anam jayaజిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే పార్టీలో వున్నవారిని పారిపోకుండా కాపాడుకోవడానికి ప్రయత్నాలు మొదలుపెట్టారు.

నెల్లూరు నగర తెలుగుదేశం పార్టీ అధ్యక్షుడు అనే పదవి ఇప్పుడు పార్టీలో చర్చనీయాంశంగా మారింది. ఇప్పటివరకు కోటంరెడ్డి శ్రీనివాసులురెడ్డి నగర కన్వీనర్‌ బాధ్యతలు నిర్వహిస్తూ వచ్చాడు. తన పరిధిలో ఆయన పార్టీ కార్యక్రమాలను హుషారు గానే నిర్వహించాడు. పార్టీ తరపున ఆయన చేసిన ఉద్యమాలు, మోటార్‌బైక్‌ల ర్యాలీలు గుర్తించి ఇటీవల నెల్లూరు అర్బన్‌ డెవలప్‌మెంట్‌ అథారిటీ ఛైర్మెన్‌ పదవిని కట్టబెట్టారు. పార్టీలో జోడు పదవులు వుండకూడదనే నిబంధనతో ఆయనను నగర కన్వీనర్‌ పదవి నుండి తప్పుకోమనే అవకాశా లున్నాయి. ఈ పదవిని పార్టీలో ఇంకొకరికి ఇవ్వడం ద్వారా ఒక నాయకుడినైనా సంతృప్తి పరచవచ్చనే ఉద్దేశ్యం కనిపిస్తోంది. ఈ నేపథ్యంలోనే ఈ పదవికి ఆనం జయకుమార్‌ రెడ్డి పేరు వినిపిస్తోంది.

ఆనం బ్రదర్స్‌లో మూడో వాడైన ఆనం జయకుమార్‌రెడ్డి 2014లో ఎన్నికల అనం తరం తెలుగుదేశంలో చేరాడు. తన తర్వాత తన అన్నలైన ఆనం వివేకా, ఆనం రామనారాయణరెడ్డిలు తెలుగుదేశంలో చేరిన్పటికీ ఆయన వారితో కలవలేదు. టీడీపీలో చేరినప్పటినుండి ఆదాల ప్రభాకర్‌రెడ్డినే అనుసరిస్తున్నాడు. రేపు కూడా ఆదాల ఎటుంటే ఆయనా అటే వుంటాడు. ఆదాలను పార్టీ వదలకుండా కాపాడుకోవాలనుకుంటున్న టీడీపీ అధిష్టానం పార్టీలో ఆయనకు ప్రాధాన్యత పెంచుతోంది. ఈ క్రమంలోనే ఆదాలకు అత్యంత సన్నిహితుడైన ఆనం జయకు నగర కన్వీనర్‌ బాధ్యతలను అప్పగించే అవకాశాలు లేకపోలేదు.

anam sonsఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి, ఆనం చెంచుసుబ్బారెడ్డి, ఆనం రంగమయూర్‌రెడ్డి, ఆనం కార్తికేయరెడ్డి. 2009 ఎన్నికల తర్వాత ఆనం వెంకటరమణారెడ్డి మాయమయ్యాడు. స్వర్గీయ ఆనం వివేకానందరెడ్డి కొడుకులైన ఏ.సి.సుబ్బారెడ్డి, ఆనం రంగమయూర్‌రెడ్డిలు 2014 ఎన్నికల ద్వారా ప్రత్యక్ష రాజకీయాల్లోకి ప్రవేశించారు. ఏ.సి.సుబ్బారెడ్డి ఆ ఎన్నికల్లో నెల్లూరు నగరం అసెంబ్లీ నుండి కాంగ్రెస్‌ అభ్యర్థిగా పోటీ చేసి ఓడిపోగా, ఆనం రంగమయూర్‌రెడ్డి మాత్రం 12వ డివిజన్‌ నుండి కాంగ్రెస్‌ అభ్యర్థిగానే కార్పొరేటర్‌గా గెలిచాడు.

