modi jag naraఇటీవలే బాలకృష్ణ హీరోగా నటించిన 'గౌతమీపుత్ర శాతకర్ణి' సినిమా చూసాం. భారత ఉపఖండంలోని చిన్నచిన్న రాజ్యాలన్నిం టిని జయించి ఒకే పరిపాలన క్రిందకు తేవా లన్న లక్ష్యంతో శాతకర్ణి అన్ని రాజ్యాలను జయిస్తూ పోతుంటాడు. ఇప్పుడు భారత ప్రధాని నరేంద్ర మోడీ చేస్తున్నది కూడా అలాంటి యుద్ధమే! అన్ని రాష్ట్రాలలోనూ బీజేపీ జెండా ఎగురవేయాలని, ఒక్కో రాష్ట్రాన్ని ఆక్ర మించుకుంటూ పోవాలన్నది నరేంద్ర మోడీ పన్నాగం.

ఆయన ఆలోచనలు ఒక్కొక్కటిగా ఫలిస్తున్నట్లే కనిపిస్తున్నాయి. కాబట్టే ముస్లిం ప్రాబల్యంగల జమ్మూ కాశ్మీర్‌లో మిత్రపక్షం పిడిపితో కలిసి ప్రభుత్వాన్ని ఏర్పాటు చేయడమే కాకుండా ఈశాన్య రాష్ట్రాలైన అస్సాం, అరుణాచల్‌ప్రదేశ్‌లలో బీజేపీ సొంతంగా జెండా ఎగురవేయగలిగింది. పెద్దరాష్ట్రమైన యూపీలో పాగా వేసింది. ఒక్కో రాష్ట్రంలో జెండా ఎగురవేయడానికి నరేంద్ర మోడీ ఒక్కో విధానాన్ని అనుసరిస్తున్నారు.

ఈ పరంపరలోనే ఈసారి మోడీ గ్యాంగ్‌ దక్షిణాది రాష్ట్రాలపై ప్రధానంగా దృష్టి సారించింది. దక్షిణాది రాష్ట్రాల విషయానికొస్తే ఆంధ్రప్రదేశ్‌లో బలపడడం ఆ పార్టీకి మొదటి నుండి సవాల్‌గానే మారింది. ఇక్కడ బీజేపీ బలహీనత అంతా కూడా తెలుగుదేశమే! ఆ పార్టీతో పొత్తే బీజేపీని ఎదగనీయకుండా చేస్తోంది. టీడీపీ నిలవడం కోసం బీజేపీ కూలబడుతోంది. ఒక్క మాటలో చెప్పాలంటే ఏపిలో టీడీపీని కాపాడేందుకు బీజేపీ భవిష్యత్‌ను, ఇక్కడ బీజేపీ కార్యకర్తల బ్రతుకులను పణంగా పెట్టారని చెప్పవచ్చు.

అయితే ఇకముందు టీడీపీ కోసం తమ పార్టీని బలిపెట్టడానికి బీజేపీ నాయకులు సిద్ధంగా లేరు. ముఖ్యంగా రాబోయే ఎన్నికలను దృష్టిలో పెట్టుకుని ఆంధ్రా, తెలంగాణలలో బలపడేందుకు ఈ పార్టీ అధ్యక్షుడు అమిత్‌షా యాక్షన్‌ప్లాన్‌ సిద్ధం చేసుకు న్నట్లు సమాచారం. ఏపిలో ఎవరితో కలిసి పయ నించాలనేదానిపై త్వరలోనే మోడీ, అమిత్‌షాలు ఒక స్పష్టతకు వచ్చే అవకాశముంది. టీడీపీతో కలిసి ప్రయాణించడం వారికి సుతారం ఇష్టం లేదు. 2014ఎన్నికలప్పుడే ఒంటరిగా పోటీ చేయాలని భావించారు. కాని ప్రజల్లో నరేంద్ర మోడీ క్రేజ్‌ను గుర్తించిన చంద్రబాబు ఆంబానీల స్థాయిలో పైర వీలు సాగించి బీజేపీతో పొత్తు కలిసేలా చేసాడు. ఆ పొత్తు చంద్రబాబుకు అధికారాన్ని తెచ్చిపెట్టింది.

