nlr ycpరాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాలలో నెల్లూరు అగ్రస్థానంలో ఉంటుంది. బలమైన రాజకీయ కుటుంబాలన్నీ తెలుగుదేశం పార్టీలో వున్నప్పటికీ ఈ జిల్లాలో ప్రజలు మాత్రం వైకాపాకే వెన్నుదన్నుగా వున్నారు. 2014 ఎన్నికల్లో ఈ జిల్లా ప్రజలు వైకాపాకు జైకొట్టారు. రెండు లోక్‌సభ స్థానాలతో పాటు పది అసెంబ్లీలో ఏడింటిని వైకాపాకే కట్టబెట్టారు.

అప్పటికీ ఇప్పటికీ ట్రెండ్‌ మారలేదు. 2014ఎన్నికల తర్వాత పలువురు నాయకులు తెలుగుదేశంలో చేరారు. కాని, వారి వెంట కార్యకర్తలు, ప్రజలు పోలేదు. 2014తో పోలిస్తే జిల్లాలో వైకాపా ఇంకా బలం పుంజుకుందనే చెప్పవచ్చు. కాకపోతే నియో జకవర్గాల విషయంలో క్లారిటీ రావాల్సివుంది. ముఖ్యంగా నెల్లూరు లోక్‌సభ స్థానానికి ఈసారి అభ్యర్థిని మార్చాలి. ప్రస్తుత ఎంపీ మేకపాటి రాజమోహన్‌రెడ్డిపై వ్యతిరేకత వుంది. కొత్త అభ్యర్థిని రంగంలోకి దించడం అన్ని విధాలా బెటర్‌. ఈ దిశగా ఇప్పటినుండే కొత్త అభ్యర్థిపై దృష్టిని సారించాల్సివుంది. ఎంపీ అభ్యర్థివల్ల 7అసెంబ్లీ నియోజకవర్గాల అభ్యర్థులకు ఓట్ల పరంగా ప్రయోజనం కలిగేలా ఉండాలి.

