cezప్రధాని నరేంద్ర మోడీ... ముఖ్యమంత్రి చంద్రబాబు... మాటలను కోటలు దాటిస్తారు. అరచేతిలో స్వర్గం చూపిస్తారు. ఆచరణకొచ్చే సరికి ఏమీ ఉండదు. 2014లో కేంద్రంలో బీజేపీ, రాష్ట్రంలో టీడీపీ ప్రభుత్వాలు వచ్చాక నెల్లూరు జిల్లాలో పదిమందికి పని కల్పించే విధంగా ఈ ప్రాజెక్ట్‌ వచ్చింది, ఈ పరిశ్రమ వచ్చింది అని చెప్పుకోవడానికి ఒక్కటీ లేదు. మూడున్నరేళ్ళుగా మాటలు చెబు తూనే వున్నారు. అక్కడ అది, ఇక్కడ ఇది అంటూ ఇంకా చెబుతూనే వున్నారు.

విశాఖ-చెన్నై, బెంగుళూరు - చెన్నై కారిడార్‌లలో కృష్ణపట్నం పోర్టును కలి పారు. ఈ కారిడార్‌లు వస్తే పారిశ్రామి కంగా నెల్లూరు జిల్లా ఎక్కడికో పోతుం దనుకున్నారు. ఇంతవరకు ఈ కారిడార్ల నిర్మాణంపై ఎలాంటి కదలికలు లేవు. కనీసం సర్వే కూడా జరిగినట్లు లేదు. కేంద్రం కృష్ణపట్నం పోర్టును ఇండస్ట్రియల్‌ స్మార్ట్‌ సిటీగా బడ్జెట్‌లో చూపించిందేగాని, తర్వాత ఆచరణకు తగ్గ విధివిధానాలు లేవు. బకింగ్‌హోమ్‌ కెనాల్‌ ద్వారా జల రవాణా అభివృద్ధి అన్నారు. ఇంతవరకు దానిపై అడుగు ముందుకు పడలేదు. దుగరాజపట్నం పోర్టు హామీ అటకెక్కినట్లే! దామవరం వద్ద ఎయిర్‌పోర్టు ఇంకా ఊగిసలాడుతూనే వుంది. నెల్లూరుజిల్లాకు రావాల్సిన 'కియో మోటార్‌' అనంతపురం జిల్లాకు తరలిపోవడం చూసాం. వాళ్ళు ఇఫ్కో భూములు అడిగారు. అవివ్వడం సాధ్యం కాదని తేల్చేసరికి అనంతపురం చూసుకున్నారు.

వై.యస్‌. మరణం తర్వాత జిల్లాలో పారిశ్రామిక వేగం ఆగిపోయింది. అడు గులు ముందుకు పడడం లేదు. ఈ దశలో వున్న ఒకే ఒక ఆశ కోస్టల్‌ ఎంప్లా యిమెంట్‌ జోన్‌. కేంద్రం కృష్ణపట్నం పోర్టు కేంద్రంగా సి.ఇ.జడ్‌ను ఏర్పాటు చేయా లని నిర్ణయించడం, ఈ మేరకు కేంద్ర బృందాలు వచ్చి పరిశీలించడం జరిగింది. పాతిక వేల ఎకరాల విస్తీర్ణంలో సిఇజడ్‌ ఏర్పాటు కానుంది. ఈమేరకు భూసేకరణ కూడా జరుగుతోంది. సిఇజడ్‌ పరిధిలోకి త్వరలోనే రెండు భారీ పరిశ్రమలు రాను న్నట్లు తెలుస్తోంది. సి.ఇ.జడ్‌ ఆచరణలోకి వస్తే జిల్లాలో ఆగిన పారిశ్రామిక ప్రగతి చక్రం ముందుకు కదిలే అవకాశముంది.

mettaదేశమంతా వర్షాలు బాగా కురిసినా ఆ ప్రాంతంలో కనీస వర్షాలు కురవవు. దేశంలో డ్యాంలు, చెరువులన్నీ నిండినా ఆ ప్రాంతంలో చెరువులు, బావులు నిండవు. తీవ్ర వర్షాభావంతో మెట్టప్రాంతా నికి నిలువెత్తు చిరునామాగా నిలిచే ఆ కరువు సీమే ఉదయగిరి ప్రాంతం.

