jagan2014 ఎన్నికల ప్రచారంలో జగన్‌ సభలకు జనం జాతర మాది రిగా వచ్చారు. అంతకుముందు నిర్వహించిన ఓదార్పుయాత్రలకు పోటెత్తినట్లు వచ్చారు. అదే చంద్ర బాబు సభలకు లారీలు, బస్సులు పెట్టి తోలినా జనం రాలేదు. అయినా కూడా ఆ ఎన్నికల్లో చంద్రబాబు గెలిచాడు... జగన్‌ ఓడిపోయాడు. ఎక్కడుంది వ్యత్యాసం? ఎక్కడ వచ్చింది ఈ లోపం?

ఆ ఎన్నికల్లో తెలుగుదేశం అధికారంలోకి రావడానికి చాలా కారణాలున్నాయి. మోడీ ఇమేజ్‌, పవన్‌కళ్యాణ్‌ మద్దతు, ఋణమాఫీ వాగ్ధానం, కాంగ్రెస్‌ నేతలు రావడం, డబ్బు పంపిణీ, జగన్‌పైన మతపరమైన ముద్ర... తెలుగుదేశం గెలుపులో ఇవన్నీ ఒకెత్తయితే, పార్టీ తరపున ఎలక్షన్‌ మేనేజ్‌మెంట్‌ ఇంకో ఎత్తు. 2014 ఎన్నికల తర్వాత తనలోని చాలా లోపాలను జగన్‌ సరిదిద్దుకుంటూ వస్తున్నాడు. ప్రజాసంకల్ప పాదయాత్రలో ప్రజలను ఆకట్టుకునే దిశగా హామీలు గుప్పిస్తున్నాడు. తనపై వున్న మతముద్రను చెరిపేసుకోవడానికి, దాని మూలంగా దూరమైన కొన్ని వర్గాలను దగ్గర చేసుకోవడానికి హిందూ సంస్కృతి, సంప్రదాయాలను ఆచరిస్తూ గౌరవిస్తున్నాడు. గతంలో తన తండ్రి వైయస్‌నకు వెన్నంటి నడిచిన కాంగ్రెస్‌ సీనియర్‌ నాయకులను సంప్రదించి పార్టీలో చేర్చుకోవాలనే ఆలోచనలో వున్నాడు.

రేపు ఎలక్షన్‌ను ఎదుర్కోవడానికి జగన్‌ అన్నీ సిద్ధం చేసుకున్నాడు. అయితే ఎలక్షన్‌ మేనేజ్‌మెంట్‌ టీమ్‌ సిద్ధం కావాల్సి వుంది. 2014 ఎన్నికల్లో వైకాపాకు పెద్ద లోటు ఇదే! తెలుగుదేశం తరఫున చంద్రబాబు ఒక్కడే ఎలక్షన్‌ నడిపించలేదు. ఆయన తరఫున పి.నారాయణ, సుజనాచౌదరి, సీఎం రమేష్‌, కంభంపాటి రామ్మోహన్‌రావు... ఇలా ఎందరో సీనియర్‌లు జిల్లాలవారీగా ఇన్‌ఛార్జ్‌ బాధ్యతలు నిర్వహిస్తూ ఏ జిల్లాలో ఏ నియోజకవర్గంలో పార్టీ బలహీనంగా ఉందో తెలుసుకుంటూ, ప్రతిరోజూ, ప్రతి గంట అభ్యర్థులతో మాట్లాడుతూ వాళ్ళ అవసరాలు తెలుసుకుంటూ వారికి కావాల్సిందానిని వెంటనే సమకూరుస్తూ ఎలక్షన్‌ నడిపించారు. కాని, ఇక్కడ వైకాపాలో చూస్తే పోటీ చేసిన అభ్యర్థులను పట్టించుకున్న నాథుడు లేడు. అభ్యర్థులతో మాట్లాడితే జగనే మాట్లాడాలి. పులివెందుల అసెంబ్లీ నుండి ఆయనా పోటీ చేసుండే... ఇక రాష్ట్రమంతటా ప్రచారం చేయాల్సివుండే... ఇక అభ్యర్థుల మంచి చెడ్డలు చూసుకునే తీరిక ఆయనకెక్కడిది. పార్టీలో వున్నోళ్లలో సీనియర్‌లు, జగన్‌కు ముఖ్యమనుకున్న వై.వి.సుబ్బారెడ్డి, మేకపాటి రాజమోహన్‌రెడ్డి లాంటోళ్ళు ఎలక్షన్‌లలో పోటీకి దిగారు. దీంతో పార్టీ ఆఫీసులో అభ్యర్థులకు సమాధానం చెప్పే వాళ్ళు గాని, వాళ్ళ సమస్యలు వినేవాళ్ళు గాని లేకుండాపోయారు. రేపు ఎన్నికల్లో ఆ లోపాన్ని సరిదిద్దుకోవాలి. సీనియర్‌లను పోటీలో దించకుండా ఎలక్షన్‌ నిర్వహించే బాధ్యతను వాళ్ళకు అప్పగించాలి. ఎన్నికల్లో ప్రతి నియోజకవర్గం కీలకం కానుంది. ప్రతిచోటా గట్టిపోటీ వుంటుంది. కాబట్టి అందరు అభ్యర్థులతో సమన్వయం చేసుకోగల ఎలక్షన్‌ టీమ్‌ను ఏర్పాటు చేసుకోవడంపై జగన్‌ దృష్టి సారించాల్సివుంది.

