jaganస్వర్గీయ నందమూరి తారక రామారావు... తెలుగు తెరపై, తెలుగు నేలపై... తెలుగు రాజకీయాలపై పెను సంచలనం. 300కు పైగా విభిన్న చిత్రాలలో నటించి తెలుగు ప్రేక్షకుల మనసుల్లో రాముడిగా, కృష్ణుడిగా ఎలాంటి ముద్ర వేసుకున్నాడో, తెలుగు రాజకీయాలలోనూ 2రూపాయల కిలో బియ్యం వంటి పథకాలతో తెలుగు ప్రజల గుండెల్లో ఆరాధ్య దైవమయ్యాడు. ఆంధ్రప్రదేశ్‌లో కాంగ్రెస్‌ను మట్టి కరిపించిన నాయకుడు. పంచాయితీ వార్డు మెంబర్లుగా గెలవలేని వారిని ఎమ్మెల్యేలను, మంత్రులను చేసిన ఛరిష్మాగల నాయకుడు.

రాష్ట్ర రాజకీయాలలో పెనుఉప్పెనలా వచ్చిన ఎన్టీఆర్‌ను రాజకీయ ప్రత్యర్థులు ఎవరూ ఏమీ చేయలేకపోయారు. 1984లో కాంగ్రెస్‌ మద్దతుతో నాదెండ్ల భాస్కర్‌రావు వెన్నుపోటు పొడిచినా వెంటనే తేరుకుని, కోలుకుని నిలబడ్డాడు. కాని, 1995 ఆగస్టులో సొంత అల్లుడు చంద్ర బాబు, కుటుంబసభ్యులు కలిసికొట్టిన దెబ్బకు ఎన్టీఆర్‌ కోలుకోలేకపోయాడు. లేవలేకపోయాడు. కొన్ని నెలలు తిరక్క ముందే స్వర్గస్తుడయ్యాడు. 1995లో ఎన్టీ ఆర్‌ను నిర్ధాక్షిణ్యంగా తెలుగుదేశం పార్టీ నుండి గెంటేసారు. ఆయన స్థాపించిన పార్టీలో ఆయనకు చోటులేకుండా చేసారు. పార్టీ సభ్యత్వ పుస్తకం మీదే కాదు, చాలా కాలం పార్టీ కరపత్రాలలో, పార్టీ బ్యానర్‌ లలో ఆయన పేరు, ఆయన బొమ్మ లేకుండా చేసారు.

అయితే ఎన్టీఆర్‌ మరణం తర్వాత క్రమం తప్పకుండా ప్రతి ఎన్నికలలోనూ తెలుగుదేశం వాళ్ళు ఎన్టీఆర్‌ బొమ్మను వాడుకుంటున్నారు. ఆయన బ్రతికున్నప్పుడు ఆయనను వాడుకున్నారు. ఆయన మర ణించాక ఆయన బొమ్మను వాడుకుంటు న్నారేగాని ఆయన స్మృతిగా ప్రజల మన సుల్లో గుర్తుండిపోయేలా ఒక్క పనీ చేయ లేకపోయారు. 1995 నుండి 2004 దాకా చంద్రబాబే ఏపికి సీఎం, మళ్ళీ గత నాలుగేళ్ళుగా ఆయనే సీఎం. ఎన్టీఆర్‌ పుట్టి పెరిగిన కృష్ణాజిల్లాకు ఆయన పేరును పెట్టాలన్న ఆలోచన చంద్రబాబుకు రాలేదు. అదే కాంగ్రెస్‌లో వాళ్ళు దివంగత నేత వై.యస్‌.రాజశేఖరరెడ్డి మరణించాక ఆయన పేరును కడప జిల్లాకు పెట్టారు. కాంగ్రెస్‌ నాయకులకు వున్న విజ్ఞత, చిత్త శుద్ధి చంద్రబాబుకు లేకుండా పోయింది.

