Sub Editor, Internet Edition , Lawyer Telugu Weekly

pratapకావలి నియోజకవర్గంలోని పలు ప్రాంతాల ప్రజలు మంచినీటి కొరతతో తీవ్ర ఇబ్బందులు పడుతున్నారని, అధికారులు వెంటనే ఈ ప్రాంతాలను సందర్శించి ప్రజలకు నీరందించి ఆదుకోవాలని కావలి ఎమ్మెల్యే రామిరెడ్డి ప్రతాప్‌ కుమార్‌రెడ్డి కోరారు. ఈనెల 16న ఆయన కావలి పెద్ద చెరువును పరిశీలించారు. ఆ చెరువులో వున్న కొద్దిపాటి నీరు ప్రజల త్రాగునీటికి సరిపోవని, వెంటనే సోమశిల జలాలను చెరువుకు అందజేయాలని ఆయన అధికారులను కోరారు. పశువులకు కూడా తాగేందుకు సరిగా నీరందడం లేదని, వెంటనే సోమశిల జలాలు పంపిణీ చేసి ఆదుకోవాలని అన్నారు. ఈ కార్యక్రమంలో ఎమ్మెల్యేతో పాటు పాల్గొన్న ఇనమడుగు శివరామిరెడ్డి మాట్లాడుతూ, కావలి ప్రాంతం పట్ల అధికారులు వివక్ష చూపుతున్నారని, కోవూరుకు రెండో పంటకు నీరిచ్చి కావలి నియోజకవర్గానికి తాగునీటికి కూడా నీరు వదలకపోవడం దారుణమన్నారు. అనంతరం ఎమ్మెల్యే చెరువుకట్ట సంగం వద్ద నివాసం వుంటున్న కుటుంబాలను సందర్శించి వారి సమస్యలను అడిగి తెలుసుకున్నారు. ఎమ్మెల్యే వెంట మునిసిపల్‌ ఫ్లోర్‌లీడర్‌ కనుమర్లపూడి వెంకటనారాయణ, సాయి, కేతిరెడ్డి జగదీశ్వరరెడ్డి, పి.కామరాజు, గంధం ప్రసన్నాంజనేయులు, కౌన్సిలర్లు, తదితరులు పాల్గొన్నారు.

rasi 21

1Ariesమేషం

ఉద్యోగ నిర్వహణలో జాగ్రత్త వహించండి. యజ మానులకు వర్కర్లతో ఇబ్బందులుంటాయి. షేర్లు, పెట్టు బడులు నిరుత్సాహం కలిగిస్తాయి. ఆరోగ్య విషయంలో శ్రద్ధ పెట్టండి. ప్రభుత్వ అనుమతులలో ఆలస్యం, ఆర్ధి కావకాశాలు తగ్గిపోవడం ఉంటుంది. విద్యాప్రగతి బాగుంటుంది. వస్తువులు డబ్బు జాగ్రత్తగా పెట్టుకొనండి. ఆదాయం కంటే ఖర్చులు అధికంగా ఉంటాయి.

 

2Taurusవృషభం

శుభవార్తలు వింటారు. దైవకార్యాలలో పాల్గొంటారు. ప్రభుత్వ కార్యాలయంలో పనులు ఆలస్యం కాగలవు. విద్యా ప్రగతి బాగుంటుంది. గృహ వస్తు వాహన రిపేర్ల ఖర్చులు, ప్రయాణ ఖర్చులు బాగుంటాయి. ఆరోగ్య విషయంలో శ్రద్ధ వహించండి. విద్యాప్రగతి బాగుం టుంది. చేసే పనికి కృషికి తగ్గట్లుగా ఆర్ధిక స్థితి ఉం డదు. ఖర్చులు బాగా పెరిగిపోతాయి.

 

3Geminiమిధునం

కోర్టు వ్యవహారాలలో అనుకూలత, రావలసిన బాకీలు కొంతవరకు లభించడం జరుగుతుంది. వస్తు వాహన గృహ రిపేర్ల ఖర్చులుంటాయి. ఉద్యోగులకు అధికారు లతో సత్సంబంధాలుంటాయి. విద్యాప్రగతి ఉంటుంది. వ్యవహారాలలో నిర్ణయాలను, ఆర్ధిక వ్యవహారాలను సమర్ధవంతంగా జరుపుతారు. మాట, ప్రవర్తనలో తొందరపాటు లేకుండా చూచుకొనండి.

