conge bjpఆంధ్రప్రదేశ్‌ అనే వ్యక్తిని కాంగ్రెస్‌ అనే హంతకుడు కత్తితో కిరాతకంగా పొడిచి పారిపోయాడు. ఆంధ్రప్రదేశ్‌ చావు బతుకులమధ్య కొట్టుమిట్టాడుతున్నాడు. అదే సమయంలో అక్కడకు బీజేపీ అనే వాడొచ్చాడు. అతను సరిగా స్పందించి 108 అంబులెన్స్‌కు ఫోన్‌ చేసి ఆంధ్రప్రదేశ్‌ను ఆసుపత్రిలో చేర్చివుంటే బ్రతికి వుండేవాడేమో? కాని బీజేపీవాడు ఆ పని చేయలేదు. కొన ఊపిరితో వున్నావు కదా అంటూ... గొంతులో తులసినీళ్ళు పోసాడు. మరి ఈ మొత్తం ఎంపిసోడ్‌లో నిందితుడెవరు? పొడిచి పారిపోయిన కాంగ్రెసోడా? లేక కాపాడకుండా ప్రేక్షకపాత్ర పోషించిన బీజేపీ వాడా?

కర్నాటక ఎన్నికల్లో తెలుగుదేశంపార్టీ వాళ్ళు నిర్వహించిన ప్రచారం తీరు చూస్తుంటే ఈ ప్రశ్నలే రాకమానవు. కర్నాటక ఎన్నికల్లో బీజేపీని ఓడించాలని చంద్రబాబుతో సహా ఆ పార్టీ నాయకులు పిలుపునిచ్చారు. కొందరు మంత్రులు బీజేపీని ఓడించాలంటూ కాంగ్రెస్‌కు అనుకూలంగా ప్రచారం నిర్వహించారు. కాంగ్రెస్‌ కోసం ఆర్ధిక సహకారం కూడా అందించినట్లు తెలుస్తోంది. కర్నాటక ఎన్నికల్లో కాంగ్రెస్‌ గెలిస్తే అది చంద్రబాబు సత్తానేనని ప్రచారం చేసుకోవచ్చని వీరి ప్లాన్‌. అందుకే గతంలో సమైక్యాంధ్ర

ఉద్యమాన్ని తాకట్టుపెట్టి చంద్రబాబుకు బిళ్ళబంట్రోతుగా పనిచేస్తున్న ఎన్జీఓల నాయకుడు అశోక్‌బాబును కూడా కర్నా టకా ఎన్నికల ప్రచారానికి పంపించారు.

కర్నాటకలో బీజేపీని ఓడించాలని తెలుగుదేశం ప్రచారం చేసింది. అక్కడి తెలుగుప్రజల్లో విద్వేషాన్ని రగిల్చే ప్రయత్నం చేసింది. సరే, అక్కడ బీజేపీని ఓడించాలంటే ఎవరిని గెలిపించమని అర్ధం... ఒకటి కాంగ్రెస్‌, రెండోది జేడిఎస్‌. ముందు జేడిఎస్‌ను చూద్దాం.. ఇది పక్కా ప్రాంతీయ పార్టీ. ఆంధ్రా ప్రయోజనాల కంటే కర్నాటక ప్రయోజనాలకు ప్రాధాన్యత నిచ్చుకుంటారు. ఒకవేళ కేంద్రం ఏపికి ప్రత్యేకహోదా ఇద్దామనుకున్నా దానిని వ్యతిరేకించే పార్టీలలో జేడిఎస్‌ వుంటుంది. అదీగాక ఈ పార్టీ వ్యవస్థాపకులు దేవేగౌడ ప్రధానిగా వున్న సమయంలోనే కర్నాటకలో ఆల్‌మట్టి డ్యాం ఎత్తు పెంచి కృష్ణ నీళ్ళు కిందకు రాకుండా ఆంధ్రా నోట్లో మట్టి కొట్టాడు. మరి అలాంటి పార్టీకేమన్నా టీడీపీ నాయకులు ఓట్లేయమంటారా?

