sittingaరాబోయే ఎన్నికల్లో జిల్లాలోని తెలుగుదేశం పార్టీ సిటింగ్‌ ఎమ్మెల్యే లకు చంద్రబాబు తిరిగి సీట్లు ఇవ్వడనే ప్రచారం జోరుగా వుంది. ఒక్క సిటింగ్‌ స్థానాలలోనే కాదు, జిల్లాలోని అన్ని అసెంబ్లీ నియోజక వర్గాల నుండి కొత్త అభ్యర్థులను రంగంలోకి దించుతారని టాక్‌!

ముఖ్యంగా పార్టీకి జిల్లాలో వైసిపి నుండి జంప్‌ చేసొచ్చిన గూడూరు ఎమ్మెల్యే పాశం సునీల్‌ను లెక్కలోకి తీసుకుంటే నలుగురు ఎమ్మెల్యేలున్నారు. అసలు గూడూరు సీటును సునీల్‌కు ఇవ్వడమే పెద్ద సందేహం. సునీల్‌ వైసిపి నుండి వచ్చాక పార్టీ ఎమ్మెల్యేల లెక్క పెరిగిందనేగాని పార్టీకి ఇక్కడ అదనంగా ఒరిగిందేమీలేదు. వైసిపి నుండి ఆయన వెంట పెద్దగా వచ్చినవాళ్లు లేరు. అంతే కాదు, పార్టీలోనే కుమ్ములాటలు ఎక్కువయ్యాయి. పార్టీలో చేర్చు కునేటప్పుడు సునీల్‌కు వచ్చే ఎన్నికల్లో టిక్కెట్‌ గ్యారంటీ ఇచ్చి

ఉంటారు. కాని, అభ్యర్థి ఓడిపోతాడని రిపోర్ట్‌ వస్తే మాత్రం చంద్రబాబు మాటకంటే కూడా సర్వే రిపోర్ట్‌కే ఎక్కువ ప్రాధాన్యత నిస్తాడు. వెంకటగిరి ఎమ్మెల్యే కురుగొండ్ల రామకృష్ణ వరుసగా రెండోసారి ఎమ్మెల్యే అయ్యాడు. అయితే గతంలో ఎప్పుడూ లేనంతగా ఈసారి ఆయనపై ఆరోపణలొచ్చాయి. ప్రజల్లోనూ వ్యతిరేకత వచ్చింది. పార్టీ నాయకులలో కూడా కొంతమందికి ఆయనంటే పడడం లేదు. ఈసారి ఆయనను మార్చవచ్చనే వార్తలు వినిపిస్తున్నాయి. ఉదయగిరి ఎమ్మెల్యే బొల్లినేని రామారావు విషయాని కొస్తే ఎటువంటి అవినీతి ఆరోపణలు గాని, వివాదాలు గాని లేవు. కాకపోతే జనంలో ఉండడం లేదంతే! ఉదయగిరి ప్రజలు ఎమ్మెల్యే తమ మధ్య వుండాలని, తమ ఇంట్లో పెళ్లయినా, చావైనా రావాలని కోరుకుంటారు. అప్పట్లో వెంకయ్యనాయుడు నుండి కంభం వియజరామి రెడ్డి, మాదాల జానకిరామ్‌, మేకపాటి చంద్రశేఖర్‌రెడ్డిల దాకా ఇక్కడ ఎమ్మెల్యేలుగా పని చేసిన వాళ్ళందరూ అలా అలవాటు చేసి పెట్టారు మరి! వాళ్లంతా ఫుల్‌టైం పొలిటీషియన్స్‌ కావడంతో ఆ విధంగా ఉండగలి గారు. కాని బొల్లినేని రామారావు పరిస్థితి అది కాదు. మహారాష్ట్రలో పేరు మోసిన కాంట్రాక్టర్‌. సీఎం తన నియోజకవర్గానికొచ్చినా ఆయన రాలేనంత బిజీ! వారానికొకసారి వస్తాడు. కలిగిరిలోని తన ఆఫీసులో కూర్చుంటాడు. అన్ని మండలాల నుండి నాయకులను పిలిపించుకుని మాట్లాడతాడు. అతని నాయకత్వంలో మండలస్థాయి నాయకులు హ్యాపీగానే వున్నారు. అతనిని ఎవరూ వ్యతిరేకించడం లేదు. కాకపోతే ప్రజల్లో లేడనే వ్యతిరేకత వుంది. ఉదయగిరికి ఈసారి బొల్లినేని కాదనుకుంటే కంభం విజయరామిరెడ్డి రేసులో వున్నాడు. బొల్లినేని కూడా ఈసారి చంద్రబాబు నిలబడమంటేనే పోటీకి దిగేటట్లున్నాడు తప్పితే సీటు నాకే కావాలని గట్టిగా పట్టుపట్టకపోవచ్చు.