ఇక వెంకటగిరి నుండి గత ఎన్నికల్లో పోటీ చేసిన కొమ్మి లక్ష్మయ్యనాయుడు పార్టీకి దూరంగా వుంటున్నాడు. జడ్పీ ఛైర్మెన్‌ బొమ్మిరెడ్డి రాఘవేంద్రరెడ్డే ఇక్కడ ఇన్‌ఛార్జ్‌గా వ్యవహరిస్తున్నాడు. అయితే ఇక్కడ మాజీ ముఖ్యమంత్రి కుమారుడు కూడా లైన్లో ఉన్నాడు. ఆయన పార్టీలోకి వస్తే మళ్ళీ ఇక్కడ సమీకరణలు మారే అవ కాశం ఉంది. అలాగే టీడీపీలో వున్న మరో ముఖ్యనేత పేరు కూడా వినిపిస్తుంది. అందువల్ల ప్రస్తుతానికి ఇక్కడ సీటు ఎవరిదన్న స్పష్టత రావాల్సివుంది. సర్వేల ద్వారా ఇక్కడ ఎవరు గట్టిఅభ్యర్థి అన్నది తేల్చు కోవాలి. గూడూరు ఎమ్మెల్యే పాశం సునీల్‌ కుమార్‌ తెలుగుదేశంలో చేరడం తెలిసిందే! తర్వాత మేరిగ మురళీధర్‌ను గూడూరు ఇన్‌ఛార్జ్‌గా పెట్టారు. అయితే మురళీధర్‌ ఇక్కడ తట్టుకుని నిలవడం కష్టం. మేకపాటి వాళ్ళు మాత్రం మేరిగ మురళీకే సీటివ్వా లన్నట్లు మాట్లాడుతున్నారు. కాని అతను సరిపోడనిపిస్తోంది. ఈ నియోజకవర్గానికి ప్రస్తుతం కాంగ్రెస్‌లో వున్న ఓ నాయకుడి పేరు గట్టిగా వినిపిస్తోంది. అతనైతేనే గట్టిపోటీ ఇవ్వగలడని ప్రచారం ఉంది. కాబట్టి గూడూరు అభ్యర్థి ఎవరన్నది కూడా తేలాల్సివుంది. నెల్లూరు నగరం, రూరల్‌, సర్వేపల్లి నియోజకవర్గాలు మళ్ళీ సిటింగ్‌ ఎమ్మెల్యేలకే దక్కుతాయి. ఇందులో సందేహం లేదు. కావలి సీటు విషయంలో మాత్రం సిటింగ్‌ ఎమ్మెల్యే ప్రతాప్‌కు మాజీ ఎమ్మెల్యే కాటంరెడ్డి విష్ణువర్ధన్‌రెడ్డికి మధ్య కొట్లాట జరుగుతోంది. గతంలో కావలిలో జరిగిన పార్టీ ప్లీనరీ సమావేశంలో ఈసారి కూడా సీటు ప్రతాప్‌కే అని చెప్పి ఎంపీ మేకపాటి రాజమోహన్‌రెడ్డి వివాదాలకు ఆజ్యం పోశాడు. ఈసారి కావలి సీటు నాశిస్తున్న మాజీఎమ్మెల్యే కాటంరెడ్డి విష్ణు వర్ధన్‌రెడ్డి అప్పుడే ఎంపీపై మండిపడటం తెలిసిందే! కావలిలో ఎవరు కరెక్టో సర్వే నిర్వహించాకే అభ్యర్థిని తేల్చాలని విష్ణు పట్టుబట్టాడు కూడా! ఈ విషయం తేల్చ లేదని చెప్పే జిల్లాలో జగన్‌ పాదయాత్రకు కూడా విష్ణు దూరంగా ఉండిపోయాడు. అలాగే మరో మాజీఎమ్మెల్యే వంటేరు వేణుగోపాలరెడ్డి సీటు విషయమై గట్టిగా పట్టుబట్టనప్పటికీ అతని మద్దతు కూడా కీలకం కానుంది. కాబట్టి ఇక్కడ ముగ్గురి మధ్య సమన్వయం కుదరాల్సివుంది. అభ్యర్థి ఎవరైనా మిగతావాళ్ళు మద్దతుగా పనిచేస్తేనే ఇక్కడ పార్టీ విజయావకాశాలు మెరుగ్గా ఉంటాయి. కోవూరు ప్రసన్నకే

ఉండొచ్చన్న ధీమా ఉన్నప్పటికీ, ఇక్కడ కూడా అభ్యర్థిని మార్చి ప్రసన్నకు 2019 తరువాత ఎం.ఎల్‌.సి ఇవ్వాలనే ఆలో చనలో పార్టీ వున్నట్లు సమాచారం. అయితే ఇక్కడ నిలబడగలిగే అభ్యర్థి ఖచ్చితంగా తెలుగుదేశం నుండి రాబోయేవాడే కాబట్టి అది ఎవరన్నది తేలాల్సివుంది. ఆత్మకూరు, ఉదయగిరి సీట్లలో మేకపాటి కుటుంబ సభ్యులే పోటీ చేస్తారా లేక నేతల మార్పిడి ప్రక్రియలో ఒక సీటును ఉంచుకుని ఇంకొ కటి వేరేవాళ్ళకు కేటాయిస్తారా అన్నది చూడాలి. ఉదయగిరి నుండి వాళ్ళు పోటీ చేసి ఆత్మకూరుకు అప్పటికి గట్టి అభ్యర్థి దొరికితే పోటీకి దించే ఆలోచనలు కూడా వున్నాయి. అన్ని నియోజకవర్గాలలో అభ్యర్థుల విషయమై క్లారిటీ వస్తే ప్రజల్లోకి వెళ్ళడానికి, పరపతి పెంచుకోవడానికి అవకాశం ఉంటుంది.