రావణాసురుడు తన చెల్లెలు శూర్ప నఖకు పసుపు కుంకుమ క్రింద ఈ గడ్డను రాసిచ్చాడని, అందుకే ఈ ప్రాంతంలో సరిగా వర్షాలు పడవని, పంటలు పండ వని చెప్పుకుంటుంటారు. ఇది పుక్కిటి పురాణమే అయినా కొన్నిసార్లు ఇక్కడ నెల కొంటున్న తీవ్ర వర్షాభావ పరిస్థితులను చూస్తుంటే వీటిని నమ్మాల్సిన పరిస్థితి వస్తుంది. గత ఏడాదితో పోలిస్తే ఈ ఏడాది జిల్లాలో వర్షాలు ఓ మోస్తరుగానే పడ్డాయి. మరీ వరదలు వచ్చి చెరువులు తెగిపోయేంత వానలు లేకున్నా తాగునీటికి, ఒక కారు సాగు నీటికి ఇబ్బంది లేనంతగా కురిసాయి. సోమశిలకు 50 టీఎంసీలకు పైగానే నీళ్ళు రాబట్టి మొదటి పంటకు నీళ్లిస్తున్నారు. అయితే జిల్లాలోని 10 అసెంబ్లీ నియోజకవర్గాలలో మిగతా 9 నియోజకవర్గాలు ఒకెత్తయితే ఉదయగిరి ఒక్కటే ఒకెత్తు. వరుసగా మూడో ఏదాడి కూడా ఈ ప్రాంతంలో సరిగా వానలు పడలేదు. నెల్లూరు చుట్టుపక్కల గత నెలలో భారీ వర్షాలు కురిసిన రోజుల్లో కూడా

ఉదయగిరి, సీతారామపురం, వింజమూరు, దుత్తలూరు, వారికుంటపాడు, కొండా పురం మండలాలలో ఎండలు సుర్రుమని పించాయి. అడపాదడపా సన్నటి జల్లులు పడడం తప్ప చెరువుల్లోకి, బావుల్లోకి నీళ్లొచ్చే స్థాయిలో వానలు పడలేదు. జిల్లాలోని మిగిలిన 9 నియోజకవర్గాలకు సోమశిల నీళ్ళు పారుతుంటాయి. సోమ శిలకు 250 కిలోమీటర్ల దూరంలో వున్న చెన్నైకు, 200 కిలోమీటర్ల దూరంలో వున్న తిరుపతికి కూడా పెన్న నీళ్ళు పోతుం టాయి. పెన్నకు గట్టిగా పాతిక కిలోమీటర్ల దూరం లేని ఉదయగిరి మెట్టప్రాంతానికి మాత్రం సోమశిల నీళ్ళుండవు. అది ఈ మెట్టప్రాంత ప్రజల దరిద్రం.

ఉదయగిరి ప్రాంతవాసులకు సోమ శిల నుండి నీళ్ళు అందించాలన్న లక్ష్యంతో గత కాంగ్రెస్‌ ప్రభుత్వంలో ఆర్ధిక మం త్రిగా వున్న ఆనం రామనారాయణరెడ్డి దాదాపు 400కోట్ల అంచనాలతో సోమశిల హైలెవల్‌ కెనాల్‌ను మంజూరు చేయించారు. అయితే ఈ పనులు ఇంకా పూర్తి కాలేదు. ఈ కెనాల్‌ పూర్తయితేనే ఉదయగిరి ప్రాంతానికి ఎంతో ప్రయో జనం చేకూరుతుంది. ఈలోపు మెట్టకు కష్టాలు గట్టెక్కేటట్లు లేవు. ఈ ఏడాది కూడా వర్షాలు లేక రైతులు పొలాలను బీళ్ళుగా పెట్టుకుంటున్నారు. కొద్దిపాటి వర్షాలు కురిసున్నా వేలాది ఎకరాలలో మినుము, పొగాకు సాగుచేసేవాళ్ళు. ఈ సంవత్సరం నీళ్ళు లేక పెద్దగా ఆ పైర్లు కూడా వేయలేదు.