కోవూరు ఎమ్మెల్యే పోలంరెడ్డి శ్రీనివాసులురెడ్డికి ఈసారి సీటును డైలమాలో పెట్టేటట్లున్నారు. నియోజకవర్గంలో వర్గపోరు తీవ్రంగా వుంది. 2014 ఎన్నికల్లో సీటు ఆశించి నిరాశ చెందిన పెళ్లకూరు శ్రీనివాసులురెడ్డి ఈసారి సీటు కోసం గట్టి ప్రయత్నమే చేస్తున్నాడు. మరి ఆయన ప్రయత్నాలు ఎంతవరకు ఫలిస్తాయో చూడాలి. మొత్తానికి సిటింగ్‌ ఎమ్మెల్యేలు నలుగురిలో ఎవ్వరికీ సీటు గ్యారంటీ లేదు.

tdpతెలుగుదేశం పార్టీలో చంద్రబాబు చంఢశాసనుడు. ఆయన మాటకు ఎదురుండదు. అక్కడ ఆయన చెప్పిందే వేదం... చేసిందే చట్టం. ఆయన నిర్ణయానికి ఎదురుచెప్పే ధైర్యం ఎవరికీ ఉండదు. నిజమే చంద్రబాబు గతంలో 9ఏళ్లు ముఖ్యమంత్రిగా పనిచేసినప్పుడు పలుసార్లు మంత్రివర్గంలో మార్పులు చేశారు. అప్పుడు పదవులు కోల్పోయిన వాళ్ళుగాని, ఆశించి పదవులు దక్కనివాళ్ళు గాని నోరెత్తలేదు. ఇది తెలుగుదేశంలో సాంప్ర దాయం. ఈసారి కూడా అదే సాంప్రదాయం కొనసాగుతుందని, తాను జరిపే మంత్రివర్గ విస్తరణపై ఎవరూ నోరు మెదపరని చంద్రబాబు బలంగా భావించారు. అయితే ఆయన అంచనాలు తలక్రిందులయ్యాయి.

చంద్రబాబు ఎవరికి పదవులు ఇచ్చినా ఇవ్వకున్నా, పార్టీ నాయకులు మౌనం వహించా రంటే కారణం అప్పుడున్నది ఒరిజినల్‌ తెలుగుదేశం పార్టీ, ఒరిజినల్‌ తెలుగుదేశం నాయకులు. కాని ఇప్పుడున్నది ఒరిజినల్‌ తెలుగుదేశం కాదు, 50శాతం తెలుగుదేశం, పాతిక శాతం కాంగ్రెస్‌, ఇంకో పాతిక శాతం వైయస్సార్‌ కాంగ్రెస్‌. కాబట్టి చంద్రబాబు ఏకపక్ష ధోరణులను ఆ పార్టీ నాయకులు ఈసారి ధైర్యంగా ప్రశ్నించగలిగారు. నేనేం తప్పు చేసానని నన్ను మంత్రి పదవి నుండి పీకేసారంటూ చిత్తూరు జిల్లాలో బొజ్జల ప్రశ్నించారు. ఎమ్మెల్యే పదవికి కూడా రాజీనామా చేశారు. బొజ్జలకు అనుకూలంగా అక్కడ కార్యకర్తలు కూడా రోడ్డెక్కారు. అనంతపురం జిల్లాలో మంత్రి పదవి ఇవ్వనందుకు పయ్యావుల కేశవ్‌ రుసరుసలాడారు. కడపజిల్లాలో వైసిపి నుండి వచ్చిన ఆదినారాయణ రెడ్డికి మంత్రి పదవి ఇచ్చినందుకు రామసుబ్బారెడ్డి ఆగ్రహించారు. వరుసగా గెలుస్తున్నా తనకు మంత్రి పదవి ఇవ్వనందుకు గుంటూరుజిల్లాలో ధూళిపాల నరేంద్ర అలిగాడు. కృష్ణా జిల్లాలో బోండా ఉమామహేశ్వరరావు అయితే మంత్రిపదవి రానందుకు తీవ్రంగా మనస్థాపం చెందాడు. ఇది కాపులకు జరిగిన అన్యాయమంటూ వాపోయాడు. మూడేళ్ల నుండి అసెంబ్లీలోనూ, బయట ప్రతిపక్ష నేత జగన్‌పై అందరికంటే ఎక్కువుగా ఆయన నోరు పారేసుకున్నది మంత్రి పదవి కోసమే! తీరా అది రాకపోయేసరికి నీరుగారి పోయాడు. ఇక బోండా ఉమా నోరు ఈ రెండేళ్లు విశ్రాంతి తీసుకుంటుందేమో చూడాలి. ఇసుకరీచ్‌లో మహిళా తహశీల్దార్‌ను ఈడ్చి కొట్టడం ద్వారా రాష్ట్ర వ్యాప్తంగా గుర్తింపును సాధించిన దెందులూరు ఎమ్మెల్యే చింతమనేని ప్రభాకర్‌ కూడా మంత్రి పదవి రానందుకు ఆగ్రహించాడు. ఈ మూడేళ్లలో తన పనితీరును చంద్రబాబు గుర్తించలేకపోయాడని వాపోతున్నాడు.

