dengueజిల్లాలో ప్రాణాంతక వ్యాధులు ప్రబలుతున్నాయి. సీజనల్‌ వ్యాధులుగా వస్తున్న విషజ్వరాలు..ప్రతి ఏటా ఎప్పటికప్పుడు పునరావృతమవుతున్నాయే తప్ప ఏనాడూ తగ్గింది లేదు. పల్లెలు, పట్టణాల్లో ఎక్కడ చూసినా మురుగే సర్వాంతర్యామి అన్నట్లుగా అపారిశుద్ద్యం తాండవిస్తోంది. దీంతో రకరకాల వ్యాధులతో జనం ఆసుపత్రుల చుట్టూ ప్రదక్షిణలు చేస్తున్నారు.

జిల్లాలో ఏ పట్టణం, ఏ పల్లెను చూసినా చెత్తకుప్పలు, మురుగుదిబ్బల గబ్బే.. ఎక్కడ చూసినా. సైడుకాలువలు మురుగునీటితో పొంగిపొర్లి వీధుల్లోకి వచ్చి మడుగులు కడుతుంటాయి. ఆ మడుగుల్లో దోమలు విజృంభించి డెంగ్యూ వంటి ప్రాణాంతక వ్యాధులు సైతం వస్తున్నా అధికారగణంలో చలనం ఉండడంలేదు. దోమల నివారణకు తీసుకుంటున్న చర్యలు కేవలం నామమాత్రమే. కనీసం ఫాగింగ్‌ యంత్రాలు కూడా తిరగడం లేదు. మురుగు, చెత్తాచెదారం..దోమలు, కుక్కలు, పందులదే రాజ్యమైపోయింది. ఇంత దుర్గంధపూరిత వాతావరణంలో వ్యాధులు ప్రబలక ఏం చేస్తాయి! మరీ.. నెల్లూరు నగరమైతే మురుగుదిబ్బగా మారి పోయింది. మురుక్కాలువలు పూడిపోయి ఎక్కడి మురుగు అక్కడనే పేరుకుపో తున్నా, వ్యర్ధపదార్ధాలతో ప్రతి వీధీ ఒక చెత్తకుప్పగా మారిపోతున్నా పట్టించుకునే నాధులు లేరు. ఖాళీ ప్రదేశాల్లో వర్షపు నీరు నిలబడిపోయి, మురుగుమడుగు లుగా.. అవే దోమల ఉత్పత్తి కేంద్రాలుగా మారిపోతున్నాయి. తాగిపారేసిన ఖాళీ కొబ్బరిబోండాలు, నీటితొట్టెలు, టైర్లు వగై రాల్లో ప్రాణాంతకమైన డెంగ్యూ దోమలు మరింతగా ప్రబలిపోతుంటాయి. దోమలు విపరీతంగా పెరుగుతున్నా దోమలను నియంత్రించేందుకు అటు నగరపాలక సంస్థ కానీ, ఇటు వైద్యారోగ్యశాఖ కానీ తీసుకుంటున్న చర్యలు కంటితుడుపుగానే ఉంటున్నాయి. ప్రతినిత్యం మురుగు కాలువలను శుభ్రం చేయడం, దోమల లార్వాలు పెరగకుండా మందులు చల్లడం, ఫాగింగ్‌ యంత్రాల ద్వారా దోమల నిరోధానికి చర్యలు తీసుకోవడం వంటివన్నీ మొక్కుబడి ప్రహసనంగానే జరుగుతుంటాయి. వీధుల్లో సైడుకాలు వలు పొంగిపోయి దుర్గంధం వస్తుంటే అక్కడంతా బ్లీచింగ్‌ చల్లడం అనేది జరగ డమే గగనం. అలాంటి విచిత్రమేమైనా జరిగితే ఆ వీధికి ఏ నాయకుడో వస్తు న్నట్లు లెక్క. లేకుంటే అది కూడా పట్టించు కోరు. ఇదీ దుస్థితి. జిల్లాలో ఈ ఏడాది ఇప్పటికే 87 డెంగ్యూ కేసులు నమో దయినట్లు అధికారిక గణాంకాలే చెప్తు న్నాయి. ఆత్మకూరు మండలంలో ముగ్గురు, గూడూరులో ఒకరు డెంగ్యూ వ్యాధితో మరణించారు. జిల్లా వ్యాప్తంగా రోజురోజుకీ డెంగ్యూ మరణాలు ఒకటొ కటిగా పెరుగుతూనే ఉన్నాయి. దీంతో ప్రజలు బాగా ఆందోళన చెందుతున్నారు. ఈ వ్యాధితో మరికొందరు చెన్నైలో చికిత్స పొందుతున్నారు. జిల్లాలోని ప్రభుత్వ వైద్యశాలల్లో అవసరమైన మందులు, చికిత్సలు అన్నీ అంతంతమాత్రంగానే

