tdp logoఎన్డీఏ కూటమి నుండి తెలుగుదేశం వైదొలిగింది. దీనిపై నెల్లూరుజిల్లా తెలుగు తమ్ముళ్ళు రెండు విధాలుగా హర్షం వ్యక్తం చేస్తున్నారు. బీజేపీ మతోన్మాద పార్టీ అని, అందుకే దూరంగా వచ్చేసామని ముస్లింలు, క్రిస్టియన్‌ల దగ్గరకుపోయి ఓట్లు అడగొచ్చు. నోట్ల రద్దు, జిఎస్టీ వంటి వాటి ప్రభావాన్ని బీజేపీ మీదకు తోసేయవచ్చు. రెండోది పొత్తులో భాగంగా బీజేపీకి ఇచ్చే సీట్ల నుండి ఇక తెలుగు తమ్ముళ్ళే పోటీ చేయవచ్చు. అది లోక్‌సభ అయినా, శాసనసభ అయినా, జడ్పీటీసీ అయినా, మున్సిపల్‌ వార్డు మెంబర్‌ అయినా!

ప్రతి ఎన్నికలలోనూ పొత్తులో భాగంగా బీజేపీకి ఒకటి, అరా సీట్లివ్వడం, ఆ పార్టీ ఓడిపోవడం జరుగుతూ వస్తోంది. 1985లో టీడీపీ-బీజేపీ పొత్తుకు బీజం పడింది. ఆ ఎన్నికల్లో పొత్తులో భాగంగా బీజేపీకి ఆత్మకూరు సీటిచ్చారు. ఆ పార్టీ అభ్యర్థిగా వెంకయ్యనాయుడే ఓడిపోయాడు. 1989ఎన్నికల్లోనూ మళ్ళీ పొత్తు ధర్మంగా ఆత్మకూరునే ఆ పార్టీకిచ్చారు. ఈసారి కూడా ఆ పార్టీ అభ్యర్థి కర్నాటి ఆంజనేయరెడ్డి గెలిచినంత పనిచేసి ఓడిపోయాడు. ఆ తర్వాత టీడీపీ-బీజేపీల మధ్య పొత్తు తెగిపోయింది. మళ్ళీ 1999 ఎన్నికల్లో కలిసారు. ఆ ఎన్నికల్లో సిటింగ్‌ ఎమ్మెల్యే టి.రమేష్‌రెడ్డికి చెక్‌ పెట్టాలని నిర్ణయించుకున్న చంద్రబాబు నెల్లూరు సీటును బీజేపీకి ఇచ్చాడు. ఆ ఎన్నికల్లో ఆ పార్టీ అభ్యర్థిగా డేగా నారసింహారెడ్డి పోటీ చేసి ఓటమి పాలయ్యాడు. నెల్లూరు నగరంలో తెలుగుదేశం పతనం అప్పుడే మొదలైంది. మళ్ళీ 2004 ఎన్నికల్లోనూ పొత్తులో భాగంగా నెల్లూరు లోక్‌సభ స్థానంతో పాటు నెల్లూరు అసెంబ్లీ సీటును, అలాగే ఆత్మకూరు అసెంబ్లీ సీటును బీజేపీకివ్వడం జరిగింది. ఆ ఎన్నికల్లో మూడు చోట్లా పరాభవమే! 2009 ఎన్నికల్లో బీజేపీతో పొత్తు లేకున్నా వామపక్షాలతో పొత్తు పెట్టుకున్న టీడీపీ నెల్లూరురూరల్‌ సీటును సీపీఎంకు ఇవ్వడం తెలిసిందే! ఇక్కడా సీపీఎం ఓడిపోయింది. 2014 ఎన్నికలకొచ్చే సరికి మళ్ళీ బీజేపీతో పొత్తు ముడిపడిపోయింది. ఈసారి తిరుపతి లోక్‌సభ, నెల్లూరురూరల్‌ అసెంబ్లీ సీట్లు బీజేపీకి ఇచ్చారు. రెండు చోట్లా పరాజయమే!

