nlr mp1983లో తెలుగుదేశం పార్టీ ఆవిర్భవించాక అప్పటి నుండి ఇప్పటివరకు నెల్లూరు లోక్‌సభకు 10సార్లు ఎన్నికలు జరిగాయి, 2012లో జరిగిన ఉపఎన్నికను కూడా కలుపుకుంటే! ఈ పదిసార్లలో తెలుగుదేశం పార్టీ గెలిచింది రెండంటే రెండుసార్లే! ఏ లోక్‌సభ స్థానంలో కూడా తెలుగుదేశం పార్టీకి ఇంత వరెస్ట్‌ రికార్డ్‌ ఉండదేమో! 1984లో తెలుగుదేశం అభ్యర్థిగా పుచ్చలపల్లి పెంచలయ్య గెలవగా, 1999లో వాజ్‌పేయి సానుభూతి గాలిలో ఉక్కాల రాజేశ్వరమ్మ గెలిచారు. నెల్లూరు లోక్‌సభ టీడీపీకి ఈ రెండే విజయాలు. 1989, 1992, 1996, 1998, 2004, 2009 ఎన్నికల్లో ఇక్కడ నుండి కాంగ్రెస్‌ అభ్యర్థులు విజయం సాధించగా 2012 ఉపఎన్నికల్లోనూ, 2014 ఎన్నికలలోనూ వైసిపి అభ్యర్థి గెలవడం తెలిసిందే!

నెల్లూరు లోక్‌సభను గెలవడం అనేది తెలుగుదేశంకు ఒక పెద్ద పజిల్‌గా మారింది. అప్పటికీ 2014 ఎన్నికల్లో గట్టి అభ్యర్థిగా ఆదాల ప్రభాకర్‌రెడ్డినే రంగంలోకి దించారు. ఆయన బాగానే ఓట్లు చీల్చాడు. సిటింగ్‌ ఎంపీ మేకపాటి రాజమోహన్‌రెడ్డి మీదున్న వ్యతిరేకత వల్ల ఆదాలకు ఓట్లు పెరిగాయి. అయితే ఈ జిల్లాలో వై.యస్‌. అనుకూల పవనాలు మేకపాటిని కొద్దిపాటి మెజార్టీతో గట్టెక్కించాయి.

రాబోయే ఎన్నికల్లో వైకాపా నుండి లోక్‌సభకు సిటింగ్‌ ఎంపీగా మేకపాటి రాజమోహన్‌రెడ్డే బరిలోకి దిగుతాడా? లేక కొత్తవాళ్లెవరైనా దిగనున్నారా? అన్నది ఇంకా తేల్లేదు. అదే సమయంలో తెలుగుదేశం అభ్యర్థి ఎవరన్న ప్రశ్న కూడా వుంది. 2014 ఎన్నికల్లో పోటీ చేసి ఓడిపోయిన ఆదాల ప్రభాకర్‌రెడ్డి ఈసారి అసెంబ్లీకి పోటీ చేయాలనే ఆలోచనలో వున్నట్లు తెలుస్తోంది.

ఈసారి లోక్‌సభ పోటీ అంటే ఎన్ని కోట్లు ఖర్చో ఊహించవచ్చు. టీడీపీలో దీనికి సై అనే నాయకులెవరు? ఆదాల పోటీ చేయకుంటే బీద మస్తాన్‌రావు పేరు తెరపైకి రావచ్చు. చంద్రబాబు ఆదేశిస్తే నారాయణ, సోమిరెడ్డి చంద్రమోహన్‌రెడ్డిలు కూడా బరిలోకి దిగే అవకాశాలున్నాయి. అయితే నెల్లూరు లోక్‌సభ అంటే డబ్బు ఖర్చే కాదు... గెలుపు కూడా గ్యారంటీ వుండదు. 2014 ఎన్నికల్లో కనీసం మేకపాటి మీద వ్యతిరేకతన్నా వుండింది. ఈసారి ఆ ప్రభావం కంటే కూడా ప్రభుత్వ వ్యతిరేకత ప్రభావమే ఎక్కువుగా ఉండబోతోంది. కాబట్టి నెల్లూరు లోక్‌సభ నుండి టీడీపీ అభ్యర్థిగా పోటీ చేయడం అంటే పెద్ద సాహసం చెయ్యడమే!

mpsఒక ఎమ్మార్వో పాస్‌బుక్‌లు ఇవ్వడం కోసం రైతుల నుండి లంచం తీసుకుంటూ ఏసిబికి రెడ్‌హ్యాండెడ్‌గా పట్టుబడ్డాడు... అతనికి ఉద్యోగం పోయింది. పదేళ్ళ సర్వీసు పోయింది. రావాల్సిన బెనిఫిట్స్‌ పోయాయి. అప్పటిదాకా సంపాదించిన అక్రమ ఆస్తులను ప్రభుత్వం జప్తు చేసుకుంది. జీతం లేక, డబ్బులొచ్చే మార్గం లేక కొడుకు చదువు ఆగింది. కూతురి పెళ్ళి సంబంధం రద్దయ్యింది. కొడుకు చేసిన పనికి బజారులో పరువు పోవడంతో తల్లిదండ్రులు మంచం పట్టారు. భార్య మానసిక రోగంతో ఆసుపత్రిపాలైంది.

