dist ycpరాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాల్లో నెల్లూరొకటి. కడప, కర్నూలు తర్వాత నెల్లూరుజిల్లానే వైసిపికి కంచుకోట! ఇంకోరకంగా చెప్పాలంటే ఆ రెండు జిల్లాల్లో వైసిపి నుండి గెలిచిన ఎమ్మెల్యేలు ఎక్కువ మంది తెలుగుదేశంలోకి జంప్‌ అయినా, నెల్లూరుజిల్లాలో మాత్రం ఒకే ఒక ఎమ్మెల్యే జంప్‌ చేశాడు. మిగతా ఆరు గురు ఎమ్మెల్యేలు జగన్‌ వైపు విశ్వాసంతో నిలిచారు.

నెల్లూరుజిల్లాలో వైసిపి బలంగానే ఉన్నప్పటికి 2014 ఎన్నికల్లో కొన్ని లోపాలు తలెత్తాయి. ముఖ్యంగా ఎంపి మేకపాటి రాజమోహన్‌రెడ్డి మీద వ్యతి రేకత బలంగా కనిపించింది. కాబట్టే లోక్‌సభ పరిధిలోని 7అసెంబ్లీలకు గాను ఐదింటిలో వైసిపి అభ్యర్థులు గెలిచినా మేకపాటి ఎంపీగా కేవలం 13వేల ఓట్ల తేడాతో మాత్రమే గెలివగలిగాడు. అసెంబ్లీ మెజార్టీలను లెక్కలోకి తీసు కున్నా దాదాపు అతను లక్ష మెజార్టీతో గెలిచి ఉండాలి.

ఇక అసెంబ్లీలలో చూస్తే ఉదయగిరి, వెంకటగిరి, కోవూరులను ఆరోజు వైసిపి కోల్పోవడం జరిగింది. ఎంపి అభ్యర్థి పట్ల అనుకూలధోరణి, ఆయన నుండి పూర్తి స్థాయిలో ఆర్ధిక సహకారం ఉం డుంటే ఉదయగిరి, కోవూరు స్థానాలను కూడా వైసిపి గెలిచివుండేది. ఇక వెంకట గిరి వైసిపి అభ్యర్థి కొమ్మి లక్ష్మయ్య నిర్లక్ష్య ధోరణి, వెంకటగిరి పట్టణంపై పెద్దగా దృష్టి పెట్టకపోవడం వంటి లోపాల వల్ల ఆ సీటును కోల్పోవాల్సి వచ్చింది.

ఇప్పటికీ జిల్లాలో పార్టీ బలంగానే ఉందిగాని, సరిదిద్దు కోవాల్సిన లోపాలు చాలానే వున్నాయి. ముఖ్యంగా లోక్‌సభ అభ్యర్థిగా కొత్త నాయకుడిని తెరమీదకు తీసుకురావాల్సిన అవసరముంది. సీని యర్‌ నాయకుడిగా మేకపాటి రాజ మోహన్‌రెడ్డి సేవలను పార్టీకి ఇంకో రూపంలో వాడుకోవాలి. లోక్‌సభ పరి ధిలో అసెంబ్లీ అభ్యర్థులకు అన్ని విధాలా అండగా నిలిచే అభ్యర్థిపై దృష్టి పెట్టాలి. అసెంబ్లీ వారీగా చూసినా పలు నియోజక వర్గాల్లో నాయకత్వ సమస్య వుంది. నెల్లూరు నగరం, నెల్లూరురూరల్‌, కావలి, సూళ్ళూరుపేటలలో సిటింగ్‌ ఎమ్మెల్యేలు ఇబ్బంది లేకుండా పని చేసుకుంటున్నారు. ప్రజల్లో వాళ్ల మీద వ్యతిరేకత లేదు. ఆత్మకూరు సీటు విషయాన్ని ఆలోచిం చాల్సి వుంది. ఇక్కడ తెలుగుదేశం అభ్యర్థి ఆనం రామనారాయణరెడ్డి అయితే సిటింగ్‌ ఎమ్మెల్యే మేకపాటి గౌతమ్‌రెడ్డి సరిపోడనిపిస్తుంది. ఎమ్మెల్యేగా గౌతంరెడ్డి మీద వ్యతిరేకత లేకున్నా నియోజక వర్గంలో ఆనంకు ప్రజల్లో పరపతి, పని చేసాడనే పేరు, బంధుగణం బలంగానే వుంది. ఆ దృష్టితో ఆత్మకూరు అభ్యర్థిని అన్వేషించాలి. ఉదయగిరిలో సిటింగ్‌ ఎమ్మెల్యే బొల్లినేని రామారావు పట్ల వ్యతి రేకత బాగానే వుంది. 2014 ఎన్నికల్లో మేకపాటి చంద్రశేఖర్‌రెడ్డి ఆర్ధికంగా ఇంకొంచెం పోరాడివున్నా, లేక తన నోటి దురుసుతో కొందరిని దూరం చేసుకోక పోయి వున్నా ఇక్కడ గెలిచి వుండేవాడు. ఇప్పుడు కూడా ఉదయగిరికి మేకపాటి చంద్రశేఖర్‌రెడ్డి గట్టి అభ్యర్థే! కాకపోతే డబ్బు బాగా పెట్టాల్సి వుంటుంది. ఒకవేళ ఆ కోణంలో మేకపాటి చంద్రశేఖర్‌రెడ్డి పక్కకు తప్పుకుంటే ఇక్కడ గౌతంరెడ్డి అయినా మంచి అభ్యర్థే అవుతాడు. కోవూరులో నల్లపరెడ్డి ప్రసన్నకుమార్‌రెడ్డి బలమైన అభ్యర్థే అవుతాడు. కాకపోతే ఆర్ధిక వనరుల్లో కొంత బలహీనంగా కనిపిస్తున్నాడు.

సర్వేపల్లి విషయంలోనూ కొంత ఆలోచన చేయాల్సిన అవసరం వుంది. 2014 ఎన్నికల్లో ఈ నియోజకవర్గం నుండి కాకాణి గోవర్ధన్‌రెడ్డి 30వేల ఓట్ల మెజార్టీతో గెలుస్తాడనే అంచనాలుండినాయి. అదీగాక ఎన్నికల ముందు దాకా సోమిరెడ్డి చంద్రమోహన్‌రెడ్డి సర్వేపల్లిని పట్టించుకోలేదు. అలాంటి సమయంలోనే కాకాణి కేవలం 5వేల ఓట్లతో గెలిచాడు. ఇప్పుడు సర్వేపల్లిలోనూ రాజకీయంగా సీన్‌ బాగానే మారింది. సిటింగ్‌ ఎమ్మెల్యేగా కాకాణి పట్ల ఎంతో కొంత వ్యతిరేకత వుంది. అటు చూస్తే ఓడినా కూడా సోమిరెడ్డి ప్రజల్లోకి చొచ్చుకు పోతున్నాడు. మొన్నటి వరకు ఎమ్మెల్సీగా, ప్రస్తుతం మంత్రిగా ప్రజలకు దగ్గరగా వుంటున్నాడు. నియోజకవర్గమంతటా సంబంధాలు పెంచు కుంటున్నాడు. గత ఎన్నికల్లో తనను వదిలి వెళ్లిన వారందర్నీ దగ్గరకు చేర్చుకుంటున్నాడు. ఇక్కడ తెలుగుదేశం పార్టీకంటే కూడా వ్యక్తిగతంగా సోమిరెడ్డే ఫోకస్‌ అవుతున్నాడు. జిల్లాలో ప్రస్తుతం తెలుగుదేశం బలంగా వున్న నియోజకవర్గాల్లో సర్వేపల్లి ఒకటిగా వుంది. కాబట్టి సోమిరెడ్డిని ఢీకొనే స్థాయిలో ఇక్కడ పార్టీలో మార్పులు జరగాల్సివుంది. ఇక గూడూరులో చూస్తే వైసిపి నుండి గెలిచిన పాశం సునీల్‌కుమార్‌ తెలుగుదేశంలోకి వెళ్లాక మేరిగ మురళీధర్‌కు ఇన్‌ఛార్జ్‌ బాధ్యతలు అప్పగించారు. అయితే అసెంబ్లీ ఎన్నికల్లో పోటీకి అతను సరిపోకపోవచ్చు. ఇక్కడకూడా కొత్త అభ్యర్థి ఎంపిక జరగాల్సి వుంది. వెంకటగిరిలో చూస్తే 2014 ఎన్నికల్లో ఓడిపోయాక కొమ్మి లక్ష్మయ్యనాయుడు పార్టీకి దూరంగా ఉంటున్నాడు. ప్రస్తుతానికి జడ్పీ ఛైర్మెన్‌ బొమ్మిరెడ్డి రాఘవేంద్రరెడ్డే ఇన్‌ఛార్జ్‌ బాధ్యతలు చూస్తున్నాడు. వచ్చే ఎన్నికల్లో అతనే అభ్యర్థిగా వుంటాడనే సమాచారం వుంది. అయితే ఎన్నికల్లోపు రాష్ట్ర స్థాయిలో సంభవించే పొత్తుల నేపథ్యంలో అభ్యర్థుల మార్పు జరిగే అవకాశముంది. ఇప్పటివరకైతే వెంకటగిరి విషయంలో రాఘవ తప్ప మరో పేరు లేదనిపిస్తోంది.

జిల్లాలో వైసిపికి ఓటుంది. ప్రభుత్వం పట్ల వ్యతిరేకత బలంగా వుంది. నాయకుల మధ్య సమన్వయం కావాల్సి వుంది. అలాగే బలమైన ఇంకొందరు నాయకులను కూడా పార్టీలోకి తీసుకురావాల్సిన అవసరముంది.

silpaసాధారణ ఎన్నికల కంటే ఒక ట్రెండు సంవత్సరాల ముందు వచ్చే ఉపఎన్నిక ఏదయినా అధికారంలో వున్న పార్టీకి అగ్ని పరీక్ష వంటిదే! రాష్ట్రంలో ఆయా పార్టీల స్థితిగతులు బయటపడేది కూడా ఉపఎన్నికల ద్వారానే! అధికార పార్టీకి ప్రజాదరణ పెరిగిందా, కోల్పోయిందా అన్నది కూడా ఉపఎన్నికల ఫలితాలలో తేట తెల్లం అవుతుంటుంది.

రాష్ట్రంలో ఏ పార్టీ పరిస్థితి ఏంటి, భవిష్యత్‌ రాజకీయాలు ఏ విధంగా ఉండబోతున్నాయన్నదానికి కొలమా నంగా నంద్యాల ఉపఎన్నిక వచ్చి పడింది. భూమా నాగిరెడ్డి మరణంతో కర్నూలు జిల్లాలోని నంద్యాల అసెంబ్లీ సీటుకు ఉపఎన్నిక వచ్చింది. బహుశా కొద్ది రోజుల్లోనే దీనికి నోటిఫికేషన్‌ వెలువడవచ్చు.

మన రాష్ట్రంలో ఒక సాంప్రదా యాన్ని ప్రధానపార్టీలు కొనసాగిస్తు న్నాయి. ఎమ్మెల్యే గాని, ఎంపీగాని మర ణిస్తే ఆ స్థానానికి జరిగే ఉపఎన్నికల్లో సంబంధిత కుటుంబసభ్యులు పోటీ చేస్తే అవతల పార్టీ అభ్యర్థిని పెట్ట కుండా ఏకగ్రీవ ఎన్నికకు సహకరిస్తూ వచ్చేది. కాని నంద్యాల సబ్జెక్ట్‌ వేరే! 2014లో భూమా నాగిరెడ్డి ఇక్కడ వైయస్సార్‌ కాంగ్రెస్‌ అభ్యర్థిగా గెలిచారు. తర్వాత తెలుగుదేశంలో దూరారు. ఆ పార్టీ ఎమ్మెల్యేగానే మరణించారు. ఇక్కడ కొత్త సమస్య ఏంటంటే నంధ్యాలలో గెలిచింది వైసిపి, నాగిరెడ్డి మాత్రం మరణించేరోజుకు తెలుగుదేశంలో ఉన్నాడు. మా పార్టీ గెలిచిన సీటును మేమెందుకు వదులుకుంటామంటూ జగన్‌ మొదట్లోనే పోటీకి సంకేతాలిచ్చాడు. ఇక మా పార్టీ నాయకుడు కాబట్టి వారి కుటుంబసభ్యులనే పోటీకి దించాలంటూ చంద్రబాబు భూమా నాగిరెడ్డి సోదరుడి కొడుకైన భూమా బ్రహ్మానందరెడ్డిని అభ్యర్థిగా ఖరారు చేశారు. 2014 ఎన్నికల్లో నంధ్యాల నుండి తెలుగుదేశం అభ్యర్థిగా పోటీచేసి కొద్ది ఓట్ల తేడాతో పరాజయం పాలైన శిల్పా మోహన్‌రెడ్డి ఉపఎన్నికల్లో నంధ్యాల సీటును ఆశించాడు. అయితే చంద్రబాబు భూమా కుటుంబానికే సీటు అని తేల్చడంతో, ఇక అక్కడ ఇమడలేక శిల్పామోహన్‌రెడ్డి ఈ నెల 14వ తేదీన వై.యస్‌.జగన్‌ సమక్షంలో వైసిపిలో చేరిపోయాడు. శిల్పా మోహన్‌రెడ్డి వైకాపాలో చేరడమే నంధ్యాలలో తెలుగుదేశంకు అసలైన పరీక్ష. నంధ్యాల నియోజకవర్గంలో బలమైన వర్గం, పరపతి కలిగిన నాయకుడు శిల్పామోహన్‌రెడ్డి, సొంతంగా ఓట్లున్నాయి. 2014 ఎన్నికల్లో కర్నూలు జిల్లాలో ఫ్యాన్‌ ప్రభంజనం పనిచేసినా, నంధ్యాలలో మాత్రం శిల్పా చాలా గట్టిపోటీనిచ్చాడు. ఓపక్క వై.యస్‌. సానుభూతి, ఇంకోపక్క శోభా నాగిరెడ్డి మరణంతో వచ్చిన సానుభూతి... ఇంత అనుకూల వాతావరణం ఉన్నా కూడా 2014 ఎన్నికల్లో నంధ్యాల నుండి భూమా నాగిరెడ్డి చచ్చీచెడి శిల్పా మోహన్‌రెడ్డి మీద కేవలం 2వేల చిల్లర ఓట్ల తేడాతో మాత్రమే గెలవగలిగాడు. అంటే ఇక్కడ శిల్పా వ్యక్తిగత బలం వై.యస్‌, శోభా నాగిరెడ్డిల సానుభూతిని ఢీకొట్టకలిగింది. తెలుగుదేశంలో ఉన్న ప్పుడే అంతగా పోటీనిచ్చిన శిల్పా మోహన్‌రెడ్డికి వైసిపిలో ఇంకా ఇమేజ్‌ పెరుగుతుంది. వైసిపి హవా ప్రభుత్వ వ్యతిరేక ఓటు, శిల్వా వ్యక్తిగత ప్రతిష్ట అన్నీ కలిస్తే... ఇక్కడ శిల్పామోహన్‌రెడ్డిని ఢీకొనాలంటే కష్టమే! నంధ్యాల ఉపఎన్నికల్లో శిల్పామోహన్‌రెడ్డి రూపంలో వైకాపాకు బలమైన అభ్యర్థి దొరికాడు. అధికార పార్టీ కాబట్టి తెలుగుదేశం గెలుపు కోసం ఇక్కడ శక్తియుక్తులన్నింటిని ధారపోయవచ్చు. ఈ ఉపఎన్నికల్లో గెలుపు అటు అధికార తెలుగుదేశంకు ఇటు ప్రతిపక్ష వైకాపాకు ప్రతిష్టాత్మకం. తెలుగుదేశం గెలిస్తే ఆ పార్టీ నుండి ఇక వలసలు ఉండవు. పార్టీ తిరిగి అధికారంలోకి వస్తుందన్న ఒక నమ్మకం ఏర్పడుతుంది. అదే ఓడిపోయి వైకాపా గెలిస్తే ఆ పార్టీ నుండి వైకాపాలోకి వలసలు మొదలవుతాయి. చంద్రబాబు నాయకత్వంపై నమ్మకం పోతుంది. మొత్తానికి నంద్యాల ఉపఎన్నిక ఫలితం ప్రభావం 2019 ఎన్నికలపై బలంగానే ఉంటుంది.

ycp leadsఅత్యంత ప్రతిష్టాత్మకంగా జరిగిన నెల్లూరుజిల్లా స్థానిక సంస్థల ఎన్నికలలో తెలుగుదేశం అభ్యర్థి వాకాటి నారాయణ రెడ్డి 87 ఓట్ల తేడాతో గెలిచాడు. వైకాపా అభ్యర్థి ఆనం విజయకుమార్‌రెడ్డి గట్టి పోటీనే ఇచ్చి ఓడిపోయాడు. ఓ దశలో వైకాపా గెలుస్తుందనే పరిస్థితి కూడా కల్పించారు. అసలు నెల్లూరు జిల్లా ఎమ్మెల్సీ ఎన్నికల్లో పోటీ చేయాలా వద్దా? అనే మీమాంస పరిస్థితి నుండి వైకాపా ఈ స్థాయి పోటీనివ్వడం గొప్ప విష యమే! మారిన సమీకరణల ప్రకారం జిల్లాలో వైకాపాకంటే తెలుగుదేశంకు 150కి పైగా ఓట్లు ఎక్కువ వున్నప్పటికి, అభ్యర్థి ఆనం విజయకుమార్‌రెడ్డి ధీటుగా పోటీనిచ్చాడు. తెలుగుదేశం వాళ్ళకు రెండు వారాల పాటు కంటి మీద కునుకు లేకుండా చేసాడు. తెలుగుదేశం వాళ్ళు జిల్లాలో అర్ధబలం, అంగబలం మోహరిం చారు. అధికారాన్ని పూర్తిస్థాయిలో వాడు కున్నారు. అధికారులను కూడా వాడేసు కున్నారు. ఇద్దరు మంత్రులు జిల్లాలోనే తిష్టవేశారు. ఇక జిల్లా తెలుగుదేశం నాయకులంతా తామే పోటీ చేసామ న్నంతగా పరుగులుపెట్టారు. చంద్రబాబు, లోకేష్‌లైతే ఉదయం, సాయంత్రం గ్యాప్‌ లేకుండా సమీక్షలు పెట్టారు. ఇంత చేసినా, తమ క్యాంప్‌లో వైసిపి కంటే దాదాపు 200 మందిని అదనంగా పెట్టు కున్నా గెలిచింది 87ఓట్ల తేడాతో!

అసలు జిల్లాలో వైకాపా నాయకత్వం సరిగా లేక ఇక్కడ ఓడిపోయిందిగాని, పక్కా వ్యూహంతో పనిచేసి వుంటే ఖచ్చి తంగా ఇక్కడ వైకాపా గెలిచిఉండేది. ఇక్కడ ఎన్నికల నిర్వహణలో వైకాపా నాయకులు విఫలమయ్యారనే చెప్పవచ్చు. ముఖ్యంగా తెలుగుదేశం అభ్యర్థి వాకాటి నారాయణరెడ్డి మీద ఆ పార్టీ నాయకు ల్లోనే వున్న అసంతృప్తిని సొమ్ము చేసుకో లేకపోయారు.

జిల్లాలో వైసిపికి మేకపాటి రాజ మోహన్‌రెడ్డి పెద్ద దిక్కుగా వ్యవహరిస్తు న్నారు. జగన్‌ కూడా జిల్లాలో పార్టీ నిర్ణయాలను ఆయనకే వదిలేస్తున్నాడు. ఆయనకు రాజకీయాలు చేతకావు. గాలి వాటంతో గెలుస్తున్నాడు. అసలు నెల్లూరు జిల్లా రాజకీయాలకే ఆయన సూటు కాడు. అయినా ఇక్కడ చక్రం తిప్పాలనుకుం టాడు. పార్టీలో ఇతరులకు అవకాశ మివ్వడు. ఈ ఎమ్మెల్సీ ఎన్నికలను ఎంతో సైలంట్‌గా చేసివుండొచ్చు. తెలుగుదేశం అభ్యర్థి రూపంలో జిల్లా వైకాపాకు ఓ మంచి అవకాశం కలిసొచ్చినట్లయ్యింది. ఆనం రామనారాయణరెడ్డి, ఆదాల ప్రభాకర్‌రెడ్డి అభ్యర్థి అయ్యుంటే వైకాపా ఇక్కడ పోటీ చేయాల్సిన అవసరం కూడా ఉండేది కాదు. వాకాటి కాబట్టి వైకాపాకు ఒక ఛాన్స్‌ ఇచ్చినట్లయ్యింది. కాని వైకాపా వాళ్లే ఆ ఛాన్స్‌ను మిస్‌ చేసుకున్నారు. మొదట్లో వైసిపిలో చేరిన అయిదారు మంది ఎంపీటీసీలకే తెగ ప్రచారం చేసారు. తామేదో ఘనకార్యం చేసినట్లు ఫోజులిచ్చారు. దీంతో చంద్రబాబుకు విషయం తెలిసి జిల్లాపై పట్టు బిగిం చాడు. తెలుగుదేశంలో వాకాటికి వ్యతి రేకంగా వున్న నాయకులను కూడా దారి లోకి తెచ్చాడు. వారి చేత వాకాటికి పని చేయించాడు. చంద్రబాబు భయంతో వాకాటి మీద వ్యతిరేకత వున్నా కూడా ఏ నాయకుడూ క్రాస్‌ ఓటింగ్‌ను ప్రోత్స హించలేకపోయాడు. అప్పటికే తెలుగు దేశం శిబిరంలో ఉన్నోళ్లు కూడా కొంత వరకు క్రాస్‌ ఓటింగ్‌కు పాల్పడ్డారు. వాకాటిని వ్యతిరేకించే నాయకులు గాని క్రాస్‌ ఓటింగ్‌ చేయించుంటే తెలుగుదేశం ఓడేది. వైకాపా వాళ్ళు తొలుత చేసిన ఆగిత్యంవల్లే 'దేశం'లోని వాకాటి వ్యతి రేకులు కూడా బాబు గీసిన గీత దాట లేకపోయారు.

