potthuluఅధికారం వేటలో పొత్తులు ప్రధాన భాగమయ్యాయి. ఇంకో పార్టీని కలుపుకుని ఎన్నికలకు పోతే మనకున్న ఓట్లకు మరికొన్ని ఓట్లు జతవుతాయని వందలు, రెండు మూడు వేల ఓట్ల తేడాతో ఓడిపోయే అవకాశమున్న సీట్లను కూడా భాగస్వామ్య పక్షాల మద్దతు ఓట్లతో గెలిచే అవకాశముంటుం దన్నది పార్టీల ప్రధాన ఉద్దేశ్యంగా మారిపోయింది. అందుకనే జాతీయ రాజకీయాలలోనైనా, రాష్ట్ర రాజకీయాలలోనైనా ప్రధానపార్టీలు పొత్తులు లేకుండా ముందుకు వెళ్లడం లేదు. 2014 ఎన్నికల్లో రాష్ట్రంలో చంద్రబాబు అటు బీజేపీతోనూ, ఇటు పవన్‌ కళ్యాణ్‌ పార్టీ జనసేనతోనూ పొత్తు కుదుర్చు కోవడం తెలిసిందే! జనసేన ఎక్కడా పోటీ చేయకపోయినప్పటికీ అన్ని నియోజకవర్గాలలోనూ పవన్‌ అభిమానుల ఓట్లు తెలుగుదేశానికి కలిసొచ్చాయి. తెలుగుదేశం అభ్యర్థులు చాలా తక్కువ మెజార్టీతో గెలిచిన స్థానాలు 30 దాకా వున్నాయి. పొత్తు ఓట్లు కలిసిరాకుంటే ఇవన్నీ ఓడిపోయేవే! పొత్తుతో ఓట్లు కలిసిరావడం, సీట్లు పెరగడం, దాంతో అధికారం దక్కడం జరిగిపోయింది. ఎన్నికలకు ఇంకో ఏడాదిన్నర కాలం వుంది. అయితే అప్పుడే పొత్తు మాటలు నడుస్తున్నాయి. 2014 ఎన్నికల్లో ఒంటరిగా పోటీకి దిగిన వైకాపా దెబ్బతింది. 5లక్షల ఓట్ల తేడాతో అధికారాన్ని మిస్‌ చేసుకుంది. ఈసారి మాత్రం ఒంటరి పోరుకంటే పొత్తు పోరుకే ఆ పార్టీ మొగ్గు చూపుతున్నట్లుగా తెలుస్తోంది. తెలుగుదేశం పార్టీ బీజేపీతోనే మళ్ళీ కలిసి నడిచే అవకాశాలున్నాయి. జనసేన అధినేత పవన్‌కళ్యాణ్‌ మాత్రం ఈసారి చంద్రబాబుతో కలవకుండా ఒంటరిగా పోటీ చేయాలనే ఆలోచనలో వున్నాడు. అయితే ఎన్నికలొస్తే ఏదో ఒక ప్రధానపార్టీతో పొత్తుకు ప్రయత్నించే సిపిఐ కూడా ఈసారి జనసేనతో స్నేహానికి సిద్ధంగా వున్నట్లు సమాచారం. టీడీపీ, వైకాపాలకు సమదూరం పాటించాలని, బీజేపీకి విరోధిగా మారిన పవన్‌తో చేతులు కలపాలని సిపిఐ నాయకత్వం భావిస్తోంది. తెలంగాణలోనూ తమ పార్టీ పోటీ చేస్తుందని పవన్‌ కళ్యాణ్‌ ప్రకటించడం తెలిసిందే! పవన్‌తో కలిస్తే తెలంగాణ, ఏపిలలో ఎక్కువ స్థానాలలో తమ అభ్యర్థులను నిల బెట్టుకోవచ్చన్నది ఆ పార్టీ నేతల అంచనా!

