chandraనవ్యాంధ్ర ముఖ్యమంత్రి చంద్రబాబు నాయుడుకు, తెలంగాణ ముఖ్యమంత్రి కేసీఆర్‌కు ఇరు రాష్ట్రాల్లో అసెంబ్లీ సీట్లు పెరగడం అత్యవ సరంగా మారింది. సీట్లు పెరగకుంటే రాజ కీయంగా నష్టపోతామనే భయం వారిని వెంటాడు తోంది. ఇద్దరు సీఎంలు కూడా ఢిల్లీ వెళ్ళినప్పు డల్లా తమ రాష్ట్రాల్లో అసెంబ్లీ సీట్లను పెంచాలని ప్రధానికి, కేంద్ర మంత్రులకు విజ్ఞప్తులు చేసి వస్తున్నారు. విభజన చట్టంలో సీట్లు పెంచుతామని చెప్పివున్నారని, కాబట్టి సీట్లు పెంచాలని వీరి డిమాండ్‌.

తెలంగాణలో కేసీఆర్‌, ఆంధ్రలో చంద్రబాబు అధికారంలోకి వచ్చాక ప్రతిపక్ష పార్టీలకు చెందిన ఎమ్మెల్యేలను తమ పార్టీలలో చేర్చుకున్నారు. విలువలకు కట్టుబడి కనీసం ఆ ఎమ్మెల్యేల చేత రాజీనామాలు కూడా చేయించలేదు. తమ పార్టీలో చేర్చు కున్న ఎమ్మెల్యేలందరికీ మళ్ళీ మీ సీట్లు మీకే ఇస్తామంటూ హామీలిచ్చి పార్టీలో చేర్చుకున్నారు. కొన్ని నెలల క్రితమే రెండు తెలుగు రాష్ట్రాల్లో సీట్ల పెంపు ప్రతిపాదననేది లేదని, 2024 వరకు సీట్లు పెరగవని సంబంధిత కేంద్ర మంత్రి పార్లమెంటులో కుండ బద్ధలుకొట్టినట్లు చెప్పాడు. గతంలో ప్రధాని మోడీని కలిసొచ్చిన తర్వాత కేసీఆర్‌ కూడా సీట్లు పెంచడం కుదరదని ప్రధాని తేల్చి చెప్పారని చెప్పడం జరిగింది. అసెంబ్లీ సీట్లు పెరగకపోతే ఏపిలో చంద్రబాబుకు బాగా ఇబ్బందే! సీట్లు ఇస్తానని చెప్పి వైకాపా ఎమ్మెల్యేలు 22 మందిని తన పార్టీలో చేర్చుకున్నాడు. ఈ ఎమ్మెల్యేలున్నచోట 2014 ఎన్నికల్లో వీరి చేతుల్లో ఓడిపోయిన నాయకులున్నారు. వీళ్ళు కూడా సీట్లు ఆశిస్తున్నారు. కొన్ని నియోజకవర్గాల్లో పాము- ముంగిసల్లా పోట్లాడుకుంటున్న నాయకులను చంద్రబాబు పార్టీలోకి తీసుకువచ్చాడు. సీట్లు పెరగకపోతే రేపు వీరందరికీ సీట్లు అడ్జస్ట్‌ చేయడం కష్టమే!

ఈ పరిస్థితులు తెలుసు కాబట్టే చంద్రబాబు సీట్ల పెంపుపై ఆశలు వదులుకోలేదు. మొన్న మరోసారి ఢిల్లీకి వెళ్లాడు. అసెంబ్లీ సీట్లను పెంచాలంటూ కేంద్ర పెద్దలకు మొరపెట్టుకుని వచ్చాడు. రెండు తెలుగు రాష్ట్రాల్లో సీట్ల పెంపు అన్నది అధికారపార్టీలకు మాత్రమే అవసరమైన పని. అక్కడా ఇక్కడా ప్రతిపక్షాలకు గాని, కేంద్రంలో వున్న బీజేపీకి గాని అవసరమైన పని కాదు. రాజకీయంగా బీజేపీకి ప్రయోజనం చేకూర్చే పని అంతకన్నా కాదు. ఇప్పటికిప్పుడు అసెంబ్లీ సీట్లను పెంచి, రాష్ట్రంపై మరింత ఆర్ధిక భారం మోపాల్సిన అవసరం కూడా లేదు. కాబట్టి సీట్ల పెంపుపై కేంద్రం బాబుకు ఈసారికి 'సారీ' అని చెప్పే అవకాశాలున్నాయి.

