nlr ycpరాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాలలో నెల్లూరు అగ్రస్థానంలో ఉంటుంది. బలమైన రాజకీయ కుటుంబాలన్నీ తెలుగుదేశం పార్టీలో వున్నప్పటికీ ఈ జిల్లాలో ప్రజలు మాత్రం వైకాపాకే వెన్నుదన్నుగా వున్నారు. 2014 ఎన్నికల్లో ఈ జిల్లా ప్రజలు వైకాపాకు జైకొట్టారు. రెండు లోక్‌సభ స్థానాలతో పాటు పది అసెంబ్లీలో ఏడింటిని వైకాపాకే కట్టబెట్టారు.

అప్పటికీ ఇప్పటికీ ట్రెండ్‌ మారలేదు. 2014ఎన్నికల తర్వాత పలువురు నాయకులు తెలుగుదేశంలో చేరారు. కాని, వారి వెంట కార్యకర్తలు, ప్రజలు పోలేదు. 2014తో పోలిస్తే జిల్లాలో వైకాపా ఇంకా బలం పుంజుకుందనే చెప్పవచ్చు. కాకపోతే నియో జకవర్గాల విషయంలో క్లారిటీ రావాల్సివుంది. ముఖ్యంగా నెల్లూరు లోక్‌సభ స్థానానికి ఈసారి అభ్యర్థిని మార్చాలి. ప్రస్తుత ఎంపీ మేకపాటి రాజమోహన్‌రెడ్డిపై వ్యతిరేకత వుంది. కొత్త అభ్యర్థిని రంగంలోకి దించడం అన్ని విధాలా బెటర్‌. ఈ దిశగా ఇప్పటినుండే కొత్త అభ్యర్థిపై దృష్టిని సారించాల్సివుంది. ఎంపీ అభ్యర్థివల్ల 7అసెంబ్లీ నియోజకవర్గాల అభ్యర్థులకు ఓట్ల పరంగా ప్రయోజనం కలిగేలా ఉండాలి.

