sunసూర్యుడు ఉగ్రరూపం దాలుస్తు న్నాడు. ఏప్రిల్‌ నెలాఖరుకే సినిమా చూపిస్తున్నాడు. ఇప్పటికే ఎండలు 43డిగ్రీలను తాకాయి. ఇంకా వడ గాల్పులు మొదలుకాలేదు. మే నెల రాలేదు. రోళ్లు పగిలే రోహిణికార్తె ముం దుంది. ఇప్పుడే ఎండలు ఈ రేంజ్‌లో వున్నాయంటే, ఇంక మే నెలలో ఎలా వుంటాయోననే ఆందోళన జనంలో మొదలైంది. ఉదయం 10గంటలుపైన రోడ్ల మీదకు రావాలంటే జనం భయపడుతున్నారు. నిన్న మొన్నటిదాకా ఉదయం, సాయంత్రం వేళల్లో వాతావరణం కొంచెం చల్లబడేది. ఇప్పుడు అది కూడా లేదు. ఉక్కపోత భరించలేనంతగా మారింది. వడదెబ్బకు వృద్ధులు, పిల్లలు అల్లాడుతున్నారు. ముఖ్యంగా భవన నిర్మాణ, వ్యవసాయ, రోడ్లు నిర్మాణ కార్మికులు ఎండల్లో మగ్గుతూ పనులు చేస్తున్నారు. ఇప్పుడు కాస్తున్న ఎండలను చూస్తూ మేలో కాయబోయే ఎండలను తలచుకుంటే జనంకు దడ మొదలవుతుంది.

tdp leadటీడీపీ, బీజేపీ, కాంగ్రెస్‌, వైసిపి, సీపీఎం, సీపీఐ, లోక్‌సత్తా... ఇంకా పలు పార్టీలను గ్రైండర్‌లో వేసి గంటసేపు రుబ్బిన తర్వాత వచ్చిన పదార్ధమే నేటి తెలుగుదేశంపార్టీ! ఒకప్పటి ఎన్టీఆర్‌ ఒరిజినల్‌ పార్టీ మాత్రం ఇది కాదు. ఇది పక్కా చంద్రబాబు తెలుగుదేశం. కాబట్టే ఈ పార్టీలో ఇప్పుడు అన్ని పార్టీల అవలక్షణాలు కనిపిస్తున్నాయి. అన్ని పార్టీలలో వుండే చెడు సంస్కృతి అంతా కూడా ఇప్పుడు ఈ ఒక్క పార్టీలోనే కనిపిస్తోంది. ముఖ్యంగా కాంగ్రెస్‌లో వుండే కుమ్ములాటలు, తిరుగుబాట్లు తెలుగుదేశం లోనూ నెలకొన్నాయి. ఎంతైనా ఇందులో ఇప్పుడు కాంగ్రెస్‌ రక్తం కలిసిందిగా!

నెల్లూరుజిల్లా తెలుగుదేశం పార్టీలోనూ తిరుగుబాట్లు, వర్గ గలాటాలు కామన్‌గా కనిపిస్తున్నాయి. ఈ తరుణంలో సోమిరెడ్డి చంద్రమోహన్‌రెడ్డి మంత్రి పదవిని చేజిక్కించుకున్నాడు. అయితే మంత్రి పదవిని అడ్డం పెట్టుకుని వాడ్ని తొక్కాలి, వీడ్ని తొక్కి నార తీయాలి అనే పద్ధతిలో కాకుండా 'కలిసినడుద్దాం... పార్టీని ముందుకు నడిపిద్దాం' అనే కొత్త కాన్సెప్ట్‌కు శ్రీకారం చుట్టాడాయన. మూడేళ్లు ఎడమొగం పెడమొగంగా వున్న మంత్రి పి.నారాయణకే మొదటి స్నేహహస్తం అందించాడు. ఆ తర్వాత పార్టీలో పెద్ద కుటుంబంగా వున్న ఆనం సోదరులకు స్నేహహస్తం అందించారు. ఇక మంత్రి పదవి కోసం తనతో పోటీపడ్డ బీద రవిచంద్రతో మొదటిరోజే కలిసిపోయాడు. ఇక ఒకే పార్టీలో వున్నా, వేర్వేరు పార్టీలలో వున్నా సోమిరెడ్డి, ఆదాల ప్రభాకర్‌రెడ్డిలు నిప్పు, ఉప్పు లాగా వుండేవాళ్లు. సోమిరెడ్డి ప్రమాణస్వీకారానికి ఆనం సోదరు లతో పాటు ఆదాల కూడా హాజరు కాలేదు. అయినా కూడా ఆదాలను కలుపుకుపోవాలనే ఆలోచనతో సోమిరెడ్డి వున్నాడు.