ఇప్పుడు కూడా చంద్రబాబు బీజేపీని వదలా లనుకోవడం లేదు. దేశవ్యాప్తంగా బీజేపీకి అను కూలంగా వస్తున్న ఫలితాలను చూస్తున్నాడు కదా! కాని మోడీ, అమిత్‌షాలు మాత్రం ఇక టీడీపీతో కలిసి ప్రయాణించకూడదని భావిస్తున్నారు. టీడీపీతో పొత్తు వల్లే 30 ఏళ్లుగా ఈ రాష్ట్రంలో ఎదగలేకపోయా మని గుర్తించారు. అదీగాక చంద్రబాబు కంటే కూడా జగన్‌ను నమ్మకమైన నేస్తంగా భావిస్తున్నారు. చంద్రబాబు ఎటు గాలి తోలితే అటు మొగ్గుతాడు. రేపు ప్రతిపక్ష పార్టీలన్నీ ఫ్రంట్‌ కడితే చంద్రబాబు పోయి వారి ముందు నిల్చున్నా ఆశ్చర్యపోవాల్సిం దేమీ లేదు. అదే జగన్‌ అయితే ఇచ్చిన మాట తప్పడు. నాలుగు పదుల వయసు లోనే ప్రపంచంలోనే శక్తివంతమైన నాయకు రాలిగా ఫోర్బ్స్‌ జాబితాలో చోటు దక్కించు కున్న సోనియాగాంధీని ఎదిరించి, ఆమెతో రాజీపడకుండా 16నెలలు జైలులో గడి పిన జగన్‌పై మోడీ, అమిత్‌షాలకు ప్రత్యేక నమ్మకముంది. అందుకే వాళ్లు చంద్ర బాబుతో కంటే జగన్‌ వైపే ఎక్కువగా చూస్తున్నట్లు తెలుస్తోంది. బహుశా రాష్ట్ర పతి ఎన్నికల తర్వాత రాష్ట్ర రాజకీయా లలో సమీకరణలు మారే అవకాశాలు కనిపిస్తున్నాయి. ఈ నెల 10వ తేదీన ఢిల్లీలో ప్రధాని నరేంద్రమోడీని వైసిపి అధినేత వై.యస్‌.జగన్మోహన్‌రెడ్డి కలవడం, రాష్ట్రంలో పరిస్థితులను నివేదించడం, రాష్ట్రపతి ఎన్నికల్లో ఎన్డీఏ అభ్యర్థిగా బేషరతుగా మద్దతునిస్తామని ఆయన ప్రకటించడం... రాష్ట్ర రాజకీయాల్లో సరి కొత్త ప్రకంపనలు రేపుతోంది. ముఖ్యంగా ప్రధానమంత్రి కార్యాలయం నుండే జగన్‌కు అపాయింట్‌మెంట్‌ రావడం తెలుగుదేశం నాయకులకు మింగుడు పడడం లేదు. కేసులను మాఫీ చేసుకు నేందుకే జగన్‌ మోడీ వద్ద మోకరిల్లాడని తెలుగుదేశం నాయకులు అప్పుడే తమ అక్కసు వెళ్ళగక్కారు. దీనిపై రాష్ట్ర బీజేపీ నాయకులే తెలుగుదేశం వాళ్ళకు కౌంటర్‌ సమాధానం ఇచ్చారు. ఇప్పటివరకు కూడా కేంద్రం మీద ఒత్తిడి తెచ్చి ఎలక్షన్‌లోపే జగన్‌ను జైలుకు పంపిస్తారని ఒక నమ్మకం తెలుగుదేశం నాయకుల్లో ఉండేది. జగన్‌కు మోడీ నుండి వచ్చిన పాజిటివ్‌ రెస్పాన్స్‌తో తెలుగుదేశం నాయకుల కలలు కరిగి పోతున్నాయి. ముఖ్యంగా మోడీ, అమిత్‌ షాల ద్వయం ఏపిని టార్గెట్‌గా పెట్టు కుంది. వచ్చే ఎన్నికల్లో టీడీపీని దూరంగా పెట్టి రాష్ట్రంలో పోటీ చేయడానికి సన్నా హాలు చేస్తోంది. అవసరమైతే ఒంటరిగా పోటీ చేయడమా, లేక జాతీయ రాజకీ యాల్లో తమకు ఎప్పుడూ అడ్డుపడని, పడలేని వై.యస్‌.జగన్మోహన్‌రెడ్డితో పొత్తు కుదుర్చుకుని ముందుకు సాగడమా? అనే దానిపై కూడా రాష్ట్రపతి ఎన్నికల తర్వాత ఒక స్పష్టత వచ్చే అవకాశముందని విశ్వస నీయ సమాచారం.

