jaganగతానికి భిన్నంగా, గతంకంటే ఉత్సాహంగా ఆంధ్రప్రదేశ్‌ నడిబొడ్డు గుంటూరు కేంద్రంగా రెండు రోజుల పాటు జరిగిన వైయస్సార్‌ కాంగ్రెస్‌పార్టీ ప్లీనరీ సమావేశాలు ప్రభుత్వంపై ప్రజల్లో వున్న వ్యతిరేకతకు, ప్రజానేత జగన్‌పై వున్న నమ్మకానికి నిదర్శనంగా నిలిచాయి.

ప్రతిఏటా ఇడుపులపాయలో వైసిపి ప్లీనరీలు జరిగేవి. అయితే అక్కడ దివంగత నేత వై.యస్‌.రాజశేఖరరెడ్డి సమాధి ఉండడం తప్ప ఆ ప్రాం తంలో ఇంకెటువంటి రాజకీయ ప్రాధాన్యత లేదు. కాని, ఈసారి ప్లీనరీకి గుంటూరును ఎంచుకుని రాజకీయ వ్యూహాత్మకంగా ముందడుగు వేసాడు వై.యస్‌.జగన్మోహన్‌రెడ్డి. కొంతకాలం క్రితమే విశాఖ కేంద్రంగా తెలుగుదేశంపార్టీ వాళ్లు నిర్వహించిన మహానాడుకు, నిన్న జరిగిన వైసిపి ప్లీనరీకి తేడా కొట్టొచ్చినట్లు కనిపించింది. మహా నాడులో అధికార ఆర్భాటం స్పష్టంగా కనిపిస్తే, వైసిపి ప్లీనరీలో మాత్రం పార్టీపై అభిమానం, ప్రభుత్వం పట్ల వున్న వ్యతిరేకత స్పష్టమైంది.

గుంటూరు ప్లీనరీని ప్రతిపక్ష నేత వై.యస్‌.జగన్మోహన్‌రెడ్డి చక్కని రాజకీయ వేదికగా మలచుకున్నాడు. భవిష్యత్‌ కార్యా చరణ ప్రణాళికను స్పష్టంగానే ప్రకటించ గలిగాడు. రాష్ట్రంలో మూడేళ్ల చంద్ర బాబు పాలనను ఎండగట్టడం లోనే కాదు, తాము అధికా రంలోకి వస్తే ఏం చేస్తామన్నది కూడా ప్రజల్లోకి తీసుకెళ్లగలిగారు. ప్లీనరీలో తెలుగుదేశం ప్రభుత్వ వైఫల్యాలకే గురిపెట్టి జగన్‌ కొత్త పథకాలను ప్రకటించాడు. ఎన్నికలు ఇంకా దాదాపు రెండేళ్ల దూరంలో వున్నాయి. ఇప్పుడే ఆయన వరాలు, పథకాలు ప్రకటించాల్సిన అవసరం లేదు. కాని, రేపు జరగబోయే నంద్యాల అసెంబ్లీ ఎన్నికలను దృష్టిలో పెట్టుకునే జగన్‌ వీటిని ప్రకటించాడనిపిస్తుంది. ముఖ్యంగా రైతులను లక్ష్యంగా చేసుకున్నాడు. 5ఎకరాల లోపున్న రైతులకు సంవత్సరానికి 50వేల సాయం ప్రకటించడం రాజకీయంగా పార్టీకి ఎంతో ప్రయోజనం కలిగించేదే! తెలుగుదేశం ప్రభుత్వంలో రైతాంగం పూర్తి నిరాశకు లోనైంది. చంద్రబాబు ఋణమాఫీ వాగ్ధానం అరకొరగానే అమలైంది. పాత ఋణాలు పూర్తి స్థాయిలో మాఫీ కాకపోగా, రైతులకు బ్యాంకులు కొత్తగా అప్పులివ్వడం లేదు. సాగునీళ్ళ సమస్య... గిట్టుబాటు ధరల సమస్య... విత్తనాలు, ఎరువుల సమస్య... ఇలా నిత్యం సమస్యలతో పోరాడుతున్న రైతులకు జగన్‌ రైతు భరోసా పథకం కొత్త ఆశలు కల్పించేదే!