ఇక వెంకటగిరి నుండి గత ఎన్నికల్లో పోటీ చేసిన కొమ్మి లక్ష్మయ్యనాయుడు పార్టీకి దూరంగా వుంటున్నాడు. జడ్పీ ఛైర్మెన్‌ బొమ్మిరెడ్డి రాఘవేంద్రరెడ్డే ఇక్కడ ఇన్‌ఛార్జ్‌గా వ్యవహరిస్తున్నాడు. అయితే ఇక్కడ మాజీ ముఖ్యమంత్రి కుమారుడు కూడా లైన్లో ఉన్నాడు. ఆయన పార్టీలోకి వస్తే మళ్ళీ ఇక్కడ సమీకరణలు మారే అవ కాశం ఉంది. అలాగే టీడీపీలో వున్న మరో ముఖ్యనేత పేరు కూడా వినిపిస్తుంది. అందువల్ల ప్రస్తుతానికి ఇక్కడ సీటు ఎవరిదన్న స్పష్టత రావాల్సివుంది. సర్వేల ద్వారా ఇక్కడ ఎవరు గట్టిఅభ్యర్థి అన్నది తేల్చు కోవాలి. గూడూరు ఎమ్మెల్యే పాశం సునీల్‌ కుమార్‌ తెలుగుదేశంలో చేరడం తెలిసిందే! తర్వాత మేరిగ మురళీధర్‌ను గూడూరు ఇన్‌ఛార్జ్‌గా పెట్టారు. అయితే మురళీధర్‌ ఇక్కడ తట్టుకుని నిలవడం కష్టం. మేకపాటి వాళ్ళు మాత్రం మేరిగ మురళీకే సీటివ్వా లన్నట్లు మాట్లాడుతున్నారు. కాని అతను సరిపోడనిపిస్తోంది. ఈ నియోజకవర్గానికి ప్రస్తుతం కాంగ్రెస్‌లో వున్న ఓ నాయకుడి పేరు గట్టిగా వినిపిస్తోంది. అతనైతేనే గట్టిపోటీ ఇవ్వగలడని ప్రచారం ఉంది. కాబట్టి గూడూరు అభ్యర్థి ఎవరన్నది కూడా తేలాల్సివుంది. నెల్లూరు నగరం, రూరల్‌, సర్వేపల్లి నియోజకవర్గాలు మళ్ళీ సిటింగ్‌ ఎమ్మెల్యేలకే దక్కుతాయి. ఇందులో సందేహం లేదు. కావలి సీటు విషయంలో మాత్రం సిటింగ్‌ ఎమ్మెల్యే ప్రతాప్‌కు మాజీ ఎమ్మెల్యే కాటంరెడ్డి విష్ణువర్ధన్‌రెడ్డికి మధ్య కొట్లాట జరుగుతోంది. గతంలో కావలిలో జరిగిన పార్టీ ప్లీనరీ సమావేశంలో ఈసారి కూడా సీటు ప్రతాప్‌కే అని చెప్పి ఎంపీ మేకపాటి రాజమోహన్‌రెడ్డి వివాదాలకు ఆజ్యం పోశాడు. ఈసారి కావలి సీటు నాశిస్తున్న మాజీఎమ్మెల్యే కాటంరెడ్డి విష్ణు వర్ధన్‌రెడ్డి అప్పుడే ఎంపీపై మండిపడటం తెలిసిందే! కావలిలో ఎవరు కరెక్టో సర్వే నిర్వహించాకే అభ్యర్థిని తేల్చాలని విష్ణు పట్టుబట్టాడు కూడా! ఈ విషయం తేల్చ లేదని చెప్పే జిల్లాలో జగన్‌ పాదయాత్రకు కూడా విష్ణు దూరంగా ఉండిపోయాడు. అలాగే మరో మాజీఎమ్మెల్యే వంటేరు వేణుగోపాలరెడ్డి సీటు విషయమై గట్టిగా పట్టుబట్టనప్పటికీ అతని మద్దతు కూడా కీలకం కానుంది. కాబట్టి ఇక్కడ ముగ్గురి మధ్య సమన్వయం కుదరాల్సివుంది. అభ్యర్థి ఎవరైనా మిగతావాళ్ళు మద్దతుగా పనిచేస్తేనే ఇక్కడ పార్టీ విజయావకాశాలు మెరుగ్గా ఉంటాయి. కోవూరు ప్రసన్నకే

ఉండొచ్చన్న ధీమా ఉన్నప్పటికీ, ఇక్కడ కూడా అభ్యర్థిని మార్చి ప్రసన్నకు 2019 తరువాత ఎం.ఎల్‌.సి ఇవ్వాలనే ఆలో చనలో పార్టీ వున్నట్లు సమాచారం. అయితే ఇక్కడ నిలబడగలిగే అభ్యర్థి ఖచ్చితంగా తెలుగుదేశం నుండి రాబోయేవాడే కాబట్టి అది ఎవరన్నది తేలాల్సివుంది. ఆత్మకూరు, ఉదయగిరి సీట్లలో మేకపాటి కుటుంబ సభ్యులే పోటీ చేస్తారా లేక నేతల మార్పిడి ప్రక్రియలో ఒక సీటును ఉంచుకుని ఇంకొ కటి వేరేవాళ్ళకు కేటాయిస్తారా అన్నది చూడాలి. ఉదయగిరి నుండి వాళ్ళు పోటీ చేసి ఆత్మకూరుకు అప్పటికి గట్టి అభ్యర్థి దొరికితే పోటీకి దించే ఆలోచనలు కూడా వున్నాయి. అన్ని నియోజకవర్గాలలో అభ్యర్థుల విషయమై క్లారిటీ వస్తే ప్రజల్లోకి వెళ్ళడానికి, పరపతి పెంచుకోవడానికి అవకాశం ఉంటుంది.