ఒక ఉద్యోగి కేసులో ఇరుక్కుంటేనే ఇంత ప్రభావం ఉంటుంది. అదే ఒక ముఖ్యమంత్రి కేసులో ఇరుక్కుంటే... రాష్ట్రమనే కుటుంబమంతటిపై దాని ప్రభావం వుంటుంది. అలాంటి ప్రభావమే ఇప్పుడు ఆంధ్రప్రదేశ్‌పై పడింది. చంద్రబాబు నాయుడు అనే వ్యక్తి తన రాజకీయ స్వార్ధం కోసం చేసిన ఒకే ఒక్క అడ్డదారి పనికి ఈరోజు రాష్ట్రం భారీగా నష్టపోతోంది. తెలంగాణలో ఒక ఎమ్మెల్సీని కొనుగోలు చేస్తూ ఏసిబికి అడ్డంగా దొరికిపోయిన పాపానికి ఈరోజుకీ రాష్ట్రం అన్యాయం పాలవుతోంది. కేవలం చంద్రబాబు ఓటు-నోటు కేసు వల్లే హైదరాబాద్‌లో పదేళ్ళ హక్కున్నప్పటికీ వదులుకుని వచ్చేసాం. చట్టబద్ధంగా హైదరాబాద్‌లోని అన్ని ప్రభుత్వ సంస్థలలో ఏపికి వాటా రావాలి. ఆస్తుల పంపకాలు జరగాలి. అదేమీ లేకుండానే హైదరాబాద్‌ నుండి రూపాయి ఆస్థి తెచ్చుకోకుండానే వదిలేసి వచ్చాం. కేవలం ఓటు-నోటు కేసులో కేసీఆర్‌కు భయపడే చంద్రబాబు ఏపికి రావాల్సిన ఆస్తుల కోసం పోరాడకుండా మూటాముల్లె సర్ధుకుని వచ్చేసాడు. సరే... అంతటితో నష్టం ఆగిందా అంటే అదీలేదు. ఈ ఓటు-నోటు కేసు మూలంగానే కేంద్రప్రభుత్వాన్ని నిలదీయలేని దుస్థితిలో రాష్ట్ర ప్రభుత్వ ముంది. చాలా దారుణమైన రాష్ట్ర విభజన ద్వారా ఏపికి గత యూపిఏ ప్రభుత్వం అన్యాయం చేస్తే, పార్లమెంట్‌ సాక్షిగా ఇచ్చిన హామీలను తుంగలో తొక్కడం ద్వారా ఎన్డీఏ ప్రభుత్వం ఏపికి మరింత ద్రోహం చేస్తోంది. విభజన సమయంలో ఆంధ్రప్రదేశ్‌ పట్ల బీజేపీ నాయకులు, అందులోనూ ప్రత్యేకంగా నరేంద్రమోడీ ఎక్కడా లేని సానుభూతి చూపించాడు. తీరా అధికారంలోకి వచ్చాక ఏం చేశాడు. ఏ ఒక్క హామీ పట్ల చిత్తశుద్ధి చూపలేదు. ప్రత్యేకహోదాను అటకెక్కించారు. దీనికి పలు సాకులు చూపారు. పోలవరం ప్రాజెక్ట్‌ విషయంలోనూ వివాదాలే! ఈ ప్రాజెక్ట్‌ను కేంద్రమే చేపట్టి పూర్తి చేసుంటే సరిపోయుండేది. మధ్యలో చంద్రబాబు వేలు పెట్టాడు. ఈ ప్రాజెక్ట్‌ను తమకు అప్పగించా లని కోరాడు. పోలవరం నుండి ఏదో ఆశించి ఆయన కేంద్రం నుండి లాక్కున్నాడు. వాళ్ళు కూడా మాకెందుకొచ్చిన పీడా అని చెప్పి ఈయనకు వదిలేసారు. చిక్కిందే ఛాన్స్‌ అని చంద్రబాబు దీనిని మరో అమరావతి రాజధానిని చేశారు. 16వేల కోట్ల అంచనా ప్రాజెక్ట్‌ను 58వేల కోట్ల అంచనాకు తీసుకెళ్లారు. ఇక్కడే కేంద్రానికి మండింది. లెక్కలు చూపిస్తేనే బిల్లులు అంటూ పేచీ పెట్టడంతో పోలవరం ప్రాజెక్ట్‌లో స్థబ్ధత ఏర్పడింది.

