jaganరాష్ట్రంలో తెలుగుదేశం నాయకులకు ఇంత కాలం ఒక ఆశ ఉండేది. అక్రమాస్తుల కేసుల్లో వైకాపా అధినేత జగన్‌ జైలుకుపోతాడని, రాష్ట్ర రాజకీయాలలో ఇక తమకు తిరుగుండదని భావిస్తూ వచ్చారు. కాని, ఇప్పుడు వారి ఆశలకు నెమ్మదిగా తెరపడబోతోందని తెలుస్తోంది.

రాష్ట్రంలో తెలుగుదేశంను, చంద్ర బాబు నాయకత్వాన్ని చేవగా ఢీకొంటున్న నాయకుడు జగన్‌! రాష్ట్రంలో కాంగ్రెస్‌ పతనమైపోయింది. బీజేపీకి గాని, ఇతర పార్టీలకు గాని అంత చేవలేదు. సొం తంగా ఒక ప్రాంతీయ పార్టీని స్థాపించి నడిపే దమ్ము ధైర్యం కూడా ఈ కాలంలో ఎవరికీ లేదు. చంద్రబాబు కూడా ఎన్టీఆర్‌ స్థాపించిన పార్టీని లాక్కుని ఒకటికి మూడు సార్లు ముఖ్యమంత్రి అయ్యాడుగాని, సొంతంగా పార్టీని స్థాపించి సీఎం అయ్యే సీన్‌ లేదు.

రాష్ట్ర రాజకీయాలలో ఇంతవరకు నందమూరి తారక రామారావు స్థాపించిన తెలుగుదేశమే బలమైన పార్టీ. ఎన్టీఆర్‌కు సినీ గ్లామర్‌ వుంది, 300కుపైగా సినిమా లలో నటించాడు. అప్పటి కాంగ్రెస్‌ ప్రభుత్వం మీద ప్రజలకు విరక్తి కలిగి వుండింది. కాబట్టి ఎన్టీఆర్‌ తెలుగుదేశం ప్రభంజనం సృష్టించగలిగింది. రాష్ట్ర రాజకీయ చరిత్రలో ఎన్టీఆర్‌ తర్వాత ఒక ప్రాంతీయపార్టీని స్థాపించి సినిమా గ్లామర్‌ లేకున్నా, రాజకీయ అనుభవం లేకున్నా రాష్ట్ర శాసనసభలో 70అసెంబ్లీ సీట్లు గెలుచుకున్నది జగన్‌ స్థాపించిన వైయస్సార్‌ కాంగ్రెస్‌పార్టీయే! ఎన్టీఆర్‌ తెలుగుదేశం 275 అసెంబ్లీలున్న ఉమ్మడి ఆంధ్ర ప్రదేశ్‌లో బలమైన ప్రాంతీయ పార్టీగా ఆవిర్భవిస్తే, జగన్‌ వైసిపి రాష్ట్ర విభజన తర్వాత 175 సీట్లు మాత్రమే వున్న ఆంధ్ర ప్రదేశ్‌లో 70సీట్లు తెచ్చుకోగలిగింది. కేవలం ఒక్క శాతం ఓట్ల తేడాతో అధికా రానికి దూరమైంది. డబ్బు, గ్లామర్‌ లేనిదే పార్టీలను నడపడం కష్టమైన ఈ కాలంలో జగన్‌ స్థాపించిన వైసిపి బలీయ శక్తిగా ఎదగడం తెలుగుదేశం శ్రేణులకు నిద్ర లేకుండా చేసింది. వైసిపిని బలహీన పర చడం వారికి సాధ్యం కావడం లేదు. లక్ష కోట్లు తిన్నాడని జగన్‌ మీద ఎన్ని ఆరోప ణలు చేసినా జనం నమ్మడం లేదు, సరి కదా అతనికి నీరాజనాలు పడుతున్నారు. రాజకీయంగా జగన్‌ చంద్రబాబుకు కంటి మీద కునుకు లేకుండా చేస్తున్నాడు.

