parasaజిల్లాలో తెలుగుదేశంపార్టీకి గట్టి నియోజకవర్గాలలో సూళ్ళూరుపేట ఒకటి. ఇది ఎస్సీ రిజర్వుడ్‌ నియోజకవర్గం అయినప్పటికి ఇంతకాలంగా వేనాటి సోదరులే ఇక్కడ పార్టీని నడుపుతూ వచ్చారు. అభ్యర్థులను నిర్ణయిస్తూ, గెలిపిస్తూ వచ్చారు. తెలుగుదేశం ఆవిర్భవించాక ఇప్పటివరకు 8సార్లు అసెంబ్లీ ఎన్నికలు జరిగితే, 5సార్లు తెలుగుదేశం అభ్యర్థులే గెలిచారు. 1989, 2004లలో మాత్రం కాంగ్రెస్‌, 2014 ఎన్నికల్లో మాత్రం వైయస్సార్‌కాంగ్రెస్‌పార్టీ విజయం సాధించింది. 1994 ఎన్నికల నుండి కూడా ప్రతి ఎన్నికల్లో పరసా రత్నమే ఇక్కడ పార్టీ అభ్యర్థిగా వుంటున్నాడు. వేనాటి సోదరులే అతనిని పార్టీలోకి తీసుకొచ్చి ఆయన తరపున పని చేస్తున్నారు.

సూళ్ళూరుపేట నియోజకవర్గంలో ఇప్పటివరకు జరిగిన ఎన్నికలు ఒక లెఖ్ఖ! ఇక జరగబోయే ఎన్నికలు ఒక లెఖ్ఖ! 2014 ఎన్నికల వరకు కూడా ఈ నియోజకవర్గంలో పార్టీ పెత్తనమంతా కూడా వేనాటి కుటుంబం చేతిలో వుంటూ వచ్చింది. కాని ఈ నాలుగేళ్లలో ఇక్కడ రాజకీయంగా ఎన్నో మార్పులు చోటు చేసుకున్నాయి. పార్టీలో వ్యాపారవేత్త గంగా ప్రసాద్‌కు ప్రాధాన్యత పెరిగింది. వేనాటికి విరోధిగా వున్న ఎమ్మెల్సీ వాకాటి నారాయణ రెడ్డిని పార్టీలోకి తీసుకున్నారు. వేనాటి ప్రాధాన్యతను తగ్గించే ప్రయత్నం చేసారు. పార్టీ పెట్టాక గత 3దశాబ్దాలలో ఎప్పుడూ చవిచూడని చేదు అనుభవాలను వేనాటి కుటుంబం ఈ మూడేళ్ళ లోనే చూసారు. ఇంకోపక్క పార్టీ ఇన్‌ఛార్జ్‌గా వున్న పరసా రత్నం అంటే కూడా వేనాటికి ఇష్టం లేదు. ఇదే సమయంలో సూళ్ళూరు పేట ఎమ్మెల్యేగా వున్న కిలివేటి సంజీవయ్యకు ప్రజల్లో మంచి పేరొచ్చింది. ప్రతిపక్ష ఎమ్మెల్యే అయినప్పటికి ప్రజల్లో బాగానే తిరుగుతున్నాడు. ప్రజల కష్టనష్టాలు తెలుసుకుంటున్నాడు. నియోజకవర్గంలోనూ సంజీవయ్య స్ట్రాంగ్‌క్యాండిడేట్‌ అనే ప్రచారం వచ్చింది. ఈ నేపథ్యంలో అతనికి పోటీకి పరసా రత్నం పనికిరా డని, కొత్త అభ్యర్థిని తెరమీదకు తేవొచ్చనే వూహాగానాలున్నాయి. వేనాటి కొత్త అభ్యర్థి వైపే మొగ్గు చూపొచ్చని తెలుస్తోంది.

sanjeevaiahప్రజాసమస్యలపై ప్రభుత్వ సిబ్బంది అలక్ష్యం వహిస్తే సహించేది లేదని, సిబ్బంది తీరును ఉపేక్షించకుండా ఉన్నతాధికారులు కఠిన చర్యలు తీసుకోవాలని నెల్లూరుజిల్లా సూళ్లూరుపేట ఎమ్మెల్యే కిలివేటి సంజీవయ్య పేర్కొన్నారు. తడ తహశీల్దార్ కార్యాలయంలో జరిగిన గ్రీవెన్స్ కార్యక్రమానికి ఎమ్మెల్యే పాల్గొని, పలువురు అధికారులు సమావేశంలో లేకపోవడంతో ఆగ్రహం వ్యక్తం చేశారు. మండలంలో నెలకొన్న త్రాగునీరు, రేషన్ కార్డులు, పట్టాదారు పాసుపుస్తకాలకు సంబంధించి వచ్చిన ఫిర్యాదులను గురించి తహశీల్దార్ ఏడుకొండలు, ఎంపిడివో రమణయ్యను అడిగి విరాలను తెలుసుకున్నారు. పట్టాదారు పాసుపుస్తకాల విషయంలో నాన్చుడు ధోరణి సరికాదన్నారు.