Page 1 of 8

newsbottomad

ఎక్కువగా చదివిన వార్తలు

  • నెల్లూరు నగరాభివృద్ధికి... నాలుగు స్థంభాలు
    కన్నతల్లిని జన్మభూమిని ఎప్పుడూ మరచిపోకూడదని మన కేంద్రమంత్రి యం.వెంకయ్యనాయుడు ప్రతి సభలోనూ చెబుతుంటారు. మరి ఎంతమంది ఆ మాటను చెవికెక్కించుకుంటారన్నది వేరే విషయం. కాని ఆయన చెప్పే మాట ప్రతి ఒక్కరికీ వర్తిస్తుంది. కన్నతల్లిని జన్మభూమిని మరువవద్దని ఆయన చెబుతున్న మాటలను…
  • తీరంకు సిఇజడ్‌ హారం
    డాక్టర్‌ వై.యస్‌.రాజశేఖరరెడ్డి పాలనలో జిల్లాలో పారిశ్రామిక ప్రగతి పరుగులు పెట్టింది. కృష్ణపట్నం పోర్టు అత్యంత వేగంగా నిర్మాణం పూర్తి చేసు కుంది. వై.యస్‌. అనే నాయకుడు మర ణించకపోయి వుంటే కృష్ణపట్నం పోర్టు ఈరోజు దేశంలోనే ప్రముఖ పారిశ్రామిక హబ్‌గా అవతరించి…
  • ఆర్టీసీని... ఆధునీకరించడం కాదు... తరలించడమే ఉత్తమం
    నెల్లూరులోని ఆర్టీసీ బస్టాండ్‌కు నాలుగు దశాబ్దాల పైబడిన చరిత్ర ఉంది. అప్పట్లో ఈ బస్టాండ్‌ నగరానికి దూరంగా ఉన్న ట్లుండేది. ఈ నాలుగు దశాబ్దాల కాలంలో నగరం నలువైపులా విస్తరించింది. దీంతో ఆర్టీసీ బస్టాండ్‌ నగరానికి నడిబొడ్డులో వున్నట్లయ్యింది. కొన్నేళ్ల క్రితం…
  • నేలటూరువాసులకు సివిఆర్‌ జ్యోతులు
    ఈ నెల 20వ తేదీన కృష్ణపట్నం పోర్టు సివిఆర్‌ జ్యోతి పథకంలో భాగంగా ముత్తుకూరు మండలం నేలటూరులోని 150మంది మత్స్యకార కుటుంబాల వారికి ఉచితంగా గ్యాస్‌స్టౌలను అందించారు. కేంద్ర పర్యావరణ, అటవీశాఖ, వాతావరణ మార్పు శాఖ అధికారులు దీపక్‌ శ్యామ్యూల్‌, భూమత్‌…
  • నాయుడుపేట టు పూతలపట్టు... ఆరులైన్లకు ఆమోదం
    ఏపిలోనే అత్యంత రద్దీ ఉన్న రహదారులలో ప్రధానమైనది నాయుడు పేట - బెంగుళూరు రోడ్డు. ఏపి నుండి తమిళనాడు, కేరళ, కర్నాటక రాష్ట్రాలలోని పలు ప్రాంతాలను కలిపే ప్రధాన మార్గమిది. అంతేకాదు, ప్రముఖ ఆథ్యాత్మిక క్షేత్రాలన్నీ కొలువైన రహదారి. శ్రీకాళహస్తి, తిరుమల,…

Newsletter