అంతిమ నిర్ణయం జగన్మోహన్‌రెడ్డిదే అయినా ప్రస్తుతం ఇన్‌ఛార్జ్‌గా వ్యవహ రిస్తున్న సజ్జల రామకృష్ణారెడ్డి పాత్ర కూడా ఇక్కడ కీలకమే. అయితే రామకృష్ణారెడ్డికి నెల్లూరుజిల్లాపై పెద్దగా అవగాహన లేదు. నేరుగా పైస్థాయి నాయకులతో ఆయన మాట్లాడుతున్నాడు తప్ప సామాన్యులతో ఆయన మాట్లాడే అవకాశమే లేదు. నేత లతో తప్ప జిల్లాలో ఎవరితోనూ ఆయ నకు పెద్దగా పరిచయాలు కూడా లేవు. వై.యస్‌.రాజశేఖరరెడ్డి హయాం నుండి జిల్లా గురించి క్షుణ్ణంగా తెలిసిన వ్యక్తిగా వై.వి.సుబ్బారెడ్డికి పేరుంది. అయితే ఆయనను తొలగించి జిల్లాతో పూర్తిగా పరిచయాలు, అవగాహన లేని వ్యక్తిని నెల్లూరుజిల్లా ఇన్‌ఛార్జ్‌గా పెట్టడం కూడా ప్రస్తుత నాయక గణానికి చాలామందికి ఇష్టం లేదు. తెలుగుదేశం, కాంగ్రెస్‌ పార్టీల నుండి వలసవీరులు రెడీగా వున్నారు. సమన్వయ లోపం లేకుండా వాళ్ళందరినీ పార్టీలోకి ఆహ్వానించి ఎవరిని ఎక్కడ వాడుకోవాలో తెలిసిన ఇన్‌ఛార్జ్‌ ఇప్పుడు నెల్లూరుజిల్లాకి చాలా అవసరం.

ఏదేమైనా రాబోయే ఎన్నికలు చాలా ప్రతిష్టాత్మకమైనవి. ఒకటికి పదిసార్లు అవపాసన పట్టి, అవగాహన చేసుకుని నిర్ణయం తీసుకోవాల్సిన అవసరం ఉంది.

jumpingsభారత రాష్ట్రపతి, గవర్నర్‌లు మన ప్రజాస్వామ్య వ్యవస్థలో రబ్బరు స్టాంపులే! అయితే అన్ని వేళల్లో కాదు. తమకు అవకాశం వచ్చినప్పుడు వారు ఉగ్రరూపం దాలిస్తే ఆ పరిణామాలు వేరుగా ఉంటాయి. ప్రజల బ్రతుకులతో, సమాజం భవిష్యత్‌తో ఆడుకునే రాజకీయ నాయకులకు ముచ్చెమటలు పట్టించగల శక్తులు కేవలం రాజ్యాంగ పదవుల్లో ఉన్నవారికి మాత్రమే ఉంటాయి. కనీసం వాళ్ళు అప్పుడప్పుడన్నా ఆ శక్తులను ఉప యోగిస్తే ప్రజాస్వామ్య వ్యవస్థలో చోటుచేసుకునే దారుణాలలో కొన్నింటి నన్నా అరికట్టవచ్చు.