సాగునీరు సంగతి అటుంచితే ఈ ఏడాది మార్చి, ఏప్రిల్‌ నెలలకల్లా ఈ మండలాలలో తాగునీటి సమస్య కూడా తీవ్రమయ్యే ప్రమాదముంది.

janamదేవాలయాలలో గర్భగుడి ముందు 'క్యూ'లో భక్తులు లేరు... 'మీ సేవ' కేంద్రాల్లో కౌంటర్ల ముందు జనం లేరు... గ్రామాలలో రేషన్‌ డిపోల వద్ద 'క్యూ'లు లేవు... నగరంలో సినిమాహాళ్ళ వద్ద పెద్దగా ప్రేక్షకుల తాకిడి లేదు... హోటళ్లలో టేబుళ్ళు దాదాపు ఖాళీగానే ఉంటున్నాయి... టెలిఫోన్‌ ఆఫీసులో ఫోన్‌ బిల్లు కట్టే కేంద్రాల వద్ద, బ్యాంకుల్లో క్యాష్‌ కౌంటర్‌ల వద్ద 'క్యూ'లు ఖాళీగానే ఉంటున్నాయి. ఎప్పుడు చూసినా జనంతో రద్దీగా ఉండే ఈ 'క్యూ'లన్నీ ఎందుకు ఖాళీగా వుంటున్నాయి. ఈ జనం అంతా ఏమయినట్లు?

ఏమీ కాలేదు... 'క్యూ'లైన్లో గంటల కొద్ది నిలబడే ఆనవాయితీని వారు మార్చ లేదు. కాకపోతే 'క్యూ'లో నిలబడే ప్రదేశం మారిందంతే. ఇంతకుముందు గుళ్ళలో, మీ సేవా కేంద్రాల్లో, ప్రభుత్వ కార్యా లయాల్లో 'క్యూ'లలో నిలుచున్న జనం ఇప్పుడు కార్పొరేట్‌, ప్రైవేట్‌ ఆసుపత్రులలో డాక్టర్ల ఛాంబర్‌ల ముందు టోకెన్‌లు పట్టు కుని 'క్యూ' లైన్లలో వున్నారు.

స్వచ్ఛభారత్‌, స్వచ్ఛ ఆంధ్ర, స్వచ్ఛ నెల్లూరు... పిలవడానికి, పలకడానికి బాగుంటున్నాయే తప్ప ఆచరణలో అది సాధ్యం కావడం లేదు. నెల్లూరుజిల్లా మొత్తం జబ్బుల మయమైంది. ఓ పక్క విషజ్వరాలు... ఇంకోపక్క కిడ్నీ వ్యాధులు... మరోపక్క అంతు తెలియని రోగాలతో జిల్లా ప్రజలు అవస్థలు పడుతున్నారు.

నెల్లూరులో ఎన్ని పెద్దఆసుపత్రులు కట్టినా రోగులకు కొరత లేదు అన్నట్లుగా జబ్బులు పెరుగుతున్నాయి. వ్యాధిగ్రస్థులు పెరిగిపోతున్నారు. జిల్లా వ్యాప్తంగా ప్రబ లిన విషజ్వరాలు ప్రజలను వణికిస్తు న్నాయి. విషజ్వరాల రోగులతో కార్పొరేట్‌ ఆసుపత్రులతో పాటు ప్రైవేట్‌ ఆసుపత్రుల్లో, చివరకు ఎంబిబిఎస్‌ డాక్టర్లున్న ఆసుపత్రులే కాకుండా ఆర్‌ఎంపి లుండే ఆసుపత్రులు కూడా రోగులతో కిటకిటలాడుతున్నాయి. నెల్లూరు నగరంలో ఏ ఆసుపత్రి వద్ద చూసినా జనం జాతరగా వుంటున్నారు. ఆసుపత్రుల్లో వుండే వ్యాధిగ్రస్తులు, వారికి తోడుగా వచ్చే బంధువులతో... ఆసు పత్రుల్లో రామందాడిగా వుంటుంది. రోగం చూపించుకుందామని పొద్దున్నే వస్తే... సాయంత్రానికి గాని డాక్టర్‌ అపా యింట్‌మెంట్‌ దొరకని పరిస్థితి.

ఇక రోగ నిర్ధారణ కోసం ల్యాబ్‌లలో పరీక్షలు... ఇటీవల వీటి వద్ద 'క్యూ'లు పెరిగిపోతున్నాయి. విషజ్వర బాధితులతో నిండిపోయి కొన్ని ఆసుపత్రుల్లో బెడ్‌లు దొరకడం కూడా కష్టంగా వుంది. బెడ్‌లకు రికమండేషన్‌ చేయించుకునే దుస్థితి దాపురించింది. గ్రామాలలో సరైన వైద్య సదుపాయాలు లేక రోజుకు కొన్ని వేల మంది వ్యాధిగ్రస్తులు నెల్లూరుకు వస్తు న్నారు. ఇక్కడ ఆసుపత్రులలో సకాలంలో వైద్యులు అపాయింట్‌మెంట్‌ దొరకక అవస్థలు పడుతున్నారు. ఫీజులకని, పరీ క్షలకని, ఆసుపత్రుల ఛార్జీలకని వేలకు వేలు వదులుతున్నాయి. విషజ్వరాలను ఎన్టీఆర్‌ వైద్య సేవలో చేర్చి వుంటే పేదలకు కొంచెం ఊరటగా ఉండేది. కాని, ఆ అవకాశం లేకపోవడం వల్ల జ్వరాల కోసమే వేల రూపాయలు ఖర్చు చేయాల్సి వస్తోంది. బహిరంగ మల విసర్జన రహిత జిల్లాగా ఆంధ్ర రాష్ట్రంలోనే మొదటి స్థానం పొందిన నెల్లూరుజిల్లాలో ఇలాంటి పరిస్థితి ఉండడం ఎంతైనా దారుణమే. స్వచ్ఛ భారత్‌, స్వచ్ఛ నెల్లూరు అని గొప్పగా చెప్పుకుంటున్నామేగాని పరిసరాలను పరి శుభ్రంగా ఉంచుకోకపోవడం వల్ల ఈ జబ్బులను మనమే కొనుక్కొచ్చుకుంటున్నాం. రోగాలు ప్రబలడానికి ప్రధానకారణం పారిశుద్ధ్యం అధ్వాన్నంగా ఉండడమే. ఇళ్ళ ముందు చెత్త వేసుకుంటున్నాం... మురికి కాలువల్లో సిల్డు తీయడం లేదు... దోమ లను, పందులను ఇళ్ళ మధ్యే పెంచుకుం టున్నాం... ఈ మధ్య సోషల్‌ మీడియాలో ఒక పోస్ట్‌ హల్‌చల్‌ చేస్తోంది. జంతువు లేమో అడవుల్లో పచ్చటి ప్రకృతి మధ్య ఆనందంగా బ్రతుకుతుంటే మనుషులేమో ధుమ్ము ధూళీ, కాలుష్యం, చెత్తా చెదారం మధ్య రోగిష్టిలా బ్రతుకుతున్నారు. ఈ పరిసరాలను పరిశుభ్రంగా వుంచుకోక చెత్తాచెదారాలతో నింపుకుంటూ తద్వారా వచ్చే జబ్బులతో డాక్టర్ల జేబులు నింపు తున్నాం. కార్పొరేషన్‌ సిబ్బంది వచ్చి చెత్త ఎత్తడం... మున్సిపాల్టీవాళ్ళు వచ్చి మురికి కాలువల్లో సిల్డు తీయడం, శానిటేషన్‌ సూపర్‌వైజర్లు వచ్చి దోమల నిర్మూలనకు ఫాగింగ్‌ చేయించడం... పబ్లిక్‌హెల్త్‌ సిబ్బంది వచ్చి మంచినీటి పైప్‌లైన్లలో డ్రైనేజీ నీళ్ళు కలవకుండా చేయడం వంటి పనులు జరగడం లేదు... ఇక జరగవు కూడా! జనాన్ని జబ్బులకు దూరంగావుంచే పనుల్లో కాదు... తమకు డబ్బు లొచ్చే పనులపైనే పాలకులు శ్రద్ధ చూపుతున్నారు. కాబట్టి జనం ఎవరో వస్తారని, ఏదో చేస్తారని ఎదురుచూడకుండా, తమకు రోగాలు రాకుండా చేసుకోవడానికి స్వీయ పరిశుభ్రత చర్యలు చేపట్టడం ఉత్తమం.