ఇక కాంగ్రెస్‌ను చూద్దాం. 2004, 2009 ఎన్నికల్లో కేంద్రంలో యూపిఏను నిలబెట్టిందే ఏపిలో సాధించిన లోక్‌సభ సీట్లు. ఏ రాష్ట్రంలోనూ కాంగ్రెస్‌కు ఇన్ని సీట్లు రాలేదు. అలాంటి రాష్ట్రాన్ని కాంగ్రెస్‌ ఏం చేసింది. విభజన పేరుతో కుక్కలు చింపిన విస్తరి చేసింది. అత్యంత కర్క శంగా, పాశవికంగా, దారుణాతిదారు ణంగా రాష్ట్రాన్ని విభజించింది. ఆస్తుల పంపకం చేయలేదు. హైదరాబాద్‌లో మన వాటాను ప్రస్తావించలేదు. విభజన బిల్లులో కనీసం ప్రత్యేకహోదా అంశాన్ని కూడా చేర్చలేదు. ఆంధ్రప్రదేశ్‌ ప్రజల విష యంలో సరిదిద్దుకోలేనంత తప్పు చేసింది కాంగ్రెస్‌పార్టీ. కనీస కనికరం కూడా ఏపి పట్ల చూపకుండా వ్యవహరించింది. ఆనాటి రాష్ట్ర విభజన నాటి పరిస్థితులు చూసిన వాళ్లెవరు కూడా వారి జన్మలో కాంగ్రెస్‌కు ఓటెయ్యరు. ఏపి ప్రజల మీద పగ, ప్రతీకారాలతో రగిలిపోతున్నట్లుగా సోనియాగాంధీ విభజనకు పాల్పడింది. ఏపి పట్ల ఇంత రాక్షసత్వంగా వ్యవహరిం చిన కాంగ్రెస్‌కు ఓట్లేయమంటాడా చంద్రబాబు?

ఏపికి బీజేపీ కూడా అన్యాయమే చేసింది. ఎన్నికల ప్రచారంలో ప్రత్యేక హోదాను ఇస్తామని చెప్పి అధికారంలోకి వచ్చాక మొహం చాటేసింది. అయితే బీజేపీకి ఏపికి న్యాయం చేయడానికి ఇంకా అవకాశం మిగిలేవుంది. ఈరోజు కాకపోతే రేపు ప్రత్యేకహోదా ఇచ్చి, విభజన హామీ లను అమలు చేసినా బీజేపీ తన పాపానికి ప్రాయశ్చితం చేసుకున్నట్లే! కాంగ్రెస్‌కే ఆ అవకాశం లేదు. ఏపి ప్రజల దృష్టిలో ఆ పార్టీ ఎప్పటికీ హంతకుడిగానే మిగిలి పోద్ది. కర్నాటక ఎన్నికల్లో ఆ పార్టీ గెలవా లని కోరుకుంటున్న చంద్రబాబు కూడా కాం గ్రెస్‌ సహనిందితుడిగానే మిగిలిపోతాడు.

jaganఒక తెలుగు సినిమాలో హీరో చిరంజీవిని విలన్‌లు చావగొడ తారు. చచ్చిపోయాడనుకుని గొయ్యి తీసి పూడ్చేస్తారు. అతని ప్రేయసిని చెరపట్టబోతారు. అప్పుడు ఆమె హీరోనుద్దేశించి... రాజా రాజా అని కేక వేస్తుంది... ఆ కేకలు మన హీరో చెవిని తాకుతాయి. హీరో కళ్ళు తెరు స్తాడు. మట్టిని చీల్చుకుంటూ పైకి వస్తాడు. విలన్‌లపై విరుచుకుపడి వారికి నలుగుపెడతాడు. శుభం కార్డు పడుతుంది.

ఆంధ్రప్రదేశ్‌కు ప్రత్యేకహోదా అన్నది కూడా అలాగే తయారైంది. రెండేళ్ల క్రితమే కేంద్ర ప్రభుత్వం ప్రత్యేకహోదాను చావగొట్టి గోతిలో పడేసింది. ''ప్రత్యేక హోదా వేస్ట్‌... ప్రత్యేక ప్యాకేజీయే బెస్ట్‌'' అంటూ ఆరోజు చంద్రబాబు స్వయంగా తన చేతులతోనే మట్టేసి ఆ గోతిని కప్పేసాడు. ప్రతిపక్ష నేత జగన్‌ మాత్రం ఆరోజు నుండి ప్రత్యేక హోదా... ప్రత్యేకహోదా... అని కలవరి స్తూనే వున్నాడు. కాకపోతే ఈమధ్య ఇంకాస్త స్వరం పెంచడంతో ఆ మాటలు మట్టి క్రింద కప్పేసి వున్న ప్రత్యేకహోదా చెవులను తాకాయి... ప్రత్యేకహోదా అంశం జగన్‌ పిలుపుతో మట్టిని చీల్చు కుంటూ పైకొచ్చి ఇప్పుడు రాష్ట్ర రాజకీయా లనే కాదు జాతీయ రాజకీయాలనూ షేక్‌ చేస్తోంది. ప్రత్యేకహోదాను వద్దన్న చంద్ర బాబును కూడా షేకయ్యేలా చేసింది.