చంద్రబాబు త్వరలో మంత్రివర్గ విస్త రణ చేపట్టాలనుకుంటున్న దృష్ట్యా రాష్ట్ర గవర్నర్‌ నరసింహన్‌ పాత్ర చాలా కీల కంగా మారింది. ప్రజాస్వామ్య బద్ధంగా ఎన్నికైన ప్రభుత్వాలు శాంతి భద్రతలను కాపాడడంలో విఫలమైనప్పుడు గవర్నర్లు క్రియాశీలకంగా వ్యవహరిస్తారు. ఉమ్మడి రాష్ట్రంలో జరిగిన తెలంగాణ ఉద్యమం సమయంలోనూ గవర్నర్‌గా నరసింహన్‌ చాలా సమర్ధవంతంగా విధులు నిర్వ ర్తించారు. ఇప్పుడు మరోసారి ఆయనకు తన సచ్ఛీలతను, రాజ్యాంగ స్ఫూర్తిని చాటుకునే సమయం వచ్చింది. చంద్ర బాబు మంత్రివర్గ విస్తరణకు ముహూర్తం పెట్టబోతున్నాడు. బహుశా ఉగాదే శుభ ముహూర్తం కావచ్చు కూడా! తన పుత్ర రత్నం లోకేష్‌ను మంత్రివర్గంలోకి తీసు కోవడం ఖాయం. అలాగే ఉన్నవారిలో ఓ నలుగురైదుగురిని పీకి వారి స్థానంలో సీనియర్లను తీసుకోవాలనుకుంటున్నారు. ఇంతవరకు ఎటువంటి అభ్యంతరాలు

ఉండవు. వీరితో పాటు వైకాపా నుండి వచ్చిన ఎమ్మెల్యేలలో కూడా ఓ ముగ్గురు లేదా నలుగురికి మంత్రి పదవులు ఇవ్వా లనుకుంటున్నారు. ముందుగా చేసుకున్న ఒప్పందం ప్రకారమే వీళ్ళు తెలుగు దేశంలో చేరారు. ఆ కోటాలో భూమా అఖిలప్రియ, ఆకే అమర్‌నాథ్‌రెడ్డి, సుజయ్‌ రంగారావు, జ్యోతుల నెహ్రూ పేర్లు విని పిస్తున్నాయి. అయితే జంపింగ్‌ ఎమ్మెల్యే లను మంత్రివర్గంలోకి తీసుకోవడానికి గవర్నర్‌ నరసింహన్‌ మోకాలడ్డుతున్నట్లు తెలుస్తోంది. మంత్రివర్గంలోకి తీసుకోవా లనుకుంటున్న జంపింగ్‌ ఎమ్మెల్యేలు తమ ఎమ్మెల్యే పదవులకు రాజీనామాలు చేయాలి. ఆమోదించుకోవాలి. ఆ తర్వాత మంత్రిగా ప్రమాణస్వీకారం చేసి, తెలుగు దేశం అభ్యర్థులుగా గెలుపొందాలి. ఇదే జంపింగ్‌ జిలానీలకు గవర్నర్‌ ఇస్తున్న ఝలక్‌!

తెలంగాణలో జరిగిన అనుభవం తోనే గవర్నర్‌ నరసింహన్‌ ఈ నిర్ణయంపై గట్టిగా ఉన్నాడని తెలుస్తోంది. అక్కడ తెలుగుదేశం నుండి టీఆర్‌ఎస్‌లో చేరిన తలసాని శ్రీనివాసయాదవ్‌ను మంత్రివర్గం లోకి తీసుకున్నారు. దీనిపై తెలంగాణ తెలుగుదేశం నాయకులు తీవ్ర రాద్ధాంతం చేసారు. మా పార్టీలో గెలిచిన ఎమ్మెల్యే చేత మంత్రిగా ఎలా ప్రమాణస్వీకారం చేయిస్తారంటూ గవర్నర్‌పైనే ఆరోపణలు ఎక్కుపెట్టారు. ఆ తర్వాత అక్కడ తలసాని ఎమ్మెల్యే పదవికి రాజీనామా చేయడం జరిగింది. తలసానిని మంత్రివర్గంలోకి తీసుకోవడంపై తెలంగాణ తమ్ముళ్ళు హైకోర్టుకు కూడా వెళ్లారు.