ఇలా అన్ని ఎన్నికల్లోనూ టీడీపీలో వున్న ఆశావహులను పక్కనపెడుతూ బీజేపీకి సీట్లిస్తూ వచ్చారు. ఇప్పుడు చంద్రబాబు ఎన్డీఏ నుండి బయటకు రావడంతో ఆ సమస్య లేదు. ఆ పార్టీకి సీట్లిచ్చే పని లేదు. కాబట్టి తెలుగుదేశం నాయకులకే ఆ సీట్లు దక్కనున్నాయి.

sudhakarదయ చేసి వినండి... దయచేసి వినండి... మంత్రాలకు చింతకాయలు రాలవు... అని ఎందరు చెబుతున్నా వింటారా? వినరు? దయ చేసి బురిడీ బాబాలను నమ్మొద్దని మేధావులు మొత్తు కుంటుంటారు... అయినా వింటారా? వినరు! మోసం చేసేవాడికి మోసపోయే వాడెప్పుడూ లోకువే. మీరు కట్టిన డబ్బుకు 28రోజుల్లో రెట్టింపు ఇస్తామని ఓ భోగస్‌ కంపెనీ వాళ్ళు బోర్డు పెడితే తీసుకెళ్ళి లక్షలు లక్షలు కట్టారు. గ్రీన్‌ గ్లోరి అంటూ చైన్‌లింక్‌ స్కీం ద్వారా మీరు ఒకసారి డబ్బులు కడితే ఇక మీ ఇంటికి డబ్బుల వరదేనంటే... దానికీ కోట్లు కట్టారు. కొన్ని క్రిస్టియన్‌ సంస్థలు మనీ సర్క్యులేషన్‌ స్కీం అంటూ వందల కోట్ల రూపాయలకు జనం నెత్తిన టోపీ పెట్టాయి.