ఇక మొన్న కేంద్ర ప్రభుత్వ బడ్జెట్‌లో అయితే ఏపికి పూర్తిగా మొండిచేయే చూపారు. పోలవరంకు నిధుల ఊసేలేదు. విశాఖ రైల్వేజోన్‌ ప్రస్తావన లేదు. దుగరాజపట్నం పోర్టు, కడప ఉక్కు ఫ్యాక్టరీ హామీలు లేవు. ఏపికి ప్రత్యోకహోదా సరే ప్రత్యేకప్యాకేజీ క్రింద ఇచ్చిన నిధుల ప్రస్తావన లేదు. మొత్తంగా ఏపిని చిన్నచూపు చూసారు. గత నాలుగు బడ్జెట్‌లలో జరిగిన అన్యాయాన్నే ఈ బడ్జెట్‌లోనూ కొనసాగించారు.

రాష్ట్రానికి ఇంత అన్యాయం జరుగుతున్నా కేంద్రంపై గట్టిగా పోరాడలేని పరిస్థితి చంద్రబాబుది. రాష్ట్రానికి ఇంత అన్యాయం జరిగాక ఆయనకు ఏ మాత్రం పౌరుషం వున్నా కేంద్రంలో తన ఇద్దరు మంత్రుల చేత రాజీనామా చేయించి వుండాలి. ఎన్డీఏ నుండి వైదొలిగి వుండాలి. కాని అలా చేయలేదు. మోడీతో ఇప్పుడు పెట్టుకుంటే 'ఓటు-నోటు' కేసును మళ్ళీ ఎక్కడ గెలుకుతాడోనని భయం. అలాగని కనీస అసంతృప్తి వ్యక్తం చేయకుంటే రాష్ట్ర ప్రజల్లో చులకనైపోతామని భయం. అందుకే కేంద్రంపై చంద్రబాబు ఆగ్రహంతో వున్నట్లు అనుకూల మీడియాలో కవరేజీ... పార్లమెంటులో టీడీపీ ఎంపీల నామ్‌కే వాస్తు నిరసనలు... వీటివల్ల తెగేది లేదు... తెల్లారేదీ లేదు. చంద్రబాబు ఆగ్రహించాడని ఎల్లో మీడియాలో రాగానే మోడీ ఫ్యాంటు తడుపుకునేదేమీ లేదు. చంద్రబాబు వాళ్ళ చేతుల్లో బుక్కయ్యున్నాడు. కాబట్టే రాష్ట్రానికి ఎంత అన్యాయం జరుగుతున్నా ఎదిరించే పరిస్థితి లేకుండాపోయింది. అయితే ఇక్కడ కేంద్రం గుర్తిం చాల్సింది... వాళ్ళు 'ఓటు-నోటు' కేసును అడ్డం పెట్టుకుని ఆడుకుంటున్నది చంద్రబాబు తోనే కాదు... ఆరుకోట్ల ఆంధ్రుల భవిష్యత్‌తో కూడా అని.

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • కృష్ణ పోటెత్తింది
    కడప, కర్నూలు, అనంతపురం, చిత్తూరు, నెల్లూరు, ప్రకాశం, గుంటూరు జిల్లాల్లో వై.యస్‌.జగన్‌ ప్రజాసంకల్ప పాదయాత్రకు విశేషస్పందన లభించింది. ఇది పెద్ద విషయమేమీ కాదు. ఈ జిల్లాల్లో కొన్ని వైకాపాకు కంచుకోటలు కాగా, ఇంకో రెండు జిల్లాల్లోనూ బలంగానే వుంది. కాని, అసలు…
  • వేమాలశెట్టి బావిలో... వేలుపెట్టిన వేమిరెడ్డి పట్టాభి
    నెల్లూరు, దర్గామిట్టలో టీటీడీ కళ్యాణ మండపం ఎదురుగా వున్న వేమాలశెట్టి బావి సత్రం స్థలం మరోసారి వివాదంలో కెక్కింది. మంగళవారం రాత్రి ఈ స్థలంలో మున్సిపల్‌ మంత్రి పి.నారాయణ ముఖ్య అనుచరుడు వేమిరెడ్డి పట్టాభిరామిరెడ్డి ఆధ్వర్యంలో శనీశ్వరుని విగ్రహాన్ని ప్రతిష్టించడం వివాదానికి…

Newsletter