ఇక తెలుగుదేశం వ్యవస్థాపకులలో ఒకడైన తూర్పుగోదావరి జిల్లాకు చెందిన గోరంట్ల బుచ్చయ్యచౌదరి అయితే నేరుగా చంద్రబాబు మీదకే విమర్శలు ఎక్కుపెట్టాడు. పక్క పార్టీల నుండి వచ్చినవారికి మంత్రి పదవులివ్వడం ద్వారా తెలుగుదేశం పార్టీని వెన్నెముక లేని పార్టీగా చేస్తున్నారంటూ చంద్రబాబుపై నిప్పులు కక్కారు. అయితే ఈరోజు తనకు మంత్రి పదవి రాలేదని బుచ్చయ్యచౌదరి వైసిపి ఎమ్మెల్యేలను మంత్రి వర్గంలోకి తీసుకోవడం అనైతికమంటున్నాడు. అసలు వారిని పార్టీలోకి తీసుకుంటున్నప్పుడే బుచ్చయ్య, చంద్రబాబును నిలదీసి వుంటే ఈ పరిస్థితి వచ్చేదా?

ఇక విజయనగరంలో సుజయ్‌కృష్ణ రంగారావుకు మంత్రి పదవి ఇచ్చినందుకు అశోక గజపతిరాజు వర్గీయులు అలిగారు. విశాఖలో గౌతు శివాజీకి పదవి ఇవ్వనందుకు ఆయన వర్గీయులు నిరసన తెలిపారు.

తెలుగుదేశం చరిత్రలోనే మంత్రివర్గ విస్తరణ తర్వాత అత్యంత తీవ్రంగా నిరసన గళాలు వినిపించింది ఇప్పుడే! ఎప్పుడైతే తెలుగుదేశంలో తెలుగుదేశం నాయకులు, కార్యకర్తలకు కాకుండా కాంగ్రెస్‌, వైసిపిల నుండి వచ్చిన వాళ్ళకు చంద్రబాబు పెద్దపీట వేశాడో అప్పుడే తెలుగుదేశం పార్టీలో క్రమశిక్షణ అంతమైంది.

vala pakఎరక్కపోయి వచ్చాము ఇరుక్కుపోయాము అన్నట్లుగా వుంది వైయస్సార్‌కాంగ్రెస్‌ పార్టీ నుండి తెలుగుదేశంలో దూరిన ఎమ్మెల్యేల పరిస్థితి. తెలుగుదేశం ఎమ్మెల్యేలు కోట్లు కోట్లు సంపాదిస్తున్నారని, నియోజకవర్గాలలో వారి హవా నడుస్తుందని, అక్కడకు పోతే మనం కూడా దర్జాగా ఉండొచ్చని భావించి 21మంది దాకా వైసిపి ఎమ్మెల్యేలు తెలుగుదేశంలో చేరారు. వీరిలో కొందరు చంద్రబాబు తాయిలాలకు ఆకర్షితులు కాగా, బలమైన నాయకులకు మాత్రం మంత్రి పదవులను ఎరగా వేశారు. వీళ్లంతా కూడా పార్టీ నుండి వచ్చేటప్పుడు జగన్‌కు మంచి మర్యాద తెలియదని, సీనియర్లంటే గౌరవం లేదని, తెలుగు దేశంలోకి రావడం పుట్టింటికి వచ్చినట్లుగా వుందని రకరకాల ప్రకటనలు చేశారు. తెలుగుదేశంలో చేరాక తామే కింగ్‌లమనుకున్నారు.

