nelloreమొన్న కోడూరుపాటు జన్మభూమి గ్రామ సభలో ముఖ్యమంత్రి చంద్రబాబునాయుడు మాటలు కోటలు దాటాయి. గాల్లోనే మేడలు కట్టారు. 2019కల్లా దగదర్తి ఎయిర్‌పోర్టును పూర్తి చేస్తామన్నారు. కృష్ణపట్నంపోర్టులో సెజ్‌ను ఏర్పాటు చేసి పారిశ్రామికంగా అభివృద్ధి చేస్తామన్నారు. నెల్లూరు నుండి చెన్నై దాకా ఇండస్ట్రియల్‌ కారిడార్‌ ఏర్పాటు చేస్తామన్నారు. బకింగ్‌హోమ్‌ కెనాల్‌ను పునరుద్ధరించి జలరవాణాను అభివృద్ధి పరుస్తామన్నారు. భవిష్యత్‌ అవసరాల దృష్ట్యా జిల్లాలో ఇంకో మూడు ఎయిర్‌పోర్టులను కూడా తీసుకొస్తామన్నారు.

చంద్రబాబు జిల్లాకు ఇంకా వీటిని తీసుకొచ్చే పనిలోనే వున్నాడు. తెలుగుదేశం అధికారంలోకి వచ్చాక 2014లో ఇవే డైలాగ్‌లు, 2015లోనూ ఇవే డైలాగ్‌లు... ఇప్పుడూ అవే వాగ్ధానాలు... ప్రభుత్వం అధికారంలోకి వచ్చి నాలుగేళ్లు కావ స్తోంది. ఇక ఈ సంవత్సరం ఎన్నికల వాతా వరణం వుంటుంది. పెద్దగా పనులేమీ జరగవు. ఈ పనులన్నీ చేయడానికి చంద్ర బాబుకు ఈ నాలుగేళ్ళు సరిపోలేదా?

ఇప్పటికీ నెల్లూరుజిల్లా ప్రగతిపై వై.యస్‌. మార్క్‌ వుందే తప్ప తన బ్రాండ్‌ పడే విధంగా చంద్రబాబు ఎలాంటి చర్యలు చేపట్టలేదు. ఈ జిల్లాను పారిశ్రా మికంగా ముందుకు నడిపించడానికి ఒక కృష్ణపట్నం పోర్టు అయితేనేమీ, పవర్‌ ప్రాజెక్ట్‌లైతేనేమీ, శ్రీసిటీ, మాంబట్టు, మేనకూరు, చింతవరం సెజ్‌లైతేనేమీ... ఇవన్నీ కూడా వై.యస్‌. కృషి ఫలితమే! ఆయన ముఖ్యమంత్రిగా పని చేసింది గట్టిగా అయిదేళ్ళు. తన పాలనలో కేవలం రెండు మూడేళ్ళ కాలంలోనే నెల్లూరు జిల్లాలో ఇంతటి పారిశ్రామిక ప్రగతిని చూపించాడాయన!

మరి చంద్రబాబు సీఎంగా సెకండ్‌ ఇన్నింగ్స్‌ మొదలుపెట్టి నాలు గేళ్ళు కావస్తుంది. జిల్లాకు కొత్తగా వచ్చిన పరిశ్రమ ఒక్కటీ లేదు. చంద్రబాబు ఇది సాధించి తెచ్చాడని చెప్పడానికి ఏదీ లేదు. కనీసం దగదర్తి ఎయిర్‌పోర్టుకు కూడా ఇంతవరకు శంకుస్థాపన జరగలేదు. కృష్ణ పట్నంలో గాని మిగిలిన సెజ్‌లలో గాని కొత్తగా ఒక్క పరిశ్రమా రాలేదు. విభజన చట్టంలో చెప్పిన దుగరాజపట్నం పోర్టుకు కూడా దిక్కులేదు. నెల్లూరుజిల్లాలో పారి శ్రామికంగా వై.యస్‌. ఉన్నప్పుడు ఏదైతే జరిగిందో... ఇప్పటికీ అదే వుంది. ఈ నాలుగేళ్లుగా చంద్రబాబు జిల్లా ప్రజలకు మాటలు చెప్పడం తప్పించి చేతుల ద్వారా చూపించిందేమీ లేదు.