jagan2014లో తెలుగుదేశంపార్టీ అధికారంలోకి రావడానికి ప్రధాన కారణం ఏమిటన్న ప్రశ్నకు చాలామంది చెప్పే సమాధానం బీజేపీతో పొత్తు పెట్టుకోవడం, ఇంకొందరు చెప్పేది పవన్‌ కళ్యాణ్‌ మద్దతు పలకడం, మరికొందరు చెప్పేది చంద్రబాబు చేసిన ఋణ మాఫీ వాగ్దానాన్ని రైతులు నమ్మడం. వీటిలో కొంతవరకు వాస్తవం వుండొచ్చు. అయితే అన్నింటికంటే కరెక్ట్‌ సమాధానం తెలుగుదేశం అధికారంలోకి రావడానికి కారణం వైకాపా అధినేత జగన్‌! ఇది నమ్మాల్సిన నిజం కూడా!

జగన్‌ 2014 ఎన్నికలను జాగ్రత్తగా చేసుకుని వుంటే అధికారం అతని చేయి దాటిపోయేది కాదు. వస్తామన్న కాంగ్రెస్‌ కేడర్‌ను చేర్చుకుని వున్నా, చంద్రబాబులాగే రైతు ఋణమాఫీ వాగ్దానం చేసున్నా, ఒక మతపరమైన ముద్రను పడకుండాచేసుకుని వున్నా వైసిపిదే అధికారం. కాని ఉత్తుత్తి వాగ్దానాలు చేసి అధికారంలోకి వచ్చి వున్నా, ఇప్పటికే ఫెయిలై వుండేవాడు. హామీల విషయంలో వాస్తవాలకు కట్టుబడి అధికారానికి దూరమైనా, తండ్రిలాగే మాటిస్తే తప్పడనే పేరును మాత్రం నిలుపుకున్నాడు. అయితే 2014 ఎన్నికల నాటి వైఫల్యాలను గుణపాఠంగా తీసుకున్న జగన్‌ రాబోయే ఎన్నికలను దృష్టిలో పెట్టుకుని వాటన్నింటిని కూడా సరిదిద్దుకుంటున్నాడు. ముఖ్యంగా అధికారపార్టీ వైఫల్యాలను ఓట్లుగా మలచుకునే ప్రక్రియను వేగవంతం చేశాడు. రాష్ట్ర రాజకీయాలను శాసించే యువత దృష్టిని ప్రముఖంగా ఆకర్షిస్తున్నది జగనే! ప్రత్యేకహోదా విషయంలో చంద్రబాబు రాష్ట్రంలో యువతకు టోపీ పెడితే, ఆ ప్రత్యేకహోదా కోసం ఇప్పటికీ పోరాడుతున్నది జగనే! ప్రత్యేకహోదా కోసం రాష్ట్ర వ్యాప్తంగా జగన్‌ చేపట్టిన దీక్షలకు సైతం యువత నుండి విశేషస్పందన రావడం చూసాం. 2014 ఎన్నికల్లో చంద్రబాబు చేసిన ఋణమాఫీ వాగ్దానం వల్ల రైతులు తెలుగుదేశాన్ని నమ్మారు. అధికారంలోకి వచ్చాక చంద్రబాబు చేసిన ఋణమాఫీ వడ్డీలకు కూడా సరిపోలేదు. ఇక రాష్ట్రవ్యాప్తంగా కూడా సెజ్‌ల పేరుతో ప్రభుత్వం చేస్తున్న భూదోపిడీకి బలవుతున్నది కూడా రైతులే! ఇప్పుడు పండించుకుంటున్న పంటలకు