తెలంగాణ వ్యవహారమే ఇప్పుడు చంద్రబాబుకు చిక్కుముడిగా మారింది. తలసాని విషయంలో చేసిన రాద్ధాంతమే ఇప్పుడు ఆయనకు ఇబ్బందిగా మారింది. తలసాని విషయంలో విలువలను ప్రశ్నిం చిన మీరు ఇప్పుడు వైకాపా ఎమ్మెల్యేలను ఎలా మంత్రివర్గంలోకి తీసుకుంటారని గవర్నర్‌ ప్రశ్నిస్తే చంద్రబాబు వద్ద సమా ధానం ఉండదు. ఈ విషయంలో గవర్నర్‌ తన వైఖరికే కట్టుబడితే జంపింగ్‌లకు మంత్రి పదవులు దక్కడం అనుమానమే!

ఒకవేళ చంద్రబాబు విలువలకు కట్టుబడి జంపింగ్‌ ఎమ్మెల్యేల చేత రాజీ నామాలే చేయించాడనుకుందాం... ఉప ఎన్నికల్లో తిరిగి వీళ్లు గెలవగలరా? అసలు ఇప్పుడున్న పరిస్థితుల్లో చంద్రబాబు ఉప ఎన్నికలకు పోవడమంటే మురికిగుంటను వెదుక్కుని మరీ దూకడమే అవుతుంది.

vala pakఎరక్కపోయి వచ్చాము ఇరుక్కుపోయాము అన్నట్లుగా వుంది వైయస్సార్‌కాంగ్రెస్‌ పార్టీ నుండి తెలుగుదేశంలో దూరిన ఎమ్మెల్యేల పరిస్థితి. తెలుగుదేశం ఎమ్మెల్యేలు కోట్లు కోట్లు సంపాదిస్తున్నారని, నియోజకవర్గాలలో వారి హవా నడుస్తుందని, అక్కడకు పోతే మనం కూడా దర్జాగా ఉండొచ్చని భావించి 21మంది దాకా వైసిపి ఎమ్మెల్యేలు తెలుగుదేశంలో చేరారు. వీరిలో కొందరు చంద్రబాబు తాయిలాలకు ఆకర్షితులు కాగా, బలమైన నాయకులకు మాత్రం మంత్రి పదవులను ఎరగా వేశారు. వీళ్లంతా కూడా పార్టీ నుండి వచ్చేటప్పుడు జగన్‌కు మంచి మర్యాద తెలియదని, సీనియర్లంటే గౌరవం లేదని, తెలుగు దేశంలోకి రావడం పుట్టింటికి వచ్చినట్లుగా వుందని రకరకాల ప్రకటనలు చేశారు. తెలుగుదేశంలో చేరాక తామే కింగ్‌లమనుకున్నారు.

కాని, ఇప్పుడు అక్కడ పరిస్థితి చూసి కొందరు ఎమ్మెల్యేలు మేం పెనం మీద నుండి పొయ్యిలో పడ్డామని బాధపడుతున్నట్లు తెలుస్తోంది. ముఖ్యంగా ఒక సామాజిక వర్గానికి చెందిన ఎమ్మెల్యేలైతే మనసు చంపుకుని తెలుగుదేశంలో చేరారు. కాని ఆ పార్టీలో నెలకొన్న పరిస్థితులు వీరికి ఏ మాత్రం మింగుడు పడడం లేదు. తమ నియోజకవర్గాలలో అంతకుముందే వున్న తెలుగుదేశం నాయకులు వీరిని ఏ మాత్రం లెక్కచేయడం లేదు. వీరిలో కొందరికి చంద్రబాబు మంత్రిపదవుల హామీ ఇచ్చి వున్నాడు. ఆ పదవులన్నా వస్తే తమ పరపతి పెరుగుతుందని, అనుచరులను కాపాడుకోగలమని వీరి బాధ. చంద్రబాబు మాత్రం మంత్రివర్గ విస్తరణ జోలికి పోవడం లేదు. పార్టీలో ఆయన సమస్యలు ఆయనకున్నాయి. కాని ఇప్పటికే మూడేళ్లు కావస్తుంది. ఇక మంత్రి పదవి వచ్చినా గట్టిగా వెలగబెట్టేది ఒకటి, ఒకటిన్నర సంవత్సరమే! ఇప్పుడు కూడా మంత్రి పదవులు ఇవ్వకపోతే తర్వాత ఇచ్చినా దండగే అన్న నిర్లిప్తధోరణి జంపింగ్‌ ఎమ్మెల్యేలలో వ్యక్తమవుతోంది. 'దూరపు కొండలు నునుపు' అన్న సామెతను పెద్దలు వూరకే చెప్పారా?