jaganగతానికి భిన్నంగా, గతంకంటే ఉత్సాహంగా ఆంధ్రప్రదేశ్‌ నడిబొడ్డు గుంటూరు కేంద్రంగా రెండు రోజుల పాటు జరిగిన వైయస్సార్‌ కాంగ్రెస్‌పార్టీ ప్లీనరీ సమావేశాలు ప్రభుత్వంపై ప్రజల్లో వున్న వ్యతిరేకతకు, ప్రజానేత జగన్‌పై వున్న నమ్మకానికి నిదర్శనంగా నిలిచాయి.

ప్రతిఏటా ఇడుపులపాయలో వైసిపి ప్లీనరీలు జరిగేవి. అయితే అక్కడ దివంగత నేత వై.యస్‌.రాజశేఖరరెడ్డి సమాధి ఉండడం తప్ప ఆ ప్రాం తంలో ఇంకెటువంటి రాజకీయ ప్రాధాన్యత లేదు. కాని, ఈసారి ప్లీనరీకి గుంటూరును ఎంచుకుని రాజకీయ వ్యూహాత్మకంగా ముందడుగు వేసాడు వై.యస్‌.జగన్మోహన్‌రెడ్డి. కొంతకాలం క్రితమే విశాఖ కేంద్రంగా తెలుగుదేశంపార్టీ వాళ్లు నిర్వహించిన మహానాడుకు, నిన్న జరిగిన వైసిపి ప్లీనరీకి తేడా కొట్టొచ్చినట్లు కనిపించింది. మహా నాడులో అధికార ఆర్భాటం స్పష్టంగా కనిపిస్తే, వైసిపి ప్లీనరీలో మాత్రం పార్టీపై అభిమానం, ప్రభుత్వం పట్ల వున్న వ్యతిరేకత స్పష్టమైంది.

గుంటూరు ప్లీనరీని ప్రతిపక్ష నేత వై.యస్‌.జగన్మోహన్‌రెడ్డి చక్కని రాజకీయ వేదికగా మలచుకున్నాడు. భవిష్యత్‌ కార్యా చరణ ప్రణాళికను స్పష్టంగానే ప్రకటించ గలిగాడు. రాష్ట్రంలో మూడేళ్ల చంద్ర బాబు పాలనను ఎండగట్టడం లోనే కాదు, తాము అధికా రంలోకి వస్తే ఏం చేస్తామన్నది కూడా ప్రజల్లోకి తీసుకెళ్లగలిగారు. ప్లీనరీలో తెలుగుదేశం ప్రభుత్వ వైఫల్యాలకే గురిపెట్టి జగన్‌ కొత్త పథకాలను ప్రకటించాడు. ఎన్నికలు ఇంకా దాదాపు రెండేళ్ల దూరంలో వున్నాయి. ఇప్పుడే ఆయన వరాలు, పథకాలు ప్రకటించాల్సిన అవసరం లేదు. కాని, రేపు జరగబోయే నంద్యాల అసెంబ్లీ ఎన్నికలను దృష్టిలో పెట్టుకునే జగన్‌ వీటిని ప్రకటించాడనిపిస్తుంది. ముఖ్యంగా రైతులను లక్ష్యంగా చేసుకున్నాడు. 5ఎకరాల లోపున్న రైతులకు సంవత్సరానికి 50వేల సాయం ప్రకటించడం రాజకీయంగా పార్టీకి ఎంతో ప్రయోజనం కలిగించేదే! తెలుగుదేశం ప్రభుత్వంలో రైతాంగం పూర్తి నిరాశకు లోనైంది. చంద్రబాబు ఋణమాఫీ వాగ్ధానం అరకొరగానే అమలైంది. పాత ఋణాలు పూర్తి స్థాయిలో మాఫీ కాకపోగా, రైతులకు బ్యాంకులు కొత్తగా అప్పులివ్వడం లేదు. సాగునీళ్ళ సమస్య... గిట్టుబాటు ధరల సమస్య... విత్తనాలు, ఎరువుల సమస్య... ఇలా నిత్యం సమస్యలతో పోరాడుతున్న రైతులకు జగన్‌ రైతు భరోసా పథకం కొత్త ఆశలు కల్పించేదే!