ఇప్పటివరకు చంద్రబాబు చేయలేని పనిని తాను చేస్తానంటూ ప్రతిపక్ష నేత వై.యస్‌.జగన్‌ వదిలిన అస్త్రంతో తెలుగు దేశం నాయకులు షాకయ్యారు. కృష్ణా జిల్లాలో ప్రజాసంకల్ప పాదయాత్ర చేస్తున్న జగన్‌ ఎన్టీఆర్‌ స్వగ్రామం నిమ్మకూరులో పర్యటించినప్పుడు వైసిపి అధికారంలోకి రాగానే కృష్ణాజిల్లాకు ఎన్టీఆర్‌ పేరు పెడతా మని ప్రకటించాడు. జగన్‌ నోట ఈ మాట రావడంతో తెలుగుదేశం శ్రేణులు ఉలిక్కి పడ్డాయి. జగన్‌ నుండి ఇంతటి సానుకూల ప్రకటన వస్తుందని ఎవరూ వూహించరు. జగన్‌ ప్రకటన ఎన్టీఆర్‌ అభిమానుల్లో ఆనందాన్ని కలిగించింది.

జగన్‌ ప్రకటన తర్వాత చంద్రబాబు ఇప్పుడు నాలుక్కరుచుకుని తన హయాం లోనే కృష్ణా జిల్లాకు ఎన్టీఆర్‌ పేరు పెట్టే చర్యలకు ఉపక్రమించవచ్చు. చంద్రబాబు ఇప్పుడు హడావిడిగా కృష్ణాజిల్లాకు ఎన్టీఆర్‌ పేరు పెట్టినా క్రెడిట్‌ మాత్రం జగన్‌కే

వెళుతుంది.

jaganఆంధ్రప్రదేశ్‌ విభజన హామీలపై పార్లమెంటులో ఎవరి నాటకాలు వాళ్లాడుతున్నారు. ప్రత్యేకహోదాపై ఎవరి పిల్లిమొగ్గలు వాళ్లేస్తున్నారు. ఒక పార్టీ వాళ్ళు పార్లమెంటు బయట పగటి వేషాలేస్తుంటే.. పార్టీ పెట్టి కూడా ఎన్నికల్లో పోటీ చేయని నటనాయకుడొకరు జేఏసీ అంటూ కొత్త పల్లవి అందుకున్నారు. ఇలాంటి పగటి వేషాలకు, ఇట్లాంటి జేఏసీ యాక్షన్‌లకు కేంద్రం తలవంచుతుందా? ప్రధాని నరేంద్ర మోడీ తల దించుతాడా...?

టీడీపీ, పవన్‌కళ్యాణ్‌ రాజకీయ డ్రామాలకు చెక్‌పెడుతూ ప్రత్యేకహోదాపై ప్రతిపక్ష నేత వై.యస్‌. జగన్మోహన్‌రెడ్డి సంధించిన రాజీనామాస్త్రం ఇప్పుడు అధికారపక్షంలో గుబులు రేపుతోంది. పిల్లిమొగ్గలు, పగటి వేషాలతో కాకుండా ఆయన ప్రత్యేకహోదా కోసం నేరుగా కేంద్రంతో కయ్యానికే సిద్ధమైయ్యారు. పార్లమెంటు వేదికగానే ప్రత్యేకపోరుకు శ్రీకారం చుట్టాడు. ఏపికి ప్రత్యేకహోదా కోసం అవసరమైతే తమ ఎంపీల చేత రాజీనామా చేయిస్తానని జగన్‌ గతంలోనే ప్రకటించి వున్నాడు. చివరి బడ్జెట్‌లో కూడా ఎన్డీఏ ప్రభుత్వం ఏపికి ప్రత్యేకహోదా కాదు కదా సరైన న్యాయం కూడా చేయలేని పరిస్థితులలో 'ప్యాకేజీ వద్దు - ప్రత్యేకహోదానే ముద్దు' అంటూ ప్రజాసంకల్పయాత్రలో భాగంగా నెల్లూరు జిల్లా కలిగిరిలో జరిగిన సభలో ప్రత్యేకపోరుకు శ్రీకారం చుట్టారు. ప్రత్యేకహోదాపై పార్టీ భవిష్యత్‌ కార్యాచరణ ప్రణాళికను ఆయన అశేష ప్రజానీకం సమక్షంలోనే ప్రకటించారు. మార్చి