jaganప్రజలతో కలవడం, ప్రజలతో కలిసి నడవడం, ప్రజలతో మాట్లాడడం, ప్రజలు చెప్పింది వినడం, ఆ ప్రజల కష్టాలను తీర్చడానికి పని చేయడం... ఉత్తమ ప్రజానాయ కులకు ఉండాల్సిన లక్షణాలు. పుట్టగానే లేదా ఒంటిమీద ఖద్దరు చొక్కా పడగానే ఎవరూ ప్రజానాయకులైపోరు. ప్రజల మనసులు గెలిచినవాళ్లే ప్రజా నాయకులవుతారు. తాతలు, తండ్రుల రాజకీయ వారసత్వం తాత్కాలికమే. కానీ, వ్యక్తిగతంగా ప్రజలలో తెచ్చుకున్న పరపతే శాశ్వతం.

ఆంధ్రప్రదేశ్‌ ప్రజలు వై.యస్‌.జగన్మోహన్‌రెడ్డికి 2014 ఎన్నికల్లో ఓ మంచి అవకాశమిచ్చారు. అదే ప్రతిపక్షనేత బాధ్యత. సాధారణంగా ఇతర నాయకులకైతే రాజకీయ ఆరంగేట్రం చేసాక ఏ పాతికేళ్లకోగాని ఇలాంటి అవకాశం రాదు. జగన్‌కు రాజకీయాల్లోకి వచ్చిన ఐదేళ్ళకే ప్రధాన బాధ్యత వచ్చింది.

2014 ఎన్నికల్లో వైకాపా అధికారంలోకి వచ్చుంటే అది వై.యస్‌.రాజశేఖరరెడ్డి సానుభూతి ప్రభావమే అయ్యుండేది. కాని, ప్రతిపక్షంలో ఉండడం వల్ల ఈ మూడున్నరేళ్ల కాలంలో జగన్‌ బాగా రాటుదేలాడు. రాష్ట్రంలో ప్రజల సమస్యలపై పూర్తిస్థాయిలో అవగాహన తెచ్చుకోగలిగాడు. అసెంబ్లీ చర్చల్లో సైతం పూర్తిస్థాయి సమాచారంతో ప్రశ్నలు సంధించి అధికారపక్షాన్ని ఇరుకున పెట్టిన సందర్భాలెన్నో. వై.యస్‌.రాజశేఖరరెడ్డి రాజకీయ ప్రయాణం మొదలుపెట్టిన పాతికేళ్ళ తర్వాతగాని ముఖ్యమంత్రి కాలేదు. సీఎం కావడానికి ముందే రాష్ట్ర అసెంబ్లీలో ప్రతిపక్ష నేత పాత్రను సమర్ధవంతంగా నిర్వహించాడు. 2002 సంవత్సరంలో చేవెళ్ల నుండి ఇచ్ఛాపురం వరకు 1470 కిలోమీటర్ల దూరం ఆయన చేసిన పాదయాత్ర చరిత్రలో నిలిచిపోయింది. 2004లో ఆయన సీఎం అయ్యాక పాదయాత్రలో చూసిన సమస్యలు, ప్రజల కష్టాలు గ్రహించబట్టే ఎన్నో ప్రజాసంక్షేమ కార్యక్రమాలకు శ్రీకారం చుట్టగలిగాడు.

