sp ramkrisసుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను ప్రశాంతంగా ఉంచడమే తమ లక్ష్యమన్నారు. మనుబోలు మండలంలోని కొలనుకుదురు గ్రామంలో రైతుల నుంచి భారీగా డబ్బు వసూలు చేసి ఉడాయించిన వేల్పూరు గాంధీ కుటుంబంపై కేసు నమోదు చేశామన్నారు. బాధితులకు న్యాయం చేస్తామ న్నారు. హత్యలు జరిగినప్పుడు వాటి వీడియోలను టీవీల్లో చూపించడం వల్ల హింస పెరిగే అవకాశం ఉందన్నారు. రోడ్డు ప్రమాదాల గురించి ప్రస్తావిస్తూ, డ్రైవర్ల నిర్లక్ష్యం వల్లే ఎక్కువగా రోడ్డు ప్రమాదాలు జరుగుతున్నా యన్నారు. హైవేపై రోడ్డు దెబ్బతిన్నచోట్ల ప్రమాదాలు జరిగే అవకాశం ఉందని, అయితే అలాంటి చోట్లను గుర్తించామని, త్వరలో మరమ్మతులు చేయిస్తామని తెలిపారు. లైసెన్స్‌ లేకుండా వాహనాలు నడిపేవారిపై కఠినచర్యలుంటాయన్నారు. నెల్లూరులో ట్రాఫిక్‌ క్రమబద్ధీకరణ కోసం అడ్వయిజరీ కమిటీని ఏర్పాటుచేశామని, ఈ కమిటీ సూచించిన 40 సూచనలు అమలుపరిచామన్నారు. ఈ సందర్భంగా ఎస్పీ వెంట గూడూరు డిఎస్పీ రాంబాబు, ఎస్‌ఐ శ్రీనివాసులురెడ్డి ఉన్నారు.

seetaiమోచేతి నీళ్ళు తాగే ఆఫీసర్లు ఉన్నంతవరకే ప్రజాప్రతినిధులు ఏ ఆటయినా ఆడగలరు. అధికారి అడ్డం తిరిగాడంటే ప్రజా ప్రతినిధి కాదు కదా ముఖ్యమంత్రి కూడా ఏమీ చేయలేడు. అది ఏ పార్టీ అయినా... ఏ ప్రభుత్వమైనా!

అధికారులు కరెక్ట్‌గా వుంటే ప్రజాప్రతినిధులు ఎంతగా విలవిల లాడుతారో ప్రస్తుతం నెల్లూరుజిల్లాలో చూస్తున్నాం. కలెక్టర్‌, ఎస్పీ, నెల్లూరు మున్సిపల్‌ కార్పొరేషన్‌ కమిషనర్‌, డిఆర్‌డిఏ పి.డి, తెలుగుగంగ స్పెషల్‌ కలెక్టర్‌, డి.ఇ.ఓ... ఇంకా మరికొందరు... ప్రస్తుతం జిల్లాలో మంచి ఆఫీసర్లే పడ్డారు. కలెక్టర్‌ ముత్యాలరాజు పనితీరు గురించి ప్రత్యేకంగా చెప్పనవసరం లేదు. ముక్కుసూటిగా పనిచేస్తూ అధికారపార్టీ నాయకులతో పెద్దగా పేచీలు రాకుండానే పని చేసుకుంటున్నారు. తన పనితనంతో ముఖ్యమంత్రి మెప్పు కూడా పొందారు.

