reddysరాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను పరిశీలిస్తే ఇక్కడ ఏ పార్టీ ప్రభంజనం కూడా పని చేయలేదు. కేవలం నాయకుడి సమర్ధతకు ప్రజలు పెద్దపీట వేసారు.

ఉదయగిరి నియోజకవర్గంలో రెడ్డి, కమ్మ బలమైన సామాజికవర్గాలు. ఈ రెండువర్గాల నుండే ప్రధానపార్టీల అభ్యర్థులు రంగంలోకి వస్తుంటారు. ఆ వర్గాలవాళ్ళే ఎమ్మెల్యేలవుతుంటారు. 1978 నుండి తీసుకుంటే వెంకయ్యనాయుడు రెండుసార్లు, మాదాల జానకిరాం ఒకసారి, బొల్లినేని రామారావు ఒకసారి కమ్మ సామాజికవర్గం నుండి గెలిచారు. మేకపాటి రాజమోహన్‌రెడ్డి ఒకసారి, కంభం విజయరామిరెడ్డి రెండుసార్లు, మేకపాటి చంద్రశేఖర్‌రెడ్డి మూడుసార్లు(2012 ఉపఎన్నికతో కలిపి) విజయం సాధించారు.

రాబోయే ఎన్నికల్లో వైయస్సార్‌ కాంగ్రెస్‌పార్టీ తరపున ఎలాగూ మేకపాటి కుటుంబం నుండే ఎవరో ఒకరు పోటీలో వుంటారు. టీడీపీ తరపున ఎవరు రంగంలోకి వస్తారన్నదే చర్చనీయాంశంగా మారింది. సిటింగ్‌ ఎమ్మెల్యే బొల్లినేని రామారావుపై నియోజకవర్గంలో వ్యతిరేకత వుంది. అయితే ఈ వ్యతిరేకత అవినీతి, అక్రమాలకు పాల్పడడం వల్లో, భూకబ్జాలు, దౌర్జన్యాలు చేయించడం వల్లో, కాంట్రాక్టర్లు, వ్యాపారుల వద్ద కమిషన్లు తీసుకోవడం వల్లో వచ్చింది కాదు, ఆయన మహారాష్ట్రలో కాంట్రాక్టర్‌, అక్కడ ఆయనపై ఎన్నో ఆరోపణలొచ్చాయి. కాని ఉదయగిరి నియోజకవర్గంలో అటువంటి ఆరోపణలు లేవు. కేవలం అతను నిత్యం అందుబాటులో ఉండడు. వారానికి ఒకట్రెండురోజులొస్తాడు... మండలస్థాయి నాయకులకు మాత్రమే కనిపిస్తాడు... నియోజకవర్గంలో ప్రజలకు దగ్గరగా వుండడు. జనాలకేంటంటే తమ ఇళ్లలో చావయినా, శుభమైనా ఎమ్మెల్యే వచ్చిపోవాలి. ఈ నియోకవర్గంలో ప్రజల ఆలోచనా ధోరణి ఆ విధంగా ఉంటుంది. దీనికి బొల్లినేని రామారావు విరుద్ధం. అతను దొరకడం కష్టం. దీనివల్లే అతని మీద వ్యతిరేకత! అందుకనే బొల్లినేని ప్రత్యామ్నాయంగా 'రెడ్డి' సామాజికవర్గం నుండి ఈసారి అభ్యర్థిని గాలిస్తున్నట్లు తెలుస్తోంది. 'రెడ్డి' అభ్యర్థి అయితే అదే సామాజికవర్గం వారిలో చీలిక తేవొచ్చు. కమ్మ సామాజికవర్గం వాళ్ళు ఎలాగూ చంద్ర బాబుకే ఓట్లేస్తారు. కాబట్టే ఈసారి తెలుగుదేశంలో ఈ సామాజికవర్గం వారికే అవకాశం చిక్కొచ్చు. ఈ నేపథ్యంలోనే మాజీఎమ్మెల్యే కంభంపాటి విజయరామిరెడ్డి పేరుతో పాటు వ్యాపారవేత్త కావ్య కృష్ణారెడ్డి పేరు కూడా ప్రచారంలో వుంది.

udayagirజిల్లాలోని పది అసెంబ్లీ నియోజకవర్గాలలో 9అసెంబ్లీలది ఒక దారి అయితే ఉదయగిరి అసెంబ్లీది మాత్రం ఇంకో దారి! మెట్టప్రాంతమైనప్పటికి ఇక్కడి ప్రజలు రాజకీయ చైతన్యవంతులు. పార్టీ ప్రభంజనాలు, నాయకుల పట్ల సానుభూతి వంటి వాటికంటే కూడా ఇక్కడ పోటీ చేసే అభ్యర్థుల వ్యక్తిగత సామర్ధ్యం, గుణగణాలను బట్టే ప్రజలు తీర్పునిస్తారు.