జగన్‌ను రాజకీయంగా అణచడానికి తెలుగుదేశం వద్ద సొంత ఆయుధాలేమీ లేవు. వాళ్లు ఇంతకాలం న్యాయస్థానా లలో జగన్‌పై వున్న కేసులను నమ్ముతూ వచ్చారు. అయితే ఇటీవల కాలంలో జగన్‌ పై వున్న కేసులు ఒక్కొక్కటిగా వీగిపోతు న్నాయి. ఈ కేసులతో సంబంధం వున్న ఐఏఎస్‌ అధికారులు శ్రీలక్ష్మి, బి.పి. ఆచార్య, శ్యాంబాబు... ఇలా అందరూ కేసుల నుండి బంధవిముక్తులవుతున్నారు. ఈ కేసుల్లో అధికారులు నిబంధనల ప్రకారం వ్యవహరించారని తేలితే జగన్‌ను దోషిగా చూపించలేరు. జగన్‌ మీద పెట్టిన కేసుల్లో చాలా వరకు క్లియరయ్యాయి. ఇక కొద్ది కేసులు మాత్రమే పెండింగ్‌లో వున్నాయి. వాటిల్లో కూడా జగన్‌కు క్లీన్‌చిట్‌ లభిస్తే చంద్రబాబు లక్షకోట్ల ప్రచారం ఉత్తదే అవుతుంది. జగన్‌ను వేలెత్తి చూప డానికి దారులు మూసుకుపోతాయి.

జగన్‌ మీద కేసులన్నవి రాజకీయ కోణంలో పుట్టినవే! అతను కాంగ్రెస్‌ నుండి బయటకొచ్చి వైసిపిని స్థాపించాకే అప్పుడు యూపిఏ అధినేత్రి సోనియాగాంధీ ప్రేర ణతో జగన్‌పై కేసులు పడ్డాయి. పగబట్టి జగన్‌ను జైలుకు పంపించడమే కాకుండా 16నెలలు బెయిల్‌ రాకుండా చేసారు. ఇంత చేసినా కూడా జగన్‌ రాజీపడకుండా అటు కాంగ్రెస్‌తో, ఇటు రాష్ట్రంలో టీడీపీతో పోరు మార్గాన్నే ఎంచుకున్నాడు. ప్రతికూల పరిస్థితులను ఎదిరించి మొం డిగా నిలబడ్డాడు. వైసిపి కేడర్‌ను ఇంత కాలం కేసుల భయమే వెంటాడుతోంది. జగన్‌ ఈ కేసుల్లో జైలుకు వెళితే పార్టీకి ప్రత్యామ్నాయ నాయకత్వమే లేదు. ఇప్పుడు ఒక్కొక్కటిగా వీగిపోతున్న కేసులతో వైసిపి కేడర్‌కు ఎనలేని ఉత్సాహం వస్తోంది.

అదే సమయంలో చంద్రబాబును మాత్రం ఓటు - నోటు కేసు నీడలా వెంటా డుతోంది. ఇటీవల కేంద్రంలోని బీజేపీ నాయకత్వం రాష్ట్ర రాజకీయాలపై తమ వ్యూహాలను మార్చుకుంటూ వస్తోంది. రేపటి ఎన్నికల్లో ఎవరితో జతకడతారో చెప్పలేని పరిస్థితి. రాజకీయంగా చంద్ర బాబును తొక్కాలని భావిస్తే మాత్రం 'ఓటు-నోటు' కేసుకు ప్రాణప్రతిష్ట జరిగే అవకాశముంది. అదే జరిగితే తెలుగుదేశం పరిస్థితి... బాలకృష్ణ బాషలో చెప్పినట్లుగా దిబ్బిడిదబ్బిడే..!

modi jag cmసంకీర్ణ ప్రభుత్వాల యుగంలో జాతీయ రాజకీయాలలోనూ ప్రాం తీయ పార్టీల పాత్ర చాలా కీలకంగా మారింది. కేంద్రంలో ప్రభుత్వం మనుగడ సాగించాలంటే ప్రాంతీయ పార్టీలే పునాదులుగా నిలబడ్డ పరిస్థితిని చూసాం. నాలుగు సీట్లున్న ప్రాంతీయ పార్టీలు కూడా కేంద్రంలో ప్రభుత్వాలను పడగొట్టడం చూసాం. ప్రధాని పీఠంపై వున్న నాయకులు కూడా తమ కుర్చీలు కాపాడుకోవడానికి ప్రాంతీయ పార్టీల అధినేతల కాళ్ళూ, గడ్డాలు పట్టుకుని బ్రతిమలాడడం చూసాం. నిన్న మొన్నటి వరకు దేశ రాజకీయాలలో కనిపించిన పరిస్థితి ఇది.