ఇక మూడు దశలలో మద్య నిషేధాన్ని అమలు చేస్తానన్న జగన్‌ ప్రకటన మహిళా లోకాన్ని విశేషంగా ఆకర్షించేదే! రాష్ట్రంలో మహిళలు ఎదుర్కొంటున్న ప్రధాన సమస్య ఇదే! 2014 ఎన్నికల్లో కూడా చంద్రబాబు విడతల వారీగా మద్య నిషేధాన్ని అమలు చేస్తానని చెప్పాడు. కాని, అధికారంలోకి వచ్చాక దశలవారీగా మద్యాన్ని విస్తరింపజేశాడు. ఈరోజు 30వేల జనాభా వున్న గ్రామాల్లో కూడా బార్లు పెట్టిస్తానంటున్నాడు. మద్యం విషయంలో చంద్రబాబు ప్రభుత్వంపై మహిళల్లో బలంగానే వ్యతిరేకత వుంది. ఈ అంశాలపై జగన్‌ గురిపెట్టి కొట్టాడు. ఆరోగ్యశ్రీ, ఫీజు రీయంబర్స్‌మెంట్‌, అమ్మబడి, పింఛన్‌లు వంటివి వై.యస్‌. హయాంలో మొదలుపెట్టి అమలు చేస్తున్నవే!

అయితే ఇక్కడ నాయకుల విశ్వసనీయత ముఖ్యం. చంద్రబాబు ఆడిన మాటమీద నిలబడడన్నది జనానికి అర్ధమైపోయింది. ప్రజల్లో ఆయన పట్ల విశ్వసనీయత లేదు. కాని విశ్వసనీయతకు బ్రాండ్‌ వై.యస్‌. కుటుంబం. 2004 ఎన్నికల్లో ప్రజలకు చెప్పిన వాగ్ధానాలన్నింటిని నెరవేర్చి చూపించాడు వై.యస్‌. ఆయన కొడుకుగా జగన్‌ పట్ల కూడా ప్రజల్లో అదే విశ్వసనీయత వుంది.

ప్లీనరీ వేదికగా జగన్‌ తీసుకున్న సాహసోపేత నిర్ణయం 3వేల కిలోమీటర్ల పాదయాత్ర. అక్టోబర్‌ 27న ఇడుపులపాయలో మొదలుపెట్టి ఇచ్ఛాపురం దాకా 13జిల్లాల్లో 6 నెలల పాటు పాదయాత్ర చేయాలని సంకల్పించడం జగన్‌ పట్టుదలకు నిదర్శనం. జనంలో నిలిచేవాడు, జనంతో నడిచేవాడే నాయకుడు. 2002లో మండుటెండల్లో చేవెళ్ల నుండి ఇచ్ఛాపురం దాకా 1,472 కిలోమీటర్లు దివంగత నేత వై.యస్‌.రాజ శేఖర్‌రెడ్డి నిర్వహించిన పాదయాత్ర చరిత్రలో నిలిచిపోయింది. ఆ పాదయాత్రలో ప్రత్యక్షంగా ప్రజల కష్టాలను, కన్నీళ్లను చూడబట్టే సీఎంగా బాధ్యతను చేపట్టిన వై.యస్‌. ఎన్నో ప్రజాసంక్షేమ పథకాలను ప్రవేశపెట్టారు. నాటి తండ్రి పాదయాత్రను స్ఫూర్తిగా తీసుకునే జగన్‌ 3వేల కిలోమీటర్ల పాదయాత్రకు నడుం కట్టాడు.

మొత్తానికి గుంటూరు ప్లీనరీ వైకాపా శ్రేణుల్లో ఉత్తేజం నింపింది. భవిష్యత్‌పై బలమైన ఆశలకు పునాది వేసింది. వచ్చే ఎన్నికల్లో గట్టిగా పోరాడడానికి పార్టీ కేడర్‌కు సరికొత్త శక్తినిచ్చింది.

nara jaganచంద్రబాబునాయుడు అధికారంలోకి వచ్చి రెండేళ్లయ్యింది. మరి ఈ రెండేళ్లలో ఆయన ఏం పొడిచాడు... రాష్ట్రాన్ని ఏ విధంగా ముందుకు తీసుకెళుతున్నాడు... ఆయన చెప్పిన హామీలను ఎంతవరకు నెరవేరుస్తున్నాడు... ప్రజాదరణ పెంచుకోవడానికి ఏమేం పనులు చేస్తున్నాడన్నది పెద్ద ప్రశ్న!