జిల్లాలో అధికారపార్టీ నాయకులకు మింగుడుపడని అధికారులు జిల్లా ఎస్పీ రామకృష్ణ, నెల్లూరు కార్పొరేషన్‌ కమిషనర్‌ ఢిల్లీరావులు. ఎస్పీ రామకృష్ణ జిల్లాలో బెట్టింగ్‌, ఎర్రచందనం, ఇసుక, సిలికా అక్రమ రవాణాపై ఉక్కుపాదం మోపారు. వీటిలో ఎక్కువుగా ఉండేది అధికార పార్టీ నాయకుల అనుచరులే. అధికారాన్ని అడ్డం పెట్టుకుని అక్రమంగా నాలుగు రూపాయలు సంపాదించేది ఇక్కడే కదా! ఎస్పీ చర్యలతో అక్రమ రవాణాకు గండి పడి తెలుగుతమ్ముళ్ళు విలవిలలాడుతున్నారు. ఎస్పీ ఇక్కడితో వదిలితేనా? పాత కేసులు కూడా తోడిమరీ బెండు తీస్తున్నాడు. ఎస్పీ దెబ్బకు నియోజకవర్గాలు, మండల స్థాయిలలో డిఎస్పీలు, సి.ఐలు, ఎస్‌.ఐలు కూడా అధికార పార్టీ నాయకుల మాట వినడం లేదు. వారి సిఫార్సులను పరిగణనలోకి తీసుకోవడం లేదు. ఇక్కడే కార్యకర్తల ముందు నాయకులు పలుచనైపోతున్నారు. మండల స్థాయిలో నాయకుల హవా పనిచేసేది పోలీసుస్టేషన్‌ల వద్దే! ఒక ఎస్‌.ఐ స్థాయిలోనే నాయకుడు పనిచేయించుకోలేకపోయాడంటే ఆ నాయకుడి పరపతి ఆ గ్రామాలలో పడిపోయినట్లే! ఈ ఎస్పీ మూలంగా అధికార పార్టీలో వుండి కూడా పోలీసు స్టేషన్‌లలో పనులు చేసుకోలేకపోతున్నా మంటూ టీడీపీ నాయకులు ఆక్రోశిస్తున్నారు. అందుకే కొందరు అధికార నేతలు ఎస్పీపై బహిరంగంగానే తమ అక్కసు వెళ్ళగక్కుతున్నారు.

నెల్లూరు కార్పొరేషన్‌ కమిషనర్‌ ఢిల్లీరావు అంటే కూడా ఇక్కడ అధికారపార్టీలో కొందరు నాయకులకు మింగుడుపడడం లేదు. నగరంలో ఢిల్లీరావు ఎవరి ఒత్తిళ్ళు లెక్కచేయకుండా తన పని తాను చేసుకుపోతున్నాడు. ఢిల్లీరావుకు మున్సిపల్‌ మంత్రి నారాయణ పూర్తి సహకారం వుంది. ఆక్రమణల తొలగింపు విషయంలో ఎవరి అభ్యంత రాలను పట్టించుకోవద్దని మంత్రి ఆయనకు పూర్తి పవర్‌ ఇచ్చాడు. ఢిల్లీరావు కూడా ఎవరి సిఫార్సులను ఖాతరు చేయడం లేదు. ఆక్రమణల తొలగింపు విషయంలోనే మేయర్‌ అజీజ్‌కు ఆయనకు మధ్య వివాద మొచ్చింది. మేయర్‌, కమిషనర్‌లకు చాలారోజుల నుండే పొసగడం లేదు. తాజాగా నుడా ఛైర్మెన్‌ కోటంరెడ్డి శీనయ్య కూడా కమిషనర్‌ మీద కత్తి యుద్ధం మొదలుపెట్టారు. అధికారపార్టీ కార్పొరేటర్లలోనే కమిషనర్‌ వ్యతిరేక, అనుకూల గ్రూపులు ఏర్పడ్డాయి. ఇక నిజాయితీగా పనిచేస్తున్న అధికారులను బదిలీ చేయాలని చూస్తే ఊరుకోబోమంటూ ప్రతిపక్ష వైకాపాతో పాటు టీడీపీ మిత్రపక్షమైన బీజేపీలు వార్నింగ్‌ల మీద వార్నింగ్‌లు ఇస్తున్నాయి. ఇలా ఉన్న ఫళంగా అధికారులను బదిలీచేస్తే నిజాయితీ అధికారులను బదిలీ చేయించారనే చెడ్డపేరొ స్తుందని ఓ పక్క... అలాగని ఉంచుకుంటే తమకే తలనొప్పులు వస్తు న్నాయనే బాధ ఇంకో పక్క..!

మొత్తానికి జిల్లాలోని అధికారపార్టీ నాయకులు నిజాయితీతో ముక్కుసూటిగా పనిచేసే అధికారులతో నలిగిపోతున్నారు.