గిట్టుబాటు ధరలు లేక రైతులు లబోదిబోమంటున్నారు. చంద్రబాబు ప్రభుత్వంలో ఏ రైతూ సంతోషంగా లేడు. దీనికితోడు కరువు కాటకాలతో రైతాంగం అల్లాడుతోంది. గిట్టుబాటు ధరలు లేని మిర్చి రైతుల కోసం జగన్‌ గుంటూరులో నిర్వహించిన రైతు దీక్షకు రైతులు పోటెత్తడం చూసాము. అలాగే బి.సిలలో చేరుస్తామన్న చంద్రబాబు మాట నమ్మి తెలుగుదేశానికి మద్దతు తెలిపిన కాపులు సైతం ఈరోజు కసితో రగిలిపోతున్నారు. చంద్రబాబుపై దండయాత్రకు సిద్ధంగా వున్నారు. జీవితంలో ఒకే ఒక్కసారి చంద్రబాబును నమ్మిన పాపానికి మోసపోయామనే బాధతో వున్నారు. ఇక మైనార్టీలు జగన్‌కు బలమైన అండగా నిలిచివున్నారు.

రాష్ట్రంలో ఒకట్రెండు సామాజిక వర్గాల నుండి తప్పితే మిగిలిన అన్ని సామాజిక వర్గాల నుండి కూడా జగన్‌కు బలమైన మద్దతు లభిస్తుంది. ముఖ్యంగా యువత, అన్నదాత జగన్‌కు అండగా నిలవనున్నారు. జగన్‌ చేసుకోవాల్సిందల్లా 2014 ఎన్నికలనాటి వైఫల్యాలను పునరావృతం కాకుండా చూసుకోవడమే! పార్టీ కమిటీలను పటిష్టం చేయాలి. క్రమశిక్షణ కలిగిన కార్యకర్తలతో బూత్‌కమిటీలు వేయాలి. వార్డులు మొదలుకొని మండలాలు, నియోజకవర్గాలు, జిల్లాలవారీగా కమిటీలను నియమించాలి. ప్రతిజిల్లాకు ఒక్కో ఇన్‌ఛార్జిని నియమించాలి. కొందరు సీనియర్లను ఎన్నికల్లో నిలపకుండా ఎన్నికలు నడిపే పరిశీలకులుగా నియమించుకోవాలి.

జగన్‌ గతానికి చాలా భిన్నంగా వ్యవహరిస్తున్నట్లు తెలుస్తోంది. ముఖ్యంగా సీనియర్‌ నాయకులను, తన తండ్రి వై.యస్‌. సన్నిహితులను తిరిగి దగ్గరకు చేర్చుకోవాలనే ఆలోచనలో వున్నట్లు సమాచారం. ప్రజల్లో వున్న అభిమానమే కాదు, రాజకీయాలలో, ఎన్నికలలో వ్యూహప్రతివ్యూహాలు నడిపే నాయకగణాలు కూడా ఎంతో అవసరం. ఈ గణాలను సమకూర్చుకునే దిశగా జగన్‌ అన్ని వైపుల నుండి జోరు పెంచాడు. ఓ పక్క ప్రభుత్వ వైఫల్యాలను ఎండగడుతూ ఇంకో పక్క ప్రజాక్షేత్రంలో పోరాటాల ద్వారా ప్రజామద్దతు కూడగడుతూ మరోపక్క మిత్రులను దరి చేర్చుకుంటూ పక్కా వ్యూహాలతో ఆయన ఎన్నికల యుద్ధానికి సిద్ధమవుతున్నాడని సమాచారం.