తండ్రి వై.యస్‌.రాజశేఖరరెడ్డి వారసునిగా రాజకీయాలలోకి అడుగుపెట్టిన వై.యస్‌.జగన్‌ కూడా ఆయన బాటలోనే నడుస్తూ ఇడుపులపాయ నుండి ఇచ్ఛాపురం వరకు పాదయాత్ర చేయాలని నిర్ణయించుకోవడం తెలిసిందే! తొలుత ఈ నెల 27వ తేదీన పాదయాత్రను మొదలుపెట్టాలనుకున్నప్పటికి ఆరోజు మంచిరోజు కాదని పెద్దలు సలహా ఇవ్వడంతో తేదీని మార్చుకున్నారు. ఈలోపు జగన్‌ ప్రతి శుక్రవారం కోర్టుకు హాజరు కావాల్సి వుండడంతో ఆరు నెలల పాటు దాని నుండి మినహాయింపు ఇవ్వాలని కోరుతూ హైకోర్టులో పిటిషన్‌ వేశారు. అయితే కోర్టు అందుకు అంగీకరించలేదు. దీంతో నవంబర్‌ 6వ తేదీ నుండి పాదయాత్ర మొదలుపెట్టాలని నిర్ణయించారు. 4వ తేదీ తిరుమలకు అలిపిరి నుండి కాలినడకన వెళ్ళి శ్రీవారిని దర్శించుకుంటారు. పక్కరోజు కడప పెద్దదర్గానూ, చర్చిలో ప్రార్ధనలు నిర్వహించి 6వ తేదీన పాదయాత్రకు శ్రీకారం చుట్టనున్నారు. ప్రతి శుక్రవారం కోర్టుకు హాజరు కావాల్సి వుండడంతో వారానికి నాలుగు లేదా ఐదు రోజులు మాత్రమే జగన్‌ పాదయాత్ర నిర్వహించే అవకాశముంది.

2002లో వై.యస్‌.రాజశేఖరరెడ్డి నిర్వహించిన పాదయాత్రకు ప్రజలు బ్రహ్మరథం పట్టారు. ప్రతి పల్లె, ప్రతి పట్టణ ప్రజలు ఆయనకు తమ సమస్యలు చెప్పుకున్నారు. వై.యస్‌. పాదయాత్ర తర్వాత జరిగిన 2004 ఎన్నికల్లో తెలుగుదేశం పార్టీ మట్టికరిచింది. ఇప్పుడు జగన్‌ పాదయాత్ర... పైకి ఎంత గంభీరంగా ప్రకటనలు చేస్తున్నా తెలుగుదేశం నేతల్లో భయం వుంది. ప్రభుత్వం పట్ల ప్రజల్లో ఇంకా వ్యతిరేకత పెరుగుతుందేమోననే ఆందోళన వుంది. హిస్టరీ రిపీట్‌ అవుతుందేమోనన్న అనుమానమూ వుంది.

telugu biddaకొన్ని నెలల క్రితం తెలంగాణ సీఎం కేసీఆర్‌తో తెలంగాణ, ఆంధ్రప్రదేశ్‌కు చెందిన తెలుగుదేశం నేతలు భేటీ అయ్యారు. ఈ సమావేశాన్ని పెట్టించింది ఒక మీడియాధిపతే! ఈ భేటీ సారాంశం ఏంటంటే... రెండు రాష్ట్రాల రాజకీయాలలోనూ 'రెడ్ల'ను తొక్కడం. తెలంగాణలో మీకు ప్రధాన ప్రత్యర్థులు రెడ్లే! అంటే అక్కడ కాంగ్రెస్‌పార్టీలో రెడ్ల ఆధిపత్యం వుంది. ఆంధ్రప్రదేశ్‌లో మాకు ప్రధాన అడ్డం రెడ్లే... అంటే వైయస్సార్‌ కాంగ్రెస్‌పార్టీ అన్నమాట. తెలంగాణలో మీ అధికారానికి మేం అడ్డురాం... ఏపిలో ఎలాగూ మాకు మీతో వచ్చే ఇబ్బందేమీ లేదు. ఇరు రాష్ట్రాలలోనూ పరస్పరం సహక రించుకుందాం, మనలో మనం తన్నుకోవడం చాలిద్దాం... మన ఉమ్మడి టార్గెట్‌ అయిన 'రెడ్ల'ను రాజకీయంగా దెబ్బ కొడదాం... ఈ సారాంశం కేసీఆర్‌కు కూడా నచ్చింది. ఆయనకు కావాల్సింది అధికారాన్ని నిలబెట్టుకోవడం. ప్రత్యర్థిగా వున్న తెలుగు దేశమోళ్ళు టీఆర్‌ఎస్‌కు మద్దతు పలుకుతామంటే ఆయనకు అంతకంటే కావాల్సిందేముంది. ఈ కుల సమీకరణల ఒప్పం దాలు కుదిరాకే ఇరు రాష్ట్రాల ముఖ్యమంత్రుల మాటలు, వ్యవహారశైలి మారిపోయింది.