కాని, ఇప్పుడు అక్కడ పరిస్థితి చూసి కొందరు ఎమ్మెల్యేలు మేం పెనం మీద నుండి పొయ్యిలో పడ్డామని బాధపడుతున్నట్లు తెలుస్తోంది. ముఖ్యంగా ఒక సామాజిక వర్గానికి చెందిన ఎమ్మెల్యేలైతే మనసు చంపుకుని తెలుగుదేశంలో చేరారు. కాని ఆ పార్టీలో నెలకొన్న పరిస్థితులు వీరికి ఏ మాత్రం మింగుడు పడడం లేదు. తమ నియోజకవర్గాలలో అంతకుముందే వున్న తెలుగుదేశం నాయకులు వీరిని ఏ మాత్రం లెక్కచేయడం లేదు. వీరిలో కొందరికి చంద్రబాబు మంత్రిపదవుల హామీ ఇచ్చి వున్నాడు. ఆ పదవులన్నా వస్తే తమ పరపతి పెరుగుతుందని, అనుచరులను కాపాడుకోగలమని వీరి బాధ. చంద్రబాబు మాత్రం మంత్రివర్గ విస్తరణ జోలికి పోవడం లేదు. పార్టీలో ఆయన సమస్యలు ఆయనకున్నాయి. కాని ఇప్పటికే మూడేళ్లు కావస్తుంది. ఇక మంత్రి పదవి వచ్చినా గట్టిగా వెలగబెట్టేది ఒకటి, ఒకటిన్నర సంవత్సరమే! ఇప్పుడు కూడా మంత్రి పదవులు ఇవ్వకపోతే తర్వాత ఇచ్చినా దండగే అన్న నిర్లిప్తధోరణి జంపింగ్‌ ఎమ్మెల్యేలలో వ్యక్తమవుతోంది. 'దూరపు కొండలు నునుపు' అన్న సామెతను పెద్దలు వూరకే చెప్పారా?

newsbottomad

ఎక్కువగా చదివిన వార్తలు

  • వారి ఆశలపై... నీళ్ళు చల్లారు!
    రాష్ట్రంలో అసెంబ్లీ నియోజకవర్గాలు 175 నుండి 225కు పెరుగు తాయనే ప్రచారం మొన్నటివరకు బలంగా వుండింది. ఈమధ్యనే కేంద్ర ప్రభుత్వం ఆ ప్రచారానికి తెరదించుతూ ఈ ఎన్నికలకే కాదు, ఆ తర్వాత ఎన్నికల నాటికి కూడా సీట్ల పెంపు ఉండదని కుండబద్ధలు…
  • నేరం మా వాళ్ళది కాదు
    రాజకీయ ఒత్తిళ్లకు లొంగి అడ్డదారులు తొక్కితే, రాజకీయ నాయకుల మాటలు నమ్మి వారు చెప్పినట్లు నడుచుకుంటే పరిస్థి తులు ఎలా వుంటాయో ఇప్పుడు ఉదయగిరి నియోజకవర్గం లోని అధికారులకు తెలిసొచ్చింది. ఇటీవల పసుపు కొనుగోలు వ్యవహారం జిల్లాలో సంచలనం కావడం తెలిసిందే!…
  • నంద్యాల ఎన్నికలో... పెట్టుబడిదారులూ నెల్లూరోళ్ళే!
    నంద్యాల ఎన్నికల ప్రచారంలో నెల్లూరు జిల్లాకు చెందిన ఇరు పార్టీల నాయకులు హల్‌చల్‌ చేస్తున్నారు. తామే పోటీ చేసినంత కసిగా పని చేస్తున్నారు. అయితే నంద్యాల ఎన్నికలకు ప్రచారకర్తలే కాదు పెట్టుబడి దారులు కూడా నెల్లూరోళ్ళేనని సమాచారం. నంద్యాల వైకాపా అభ్యర్థి…
  • ఉపరాష్ట్రపతి పదవికి వెంకయ్య రాజీనామా!
    ఢిల్లీలోని ప్రధానమంత్రి కార్యాలయం. ప్రధాని నరేంద్ర మోడీతో బీజేపీ అధ్యక్షుడు అమిత్‌షా, కేంద్రమంత్రులు అరుణ్‌జైట్లీ, రాజ్‌నాథ్‌సింగ్‌, ఉమాభారతి, సుష్మాస్వరాజ్‌, స్మృతి ఇరానీలు సమావేశమైవున్నారు. మొదట మోడీ మాట్లాడుతూ... రాష్ట్రపతి, ఉపరాష్ట్రపతి ఎన్నికల్లో మన పార్టీ వాళ్లంతా బాగా పనిచేసారు. బాధ్యతలను సక్రమంగా…
  • బెట్టింగ్‌ తీగ లాగుతూనే వున్నారు... డొంక కదులుతూనే ఉంది
    నెల్లూరుజిల్లాకు పిహెచ్‌డి రామకృష్ణ అనే ఒక ఎస్పీ వస్తాడని, బెట్టింగ్‌ రాయుళ్ళపై ఈ స్థాయిలో విరుచుకు పడతాడని, బుకీల బొక్కలు విరిచేస్తాడని ఎవరూ ఊహించ లేదు. అసలు బెట్టింగ్‌పై ఈ స్థాయిలో పోలీస్‌ ఆపరేషన్‌ వుంటుందని ఎవరూ అంచనా కూడా వేయలేదు.…

Newsletter