 

4Cancerకర్కాటకం

దైవ కార్యాలలో పాల్గొనడం, ప్రముఖులు పరిచయా లుంటాయి. షేర్లు పెట్టుబడుల మీద లాభాలుంటాయి. ఉద్యోగులకు అధికారుల వల్ల సహచరుల వల్ల సమస్య లుంటాయి. వృత్తి వ్యాపారాలలో రాబడి కొద్దిగా పెరుగు తుంది. ఉపాధి పథకాలలో నిలద్రొక్కుకుంటారు. కళా క్రీడా శాస్త్ర వైద్య రంగాల వారికి పరిస్థితులు ప్రోత్సా హకరంగా ఉంటాయి.

 

5Leoసింహం

ఉద్యోగులకు ప్రయోజనం కలిగే పనులు జరగడం, అధికార వర్గ అనుకూలత ఉంటుంది. ఆస్థి వ్యవహా రాలు, కోర్టు వ్యవహారాలు పరిష్కారానికి రాగలవు. శుభకార్య ప్రయత్నాలు, అనుకున్న పనులు సక్రమంగా జరుగుతాయి. కొత్త వస్తువులు సమకూరుతాయి. కుటుంబంలో చిన్నచిన్న విషయాల వల్ల అభిప్రాయ బేధాలుంటాయి కాబట్టి సర్దుకొనిపోవాలి.

 

6Virgoకన్య

దైవ సేవా కార్యక్రమాలలో పాల్గొంటారు. రావలసిన బాకీలు లభించడం, స్థిరాస్తుల లావాదేవీలు జరుగగలవు. హామీలు ఇవ్వడం, రిస్క్‌ తీసుకొనడం చేయవద్దు. ఉద్యోగార్ధులకు అవకాశాలు లభించగలవు. ఆర్ధికంగా బాగుంటుంది. వృత్తి వ్యాపారాలలో అభివృద్ధి ఉంటుంది. కాని మనస్సుకు కొరతగా అనిపిస్తుంది. కొత్త పెట్టుబడు లకు భాగస్వామ్య పెట్టుబడులకు అవకాశాలుంటాయి.

 

7Libraతుల

కొత్త పథకాలు, ప్రణాళికలు అమలు చేస్తారు. ఆకర్షణలకు వత్తిడులకు లొంగవద్దు. దూర ప్రయాణా లుంటాయి. దైవ సేవా కార్యక్రమాలలో పాల్గొనడం, పెట్టు బడులపై లాభాలుంటాయి. గృహ వస్తు వాహన రిపే ర్లుంటాయి. బంధువుల నుండి శుభవార్త వింటారు. ఆరోగ్యం కాపాడుకొనండి. ఆర్ధికముగా పెరుగుదల చేసే పనులన్నీ కలసివస్తాయి.

 

8Scorpioవృశ్చికం

బంధుముఖ్యులతో మాటపట్టింపు విరోధాలుంటాయి. జీవిత సహచరులకు ఆరోగ్య లోపం ఉండవచ్చు. ఉద్యోగులకు పనిభారం పెరుగుతుంది. అధికారుల వల్ల ఇబ్బందులు కలుగవచ్చును. గృహ వస్తు వాహన రిపే ర్లుండవచ్చును. శ్రమతో అనుకున్న పనులు జరుపుకొం టారు. ఆరోగ్యం బాగుంటుంది. కొన్ని ముఖ్యమైన ఆర్ధిక నిర్ణయాలలో పొరపాట్లు రాకుండా జాగ్రత్తపడండి.

 

9Sagittariusధనుస్సు

ఉద్యోగులకు పని బాధ్యతలపై శ్రద్ధ ఉండడం, రావ లసిన బాకీలు కొంత చేతికందటం, స్థిరాస్తుల క్రయ విక్రయాలు జరుగుట, దూర ప్రయాణాలు తప్పనిసరిగా ఉంటాయి. శుభకార్యాలు నిర్ణయం కావచ్చును. కొత్త కాంట్రాక్టులు అగ్రిమెంట్లు, లీజులకు అవకాశాలు రాగలవు. కుటుంబ సమస్యలను రాజీమార్గంలో సర్దు బాటు చేసికొనగలరు.