jaganఆవేశం కాదు ఆలోచనతో కూడిన ప్రసంగం... అర్ధం పర్ధం లేని మాటలతో కాదు అర్ధవంతమైన వివరాలతో విమర్శలు... ఏ అంశం చర్చకు వచ్చినా ప్రభుత్వాన్ని ఇరకాటంలో పెట్టడం... ఏ ప్రశ్న వేసినా ప్రభుత్వం నుండి సరైన సమాధానం రాలేకపోవడం... మొన్న ముగిసిన ఏపి శాసనసభ బడ్జెట్‌ సమావేశాలను చూస్తే రాటుదేలిన ప్రతిపక్ష నేతగా వై.యస్‌.జగన్మోహన్‌రెడ్డి కనిపిస్తాడు. ఈ సమావేశాలలో ఆయన ఎంతగానో రాణించాడు. ప్రతి అంశంపై చర్చలోనూ ఓర్పు - నేర్పు ఆయనలోని పరిణితికి అద్దం పడుతోంది. ముఖ్యంగా ఈ సమావేశాల ద్వారా జగన్‌ తన పార్టీ శ్రేణులకు తనది బలమైన నాయకత్వమనే ఒక నమ్మకాన్ని కలిగించాడు. అలాగే ప్రజా సమస్యలపై పోరాటం ద్వారా ప్రజల దృష్టిలోనూ పడ్డాడు.

గతంలో అసెంబ్లీ సమావేశాలను ప్రజలు పెద్దగా పట్టించుకునేవాళ్ళు కాదు. ఏదో సభలో అరుచుకుంటుంటారు, ఆ గోల మనకెందుకులే అన్నట్లుండేవాళ్ళు. కాని సమాజంలో ఇప్పుడు మీడియా విప్లవం వచ్చింది. ఇప్పుడు ప్రతి ఇంటి లోనే కాదు ప్రతి ఒక్కరి చేతుల్లోనూ స్మార్ట్‌ ఫోన్‌లు ఉంటున్నాయి. అసెంబ్లీలో ఎవరు ఏం మాట్లాడుతున్నారన్నది అప్పటికప్పుడు చూస్తున్నారు. ముఖ్యంగా సోషల్‌ మీడియా వచ్చాక దేనిగురించైనా తెలుసుకోవడం సులభమవుతోంది!