ఈ రెండేళ్లలో చంద్రబాబు సాధించిన ఘనవిజయాలంటూ ఏమీ లేవు. ప్రజాదరణ పెంచుకోవడంకంటే ప్రజాదరణ కోల్పోయే విధంగా ఆయన పరిపాలనా విధానాలు ఉంటున్నాయి. 1995-2004ల మధ్య చంద్రబాబుకు మంచి అడ్మినిస్ట్రేటర్‌గా, అవినీతిని సహించని పాలకుడిగా పేరొచ్చింది. ఈ రెండేళ్ల పాలనలో ఆ రెండూ మాయమయ్యాయి. రాష్ట్రంలో రాజకీయ, అధికార అవినీతికి జడలు విచ్చుకున్నాయి. ప్రాజెక్టుల అంచనాలు ఇష్టానుసారం పెంచేసుకుంటున్నారు. చంద్రబాబు చేస్తున్న దుబారాలైతే లెక్కేలేదు.

అన్నింటిని మించి అమరావతి రాజధాని పేరుతో ఆడుతున్న డ్రామా ప్రజలకు విసుగుపుట్టిస్తోంది. ప్రజలకు ఏ మాత్రం ఉపయోగం లేని రాజధాని పైనే చంద్రబాబు తన సగం కాలాన్ని ఖర్చు చేస్తున్నాడు. పలు దేశాల ఇంజనీర్లు చేత డిజైన్‌లు గీయించాడు. ఎన్ని నగరాలను రోల్‌మోడల్‌గా చేసుకున్నాడో లెక్కేలేదు. ఇదంతా కూడా ప్రజలకు ఒక కామెడీగా వుంది. తమ రాజధాని బీజింగ్‌, టోక్యో, వాషింగ్టన్‌, సింగపూర్‌లా వుండాలని ప్రజలు కోరుకోవడం లేదు. తమ ప్రాంతాలు అభివృద్ధి చెంది, తమ అవసరాలు తీరితే చాలనుకుంటున్నారు. చంద్రబాబు చేపట్టిన అమరావతి రాజధాని అంకం సైతం ప్రజలను మెప్పించలేకపోతోంది.

అన్నింటిని మించి ఈమధ్య ఆపరేషన్‌ ఆకర్ష్‌ పేరుతో వైకాపా ఎమ్మెల్యేలను తెలుగుదేశంలోకి లాక్కోవడం ప్రజల్లో తీవ్ర వ్యతిరేకతను పెంచుతోంది. గొర్రెదాటును తలపిస్తున్న వైసిపి ఎమ్మెల్యేల కప్పదాట్లు ఎందుకోసమో, ఎన్ని కోట్లకోసమో ప్రజలకు తెలియంది కాదు. పార్టీ మారుతున్న ఎమ్మెల్యేల మీద ఎంత వ్యతిరేకతవుందో, వారిచేత పార్టీ మార్పిస్తున్న చంద్రబాబు మీద అంతకంటే వ్యతిరేకత వ్యక్తమవుతోంది. పచ్చమీడియాను పక్కనపెట్టి స్వచ్ఛంధంగా ఏ మీడియా సంస్థ చేతనైనా రాష్ట్రంలో సర్వే జరిపిస్తే చంద్రబాబు మీద వలసల ముందుకంటే కూడా వలసల తర్వాత ప్రజల్లో వ్యతిరేకత విపరీతంగా పెరిగిందనే విషయం అర్ధమవుతుంది. వైకాపా ఎమ్మెల్యేలను తన పార్టీలో చేర్చుకుని తెలుగుదేశాన్ని బలోపేతం చేస్తున్నానని చంద్రబాబు అనుకుంటే అంత మూర్ఖత్వం ఇంకోటి ఉండదు. రాష్ట్ర ప్రభుత్వ అనైతిక విధానాలను ప్రజలు నిరసిస్తున్నారు. అయితే ప్రభుత్వ అక్రమాలు, పాపాలు, లోపాలు ప్రతిపక్షానికి బలమవ్వాలి. కాని ప్రతిపక్షానికి ఇంకా బలమైన లోపం వుంది. అదే నాయకత్వ సమస్య. జగన్‌ తన పార్టీ ఎమ్మెల్యేలను నిలబెట్టుకోవడంలో విఫలమవుతున్నాడు. గత ఎన్నికల్లో కేడర్‌ను సమన్వయ పరచడంలో విఫలమయ్యే ఆయన అధికారంలోకి రాలేకపోయాడు. ముఖ్యంగా రాష్ట్ర స్థాయి నుండి బూత్‌ స్థాయికి కేడర్‌ను పటిష్టపరచాలి. పార్టీ సంస్థాగత పటిష్టతపై దృష్టిపెట్టాలి. ముఖ్యంగా తెలుగుదేశంలోకి కొత్తగా వస్తున్నవారి వల్ల అసంతృప్తులు, అలకలు తలెత్తుతున్నాయి. అలాంటి వారి మీద కూడా దృష్టిపెట్టాలి. జిల్లాల వారీగా కొత్త నాయకత్వాన్ని తీసుకురావాలి. ముఖ్యంగా అంబటి రాంబాబు, రోజా వంటి నోటి దురుసున్నోళ్లను కాకుండా సబ్జెక్ట్‌ను ప్రజల మనసుల్లోకి ఎక్కించే సీనియర్లను అధికార ప్రతినిధులుగా ప్రయోగించాలి. ముఖ్యంగా జగన్‌ కొంతవరకన్నా తన తండ్రి వైయస్‌లోని నాయకత్వ లక్షణాలను, ప్రజలతో, నాయకులతో మెలిగే తీరును తెచ్చుకోగలిగితే ఆయన రాజకీయ భవిష్యత్‌ మారడం ఖాయం.