1వ తేదీ నుండి వైయస్సార్‌ కాంగ్రెస్‌పార్టీ ఆధ్వర్యంలో ప్రత్యేకహోదా ఉద్యమాలు జరుగుతాయి. మార్చి 1న రాష్ట్రంలోని అన్ని జిల్లాల కలెక్టరేట్‌ కార్యాలయాల ఎదుట వైసిపి ఆధ్వర్యంలో ధర్నా, కలెక్టరేట్‌ ముట్టడి కార్యక్రమాలు జరుగుతాయి. మార్చి 5వ తేదీన వైసిపి ఎంపీలు, సీనియర్‌ నాయకులు, ఎమ్మెల్యేలు ఢిల్లీలో ప్రత్యేకహోదా కోసం ధర్నా నిర్వ హిస్తారు. 3వతేదీన జగనే తాను పాద యాత్ర చేస్తున్న చోటు నుండి జెండా ఊపి వీరిని ఢిల్లీకి సాగనంపుతారు. మార్చి 5వ తేదీ నుండి ప్రారంభమయ్యే పార్లమెంటు బడ్జెట్‌ సమావేశాల్లో వైసిపి ఎంపీలు పాల్గొని సభలో ఏపికి ప్రత్యేకహోదా కోసం పోరాటం చేస్తారు. ఏప్రిల్‌ 6వ తేదీ దాకా జరిగే సమావేశాలలో ప్రత్యేకహోదాపై కేంద్రం నుండి ఎటువంటి హామీ రాక పోతే, దానికి నిరసనగా వైసిపి ఎంపీలు సమావేశాల చివరిరోజున తమ రాజీ నామాలను స్పీకర్‌కు ఇచ్చేసి రాష్ట్రానికి వచ్చేస్తారు. ఆ తర్వాత నుండి కూడా పార్టీ ఆధ్వర్యంలో ప్రత్యేకహోదా ఉద్యమాన్ని కొనసాగించేలా జగన్‌ వ్యూహరచన చేసారు.

ప్రత్యేకహోదా కోసం ఎంపీల చేత రాజీనామా చేయించాలని జగన్‌ చేసిన ప్రయోగం తిరుగులేని అస్త్రం. ఎంపీల చేత రాజీనామా చేయిస్తానని చెప్పి జగన్‌ బంతిని ప్రత్యర్థుల కోర్టులోకి కొట్టాడు. ఇప్పుడు ప్రత్యర్థులది కక్క, మింగలేని పరిస్థితి.

రాష్ట్ర భవిష్యత్‌ కోసం, రాష్ట్రంలోని యువతకు ఉపాధి అవకాశాల కోసం ప్రత్యేకహోదానే మేలైన మార్గమని భావిస్తూ జగన్‌ ఆఖరి పోరాటానికి సిద్ధపడ్డాడు. ప్రతిపక్ష నాయకుడే ఏపికి ప్రత్యేకహోదా కోసం ఇంతకు తెగించి పోరాడుతుంటే, ఇక ప్రజలు నమ్మి ఓట్లేసి గెలిపించి అధికారం అనుభవిస్తున్న చంద్రబాబు ఇంకెంత పోరాటం చేయాలి. కాని, చంద్రబాబు ప్రత్యేకహోదా పోరాటాన్ని ఎప్పుడో వదిలేసాడు. ప్రత్యేకప్యాకేజీయే చాలనుకున్నాడు. రాష్ట్ర అభివృద్ధికి ప్రత్యేక హోదా సంజీవని కాదని సలహా కూడా ఇచ్చాడు. ప్రత్యేకహోదా అనే అంశాన్ని ఆయన తన ఆలోచనలలో నుండి ఎప్పుడో తీసేసాడు. ఇప్పుడు బడ్జెట్‌లో ఏపికి నిధులివ్వలేదని ఏడుస్తున్నాడేగాని ప్రత్యేకహోదా గురించి మాట్లాడడం లేదు.

ఇంకో పక్క చంద్రబాబు సైగలతో పనిచేసే పవన్‌కళ్యాణ్‌ జేఏసీ అంటూ వాళ్ళు వీళ్ళ చుట్టూ తిరుగుతున్నాడు. ఆయనది ప్రత్యేకహోదా పోరాటమో, ఇంకెవరి కోసమన్నా ఆరాటమో అర్ధం కావడం లేదు. ఆయన భవిష్యత్‌ కార్యా చరణ ప్రణాళిక ఏంటో కూడా తెలియదు. ఒకవేళ ఆయనకన్నా తెలుసోలేదో? వామపక్షాల వాళ్ళు మాత్రం మొదటినుండి ఏపికి ప్రత్యేకహోదాపై చిత్తశుద్ధితో వున్నారు. ఇప్పుడు వైకాపా నాయకత్వంలో వాళ్ళు కూడా ప్రత్యేకహోదా ఉద్యమాన్ని తీవ్రతరం చేసే అవకాశముంది.