1978లో అంతటి ఇందిరాగాంధీ ప్రభంజనంలో కూడా ఈ జిల్లాలో

ఉదయగిరిలో మాత్రం కాంగ్రెస్‌ ఓడి పోయింది. జనసంఘ్‌ అభ్యర్థిగా వెంకయ్య నాయుడు గెలిచాడప్పుడు. 1983లో ఎన్టీఆర్‌ ప్రభంజనం ఉధృతంగా పని చేసింది. జిల్లాలో 10అసెంబ్లీ సీట్లలో తెలుగుదేశం విజయఢంకా మోగించింది. కాని ఉదయగిరిలో మాత్రం ఓడిపో యింది. బీజేపీ అభ్యర్థిగా వెంకయ్య నాయుడు విజయం సాధించారు. కేవలం అభ్యర్థి వ్యక్తిగత విజయాలే ఇవి.

రాజకీయాలను డబ్బు శాసిస్తున్న నేటి కాలంలో కూడా ఉదయగిరి ప్రజలు మాత్రం ముందు అభ్యర్థి వ్యక్తిగత వ్యవ హారశైలికే ప్రాధాన్యతనిస్తుంటారు. ఇక్కడనుండి ఎమ్మెల్యేగా గెలిచినవాళ్ళు తమ ఇళ్లలో పెళ్లిళ్లకు, కర్మంత్రాలకు రావాలని, తాము కనిపిస్తే పేరుపెట్టి ఆప్యాయంగా పిలవాలని కోరుకుంటారు. ఇక్కడ సామాన్య ప్రజలు ఎమ్మెల్యేల నుండి అంతకుమించి ఆశించేదేమీ వుండదు. గతంలో ఇక్కడ ఎమ్మెల్యేలుగా పనిచేసిన వెంకయ్యనాయుడు, కంభం విజయరామి రెడ్డి, స్వర్గీయ మాదాల జానకిరామ్‌లు అటువంటి ట్రెండ్‌నే ఫాలో అయ్యారు.

అలా మెయింటెన్‌ చేయడంలో మాజీ ఎమ్మెల్యే మేకపాటి చంద్రశేఖర్‌రెడ్డి కొంత వరకు పర్వాలేదు. 2014 ఎన్నికలలో ఆర్ధికంగా కొన్ని లోటుపాట్లు వల్ల ఓడి పోయాడు. ఎంపి అభ్యర్థి, ప్లస్‌ ఆయన అన్న అయిన మేకపాటి రాజమోహన్‌రెడ్డి ఏ మాత్రం సహకరించున్నా గెలిచే సుండేవాడు.

ఇక ప్రస్తుత ఎమ్మెల్యే బొల్లినేని రామా రావు అయితే గత ఎమ్మెల్యేల నైజానికి పూర్తిగా విరుద్ధం. అతను కాంట్రాక్టర్‌. అదికూడా మహారాష్ట్రలో ఉంటాడు. వారానికి ఒకట్రెండు రోజులు మాత్రమే నియోజకవర్గానికి రాగలుగుతున్నాడు. మండలస్థాయి నాయకులతో కలవడానికే ఆయనకు టైం సరిపోవడం లేదు. చిన్న స్థాయి వ్యక్తులను కలవడానికి ఆయన ఇష్టపడడని కూడా అంటారు. ఇక జనా లనేం కలుస్తాడు... వారిళ్ళలో కార్యా లకు ఏం వెళతాడు? జనాల్లో ఉండడం లేద నేదే ఆయనపై వ్యతిరేకత!

ఈసారి ఆయనకు సీటిస్తే ఉదయ గిరిలో గెలవడనే ప్రచారం నియోజక వర్గంలో విస్తృతంగా వుంది. మరి ఆయ నకు ప్రత్యామ్నాయ అభ్యర్థి ఎవరనే దానిపై చర్చ జరుగుతోంది. ఈ పరంపరలో మాజీఎమ్మెల్యే కంభం విజయరామిరెడ్డి, పారిశ్రామికవేత్త కావేరి కృష్ణారెడ్డిల పేర్లు వినిపిస్తున్నాయి. అలాగే వైసిపి నుండి మేకపాటి చంద్రశేఖర్‌రెడ్డే మేలని కొందరు, ఆయన కంటే గౌతమ్‌ అయితే బెటర్‌ అని మరికొందరు అంటున్నారు. మొత్తానికి పాత అభ్యర్థులు ఇద్దరూ మారితేనే బాగుం టుందనే కొత్తపాట నియోజకవర్గంలో ఇక్కడా అక్కడా వినిపిస్తూ వుంది!

mettaదేశమంతా వర్షాలు బాగా కురిసినా ఆ ప్రాంతంలో కనీస వర్షాలు కురవవు. దేశంలో డ్యాంలు, చెరువులన్నీ నిండినా ఆ ప్రాంతంలో చెరువులు, బావులు నిండవు. తీవ్ర వర్షాభావంతో మెట్టప్రాంతా నికి నిలువెత్తు చిరునామాగా నిలిచే ఆ కరువు సీమే ఉదయగిరి ప్రాంతం.