jaganప్రజా సమస్యలపై, ప్రభుత్వ వైఫల్యాలపై దండెత్తుతూ ప్రతిపక్ష నేత, వైకాపా అధినేత వై.యస్‌.జగన్మోహన్‌రెడ్డి వై.యస్‌.ఆర్‌ జిల్లా ఇడుపుల పాయ నుండి మొదలుపెట్టిన ప్రజాసంకల్ప పాదయాత్ర ప్రభంజనం సృష్టిస్తోంది. అధికార తెలుగుదేశం పార్టీలో ప్రకంపనలు సృష్టిస్తోంది.

జగన్‌ పాదయాత్రను తెలుగుదేశం వాళ్ళు మొదట ఆషామాషీగా తీసుకున్నారు. నంద్యాల ఎన్నికల్లో కూడా జగన్‌ సభలకు జనం బాగానే వచ్చారు. అయినా మేమే గెలిచాం... ఇక అన్ని చోట్లా అలాగే ఉం టుందిలే అనుకున్నారు. నంద్యాల ఎన్నికలు వేరు... అది కేవలం ఒక అసెంబ్లీ పరిధికి లోబడిన ఎన్నికలు. ఒక రకంగా పంచా యితీ ఎన్నికలు మాదిరిగా జరిగాయని చెప్పొచ్చు. రాష్ట్ర వ్యాప్తంగా ప్రజలు ఎదు ర్కొంటున్న సమస్యలు గాని, ప్రభుత్వ వైఫల్యాలు గాని ఆ ఎన్నికలపై ప్రభావం చూపలేదు. మా నంద్యాలకు ఏమిచ్చారు... మాకు ఏం తెచ్చారు అన్న విధానంలోనే జరిగిన ఎన్నిక అది. ఈ ఎలక్షన్‌లో ఎవరు గెలిచినా, ఎవరు ఓడినా ప్రభుత్వమేమీ మారేదిలేదు... అన్న ఆలోచన ప్రాతి పదికగా జరిగిన ఎన్నిక కాబట్టి దానిని పరిగణనలోకి తీసుకోవాల్సిన అవసరం లేదు.