తాజాగా నెల్లూరు కేంద్రంగా అమాయక భక్తుల నెత్తిన ఓ బురిడీ బాబా టోపీ పెట్టిన సంఘటన వెలుగులోకి వచ్చింది. నెల్లూరు మైపాడుగేటు సెంటర్‌లోని ప్రశాంత్‌నగర్‌లో సుధాకర్‌ మహరాజ్‌ ఆశ్రమం ఉంది. ఇతని పేరు సుధాకర్‌రావు. ఒకప్పుడు జడ్పీ హైస్కూల్‌లో ఉపాధ్యాయుడు. ఆ తర్వాత జడ్పీ ఛైర్మెన్‌లుగా వున్న చెంచలబాబు వద్ద, కాకాణి గోవర్ధన్‌రెడ్డిల వద్ద సి.సి.గా కూడా పనిచేశాడు. ఇలా ప్రభుత్వ ఉద్యోగంలో వున్నప్పుడే జాతకాలు గట్రా చూసేవాడు. భవిష్యత్‌ వాణి అంటూ ఏదేదో చెప్పేవాడు. ఇలా అతను ఒక బాబాగా, మహిమలున్న ఆథ్యాత్మిక వేత్తగా పేరు తెచ్చుకున్నాడు. అతనికి అమాయక, పిచ్చి భక్తులు ఏర్పడ్డారు. ఈ కాలంలో బాబా అంటే కొందరు రాజకీయ నాయకులు, కొందరు ఉన్నతాధికారులు వచ్చి పోతుండడం ఫ్యాషన్‌. ఈ సుధాకర్‌మహరాజ్‌ కూడా అలాంటి బ్యాచ్‌ను మెయింటెన్‌ చేయసాగాడు. బాగా చదువుకున్నోళ్ళే ఇలాంటి బాబాలను నమ్ముతుంటే, ఇక అంతంత మాత్రం జ్ఞానం వున్న సామాన్య ప్రజల పరిస్థితేంటి? వాళ్ళు కూడా ఈయన దగ్గర ఏవో మహిమలున్నాయని చెప్పి నమ్మసాగారు. ఆయన వద్దకు పోసాగారు. ఇలా పెరిగిన పిచ్చి భక్తులతో సుధాకర్‌ భక్తి వ్యాపారం మొదలుపెట్టాడు. ఇక్కడ నిత్యం హోమాలు, పూజలు నిర్వహించేవాళ్ళు. వచ్చిన వాళ్ళకు టిఫిన్‌, తిండి దండిగా పెట్టేవాళ్ళు. భక్తులు ఇక్కడే కొంత బెండ్‌ అయ్యేవాళ్ళు. గత ఏడాది డిసెంబర్‌ నుండి ఆశ్రమంలో 'నవనాత సంప్రదాయ శ్రీ దత్తాత్రేయ మహామంత్ర ఇష్టకామ్య మహాయాగం' మొదలుపెట్టారు. ఈ ముసుగులోనే మంత్ర పీఠికల పేరుతో మోసానికి పాల్పడ్డారు. వెయ్యి రూపాయలు పెట్టి ఒక మంత్రపీఠికను తీసుకెళ్ళి 12రోజుల లోపల తిరిగి తెచ్చిస్తే ఆశ్రమం వాళ్ళు 1400 రూపాయలు ఇస్తారు. ఇలా నెలలో రెండుసార్లు తీసుకెళితే పెట్టుబడి రెరడింతలవుతుంది. ఇంకేముంది పిచ్చి జనం ఎగబడ్డారు. పది కాదు, పాతిక కాదు, 50వేలు... ఇలా పెట్టుబడులు పెట్టి మంత్ర పీఠికలు తీసుకెళ్లేవాళ్ళు. 12రోజులకు మళ్ళీ తెచ్చిచ్చే వాళ్ళు. పెరిగిన వాళ్ళ పెట్టుబడికి తగ్గట్లుగా మళ్ళీ మంత్రపీఠికలు తీసుకెళ్ళే వాళ్ళు. ఇలా మంత్ర పీఠికలు తీసుకెళ్ళడమే కాని ఎవరూ డబ్బులు తీసుకోలేదు. చైన్‌లింక్‌ స్కీంలాగా భక్తుల నమ్మకాన్ని డబ్బుల రూపంలో మూటగట్టుకున్నారు. ఇటీవల వాసవి అనే మహిళ పెద్దపెద్ద సంచుల్లో ఆశ్రమం నుండి డబ్బును తరలించే ప్రయత్నం చేస్తుండగా భక్తులు అడ్డుకోవడంతో మోసం బయటపడింది. తన బండారం బయటపడడంతో సుధాకర్‌ బాబా పురుగుల మందు తాగి ఆత్మహత్యా యత్నానికి పాల్పడ్డాడు. అతనిని ఆసుపత్రిలో చేర్చారు. డబ్బును తరలించడానికి ప్రయత్నించిన వాసవి అనే మహిళను కూడా పోలీసులు అదుపులోకి తీసుకున్నట్లుగా తెలుస్తోంది. దాదాపు 250మంది బాధితులు ఉన్నట్లుగా తెలుస్తోంది. మొత్తం స్కాం ఎన్ని కోట్లో ఇంకా లెక్కలు తేలాల్సివుంది. రోజురోజుకూ బాధితులు పెరుగుతున్నారు. చాలారోజుల క్రితమే ఈ భాగోతానికి స్కెచ్‌ వేసినట్లు సమాచారం. సుధాకర్‌బాబాతో పాటు ఓ మీడియా ప్రతినిధి, వాసవి అలాగే ఓ ఎర్రచందనం స్మగ్లర్‌ కూడా ఈ పాపానికి వ్యూహరచన చేసినట్లు తెలుస్తోంది. తాను పారిపోవడం విఫలం కావడంతో సుధాకర్‌బాబు గతిలేక పురుగులు మందు తాగి ఆత్మహత్యా యత్నానికి ప్రయత్నిం చాడు. ప్రస్తుతం అతను ఆసుపత్రిలోనే ఉండి హైకోర్టు ద్వారా బెయిల్‌ సంపాదించు కునే పనుల్లో ఉన్నాడు. ఈ భాగోతంలో కీలక వ్యక్తులను అదుపులోకి తీసుకున్న నెల్లూరురూరల్‌ సిఐ శ్రీనివాసులురెడ్డి లోతుగా దర్యాప్తు నిర్వహిస్తూ ఈ భాగోతాన్నంతా బయటపెట్టేందుకు కృషి చేస్తున్నాడు. చేతులు కాలాకా ఆకులు పట్టుకున్నట్లు బాధితులు మాత్రం పోలీసు స్టేషన్‌ల ముందు చేరి తమకు న్యాయం చేయాలంటూ మొరపెట్టుకుంటున్నారు. అక్షర జ్ఞానంలేని అమాయకులు కొంచెం ఆశకుపోయే పేదలు ఇలాంటి దొంగ సన్నాసులను నమ్మారంటే అర్ధముంది. ప్రజాప్రతినిధులు, మంత్రులుగా పనిచేసిన వాళ్ళు, ఉన్నత చదువులు చదివిన అధికారులు కూడా ఇలాంటి దొంగ బాబాలను నమ్మి ఫోటోలకు ఫోజులివ్వడం చూస్తుంటే అసలు అజ్ఞానం ఎవరిలో ఉందా అనే అనుమానం వస్తుంది! మొత్తానికి భక్తి ముసుగులో జనం అమాయకత్వంతో వ్యాపారం చేయొచ్చని ఈ సంఘటన ద్వారా తేటతెల్లమైంది.