ఉండడంతో రోగులకు మరింత అవస్తగా ఉంటోంది. నగరంలోని ప్రభుత్వాసు పత్రిలో గత నాలుగు నెలలుగా 50కి పైగానే డెంగ్యూ కేసులు నిర్ధారణ అయ్యా యంటే ఈ వ్యాధి ఎంతగా ప్రబలుతుందో ఊహించుకోవచ్చు. డెంగీవ్యాధిగ్రస్తులకు అవసరమైన ప్లేట్‌లెట్స్‌ కొరత తీవ్రంగా ఉండడమే కాక, వాటిని బాధితులకు అందించేందుకు అవసరమైన పరికరాలు, సిబ్బంది లేక అనేకమంది ప్రైవేట్‌ ఆసు పత్రుల చుట్టూ తిరుగుతున్నారు. ఇంకా మలేరియా, టైఫాయిడ్‌ వంటి జ్వరాలతో వేలాదిమంది ఆసుపత్రుల చుట్టూ నిత్యం ప్రదక్షిణలు చేస్తూనే ఉన్నారు. ఈ బాధ లన్నీ చాలవన్నట్లు.. మరో ప్రాణాంతక వ్యాధి స్వైన్‌ఫ్లూ కూడా విజృంభిస్తూ ప్రజ లను వణికిస్తోంది. స్వైన్‌ఫ్లూ మహమ్మారికి ఇటీవల కావలికి చెందిన ఒక ఉపాధ్యా యుడు మరణించడంతో కావలి ప్రాంత మంతా వ్యాధుల భయంతో ఆందోళన చెందుతోంది. ఈ వ్యాధి నిర్ధారణ అయిన మరికొందరు బాధితులు నగరంలోని పలు ప్రైవేటు ఆసుపత్రుల్లో చికిత్స పొందుతున్నట్లు సమా చారం. ప్రజలు ఇలా అనేకరకాల వ్యాధుల బారినపడుతూ ప్రైవేటు ఆసు పత్రులకు వెళ్తే వారు ఆ పరీక్షలు ఈ పరీక్షలని అధికమొత్తంలో డబ్బు గుంజేసు కుంటున్నారని, ఈ బాధలనుంచి తమను కాపాడేదెవరని పేదరోగులు వాపోతు న్నారు. మరోవైపు, జిల్లావ్యాప్తంగా ఆరోగ్య కేంద్రాలకు పుష్కలంగా నిధులు ఉన్నప్ప టికీ వ్యాధులను నివారించలేకపోతు న్నారు. పట్టణాల్లోను, పంచాయతీల్లోనూ పారిశుద్య పరిరక్షణకు తగు సిబ్బంది

ఉన్నా ఏరోజుకారోజు చెత్తాచెదారం పేరుకుపోతూనే ఉంది. ఎక్కడ చూసినా కాలుష్యం, అపారిశుద్ద్యం, మురుగువాతా వరణం నిండిపోవడంతో వ్యాధులు వీరంగం చేస్తున్నాయి.