ఇక మూడు దశలలో మద్య నిషేధాన్ని అమలు చేస్తానన్న జగన్‌ ప్రకటన మహిళా లోకాన్ని విశేషంగా ఆకర్షించేదే! రాష్ట్రంలో మహిళలు ఎదుర్కొంటున్న ప్రధాన సమస్య ఇదే! 2014 ఎన్నికల్లో కూడా చంద్రబాబు విడతల వారీగా మద్య నిషేధాన్ని అమలు చేస్తానని చెప్పాడు. కాని, అధికారంలోకి వచ్చాక దశలవారీగా మద్యాన్ని విస్తరింపజేశాడు. ఈరోజు 30వేల జనాభా వున్న గ్రామాల్లో కూడా బార్లు పెట్టిస్తానంటున్నాడు. మద్యం విషయంలో చంద్రబాబు ప్రభుత్వంపై మహిళల్లో బలంగానే వ్యతిరేకత వుంది. ఈ అంశాలపై జగన్‌ గురిపెట్టి కొట్టాడు. ఆరోగ్యశ్రీ, ఫీజు రీయంబర్స్‌మెంట్‌, అమ్మబడి, పింఛన్‌లు వంటివి వై.యస్‌. హయాంలో మొదలుపెట్టి అమలు చేస్తున్నవే!

అయితే ఇక్కడ నాయకుల విశ్వసనీయత ముఖ్యం. చంద్రబాబు ఆడిన మాటమీద నిలబడడన్నది జనానికి అర్ధమైపోయింది. ప్రజల్లో ఆయన పట్ల విశ్వసనీయత లేదు. కాని విశ్వసనీయతకు బ్రాండ్‌ వై.యస్‌. కుటుంబం. 2004 ఎన్నికల్లో ప్రజలకు చెప్పిన వాగ్ధానాలన్నింటిని నెరవేర్చి చూపించాడు వై.యస్‌. ఆయన కొడుకుగా జగన్‌ పట్ల కూడా ప్రజల్లో అదే విశ్వసనీయత వుంది.

ప్లీనరీ వేదికగా జగన్‌ తీసుకున్న సాహసోపేత నిర్ణయం 3వేల కిలోమీటర్ల పాదయాత్ర. అక్టోబర్‌ 27న ఇడుపులపాయలో మొదలుపెట్టి ఇచ్ఛాపురం దాకా 13జిల్లాల్లో 6 నెలల పాటు పాదయాత్ర చేయాలని సంకల్పించడం జగన్‌ పట్టుదలకు నిదర్శనం. జనంలో నిలిచేవాడు, జనంతో నడిచేవాడే నాయకుడు. 2002లో మండుటెండల్లో చేవెళ్ల నుండి ఇచ్ఛాపురం దాకా 1,472 కిలోమీటర్లు దివంగత నేత వై.యస్‌.రాజ శేఖర్‌రెడ్డి నిర్వహించిన పాదయాత్ర చరిత్రలో నిలిచిపోయింది. ఆ పాదయాత్రలో ప్రత్యక్షంగా ప్రజల కష్టాలను, కన్నీళ్లను చూడబట్టే సీఎంగా బాధ్యతను చేపట్టిన వై.యస్‌. ఎన్నో ప్రజాసంక్షేమ పథకాలను ప్రవేశపెట్టారు. నాటి తండ్రి పాదయాత్రను స్ఫూర్తిగా తీసుకునే జగన్‌ 3వేల కిలోమీటర్ల పాదయాత్రకు నడుం కట్టాడు.

మొత్తానికి గుంటూరు ప్లీనరీ వైకాపా శ్రేణుల్లో ఉత్తేజం నింపింది. భవిష్యత్‌పై బలమైన ఆశలకు పునాది వేసింది. వచ్చే ఎన్నికల్లో గట్టిగా పోరాడడానికి పార్టీ కేడర్‌కు సరికొత్త శక్తినిచ్చింది.

kadapaపేర్లు పెట్టడం, పేర్లు మార్చడం... చంద్రబాబు ప్రభుత్వం ప్రస్తుతం చేస్తున్న అతిపెద్ద పని ఇదే. ఈ ఏడాది పాలనలో ఇంతకుమించి చేసింది ఏమీ లేదు. రాజధానికి అమరావతి అని పేరుపెట్టారు. దివంగత నేత వై.యస్.రాజశేఖరరెడ్డి హయాంలో అమలు చేసిన ఎన్నో సంక్షేమ పథకాల పేర్లు మార్చారు. కొత్తగా పెట్టిన పథకాలకు పేర్లు పెట్టడంలో అర్థముంది. పాత పథకాలకు కొత్త పేర్లు పెట్టడమే చంద్రబాబు చేసిన ఘనకార్యం.

ఈ పరంపరంలోనే ఇంకో అడుగు వేయబోతున్నాడు. వైయస్ఆర్ జిల్లాగా వున్న కడప జిల్లాకు తిరిగి పాతపేరునే పెట్టాలని పావులు కదుపుతున్నట్లు తెలుస్తోంది. పూర్వం కడప దేవుని గడపగా ప్రసిద్ధి గాంచింది. ఈ పట్టణానికి కడప అనే పేరు కూడా దేవుని గడప మూలంగానే వచ్చింది. 2009లో వై.యస్. మరణానంతరం ఆయన సొంతజిల్లా కడపకు ఆయన పేరు పెట్టాలని అప్పటి కాంగ్రెస్ ప్రభుత్వం నిర్ణయించింది. ఈమేరకు కడప జిల్లాకు వైయస్ ఆర్ జిల్లా అని పేరు మార్చారు. కడప పట్టణానికి మాత్రం పేరు అలాగే వుంది. కడప జిల్లా ప్రజలకు వైయస్ దేవుడి క్రిందే లెఖ్ఖ. తరతరాలుగా కడప జిల్లా ఎంతో వెనుకబడిపోయి వుండింది. వైయస్ ముఖ్యమంత్రి అయ్యాకే ఆ జిల్లా రూపురేఖలు మారాయి. కడప జిల్లాను ఆయన పూర్తిగా అభివృద్ధి బాట పట్టించాడు. ఫ్యాక్షనిజంతో నలిగిపోయిన జిల్లాకు ప్రగతి సొగసులు దిద్దాడు. ఈ జిల్లాకు వై.యస్ చేసినంత ఉపకారం ఇంతవరకూ ఎవరూ చేసి ఉండరు. కడపజిల్లాకు వై.యస్. పేరు పెట్టడాన్ని ఆక్షేపించాల్సిన పనే లేదు.

చంద్రబాబు సీఎం అయ్యింది మొదలు చూపంతా వైయస్ ఆర్ జిల్లా పేరు మీదే పడింది. ఆ జిల్లాకు వైయస్ ఆర్ పేరు తొలగిస్తేనే గాని ఆయన కడుపు మంట తగ్గేటట్లు లేదు. మహానాడు తర్వాత దేవుని గడప అనే పాత సెంటిమెంట్ ను తెరమీదకు తెచ్చి వైయస్సార్ జిల్లా పేరును తొలగించబోతున్నారు. రాష్ర్ట విద్యాశాఖ మంత్రి గంటా శ్రీనివాసరావు చేత ఈ ప్రతిపాదన పెట్టించబోతున్నారు. మహానాడు తర్వాత కొద్ది రోజుల్లోనే వైయస్ఆర్ జిల్లాను తిరిగి కడపజిల్లాగా మారుస్తూ రాష్ర్ట ప్రభుత్వం నిర్ణయం తీసుకోనున్నట్లు తెలుస్తోంది. ఇదే జరిగితే పార్టీలతో పనిలేకుండా వైయస్ ను అభిమానించే ప్రతి ఒక్కరూ ఆవేదన చెందడం ఖాయం.

Page 1 of 2

newsbottomad

ఎక్కువగా చదివిన వార్తలు

  • ఉదయగిరిలో... 'రెడ్డి' కోసం 'దేశం' అన్వేషణ
    రాజకీయ చైతన్యానికి పేరుపడ్డ నియోజకవర్గంలో రాజకీయ పార్టీలకు గెలుపు పెద్దసవాల్‌! పార్టీ ప్రభంజనాల కంటే పోటీచేసే అభ్యర్థి ప్రభావమే ఇక్కడ ఓటర్లపై బలంగా వుంటుంది. అభ్యర్థి సమర్ధత, వ్యక్తిత్వాన్ని బట్టే ఇక్కడ గెలు పోటములుంటాయి. గత మూడున్నర దశాబ్దాల రాజకీయ చరిత్రను…
  • 'నిప్పో'కు రైట్‌ రైట్‌
    గత కొద్దికాలంగా రాజకీయ నాయకుల నోళ్ళలో నానుతూ రాజకీయ అంశంగా మారిన 'నిప్పో' పరిశ్రమకు సంబంధించిన 13.02 ఎకరాల భూమి కన్వర్షన్‌కు సంబంధించిన అంశం ఎట్టకేలకు నెల్లూరు నగరపాలక సంస్థ ఆమోదం పొందింది. 12వ తేదీ జరిగిన కార్పొరేషన్‌ కౌన్సిల్‌ సమావేశంలో…
  • రెండు నెలల్లో... ట్రెండ్‌ మారింది
    రాజకీయాలలో పరిస్థితులు తారుమారు కావడానికి ఎంతో కాలం పట్టదు. నాలుగేళ్ళ పదినెలలు సమర్ధవం తంగా పని చేసిన ఒక ప్రభుత్వం ఒక చిన్న తప్పు చేస్తే ఒక్క నెలలోనే గబ్బు పట్టొచ్చు. దాని మూలంగానే ఎన్నికల్లో ఓడిపోవచ్చు. నాలుగేళ్ళ పది నెలల…
  • ఆ ఒక్కడే వణికిస్తున్నాడు!
    నాలుగు దశాబ్దాల రాజకీయ అనుభవం... ముఖ్యమంత్రిగా 13ఏళ్ళ సర్వీసు... రెండుసార్లు మంత్రి... ఏడుసార్లు ఎమ్మెల్యే... జాతీయ రాజ కీయాలలో గిర్రున చక్రం తిప్పిన నేర్పరితనం... యునైటెడ్‌ ఫ్రంట్‌ కన్వీనర్‌... ఇన్ని వున్న చంద్రబాబునాయుడును నిండా 45ఏళ్ల వయసుండని వై.యస్‌. జగన్మోహన్‌రెడ్డి ముప్పతిప్పలు…
  • 'ఆనం' సరే.. మరి ఆదాల...?
    ఇది నిజంగా ఆశ్చర్యం గొలిపే పరిణామం. నెల్లూరుజిల్లాలో ''ఆనం'' రాజకీయ ప్రస్థానంలో ఇదో అనూహ్య మజిలి. తెలుగుదేశం ఆ తరువాత కాంగ్రెస్‌ మళ్ళీ తెలుగుదేశం ప్రస్తుతం వై.యస్‌.ఆర్‌ కాంగ్రెస్‌పార్టీ. జిల్లాలో 'ఆనం' అంటే బలమైన పేరుంది. ఆనం వర్గం అంటూ వారికి…

Newsletter