాజపట్నం పోర్టును నిర్మించాలని డిమాండ్‌ చేస్తూ ఇటీవల బీజేపీ జిల్లా నాయకులు ధర్నాలు గట్రా చేస్తున్నారు. ఇదెలా వుందంటే అన్నం పెట్టాల్సినవాడే అడుక్కుతిన్నట్లుగా వుంది. దుగరాజపట్నం పోర్టును రాష్ట్ర ప్రభుత్వం నిర్మించాలంటూ వీళ్ళు చేస్తున్న డిమాండ్‌ విచిత్రంగా ఉంది.

చిన్న ఉదాహరణ తీసుకుందాం. ఒక ఊరిలో బస్సులను ముందుగా నడపాలా? బస్టాండ్‌ను ముందుగా కట్టాలా? ప్రయా ణీకుల సంఖ్యను బట్టి బస్సులు నడుపు తారు. బస్సుల సంఖ్యను బట్టి బస్టాండ్‌ కడతారు. నెల్లూరుజిల్లాలో వున్న ఒక్క పోర్టుకే వ్యాపారం లేదు. అనుకున్నన్ని పరి శ్రమలు రాలేదు. వై.యస్‌. హయాంలో ఐరన్‌ వోర్‌ ఎగుమతి, పవర్‌ ప్రాజెక్టులకు బొగ్గు దిగుమతి బాగా వుండింది. పరి శ్రమలు బాగా వచ్చాయి. వ్యాపారం ఊపందుకుంటున్న సమయంలో వై.యస్‌. చనిపోవడం, జిల్లాలో పారిశ్రామిక ప్రగతి ఆగిపోవడం జరిగింది. 41బెర్త్‌లు లక్ష్యంగా మొదలైన కృష్ణపట్నం పోర్టు 13బెర్త్‌ల వద్దే ఆగిపోయింది.

ఎక్కువుగా పోర్టులు కట్టగానే పనై పోదు. పోర్టులో ఎగుమతులు, దిగుమతు లకు తగ్గట్లుగా వ్యాపారం ఉండాలి. పరి శ్రమలు రావాలి, మౌలిక వసతులు పెర గాలి. ఎన్డీఏ ప్రభుత్వం వచ్చాక పారిశ్రా మికంగా నెల్లూరుజిల్లాకు ఏం ఒరిగింది. కోస్టల్‌ కారిడార్‌ అన్నారు. బకింగ్‌హోమ్‌ కెనాల్‌ పునరుద్ధరణ ద్వారా జలరవాణాకు మహర్ధశ అన్నారు. సిఇజడ్‌ అని హామీ ఇచ్చారు. ఇంతవరకు ఏ ఒక్కటీ కార్య రూపం దాల్చలేదు. ముందు కేంద్ర ప్రభుత్వం ద్వారా రావాల్సినవి అన్నీ వస్తే ఆ తర్వాత పోర్టు ఒకటి కాదు, రెండు కట్టుకున్నా ఉపయోగముంటుంది.