కాని ఇప్పుడు ఆంధ్రప్రదేశ్‌లో అందుకు పూర్తి భిన్నమైన రాజకీయ వాతావరణం కనిపిస్తోంది. సాధారణ ఎన్నికలు సమీపిస్తున్నాయంటే ప్రాంతీయ పార్టీలను తమ కూటమిలో చేర్చుకోవ డానికి జాతీయ పార్టీలు ఆరాటపడాలి. మన రాష్ట్రంలో మాత్రం అందుకు భిన్నంగా వుంది. ప్రస్తుతం కేంద్రంలో అధికారంలో వున్న బీజేపీతో పొత్తు కలుపుకునేందుకు ఒకరు, ఉన్న పొత్తును నిలుపుకునేందుకు మరొకరు తపన పడుతుండడమే ఆశ్చర్యం కలిగిస్తోంది.

వాజ్‌పేయి నాటి ఎన్డీఏ ప్రభుత్వంలో చంద్రబాబు చాలా బెట్టుగా ఉండేవాడు. బీజేపీ నాయకులే తన కాళ్ల దగ్గరకు రావాలన్నట్లుగా ఉండేవాడు. ఏమన్నా తేడా వస్తే, తనకేమన్నా విలువ తగ్గితే పెట్టె బేడా సర్ధుకుని ఎన్డీఏ నుండి బయటకొచ్చేస్తానన్నట్లు బెదిరించేవాడు. బీజేపీ అంతర్గత పరిణామాలపై కూడా ఆయన గతంలో నోరు విప్పిన సందర్భాలున్నాయి. అయితే అప్పటికి, నేటి మోడీ కాలానికి పరిస్థితి పూర్తిగా మారిపోయింది. కేంద్రంలోని బీజేపీని ఆయన బెదిరించడం కాదు కదా, బ్రతిమలాడి వారితో పొత్తును కొనసాగించాల్సిన స్థితిలో వున్నాడు. బీజేపీ ఎక్కడ తమతో తెగదెంపులు చేసుకుంటుందోనని భయపడుతున్నాడు. ఈమధ్య ఏపిలో బలపడాలంటూ ఢిల్లీ బీజేపీ నాయకులు ప్రకటనలు గుప్పించారు. దీనికి తగ్గట్లే పార్టీ అధ్యక్షుడు అమిత్‌షా ఈమధ్య విజయవాడలో భారీ సభ పెట్టి మాట్లాడారు. తెలుగుదేశంతో తెగదెంపులు చేసుకుంటేగాని రాష్ట్రంలో బీజేపీ బలపడే పరిస్థితి లేదు. వీళ్లు బలం పెంచుకోవడానికి తమతో ఎక్కడ పొత్తు వదులుకుంటారోనని చంద్రబాబు భయం. వచ్చే ఎన్నికల్లో కూడా బీజేపీతోనే కలిసి పయనించాలని చంద్రబాబు ఆశ. దీనికి కారణం ప్రజల్లో మోడీ ఇమేజ్‌ పెరిగిందని నమ్మకం కలగడమే! మొన్న యూపీ ఎన్నికల్లో బీజేపీ ఓడిపోయివుంటే చంద్రబాబు వాయిస్‌ ఇంకోరకంగా ఉండేది. బీజేపీతో తెగదెంపులకు సిద్ధంగానే ఉండేవాడు. కాని ఇప్పుడా పరిస్థితి లేదు. టీడీపీ, బీజేపీల మధ్య పొత్తు విచ్ఛిన్నం కాకుండా కాపాడేందుకు ఆయన తనకున్న అవకాశాలన్నింటిని వాడుకుంటున్నాడు.