రూరల్‌లోనూ పెరుగుతున్న జ్వరపీడితులు :

నెల్లూరు శివారుల్లో ఉన్న పల్లెలు కూడా జ్వరాలతో మంచం పట్టాయి. ఈ గ్రామాల్లో విషజ్వరాలు విజృంభిస్తున్నాయి. డెంగ్యూ, మలేరియా, చికున్‌గున్యా తదితర వ్యాధులతో ప్రజలు బాధలుపడుతున్నారు. గుడిపల్లిపాడు పాతూరు వద్ద ఒక యువకుడు ఇటీవలే డెంగ్యూ వ్యాధితో మరణించాడు. మరికొంతమంది ఆసుపత్రుల్లో చికిత్సలు పొందుతున్నారు. ఏదేమైనా ఇలాంటి ప్రాణాంతక వ్యాధుల పట్ల ప్రజలు మరింత అప్రమత్తంగా ఉండాల్సిన అవసరం ఉంది. సాధారణంగా ఆగస్టు నుంచి సెప్టెంబరు దాకా వాతావరణ మార్పుల వల్ల సీజనల్‌ వ్యాధులు ప్రబలుతుంటాయి. అయితే, జిల్లాలోని మురుగువాతావరణం తొలగిపోయే పరిస్థితి లేకపోవడం, పచ్చదనం-పరి శుభ్రత అన్నదే కనిపించకపోవడంతో వ్యాధులు అన్నికాలాల్లోనూ యధేచ్చగా ప్రబలు తూనే ఉన్నాయి. ఇకనైనా జిల్లా ఉన్నతాధికారులు వెంటనే వ్యాధుల నివారణకు కార్యాచరణ ప్రణాళిక చేపట్టాలి. జిల్లావ్యాప్తంగా విజృంభిస్తున్న డెంగ్యూ, స్వైన్‌ఫ్లూ, రకరకాల విషజ్వరాల నివారణకు తక్షణ చర్యలు తీసుకోవాల్సి ఉంది. అదేవిధంగా, జిల్లాలో పారిశుద్ద్య పరిస్థితిని ఒక దారికితెచ్చి, పరిశుభ్రమైన వాతావరణానికి బాటలు వేసి, ప్రజలను ఈ వ్యాధుల బాధల నుంచి రక్షించాల్సినవసరం ఎంతైనా ఉంది.