bjpజిల్లాలో దుగరాజపట్నం పోర్టును నిర్మించాలని డిమాండ్‌ చేస్తూ ఇటీవల బీజేపీ జిల్లా నాయకులు ధర్నాలు గట్రా చేస్తున్నారు. ఇదెలా వుందంటే అన్నం పెట్టాల్సినవాడే అడుక్కుతిన్నట్లుగా వుంది. దుగరాజపట్నం పోర్టును రాష్ట్ర ప్రభుత్వం నిర్మించాలంటూ వీళ్ళు చేస్తున్న డిమాండ్‌ విచిత్రంగా ఉంది.

చిన్న ఉదాహరణ తీసుకుందాం. ఒక ఊరిలో బస్సులను ముందుగా నడపాలా? బస్టాండ్‌ను ముందుగా కట్టాలా? ప్రయా ణీకుల సంఖ్యను బట్టి బస్సులు నడుపు తారు. బస్సుల సంఖ్యను బట్టి బస్టాండ్‌ కడతారు. నెల్లూరుజిల్లాలో వున్న ఒక్క పోర్టుకే వ్యాపారం లేదు. అనుకున్నన్ని పరి శ్రమలు రాలేదు. వై.యస్‌. హయాంలో ఐరన్‌ వోర్‌ ఎగుమతి, పవర్‌ ప్రాజెక్టులకు బొగ్గు దిగుమతి బాగా వుండింది. పరి శ్రమలు బాగా వచ్చాయి. వ్యాపారం ఊపందుకుంటున్న సమయంలో వై.యస్‌. చనిపోవడం, జిల్లాలో పారిశ్రామిక ప్రగతి ఆగిపోవడం జరిగింది. 41బెర్త్‌లు లక్ష్యంగా మొదలైన కృష్ణపట్నం పోర్టు 13బెర్త్‌ల వద్దే ఆగిపోయింది.

ఎక్కువుగా పోర్టులు కట్టగానే పనై పోదు. పోర్టులో ఎగుమతులు, దిగుమతు లకు తగ్గట్లుగా వ్యాపారం ఉండాలి. పరి శ్రమలు రావాలి, మౌలిక వసతులు పెర గాలి. ఎన్డీఏ ప్రభుత్వం వచ్చాక పారిశ్రా మికంగా నెల్లూరుజిల్లాకు ఏం ఒరిగింది. కోస్టల్‌ కారిడార్‌ అన్నారు. బకింగ్‌హోమ్‌ కెనాల్‌ పునరుద్ధరణ ద్వారా జలరవాణాకు మహర్ధశ అన్నారు. సిఇజడ్‌ అని హామీ ఇచ్చారు. ఇంతవరకు ఏ ఒక్కటీ కార్య రూపం దాల్చలేదు. ముందు కేంద్ర ప్రభుత్వం ద్వారా రావాల్సినవి అన్నీ వస్తే ఆ తర్వాత పోర్టు ఒకటి కాదు, రెండు కట్టుకున్నా ఉపయోగముంటుంది.

Page 1 of 20

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…

Newsletter