మరోపక్క ప్రతిపక్ష వైకాపా కూడా కేంద్రంలో బీజేపీతో మైత్రికే మొగ్గుచూపుతుండడం విశేషం. వైసిపి కాంగ్రెస్‌లో నుండి వచ్చిన గుడ్డముక్కే! అయితే కాంగ్రెస్‌ నుండి వేరుపడ్డ పార్టీలన్నీ కూడా గతంలో తిరిగి కాంగ్రెస్‌ గూటికే చేరాయి. కాని వైసిపి అధినేత జగన్‌ పరిస్థితి అది కాదు. కాంగ్రెస్‌ అధినేత్రి సోనియాగాంధీనే ఢీకొట్టాడు. ఆమె వ్యక్తిగత కక్ష కారణంగా జగన్‌ 16 నెలలు జైలులో వున్నాడు. ఇలాంటి పరాభవాన్ని ఎవరూ జీర్ణించుకోలేరు. ఇంత హింసించిన సోనియాగాంధీ వద్దకు అతను పోలేడు. అదీగాక జాతీయ రాజకీయాల్లో కాంగ్రెస్‌ పతనమైతే జగన్‌ పంతం కూడా నెరవేరినట్లవుతుంది. అందుకనే జాతీయ రాజకీయాలలో తనకంటూ ఒక వేదిక కోసం జగన్‌ కాంగ్రెస్‌ వైపు కాకుండా బీజేపీ వైపు మొగ్గు చూపుతున్నాడు.

చంద్రబాబు అయినా జగన్‌ అయినా బీజేపీ వైపు మొగ్గు చూపడానికి మరో బలమైన కారణం వుంది. ఇద్దరి మీద కేసులున్నాయి. ఆదాయానికి మించిన ఆస్తుల కేసులో జగన్‌, ఓటు-నోటు కేసులో చంద్రబాబులు ఇరుక్కున్నారు. దీంతో కేంద్రం చేతిలో ఇద్దరూ బందీలుగా వున్నారు. ఈ కేసులుండబట్టే మోడీ, అమిత్‌షాల ద్వయం వీరితో ఆడుకుంటోంది. రేపు ఈ ఇద్దరిలో వాళ్లు ఎవరిని వాడుకుంటారో చూడాలి.

jagan2014లో తెలుగుదేశంపార్టీ అధికారంలోకి రావడానికి ప్రధాన కారణం ఏమిటన్న ప్రశ్నకు చాలామంది చెప్పే సమాధానం బీజేపీతో పొత్తు పెట్టుకోవడం, ఇంకొందరు చెప్పేది పవన్‌ కళ్యాణ్‌ మద్దతు పలకడం, మరికొందరు చెప్పేది చంద్రబాబు చేసిన ఋణ మాఫీ వాగ్దానాన్ని రైతులు నమ్మడం. వీటిలో కొంతవరకు వాస్తవం వుండొచ్చు. అయితే అన్నింటికంటే కరెక్ట్‌ సమాధానం తెలుగుదేశం అధికారంలోకి రావడానికి కారణం వైకాపా అధినేత జగన్‌! ఇది నమ్మాల్సిన నిజం కూడా!