ఇక ఎన్నికలకు రెండేళ్లే వున్నాయి. మంత్రి బాధ్యతలను సోమిరెడ్డి సమర్ధవంతంగానే నిర్వర్తిస్తాడు. చంద్రబాబుకు కూడా ఆ నమ్మకముంది. అయితే నిన్న జరిగింది ఎన్నికల మంత్రి వర్గ విస్తరణ. ఎన్నికలను దృష్టిలో పెట్టుకునే కొత్తవాళ్లకు మంత్రిపదవు లిచ్చాడు. సోమిరెడ్డికి రాజకీయ కోణంలోనే మంత్రిపదవి వచ్చింది. ఈ రెండేళ్లలో జిల్లాలో పార్టీని మరింత పటిష్టం చేయాల్సి వుంది. తెలుగుదేశం పార్టీ బలహీనంగా వున్న జిల్లాల్లో నెల్లూ రొకటి. ఇక్కడ పార్టీని పటిష్టం చేయడం కత్తిమీద సామే! ఈ రెండేళ్లు సోమిరెడ్డికి పరీక్షా కాలమే! అటు మంత్రిగా ప్రభుత్వ విధులు నిర్వర్తిస్తూనే ఇటు జిల్లా మంత్రిగా పార్టీ ప్రయోజనాలు చూడాలి. పార్టీలో అందరినీ కలుపుకుని పోతేగాని ఇది సాధ్యం కాదు. అందుకే మంత్రికాగానే అందరికీ ఆయన స్నేహహస్తం అందించాడు. ఎంతమంది ఆయన స్నేహాన్ని స్వాగతిస్తారో చూడాలి!

azizనెల్లూరు మేయర్‌ అజీజ్‌ వైఖరిపై తెలుగుదేశం నాయకులు అసంతృప్తితో రగిలిపోతున్నారు. ఇక అజీజ్‌ను కొనసాగిస్తే నగరంలో తెలుగుదేశం మనుగడ సాగించడం కష్టమనే భావం పార్టీ వర్గాల్లో వ్యక్తమవుతోంది. అజీజ్‌ ఒంటెత్తు పోకడల మూలంగా నెల్లూరు నగరం, రూరల్‌ నియోజకవర్గాల్లో కొన్ని వర్గాల ప్రజలు పార్టీకి దూరమవుతున్నారని నాయకులు వాపోతున్నారు.