కాని, ప్రజల్లో ప్రభుత్వం పట్ల ఎంత వ్యతిరేకత ఉందన్నది జగన్‌ పాదయాత్ర ద్వారా ప్రస్ఫుటమవుతోంది. ఇడుపుల పాయ నుండి ప్రారంభమైన ప్రజాసంకల్ప యాత్ర కడప జిల్లాలోని జమ్మలమడుగు, ప్రొద్దుటూరు, మైదుకూరు నియోజకవర్గాల మీదుగా కర్నూలు జిల్లాలో ప్రవేశించింది. ఇప్పటివరకు జరిగిన పాదయాత్రను గమ నిస్తే పల్లె, పట్టణం అన్న తేడా లేకుండా జనం పోటెత్తి వస్తున్నారు. జగన్‌కు నీరా జనం పలుకుతున్నారు. అన్ని వర్గాల ప్రజలు వస్తున్నారు. జగన్‌కు తమ సమ స్యలు చెప్పుకుంటున్నారు. పేదల ఇళ్ళలో ప్రజల ముంగిళ్ళలో జనంతో జగన్‌ మమేక మవుతున్న తీరు 2003లో దివంగత నేత వై.యస్‌.రాజశేఖరరెడ్డి పాదయాత్రను తలపించేలా వుంది. జగన్‌ పాదయాత్రకు జనం స్వచ్ఛంధంగా వస్తున్నారు. ఆయనతో కలిసి నడవడానికి ఉత్సాహం చూపుతు న్నారు. రాజన్న బిడ్డ వచ్చాడంటూ జనం ఆత్మీయంగా అక్కున చేర్చుకుంటున్నారు.

అసెంబ్లీ సమావేశాలను బహిష్కరించి జగన్‌ పాదయాత్రకు శ్రీకారం చుట్టాడు. ఒక రకంగా ఇది ఎలక్షన్‌ క్యాంపెయిన్‌ అనే అనుకోవచ్చు. ప్రతిపక్ష నేతకు వున్న అవకాశం ఇది. ప్రజాసమస్యలపై నడుస్తూ రాష్ట్రమంతా తిరగొచ్చు. కాని, ముఖ్య మంత్రిగా చంద్రబాబు ఆ పని చేయలేడు. ఆయన ప్రజాసమస్యలపై పాదయాత్ర చేస్తే ప్రభుత్వం ఫెయిల్యూర్‌ అని లెక్క.

జగన్‌ పాదయాత్రతో రాష్ట్రంలో నెలకొన్న రాజకీయ పరిస్థితుల్లో చాలా మార్పులు రావచ్చు. నంద్యాల ఓటమితో దిగాలుపడ్డ వైకాపా కేడర్‌కు జగన్‌ పాద యాత్ర ఎక్కడలేని ఉత్సాహాన్నిచ్చింది. అదే సమయంలో అధికారపార్టీలో భయం మొదలైంది. ఎందుకంటే ఈ రాష్ట్రంలో అధికారం చేతులు మారడానికి పెద్ద తేడా అవసరం లేదు. 2014 ఎన్నికల్లో అధి కారంలోకొచ్చిన తెలుగుదేశంకు, ప్రతి పక్షంలో కూర్చున్న వైయస్సార్‌ కాంగ్రెస్‌ పార్టీకి మధ్య ఓట్ల తేడా కేవలం 5లక్షలే! 2014లో జగన్‌కు ఓటేసిన ప్రతి వంద మందిలో ఖచ్చితంగా 90 నుండి 95 మంది రేపటి ఎన్నికల్లో కూడా జగన్‌కే మద్దతునిస్తారు. మరి 2014లో తెలుగు దేశంకు ఓటేసిన ప్రతి వంద ఓట్లలో ఇప్పు డాయనకు 50 ఓట్లకు మించి గ్యారంటీ లేదు. మిగిలిన ఓట్లు అటూ ఇటైతే పరిస్థితి తలక్రిందులే!

జగన్‌ ప్రజాసంకల్పయాత్ర అలాంటి ఓటర్లనే ప్రభావితం చేస్తోంది. పోయిన సారి చంద్రబాబు మేధావి, అనుభవజ్ఞుడని చెప్పి తటస్థులు ఆయనకు ఓట్లేసారు. చంద్రబాబు ఈ మూడున్నరేళ్లలో అలాంటి వారి నమ్మకాన్ని కోల్పోయాడు. జగన్‌ మాత్రం అలాంటి వారి నమ్మకాన్ని పొందే విధంగా, తన నాయకత్వాన్ని నిరూపించు కునే దిశగా రాష్ట్రమంతటా నడుస్తున్నాడు. జగన్‌ పాదయాత్ర ఖచ్చితంగా అన్నివర్గాల వారిపై ప్రభావం చూపుతోంది. పాద యాత్రతో ఓట్ల బ్యాంకులు కదులుతా యనే ఆందోళన తెలుగుదేశం వర్గాలలో వ్యక్తమవుతోంది.

ys jaganఅధికారపార్టీ ఎప్పుడు తప్పు చేస్తుందా? ఎక్కడ దొరుకుతుందా? అని ప్రతిపక్షం అనుక్షణం కాపు కాయాలి. అధికార పార్టీ చేసే తప్పులను శాసనసభ వేదికగా కడిగిపారేయాలి. అధికారంలో వున్న వాళ్ళ అక్రమాలను ప్రజల ముందు ఎత్తిచూపి వారిని దోషులుగా నిలబెట్టాలి. ప్రతిపక్ష నాయకుడి బాధ్యత అది. ప్రతిపక్షనేతలు ప్రజాదరణ పొందేది అక్కడే! అంతేగాని ప్రతిపక్ష నేతే తప్పటడుగులు వేసి అధికారపార్టీకి వాళ్ళే ఆయుధం అందించడం ఆత్మహత్యా సదృశ్యమే అవుతుంది.

ఏ.పి ప్రతిపక్ష నేత, వైకాపా అధినేత వై.యస్‌.జగన్మోహన్‌రెడ్డికి ఎవరు ఉచిత సలహాలిస్తున్నారోగాని తప్పటడుగుల పరంపర కొనసాగుతూనే వుంది. శాసనసభ అన్నది ప్రజాసమస్యలను చర్చించే వేదిక. పరిపాలనలోని లోపాలను ఎత్తి చూపుతూ అధికార పార్టీని ప్రశ్నలతో ఆడుకునే వేడుక. అసెంబ్లీ సమావేశాలంటే అధికారపార్టీ వణకాలి. ప్రతిపక్షం ఉరకాలి. ప్రతిపక్షం దెబ్బకు అధికార పార్టీ నాయకుల పంచెలు తడవాలి. సభలో పరిస్థితులు ప్రతిపక్షానికి చెలగాటంగానూ, ప్రభుత్వానికి ప్రాణ సంకటంగానూ మారు తుంటాయి. అలాంటి అసెంబ్లీ సమావేశాలను బహిష్కరిస్తున్నామని ప్రకటించడం ద్వారా ప్రతిపక్ష నేత చేతిలో వున్న వజ్రాయుధాన్ని వదులుకున్నాడని పిస్తోంది. ఈనెల 10వ తేదీ నుండి జరిగే శాసనసభ సమావేశాలను బహిష్కరించా లని ప్రతిపక్ష వైకాపా నిర్ణయించింది. దీంతో శాసనసభ పక్ష సమావేశాలు ఏక పక్షంగా, అధికారపార్టీ భజన కార్యక్ర మంగా ముగియబోతున్నాయి.

అసెంబ్లీ సమావేశాలను బహిష్కరించ డానికి వైకాపా చూపిన ప్రధాన కారణం తెలుగుదేశంలో చేరిన తమ పార్టీ ఎమ్మె ల్యేలు 21మందిపైన చర్యలు తీసుకోక పోవడం వల్లేనని. రాజకీయాలలో విలు వలు పాటించేవాళ్ళు ఒక పార్టీలో గెలిచి, ఇంకో పార్టీలోకి వెళుతున్నప్పుడు వున్న పదవులకు రాజీనామా చేస్తారు. మొన్న ఎమ్మెల్సీ పదవికి రాజీనామా చేసి శిల్పా చక్రపాణిరెడ్డి వైసిపిలో చేరినా, నిన్న రేవంత్‌రెడ్డి ఎమ్మెల్యే పదవికి రాజీనామా చేసి కాంగ్రెస్‌లో చేరినా విలువలు పాటించినవాళ్ళే! వైసిపి నుండి 21మంది ఎమ్మెల్యేలు తెలుగుదేశంలో చేరితే ఒక్క రంటే ఒక్కరు కూడా విలువలకు కట్టుబడి రాజీనామా చేయలేదు. దేశమంతా ఈ అన్యాయం చూస్తూనే వుంది. అయినా ప్రశ్నించేవారు లేరు. అయితే దీనిని శాసన సభా వేదిక మీదే తేల్చుకోవాలి. అక్కడే ఈ విలువలు లేని వ్యవహారాన్ని ఎత్తి చూపాలి. ఎందుకంటే అధికారపార్టీకి, ప్రతిపక్ష పార్టీకి రెండు చోట్ల మాత్రమే ప్రత్యక్ష పోరాటం జరుగుతుంది. ఒకటి ఎన్నికల రణ క్షేత్రంలో, రెండోది శాసనసభ కురుక్షేత్రంలో! అధికారపక్షానికి ఎదురు నిలిచి ప్రశ్నించగలిగేది, వారి లోపాలను ప్రజల ముందు వేలెత్తి చూపగలిగేది. ప్రజాసమస్యలపై తమ గళాన్ని వినిపించ గలిగేది అసెంబ్లీలోనే! కాబట్టి అసెంబ్లీలో మాట్లాడే, పోట్లాడే అవకాశాన్ని జగన్‌ వదులుకుని ఉండకూడదు.

ఈ మూడున్నరేళ్ళలో జరిగిన అసెంబ్లీ సమావేశాలు చూసాము. ఈసారి ఉన్న గలీజు అసెంబ్లీ ఎప్పుడూ చూడలేదు. గతంలో ప్రభుత్వాలు కాని, స్పీకర్‌ గాని ప్రతిపక్షానికి సముచిత ప్రాధాన్యత, గౌరవం ఇచ్చేవాళ్ళు. కాని ఈ ప్రభుత్వంలో అసెంబ్లీ సమావేశాలు మరీ దిగజారి నట్లుగా జరగుతున్నాయి. అనుభవం, అర్హత లేనివాళ్ళు ఎమ్మెల్యేలై అనవసరపు రంకెలు వేస్తూ సభను ఛండాలం చేస్తున్నారు. రౌడీలు, గూండాలను తలపించేలా వారి మాటలుంటున్నాయి. ఒకరిపట్ల ఒకరికి గౌరవ ప్రదమైన సంభాషణలే కరువ య్యాయి. ఇంతటి దారుణస్థితిలో వున్న శాసనసభ సమావేశాలలో కూడా ప్రతి పక్షనేతగా వై.యస్‌.జగన్మోహన్‌రెడ్డి ఎంతో చక్కగా రాణించాడు. పలు అంశాలపై, పలు సమస్యలపై పూర్తి సమాచారంతో ప్రభుత్వాన్ని ఆయన ఏకిపారేస్తున్న తీరుకు ప్రజలు ముగ్దులౌతున్నారు. అసెంబ్లీ సమావేశాలలో అధికారపార్టీ మంత్రులు, ఎమ్మెల్యేలు ఎంతగా రంకెలు వేసి రెచ్చ గొట్టినా సహనం కోల్పోకుండా, సంయ మనం పాటిస్తూ, ప్రజాసమస్యలపై ఘాటుగా స్పందిస్తున్న నేతగా అసెంబ్లీ వేదిక ద్వారానే జగన్‌కు పేరొచ్చింది. అలాంటి అసెంబ్లీ సమావేశాలకు హాజరు కాకూడదనుకోవడం ఖచ్చితంగా అల వాటులో పొరపాటేననుకోవాలి.

ఇప్పుడైతే ప్రతిపక్షం చేతిలో ఎన్నో అస్త్రాలున్నాయి. మూడున్నరేళ్ళ నుండి అమరావతి రాజధాని అని సినిమాలు చూపిస్తున్నారే గాని, ఒక్క అడుగు ముందుకు పడలేదు. రాజధాని డిజైన్‌లు అంటూ సినీ డైరెక్టర్లను వెంటబెట్టుకుని ఇంకా విదేశాలు తిరుగుతున్నారు. రాజధాని కోసమంటూ 35వేల ఎకరాల భూములను సేకరించి రైతులను బికారులుగా మార్చి పొలాలను బీళ్ళుగా పెట్టి వారి బ్రతుకులను ప్రశ్నా ర్థకం చేశారు. పోలంవరం అంచనాలు ఎప్పటికప్పుడు పెంచుకుంటూ దానిని ఎప్పటికి పూర్తవుతుందో తెలియని ప్రాజె క్టుగా మార్చారు. కార్పొరేట్‌ కాలేజీలలో ఆత్మహత్యల పరంపర కొనసాగుతోంది. అధికారులపై వేధింపులతో ప్రభుత్వంపై వ్యతిరేకత పెరుగుతోంది. ఉపాధిహామీలు అటకెక్కాయి. నిరుద్యోగభృతి లేదు. ఋణమాఫీ అస్తవ్యస్తంగా ఉంది. డ్వాక్రా మహిళల హామీలు ఒక్కటీ నెరవేర్చలేదు. కాపుల బీసీ రిజర్వేషన్‌ హామీ ఆచరణ రూపం దాల్చలేదు. రాష్ట్రంలో ఎక్కడ చూసినా అధికారపార్టీ ఆగడాలు, అరాచ కాలు ఎక్కువుగా వున్నాయి. ఇంకా ప్రభుత్వ వైఫల్యాలు చాలానే ప్రస్తావించడానికి అసెంబ్లీని వేదికగా మార్చుకుని ఉండొచ్చు. ఇలాంటి కీలక సమయంలో జగన్‌ అసెం బ్లీని బహిష్కరించడమంటే అది తెలిసీ వేసిన తప్పటడుగా? లేక ఫిరాయింపు ఎమ్మెల్యేలపై చర్యకు ఇంక ఏ దారీలేని పరిస్థితుల్లో తప్పకవేసిన అడుగా? జగన్‌కే తెలియాలి?

Page 1 of 19

newsbottomad

ఎక్కువగా చదివిన వార్తలు

  • దండగ... పండగ...
    పర్యాటక అభివృద్ధి అంటే సంవత్సరంలో 365రోజులు జరగాల్సిన ప్రక్రియ. దానిని రెండుమూడు రోజులు జాతరగా మార్పు చేయడం సబబు కాదు. మూడురోజుల సంబడం కోసం మూడు కోట్లు తగలెయ్యడం కరెక్ట్‌ కాదు. ఆ నిధులనే పర్యాటక కేంద్రాల అభివృద్ధికి వెచ్చిస్తే సంవత్సరం…
  • చిలికి చిలికి... గాలివాన కానుందా?
    ఈ జిల్లాలో తెలుగుదేశం పార్టీకి పునాదులుగా వుండి, పార్టీ జెండాలు మోసి భుజాలు కాయలు కాసిన నాయకుల వల్ల పార్టీకి ఎప్పుడూ సమస్యలు ఎదురు కాలేదు. వారి వ్యక్తిగత ఆర్ధిక లావాదేవీల వల్ల పార్టీకి చెడ్డపేరొచ్చింది కూడా లేదు. కాని, ఇతర…
  • ఇసుకతో ఇక్కట్లు
    నెల్లూరు, జొన్నవాడ మధ్య సాఫీగా సాగిపోతున్న ప్రయాణంలో ఒక చిన్న ఆటంకం వస్తోంది. ప్రతి వాహనదారుడు ఇక్కడ ఇబ్బంది పడుతున్నాడు. ముఖ్యంగా ద్విచక్రవాహనదారులైతే అదుపు తప్పి పడిపోతున్నారు. ఇరు కళలమ్మ గుడి నుండి దొడ్ల డెయిరీ దాకా రోడ్డును నాలుగు లైన్లుగా…
  • సమన్వయ లోపం... వైకాపాకు శాపం!
    2014 ఎన్నికల ప్రచారంలో జగన్‌ సభలకు జనం జాతర మాది రిగా వచ్చారు. అంతకుముందు నిర్వహించిన ఓదార్పుయాత్రలకు పోటెత్తినట్లు వచ్చారు. అదే చంద్ర బాబు సభలకు లారీలు, బస్సులు పెట్టి తోలినా జనం రాలేదు. అయినా కూడా ఆ ఎన్నికల్లో చంద్రబాబు…
  • సినిమానూ వదలని సెగ
    నేనెందుకు పార్టీ పెట్టానో నాకే తెలి యదు, నేనెందుకు ప్రచారం చేస్తున్నానో నాకే తెలియదు, ఎన్ని సీట్లకు పోటీ చేయాలో నాకే తెలియదు... అన్నంత అజ్ఞానంలో వున్న హీరో పవర్‌స్టార్‌ పవన్‌ కళ్యాణ్‌, ఒక దశ దిశ నిర్దేశం లేకుండా రాజకీయపార్టీని…

Newsletter