ఇక సీపీఎం మాత్రం వైకాపాతో జత కట్టాలని ఆలోచిస్తున్నట్లుగా తెలుస్తోంది. జనసేన అధికారంలోకి వచ్చేదీ లేదు, బీజేపీ తెలుగుదేశంతో వుంది కాబట్టి చంద్రబాబుతో వీళ్లు కలవలేరు. ఇక మిగిలిన మార్గం ఒంటరిగా పోటీ చేయడమా లేక వైకాపాతో పొత్తు పెట్టుకోవడమా? ఒంటరిగా పోటీ చేసి సాధించేదేమీ లేదు. ఒక్క సీటులో కూడా గెలుపుకు అవకాశముండదు. వైకాపాతో కలిసి పోటీ చేస్తే ఎక్కడన్నా గెలిచే అవకాశంతో పాటు అధికారంలోకి వస్తే ప్రభుత్వంలో భాగస్వామి కావచ్చు. ఈ దృష్ట్యా సీపీఎం వైకాపా వైపే మొగ్గు చూపుతున్నట్లు తెలుస్తోంది.

2014 ఎన్నికల్లో రాష్ట్ర రాజకీయాల్లో వామపక్షాల పాత్ర నామమాత్రంగా మిగిలింది. కాని, వచ్చే ఎన్నికల ద్వారానైనా అవి తమ ఉనికిని నిలబెట్టుకోవడానికి పొత్తులతోనే ప్రయాణించే అవకాశముంది.

inlu gadapaరాష్ట్రంలో దాదాపు ఎలక్షన్‌ ట్రెండ్‌ మొదలైందనే చెప్పొచ్చు. గట్టిగా పోరాడితేగాని వచ్చే ఎన్నికల్లో గెలవలేమనే పరిస్థితి అటు తెలుగుదేశం నాయకులకు, ఇటు వైకాపా నాయకులకు అర్ధమైపోయింది. నంద్యాలలో ఓటమితో ప్రభంజనం, ప్రభుత్వ వ్యతిరేకత భ్రమల నుండి వైకాపా నాయకులు బయటకొచ్చారు. ఈ రెండింటిని మాత్రమే నమ్ముకుంటే అధికారం దక్కదనే విషయాన్ని గ్రహించారు. అదే సమయంలో నంద్యాలలో 27 వేలఓట్ల తేడాతో గెలిచామనే ఆనందం కన్నా ఇంతగా అధికారాన్ని అడ్డం పెట్టుకుని, ఇన్ని వందలకోట్లు ఖర్చు చేసినా వైకాపాకు 70వేల ఓట్లు రావడం కూడా తెలుగుదేశం శ్రేణులకు మింగుడుపడడం లేదు. ఎందుకంటే ఉపఎన్నికల్లో పని చేసినట్లుగా సాధారణ ఎన్నికల్లో ప్రలోభాలు పనిచేయవనే విషయం వారికి తెలుసు.

అందుకే ఇరు పార్టీల వాళ్ళు కూడా అప్రమత్తమై నాయకులను కార్యకర్తలను జనం మీదకు, ఇళ్ల మీదకు తరిమే కార్యక్రమాలు పెట్టుకున్నారు. అధికార తెలుగుదేశం ఇంటింటికి టీడీపీ కార్యక్రమానికి శ్రీకారం చుడితే, ప్రతిపక్ష వైకాపా ఇంతకుముందు నుండే గడపగడపకు వైసిపి కార్యక్రమానికి శ్రీకారం చుట్టింది.