అంతిమ నిర్ణయం జగన్మోహన్‌రెడ్డిదే అయినా ప్రస్తుతం ఇన్‌ఛార్జ్‌గా వ్యవహ రిస్తున్న సజ్జల రామకృష్ణారెడ్డి పాత్ర కూడా ఇక్కడ కీలకమే. అయితే రామకృష్ణారెడ్డికి నెల్లూరుజిల్లాపై పెద్దగా అవగాహన లేదు. నేరుగా పైస్థాయి నాయకులతో ఆయన మాట్లాడుతున్నాడు తప్ప సామాన్యులతో ఆయన మాట్లాడే అవకాశమే లేదు. నేత లతో తప్ప జిల్లాలో ఎవరితోనూ ఆయ నకు పెద్దగా పరిచయాలు కూడా లేవు. వై.యస్‌.రాజశేఖరరెడ్డి హయాం నుండి జిల్లా గురించి క్షుణ్ణంగా తెలిసిన వ్యక్తిగా వై.వి.సుబ్బారెడ్డికి పేరుంది. అయితే ఆయనను తొలగించి జిల్లాతో పూర్తిగా పరిచయాలు, అవగాహన లేని వ్యక్తిని నెల్లూరుజిల్లా ఇన్‌ఛార్జ్‌గా పెట్టడం కూడా ప్రస్తుత నాయక గణానికి చాలామందికి ఇష్టం లేదు. తెలుగుదేశం, కాంగ్రెస్‌ పార్టీల నుండి వలసవీరులు రెడీగా వున్నారు. సమన్వయ లోపం లేకుండా వాళ్ళందరినీ పార్టీలోకి ఆహ్వానించి ఎవరిని ఎక్కడ వాడుకోవాలో తెలిసిన ఇన్‌ఛార్జ్‌ ఇప్పుడు నెల్లూరుజిల్లాకి చాలా అవసరం.

ఏదేమైనా రాబోయే ఎన్నికలు చాలా ప్రతిష్టాత్మకమైనవి. ఒకటికి పదిసార్లు అవపాసన పట్టి, అవగాహన చేసుకుని నిర్ణయం తీసుకోవాల్సిన అవసరం ఉంది.

vprవేమిరెడ్డి ప్రభాకర్‌రెడ్డి ఏ పార్టీలో చేరతాడు...? ఆ అదృష్టం ఆ శుభ యోగం ఏ పార్టీకి లభిస్తుంది..? ఇది ఈరోజు వరకు ఆయనను తెలిసిన వారందరూ వేసుకుంటున్న ప్రశ్న. ఆయనను దగ్గరగా గమనించే వారందరూ చేసుకుంటున్న చర్చ. విపిఆర్‌ అంటే జిల్లాలో సేవకు మారుపేరు. మంచి తనానికి పెట్టిన పేరు.

ఓ వైపు వ్యాపారరంగంలో తలమునకలై వుంటూనే మరో వైపు ఈ సమాజానికి మనమేం చేయగలమనే తపనతో ఇటు సేవారంగంలోనూ అటు ఆథ్యాత్మిక రంగంలోనూ తనకు చేతనైన కార్యక్రమాలను చేస్తూ ఒక్క నెల్లూరు జిల్లాలోనే కాకుండా రెండు తెలుగు రాష్ట్రాల్లోనూ తనదైన ముద్రవేసుకున్నాడు.

