resorvioersగత రెండేళ్ళుగా జిల్లాలో రెండో పంట అన్నదే లేకుండా గడిచిపోయింది. సకాలంలో వర్షాలు పడక, జిల్లాలో వున్న సోమశిల, కండ్లేరు రిజర్వాయర్‌లు నిండక రైతులు రెండో పంటపై ఆశలు వదులుకున్నారు. మొదటి పంటయినా, రెండో పంటయినా అధికారికంగా దాదాపు ఆరు లక్షల ఎకరాల్లో సాగవుతుంది. అనధికారికంగా అయితే ఇంకో రెండు లక్షల ఎకరాల దాకా చెప్పుకోవచ్చు.

నెల్లూరుజిల్లా రైతాంగానికి సోమశిల, కండ్లేరు రిజర్వాయర్‌లే ప్రాణాధారం. రెండు రిజర్వాయర్‌లలోనూ 140 టిఎంసీల నిల్వ సామర్ధ్యం వుంది. తెలుగు గంగ ప్రాజెక్ట్‌లో ఈ రెండు రిజర్వాయర్‌లు భాగమైనప్పటి నుండి శ్రీశైలం నుండి కృష్ణ నీటినే మళ్లిస్తూ చెన్నై తాగునీటి అవసరా లకు తరలించడంతో పాటు ఈ జిల్లా రైతుల అవసరాలకు వాడుకుంటున్నార. దివంగత నేత వై.యస్‌. హయాంలో పోతిరెడ్డిపాడు హెడ్‌ రెగ్యులేటర్‌ సామర్ధ్యం పెంచడం ద్వారా త్వరగా సోమశిల, కండ్లేరులను నింపే అవకాశం కల్పించారు. ఆరోజు ఆయన చూపించిన మార్గం జిల్లా రైతాంగానికి ఈరోజు ఎంతగానో ఉపయోగపడుతోంది.

గత ఏడాది రాష్ట్రంలో వర్షాలు లేవు. ఎగువ జిల్లాలు, ఎగువ రాష్ట్రాల్లో కూడా వర్షాలు లేక శ్రీశైలం ఎండిపోయింది. ఈ స్థితిలో సోమశిల, కండ్లేరులలో నీటి మట్టాలు అడుగంటిపోయాయి. ఈ ఏడాది మొదటి పంటకే అరకొరగా నీళ్ళిచ్చారు. రెండో పంట అసలు వేయలేదు. బోర్లు, బావుల క్రింద సాగు చేసుకోగలిగిన వాళ్ళు సాగు చేసుకున్నారు. ఖరీఫ్‌ సీజన్‌కు దాదాపు 6లక్షల ఎకరాల పొలాలను బీళ్ళుగా పెట్టేసారు.

అదృష్టం కలిసొచ్చి ఈసారి శ్రీశైలంకు నీళ్లొచ్చాయి. శ్రీశైలం ద్వారా సోమశిలకు 45 టిఎంసీలకు పైగానే చేరాయి. శ్రీశైలం నుండి ఇంకా నీటిని వదిలే అవకాశ ముంది. సోమశిల నిండుతుండడంతో రైతులు ఆనందంతో వున్నారు. నారు మళ్ళకు సిద్ధమవుతున్నారు. ఈసారైనా పూర్తిస్థాయిలో సాగుకు నీళ్లివ్వాలని కోరు తున్నారు. రేపు ఐఏబి సమావేశంలో ఎలాంటి నిర్ణయం తీసుకుంటారో చూడాలి.