 

10Capricornమకరం

కళాక్రీడా మార్కెటింగ్‌ రంగాల వారికి ప్రోత్సాహకర పరిస్థితులుంటాయి. గృహోపకరణాలు విలువైన వస్తువులు చేకూరుతాయి. దైవకార్యాలలో పాల్గొనడం, సహాయ పడడం జరుగుతుంది. దూర ప్రయాణాలుంటాయి. శుభవార్తలు వింటారు. ఉద్యోగార్ధులకు ప్రయత్నాలు ఫలించవచ్చును. వృత్తి వ్యాపారాలు ప్రోత్సాహకరంగా సాగుతాయి. భూలావాదేవీలు వాయిదా వేయండి.

 

11Aquariusకుంభం

పెట్టుబడులకు అవకాశాలు, షేర్ల మీద లాభాలుం టాయి. కొత్త వారితో పరిచయాలుంటాయి. ఆరోగ్యం బాగుంటుంది. స్థిరాస్తుల క్రయవిక్రయాలు జరుగుతాయి. ప్రభుత్వ అనుమతులు లభించగలవు. ఉద్యోగ బాధ్యతలు పెరిగి విశ్రాంతి తగ్గుతుంది. ఉద్యోగార్ధులకు ఇంటర్వ్యూ అవకాశాలు లభిస్తాయి. విద్యా ప్రగతి బాగుంటుంది. కుటుంబంలో స్వల్పంగా అపార్ధాలుండి సర్దుకుంటాయి.

 

12Piscesమీనం

పనులు చేపట్టినవి నిదానంగా జరుగుతాయి. ప్రభుత్వ అనుమతులలో జాప్యం జరుగుతుంది. కుటుంబ సౌఖ్యం బాగుంటుంది. శుభవార్తలు వింటారు. బంధు ముఖ్యు లను ఆత్మీయులను కలుసుకొంటారు. నిరుద్యోగులకు అవకాశాలు, ఉద్యోగులకు బాధ్యతల భారం పెరుగు తుంది. వృత్తి వ్యాపారాలు సామాన్యంగా సాగిపోతాయి. కోర్టు వ్యవహారాలు వాయిదా పడగలవు.

galpikaహైటెక్‌రత్న, నవ్యాంధ్ర సీఎం చంద్రబాబునాయుడు ఆరోజు అంబేద్కర్‌ జయంతి కార్యక్రమంలో పాల్గొని హైదరాబాద్‌లోని తన కష్టార్జితంతో కట్టించుకున్న తన పేదింటికి చేరుకున్నాడు. ఆరోజు ఎక్కడెక్కడ ఏమేమి కార్యక్రమాలు జరిగాయో చూద్దామని టీవీ ఆన్‌ చేసి తనకిష్టమైన ఏబిసిడి ఛానెల్‌ పెట్టుకున్నాడు. తన తనయుడు నారా లోకేష్‌ అంబేద్కర్‌ జయంతి కార్యక్రమంలో పాల్గొన్న వార్త రాసాగింది. అంబేద్కర్‌ విగ్రహానికి దండేసి దండం పెట్టుకున్న అనంతరం లోకేష్‌ ఆవేశంగా ప్రసంగించడం మొదలుపెట్టాడు. ఆ సభలో ఆయన మాట్లాడుతూ అంబేద్కర్‌ 126వ వర్ధంతి సందర్భంగా అందరికీ శుభాకాంక్షలని చెప్పాడు. ఆ మాట వినడంతోనే చంద్రబాబు తల పట్టుకున్నాడు. వీణ్ణి కాదు అనుకోవాల్సింది, వీడికి చదువు చెప్పినోడిని అనుకోవాలి, జయంతికి, వర్ధంతికి తేడా తెలియకుండా చదువుచెప్పారు. మంత్రి అయ్యాకన్నా మారుతాడనుకుంటే క్యారెక్ట్‌రలో ఏ మాత్రం తేడా లేదనుకుని 'ఆత్మసాక్షి' ఛానెల్‌ మార్చాడు. అంబటి రాంబాబు ప్రెస్‌మీట్‌ పెట్టి... అబ్బకు ఆంగ్లం సరిగా రాదు, కొడుక్కి ఆంధ్రం సరిగా రాదు... జయంతులకు, వర్ధంతులకు కూడా తేడా తెలియని వాళ్ళు ఆంధ్రప్రదేశ్‌ను అమెరికాలాగా చేస్తామని, అమరావతిని ఐటి రాజధానిగా చేస్తామని చెబుతుంటారు. దీనిని మనం నమ్మాలి. ఎవరన్నా వర్ధంతికి శుభాకాంక్షలు చెబుతారండి... అది ఒక్క లోకేష్‌బాబుకే చెల్లింది అని విమర్శిస్తున్నాడు. అది చూసాక చంద్రబాబుకు ఇంకా చిర్రెత్తుకొచ్చింది. లోకేష్‌ ఎప్పుడన్నా ఒకసారి నోరు విప్పితేనే ఇలా గబ్బు అవుతుంది. కేటీఆర్‌లాగా రోజూ మైకు పట్టుకుంటే ఇంకెంత కంపవుతుందోనని మదనపడుతూ బెడ్‌రూంలోకి వెళ్లి తలక్రింద దిండు పెట్టుకుని... దేవా, ఈ ప్రతిపక్షాలకు మంచిబుద్ధిని ప్రసాదించు, నేను చేసే ప్రతి మంచి పనికీ పెడార్ధాలు తీస్తున్నారు. వారి మనసులు మార్చు, నా ప్రయత్నాలను అర్ధం చేసుకునే మనసును వారికివ్వు అని ప్రార్థిస్తూ నిద్రలోకి జారుకున్నాడు.