ఈ సమావేశాలలో ప్రభుత్వ చర్య లను, అవినీతి అక్రమాలను ఉతికి ఆరేయ డంలో ప్రతిపక్ష నేతగా జగన్‌ సక్సెస్‌ అయ్యాడు. ప్రతిపక్ష నేత దాడిని నేరుగా ఎదుర్కోలేక సభను వాయిదా వేయించడం, చర్చలను పక్కదారి పట్టించడం లేదా చర్చకు సంబంధం లేని అంశాలను లేవనెత్తి గందరగోళం సృష్టించడం వంటి చర్యల ద్వారా ప్రభుత్వం తన అసమర్ధతను చాటు కుంది. ముఖ్యంగా ఈ సమావేశాలలో కరువు, విజయవాడలో ఆర్టీఏ కమిషనర్‌పై తెలుగుదేశం ప్రజాప్రతినిధుల దౌర్జన్యం, అగ్రిగోల్డ్‌ భూముల కొనుగోలు, నారాయణ విద్యాసంస్థల్లో టెన్త్‌ పరీక్ష పేపర్ల లీకేజీ వంటి అంశాలు ప్రభుత్వాన్ని బాగా ఇరకాటంలో పెట్టాయి. జగన్‌ కూడా ఈ అంశాలపై అర్ధవంతంగా మాట్లాడారు. టెన్త్‌ పేపర్ల లీకేజీ విషయంలో వియ్యం కులు మంత్రులు గంటా శ్రీనివాసరావు, పి.నారాయణలకు ముచ్చెమటలు పట్టిం చారు. అగ్రిగోల్డ్‌ భూముల కొనుగోలులో మంత్రి పత్తిపాటి పుల్లారావు పాత్రను బయటపెట్టారు. ప్రభుత్వం గొప్పలకు పోయి అధిక శాతం వృద్ధిరేటు చూపడాన్ని కూడా ఏకిపారేసారు. ఆఖరకు వ్యక్తిగత చురకల విషయంలోనూ చంద్రబాబు వైఖరిని జగన్‌ ఎండగట్టిన తీరు ప్రశంస లందుకుంది.

ప్రధానంగా సవాళ్ళు ప్రతిసవాళ్ళతో ఈ సభ దద్ధరిల్లింది. ఈడి అటాచ్‌ చేసిన తన ఆస్తులకు సంబంధించిన చర్చలో జగన్‌ విసిరిన సవాల్‌ను స్వీకరించడానికి అధికారపార్టీ నాయకులెవరూ ముందుకు రాలేకపోయారు. దమ్ముంటే వైకాపా నుండి తెలుగుదేశంలో చేరిన 21మంది ఎమ్మెల్యేల చేత రాజీనామా చేయించి మళ్ళీ గెలిపించుకోమన్న జగన్‌ ఛాలెంజ్‌ను తెలుగుదేశం నేతలు స్వాగతించలేదు. చంద్రబాబు టైం బాగుండి పట్టిసీమ ప్రాజెక్ట్‌ పై కాగ్‌ నివేదిక అసెంబ్లీ సమావేశాల ఆఖరిరోజు వెలువడింది. ఒక్కరోజు ముందు 'కాగ్‌' రిపోర్ట్‌ వచ్చివున్నా దీనిపై సభలో పెద్ద యుద్ధమే జరిగివుండేది. పట్టిసీమ ప్రాజెక్ట్‌లో పెద్దఎత్తున అవినీతి జరిగిందని, పోలవరం పూర్తయితే ఇది నిరర్ధక ప్రాజెక్ట్‌గా మారుతుందని 'కాగ్‌' తన రిపోర్ట్‌లో తూర్పారబట్టింది. ఎన్ని వందల కోట్లు అవినీతి జరిగిందో లెక్క లతో సహా బయటపెట్టింది. ఒక్కరోజు ముందు ఈ రిపోర్ట్‌ వచ్చివున్నా అసెంబ్లీలో ప్రతిపక్షం ప్రభుత్వాన్ని ఆడుకుని ఉండేది. పట్టిసీమ దండగమారి ప్రాజెక్ట్‌ అని, పోల వరం పూర్తయితే దీనివల్ల ఉపయోగముండ దని అసెంబ్లీలో జగనే కాదు బయటకూడా ఎంతోమంది మేధావులు చెప్పారు. కాని చంద్రబాబు పట్టుదలగా పట్టిసీమను చేపట్టడం వెనుకవున్న ఉద్దేశ్యం వేరే! కాగ్‌ ఇచ్చిన రిపోర్ట్‌లోనే ఆ ఉద్దేశ్యం ఏంటో బయటపడింది.