potthuluఅధికారం వేటలో పొత్తులు ప్రధాన భాగమయ్యాయి. ఇంకో పార్టీని కలుపుకుని ఎన్నికలకు పోతే మనకున్న ఓట్లకు మరికొన్ని ఓట్లు జతవుతాయని వందలు, రెండు మూడు వేల ఓట్ల తేడాతో ఓడిపోయే అవకాశమున్న సీట్లను కూడా భాగస్వామ్య పక్షాల మద్దతు ఓట్లతో గెలిచే అవకాశముంటుం దన్నది పార్టీల ప్రధాన ఉద్దేశ్యంగా మారిపోయింది. అందుకనే జాతీయ రాజకీయాలలోనైనా, రాష్ట్ర రాజకీయాలలోనైనా ప్రధానపార్టీలు పొత్తులు లేకుండా ముందుకు వెళ్లడం లేదు. 2014 ఎన్నికల్లో రాష్ట్రంలో చంద్రబాబు అటు బీజేపీతోనూ, ఇటు పవన్‌ కళ్యాణ్‌ పార్టీ జనసేనతోనూ పొత్తు కుదుర్చు కోవడం తెలిసిందే! జనసేన ఎక్కడా పోటీ చేయకపోయినప్పటికీ అన్ని నియోజకవర్గాలలోనూ పవన్‌ అభిమానుల ఓట్లు తెలుగుదేశానికి కలిసొచ్చాయి. తెలుగుదేశం అభ్యర్థులు చాలా తక్కువ మెజార్టీతో గెలిచిన స్థానాలు 30 దాకా వున్నాయి. పొత్తు ఓట్లు కలిసిరాకుంటే ఇవన్నీ ఓడిపోయేవే! పొత్తుతో ఓట్లు కలిసిరావడం, సీట్లు పెరగడం, దాంతో అధికారం దక్కడం జరిగిపోయింది. ఎన్నికలకు ఇంకో ఏడాదిన్నర కాలం వుంది. అయితే అప్పుడే పొత్తు మాటలు నడుస్తున్నాయి. 2014 ఎన్నికల్లో ఒంటరిగా పోటీకి దిగిన వైకాపా దెబ్బతింది. 5లక్షల ఓట్ల తేడాతో అధికారాన్ని మిస్‌ చేసుకుంది. ఈసారి మాత్రం ఒంటరి పోరుకంటే పొత్తు పోరుకే ఆ పార్టీ మొగ్గు చూపుతున్నట్లుగా తెలుస్తోంది. తెలుగుదేశం పార్టీ బీజేపీతోనే మళ్ళీ కలిసి నడిచే అవకాశాలున్నాయి. జనసేన అధినేత పవన్‌కళ్యాణ్‌ మాత్రం ఈసారి చంద్రబాబుతో కలవకుండా ఒంటరిగా పోటీ చేయాలనే ఆలోచనలో వున్నాడు. అయితే ఎన్నికలొస్తే ఏదో ఒక ప్రధానపార్టీతో పొత్తుకు ప్రయత్నించే సిపిఐ కూడా ఈసారి జనసేనతో స్నేహానికి సిద్ధంగా వున్నట్లు సమాచారం. టీడీపీ, వైకాపాలకు సమదూరం పాటించాలని, బీజేపీకి విరోధిగా మారిన పవన్‌తో చేతులు కలపాలని సిపిఐ నాయకత్వం భావిస్తోంది. తెలంగాణలోనూ తమ పార్టీ పోటీ చేస్తుందని పవన్‌ కళ్యాణ్‌ ప్రకటించడం తెలిసిందే! పవన్‌తో కలిస్తే తెలంగాణ, ఏపిలలో ఎక్కువ స్థానాలలో తమ అభ్యర్థులను నిల బెట్టుకోవచ్చన్నది ఆ పార్టీ నేతల అంచనా!

ఇక సీపీఎం మాత్రం వైకాపాతో జత కట్టాలని ఆలోచిస్తున్నట్లుగా తెలుస్తోంది. జనసేన అధికారంలోకి వచ్చేదీ లేదు, బీజేపీ తెలుగుదేశంతో వుంది కాబట్టి చంద్రబాబుతో వీళ్లు కలవలేరు. ఇక మిగిలిన మార్గం ఒంటరిగా పోటీ చేయడమా లేక వైకాపాతో పొత్తు పెట్టుకోవడమా? ఒంటరిగా పోటీ చేసి సాధించేదేమీ లేదు. ఒక్క సీటులో కూడా గెలుపుకు అవకాశముండదు. వైకాపాతో కలిసి పోటీ చేస్తే ఎక్కడన్నా గెలిచే అవకాశంతో పాటు అధికారంలోకి వస్తే ప్రభుత్వంలో భాగస్వామి కావచ్చు. ఈ దృష్ట్యా సీపీఎం వైకాపా వైపే మొగ్గు చూపుతున్నట్లు తెలుస్తోంది.

2014 ఎన్నికల్లో రాష్ట్ర రాజకీయాల్లో వామపక్షాల పాత్ర నామమాత్రంగా మిగిలింది. కాని, వచ్చే ఎన్నికల ద్వారానైనా అవి తమ ఉనికిని నిలబెట్టుకోవడానికి పొత్తులతోనే ప్రయాణించే అవకాశముంది.

bmrతెలుగుదేశంపార్టీ అధికారంలో ఉన్నప్పుడు కాదు... ప్రతిపక్షంలో వున్న పదేళ్ళు ఆ పార్టీని అంటిపెట్టుకుని, పార్టీ కోసం కోట్లాదిరూపాయల సొంత డబ్బును కాజేసుకున్న నాయకుడు మాజీఎమ్మెల్యే బీద మస్తాన్‌రావు. 2014 ఎన్నికల్లో కావలి అసెంబ్లీ నుండి ఓడిపోయాడు. ఆ ఎన్నికల్లో గెలిచివుండుంటే ఇప్పుడు చంద్రబాబు ప్రభుత్వంలో ఆయన పొజిషన్‌ ఇంకో రకంగా వుండేది. పార్టీ అధికారంలోకి వచ్చాక బిఎంఆర్‌ను రాజధాని కమిటీలో సభ్యుడిగా వేసారు. మొదట ఈ పదవిని భలే పవర్‌ఫుల్‌ పోస్ట్‌ అనుకున్నారు. తర్వాతర్వాత ఈ పదవి ఒక అలంకార ప్రాయమేనని అర్ధం కాసాగింది. రాజధాని నిర్మాణంలో రాజధాని కమిటి సభ్యుల పాత్రేమీ లేదు. దాని సంగతంతా కూడా చంద్రబాబు, నారాయణలే చూసుకుంటున్నారు.