muvvaనెల్లూరుజిల్లా డిఇఓగా మువ్వా రామలింగం వస్తున్నాడని తెలిసి జిల్లాలో అన్ని ఉపాధ్యాయ సంఘాలు ఆందోళనలు నిర్వహించాయి. మాకీ డిఇఓ వద్దంటూ ఉపాధ్యాయులు నెత్తి నోరు బాదుకుని చెప్పారు. 'పోకిరి' సినిమాలో మహేష్‌బాబు పోలీసు ఆఫీసర్‌ అని తెలిసాక అతని ట్రాక్‌రికార్డు గురించి చెబుతారు. అట్లాగే మువ్వా రామలింగంకు కూడా పనిచేసిన ప్రతిచోటా ఒక ట్రాక్‌రికార్డు వుంది. ఏ జిల్లాలో పనిచేసినా వివాదాలే... అవినీతి ఆరోపణలే! అంతెందుకు పదిహేనేళ్ల క్రితమే నెల్లూరులో డిప్యూటీ డిఇఓగా పనిచేశాడు. అప్పుడే కుప్పలకొద్దీ ఆరోపణ లొచ్చాయి. టీచర్ల పట్ల వేధింపులకు పాల్పడేవాడనే పేరొచ్చింది. డిప్యూటీ డిఇఓగా అతనిని భరించి ఉండబట్టే రెండేళ్ల క్రితం అతను నెల్లూరుకు డిఇఓగా వస్తున్నాడంటే జిల్లాలోని టీచర్లందరూ హడలిపోయారు. కాని, ఎవరు ఎన్ని విధాలుగా ఆందోళనలు చేసినా మువ్వా రామలింగం చదువుల శాఖ మంత్రి గంటా శ్రీనివాసరావును పట్టాడు. గంటా మొదటిసారి నెల్లూరుజిల్లా పర్యటనకు వచ్చినప్పుడు 'మీ అభిమాని' అనే పేరుతో జిల్లా అంతటా ఆయనకు స్వాగతం పలుకుతూ భారీఎత్తున ఫ్లెక్సీలు ఏర్పాటు చేసారు. అవన్నీ కూడా మువ్వా రామలింగం సొంత ఖర్చుతో ఏర్పాటు చేయించినవేనని ఆ తర్వాత తెలిసింది. అలా గంటాకు గంటకొట్టి మువ్వా ఈ జిల్లాకు డిఇఓగా వచ్చాడు. ఒక అధికారి ట్రాక్‌రికార్డు బ్యాడ్‌గా వుందని తెలిసినా, అతనిని డిఇఓగా వేయొద్దని ఉపాధ్యాయ సంఘాలు ఆందోళన చేసినా విద్యాశాఖమంత్రి అతనినే డిఇఓగా వేశాడు. దాని ఫలితంగా జిల్లా విద్యాశాఖలో జరగాల్సిన కంపు అంతా జరిగిపోయింది. కాబట్టి ఇక్కడ తప్పు మువ్వాదే కాదు, అతని చేతికి తాళాలు ఇచ్చిన మంత్రి గంటాది కూడా!

gelupu gurraluనంద్యాల, కాకినాడలలో గెలుపుతో తెలుగుదేశం వర్గాల్లో ఉత్సాహం ఉరకలెత్తుతున్నా నెల్లూరుజిల్లా తెలుగు దేశం పార్టీలో మాత్రం గెలుపుగుర్రాల కొరత ఆ పార్టీని వెంటాడుతోంది. వైసిపికి బలమైన జిల్లా ఇది. వైకాపాను ధీటుగా ఎదుర్కోవాలంటే గెలుపుగుర్రాల ఎంపికపై పెద్ద ఎత్తునే కసరత్తు చేయాల్సివుంది.

2014 ఎన్నికల్లో సరిగా సీట్లు సాధించలేదని చెప్పి చంద్రబాబు దాదాపు రెండేళ్ళ పాటు ఈ జిల్లాను చిన్నచూపు చూసాడు. అభివృద్ధి విషయంలో సవతి తల్లి ప్రేమను చూపాడు. ఏడాది కాలంగా జిల్లా విషయంలో ఆయన మనసు కొంచెం మారింది. జిల్లా నుండి సోమిరెడ్డి చంద్ర మోహన్‌రెడ్డికి రెండో మంత్రి పదవిని ఇవ్వడంతో పాటు ఈ జిల్లా పట్ల తనకున్న విద్వేషాన్ని కొంచెం పక్కనపెట్టాడు.

మెజార్టీ సీట్లు తెచ్చుకోలేక పరువు పోగొట్టుకున్నామని, చంద్రబాబు దృష్టిలో చులకనైపోయామని, ఈసారైనా జిల్లాలో పార్టీకి మెజార్టీ సీట్లు తెచ్చి చంద్రబాబు చేత భుజాలు తట్టించుకోవాలనే తపనతో జిల్లా తెలుగుదేశం నాయకులున్నారు. పార్టీ అధికారం కోల్పోతే ఈ జిల్లాలో సీట్లు ఎక్కువొచ్చినా, తక్కువొచ్చినా చంద్రబాబు పట్టించుకోడు. ఎందుకంటే అది ప్రభుత్వ వ్యతిరేక ఖాతాలోకి పోతుంది. పార్టీ తిరిగి అధికారంలోకి వచ్చి ఈ జిల్లాలో సీట్లు తక్కువ వస్తే మాత్రం అది జిల్లా నాయకుల అసమర్ధత అవుతుంది. వైకాపాకన్నా ఒక్కసీటు ఎక్కువ తెచ్చుకున్నా చంద్రబాబు వద్ద తలెత్తుకోగలరు.

ఈ దృష్టితోనే ముందుగా ఆయా నియోజకవర్గాలకు ఎవరైతే కరెక్ట్‌గా సరి పోతారన్న దానిపై ఇప్పటినుండే దృష్టి పెడుతున్నట్లు తెలుస్తోంది. గతంలో ఫలానా సీటు ఈ పార్టీ గెలుస్తుంది అని చెప్పడానికి ఒకటి, రెండు సీట్లన్నా గ్యారం టీగా వుండేవి. జిల్లాలో ఇప్పుడు అలాంటి సీన్‌ లేకుండా పోయింది. జిల్లాలో 10 అసెంబ్లీలుంటే ఫలానా సీటులో తెలుగు దేశం ఘంటాపధంగా గెలుస్తుందని చెప్ప గల పరిస్థితి లేదు. జిల్లాలో ప్రస్తుతం తెలుగుదేశంకు ఆశాజనకంగా వున్న సీటు సర్వేపల్లి. అది కూడా ఈమధ్య మంత్రి సోమిరెడ్డి వ్యక్తిగతంగా కష్టపడుతుండబట్టి. ఆయన పోటీ చేస్తే తెలుగుదేశంకు కొంత అనుకూలమే. కాకపోతే ఆయన ఎమ్మెల్సీగా వున్నాడు. ఎన్నికలప్పటికి ఆయన పదవీ కాలం మరో మూడేళ్లదాకా ఉంటుంది. కాబట్టి ఆయన పోటీ చేస్తాడా? లేదా అన్నది సందేహం. ఆత్మకూరుకు ఆనం రామనారాయణరెడ్డి రూపంలో గట్టి అభ్యర్థి దొరికాడు. కాకపోతే ఆయన వచ్చాక కూడా అనుకున్నంతగా వర్గాన్ని పునరేకీకరణ చేయలేకపోయాడు. వైకాపా వైపు వెళ్ళిన ఆయన మనుషులందరు కూడా దాదాపు అక్కడే వున్నారు. ఇక తెలుగుదేశంలోనే గూటూరు కన్నబాబు అసమ్మతి వర్గాన్ని ఏర్పాటు చేసుకుని వున్నాడు. ఆనంకు సీటిస్తే ఆయనకు వ్యతిరేకంగా పనిచేయ డానికి ఇతను రెడీగా వున్నాడు. ఆత్మకూరు లోనూ 'దేశం'కు ఏమంతా ఆశాజనకంగా లేదు. నెల్లూరు నగరం, నెల్లూరురూరల్‌, సూళ్లూరుపేటలలో టీడీపీకి కొత్త అభ్యర్థుల అవసరం వుంది. సూళ్లూరుపేటలో వైసిపి ఎమ్మెల్యే సంజీవయ్యకు ధీటైన అభ్యర్థి టీడీపీకి కొరతగా వుంది. నెల్లూరు నగరం, రూరల్‌లలో ఆదాల ప్రభాకర్‌రెడ్డి, పి.నారా యణ, బీద రవిచంద్ర వంటి నాయకులు దిగితే తప్ప ఇక్కడున్న వైసిపి ఎమ్మెల్యేలను ధీటుగా ఢీకొట్టే పరిస్థితి లేదు. గూడూరుకు సిటింగ్‌ ఎమ్మెల్యే అని సునీల్‌ను నిలబెట్టినా కష్టమే! కావలిలో బీద మస్తాన్‌రావు తిరిగి పోటీచేయొచ్చు. ఉదయగిరి, వెంకటగిరి లలో సిటింగ్‌ ఎమ్మెల్యేలను మార్చుకోవా ల్సిన పరిస్థితి వుంది. అయితే వీరిని పక్కన పెడితే ఇంతకంటే బెటర్‌ అభ్యర్థులు కని పించడం లేదు. కోవూరులోనూ సిటింగ్‌ ఎమ్మెల్యేను కొనసాగిస్తారా? అక్కడా మార్పు గురించి ఆలోచిస్తారా? అన్నది చూడాలి.