ఎవరెన్ని వేషాలేసినా, ఎన్ని విమర్శలు చేసినా ఈ రాష్ట్రంలో ప్రత్యేకహోదా

ఉద్యమాన్ని సజీవంగా వుంచింది, దాని కోసం చిత్తశుద్ధిగా పోరాడింది జగన్మోహన్‌ రెడ్డే! కొందరు మేధావులు టీవీ చర్చా వేదికల్లో దీనిపై తమ వాదన వినిపిస్తున్నా రాజకీయంగా ఈ పోరాటాన్ని వేడెక్కిం చింది, ఈ సెగలు ఢిల్లీని తాకేలా చేసింది వైకాపా అధినేతే!

ప్రత్యేకహోదా ఇచ్చేది లేదని కేంద్రం ప్రకటిస్తే దానికి వంతపాడింది తెలుగు దేశం నాయకులే! ప్రత్యేకహోదా ఏమన్నా సంజీవనియా అని చంద్రబాబు అంటే, హోదా ఉద్యమాన్ని పందులాటతో పోల్చి మొన్నటివరకు కేంద్రమంత్రిగా వున్న ఆ పార్టీ నాయకుడు సుజనాచౌదరి తన చపలత్వాన్ని చాటుకున్నాడు. హోదాతో

ఉద్యోగాలు వస్తున్నాయని ప్రచారం చేస్తూ జగన్‌ ప్రజలను మోసం చేస్తున్నాడంటూ సీఎం పుత్రరత్నం లోకేష్‌ ప్రవచించాడు. ప్రత్యేకహోదా విషయంలో కేంద్రం కంటే కూడా రాష్ట్ర ప్రజలను వంచనకు గురి చేసింది తెలుగుదేశం ప్రభుత్వమే!

కాని ఏరోజూ జగన్‌ ప్రత్యేకహోదా ఉద్యమం కాడెను కిందకు దించలేదు. ఏదో ఒక రూపంలో ఈ ఉద్యమాన్ని ప్రజల్లోకి తీసుకెళ్లాడు. హోదా అంటే జైలుకే అని ప్రభుత్వం బెదిరిస్తున్నా ఆయన బెదరలేదు. దీక్షల నుండి కేంద్రంపై అవిశ్వాసతీర్మానం మొదలుకొని తన పార్టీ ఎంపీల రాజీనామా దాకా ఒక నిర్మాణాత్మక మార్గంలో ఉద్య మాన్ని ముందుకు తీసుకెళ్ళాడు. ఈ విషంలో జగన్‌ ఎక్కడా మాట మార్చలేదు, మార్గం తప్పలేదు, మడమ తిప్పలేదు.

ప్రత్యేకహోదా అంశంలో ఎన్నో మాటలు మార్చింది, ఎన్నో మలుపులు తిరిగింది చంద్రబాబునాయుడే! ప్రత్యేక హోదా ఉద్యమంతో రాష్ట్ర రాజకీయాలు వేడెక్కాయి. ప్రజల్లో జగన్‌ పట్ల సాను కూలత పెరిగింది. ప్రత్యేకహోదా ప్రయోజ నాలపై ప్రజలకు అవగాహన పెరిగింది. ప్రత్యేకహోదా పట్ల తన వైఖరి మార్చు కోకుంటే వచ్చే ఎన్నికల్లో చేదు ఫలితాలు తప్పవని గ్రహించాడు. అందుకే యూటర్న్‌ తీసుకున్నాడు. ప్రత్యేకహోదా అంశంపై వైసిపి ప్రవేశపెట్టే తీర్మానానికి మొదట మద్దతు ఇస్తామన్నాడు, కొన్ని గంటల్లోపే మాట మార్చాడు. వైసిపి అవిశ్వాసానికి మద్దతునిస్తే తాను వీక్‌ అవుతాననుకు న్నాడో ఏమో వెంటనే నాలుక మడత పెట్టాడు. ఎన్డీఏ నుండి బయటకొచ్చి తమ పార్టీ తరపునే అవిశ్వాస తీర్మానం పెడు తున్నట్లు ప్రకటించాడు.