బీద మస్తాన్‌రావు రాజ్యసభను ఆశించాడు. కాని ఈ దఫాలో ఆయనకు ఆ పదవి రావడం కష్టమేననిపిస్తోంది. ఇటీవల టీటీడీ ఛైర్మెన్‌గా ఆయన పేరు ప్రముఖంగా వినిపించింది. దాదాపు టీటీడీ ఛైర్మెన్‌గా ఆయన పేరు ఖరారైనట్లు కూడా వార్తలు వచ్చాయి. తీరా చూస్తే పుట్టా సుధాకర్‌యాదవ్‌ పేరు తెరమీదకొచ్చింది. ఈ లెక్కన బిఎంఆర్‌కు మొండి చేయి చూపినట్లే! ఈ టర్మ్‌లో ఇక ఆయనకు ఏ పదవీ ఉండకపోవచ్చు!

Page 1 of 120

newsbottomad

ఎక్కువగా చదివిన వార్తలు

  • ఎగువ జిల్లాల్లో వర్షం.. నెల్లూరు జిల్లాలో హర్షం
    నెల్లూరుజిల్లా ప్రజలకు ఈ జిల్లాలో వర్షాలు పడితేనే కాదు, ఎగువ జిల్లాలైన అనంతపురం, కడప, కర్నూలు జిల్లాల్లో భారీ వర్షాలు పడితేనే ఎక్కువ సంతోషం. ఆ జిల్లాల్లో వర్షాలు పడితే ఎక్కువ ప్రయోజనం పొందేది మనమే. నెల్లూరుజిల్లాలో భారీ వర్షాలు కురిసి…
  • ఆనంకు చుక్కెదురు?
    నెల్లూరు నగరంలో తమ ఆధిపత్యానికి ఆయువు పట్టులాంటి విఆర్‌ విద్యాసంస్థలపై తమ పట్టు నిలుపుకోవాలని ఆనం సోదరులు చేసిన ప్రయత్నాలు బెడిసి కొట్టాయి. న్యాయస్థానంలో వరుస దెబ్బలు తగులుతూనే వున్నాయి. విఆర్‌ విద్యాసంస్థల పాలక కమిటీని రద్దు చేస్తూ ఈ ఏడాది…
  • కావలి నాకే కావాలి
    వైయస్సార్‌ కాంగ్రెస్‌పార్టీలో సిటింగ్‌ ఎమ్మె ల్యేలలో ఎక్కువ మందికి తిరిగి టిక్కెట్లిచ్చే అవ కాశాలున్నాయి. అయితే ఒక్క కావలిలో మాత్రం సీటు విషయంలో బలమైన పోటీ నెలకొని వుంది. అది కూడా మాజీఎమ్మెల్యే కాటంరెడ్డి విష్ణువర్ధన్‌రెడ్డి నుండే కావడంతో కావలి వైకాపా…
  • ఆనంకు చుక్కెదురు?
    నెల్లూరు నగరంలో తమ ఆధిపత్యానికి ఆయువు పట్టులాంటి విఆర్‌ విద్యాసంస్థలపై తమ పట్టు నిలుపుకోవాలని ఆనం సోదరులు చేసిన ప్రయత్నాలు బెడిసి కొట్టాయి. న్యాయస్థానంలో వరుస దెబ్బలు తగులుతూనే వున్నాయి. విఆర్‌ విద్యాసంస్థల పాలక కమిటీని రద్దు చేస్తూ ఈ ఏడాది…
  • అవును... వాళ్ళిద్దరూ ఫోన్లు ఎత్తరు!
    మునిసిపల్‌ మంత్రి నారాయణ, కమిషనర్‌ ఢిల్లీరావులపై సర్వత్రా అసంతృప్తి ఒకాయన మునిసిపల్‌ శాఖకు రాష్ట్రాధినేత. సాక్షాత్తూ ఆ శాఖకి మంత్రి. మరొకాయన నెల్లూరు మునిసిపల్‌ శాఖలో అత్యున్నత అధికారి. ఆశ్చర్యం కలిగే విధంగా వీళ్ళిద్దరిలో కామన్‌గా ఒకే గుణం వుండడంతో అది…

Newsletter