Page 1 of 19

newsbottomad

ఎక్కువగా చదివిన వార్తలు

  • ల్యాండవుతున్న విమానం
    దగదర్తి విమానాశ్రయం కల సాకారానికి రోజులు దగ్గరపడ్డాయి. త్వరలోనే విమానాశ్రయం నిర్మాణానికి టెండర్లు పిలవడానికి అధికారులు రంగం సిద్ధం చేస్తున్నారు. మొదటి దశలో ఎయిర్‌పోర్టు నిర్మాణానికి అవసర మైన 1350 ఎకరాల భూసేకరణ పూర్తయ్యింది. భూసేకరణకు సంబంధించి రైతుల పరిహారానికి నిధులు…
  • కార్పొరేషన్‌లో కోల్డ్‌వార్‌
    వివాదాలకు, విభేదాలకు నెల్లూరు కార్పొరేషన్‌ కేరాఫ్‌ అడ్రస్‌ లాంటిది. నెల్లూరు నగరంలో ఎన్ని రకాల సమస్యలుంటాయో నెల్లూరు కార్పొరేషన్‌ కార్యాలయంలో కూడా అంతకంటే ఎక్కువ సమస్యలే వుంటాయి. ముఖ్యంగా ఇక్కడ పనిచేసే పాలకవర్గం వుంటే అధికారులు సహకరించరు. చిత్తశుద్ధితో పనిచేసే అధికారులున్నప్పుడు…
  • ఆనంకు చుక్కెదురు?
    నెల్లూరు నగరంలో తమ ఆధిపత్యానికి ఆయువు పట్టులాంటి విఆర్‌ విద్యాసంస్థలపై తమ పట్టు నిలుపుకోవాలని ఆనం సోదరులు చేసిన ప్రయత్నాలు బెడిసి కొట్టాయి. న్యాయస్థానంలో వరుస దెబ్బలు తగులుతూనే వున్నాయి. విఆర్‌ విద్యాసంస్థల పాలక కమిటీని రద్దు చేస్తూ ఈ ఏడాది…
  • ఎగువ జిల్లాల్లో వర్షం.. నెల్లూరు జిల్లాలో హర్షం
    నెల్లూరుజిల్లా ప్రజలకు ఈ జిల్లాలో వర్షాలు పడితేనే కాదు, ఎగువ జిల్లాలైన అనంతపురం, కడప, కర్నూలు జిల్లాల్లో భారీ వర్షాలు పడితేనే ఎక్కువ సంతోషం. ఆ జిల్లాల్లో వర్షాలు పడితే ఎక్కువ ప్రయోజనం పొందేది మనమే. నెల్లూరుజిల్లాలో భారీ వర్షాలు కురిసి…
  • పాదయాత్ర చేస్తున్నా... ఆశీర్వదించండి
    వైయస్సార్‌ కాంగ్రెస్‌పార్టీ అధినేత వై.యస్‌.జగన్మోహన్‌రెడ్డి మంగళవారం శంషాబాద్‌లోని శ్రీశ్రీశ్రీ త్రిదండి శ్రీమన్నారాయణ రామానుజ చినజీయర్‌ స్వామి వారి ఆశ్రమ ప్రాంగణానికి వెళ్ళి స్వామివారిని కలుసుకున్నారు. ప్రజల కష్టాలను స్వయంగా తెలుసుకుని తనకు చేతనైన మేరకు వారికి సహాయసహకారాలు అందించడానికి త్వరలో నవ్యాంధ్రలో…

Newsletter