నెల్లూరుజిల్లాలో ఈ రెండు కార్యక్రమాలను తెలుగుదేశం, వైయస్సార్సీపీ నాయకులు పోటాపోటీగా నిర్వహిస్తున్నారు. జిల్లాలోని పది నియోజకవర్గాలలో ఇరుపార్టీల కార్యక్ర మాలలో నాయకులు పాల్గొంటున్నారు. ముఖ్యంగా వచ్చే ఎన్నికలకు టిక్కెట్ల రేసులో నిలవాలంటే ఈ కార్యక్రమాలను విజయవంతంగా నిర్వహించి మార్కులు తెచ్చుకోవాల్సి వుంది. కాబట్టే నాయకులు ఈ కార్యక్రమాలలో లీనమైపోయి పని చేస్తున్నారు.

haribabuకేంద్ర మంత్రివర్గ విస్తరణలో విశాఖపట్నం ఎంపి, ఏపి బీజేపీ అధ్యక్షుడు కంభంపాటి హరిబాబుకు ఎందుకు స్థానం దక్కలేదు? ఒక మిత్రుడు వేసిన ఈ ప్రశ్నకు ఒక రాజకీయ విశ్లేషకుడు ఇచ్చిన సమాధానం... విస్తరణలో మిత్రపక్షాలను తీసుకోలేదు కదా? ప్రశ్న వేసిన మిత్రుడు ఆశ్చర్యపోయాడు. అదేంటి హరిబాబు బీజేపీ ఎంపీయే కదా! అని ఆశ్చర్యం వ్యక్తం చేశాడు. దానికి ఆ రాజకీయ పండితుడు చెప్పిన వివరణ... కంభంపాటి హరిబాబు పేరుకు బీజేపీ ఎంపీయే! ఆయన గెలిచింది ఆ పార్టీ కమలం గుర్తు మీదే! కాకపోతే ఆ తర్వాత ఆ విషయాన్ని మరిచిపోయాడు. ఈ మూడేళ్ల నుండి వంటికి పసుపు పూసుకుని తిరుగుతున్నాడు. 2014లో టీడీపీతో బీజేపీ పొత్తు మాత్రమే పెట్టుకుంది. కాని, హరిబాబు మాత్రం బీజేపీని టీడీపీలో విలీనం చేసామన్నట్లుగా బాబు సేవలో లీనమైపోయాడు. ఏపిలో బీజేపీని గాలికొదిలేసి, తెలుగుదేశం సేవలో తరిస్తున్నాడు. చంద్రబాబు ఎన్ని ప్రజావ్యతిరేక నిర్ణయాలు తీసుకున్నా, చ్కెభజన చేస్తూన్నాడే గాని ఇదేమని ప్రశ్నించడం లేదు. ఇలాంటి నాయకుడికి కేంద్రమంత్రి పదవి ఇచ్చినా అది తెలుగుదేశంకు కేంద్ర కేబినెట్‌లో మూడో మంత్రి పదవి అవుతుందేగాని, ఏపిలో బీజేపీకి ఒరిగేదేమీ వుండదు. అందుకే ఆయనకు మంత్రి పదవి ఇచ్చి వుండరు. ఇందులో ఆక్షేపించాల్సింది ఏమీ లేదు. ఈ రాష్ట్రంలో బీజేపీ ఎదుగుదల కోసం హరిబాబు చేసిందేమీ లేదు. తెలుగుదేశం బాగుంటే చాలనుకున్నాడుగాని, తనను ఈ స్థాయిలో నిలబెట్టిన తన పార్టీ బాగుపడాలనుకోలేదు. బీజేపీ రాష్ట్ర అధ్యక్షుడిగా వుండి కూడా పార్టీ అభివృద్ధి గురించి ఆలోచించలేదు. ఆయన కంటే కూడా విష్ణుకుమార్‌రాజు, సోము వీర్రాజు వంటి నాయకులే ఎంతో నయం. తెలుగుదేశం ప్రజావ్యతిరేక విధానాలపై వాళ్ళు గళం విప్పారు. మిత్రపక్షం కాబట్టి అధికారపక్షం ఏ తప్పులు చేసినా మేం తాళం వేయాలనుకోలేదు. తమకు చేతనైనంతలో సభలోనూ, బయట ప్రభుత్వాన్ని నిలదీసారు. ప్రజల పక్షాన నిలిచే ప్రయత్నం చేశారు. కాని, హరిబాబు పార్టీ పరంగా ఎటువంటి ప్రయత్నం చేయలేదు. పార్టీ వాయిస్‌ వినిపించలేదు. కేవలం తెలుగుదేశం ఏజెంట్‌గానే మిగిలిపోయాడు. ఈయనకు మంత్రి పదవి ఇచ్చినా అది తెలుగుదేశంకు ఇచ్చినట్లే అవుతుందన్న భావనతోనే చివరి నిముషంలో ఆయనకు మొండి చేయి చూపినట్లుగా తెలుస్తోంది.