రావణాసురుడు తన చెల్లెలు శూర్ప నఖకు పసుపు కుంకుమ క్రింద ఈ గడ్డను రాసిచ్చాడని, అందుకే ఈ ప్రాంతంలో సరిగా వర్షాలు పడవని, పంటలు పండ వని చెప్పుకుంటుంటారు. ఇది పుక్కిటి పురాణమే అయినా కొన్నిసార్లు ఇక్కడ నెల కొంటున్న తీవ్ర వర్షాభావ పరిస్థితులను చూస్తుంటే వీటిని నమ్మాల్సిన పరిస్థితి వస్తుంది. గత ఏడాదితో పోలిస్తే ఈ ఏడాది జిల్లాలో వర్షాలు ఓ మోస్తరుగానే పడ్డాయి. మరీ వరదలు వచ్చి చెరువులు తెగిపోయేంత వానలు లేకున్నా తాగునీటికి, ఒక కారు సాగు నీటికి ఇబ్బంది లేనంతగా కురిసాయి. సోమశిలకు 50 టీఎంసీలకు పైగానే నీళ్ళు రాబట్టి మొదటి పంటకు నీళ్లిస్తున్నారు. అయితే జిల్లాలోని 10 అసెంబ్లీ నియోజకవర్గాలలో మిగతా 9 నియోజకవర్గాలు ఒకెత్తయితే ఉదయగిరి ఒక్కటే ఒకెత్తు. వరుసగా మూడో ఏదాడి కూడా ఈ ప్రాంతంలో సరిగా వానలు పడలేదు. నెల్లూరు చుట్టుపక్కల గత నెలలో భారీ వర్షాలు కురిసిన రోజుల్లో కూడా

ఉదయగిరి, సీతారామపురం, వింజమూరు, దుత్తలూరు, వారికుంటపాడు, కొండా పురం మండలాలలో ఎండలు సుర్రుమని పించాయి. అడపాదడపా సన్నటి జల్లులు పడడం తప్ప చెరువుల్లోకి, బావుల్లోకి నీళ్లొచ్చే స్థాయిలో వానలు పడలేదు. జిల్లాలోని మిగిలిన 9 నియోజకవర్గాలకు సోమశిల నీళ్ళు పారుతుంటాయి. సోమ శిలకు 250 కిలోమీటర్ల దూరంలో వున్న చెన్నైకు, 200 కిలోమీటర్ల దూరంలో వున్న తిరుపతికి కూడా పెన్న నీళ్ళు పోతుం టాయి. పెన్నకు గట్టిగా పాతిక కిలోమీటర్ల దూరం లేని ఉదయగిరి మెట్టప్రాంతానికి మాత్రం సోమశిల నీళ్ళుండవు. అది ఈ మెట్టప్రాంత ప్రజల దరిద్రం.

ఉదయగిరి ప్రాంతవాసులకు సోమ శిల నుండి నీళ్ళు అందించాలన్న లక్ష్యంతో గత కాంగ్రెస్‌ ప్రభుత్వంలో ఆర్ధిక మం త్రిగా వున్న ఆనం రామనారాయణరెడ్డి దాదాపు 400కోట్ల అంచనాలతో సోమశిల హైలెవల్‌ కెనాల్‌ను మంజూరు చేయించారు. అయితే ఈ పనులు ఇంకా పూర్తి కాలేదు. ఈ కెనాల్‌ పూర్తయితేనే ఉదయగిరి ప్రాంతానికి ఎంతో ప్రయో జనం చేకూరుతుంది. ఈలోపు మెట్టకు కష్టాలు గట్టెక్కేటట్లు లేవు. ఈ ఏడాది కూడా వర్షాలు లేక రైతులు పొలాలను బీళ్ళుగా పెట్టుకుంటున్నారు. కొద్దిపాటి వర్షాలు కురిసున్నా వేలాది ఎకరాలలో మినుము, పొగాకు సాగుచేసేవాళ్ళు. ఈ సంవత్సరం నీళ్ళు లేక పెద్దగా ఆ పైర్లు కూడా వేయలేదు.

సాగునీరు సంగతి అటుంచితే ఈ ఏడాది మార్చి, ఏప్రిల్‌ నెలలకల్లా ఈ మండలాలలో తాగునీటి సమస్య కూడా తీవ్రమయ్యే ప్రమాదముంది.

Page 1 of 3

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter