silpaసాధారణ ఎన్నికల కంటే ఒక ట్రెండు సంవత్సరాల ముందు వచ్చే ఉపఎన్నిక ఏదయినా అధికారంలో వున్న పార్టీకి అగ్ని పరీక్ష వంటిదే! రాష్ట్రంలో ఆయా పార్టీల స్థితిగతులు బయటపడేది కూడా ఉపఎన్నికల ద్వారానే! అధికార పార్టీకి ప్రజాదరణ పెరిగిందా, కోల్పోయిందా అన్నది కూడా ఉపఎన్నికల ఫలితాలలో తేట తెల్లం అవుతుంటుంది.

రాష్ట్రంలో ఏ పార్టీ పరిస్థితి ఏంటి, భవిష్యత్‌ రాజకీయాలు ఏ విధంగా ఉండబోతున్నాయన్నదానికి కొలమా నంగా నంద్యాల ఉపఎన్నిక వచ్చి పడింది. భూమా నాగిరెడ్డి మరణంతో కర్నూలు జిల్లాలోని నంద్యాల అసెంబ్లీ సీటుకు ఉపఎన్నిక వచ్చింది. బహుశా కొద్ది రోజుల్లోనే దీనికి నోటిఫికేషన్‌ వెలువడవచ్చు.

మన రాష్ట్రంలో ఒక సాంప్రదా యాన్ని ప్రధానపార్టీలు కొనసాగిస్తు న్నాయి. ఎమ్మెల్యే గాని, ఎంపీగాని మర ణిస్తే ఆ స్థానానికి జరిగే ఉపఎన్నికల్లో సంబంధిత కుటుంబసభ్యులు పోటీ చేస్తే అవతల పార్టీ అభ్యర్థిని పెట్ట కుండా ఏకగ్రీవ ఎన్నికకు సహకరిస్తూ వచ్చేది. కాని నంద్యాల సబ్జెక్ట్‌ వేరే! 2014లో భూమా నాగిరెడ్డి ఇక్కడ వైయస్సార్‌ కాంగ్రెస్‌ అభ్యర్థిగా గెలిచారు. తర్వాత తెలుగుదేశంలో దూరారు. ఆ పార్టీ ఎమ్మెల్యేగానే మరణించారు. ఇక్కడ కొత్త సమస్య ఏంటంటే నంధ్యాలలో గెలిచింది వైసిపి, నాగిరెడ్డి మాత్రం మరణించేరోజుకు తెలుగుదేశంలో ఉన్నాడు. మా పార్టీ గెలిచిన సీటును మేమెందుకు వదులుకుంటామంటూ జగన్‌ మొదట్లోనే పోటీకి సంకేతాలిచ్చాడు. ఇక మా పార్టీ నాయకుడు కాబట్టి వారి కుటుంబసభ్యులనే పోటీకి దించాలంటూ చంద్రబాబు భూమా నాగిరెడ్డి సోదరుడి కొడుకైన భూమా బ్రహ్మానందరెడ్డిని అభ్యర్థిగా ఖరారు చేశారు. 2014 ఎన్నికల్లో నంధ్యాల నుండి తెలుగుదేశం అభ్యర్థిగా పోటీచేసి కొద్ది ఓట్ల తేడాతో పరాజయం పాలైన శిల్పా మోహన్‌రెడ్డి ఉపఎన్నికల్లో నంధ్యాల సీటును ఆశించాడు. అయితే చంద్రబాబు భూమా కుటుంబానికే సీటు అని తేల్చడంతో, ఇక అక్కడ ఇమడలేక శిల్పామోహన్‌రెడ్డి ఈ నెల 14వ తేదీన వై.యస్‌.జగన్‌ సమక్షంలో వైసిపిలో చేరిపోయాడు. శిల్పా మోహన్‌రెడ్డి వైకాపాలో చేరడమే నంధ్యాలలో తెలుగుదేశంకు అసలైన పరీక్ష. నంధ్యాల నియోజకవర్గంలో బలమైన వర్గం, పరపతి కలిగిన నాయకుడు శిల్పామోహన్‌రెడ్డి, సొంతంగా ఓట్లున్నాయి. 2014 ఎన్నికల్లో కర్నూలు జిల్లాలో ఫ్యాన్‌ ప్రభంజనం పనిచేసినా, నంధ్యాలలో మాత్రం శిల్పా చాలా గట్టిపోటీనిచ్చాడు. ఓపక్క వై.యస్‌. సానుభూతి, ఇంకోపక్క శోభా నాగిరెడ్డి మరణంతో వచ్చిన సానుభూతి... ఇంత అనుకూల వాతావరణం ఉన్నా కూడా 2014 ఎన్నికల్లో నంధ్యాల నుండి భూమా నాగిరెడ్డి చచ్చీచెడి శిల్పా మోహన్‌రెడ్డి మీద కేవలం 2వేల చిల్లర ఓట్ల తేడాతో మాత్రమే గెలవగలిగాడు. అంటే ఇక్కడ శిల్పా వ్యక్తిగత బలం వై.యస్‌, శోభా నాగిరెడ్డిల సానుభూతిని ఢీకొట్టకలిగింది. తెలుగుదేశంలో ఉన్న ప్పుడే అంతగా పోటీనిచ్చిన శిల్పా మోహన్‌రెడ్డికి వైసిపిలో ఇంకా ఇమేజ్‌ పెరుగుతుంది. వైసిపి హవా ప్రభుత్వ వ్యతిరేక ఓటు, శిల్వా వ్యక్తిగత ప్రతిష్ట అన్నీ కలిస్తే... ఇక్కడ శిల్పామోహన్‌రెడ్డిని ఢీకొనాలంటే కష్టమే! నంధ్యాల ఉపఎన్నికల్లో శిల్పామోహన్‌రెడ్డి రూపంలో వైకాపాకు బలమైన అభ్యర్థి దొరికాడు. అధికార పార్టీ కాబట్టి తెలుగుదేశం గెలుపు కోసం ఇక్కడ శక్తియుక్తులన్నింటిని ధారపోయవచ్చు. ఈ ఉపఎన్నికల్లో గెలుపు అటు అధికార తెలుగుదేశంకు ఇటు ప్రతిపక్ష వైకాపాకు ప్రతిష్టాత్మకం. తెలుగుదేశం గెలిస్తే ఆ పార్టీ నుండి ఇక వలసలు ఉండవు. పార్టీ తిరిగి అధికారంలోకి వస్తుందన్న ఒక నమ్మకం ఏర్పడుతుంది. అదే ఓడిపోయి వైకాపా గెలిస్తే ఆ పార్టీ నుండి వైకాపాలోకి వలసలు మొదలవుతాయి. చంద్రబాబు నాయకత్వంపై నమ్మకం పోతుంది. మొత్తానికి నంద్యాల ఉపఎన్నిక ఫలితం ప్రభావం 2019 ఎన్నికలపై బలంగానే ఉంటుంది.

jaga lokదొడ్డిదారిన వచ్చి వెన్నుపోటు పొడిచి గెలిచిన వాడిని 'వీరుడు' అనరు. ఓడినా, ప్రాణాలను వీడినా ఎదురొడ్డి నిలిచి పోరాడిన వాడినే వీరుడంటారు. దొడ్డిదారిన వచ్చింది విజయం కాదు. శత్రువును నిస్సహాయుణ్ణి చేసి గెలిచింది గెలుపూ కాదు. శత్రువును ధర్మయుద్ధంలో ఓడించడమే అసలైన విజయం. అది యుద్ధమైనా రాజకీయ యుద్ధమైనా?

రాష్ట్ర రాజకీయాలలో ధర్మయుద్దాలకంటే అదర్మ యుద్ధాలనే ఎక్కువుగా చూస్తుంటాం. ప్రస్తుతమున్న రాజకీయ పరిస్థితుల్లో ధర్మంగా వుంటే గెలవడం కష్టం కూడా! ఇలాంటి ధర్మయుద్ధం చేసే 2014 ఎన్నికల్లో వైకాపా అధినేత వై.యస్‌.జగన్మోహన్‌రెడ్డి అధికారానికి దూరం కావడం చూసాము.

ఇటీవల చంద్రబాబు స్కోత్కర్షను జనం భరించ లేకపోతున్నారు. ఏపికి నేనే బ్రాండ్‌నంటూ ఆయన వేస్తున్న బ్యాండ్‌ను భారంగా భరించాల్సి వస్తోంది. ఇప్పటివరకు చంద్రబాబే అనుకుంటే, ఇప్పుడు ఆయన తలదన్నేలా ఆయన కొడుకు లోకేష్‌ తయారయ్యాడు. తనను తాను రాష్ట్ర నాయకుడిగా చెప్పుకునేందుకు నానా తంటాలు పడుతున్నాడు. మాటికొస్తే జగన్‌ మీద పడి ఏడుస్తున్నాడు. అసలు జగన్‌తో లోకేష్‌కు పోలికేంటి? అసలు జగన్‌కు చంద్రబాబుతోనే పోలిక లేదు. ఎన్టీఆర్‌ పెట్టిన పార్టీనే ఆధారంగా చేసుకుని మనుగడ సాగిస్తున్న వాళ్ళు చంద్రబాబు, లోకేష్‌లు. వీళ్ళు సొంతంగా పార్టీని పెట్టలేదు. పార్టీకి కేడర్‌ను నిర్మించలేదు. ఎన్టీఆర్‌ పుణ్యాన రాజకీయ భవిష్యత్‌ లభించింది. అధికారం అనుభవించారు. ఎన్టీఆర్‌ నుండి పార్టీని లాక్కున్నారు. చంద్రబాబు చేతిలోకి పార్టీ వచ్చాక రెండుసార్లు గెలిచింది. అది కూడా 1999లో వాజ్‌పేయి ఇమేజ్‌తో, 2014లో మోడీ ప్రభంజనంతో అధికారం సంపాదించుకున్నారు. అంతకుమించి చంద్రబాబుకు సొంతంగా పార్టీని గెలిపించిన ఇమేజ్‌ లేదు. ఇక తండ్రి రాజకీయ వారసుడిగా రంగంలోకి వచ్చిన లోకేష్‌ ఈ మూడే ళ్లలో చూపించిన అద్భుత పెర్ఫార్మెన్స్‌ ఏమీ లేదు. కనీసం ప్రజాక్షేత్రంలో తనను తాను ప్రజానాయ కుడిగా నిరూపించుకోలేకపోయాడు. ప్రత్యక్ష ఎన్ని కల్లో పోటీచేసి ఎంపీగానో, ఎమ్మెల్యేగానో, లేదంటే ఎమ్మెల్సీగానే చట్టసభలలో అడుగుపెట్టే అవకాశం వున్నా, దొడ్డిదారిన శాసనమండలిలోకి ప్రవేశించాడు. తండ్రి కొలువులో మంత్రిగా కుర్చీ వేయించుకున్నాడు.

జగన్‌ ఆ పంథాలో పోలేదు. తన తండ్రి మరణానంతరం సొంత కాంగ్రెస్‌పార్టీ అధినేత్రే అతని మీద కత్తి కట్టింది. ప్రజల్లోకి పోవద్దంది. ప్రజలే తనకు లోకమన్న జగన్‌పై కేసులు పెట్టింది. 16నెలలు జైలులో పెట్టించింది. కాంగ్రెస్‌ నుండి బయటకొచ్చిన జగన్‌ అన్నీ భరించాడు. జైలు జీవి తాన్ని అనుభవించాడు. ఓ పక్క ఢిల్లీతో తలపడ్డాడు. ఇంకోపక్క రాష్ట్రంలో అభ్యర్థులను ఎదుర్కొన్నాడు. సొంతంగా వైయస్సార్‌ కాంగ్రెస్‌పార్టీని స్థాపించాడు. సెకండ్‌ క్యాడర్‌లో వున్న కార్యకర్తలను లీడర్లుగా చేసాడు. 2014ఎన్నికల్లో ఒక్కడే పోరాడాడు. ఎన్టీఆర్‌ అంత సినిమా గ్లామర్‌ లేకున్నా తన స్వయం కృషితో 8మంది ఎంపీలను, 68మంది ఎమ్మెల్యేలను గెలిపించాడు. నాలుగు పదులు నిండిన వయసులోనే జగన్‌ సాధించిన ఘనవిజయమిది. చంద్రబాబు ధర్మంగా పోరాడివున్నా, జగన్‌ అధర్మయుద్ధం చేసున్నా 2014 ఎన్నికల్లో జగన్‌దే అధికారం. కాని జగన్‌ ఒక సైద్ధాంతిక విలువల పరిధిని దాటలేదు కాబట్టే ప్రతిపక్షనేతగా మిగిలిపోయాడు.

ఈరోజున్న రాజకీయ పరిస్థితుల్లో ఒక పార్టీని నడపడం ఎంత కష్టమో చూస్తున్నాం. చిరంజీవి లాంటి వాడే పార్టీ పెట్టిన రెండో సంవత్సరమే కాంగ్రెస్‌కు అమ్మేసుకున్నాడు. కాని, జగన్‌ తన పార్టీని నిలబెట్టాడు. మూడేళ్లుగా ధీటైన ప్రతిపక్షనేతగా రాణిస్తున్నాడు. అసెంబ్లీ లోపల, బయట ప్రభుత్వానికి ముచ్చెమటలు పట్టిస్తున్నాడు. రాష్ట్రంలో ఎప్పుడూ ప్రజల ముందుంటున్నాడు.

ఈరోజు జగన్‌ మీద వై.యస్‌. బ్రాండ్‌ లేదు. జగన్‌ తనను తాను నాయకుడిగా నిరూపించు కున్నాడు. ఢిల్లీ నుండి గల్లీ దాకా ప్రత్యర్థులతో అలుపెరుగని పోరాటం చేస్తూనే ప్రజలకు అండగా నిలుస్తున్నాడు. ప్రజామోదం పొందిన అలాంటి జగన్‌ ఎక్కడ? వర్ధంతికి, జయంతికి తేడా తెలియని లోకేష్‌ ఎక్కడ? ఆయనతో ఈయన పోటీ పడడం నక్కకు నాగలోకానికి వున్నంత తేడా వుంది.

jaganకత్తి మొనతేలేదైనా, వజ్రం మెరిసేదైనా మెరుగుపడితేనే! తల్లి గర్భంలోనే అన్నీ నేర్చుకోవడానికి అందరూ అభిమన్యులు కాదు, అందరికీ శ్రీకృష్ణుడు లాంటి మేనమామలు ఉండరు. ప్రతి వ్యక్తికి కూడా అనుభవమే జీవితసారాన్ని బోధిస్తుంది. భవిష్యత్‌ మార్గాన్ని సూచిస్తుంది. ఏ రంగంలోనైనా ముందు కష్టపడడం, ఆ తర్వాత ఫలితాన్ని ఆశించడం అన్నది ప్రాథమిక సూత్రం కావాలి.