spజిల్లాలో బెట్టింగ్‌రాయుళ్లను పట్టుకుని ఉతికి ఆరేసిన జిల్లా ఎస్పీ పిహెచ్‌డి రామకృష్ణ తాజాగా ఎర్రచందనం స్మగ్లర్లపై కూడా దృష్టిపెట్టారు. చిత్తూరు - కడప జిల్లాల తర్వాత నెల్లూరుజిల్లానే ఎర్ర చందనం స్మగ్లర్లకు పెద్ద అడ్డా! జిల్లాలోని రాజకీయ నాయకులతోనూ స్మగ్లర్లకు సంబంధాలున్నట్లు గతంలోనే బహిర్గతమైంది. 2015లో జిల్లా ఎస్పీగా పనిచేసిన సెంథిల్‌కుమార్‌ ఎర్రచందనం స్మగ్లర్ల పీచమణిచాడు. స్మగ్లర్‌లతో సంబంధాలున్న రాజకీయ నాయకుల బండారాన్ని బయటపెడతాడనుకున్న తరుణంలో ఆయన బదిలీ జరిగింది. ఇప్పుడు రామకృష్ణ కూడా గట్టి ఆఫీసర్‌గా పేరు తెచ్చుకున్నాడు. రావడంతోటే సమర్ధవంతంగా పనిచేస్తున్నాడు. మొదట బెట్టింగ్‌ మాఫియాను ఓ కొలిక్కి తెచ్చిన ఆయన ఇక ఎర్రచందనం స్మగ్లింగ్‌పై పడ్డాడు.

గత నెల 27వ తేదీన ప్రత్యేక టాస్క్‌ఫోర్స్‌ కలువాయి, అనంతసాగరం, రాపూరు మండలాల్లో భారీఎత్తున దాడులు జరిపాయి. అంతర్జాతీయ స్మగ్లర్లయిన సంగటి సుబ్బయ్య, దాడినేని సుబ్బయ్యలతో పాటు మరో 19మంది స్థానిక స్మగ్లర్లను అరెస్ట్‌ చేశారు. వారి నుండి కోటి రూపాయల విలువచేసే 64ఎర్రచందనం దుంగలను, 11వాహనాలు, 13 సెల్‌ఫోన్‌లు, 2 నాటు తుపాకులను స్వాధీనం చేసుకున్నారు. నిందితులందరి మీద కొత్తగా అమలులోకి వచ్చిన అటవీశాఖ యాక్ట్‌ క్రింద కేసులు నమోదు చేసి కోర్టులో హాజరు పరుస్తున్నామని ఎస్పీ రామకృష్ణ తెలిపారు.

28వ తేదీ నెల్లూరు పోలీస్‌గ్రౌండ్‌లోని ఉమేష్‌చంద్ర కాన్ఫరెన్స్‌హాల్‌లో ఏర్పాటు చేసిన విలేకరుల సమావేశంలో ఆయన మాట్లాడుతూ గత నెల 2వ తేదీన ఓఎస్‌డి విఠలేశ్వరరావు ఆధ్వర్యంలో ఎర్రచందనం అక్రమ రవాణాను అరికట్టడానికి టాస్క్‌ఫోర్స్‌ను ఏర్పాటు చేశామన్నారు. దీనిని ఏర్పాటు చేసినప్పటి నుండి ఇప్పటి వరకు 17 ఎర్రచందనం కేసులు నమోదు చేసి 84మందిని అరెస్ట్‌ చేయడం జరిగిందని, సుమారు 10 టన్నుల ఎర్రచందనం దుంగలను స్వాధీనం చేసుకుని 27 వాహనాలను సీజ్‌ చేశామన్నారు. ఈ కేసుల్లో అంతర్జాతీయ స్మగ్లర్లయిన చైనాకు చెందిన ఓయుహుష్‌, నేపాల్‌కు చెందిన సోనం టోప్‌జ్యాల్‌, రీతూపాండే, టిబెట్‌కు చెందిన టెంపాల్‌ను అలాగే రాష్ట్ర స్మగ్లర్లయిన చెన్నైకు చెందిన సాధిక్‌, మన్సూర్‌, వసీంరాజా, ఫరూక్‌, రసూల్‌లను కూడా అరెస్ట్‌ చేశామన్నారు. అటవీ ప్రాంతాల్లో నిరంతరం నిఘా ఉంచి ఎర్రచందనం స్మగ్లర్ల ఆట కట్టిస్తున్నామని ఎస్పీ చెప్పారు. ఈ సమావేశంలో ఓఎస్‌డి విఠలేశ్వరరావు, ఎస్‌బి డిఎస్పీ కోటారెడ్డి, ఎస్‌బి సిఐ మాణిక్యరావులు పాల్గొన్నారు. స్పెషల్‌ టాస్క్‌ఫోర్స్‌ సిబ్బందిని ఎస్పీ ప్రత్యేకంగా అభినందించారు.

Page 1 of 3

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter