vnk dhonభారత క్రికెట్‌ దిగ్గజం, ఇండియన్‌ క్రికెట్‌ టీమ్‌ను విజయాలకు చిరునామాగా మార్చిన సారధి మహేంద్రసింగ్‌ ధోనీ ఈ నెల 12వ తేదీన నెల్లూరుజిల్లాకు వస్తున్నారు. ఆరోజు వెంకటాచలంలోని స్వర్ణభారత్‌ ట్రస్ట్‌ ప్రాంగణంలో జరిగే సంక్రాంతి సంబరాలలో ఉపరాష్ట్రపతి యం.వెంకయ్యనాయుడుతో కలిసి పాల్గొనబోతున్నారు. ఆరోజు మధ్యాహ్నానికి ఆయన వెంకటాచలంలోని అక్షర విద్యాలయంకు చేరుకుంటారు. భోజనానంతరం స్వర్ణభారత్‌ ట్రస్ట్‌కు వచ్చి, సంక్రాంతి వేడుకలలో పాల్గొంటారు. ధోని వస్తుండడంతో నెల్లూరుజిల్లాలో క్రికెట్‌ అభిమానులకు పెద్ద పండుగ వచ్చినట్లయ్యింది. ఆయన రాక కోసం అభిమానులు వేయి కళ్ళతో ఎదురుచూస్తున్నారు. ఇక ఉపరాష్ట్రపతి యం.వెంకయ్యనాయుడు 11వ తేదీ నెల్లూరొచ్చి 15వ తేదీ దాకా ఇక్కడే వుంటారు. పాతమిత్రులతో విందు సమా వేశంలో పాల్గొంటారు. పండుగరోజుల్లో సొంత ఊరిలో బంధువులు, మిత్రులతో గడపనున్నారని, ఎటువంటి అధికారిక కార్యక్రమాలు పెట్టుకోవడం లేదని తెలుస్తోంది. కాగా, స్వర్ణభారత్‌ ట్రస్ట్‌లో జరిగే సంక్రాంతి సంబరాలకు ఉభయ రాష్ట్రాల గవర్నర్‌ నరసింహన్‌, మహారాష్ట్ర గవర్నర్‌ సి.హెచ్‌.విద్యాసాగర్‌రావు, తమిళనాడు గవర్నర్‌ బన్వారీలాల్‌ పురోహిత్‌లు కూడా హాజరయ్యే అవకాశాలున్నట్లు సమాచారం.

venkaiahరాజకీయాలలో ఉంటే పక్కా రాజకీయ నాయకుడిలా వ్యవహరిం చాలి. రాజ్యాంగ పదవుల్లో వుంటే రాజ్యాంగ పరిరక్షకుడిగా నడుచు కోవాలి. నాలుగు నెలల క్రితం రాజ కీయ నాయకుడి నుండి రాజ్యాంగ పరి రక్షకుడిగా మారిన భారత ఉపరాష్ట్ర పతి యం.వెంకయ్యనాయుడు అదేపని చేశాడు.

రాజ్యసభ ఛైర్మెన్‌ హోదాలో రాజ్యాంగ విలువలను కాపాడేలా ఒక నిర్ణయం తీసుకున్నారు. పార్టీ ఫిరాయింపుల నిరోధక చట్టాన్ని అమలు చేస్తూ దళ్‌(యు) సభ్యులైన శరద్‌యాదవ్‌, ఆలీ అన్వర్‌ అన్సారీల రాజ్యసభ సభ్యత్వాలను రద్దు చేశారు. బీహార్‌లో దళ్‌(యు) ఆర్జేడీల మధ్య పొత్తు విచ్ఛినమై, దళ్‌(యు) బీజేపీతో జత కట్టడం తెలిసిందే! అయితే శరద్‌యాదవ్‌, ఆలీఅన్వర్‌ అన్సారీలు పార్టీ నిర్ణయాన్ని ధిక్కరించి వేరుగా ఉండిపోయారు. దీంతో దళ్‌(యు) నాయకత్వం వీరిద్దరి మీద చర్య తీసుకోవాలని రాజ్యసభ ఛైర్మెన్‌ను కోరింది. ఈ నేపథ్యంలోనే వారిద్దరిపై వేటు వేస్తూ వెంకయ్యనాయుడు నిర్ణయం తీసుకున్నారు. అంతేకాదు, ఆయన ఈ సందర్భంగా చేసిన వ్యాఖ్యలు ఆంధ్రా, తెలంగాణ శాసనసభాధిపతులకు చెంపపెట్టు వంటివనే చెప్పవచ్చు. చట్టసభల సభ్యుల పార్టీ ఫిరాయింపు కేసుల్లో సభాపతులు మూడు నెలల్లో నిర్ణయం తీసుకోవాలి. రాజ్యాంగంలోని పదో షెడ్యూల్‌ క్రింద సభ్యుల అనర్హతపై దాఖలు చేసిన పిటిషన్లపై సకాలంలో నిర్ణయం తీసుకోవాలి. అలా కొందరు సభాపతులు నిర్ణయం తీసుకోకపోతుండడం వల్లే వారి తీరుపై విమర్శలు వస్తున్నాయి. ఇలాంటి పిటిషన్లపై నిర్ణయం తీసుకునే విషయంలో సభాపతులు అనవసర కాలయాపన చేస్తున్నారని సుప్రీంకోర్టు కూడా అభిప్రాయపడింది. సభాపతులు ఇలాంటి పిటిషన్‌లను ఎంతోకాలం నానబెట్టడం మంచిది కాదు. పార్టీ ఫిరాయించిన సభ్యులకు చట్టప్రకారం వాదన చెప్పుకునే అవకాశం కల్పించి మూడు నెలల్లో సభాపతులు నిర్ణయం తీసుకోవాలి. ఇవీ భారత ఉపరాష్ట్రపతి వెంకయ్యనాయుడు చెప్పిన ఆణిముత్యాలు... నిన్నటిదాకా ఆయనా రాజకీయనాయకుడే! తెలుగుదేశంకు మిత్రపక్ష సభ్యుడే... ముఖ్యమంత్రి చంద్రబాబుకు సన్నిహితుడే! ఆయన నుండి తెలుగుదేశం వాళ్ళు ఏం నేర్చుకున్నారు? మూడున్నరేళ్ళుగా రాష్ట్రంలో పార్టీ ఫిరాయింపుల పర్వం జరుగుతోంది. వైకాపాకు చెందిన ముగ్గురు ఎంపీలను, 22మంది ఎమ్మెల్యేలను తెలుగుదేశంలో చేర్చుకున్నారు. పార్టీ ఫిరాయింపుల నిరోధక చట్టం క్రింద వారిపై చర్యలు తీసుకోవాలని వైసిపి పిటిషన్‌లు వేసింది. ఏపి శాసనసభాపతి నుండి ఉలుకు పలుకు లేదు. అంతెందుకు లోక్‌సభలో కూడా పార్టీ ఫిరాయించిన ముగ్గురు ఎంపీలపై ఇంతవరకు చర్యలు లేవు. పార్టీ ఫిరాయింపుల విషయంలో రాజ్యసభలో ఒక నీతి

ఉంటే ఆయా రాష్ట్రాలలో ఇంకో నీతి ఉంటుందా?

దళ్‌(యు) సభ్యులన్నా పార్టీని వీడిపోలేదు. పార్టీ నిర్ణయాన్ని ధిక్కరించారంతే! కాని ముగ్గురు ఎంపీలు, 22మంది ఎమ్మెల్యేలు వైసిపి గుర్తు మీద గెలిచి, పార్టీ ఫిరాయించారు. అలాంటి ఫిరాయింపుదారుల మీద చర్యలు తీసుకోకపోతే రాజ్యాంగానికి విలువలేదు. ఫిరాయింపుల నిరోధక చట్టానికి గౌరవం లేదు. మన సభాపతులు వెంకయ్యనాయుడును చూసైనా మారితే రాజకీయాలలో కొంతవరకన్నా విలువలను కాపాడినవారవుతారు.

venkaiఅక్టోబర్‌ 19వ తేదీ దీపావళి పండుగను దేశ సరిహద్దుల్లో దేశం కోసం ప్రాణాలొడ్డి పోరాడే వీరజవానులతో జరుపుకుని తన ప్రత్యేకతను, దేశభక్తిని చాటారు మన భారత ఉపరాష్ట్రపతి వెంకయ్యనాయుడు. తన శ్రీమతి ఉషమ్మతో కలసి ఇండోటిబెటన్‌ సరిహద్దు సైనికులకు మిఠాయిలు పంచిపెట్టారు. వారందరినీ పేరుపేరునా పలుకరించి పులకరింపజేశారు.

Page 1 of 8

newsbottomad

ఎక్కువగా చదివిన వార్తలు

  • ఇప్పుడిప్పుడే పుంజుకుంటున్న రియల్‌
    వై.యస్‌.రాజశేఖరరెడ్డి మరణం తర్వాత నెల్లూరుజిల్లాలో రియల్‌ మార్కెట్‌ పడిపోయింది. ఆ తర్వాత కూడా రియల్‌ రంగానికి అన్నీ ఎదురుదెబ్బలే! వై.యస్‌. మరణంతో జిల్లాలో పారిశ్రామికాభివృద్ధి కుంటుపడడం, ఆ తర్వాత వచ్చిన సీఎంల పాలనలో వేగం లేకపోవడంతో రియల్‌ మార్కెట్‌లో ప్రతిష్టంభన ఏర్పడింది.…
  • మేజర్‌లు... మున్సిపాల్టీలయ్యేనా?
    నెల్లూరుజిల్లాలో కొత్త మున్సిపాల్టీల ఏర్పాటులో కదలిక వచ్చినట్లుగా తెలు స్తోంది. రాష్ట్ర ప్రభుత్వం పట్టణీకరణలో భాగంగా పలు మేజర్‌ పంచాయితీలను మున్సిపాల్టీలుగా మార్పు చేయాలనుకుంది. ఈమేరకు మున్సిపాల్టీలుగా మార్చగల పంచాయితీ పేర్లను ప్రతిపాదించాలని కలెక్టర్లను ఆదేశించడం జరిగింది. నెల్లూరుజిల్లా కలెక్టర్‌ ఛైర్మెన్‌గా…
  • నానుతున్న నారాయణ
    చాలాకాలంగా మంత్రి నారాయణ పేరు జిల్లాలో నానుతుంది. వచ్చే ఎన్ని కల్లో ఆయన పోటీ చేస్తాడనే ఊహాగా నాలు వినిపిస్తున్నాయి. పలుసార్లు ఆయన తాను పోటీ చేయనని చెప్పినప్పటికీ ఆ ప్రచారం మాత్రం ఆగడం లేదు. మొదటినుండి నెల్లూరు నగరం నుండి…
  • వెంకటగిరి... నా ఊపిరి!
    నెల్లూరుజిల్లా రాజకీయ చరిత్రలో గుర్తుండిపోయే నాయకుడు స్వర్గీయ నేదురుమల్లి జనార్ధన్‌రెడ్డి. ఒకే జెండాను, ఒకే అజెండాను, ఒకే సిద్ధాంతాన్ని, ఒకే రాజకీయ మార్గాన్ని ఎంచుకుంటే సామాన్యులు సైతం అత్యున్నత స్థానాలకు ఎదుగుతారనడానికి రెండు ఉదాహరణలు ఈ జిల్లా నుండే వున్నాయి. తొలినుండి…
  • అయోమయంలో ఆనం
    నెల్లూరుజిల్లాలో బలమైన రాజకీయ కుటుంబానికి చెందిన ఆనం రామనారాయణరెడ్డి ఇప్పుడు వినూత్న సమస్యలో చిక్కుకుని వున్నాడు. తన రాజకీయ భవిష్యత్‌ దృష్ట్యా ఎటువైపు అడుగులు వేయాలో తెలియని సందిగ్ధ స్థితిలో ఉన్నాడు. ఇటీవలే ఆనం రామనారాయణరెడ్డి తెలుగుదేశంపార్టీని వీడుతున్నట్లు జోరుగా ప్రచారం…

Newsletter