ఈరోజు వివేకా లేడు, ఆయన రాజకీయ వారసులు సుబ్బారెడ్డి, మయూర్‌రెడ్డిలే! వారి చిన్నాన్న ఆనం రామనారాయణరెడ్డి వైసిపిలో చేరడానికి రంగం సిద్ధమవుతోంది. వీళ్ళను కలుపుకునే ఆయన పార్టీలో చేరాలనే ఆలోచనలో వున్నాడు. వైసిపిలో చేరితే ఆయనకు ఎక్కడోచోట అసెంబ్లీ సీటొస్తుంది. రామనారాయణరెడ్డి తన కోసమే కాకుండా మరో అసెంబ్లీ సీటును కాని లేదా కార్పొరేషన్‌ను గాని తమకివ్వాలని కోరినట్లు తెలిసింది. అయితే ప్రస్తుత పరిస్థితుల్లో వైసిపిలో కండీషన్‌లు పెట్టి చేరే సీన్‌ లేదు. పార్టీలో చేరాక మన శక్తిసామర్ధ్యాలు చాటుకుని పార్టీలో ఎదగాల్సిందే! ఇప్పుడు వైసిపిలో చేరితే రామనారాయణరెడ్డికి సీటివ్వగలరేగాని ఏసి, మయూర్‌లకు ఏమిస్తారన్నది గ్యారంటీ వుండదు. అయితే వారిద్దరికి ఇంకా భవిష్యత్‌ వుంది కాబట్టి పార్టీలో చేరి తమ చిన్నాన్న నాయకత్వంలో ఎదిగేదానికి అవకాశముంది.

కాగా, తెలుగుదేశం వైపు నుండి వివేకా కొడుకులిద్దరినీ పార్టీలో నిలబెట్టుకునే ప్రయత్నాలు జరుగుతున్నట్లు సమాచారం. ఇందులో భాగంగానే ఏ.సి.సుబ్బారెడ్డికి నెల్లూరు టిక్కెట్‌ లేదా కార్పొరేషన్‌ ఆఫర్‌ చేస్తున్నట్లు తెలుస్తోంది. మయూర్‌రెడ్డి మాత్రం తన చిన్నాన్నతో కలిసి వైకాపాలో చేరడానికే సిద్ధంగా వున్నాడని, ఏ.సి.సుబ్బారెడ్డి విషయంలో మాత్రం ఇంకా క్లారిటీ రాలేదని తెలుస్తోంది.

anam brosమాజీమంత్రి ఆనం రామనారాయణరెడ్డి త్వరలో వైసిపిలో చేరనున్నట్లు తెలుస్తోంది. మరి ఆయనతో పాటు ఆయన కుటుంబసభ్యులు ఇంకెవరెవరు పార్టీలో చేరనున్నారన్నది ప్రశ్నగా మారింది. నాలుగో సోదరుడైన ఆనం విజయ కుమార్‌రెడ్డి ఆల్‌రెడీ వైసిపిలోనే వున్నాడు కాబట్టి ఆయనతో పనిలేదు. ఇక స్వర్గీయ ఆనం వివేకానందరెడ్డి కొడుకులైన ఏ.సి.సుబ్బారెడ్డి, ఆనం రంగమయూర్‌రెడ్డిలు తెలుగుదేశం లోనే వున్నారు. ఇక తండ్రి చనిపోవడంతో రాజకీయంగా కూడా వారికి పెద్దదిక్కు చిన్నాన్న అయిన రామనారాయణరెడ్డే! రామనారాయణరెడ్డి వైసిపిలో చేరితే టీడీపీలో వుండి వీళ్ళు స్వయంగా ఎదిగే పరిస్థితి వుండదు. అదీగాక తెలుగుదేశంలో వున్నప్పుడే ఆనం వివేకాకు అన్యాయం జరిగింది. ఆయనకకు ఇస్తామని చెప్పిన ఎమ్మెల్సీని ఇవ్వకుండా అసంతృప్తికి గురి చేసారు. ఈ బాధ ఆయన కొడుకుల్లోనూ వుంది. కాబట్టి రామనారాయణరెడ్డితో పాటే వాళ్ళూ వైసిపిలో చేరే అవ కాశాలెక్కువ.