cineకేసీఆర్‌ ఛీ... ఛా... అని ఛీదరించుకుని ఉమ్మేసినా కొందరు సినీ ప్రముఖులు హైదరాబాద్‌ను వదిలేది లేదంటున్నారు. ఇలాంటి వాళ్లది సినీ పరిశ్రమపై ప్రేమ కాదు! అక్కడ పోగేసిన వేలకోట్ల ఆస్తులపై ప్రేమ. అవెక్కడ పోతాయోననే బాధ. అక్కడ నుండి సినీ పరిశ్రమను ఎత్తేస్తే తమ ఆస్తుల విలువ పడిపోతుందని వారి భయం. రాష్ట్ర విభజన అనంతర పరిస్థితుల్లో కొందరు సినిమావాళ్లు సినీ పరిశ్రమను హైదరాబాద్‌ నుండి ఏపికి తరలించాలని డిమాండ్‌ చేశారు. అయితే హైదరాబాద్‌లో వేల కోట్ల ఆస్తులు పోగేసిన ఇద్దరు సినీ ప్రముఖులు మాత్రం ఆరునూరైనా హైదరాబాద్‌ నుండి సినీ పరిశ్రమను తరలించేది లేదంటూ స్టేట్‌ మెంట్లిచ్చారు. కేసీఆర్‌ అమాయకుడేం కాదు. విభజన ఉద్యమాలప్పుడు అక్కడున్న ఏపి ఉద్యోగులను వెళ్లగొట్టాడు. వ్యాపారస్థులకు పొగపెట్టాడు. కాని సినీపరిశ్రమ జోలికెళ్లలేదు సరికదా, 2వేల ఎకరాలలో సినీనగర్‌ కట్టిస్తానని హామీ కూడా ఇచ్చాడు. అతనికి తెలుసు... సినిమా గ్లామర్‌ ఫీల్డ్‌. హైదరాబాద్‌ అభివృద్ధిలో దానిపాత్ర అపరి మితం. 99శాతం సినిమా ఫీల్డ్‌లో ఉండేవాళ్లు ఆంధ్రావాళ్లే! వీళ్లంతా అనుకుంటే సినీపరిశ్రమను హైదరాబాద్‌ నుండి లాక్కొచ్చేయడం పెద్ద సమస్య కాదు. కానీ వాళ్లే హైదరాబాద్‌ను వదిలిరారు.

సినిమా పరిశ్రమలో పెద్దోళ్లకు లేకపోయినా చిన్నస్థాయి నటులు, నిర్మాతలకు ఏపిపై గాలిమళ్లింది. సినిమా పరిశ్రమను అంచెలంచెలుగా ఏపికి అందులోనూ సినిమాల నిర్మాణానికి అన్ని అవకాశాలున్న నెల్లూరు జిల్లాకు తీసుకురావాలనే అభిప్రాయం ఏర్పడింది. నెల్లూరుజిల్లా సినిమా షూటింగ్‌లకు బాగా అనుకూలమంటూ పలువురు సినీ పరిశ్రమ వ్యక్తులు ఇటీవల ప్రకటించివున్నారు కూడా! రాష్ట్ర విభజన తర్వాత ప్రముఖ నిర్మాత డి.సురేష్‌బాబు నెల్లూరుజిల్లా సినిమా పరిశ్రమకు చాలా అనుకూలమని, పరిశ్రమను అక్కడకు తరలించడానికి కృషి చేయాలంటూ పిలుపునిచ్చారు. అంతేగాక నెల్లూరుజిల్లా సరిహద్దులోని తడ ప్రాంతంలో స్టూడియో నిర్మాణానికి కూడా ఆయన ఆలోచన చేశారు.