జగన్‌ 2014 ఎన్నికలను జాగ్రత్తగా చేసుకుని వుంటే అధికారం అతని చేయి దాటిపోయేది కాదు. వస్తామన్న కాంగ్రెస్‌ కేడర్‌ను చేర్చుకుని వున్నా, చంద్రబాబులాగే రైతు ఋణమాఫీ వాగ్దానం చేసున్నా, ఒక మతపరమైన ముద్రను పడకుండాచేసుకుని వున్నా వైసిపిదే అధికారం. కాని ఉత్తుత్తి వాగ్దానాలు చేసి అధికారంలోకి వచ్చి వున్నా, ఇప్పటికే ఫెయిలై వుండేవాడు. హామీల విషయంలో వాస్తవాలకు కట్టుబడి అధికారానికి దూరమైనా, తండ్రిలాగే మాటిస్తే తప్పడనే పేరును మాత్రం నిలుపుకున్నాడు. అయితే 2014 ఎన్నికల నాటి వైఫల్యాలను గుణపాఠంగా తీసుకున్న జగన్‌ రాబోయే ఎన్నికలను దృష్టిలో పెట్టుకుని వాటన్నింటిని కూడా సరిదిద్దుకుంటున్నాడు. ముఖ్యంగా అధికారపార్టీ వైఫల్యాలను ఓట్లుగా మలచుకునే ప్రక్రియను వేగవంతం చేశాడు. రాష్ట్ర రాజకీయాలను శాసించే యువత దృష్టిని ప్రముఖంగా ఆకర్షిస్తున్నది జగనే! ప్రత్యేకహోదా విషయంలో చంద్రబాబు రాష్ట్రంలో యువతకు టోపీ పెడితే, ఆ ప్రత్యేకహోదా కోసం ఇప్పటికీ పోరాడుతున్నది జగనే! ప్రత్యేకహోదా కోసం రాష్ట్ర వ్యాప్తంగా జగన్‌ చేపట్టిన దీక్షలకు సైతం యువత నుండి విశేషస్పందన రావడం చూసాం. 2014 ఎన్నికల్లో చంద్రబాబు చేసిన ఋణమాఫీ వాగ్దానం వల్ల రైతులు తెలుగుదేశాన్ని నమ్మారు. అధికారంలోకి వచ్చాక చంద్రబాబు చేసిన ఋణమాఫీ వడ్డీలకు కూడా సరిపోలేదు. ఇక రాష్ట్రవ్యాప్తంగా కూడా సెజ్‌ల పేరుతో ప్రభుత్వం చేస్తున్న భూదోపిడీకి బలవుతున్నది కూడా రైతులే! ఇప్పుడు పండించుకుంటున్న పంటలకు గిట్టుబాటు ధరలు లేక రైతులు లబోదిబోమంటున్నారు. చంద్రబాబు ప్రభుత్వంలో ఏ రైతూ సంతోషంగా లేడు. దీనికితోడు కరువు కాటకాలతో రైతాంగం అల్లాడుతోంది. గిట్టుబాటు ధరలు లేని మిర్చి రైతుల కోసం జగన్‌ గుంటూరులో నిర్వహించిన రైతు దీక్షకు రైతులు పోటెత్తడం చూసాము. అలాగే బి.సిలలో చేరుస్తామన్న చంద్రబాబు మాట నమ్మి తెలుగుదేశానికి మద్దతు తెలిపిన కాపులు సైతం ఈరోజు కసితో రగిలిపోతున్నారు. చంద్రబాబుపై దండయాత్రకు సిద్ధంగా వున్నారు. జీవితంలో ఒకే ఒక్కసారి చంద్రబాబును నమ్మిన పాపానికి మోసపోయామనే బాధతో వున్నారు. ఇక మైనార్టీలు జగన్‌కు బలమైన అండగా నిలిచివున్నారు.

రాష్ట్రంలో ఒకట్రెండు సామాజిక వర్గాల నుండి తప్పితే మిగిలిన అన్ని సామాజిక వర్గాల నుండి కూడా జగన్‌కు బలమైన మద్దతు లభిస్తుంది. ముఖ్యంగా యువత, అన్నదాత జగన్‌కు అండగా నిలవనున్నారు. జగన్‌ చేసుకోవాల్సిందల్లా 2014 ఎన్నికలనాటి వైఫల్యాలను పునరావృతం కాకుండా చూసుకోవడమే! పార్టీ కమిటీలను పటిష్టం చేయాలి. క్రమశిక్షణ కలిగిన కార్యకర్తలతో బూత్‌కమిటీలు వేయాలి. వార్డులు మొదలుకొని మండలాలు, నియోజకవర్గాలు, జిల్లాలవారీగా కమిటీలను నియమించాలి. ప్రతిజిల్లాకు ఒక్కో ఇన్‌ఛార్జిని నియమించాలి. కొందరు సీనియర్లను ఎన్నికల్లో నిలపకుండా ఎన్నికలు నడిపే పరిశీలకులుగా నియమించుకోవాలి.