మొత్తానికి జగన్‌ కొట్టిన దెబ్బకు చంద్రబాబుకు మైండ్‌ బ్లాక్‌ అయ్యుండాలి. ఆయన అటు తెగించి కేంద్రంతో పోరాడ లేడు... ఇటు చేతులు కట్టుకుని జనం మధ్య పలుచన కాలేడు. ప్రత్యేకహోదా కోసం నోరు తెరవలేని పరిస్థితి. జగన్‌ మాత్రం ప్రత్యేకహోదా కోసమే ప్రత్యేకంగా పట్టుబట్టి ఉద్యమానికి పిలుపునివ్వడంతో రాష్ట్ర ప్రజలలో సైతం ఆయనకు మద్దతుగా నిలుస్తున్నారు. ప్రత్యేకహోదాపై ఇక రాజీ లేని పోరు సాగిస్తే... జగన్‌కు చెల గాటం... బాబుకు సంకటమే! హోదాపై అసలైన గేమ్‌ ఇప్పుడే మొదలైంది...!

jagan 1000పల్లె హృదయాలను తాకుతూ, పల్లె వాసనలు పీలుస్తూ, పల్లెవాసుల ఆత్మీయ పలకరింపుతో పులకరిస్తూ వైకాపా అధినేత వై.యస్‌.జగన్మో హన్‌రెడ్డి ప్రజాసంకల్ప పాదయాత్ర నెల్లూరు జిల్లాలో దిగ్విజయంగా సాగుతోంది.

ఆరోజు ఈరోజు అని లేకుండా ప్రతిరోజూ జన హారతులతో, జయజయ ధ్వానాలతో జగన్‌ పాదయాత్ర పరుగులు పెడుతోంది. ఇడుపులపాయ నుండి ఇచ్ఛాపురం... ఆరు నెలలు... మూడు వేల కిలోమీటర్లు... ఈ చారిత్రాత్మక పాదయాత్రలో మొదటి వెయ్యి కిలోమీటర్ల మైలురాయికి నెల్లూరుజిల్లానే వేదికయ్యింది. వైసిపి అభిమానులకు ఇదో వేడుకయ్యింది. జనవరి 29వ తేదీన వై.యస్‌.జగన్‌ పాదయాత్ర వెయ్యి కిలోమీటర్లను అధిగమించింది. ఈ సందర్భంగా వెంకటగిరి నియోజకవర్గ పరిధిలోని సైదాపురంలో వెయ్యి కిలోమీటర్ల పాదయాత్ర గుర్తుగా ఏర్పాటు చేసిన పైలాన్‌ను వేలాదిమంది జనసందోహం నడుమ జగన్‌ ఆవిష్కరించాడు. జగన్‌ పాదయాత్ర ఆరోజు వెయ్యి కిలోమీటర్లకు చేరుకుంటున్న సందర్భంగా జిల్లాలోని అన్ని నియోజకవర్గాలలో, అన్ని మండలాల నుండి వైసిపి నాయకులు, అభిమానులు, కార్యకర్తలు పోటెత్తి రావడంతో సైదాపురం జనసంద్రమైపోయింది.

జనవరి 23వ తేదీన పెళ్ళకూరు మండలం పునబాక వద్ద జిల్లాలోకి జగన్‌ పాద యాత్ర ప్రవేశించింది. నాయుడుపేట, ఓజిలి, గూడూరు, సైదాపురం మండలాల మీదుగా సాగి బుధవారం మధ్యాహ్నంకు పొదలకూరుకు చేరుకుంది. జగన్‌ పర్యటన ఇంకా నెల్లూరురూరల్‌, కోవూరు, ఆత్మకూరు, కావలి, ఉదయగిరి నియోజకవర్గాలలో మిగిలివుంది. ఇప్పటివరకు జగన్‌ పాదయాత్రకు జనం ఇసుకేస్తే రాలనంతగా వస్తున్నారు. జిల్లాలో జగన్‌కు వస్తున్న స్పందన చూసి చంద్రబాబుకు గుబులు పట్టుకుంది. జిల్లాలో వైకాపా బలం పుంజుకుందన్న సంకేతాలు, తన పార్టీలో సన్వయం లేదన్న సమాచారంతో చంద్రబాబు తన పార్టీ నాయకులపైనే కారాలు మిరియాలు నూరుతున్నట్లు సమాచారం.