తెలుగు సినీ పరిశ్రమను ఈరోజు కాకున్నా రేపైనా హైదరాబాద్‌ నుండి తరలించక తప్పదు. ఏపి వాళ్ళు హైదరాబాద్‌లో వుండి సినిమాలు తీసినంత కాలం తెలంగాణను అభివృద్ధి చేయడం తప్ప ఏపికి ఏమీ ఒరగదు. ఇకముందు హైదరాబాద్‌లో సినిమాలు తీయాలన్నా భారీ బడ్జెట్‌ వుంటే తప్పితే చిన్న సినిమాలు తీయలేరు. నెల్లూరుజిల్లాలో తక్కువ బడ్జెట్‌తో సినిమాలు పూర్తి చేసే అవకాశాలున్నాయి. మనకు పక్కనే చెన్నై వుంది. సినిమా నిర్మాణానికి కావాల్సిన ఎక్విప్‌మెంట్స్‌, స్టూడియోలు, థియేటర్లు అన్నీ వున్నాయి. కాబట్టి నెల్లూరుజిల్లాలో ఇప్పటికిప్పుడు వీటిని ప్రత్యేకంగా నిర్మించాల్సిన అవసరం లేదు. చెన్నైలోనే అవసరమైన సినీ సాంకేతిక సిబ్బంది వున్నారు. ఇక నెల్లూరు జిల్లాలో షూటింగ్స్‌కు అవసరమైన సముద్ర తీరప్రాంతం, పోర్టులు, రైల్వేలైన్‌లు, కొండలు, లోయలు, ప్రకృతి సౌందర్యాలు, పల్లె సీమలు... ఇలా అన్నీ అందుబాటులో వున్నాయి. చెన్నై - నెల్లూరుల మధ్య తడను ప్రధాన కేంద్రంగా చేసుకుంటే నెల్లూరు, చిత్తూరు జిల్లాలతో పాటు తమిళనాడులోని లొకేషన్లను కూడా సినిమా షూటింగ్‌లకు వాడుకోవచ్చు. ఇలా సినీ పరిశ్రమకు ఎంతో అనువైన నెల్లూరుజిల్లాలో సినీ పరిశ్రమను నెలకొల్పాలన్న ఆలోచనకు ప్రభుత్వం కూడా సహకరిస్తే ఆ కల సాకారం కావచ్చు.

beedaతెలుగుదేశం పార్టీ జిల్లా అధ్యక్షుడిగా మూడోసారి కూడా బీద రవిచంద్రనే ఎన్ని కయ్యే అవకాశాలు కనిపిస్తున్నాయి. ఈమేరకు పార్టీ రాష్ట్ర అధ్యక్షుడు చంద్రబాబునాయుడు నుండి ప్రకటన రావడమే మిగిలివుంది. పార్టీ అధ్యక్షుడిగా బీద రవిచంద్రను పక్కన పెట్టాల్సిన పరిస్థితి గాని, కొత్తవాళ్లకు అధ్యక్ష స్థానం అప్పగించాల్సిన అవసరం గాని లేకపోవడంతో మరోసారి బీదకు జిల్లా దేశం బాధ్యతలు తప్పకపోవచ్చు. ఒకవేళ బీద రవిచంద్ర నాకు వద్దని మొండికేస్తే మాత్రం కొత్తవారికి ఛాన్సుంటుంది. ఇప్పుడున్న పరిస్థితులను బట్టి అధ్యక్ష పదవిని ఆయన ఎందుకు వదులుకుంటాడు.

జిల్లాలో చంద్రబాబు కులసమీకరణలను బాగానే పాటించాడు. ఓట్ల పరంగా మెజార్టీ సంఖ్యాకులైన కాపుల నుండి మంత్రిగా నారాయణ వున్నాడు. అయితే ఇది రాజకీయంగా రెడ్ల ప్రాబల్యం వున్న జిల్లా! మొదట మంత్రివర్గంలో ఈ జిల్లా నుండి రెడ్లకు స్థానం దక్కలేదు. దీంతో పార్టీలో రెడ్లను అణగదొక్కుతున్నారనే ఒక ప్రచారం హల్‌చల్‌ చేసింది. అయితే చంద్రబాబు రాజకీయ మేధావి. ఏ టైంలో ఏం చేయాలో ఆయనకు తెలుసు. కరెక్ట్‌ సమయంలో జిల్లా నుండి సోమిరెడ్డి చంద్రమోహన్‌రెడ్డిని మంత్రివర్గంలోకి తీసుకోవడం ద్వారా రెడ్లకు ప్రాధాన్యతనివ్వడం లేదన్న ప్రచారానికి తెరదించారు. సోమిరెడ్డికి మంత్రి పదవిచ్చి పార్టీలోని రెడ్లలో వున్న అసంతృప్తిని తొలగించారు. అదే సమయంలో పార్టీలో బీసీలూ కీలకమే! ఈ వర్గానికి చెందిన బీద రవిచంద్రకు మంత్రిపదవి కాలింగ్‌ బెల్‌ కొట్టి, ఆయన లేచి వచ్చే లోపే సోమిరెడ్డి ఇంట్లో దూరినట్లయ్యింది. మంత్రి పదవి ఆశ ఆయనకు బాగానే అంటించి తీరా నీరు గార్చారు. ఇక మంత్రి స్థాయి పదవి జిల్లాలో ఇంకేముంటుంది. జిల్లా పార్టీ పెత్తనం ఇవ్వడమే బీసీలను గౌరవించడమవుతుంది. కాబట్టి అధ్యక్ష పోస్ట్‌లో రవిచంద్రనే కొనసాగిస్తారనడంలో సందేహం లేదు.