ముఖ్యంగా మేయర్‌ అజీజ్‌ వైఖరితో నగరంలో పార్టీ నష్టపోతుందని ఆందోళన చెందుతున్నారు. నెల్లూరు కార్పొరేషన్‌ను అవినీతికి నమూనాగా మార్చారు. సామాన్య ప్రజలకు పైసలివ్వందే పనులు కావడం లేదు. టౌన్‌ప్లానింగ్‌లో పనులు చేయించుకోవాలంటే తలప్రాణం తోకలోకి వస్తోంది. కార్పొరేషన్‌లో ప్రతిపనికి ఒక రేటు కట్టేసారు. మేయర్‌ అజీజ్‌ సోదరుడు జలీల్‌ కేంద్రంగా అవినీతి సామ్రాజ్యం నడుస్తోందనే ఆరోపణలున్నాయి. అలాగే ప్రతి విభాగానికి నెలకు ఇంత అని అవినీతి సొమ్ము టార్గెట్‌ పెట్టారని తెలుస్తోంది. ఇక పింఛన్‌లు, ఋణాలు వంటివాటి మంజూరు విషయంలో అజీజ్‌ ఏకపక్షంగా వ్యవహరిస్తున్నారు. ఎస్సీ సబ్‌ప్లాన్‌ నిధులు, ఋణాల పంపిణీ విషయంలో నగర, రూరల్‌ ఇన్‌ఛార్జ్‌లు ముంగమూరు శ్రీధరకృష్ణారెడ్డి, ఆదాల ప్రభాకర్‌రెడ్డిలకు అధిక ప్రాధాన్యం ఇవ్వాలని మంత్రి నారాయణ చేసిన సూచనలను కూడా అజీజ్‌ లెక్కపెట్టలేదు. నగరంలో కార్పొరేషన్‌ పరంగా పెద్దగా అభివృద్ధి పనులు కూడా జరగడం లేదు. కనీసం చెత్తా, చెదారం పనులు కూడా సక్రమంగా చేయడం లేదు. ఇప్పుడు అజీజ్‌ తెలుగుదేశం మేయర్‌ క్రింద లెఖ్ఖ! కార్పొరేషన్‌ జమానాలో జరిగే అవినీతి అక్రమాలన్నీ కూడా తెలుగుదేశం ఖాతాలోనే పడుతున్నాయి. ఇదంతా తెలుగుదేశంకు నష్టం కలిగించే ప్రక్రియే! అజీజ్‌ వైకాపా మేయర్‌గానే ఉండుంటే తెలుగుదేశంపై ఈ ప్రభావం ఉండేది కాదు.

నెల్లూరు మేయర్‌ పనితీరు వల్ల నగరం, రూరల్‌ నియోజకవర్గాలలో పార్టీకి కొంచెమన్నా ఉపయోగం ఉండాలి. కాని, అజీజ్‌ చర్యలతో పార్టీ నష్టపోతోంది. ఈసారి అసెంబ్లీ ఎన్నికల తర్వాత స్థానిక ఎన్నికలుండొచ్చు. అసెంబ్లీ ఎన్నికల దాకా అజీజ్‌నే మేయర్‌గా కొనసాగిస్తే ఈ రెండు నియోజకవర్గాలలోనూ పార్టీ దెబ్బతింటుంది. పార్టీకి కార్పొరేషన్‌లు, మున్సిపాల్టీలు, జడ్పీలకన్నా కూడా అసెంబ్లీలు ముఖ్యం. నగరం, రూరల్‌లో తెలుగుదేశం బలహీనంగా వుంది. గత ఎన్నికల్లో ఈ రెండు సీట్లు కోల్పోయింది కూడా! ఈసారి రెండింటిలో ఒక్కటన్నా గెలుచుకోవాలి. ఈసారి కూడా ఎన్నికలు గట్టిపోటీ మధ్యే వుంటాయి. కాబట్టి ప్రతి అసెంబ్లీ మీద పెద్ద కసరత్తే చేయాల్సి వుంటుంది. కాని ఇక్కడ అజీజ్‌ వైఖరి వల్ల ఈ రెండు నియోజకవర్గాల పరిధిలో కొన్ని వర్గాలవారు పార్టీకి దూరమవుతున్నారు. అట్లాగని అజీజ్‌ మూలంగా పార్టీకి ముస్లింలు దగ్గరయ్యారా అంటే అదీ లేదు. ఈసారి తెలుగుదేశం ఎమ్మెల్యే టిక్కెట్‌ అజీజ్‌కు ఇచ్చినా కూడా ముస్లింలు వైకాపా వైపే నిలుస్తారు. ఆయా ప్రాంతానికి మిగిలిన వర్గాలను దూరం చేసుకోవడమెందుకనే ఆలోచనలో తెలుగుదేశం అధిష్టానం ఉన్నట్లు తెలుస్తోంది. పార్టీకి నష్టం కలిగించే విధంగా ఆయన వైఖరి ఉంది. ఇదే విధంగా కొనసాగిస్తే, ఆయనను మేయర్‌ కుర్చీ నుండి పంపించే ప్రయత్నం కూడా జరగొచ్చు.