సభలో ఆద్యంతం ప్రతిపక్షంపై ఎదురు దాడి ప్రయత్నమే జరిగింది. ప్రతిపక్షాలకు మాట్లాడే విషయంలో పక్షపాత వైఖరి కనిపించింది. నలుగురు సభ్యులున్న బీజేపీ శాసనసభ పక్ష నేతకు ఎంత సమయం కేటాయించారో 70 మంది సభ్యులున్న ప్రతిపక్ష నేతకు కూడా దాదాపు అంతే సమయం కేటాయించడం వివక్షకు అద్దం పడుతోంది. అయినా కూడా తనకు వచ్చిన తక్కువ సమయాన్నే జగన్‌ బ్రహ్మాండంగా సద్వినియోగం చేసుకుని... ఇక పులితో వేట... జగన్‌తో ఆట ఒకటే అన్న రీతిలో రెచ్చిపోయాడు.

Page 1 of 18

newsbottomad

ఎక్కువగా చదివిన వార్తలు

  • హద్దులు మీరిన నేతలు కోటలు దాటిన మాటలు
    నోరు మంచిదైతే ఊరు మంచిదవుతుంది. పేరు నిలబడుతుంది. అదే నోరు హద్దు దాటితే దశాబ్దాల చరిత్ర కాదు, శతాబ్దాల చరిత్రకల వాళ్ళు కూడా చరిత్రగర్భంలో కలిసిపోతారు. మాట, మన్నన రాజకీయ నాయకులకు చాలా అవసరం. ప్రజలలో వారి ఔన్నత్యాన్ని పెంచేది కూడా…
  • దుగరాజపట్నం ఎత్తేసినట్లే?
    దాదాపు పదేళ్ళుగా నెల్లూరుజిల్లా ప్రజలను ఊరిస్తూవస్తున్న దుగరాజపట్నం పోర్టు అంశం ఎత్తిపోయినట్లే కనిపిస్తోంది. ఈ పోర్టు కోసం గత కొన్నేళ్ళుగా ఎన్నో ప్రయత్నాలు జరిగాయి. గత యూపిఏ ప్రభుత్వంలో రాష్ట్రంలో మూడు ప్రాంతా లను పోర్టు నిర్మాణానికి పరిశీలించి, చివ రకు…
  • దుగరాజపట్నం పోయింది... ఇక రామాయపట్నం మిగిలింది
    దుగరాజపట్నం పోర్టు ఇక లేదనే విషయం తేటతెల్లం కావడం తెలిసిందే! ఈ పోర్టు వల్ల లాభం లేదని కూడా 'నీతి అయోగ్‌' పేర్కొంది. దీంతో ఇప్పుడు రామాయపట్నం పోర్టు రాజకీయ నాయకుల ప్రచారాస్త్రమైంది. కావలి సమీపంలోని రామాయపట్నం పోర్టు సాధన కోసం…
  • మండుటెండల్లో... వణుకుతున్న చంద్రన్న!
    అసలు ఢిల్లీలో ఏం జరిగింది? ఏం జరుగుతోంది? ఏం జరగబోతోంది? నాకిప్పుడే తెలియాలి అన్నంత ఉద్వేగానికి లోనవుతున్నాడు ముఖ్యమంత్రి చంద్రబాబు నాయుడు. వైసిపి అధినేత జగన్‌కు ప్రధాని నరేంద్రమోడీ అపాయింట్‌మెంట్‌ ఇవ్వడాన్ని ఆయన ఓ పట్టాన జీర్ణించు కోలేకపోతున్నాడు. ఆయన అమెరికాలో…
  • ఠారెత్తిస్తున్న సూరీడు
    మే నెల... రాళ్ళు, రోళ్ళు పగిలే ఎండలు... దీనికితోడు వడగాల్పులు... పగలు లేదు రాత్రి లేదు... ఎప్పుడైనా ఉక్కపోతే. ఈ వేసవిలో 38డిగ్రీలతో మొదలైన ఉష్ణో గ్రతలు ఇప్పుడు 45డిగ్రీలను తాకాయి. 14వ తేదీ 43డిగ్రీల ఉష్ణోగ్రత నమోదు కాగా 15వ…

Newsletter