Page 1 of 19

newsbottomad

ఎక్కువగా చదివిన వార్తలు

  • నెల్లూరులో పోస్టింగా? వద్దంటే వద్దు!
    ఒకప్పుడు నెల్లూరులో పోస్టింగ్‌ అంటే ఎవరైనా ఎగిరి గంతేసేవారు. పైరవీలు చేసుకుని మరీ ఇక్కడకు పోస్టింగ్‌ చేయించుకుంటుంటారు. పోలీసు శాఖలో వారికి అయితే నెల్లూరులో పనిచేయడం చాలా ఇష్టం. ఇక్కడ నుండి కదలాలంటే కష్టం. ఇక్కడ టెర్రరిజం లేదు, రౌడీయిజం లేదు,…
  • వేగమందుకున్న ప్రయాణం
    సంగం వద్ద కొండల మధ్యలో నుండి వేసిన కొత్త రహదారి ప్రయాణీకులకు గమ్మత్తుగా వుంది. ఈ కొండ రహదారితో ముంబై జాతీయ రహదారిపై వాహన దారులకు ప్రయాణం చాలా సులభంగా అనిపిస్తోంది. నెల్లూరు-ఆత్మకూరుల మధ్య ముంబై రహదారిని సిమెంట్‌ రోడ్డుగా మార్చడం…
  • కేడర్‌ని... కదనరంగంవైపు నడిపిస్తున్న జగన్‌
    నాయకుడంటే ఓ నమ్మకం... నాయకుడంటే ఓ భరోసా... నాయకు డంటే ఓ ధైర్యం. తన పార్టీలో లీడర్లకు, తన పార్టీ కేడర్‌కు అలాంటి నమ్మకాన్ని, అలాంటి ధైర్యాన్ని కల్పించడంలో విజయం సాధించాడు వైకాపా అధినేత వై.యస్‌.జగన్మోహన్‌రెడ్డి! నెల్లూరుజిల్లాలో వై.యస్‌.జగన్మో హన్‌రెడ్డి చేపట్టిన…
  • అజీజా... నిన్నొదలా...!
    నెల్లూరు మేయర్‌ అబ్దుల్‌ అజీజ్‌ వివాదా లతో సహజీవనం చేస్తున్నట్లుగా వుంది అది వ్యాపారంలోనైనా... ఇటు రాజకీయాలలోనైనా! అజీజ్‌ మేయర్‌ అయ్యింది మొదలు నెల్లూరు కార్పొరేషన్‌లో ఎన్నో వివాదాలు చూసాం. ఏ కమిషనర్‌తోనూ ఆయనకు పడేది కాదు. ఇలా పడకనే గత…
  • ఎవరెవరెక్కడ?
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాలలో నెల్లూరు అగ్రస్థానంలో ఉంటుంది. బలమైన రాజకీయ కుటుంబాలన్నీ తెలుగుదేశం పార్టీలో వున్నప్పటికీ ఈ జిల్లాలో ప్రజలు మాత్రం వైకాపాకే వెన్నుదన్నుగా వున్నారు. 2014 ఎన్నికల్లో ఈ జిల్లా ప్రజలు వైకాపాకు జైకొట్టారు. రెండు…

Newsletter