Page 1 of 22

newsbottomad

ఎక్కువగా చదివిన వార్తలు

  • ఆత్మకూరులో... సమన్వయం సాధ్యమేనా?
    2019 ఎన్నికల్లో ఆత్మకూరు నియో జకవర్గం నుండి తెలుగుదేశం పార్టీ అభ్యర్థిగా ఆనం రామనారాయణరెడ్డి వుంటాడు. నూటికి 99శాతం ఇది పక్కా. ఆ ఒక్క శాతం ఇంకేవైనా అనుకోని పరి ణామాలు జరిగితే మార్పుండొచ్చు. ఆనంకు సీటు ఇవ్వడం కోసమే ఇక్కడ…
  • వీళ్ళు... సీతయ్యకు అన్నయ్యలు
    మోచేతి నీళ్ళు తాగే ఆఫీసర్లు ఉన్నంతవరకే ప్రజాప్రతినిధులు ఏ ఆటయినా ఆడగలరు. అధికారి అడ్డం తిరిగాడంటే ప్రజా ప్రతినిధి కాదు కదా ముఖ్యమంత్రి కూడా ఏమీ చేయలేడు. అది ఏ పార్టీ అయినా... ఏ ప్రభుత్వమైనా! అధికారులు కరెక్ట్‌గా వుంటే ప్రజాప్రతినిధులు…
  • మేకపాటిని తప్పిస్తేనే మేలు?
    నెల్లూరు లోక్‌సభ అభ్యర్థిగా మేకపాటి రాజ మోహన్‌రెడ్డి మూడుసార్లు వరుసగా విజయం సాధించి హ్యాట్రిక్‌ కొట్టాడు. నెల్లూరుజిల్లా రాజకీయ చరిత్రలో ఆయన పేరిట ఇదో రికార్డు. 2009లో జరిగిన నియోజకవర్గాల పునర్విభజన వల్ల ఎస్సీ రిజర్వుడ్‌లో ఉన్నటువంటి నెల్లూరు లోక్‌సభ జనరల్‌లోకి…
  • ఈ మలుపులు... ప్రమాదాలకు పిలుపులు
    కోవూరు నుండి విజయవాడ దాకా జాతీయ రహదారిని ఆరులైన్లుగా మార్చారు. ప్రతి క్రాసింగ్‌ వద్ద అండర్‌పాస్‌ ఏర్పాటు చేసారు. చిన్న పల్లెటూరుకు కూడా ఇవి ఏర్పడడంతో హైవేను దాటి పోవడం అన్న ప్రశ్నేలేదు. కాబట్టి ప్రమాదాలను చాలావరకు తగ్గించవచ్చు. దరిద్రం ఏంటంటే…
  • పేద గుండెల ధ్వని... 'జై ఆంధ్రా' ఉద్యమ సేనాని... మెట్టలో పుట్టిన మేటి నేత మాదాల జానకిరామ్‌
    ఉదయగిరి అంటే గుర్తొచ్చేది అలనాడు శ్రీకృష్ణ దేవరాయలు అయితే.. ఆధునిక రాజకీయ కాలంలో గుర్తొచ్చేది స్వర్గీయ బెజవాడ గోపాలరెడ్డి, ప్రస్తుత ఉపరాష్ట్రపతి యం.వెంకయ్యనాయుడులు. వారి రాజ కీయ ప్రస్తానం మొదలైంది ఇక్కడే! అలాగే వారితో పాటు గుర్తొచ్చే నాయకుడు మాజీ మంత్రి…

Newsletter