Page 1 of 18

newsbottomad

ఎక్కువగా చదివిన వార్తలు

  • నెల్లూరు కార్పొరేషన్‌కు... కాగ్‌ అక్షింతలు
    నెల్లూరు కార్పొరేషన్‌ ఎంత దరిద్రంగా ఉందన్నది ఇంతవరకు నెల్లూరీయులకు మాత్రమే తెలిసిన రహస్యమనుకున్నాం. కాని దీని ఘనత ఢిల్లీ దాకా పాకిందన్న విషయం మొన్ననే బయటపడింది. ఆధునిక కాలానికనుగుణంగా మారడంలో నెల్లూరు కార్పొరేషన్‌ వెనుకబడిందంటూ 'కాగ్‌' అక్షింతలు వేసింది. సాంకేతిక పరిజ్ఞానాన్ని…
  • షిరిడి సాయిబాబా, యోగాంజనేయస్వామి బ్రహ్మోత్సవాలు
    నెల్లూరుజిల్లా ఇందుకూరుపేట మండలం కొత్తూరు గ్రామంలోని శ్రీ షిరిడి సాయిబాబా, శ్రీ యోగాంజనేయస్వామి వార్ల బ్రహ్మోత్సవాలు ఈ నెల 18 నుండి 22వ తేదీ వరకు వైభవంగా నిర్వహిస్తున్నట్లు ధర్మకర్తలు కలికి శ్రీలత, కలికి కోదండరామిరెడ్డి తెలిపారు. 19వ తేదీ బుధవారం …
  • కావలి ప్రజల దాహార్తి తీర్చండి
    కావలి నియోజకవర్గంలోని పలు ప్రాంతాల ప్రజలు మంచినీటి కొరతతో తీవ్ర ఇబ్బందులు పడుతున్నారని, అధికారులు వెంటనే ఈ ప్రాంతాలను సందర్శించి ప్రజలకు నీరందించి ఆదుకోవాలని కావలి ఎమ్మెల్యే రామిరెడ్డి ప్రతాప్‌ కుమార్‌రెడ్డి కోరారు. ఈనెల 16న ఆయన కావలి పెద్ద చెరువును…
  • భానుడు... భగభగ
    సూర్యుడు ఉగ్రరూపం దాలుస్తు న్నాడు. ఏప్రిల్‌ నెలాఖరుకే సినిమా చూపిస్తున్నాడు. ఇప్పటికే ఎండలు 43డిగ్రీలను తాకాయి. ఇంకా వడ గాల్పులు మొదలుకాలేదు. మే నెల రాలేదు. రోళ్లు పగిలే రోహిణికార్తె ముం దుంది. ఇప్పుడే ఎండలు ఈ రేంజ్‌లో వున్నాయంటే, ఇంక…
  • మెట్టు దిగాడు... మెట్లెక్కుతున్నాడు!
    జిల్లా రాజకీయాలలో సోమిరెడ్డి చంద్రమోహన్‌రెడ్డి మిరపకాయలాంటి వాడు. చూడ్డానికి మిరపకాయ వేలెడంత వున్నా దాని ఘాటు తగిలితే చెట్టంత మనిషయినా గింగిరాలు తిరగాల్సిందే! సోమిరెడ్డి కూడా అంతే! జిల్లాలో కొమ్ములు తిరిగిన రాజకీయ కుటుంబాలను సైతం ఒంటి చేత్తో ఎదుర్కొన్న మనిషి.…

Newsletter