newsbottomad

ఎక్కువగా చదివిన వార్తలు

  • సినీ పరిశ్రమకు... అనువైన వేదిక నెల్లూరు!
    కేసీఆర్‌ ఛీ... ఛా... అని ఛీదరించుకుని ఉమ్మేసినా కొందరు సినీ ప్రముఖులు హైదరాబాద్‌ను వదిలేది లేదంటున్నారు. ఇలాంటి వాళ్లది సినీ పరిశ్రమపై ప్రేమ కాదు! అక్కడ పోగేసిన వేలకోట్ల ఆస్తులపై ప్రేమ. అవెక్కడ పోతాయోననే బాధ. అక్కడ నుండి సినీ పరిశ్రమను…
  • ప్రాణాలు తీస్తున్న పందేలు!
    బ్రతుకులు డొల్ల... భవిష్యత్‌ గుల్ల క్రికెట్‌... ఆడేవాళ్ళకు డబ్బులు, చూసేవాళ్ళకు ఆనందం... ఈ క్రికెట్‌ ప్రపంచంలో ఆడేవాళ్ళు చూసేవాళ్ళు కాకుండా ఇంకో జాతి వుంది. అదే బెట్టింగ్‌ జాతి. క్రికెట్‌ను అందరూ ఆటగా చూస్తే ఈ బెట్టింగ్‌ జాతి మాత్రం జూదంగా…
  • నోర్లు తెరిచిన బోర్లు.. మృత్యువుకు రహదార్లు
    బోర్లు నోర్లు తెరిచాయంటే.. అవి మృత్యువుకు రహదార్లనే తెలుసుకోవాలి. నిర్లక్ష్యంగా బోర్లను తవ్వి వదిలేస్తే అవే మనపాలిట మృత్యుకూపాలవుతాయి. నీళ్ళ కోసం బోర్లు తవ్వుకుంటే, అటు నీళ్ళు రాకపోగా..ఆ బోర్ల గుంతలు చావుగుంతలుగా మారుతుంటాయి. అందుకే, బోర్లు తవ్వుకునేవారు ఎంతో అప్రమత్తంగా…
  • సిటింగ్‌లకు... కటింగ్‌ వేస్తాడా?
    రాబోయే ఎన్నికల్లో జిల్లాలోని తెలుగుదేశం పార్టీ సిటింగ్‌ ఎమ్మెల్యే లకు చంద్రబాబు తిరిగి సీట్లు ఇవ్వడనే ప్రచారం జోరుగా వుంది. ఒక్క సిటింగ్‌ స్థానాలలోనే కాదు, జిల్లాలోని అన్ని అసెంబ్లీ నియోజక వర్గాల నుండి కొత్త అభ్యర్థులను రంగంలోకి దించుతారని టాక్‌!…
  • జనం మెచ్చేలా జగన్‌!
    'నాకు ఓట్లేయకుంటే నేనేసిన రోడ్ల మీద నడవొద్దు... నేనిచ్చే పింఛన్‌లు, రేషన్‌ తీసుకుంటూ నాకు ఓట్లేయరా... హైటెక్‌ సిటి నేనే కట్టించాను... హైదరాబాద్‌ను నేనే డెవలప్‌ చేసాను... కంప్యూటర్‌ కనిపెట్టింది నేనే... సత్య నాదెళ్లను మైక్రోసాఫ్ట్‌ సిఇఓను చేసింది నేనే'' అని…

Newsletter