chandruluజిల్లాలో ఈసారి తీవ్ర వర్షాభావ పరిస్థితులు నెల కొనడం తెలిసిందే! జిల్లాలో ఎక్కడా పూర్తి స్థాయిలో చెరువులు నిండిన దాఖలాలు లేవు. ఈ దశలో ఎగువ జిల్లాల్లో కురిసిన వర్షాల మూలంగా సోమశిలకు 50 టిఎంసీలకు పైగా నీళ్ళు రావడం తెలిసిందే! వర్షాభావ పరిస్థితుల వల్ల గత ఏడాది జిల్లాలో రెండో పంట లేకుండాపోయింది. ఈసారి పంటకైనా నీళ్ళుంటాయా లేదా అని సందేహిస్తున్న పరిస్థితుల్లో సోమశిలకు నీళ్ళు రావడం, సోమశిల, కండ్లేరు ఆయకట్టు క్రింద రైతులు ఆనందంగా పంటలు వేయడం జరిగింది. ఇటీవల జరిగిన ఐఏబి సమావేశంలోనూ 5లక్షల ఎకరాలకు నీళ్లందించాలని నిర్ణయించారు.

అయితే అధికారికంగా 5లక్షల ఎకరాలకే అని చెప్పినా అనధికారికంగా మరో రెండు లక్షల ఎకరాల వరకు రైతులు నీళ్ళను వాడుకుంటుంటారు. సోమశిల, కండ్లేరులలో నీటిని సాగునీటి అవసరాలకే కాకుండా చెన్నై, తిరుపతిలకు పంపించాలి. జిల్లాలో తాగునీటి అవసరాలకు వాడుకోవాలి. డెడ్‌స్టోరేజ్‌లో కొంత పెట్టాలి. పైర్లు కోత కొచ్చే దశలో నీళ్ళు లేకపోతే చేతికొచ్చే పంటను కోల్పోయే పరిస్థితి... ఈ పరిస్థితిని వూహించే జిల్లా మంత్రి, వ్యవసాయమంత్రి సోమిరెడ్డి చంద్రమోహన్‌రెడ్డి ఇటీవల జన్మభూమి పర్యటనకు కోడూరుపాడు వచ్చిన ముఖ్యమంత్రి చంద్రబాబునాయుడు దృష్టికి ఈ సమస్యను తీసుకెళ్లాడు. ఆయన సానుకూలంగా స్పందించారు. పోతిరెడ్డిపాడు హెడ్‌రెగ్యులేటర్‌ వద్ద నుండి సోమశిలకు 5.5టీఎంసీల నీటి విడుదలకు సీఎం ఆదేశించాడు. సోమిరెడ్డి కృషితో ఈ పంటను గట్టెక్కించినట్లే!

somi kandlకండలేరు ఎత్తిపోతల ద్వారా మెట్ట ప్రాంతాలైన రాపూరు, వెంకటగిరిలలో 30వేల ఎకరాలకు సాగునీరు అందించా లన్న రాష్ట్ర వ్యవసాయ శాఖ మంత్రి సోమి రెడ్డి చంద్రమోహన్‌రెడ్డి కల నెరవేరింది. కండలేరు జలాశయంపై 60కోట్ల వ్యయంతో నిర్మించిన ఎత్తిపోతల పథకాన్ని ఈ నెల 13వ తేదీన రాష్ట్ర జలవనరుల శాఖ మంత్రి దేవినేని ఉమామహేశ్వర రావు, రాష్ట్ర వ్యవసాయ శాఖమంత్రి సోమిరెడ్డి చంద్రమోహన్‌రెడ్డితో కలిసి ప్రారంభించారు. ఈ సందర్భంగా మంత్రి దేవినేని మాట్లాడుతూ వచ్చే సంవత్సరం ఆఖరుకల్లా జిల్లాలోని పెండింగ్‌ ప్రాజెక్ట్‌ లన్నింటినీ పూర్తి చేస్తామన్నారు. సంగం, నెల్లూరు బ్యారేజీలను గడువులోగానే పూర్తి చేయడం జరుగుతుందన్నారు. కృష్ణా నీటిని పోతిరెడ్డిపాడు హెడ్‌రెగ్యులేటర్‌ గుండా సోమశిలకు తీసుకొచ్చి కండలేరుకు తర లిస్తున్నామని, కృష్ణా నుండి తరలించే నీటిని మరో 5 టీఎంసీలకు పెంచుతామన్నారు. ముఖ్యమంత్రి చంద్రబాబు ఆధ్వర్యంలో నదుల అనుసంధానం వేగంగా జరుగు తోందని, వృధాగా పోతున్న గోదావరి జలాలను ఒడిసి పట్టి పెన్నాకు తరలించే భగీరథ ప్రయత్నం జరుగుతుందని, ఈ ప్రయత్నం పూర్తయితే ఈ జిల్లాలో సాగు నీటికి, తాగునీటికి కొరత వుండదని మంత్రి చెప్పారు.