జగన్‌ గతానికి చాలా భిన్నంగా వ్యవహరిస్తున్నట్లు తెలుస్తోంది. ముఖ్యంగా సీనియర్‌ నాయకులను, తన తండ్రి వై.యస్‌. సన్నిహితులను తిరిగి దగ్గరకు చేర్చుకోవాలనే ఆలోచనలో వున్నట్లు సమాచారం. ప్రజల్లో వున్న అభిమానమే కాదు, రాజకీయాలలో, ఎన్నికలలో వ్యూహప్రతివ్యూహాలు నడిపే నాయకగణాలు కూడా ఎంతో అవసరం. ఈ గణాలను సమకూర్చుకునే దిశగా జగన్‌ అన్ని వైపుల నుండి జోరు పెంచాడు. ఓ పక్క ప్రభుత్వ వైఫల్యాలను ఎండగడుతూ ఇంకో పక్క ప్రజాక్షేత్రంలో పోరాటాల ద్వారా ప్రజామద్దతు కూడగడుతూ మరోపక్క మిత్రులను దరి చేర్చుకుంటూ పక్కా వ్యూహాలతో ఆయన ఎన్నికల యుద్ధానికి సిద్ధమవుతున్నాడని సమాచారం.

Page 1 of 7

newsbottomad

ఎక్కువగా చదివిన వార్తలు

  • వారి ఆశలపై... నీళ్ళు చల్లారు!
    రాష్ట్రంలో అసెంబ్లీ నియోజకవర్గాలు 175 నుండి 225కు పెరుగు తాయనే ప్రచారం మొన్నటివరకు బలంగా వుండింది. ఈమధ్యనే కేంద్ర ప్రభుత్వం ఆ ప్రచారానికి తెరదించుతూ ఈ ఎన్నికలకే కాదు, ఆ తర్వాత ఎన్నికల నాటికి కూడా సీట్ల పెంపు ఉండదని కుండబద్ధలు…
  • నంద్యాల ఎన్నికలో... పెట్టుబడిదారులూ నెల్లూరోళ్ళే!
    నంద్యాల ఎన్నికల ప్రచారంలో నెల్లూరు జిల్లాకు చెందిన ఇరు పార్టీల నాయకులు హల్‌చల్‌ చేస్తున్నారు. తామే పోటీ చేసినంత కసిగా పని చేస్తున్నారు. అయితే నంద్యాల ఎన్నికలకు ప్రచారకర్తలే కాదు పెట్టుబడి దారులు కూడా నెల్లూరోళ్ళేనని సమాచారం. నంద్యాల వైకాపా అభ్యర్థి…
  • నేరం మా వాళ్ళది కాదు
    రాజకీయ ఒత్తిళ్లకు లొంగి అడ్డదారులు తొక్కితే, రాజకీయ నాయకుల మాటలు నమ్మి వారు చెప్పినట్లు నడుచుకుంటే పరిస్థి తులు ఎలా వుంటాయో ఇప్పుడు ఉదయగిరి నియోజకవర్గం లోని అధికారులకు తెలిసొచ్చింది. ఇటీవల పసుపు కొనుగోలు వ్యవహారం జిల్లాలో సంచలనం కావడం తెలిసిందే!…
  • ఉపరాష్ట్రపతి పదవికి వెంకయ్య రాజీనామా!
    ఢిల్లీలోని ప్రధానమంత్రి కార్యాలయం. ప్రధాని నరేంద్ర మోడీతో బీజేపీ అధ్యక్షుడు అమిత్‌షా, కేంద్రమంత్రులు అరుణ్‌జైట్లీ, రాజ్‌నాథ్‌సింగ్‌, ఉమాభారతి, సుష్మాస్వరాజ్‌, స్మృతి ఇరానీలు సమావేశమైవున్నారు. మొదట మోడీ మాట్లాడుతూ... రాష్ట్రపతి, ఉపరాష్ట్రపతి ఎన్నికల్లో మన పార్టీ వాళ్లంతా బాగా పనిచేసారు. బాధ్యతలను సక్రమంగా…
  • వీడుతున్న సంకెళ్ళు
    రాష్ట్రంలో తెలుగుదేశం నాయకులకు ఇంత కాలం ఒక ఆశ ఉండేది. అక్రమాస్తుల కేసుల్లో వైకాపా అధినేత జగన్‌ జైలుకుపోతాడని, రాష్ట్ర రాజకీయాలలో ఇక తమకు తిరుగుండదని భావిస్తూ వచ్చారు. కాని, ఇప్పుడు వారి ఆశలకు నెమ్మదిగా తెరపడబోతోందని తెలుస్తోంది. రాష్ట్రంలో తెలుగుదేశంను,…

Newsletter