ఓటు-నోటు కేసప్పుడు చంద్రబాబుపై ఒంటి కాలిమీద లేచిన కేసీఆర్‌ ఆ తర్వాత సైలెంటయ్యాడు. ఓటు-నోటు కేసును సూట్‌కేసులో పెట్టి తాళం వేసాడు. తెలంగాణలో తెలుగు దేశం నాయకులకు కాంట్రాక్టులొచ్చాయి. పబ్‌లకు పర్మిషన్‌లు వచ్చాయి. రియల్‌ ఎస్టేట్‌ వ్యాపారాలకు నిధులొచ్చాయి. తెలంగాణలో టీఆర్‌ఎస్‌తో తెలుగుదేశం పొత్తు దాదాపు ఖరారయ్యింది. కేసీఆర్‌ కూడా తెలుగుదేశం పార్టీ పాత కాపే కావడంతో ఆ పార్టీ నాయకులందరితో సత్సంబంధాలు పెట్టుకున్నాడు. వారికి ఆర్ధిక ప్రయోజనాలు సమకూర్చాడు.

కాని, ఈ మొత్తం ఎపిసోడ్‌లో బకరా అయిన ఏకైక నాయకుడు రేవంత్‌రెడ్డి. చంద్రబాబును అతిగా నమ్మితే ఏమవు తుందో ఇప్పటికిగాని తెలుసుకోలేకపో యాడు. చంద్రబాబు తన వెనుక కొండంత అండగా వుంటాడని నమ్మి కేసీఆర్‌పై కత్తులు దూసాడు. తెలంగాణలో టిఆర్‌ఎస్‌ అధికారంలోకి వచ్చింది మొదలుకొని ప్రతిపక్ష కాంగ్రెస్‌ నాయకులకంటే కూడా రేవంత్‌రెడ్డే ప్రతిపక్ష నేత పాత్రను పోషిం చాడు. తెలంగాణలో కాంగ్రెస్‌, టీడీపీ, బీజేపీలతో చాలామంది అగ్రనేతలు కేసీఆర్‌తో అంతర్లీనంగా కుమ్మక్కయినా రేవంత్‌రెడ్డి మాత్రం కేసీఆర్‌పై పోరాటం బాటనే ఎంచుకున్నాడు. తెలుగుదేశం కోసమే ఎమ్మెల్సీ ఎన్నికల్లో నామినేటెడ్‌ ఎమ్మెల్సీ స్టీఫెన్‌సన్‌ ఇంటికి వెళ్ళి డబ్బులతో ఆయన ఓటును కొనాలని చూసి 'ఓటు- నోటు' కేసులో చంద్రబాబుతో పాటు ఇరుక్కున్నాడు. ఇదంతా కూడా అతను తెలుగుదేశం కోసమే చేసాడు. కాని, తెలుగుదేశం వాళ్ళు ఆయన ఏ కేసీఆర్‌తో అయితే పోరాటం చేస్తున్నాడో అదే కేసీ ఆర్‌తో కుమ్మక్కయ్యారు. దీనిని ఆలస్యంగా తెలుసుకున్న రేవంత్‌రెడ్డి తన పార్టీపైనే తిరుగుబాటు చేసాడు. కేసీఆర్‌తో పోరా టానికంటే అతనితో పొత్తుకే మొగ్గుచూపు తున్న తెలుగుదేశం నాయకులు రేవంత్‌ రెడ్డిని వదులుకోవడానికి సిద్ధంగా వున్నారు. రేవంత్‌ కూడా కాంగ్రెస్‌లో చేరడానికి సిద్ధపడిపోయాడు. ఇప్పుడు చంద్రబాబుతో పాటు రేవంత్‌రెడ్డి కూడా 'ఓటు-నోటు' కేసులో నిందితుడు. రేపు రేవంత్‌ కాంగ్రెస్‌ లోకి వెళితే ఈ కేసు ఏమవుతుందో చూడాలి. రేవంత్‌ను తొక్కాలంటే చంద్ర బాబుకు కూడా ఉచ్చు బిగుసుకుంటుంది. చంద్రబాబును కాపాడాలనుకుంటే రేవంత్‌ను వదలక తప్పదు. ఈ పరి ణామం కేసీఆర్‌కు మింగుడుపడకపోవచ్చు. ఏదిఏమైనా తెలంగాణ తెలుగుదేశంలో రేవంత్‌రెడ్డి ఎపిసోడ్‌ చంద్రబాబుకు షాకే! రేవంత్‌ బయటకు వెళితే అక్కడ టీడీపీని టీఆర్‌ఎస్‌కు అమ్మకానికి పెట్టినట్లే!