Page 1 of 31

newsbottomad

ఎక్కువగా చదివిన వార్తలు

  • ల్యాండవుతున్న విమానం
    దగదర్తి విమానాశ్రయం కల సాకారానికి రోజులు దగ్గరపడ్డాయి. త్వరలోనే విమానాశ్రయం నిర్మాణానికి టెండర్లు పిలవడానికి అధికారులు రంగం సిద్ధం చేస్తున్నారు. మొదటి దశలో ఎయిర్‌పోర్టు నిర్మాణానికి అవసర మైన 1350 ఎకరాల భూసేకరణ పూర్తయ్యింది. భూసేకరణకు సంబంధించి రైతుల పరిహారానికి నిధులు…
  • కార్పొరేషన్‌లో కోల్డ్‌వార్‌
    వివాదాలకు, విభేదాలకు నెల్లూరు కార్పొరేషన్‌ కేరాఫ్‌ అడ్రస్‌ లాంటిది. నెల్లూరు నగరంలో ఎన్ని రకాల సమస్యలుంటాయో నెల్లూరు కార్పొరేషన్‌ కార్యాలయంలో కూడా అంతకంటే ఎక్కువ సమస్యలే వుంటాయి. ముఖ్యంగా ఇక్కడ పనిచేసే పాలకవర్గం వుంటే అధికారులు సహకరించరు. చిత్తశుద్ధితో పనిచేసే అధికారులున్నప్పుడు…
  • ఆనంకు చుక్కెదురు?
    నెల్లూరు నగరంలో తమ ఆధిపత్యానికి ఆయువు పట్టులాంటి విఆర్‌ విద్యాసంస్థలపై తమ పట్టు నిలుపుకోవాలని ఆనం సోదరులు చేసిన ప్రయత్నాలు బెడిసి కొట్టాయి. న్యాయస్థానంలో వరుస దెబ్బలు తగులుతూనే వున్నాయి. విఆర్‌ విద్యాసంస్థల పాలక కమిటీని రద్దు చేస్తూ ఈ ఏడాది…
  • ఎగువ జిల్లాల్లో వర్షం.. నెల్లూరు జిల్లాలో హర్షం
    నెల్లూరుజిల్లా ప్రజలకు ఈ జిల్లాలో వర్షాలు పడితేనే కాదు, ఎగువ జిల్లాలైన అనంతపురం, కడప, కర్నూలు జిల్లాల్లో భారీ వర్షాలు పడితేనే ఎక్కువ సంతోషం. ఆ జిల్లాల్లో వర్షాలు పడితే ఎక్కువ ప్రయోజనం పొందేది మనమే. నెల్లూరుజిల్లాలో భారీ వర్షాలు కురిసి…
  • పాదయాత్ర చేస్తున్నా... ఆశీర్వదించండి
    వైయస్సార్‌ కాంగ్రెస్‌పార్టీ అధినేత వై.యస్‌.జగన్మోహన్‌రెడ్డి మంగళవారం శంషాబాద్‌లోని శ్రీశ్రీశ్రీ త్రిదండి శ్రీమన్నారాయణ రామానుజ చినజీయర్‌ స్వామి వారి ఆశ్రమ ప్రాంగణానికి వెళ్ళి స్వామివారిని కలుసుకున్నారు. ప్రజల కష్టాలను స్వయంగా తెలుసుకుని తనకు చేతనైన మేరకు వారికి సహాయసహకారాలు అందించడానికి త్వరలో నవ్యాంధ్రలో…

Newsletter