ముఖ్యంగా రాజకీయాల్లో కష్టపడకుండా పదవులు పొందేవాళ్ళు నాయకులు కాదు. కష్టపడకుండానే సీఎం కుర్చీ దక్కడానికి అందరు నాయకులకూ ఎన్టీఆర్‌ లాంటి మామలు దొరకరు. 2014 ఎన్నికల్లో తెలుగుదేశం కాకుండా వైసిపియే అధికారంలోకి వచ్చుంటే పరిస్థితి ఏంటి? ఆ గెలుపు వై.యస్‌దేగాని జగన్‌ది కాదు. ఎందుకంటే అప్పటికి జగన్‌ రాజకీయాలలో ఎల్‌కెజి మాత్రమే చదువుతున్నాడు. వై.యస్‌. బొమ్మను చూసి, ఆయన చేసిన మంచి పనులను చూసే ప్రజలు ఓట్లేసారనే పేరుండేది. తండ్రి పేరు చెప్పుకుని సీఎం కుర్చీ ఎక్కాడన్న పేరు జగన్‌కు జీవితాంతం ఉండిపోయేది. అదీగాక అప్పుడే అధికారంలోకి వచ్చుంటే తాను చేసిందే రైట్‌ అనుకునే మూర్ఖత్వం స్థాయి అతనిలో ఇంకొంచెం పెరిగివుండేది. తెలిసీ తెలియని తప్పులు చేసి రాజకీయాల్లో గబ్బు పట్టుండేవాడు.

రాజశేఖరరెడ్డి కూడా 30ఏళ్లు నిత్యం పోరాడబట్టే ముఖ్యమంత్రి అయ్యాక ప్రజల నాడినిబట్టి పని చేయగలిగాడు. ప్రజల మనసుల్లో నిలిచిపోయేలా పరిపాలన చేసాడు. జగన్‌కు 2014లో ప్రతిపక్ష నేతగా అలాంటి అపూర్వ అవకాశమే వచ్చింది. 2014లో ముఖ్యమంత్రి కుర్చీ కంటే ప్రతిపక్ష నేత బాధ్యత రావడమే ఆయన రాజకీయ జీవితంలో మేలిమలుపు. ఈ మూడేళ్లలో ప్రతిపక్ష నేతగా సమర్ధవంతంగా రాణించగలిగాడు. ప్రభుత్వ అవినీతి అక్రమాలను అసెంబ్లీ లోపల, బయటా ఎండగట్టడంలో విజయం సాధించాడు. రాష్ట్రంలో ఓ పక్క ఎల్లో మీడియాను, ఇంకోపక్క ప్రభుత్వ నిరంకుశత్వాన్ని ధీటుగా ఎదుర్కొంటూనే ఇంకోపక్క తన పార్టీ కేడర్‌లో ధైర్యం నింపుతున్నాడు. 2014 ఎన్నికలలో తాను చేసిన పొరపాట్లను పునఃసమీక్షించుకుంటూ, వాటిని పురావృతం కానీయడం లేదు. వైసిపిలోకి వస్తామంటున్న కాంగ్రెస్‌ సీనియర్లను ఆహ్వానిస్తున్నాడు. సీనియార్టీని బట్టి ప్రాధాన్యతినిస్తున్నాడు. రాష్ట్రంలోని అన్ని నియోజకవర్గాల నేతలతో నేరుగా సంప్రదింపులు జరుపుతున్నాడు. అందరితో మంచి, చెడ్డా పార్టీ పరిస్థితులపై చర్చిస్తున్నాడు. గతానికంటే భిన్నంగా తమకు దగ్గరగా వ్యవహరిస్తున్న జగన్‌ను చూసి ఆ పార్టీ కార్యకర్తలు, నాయకులు ఆనందిస్తున్నారు. వచ్చే ఎన్నికలను ధైర్యంగా ఎదుర్కోగలమనే నమ్మకంతో వున్నారు. ముఖ్యంగా ఢిల్లీ పరిణామాలు కూడా ఆ పార్టీలో ఉత్సాహవంతమైన వాతావరణాన్ని ఏర్పరచాయి. ఇంతకాలం చంద్రబాబుకే ఢిల్లీలో లాబీయింగ్‌ వుండేది. జగన్‌పై కాంగ్రెస్‌ కక్షకట్టి ఉండడం, మిగతా నాయకులతో సంబంధాలు లేకపోవడం జగన్‌కు లోటుగా అనిపించేది. విజయసాయిరెడ్డిని రాజ్యసభకు పంపించాక ఆ లోటు తీరింది. జగన్‌ తరపున ఢిల్లీలో లాబీయింగ్‌ చేయడంలో, ఏపిలో ప్రభుత్వం చేస్తున్న అక్రమాలను ఢిల్లీ పెద్దల దృష్టికి తీసుకుపోవడంలో విజయసాయిరెడ్డి సఫలమయ్యాడు. ఢిల్లీలో పట్టుదొరకడంతో రాష్ట్ర రాజకీయాల్లో జగన్‌ ఇక సరైన ట్రాక్‌లో పయనించబోతున్నాడు.