కొంతమంది వ్యక్తులకు పార్టీల వల్ల మేలు జరుగుతుంది. మరికొంతమంది వ్యక్తుల వల్ల పార్టీకి మంచి జరుగుతుంది. విపిఆర్‌ ఈ రెండవ కోవకు చెందినవాడు. ఆయనకు నటించడం చేతకాదు, చెడు అంటే తెలియదు, నమ్మిన సిద్ధాంతాన్ని, నమ్ముకున్న వ్యక్తులను కాపాడుకుంటూ తన పని తాను చేసుకుపోయే వ్యక్తిత్వం. తన సేవా కార్యక్రమాలకు ఒక వేదికగా రాజకీయ రంగాన్ని ఆయన ఎంచుకున్నప్పుడు ఆయనకు ముందుగా గుర్తొచ్చింది దివంగత నేత డాక్టర్‌ వై.యస్‌.రాజశేఖరరెడ్డి. వై.యస్‌. అంటే ఆయనకు ఇష్టం. వై.యస్‌. వ్యక్తిత్వమంటే ఆయనకి ఇష్టం. వై.యస్‌. చేసిన ప్రజోపయోగ కార్యక్రమాలంటే ఆయనకు ఇష్టం. ఆడిన మాట తప్పని వై.యస్‌. నిజాయితీ అంటే ఆయనకు ఇష్టం. అందుకే వై.యస్‌. కుమారుడికి అండగా వుండాలనుకున్నాడు, జగన్‌రెడ్డి వైపు అడుగులు వేశాడు. అయితే కొన్ని వ్యక్తిగత కారణాలు, వ్యాపార వ్యవహారాలు రాజకీయాలలో చురుకైన పాత్ర పోషించడానికి ఆయనకి ఇబ్బంది కలిగిస్తుండడంతో ఆయన పార్టీ నుండి దూరంగా వచ్చేశాడు. రాజకీయాలకు కొద్దిరోజులు విరామం ఇద్దామనుకున్నాడు. అయితే చిక్కిందే అదనుగా తెలుగుదేశం పార్టీ ఆయనకు వలవేసింది. తమ పార్టీలోకి రావాలంటూ రాయబారాలు నడిపింది. విపిఆర్‌ సేవలకు తగిన గుర్తింపు వచ్చేలా ఆయనకు హోదా కల్పిస్తామని కల్లబొల్లి మాటలు చెప్పింది. ప్రభాకర్‌రెడ్డి స్వతహాగా మెతక. వ్యాపార వ్యవహారాలలో ఆయన ఎంత గట్టిగా వుంటాడో, వ్యక్తిగత విషయాలలో అంత సున్నిత మనస్కుడు. మొహమాటం ఎక్కువ. ఇలాంటి లక్షణాలే ఆయన తెలుగుదేశంపార్టీలో చేరడానికి ఆయన చేత 'యస్‌' అనిపించాయి.

అయితే తానొకటి తలిస్తే విధి మరొకటి తలచింది. తాను పార్టీలోకి రావడానికి సముచితంగా వున్నానని విపిఆర్‌ గ్రీన్‌సిగ్నల్‌ ఇచ్చినప్పటి నుండి తెలుగు నేతల పోకడ మారిపోయింది. పార్టీ అధినేత సమక్షంలో పార్టీలో చేరాలని వాళ్ళే తేదీ ఖరారు చేయడం, వాళ్ళే మళ్ళీ రద్దు చేయడం. బాస్‌ మిమ్మల్ని రమ్మంటున్నాడని హడావుడి చేయడం, మళ్ళీ ఇప్పుడు కాదులే అని వాయిదా వేయడం. ఎప్పుడూ చెప్పిన మాటపై నిలబడకపోవడం, ఇచ్చిన అపాయింట్‌మెంట్‌ని వారికై వారే రద్దు చేయడం వంటి వ్యవహారాలను క్షుణ్ణంగా పరిశీలించిన ప్రభాకర్‌రెడ్డికి ఆ పార్టీ నేతల చిత్తశుద్ధి, అంకితభావం ఏపాటిదో అర్ధమైపోయింది. వీరిదంతా ఉత్తుత్తి ప్రగల్భాలే అన్న నిర్ణయానికొచ్చేశాడు. ఇదే సమయంలో ఆయనకు మళ్ళీ జగన్‌మోహన్‌రెడ్డి దగ్గర నుండి పిలుపొచ్చింది. మీకిచ్చిన మాటకి మేం కట్టుబడి వున్నాం. మీరు చూపిన ప్రేమ మేమెన్నటికీ మరువలేకున్నాం అంటూ వై.యస్‌.ఆర్‌ పార్టీ నేతలు ఆయన ముందు వాలిపోయారు. మార్చిలో రానున్న రాజ్యసభ ఎన్నికల్లో మా అభ్యర్థి మీరే అంటూ ఆయనకు హారతులు పడుతూ పార్టీలోకి రావలసిందిగా ఆహ్వానించారు. దివంగత మహానాయకుడు డాక్టర్‌ వై.యస్‌.రాజశేఖరరెడ్డి గారి ఆశయ సాధన కోసం స్థాపించబడి, మాట తప్పని మడమ తిప్పని ఆయన వారసుడు వై.యస్‌.జగన్మోహన్‌రెడ్డి నాయకత్వంలో నడుస్తున్న వై.యస్‌.ఆర్‌ కాంగ్రెస్‌పార్టీ వేదికగా మీ సేవలు కొనసాగించాలని విపిఆర్‌ని అభ్యర్థించారు. మనిషెక్క డున్నా మనసు అక్కడే వుండడంతో వెంటనే విపిఆర్‌ తన ఆమోదాన్ని తెలిపాడు. పార్టీలో చేరడానికి సిద్ధమైపోయాడు.

విషయం తెలుసుకున్న తెలుగుతమ్ముళ్ళు ఆయన వెంటపడ్డారు. బ్రతిమలాడారు. అన్ని మార్గాలూ అన్వేషించారు. ఎలాగైనా వొప్పించాలని చూశారు. కానీ ఆయన మారలేదు. వై.యస్‌. అభిమానిగా, మాటతప్పని మంచి మనిషిగా మరోసారి తనను తాను రుజువు చేసుకున్నాడు. త్వరలో వై.యస్‌.ఆర్‌ కాంగ్రెస్‌పార్టీలో అధికారికంగా చేరనున్నాడు. ఇది శుభపరిణామం. వై.యస్‌.ఆర్‌ కాంగ్రెస్‌పార్టీ మ్రోగించనున్న విజయభేరికి ఇది ఆరంభం. మంచితనం మానవత్వం మూర్తీభవించిన విపిఆర్‌ లాంటి వాళ్ళు వై.యస్‌.ఆర్‌ కాంగ్రెస్‌పార్టీలో చేరడం డా|| వై.యస్‌.రాజశేఖరరెడ్డికి ఇచ్చే నిజమైన నివాళికి నిదర్శనం. వై.యస్‌. వారసుడిపైనా ఆయన ఇస్తున్న వాగ్ధానాలపైనా, ఆయన చేస్తున్న ప్రమాణాలపైనా ప్రజలకు నాయకులకు, మేధావులకు కలుగుతున్న నమ్మకానికి విపిఆర్‌ లాంటి వ్యక్తులు ఆ పార్టీలో చేరడమే తార్కాణం.

నెల్లూరులో ఆరంభం కానున్న ఈ శుభఘడియలు ఇలాగే కొనసాగి రాష్ట్రమంతా వై.యస్‌.ఆర్‌ కాంగ్రెస్‌పార్టీకి, ఆ పార్టీ అధినేత వై.యస్‌.జగన్‌మోహన్‌రెడ్డికి నీరాజనాలు పలకాలని వై.యస్‌. అభిమానుల ఆకాంక్ష.

jagan2014 ఎన్నికల ప్రచారంలో జగన్‌ సభలకు జనం జాతర మాది రిగా వచ్చారు. అంతకుముందు నిర్వహించిన ఓదార్పుయాత్రలకు పోటెత్తినట్లు వచ్చారు. అదే చంద్ర బాబు సభలకు లారీలు, బస్సులు పెట్టి తోలినా జనం రాలేదు. అయినా కూడా ఆ ఎన్నికల్లో చంద్రబాబు గెలిచాడు... జగన్‌ ఓడిపోయాడు. ఎక్కడుంది వ్యత్యాసం? ఎక్కడ వచ్చింది ఈ లోపం?

ఆ ఎన్నికల్లో తెలుగుదేశం అధికారంలోకి రావడానికి చాలా కారణాలున్నాయి. మోడీ ఇమేజ్‌, పవన్‌కళ్యాణ్‌ మద్దతు, ఋణమాఫీ వాగ్ధానం, కాంగ్రెస్‌ నేతలు రావడం, డబ్బు పంపిణీ, జగన్‌పైన మతపరమైన ముద్ర... తెలుగుదేశం గెలుపులో ఇవన్నీ ఒకెత్తయితే, పార్టీ తరపున ఎలక్షన్‌ మేనేజ్‌మెంట్‌ ఇంకో ఎత్తు. 2014 ఎన్నికల తర్వాత తనలోని చాలా లోపాలను జగన్‌ సరిదిద్దుకుంటూ వస్తున్నాడు. ప్రజాసంకల్ప పాదయాత్రలో ప్రజలను ఆకట్టుకునే దిశగా హామీలు గుప్పిస్తున్నాడు. తనపై వున్న మతముద్రను చెరిపేసుకోవడానికి, దాని మూలంగా దూరమైన కొన్ని వర్గాలను దగ్గర చేసుకోవడానికి హిందూ సంస్కృతి, సంప్రదాయాలను ఆచరిస్తూ గౌరవిస్తున్నాడు. గతంలో తన తండ్రి వైయస్‌నకు వెన్నంటి నడిచిన కాంగ్రెస్‌ సీనియర్‌ నాయకులను సంప్రదించి పార్టీలో చేర్చుకోవాలనే ఆలోచనలో వున్నాడు.

రేపు ఎలక్షన్‌ను ఎదుర్కోవడానికి జగన్‌ అన్నీ సిద్ధం చేసుకున్నాడు. అయితే ఎలక్షన్‌ మేనేజ్‌మెంట్‌ టీమ్‌ సిద్ధం కావాల్సి వుంది. 2014 ఎన్నికల్లో వైకాపాకు పెద్ద లోటు ఇదే! తెలుగుదేశం తరఫున చంద్రబాబు ఒక్కడే ఎలక్షన్‌ నడిపించలేదు. ఆయన తరఫున పి.నారాయణ, సుజనాచౌదరి, సీఎం రమేష్‌, కంభంపాటి రామ్మోహన్‌రావు... ఇలా ఎందరో సీనియర్‌లు జిల్లాలవారీగా ఇన్‌ఛార్జ్‌ బాధ్యతలు నిర్వహిస్తూ ఏ జిల్లాలో ఏ నియోజకవర్గంలో పార్టీ బలహీనంగా ఉందో తెలుసుకుంటూ, ప్రతిరోజూ, ప్రతి గంట అభ్యర్థులతో మాట్లాడుతూ వాళ్ళ అవసరాలు తెలుసుకుంటూ వారికి కావాల్సిందానిని వెంటనే సమకూరుస్తూ ఎలక్షన్‌ నడిపించారు. కాని, ఇక్కడ వైకాపాలో చూస్తే పోటీ చేసిన అభ్యర్థులను పట్టించుకున్న నాథుడు లేడు. అభ్యర్థులతో మాట్లాడితే జగనే మాట్లాడాలి. పులివెందుల అసెంబ్లీ నుండి ఆయనా పోటీ చేసుండే... ఇక రాష్ట్రమంతటా ప్రచారం చేయాల్సివుండే... ఇక అభ్యర్థుల మంచి చెడ్డలు చూసుకునే తీరిక ఆయనకెక్కడిది. పార్టీలో వున్నోళ్లలో సీనియర్‌లు, జగన్‌కు ముఖ్యమనుకున్న వై.వి.సుబ్బారెడ్డి, మేకపాటి రాజమోహన్‌రెడ్డి లాంటోళ్ళు ఎలక్షన్‌లలో పోటీకి దిగారు. దీంతో పార్టీ ఆఫీసులో అభ్యర్థులకు సమాధానం చెప్పే వాళ్ళు గాని, వాళ్ళ సమస్యలు వినేవాళ్ళు గాని లేకుండాపోయారు. రేపు ఎన్నికల్లో ఆ లోపాన్ని సరిదిద్దుకోవాలి. సీనియర్‌లను పోటీలో దించకుండా ఎలక్షన్‌ నిర్వహించే బాధ్యతను వాళ్ళకు అప్పగించాలి. ఎన్నికల్లో ప్రతి నియోజకవర్గం కీలకం కానుంది. ప్రతిచోటా గట్టిపోటీ వుంటుంది. కాబట్టి అందరు అభ్యర్థులతో సమన్వయం చేసుకోగల ఎలక్షన్‌ టీమ్‌ను ఏర్పాటు చేసుకోవడంపై జగన్‌ దృష్టి సారించాల్సివుంది.

Page 1 of 12

newsbottomad

ఎక్కువగా చదివిన వార్తలు

  • నెల్లూరులో పోస్టింగా? వద్దంటే వద్దు!
    ఒకప్పుడు నెల్లూరులో పోస్టింగ్‌ అంటే ఎవరైనా ఎగిరి గంతేసేవారు. పైరవీలు చేసుకుని మరీ ఇక్కడకు పోస్టింగ్‌ చేయించుకుంటుంటారు. పోలీసు శాఖలో వారికి అయితే నెల్లూరులో పనిచేయడం చాలా ఇష్టం. ఇక్కడ నుండి కదలాలంటే కష్టం. ఇక్కడ టెర్రరిజం లేదు, రౌడీయిజం లేదు,…
  • వేగమందుకున్న ప్రయాణం
    సంగం వద్ద కొండల మధ్యలో నుండి వేసిన కొత్త రహదారి ప్రయాణీకులకు గమ్మత్తుగా వుంది. ఈ కొండ రహదారితో ముంబై జాతీయ రహదారిపై వాహన దారులకు ప్రయాణం చాలా సులభంగా అనిపిస్తోంది. నెల్లూరు-ఆత్మకూరుల మధ్య ముంబై రహదారిని సిమెంట్‌ రోడ్డుగా మార్చడం…
  • కేడర్‌ని... కదనరంగంవైపు నడిపిస్తున్న జగన్‌
    నాయకుడంటే ఓ నమ్మకం... నాయకుడంటే ఓ భరోసా... నాయకు డంటే ఓ ధైర్యం. తన పార్టీలో లీడర్లకు, తన పార్టీ కేడర్‌కు అలాంటి నమ్మకాన్ని, అలాంటి ధైర్యాన్ని కల్పించడంలో విజయం సాధించాడు వైకాపా అధినేత వై.యస్‌.జగన్మోహన్‌రెడ్డి! నెల్లూరుజిల్లాలో వై.యస్‌.జగన్మో హన్‌రెడ్డి చేపట్టిన…
  • అజీజా... నిన్నొదలా...!
    నెల్లూరు మేయర్‌ అబ్దుల్‌ అజీజ్‌ వివాదా లతో సహజీవనం చేస్తున్నట్లుగా వుంది అది వ్యాపారంలోనైనా... ఇటు రాజకీయాలలోనైనా! అజీజ్‌ మేయర్‌ అయ్యింది మొదలు నెల్లూరు కార్పొరేషన్‌లో ఎన్నో వివాదాలు చూసాం. ఏ కమిషనర్‌తోనూ ఆయనకు పడేది కాదు. ఇలా పడకనే గత…
  • ఎవరెవరెక్కడ?
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాలలో నెల్లూరు అగ్రస్థానంలో ఉంటుంది. బలమైన రాజకీయ కుటుంబాలన్నీ తెలుగుదేశం పార్టీలో వున్నప్పటికీ ఈ జిల్లాలో ప్రజలు మాత్రం వైకాపాకే వెన్నుదన్నుగా వున్నారు. 2014 ఎన్నికల్లో ఈ జిల్లా ప్రజలు వైకాపాకు జైకొట్టారు. రెండు…

Newsletter