Page 1 of 3

newsbottomad

ఎక్కువగా చదివిన వార్తలు

  • నెల్లూరులో పోస్టింగా? వద్దంటే వద్దు!
    ఒకప్పుడు నెల్లూరులో పోస్టింగ్‌ అంటే ఎవరైనా ఎగిరి గంతేసేవారు. పైరవీలు చేసుకుని మరీ ఇక్కడకు పోస్టింగ్‌ చేయించుకుంటుంటారు. పోలీసు శాఖలో వారికి అయితే నెల్లూరులో పనిచేయడం చాలా ఇష్టం. ఇక్కడ నుండి కదలాలంటే కష్టం. ఇక్కడ టెర్రరిజం లేదు, రౌడీయిజం లేదు,…
  • వేగమందుకున్న ప్రయాణం
    సంగం వద్ద కొండల మధ్యలో నుండి వేసిన కొత్త రహదారి ప్రయాణీకులకు గమ్మత్తుగా వుంది. ఈ కొండ రహదారితో ముంబై జాతీయ రహదారిపై వాహన దారులకు ప్రయాణం చాలా సులభంగా అనిపిస్తోంది. నెల్లూరు-ఆత్మకూరుల మధ్య ముంబై రహదారిని సిమెంట్‌ రోడ్డుగా మార్చడం…
  • కేడర్‌ని... కదనరంగంవైపు నడిపిస్తున్న జగన్‌
    నాయకుడంటే ఓ నమ్మకం... నాయకుడంటే ఓ భరోసా... నాయకు డంటే ఓ ధైర్యం. తన పార్టీలో లీడర్లకు, తన పార్టీ కేడర్‌కు అలాంటి నమ్మకాన్ని, అలాంటి ధైర్యాన్ని కల్పించడంలో విజయం సాధించాడు వైకాపా అధినేత వై.యస్‌.జగన్మోహన్‌రెడ్డి! నెల్లూరుజిల్లాలో వై.యస్‌.జగన్మో హన్‌రెడ్డి చేపట్టిన…
  • అజీజా... నిన్నొదలా...!
    నెల్లూరు మేయర్‌ అబ్దుల్‌ అజీజ్‌ వివాదా లతో సహజీవనం చేస్తున్నట్లుగా వుంది అది వ్యాపారంలోనైనా... ఇటు రాజకీయాలలోనైనా! అజీజ్‌ మేయర్‌ అయ్యింది మొదలు నెల్లూరు కార్పొరేషన్‌లో ఎన్నో వివాదాలు చూసాం. ఏ కమిషనర్‌తోనూ ఆయనకు పడేది కాదు. ఇలా పడకనే గత…
  • ఎవరెవరెక్కడ?
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాలలో నెల్లూరు అగ్రస్థానంలో ఉంటుంది. బలమైన రాజకీయ కుటుంబాలన్నీ తెలుగుదేశం పార్టీలో వున్నప్పటికీ ఈ జిల్లాలో ప్రజలు మాత్రం వైకాపాకే వెన్నుదన్నుగా వున్నారు. 2014 ఎన్నికల్లో ఈ జిల్లా ప్రజలు వైకాపాకు జైకొట్టారు. రెండు…

Newsletter