Page 1 of 19

newsbottomad

ఎక్కువగా చదివిన వార్తలు

  • నెల్లూరు నగరాభివృద్ధికి... నాలుగు స్థంభాలు
    కన్నతల్లిని జన్మభూమిని ఎప్పుడూ మరచిపోకూడదని మన కేంద్రమంత్రి యం.వెంకయ్యనాయుడు ప్రతి సభలోనూ చెబుతుంటారు. మరి ఎంతమంది ఆ మాటను చెవికెక్కించుకుంటారన్నది వేరే విషయం. కాని ఆయన చెప్పే మాట ప్రతి ఒక్కరికీ వర్తిస్తుంది. కన్నతల్లిని జన్మభూమిని మరువవద్దని ఆయన చెబుతున్న మాటలను…
  • తీరంకు సిఇజడ్‌ హారం
    డాక్టర్‌ వై.యస్‌.రాజశేఖరరెడ్డి పాలనలో జిల్లాలో పారిశ్రామిక ప్రగతి పరుగులు పెట్టింది. కృష్ణపట్నం పోర్టు అత్యంత వేగంగా నిర్మాణం పూర్తి చేసు కుంది. వై.యస్‌. అనే నాయకుడు మర ణించకపోయి వుంటే కృష్ణపట్నం పోర్టు ఈరోజు దేశంలోనే ప్రముఖ పారిశ్రామిక హబ్‌గా అవతరించి…
  • ఆర్టీసీని... ఆధునీకరించడం కాదు... తరలించడమే ఉత్తమం
    నెల్లూరులోని ఆర్టీసీ బస్టాండ్‌కు నాలుగు దశాబ్దాల పైబడిన చరిత్ర ఉంది. అప్పట్లో ఈ బస్టాండ్‌ నగరానికి దూరంగా ఉన్న ట్లుండేది. ఈ నాలుగు దశాబ్దాల కాలంలో నగరం నలువైపులా విస్తరించింది. దీంతో ఆర్టీసీ బస్టాండ్‌ నగరానికి నడిబొడ్డులో వున్నట్లయ్యింది. కొన్నేళ్ల క్రితం…
  • నాయుడుపేట టు పూతలపట్టు... ఆరులైన్లకు ఆమోదం
    ఏపిలోనే అత్యంత రద్దీ ఉన్న రహదారులలో ప్రధానమైనది నాయుడు పేట - బెంగుళూరు రోడ్డు. ఏపి నుండి తమిళనాడు, కేరళ, కర్నాటక రాష్ట్రాలలోని పలు ప్రాంతాలను కలిపే ప్రధాన మార్గమిది. అంతేకాదు, ప్రముఖ ఆథ్యాత్మిక క్షేత్రాలన్నీ కొలువైన రహదారి. శ్రీకాళహస్తి, తిరుమల,…
  • జిల్లాలో వైకాపా... బలముంది... బలమైన నాయకత్వమే కావాల్సివుంది
    రాష్ట్రంలోనే వైయస్సార్‌ కాంగ్రెస్‌పార్టీ బలంగా వున్న జిల్లాల్లో నెల్లూరొకటి. కడప, కర్నూలు తర్వాత నెల్లూరుజిల్లానే వైసిపికి కంచుకోట! ఇంకోరకంగా చెప్పాలంటే ఆ రెండు జిల్లాల్లో వైసిపి నుండి గెలిచిన ఎమ్మెల్యేలు ఎక్కువ మంది తెలుగుదేశంలోకి జంప్‌ అయినా, నెల్లూరుజిల్లాలో మాత్రం ఒకే…

Newsletter