Page 1 of 121

newsbottomad

ఎక్కువగా చదివిన వార్తలు

  • మళ్ళీ చెడింది
    నెల్లూరు మేయర్‌ అబ్దుల్‌ అజీజ్‌ గెలిచింది వైయస్సార్‌ కాంగ్రెస్‌పార్టీ తరఫున! మేయర్‌ అయిన కొన్ని నెలలకే చేసిన ప్రమాణాలను పక్కనపెట్టేసి, తన వర్గం వారి మనో భావాలను వెనక్కి నెట్టేసి, వైసిపిని వదిలేసి సైకిలెక్కేసాడు. మేయర్‌ అజీజ్‌ తెలుగుదేశంలోకి రావడానికి ప్రధాన…
  • యువతకు ఒప్పుకునేనా?
    తెలుగుదేశం పార్టీలో జిల్లా కమిటీలన్నీ దాదాపు భర్తీ అయ్యాయి. పార్టీ అనుబంధ కమిటీలలో కీలకమైన 'యువత' ఎంపికే ఇంకా ప్రశ్నార్థకంగా వుంది. కాంగ్రెస్‌ నుండి టీడీపీలోకి వచ్చారని చెప్పి ఆనం సోదరులను సంతృప్తి పరచడానికి ఆనం వివేకా తనయుడు, కార్పొరేటర్‌ ఆనం…
  • కొండమీద కొత్త రూటు...
    ఒక చిన్న వంతెన, కొద్ది దూరం ఘాట్‌రోడ్డు నిర్మాణంతో నెల్లూరు - ఆత్మకూరు మధ్య ముంబై రహదారిలో వెళ్ళే ప్రయాణీకులకు దాదాపు ఐదు కిలోమీటర్ల ప్రయాణ దూరం తగ్గబోతోంది. ఇంకో నెల రోజుల్లోపే వాహనదారులకు ఈ ఘాట్‌రోడ్డు అందు బాటులోకి రాబోతోంది.…
  • మేఘం మెరిసెను... వర్షం కురిసెను
    ఓ పక్క సోమశిల రిజర్వాయర్‌లో 50 టిఎంసీల నీళ్ళు రావడం, ఇంకోపక్క ఐఏబి సమావేశంలో జిల్లాలో రబీ సీజన్‌కు 5లక్షల ఎకరాల ఆయకట్టుకు నీళ్ళివ్వాలని నిర్ణయించడం, అదే సమయంలో జిల్లా వ్యాప్తంగా వర్షాలు కురుస్తుండడంతో రైతాంగం ఆనందంలో వుంది. గత ఏడాది…
  • 'దేశం'లో... పాదయాత్ర ప్రకంపనలు
    ప్రజా సమస్యలపై, ప్రభుత్వ వైఫల్యాలపై దండెత్తుతూ ప్రతిపక్ష నేత, వైకాపా అధినేత వై.యస్‌.జగన్మోహన్‌రెడ్డి వై.యస్‌.ఆర్‌ జిల్లా ఇడుపుల పాయ నుండి మొదలుపెట్టిన ప్రజాసంకల్ప పాదయాత్ర ప్రభంజనం సృష్టిస్తోంది. అధికార తెలుగుదేశం పార్టీలో ప్రకంపనలు సృష్టిస్తోంది. జగన్‌ పాదయాత్రను తెలుగుదేశం వాళ్ళు మొదట…

Newsletter