ఆశయం నెరవేరింది

కండలేరు ఎడమకాలువ గట్టు ఎత్తిపోతల పథకం పూర్తిగా మంత్రి సోమిరెడ్డి చంద్రమోహన్‌ రెడ్డి కృషి ఫలితమేనని చెప్పవచ్చు. ఈ పథకం ద్వారా 30వేల ఎకరాలకు సాగునీళ్ళు అందించ వచ్చని గుర్తించిన ఆయన 2015లో ముఖ్యమంత్రి చంద్రబాబును ఒప్పించి ఈ పనికి శంకుస్థాపన చేయించారు. అంతేకాదు, వేగంగా పనులు పూర్త య్యేలా పర్యవేక్షించారు. ఇచ్చిన మాట ప్రకారం దానిని రైతులకు నిర్ణీత గడువులోపే అందించగలిగారు. ఆయన కృషితో సర్వేపల్లి, వెంకటగిరి నియోజక వర్గాల్లోని వేలాది ఎకరాలకు నీళ్ళందాయి. ఈ ప్రారంభోత్సవ కార్యక్రమంలో ఎమ్మెల్సీ బీద రవిచంద్ర, తిరుపతి ఎంపి వి.వరప్రసాద్‌, ఎమ్మెల్యేలు కురుగొండ్ల రామకృష్ణ, పాశం సునీల్‌కుమార్‌, మాజీమంత్రులు ఆనం రామనారాయణరెడ్డి, పరసా రత్నం, జిల్లా గ్రంథాలయ సంస్థ ఛైర్మెన్‌ కిలారి వెంకటస్వామి నాయుడు పాల్గొన్నారు.

somireddyకాంగ్రెస్‌కు అహ్మద్‌ పటేల్‌, బీజేపీకి వెంకయ్యనాయుడు, సమాజ్‌వాదీ పార్టీకి అమర్‌సింగ్‌... ఇలా ప్రతి పార్టీకి వ్యూహకర్తలుండే వాళ్లు. పార్టీకి సంబంధించి ఎక్కడన్నా సమస్య వచ్చినా, లేదా మధ్యమధ్యలో ఎన్నికలు వచ్చినా తమ పార్టీ తరఫున యంత్రాంగాన్నంతా వీళ్ళు నడిపించేవాళ్ళు. ఇప్పుడు తెలుగుదేశంపార్టీకి కూడా అలాంటి వ్యూహకర్త దొరికాడు. అతనే వ్యవసాయశాఖామంత్రి సోమిరెడ్డి చంద్రమోహన్‌రెడ్డి.

2004 నుండి 2014 దాకా పదేళ్ల రాజకీయ చరిత్రను చూసుకుంటే సర్వేపల్లి నుండి మూడుసార్లు, కోవూరు ఉపఎన్నికల్లో ఒకసారి మొత్తం నాలుగుసార్లు వరుసగా ఓడిపోయాడు సోమిరెడ్డి. ఆయన రాజకీయ చాణక్యుడైతే, వ్యూహకర్త అయితే ఇన్నిసార్లు ఎందుకు ఓడిపోతాడనే సందేహం కూడా రావచ్చు. యుద్ధం చేసేవాడి కంటే యుద్ధం చేయించే వాడు చాలా ప్రభావం చూపుతాడు. యుద్ధం చేసేవాడికి ఒకే కోణం తెలిసివుంటుంది. యుద్ధం చేయించేవాడికి గెలుపు కోసం అనుసరించాల్సిన వ్యూహాలపై అనేక కోణాలు తెలిసుంటాయి. ఇప్పుడు సోమిరెడ్డి యుద్ధం చేయడం కంటే యుద్ధం చేయించి నెగ్గించే పాత్రలో బాగా రాణిస్తున్నాడు. మొన్న కడప స్థానిక సంస్థల ఎమ్మెల్సీ ఎన్నికల ఇన్‌ఛార్జ్‌గా వ్యవహరించిన సోమిరెడ్డి తన టాలెంట్‌ అంతా చూపాడు. వైసిపి కంచుకోటలో జగన్‌ చిన్నాన్న వై.యస్‌. వివేకానందరెడ్డిని ఓటమి పాల్జేయడంలో సోమిరెడ్డి నిర్విరామ కృషి చేశాడు. కడప ఎమ్మెల్సీ ఎన్నికలప్పుడే సోమిరెడ్డికి బాగా మార్కులు పడ్డాయి. కడపలో ఆయన టాలెంట్‌ను చూసిన చంద్రబాబుకు సోమిరెడ్డిపై నమ్మకం కుదిరింది. అదే నమ్మకంతో ఎంతో ప్రతిష్టాత్మకంగా భావించిన నంద్యాల ఎలక్షన్‌ బాధ్యతను కూడా అప్పగించాడు. నంద్యాలలో తెలుగుదేశం గెలుపు కోసం సోమిరెడ్డి తాను నిలబడ్డప్పుడు కూడా చేయనంతగా పని చేశాడు. నంద్యాలలోనే తిష్ట వేశాడు. రాత్రింబవళ్ళు పని చేశాడు. నంద్యాలలో సందు సందు గురించి తెలుసుకున్నాడు. ఏ వీధిలో ఏ నాయకుడున్నాడు, ఎవరి వద్ద ఓట్లున్నాయి, ఎవరు చెబితే ఓట్లేస్తారన్న వివరాలన్నీ రాబట్టాడు. అందర్నీ తన బుట్టలోకి లాక్కున్నాడు. కర్నూలు జిల్లా నాయకులకు కూడా సోమిరెడ్డి రాజకీయం నేర్పించాడు. ఎలక్షన్‌ ఎలా చేయాలో చూపించాడు. నంద్యాలలో తెదేపాకు భారీ ఆధిక్యం సాధించి పెట్టడం ద్వారా తన విలువేంటో చంద్ర బాబుకు తెలిసొచ్చేలా చేసాడు.

Page 1 of 6

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…

Newsletter