ఒక అంశంపై ఒక నాయకుడు ఇన్ని పిల్లిమొగ్గలు వేస్తాడా అన్నది చంద్రబాబు విషయంలోనే చూసాం. జనసేన అధినేత పవన్‌కళ్యాణ్‌ కూడా ప్రత్యేకహోదా విషయంలో పార్ట్‌టైం పోరాటం చేసాడే గాని, దీనిపై పూర్తిస్థాయిలో దృష్టి పెట్టింది లేదు. ప్రత్యేకహోదాపై మొదటనుండి ఒకే మాట మీద నిలబడింది, తన పోరా టంతో అందరినీ ఒకే బాటలోకి తెచ్చింది జగనే! ఎన్నికలకు ముందు ఇటలీ నియంత సోనియాను ఢీకొని ఔరా తెలుగు బిడ్డ... అనిపించుకున్నాడు. ఇప్పుడు ఇండియా నియంత మోడీని ఢీకొని తెలుగోడి సత్తాను ఢిల్లీ వీధుల్లో చాటుతున్నాడు... దటీజ్‌ జగన్‌. ప్రత్యేకహోదా పోరాట హీరో ప్రజల దృష్టిలో ముమ్మాటికీ అతనే!

jaganపార్లమెంటు తలుపులు మూసేసి, టీవీ ప్రసారాలను నిలిపేసి ఆంధ్రప్రదేశ్‌ విభజన బిల్లును అన్యాయంగా ఆమోదిస్తున్నప్పుడు, నిండు సభలో ఆనాటి స్పీకర్‌ మీరాకుమార్‌, అధికార ప్రతిపక్ష నేతలు మన్మోహన్‌సింగ్‌, సోనియా గాంధీ, అద్వానీ, నరేంద్ర మోడీలు సాక్షులుగా సీమాంధ్రుల గొంతు కోస్తు న్నప్పుడు ఆనాటి సభలో సీమాంధ్రకు చెందిన పాతికమంది లోక్‌సభ సభ్యులు దద్దమ్మలుగా చేతగాని వాజమ్మలుగా మిగిలిపోయారు. ఆరోజే పాతికమంది లోక్‌సభ సభ్యులు రాజీనామాలు చేసేసి స్పీకర్‌ ముఖాన పడేసి వుంటే యూపిఏ ప్రభుత్వం కుప్పకూలేది. సీమాంధ్ర నాయకుల చేతకాని తనానికి, వారి స్వార్ధా నికి ఆరోజు విభజన ద్వారా మోసపోయాం. తీవ్ర అన్యాయానికి గురయ్యాం.

ఆనాటి యూపిఏ ఏపిని ఎదురుగా పొడిచింది. మనవాళ్ళు కళ్ళప్పగించి చూస్తూ పొడిపించుకున్నారు. ఆ తర్వాత అధికారంలోకి వచ్చిన ఎన్డీఏ ప్రభుత్వం నాటి యూపిఏ దారుణాలను మరిపిస్తూ ఏపిని వెన్నుపోటు పొడిచింది. పార్లమెంటు సాక్షిగా ఇచ్చిన విభజన హామీలను తుంగలో తొక్కుతూ ఏపికి ప్రాణప్రదమైన ప్రత్యేక హోదాకు పాతరేసింది. విభజన సమయంలో సీమాంధ్ర ఎంపీలే మన పాలిట విలన్‌లుగా మారితే, రెండేళ్ల క్రితం కేంద్ర ఆర్ధికమంత్రి అరుణ్‌జైట్లీ ఏపికి ప్రత్యేకహోదా కాదు, ప్రత్యేక ప్యాకేజీ అని ప్రకటించినప్పుడు చప్పట్లు కొట్టి స్వాగతించిన చంద్రబాబు, రాష్ట్ర ప్రజల దృష్టిలో విలన్‌గా మిగిలాడు. ప్రత్యేకహోదా కంటే ప్రత్యేక ప్యాకేజీయే మేలంటూ ఏపి యువత భవితను చిత్తు చేయడంలో కేంద్రానికి ఆయన ఆ విధంగా సహకరించాడు. ఏపికి ప్రత్యేకహోదా విషయంలో చంద్రబాబు నాలుక మడత పెట్టినా, దీని కోసం రాష్ట్రంలో మొదటి నుండి పోరాడుతున్నది వైకాపా అధినేత వై.యస్‌.జగన్మోహన్‌రెడ్డే! ప్రత్యేకహోదా కోసం నిరాహారదీక్ష చేయడమే కాదు, రాష్ట్ర వ్యాప్తంగా సభలు నిర్వహించాడు. మధ్యలో పవన్‌ కళ్యాణ్‌ ప్రత్యేక హోదాపై సభలు పెట్టినా అది చంద్రబాబు డైరక్షన్‌లో జరిగినవేనని అర్ధమైపోయింది.