Page 1 of 3

newsbottomad

ఎక్కువగా చదివిన వార్తలు

  • ప్రశాంతతే.. మా లక్ష్యం!
    సుప్రీంకోర్టు ఆదేశాల మేరకు, నిందితులను ఇక నుండి వీడియో కెమెరాల ముందు ప్రవేశపెట్టబోమని జిల్లా ఎస్పీ పిహెచ్‌డి రామకృష్ణ స్పష్టం చేశారు. మనుబోలు పోలీస్‌స్టేషన్‌ను ఎస్పీ ఈనెల 4న ఆకస్మికంగా తనిఖీ చేశారు. ఈ సందర్భంగా ఆయన విలేకరులతో మాట్లాడుతూ, జిల్లాను…
  • నెల్లూరు పోలీస్‌ కార్యాలయాలకు హైటెక్‌ సొగసులు
    మనం హైదరాబాద్‌కు వెళ్ళినప్పుడు సైబరాబాద్‌ కమిషనరేట్‌, పంజాగుట్ట, జూబ్లీహిల్స్‌ పోలీసుస్టేషన్‌లు చూసినప్పుడు... ఇలాంటి పోలీసుస్టేషన్‌లు మనకు కూడా వస్తే ఎంత బాగుండు అనుకుంటాం... ఎందుకంటే అవి పోలీసుస్టేషన్‌ల మాదిరిగా వుండవు. కార్పొరేట్‌ కంపెనీల ఆఫీసుల్లాగా వుంటాయి. ఈమధ్య ఉత్తమ పోలీసుస్టేషన్‌గా కూడా…
  • రాజకీయ దారులు వేరవుతాయా?
    నెల్లూరుజిల్లా రాజకీయాలంటే అగ్రవర్ణ నాయకులదే పెత్తనం. బెజవాడ, నల్లపరెడ్డి, ఆనం, నేదురుమల్లి, మాగుంట, మేకపాటి వంటి రాజకీయ కుటుంబాలు బలంగా వున్న ఈ జిల్లాలో ఓ దళిత మహిళ 5సార్లు వరుసగా నెల్లూరు లోక్‌సభ టిక్కెట్‌ తెచ్చు కుని అందులో నాలుగుసార్లు…
  • 2019... రేస్‌ గురాల్రు వీళ్ళే!
    ఐదేళ్ళకోసారి ఎన్నికలొస్తుంటాయి. అలాగే ప్రతి ఎన్నికలకు కొందరు కొత్త నాయకులు వస్తుంటారు. కొందరు నాయకులు తెరమరుగవుతుంటారు. ప్రతి ఎలక్షన్‌ ఎంతోకొంతమంది కొత్తవారిని మనకందిస్తూనేవుంటుంది. 2014 ఎలక్షన్‌ ఇలాంటిదే! ఆ ఎన్నికల్లో నెల్లూరు ఎంపీగా గెలిచిన మేకపాటి రాజమోహన్‌రెడ్డి, కోవూరు, వెంకటగిరి ఎమ్మెల్యేలుగా…
  • ఆనంతో... అదనపు బలం!
    మాజీమంత్రి ఆనం రామనారాయణరెడ్డి వైయస్సార్‌ కాంగ్రెస్‌లో చేరడం లాంఛనమే! ఇటీవల శంషాబాద్‌ ఎయిర్‌పోర్టులో వైకాపా అధినేత వై.యస్‌.జగన్మోహన్‌రెడ్డితో ఆయన భేటీ అయ్యాడు. జిల్లా రాజకీయాలపై చర్చించాడు. వైసిపిలో ఏ తేదీన చేరాలనుకునేది ఇక ఆనం రామనారాయణరెడ్డే నిర్ణయించుకోవాల్సి వుంది. ఆనం పార్టీలోకి…

Newsletter