జిల్లాలోని రెండు ఎస్సీ రిజర్వుడ్ నియోజకవర్గాలైన సూళ్లూరుపేట, గూడూరులకు వైకాపా అభ్యర్థులు ఎవరనే విషయం నిన్నటిదాకా తేల్చలేదు. జిల్లాలో sanjeevaiah sunilమిగతా 8నియోజకవర్గాలకు ఒక్కొక్కరినీ సమన్వయకర్తలుగా నియమించడంతో రేపటి ఎన్నికల్లో అభ్యర్థులు కూడా వారేనని తేలిపోయింది. అయితే వాటికి భిన్నంగా గూడూరుకు పాశం సునీల్ కుమార్, డాక్టర్ చెంతాటి బాలచెన్నయ్యలను, సూళ్లూరుపేటకు కె.సంజీవయ్య, మాజీఎమ్మెల్యే నెలవల సుబ్రహ్మణ్యం, దబ్బల రాజారెడ్డి లను సమన్వయకర్తలుగా నియమించడం జరిగింది. దీంతో ఎవరికి సీటు అనే విషయమై నిన్నటిదాకా సందిగ్ధత నెలకొంది. అయితే ఇటీవల పార్టీ పరంగా నిర్వహించిన సర్వేలో సూళ్లూరుపేటకు సంజీవయ్య, గూడూరుకు పాశం సునీల్ కుమార్ లు బెటర్ అని తేలినట్లు తెలుస్తుంది.

సూళ్లూరుపేటలో నెలవల సుబ్రహ్మణ్యం కంటే బెటర్ అన్న కోణంలోనే సంజీవయ్యకు సూళ్లూరుపేట సీటు ఖరారు చేసారని తెలుస్తుంది.

గూడూరులో చూస్తే పాశం సునీల్ కుమార్ స్థానికుడు, యువకుడు, గతంలో మున్సిపల్ ఛైర్మన్ గా పనిచేసి వున్నాడు. పార్టీ కార్యక్రమాలలో చురుకుగా దూసుకుపోగలడు. ముఖ్యంగా నల్లపరెడ్డి ప్రసన్నకుమార్ రెడ్డి అండదండలున్నాయి. ఇక్కడ అన్ని విధాలా పాశం సునీల్ మెరుగైన అభ్యర్థి అని తేలడంతో ఆయనకే పచ్చజెండా ఊపినట్లు సమాచారం.

newsbottomad

ఎక్కువగా చదివిన వార్తలు

  • బ్రదర్స్‌ దారెటు?
    ఏ.సి.సుబ్బారెడ్డి, ఆనం వెంకటరెడ్డి... ఆనం వంశంలో మొదటి తరం. ఆనం సంజీవరెడ్డి, ఆనం భక్తవత్సలరెడ్డి, ఆనం వివేకా, ఆనం రామనారాయణ రెడ్డి, ఆనం జయ, ఆనం విజయ... వీళ్ళంతా రెండోతరం నాయకులు... ఇప్పుడు మూడోతరం కూడా రంగంలో వుంది. ఆనం వెంకటరమణారెడ్డి,…
  • సైకిల్‌ దిగినట్లే! వైసిపిలో చేరడానికి ఇంకా కుదరని ముహూర్తం
    దాదాపు రెండు నెలలుగా ఒక వార్త జిల్లా రాజకీయాలలోనే కాదు, రాష్ట్ర రాజకీయాలలో కూడా హల్‌చల్‌ చేస్తోంది. అదే మాజీమంత్రి ఆనం రామనారాయణరెడ్డి తెలుగుదేశం పార్టీని వీడనున్నాడని... వైయస్సార్‌ కాంగ్రెస్‌పార్టీలో చేరనున్నాడని. ఇవన్నీ మీడియాలో మాత్రమే వచ్చాయి. ఆనం వివేకానందరెడ్డి మరణానికి…
  • నగర కిరీటం జయకేనా?
    జిల్లాలో తెలుగుదేశం పార్టీ స్థితిగతుల గురించి అధిష్టానం నాలుగేళ్ళుగా పట్టించుకో లేదు. ఇష్టం వచ్చిన రీతిలో పదవులు ఇచ్చు కుంటూ పోయారు. ఒక వర్గాన్ని తొక్కడమే లక్ష్యంగా పనిచేసారు. రాజకీయాలలో ఎక్కడం, తొక్కడం లాంటివి మంచిది కాదని ఇప్పుడు తెలుసుకున్నారు. అందుకే…
  • గుంతలా!..మత్యు గుహలా!..
    జిల్లాలోని చెరువులు దొరువుల్లో, నీటి గుంతల్లో మృత్యువు పొంచివుంటోంది. ఆ మృత్యువు ఎప్పుడు ఎవరిని కాటేస్తుందో తెలియడం లేదు. ఇటీవల సెలవుల్లో సరదాగా ఈతకు దిగిన పలువురు చిన్నారులను, యువకులను మృత్యువు పొట్టనబెట్టుకుంది. చెరువుల్లో ఎక్కడంటే అక్కడ నిబంధనలకు విరుద్ధంగా గుంతలు…
  • నారా కుటుంబానికి నందమూరి శాపం - భేతాళకథ
    పట్టువదలని హైటెక్‌ విక్రమార్కుడు ఎర్లీ మార్నింగ్‌ ఎయిట్‌ఫార్టీ ఫైవ్‌ కల్లా నిద్ర లేచాడు. ఒంట్లో కొవ్వు 250మిల్లీగ్రాములుందని, రోజూ వాకింగ్‌ చేయమని డాక్టర్‌ 2500 రూపాయలు తీసుకుని చెప్పివుండడంతో ఆరోజుకు తన కర్తవ్యంగా 250మీటర్ల వాకింగ్‌ను పూర్తి చేసాడు. రూమ్‌లో నీట్‌గా…

Newsletter