ఇక ఏడాదిలో ఎన్నిలున్నాయి. ఎన్డీఏ తన చివరి బడ్జెట్‌లో కూడా ఏపిని చిన్న చూపు చూసింది. ప్రత్యేకహోదాకు పూర్తిగా సమాధి కట్టింది. ఈ దశలోనే జగన్‌ ప్రత్యేకహోదా ఉద్యమానికి ఊపిరిలూ దాడు. ప్రత్యేకహోదా పోరాటాన్ని ట్రాక్‌ ఎక్కించాడు. గల్లీ నుండీ ఢిల్లీ దాకా పోరాట ప్రణాళికను రచించాడు. తమ పార్టీ ఎంపీల రాజీనామా దగ్గర్నుండి ఎన్డీఏ ప్రభుత్వంపై అవిశ్వాస తీర్మానం దాకా ఎటువంటి పోరాటానికైనా వెనక్కు తగ్గేది లేదని ప్రకటించాడు. అంతేకాదు, ఇంకో అడుగు ముందుకేసి ప్రత్యేకహోదా కోసం చంద్రబాబు, పవన్‌లతో సహా ఎవరితోనైనా కలిసి పని చేసేందుకు సిద్ధమని ప్రకటిం చాడు. ''మైనే జో వాదా కియా... ఓ నిభానా పడేగా(నేను ఏ మాట చెప్పానో... ఆ మాట నిలబెట్టుకుని తీరాలి)'' అని ఓ హిందీ చిత్రంలో మాటను గుర్తుకు తెచ్చేలా హోదా కోసం తాను చేసిన వాదాని తూ.చా తప్పకుండా నిలబెట్టుకునేలా తన పోరా టాన్ని ముందుకు సాగిస్తున్నాడు.

రాష్ట్రంలో ప్రత్యేకహోదా ఉద్యమం జగన్‌ పిలుపుతోనే వేడెక్కింది. వామ పక్షాలు, మేధావులు, ప్రజాసంఘాలు సైతం జగన్‌ ఉద్యమ పంథాను హర్షిస్తూ ఆయ నకు మద్దతుగా నిలుస్తున్నాయి. ఇంకోపక్క చంద్రబాబు పార్టనర్‌గా పిలవబడే పవన్‌ కళ్యాణ్‌ సైతం జగన్‌ పంథాను అభినం దిస్తూ, ఈ పోరాటంలో ఆయనకు మద్దతు నిస్తామని ప్రకటించారు.

రాష్ట్రంలో పార్టీలు, ప్రజలు, ప్రజా సంఘాలు ప్రత్యేకహోదాకై పోరాటం బాటపట్టినా... చంద్రబాబు మాత్రం ఇంకా పిల్లిమొగ్గలు వేస్తూనే వున్నాడు. అవిశ్వాసం ద్వారా కేంద్రం మెడలు వంచ లేమంటూ తన అనాశక్తతను బయట పెట్టాడు. మరి అవిశ్వాసానికి ముందుకు రాడు... ఆయన మంత్రులు కేంద్రం నుండి బయటకు రారు... మరి ఎంపీలు పార్ల మెంటు ఎదుట చిల్లర వేషాలు వేస్తే ప్రత్యేకహోదా వస్తుందా? కేంద్రం దిగి వస్తుందా?

ప్రత్యేకహోదా పోరులో జగన్‌ దూకుడు పెంచాడు. ఆయన పోరాటంలో చిత్తశుద్ధి కనిపిస్తుంది. పవన్‌తో సహా ఇతరులెవరూ జగన్‌ పోరును వేలెత్తి చూపలేరు. కేంద్రం పై పోరాడలేక గుటకలు మింగుతున్న చంద్రబాబును ఏపికి మరో విలన్‌లా అందరూ చూస్తున్నారు...!

Page 1 of 3

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…

Newsletter