పోతే ఆనం జయకుమార్‌రెడ్డి పరిస్థితి ఏంటన్నదే ప్రశ్న! 2014 ఎన్నికలకు ముందే ఆయన తన సోదరులతో విడి పోయాడు. అప్పుడు జైసమైక్యాంధ్ర అభ్యర్థిగా నిలబడ్డాడు. ఎన్నికల తర్వాత తెలుగుదేశంలో చేరి మాజీమంత్రి ఆదాల ప్రభాకర్‌రెడ్డితో ఎంతో సన్నిహితంగా వ్యవహరిస్తున్నాడు. అప్పటినుండి ఆనం వివేకా, రామనారాయణరెడ్డిలతో దూరం పాటిస్తూ వచ్చాడు. ఈరోజు వివేకా లేడు, రామనారాయణ రెడ్డితో జయకు పెద్ద విభేదాలేమీలేవు. ఇటీవల రామనారా యణరెడ్డి పార్టీ మారుతున్నాడన్న ప్రచారం జరిగినప్పుడు కూడా జయకుమార్‌రెడ్డి చంద్రబాబును కలిసి తాను తెలుగు దేశంలోనే వుంటానని చెప్పొచ్చాడు. ప్రస్తుతానికి ఆయనతో కలిసి తెలుగుదేశంలో కొనసాగుతున్న జయకుమార్‌రెడ్డి తన అన్నతో కలిసి వైసిపిలో చేరే అవకాశాలు లేవు. భవిష్యత్‌లో ఆయన రాజకీయంగా ఎటువైపు అడుగులు వేసినా ఆదాలతో కలిసే నడుస్తాడని తెలుస్తోంది.

Page 1 of 52

newsbottomad

ఎక్కువగా చదివిన వార్తలు

  • ఆత్మకూరు టీడీపీకి... దిక్కెవరు?
    ఈ నెల 8వ తేదీన నాయుడుపేటలో నిర్వ హించిన ముఖ్యమంత్రి చంద్రబాబునాయుడు నవనిర్మాణదీక్ష సభకు మాజీమంత్రి ఆనం రామ నారాయణరెడ్డి రానని చెప్పడంతోనే తెలుగుదేశం శ్రేణులకు ఆయన ఉద్దేశ్యం అర్ధమైపోయింది. ఆనం రామనారాయణరెడ్డిని తెలుగుదేశంలో నిలుపుకునేందుకు జిల్లా మంత్రి పి.నారాయణ నుండి…
  • తమ్ముడు తోడొచ్చేనా?
    మాజీమంత్రి ఆనం రామనారాయణరెడ్డి త్వరలో వైసిపిలో చేరనున్నట్లు తెలుస్తోంది. మరి ఆయనతో పాటు ఆయన కుటుంబసభ్యులు ఇంకెవరెవరు పార్టీలో చేరనున్నారన్నది ప్రశ్నగా మారింది. నాలుగో సోదరుడైన ఆనం విజయ కుమార్‌రెడ్డి ఆల్‌రెడీ వైసిపిలోనే వున్నాడు కాబట్టి ఆయనతో పనిలేదు. ఇక స్వర్గీయ…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • వైకాపాలో కుటుంబ రాజకీయం
    నెల్లూరు జిల్లాలో వైయస్సార్‌ కాంగ్రెస్‌పార్టీలో మొదటగా చేరింది, మొదటి నుండి జగన్‌కు అండగా నిలిచింది మేకపాటి కుటుంబం. పెద్ద రాజకీయ కుటుంబాలేవీ జగన్‌ వెంట రాకున్నా ఆయన పార్టీ పెట్టిన కొత్తల్లో కాంగ్రెస్‌పార్టీ ఎంపీగా వున్న మేకపాటి రాజమోహన్‌రెడ్డి, ఎమ్మెల్యేగా వున్న…

Newsletter