¬¬¬¬¬

ఢిల్లీలోని ప్రధానమంత్రి కార్యాలయం. ప్రధాని నరేంద్రమోడీతో పాటు కేంద్రమంత్రులు రాజ్‌నాథ్‌సింగ్‌, వెంకయ్యనాయుడు, సుష్మాస్వరాజ్‌, అనంతరాము, అరుణ్‌జైట్లీలు సమావేశమై వున్నారు. ఈ ఏడాది బెస్ట్‌ డెమోక్రసీ సీఎం అవార్డును ఎవరికిద్దామంటారని మోడీ అడిగాడు. అరుణ్‌జైట్లీ వుండి శివరాజ్‌సింగ్‌ చౌహాన్‌ పేరును, సుష్మాస్వరాజ్‌ దేవేంద్ర ఫడ్నవీస్‌ పేరును, రాజ్‌నాథ్‌సింగ్‌ రమణ్‌సింగ్‌ పేరును ప్రతిపాదించారు. అప్పుడు వెంకయ్యనాయుడు ఆవేశంగా... దేశంలో ప్రజాస్వామ్య బలోపేతానికి వారు ఏం చేసారని ఈ అవార్డులివ్వాలి. ఈ అవార్డ్‌కు బెస్ట్‌ లీడర్‌ చంద్రబాబు నాయుడు. ఆయన సీఎం అయ్యాక ఈ మూడేళ్లలో ఆంధ్రప్రదేశ్‌లో ప్రజాస్వామ్యం ఎంతో బలపడింది. ప్రజాస్వామ్యాన్ని పరి రక్షించ డానికి ఆయన ఎన్నో కొత్త దారులు కనిపెట్టారు. ఆయనెప్పుడూ తన స్వార్ధం చూసుకోలేదు. తన పార్టీ వాళ్లకే పదవులు ఇవ్వా లనుకోలేదు. అందరినీ సమంగా చూసాడు. అన్ని పార్టీల వారినీ గౌరవించాడు. అంతెందుకు ప్రజాస్వామ్యంలో అత్యంత విలువైనది ఓటు... ఆ ఓటుకు అత్యధిక రేటు వచ్చేలా చేసిన ఘనత కూడా ఆయనదే! కాబట్టి ఈ అవార్డుకు అన్ని విధాలా ఆయనే అర్హుడని వెంకయ్య చెప్పడంతో మిగతావాళ్లు కూడా ఆయన వాదనతో ఏకీభవించారు. చంద్రబాబును 'ఉత్తమ ప్రజాస్వామ్య రక్షక్‌' అవార్డుకు ఎంపిక చేశారు.

¬¬¬¬¬

ఢిల్లీలోని అశోక హాల్‌... ప్రధాని మోడీతో పాటు కేంద్ర మంత్రులు, వివిధ రాజకీయ పార్టీల నేతలందరూ హాజరయ్యారు. వెంకయ్యనాయుడు అధ్యక్షోపన్యాసం చేస్తూ.... ప్రజాస్వామ్య విలువలను కాపాడడంలో తమవంతు కృషి చేసిన నాయకులను గుర్తించి ప్రతి సంవత్సరం ఒక్కో నాయకుడికి 'ఉత్తమ ప్రజాస్వామ్య పరిరక్షక్‌' అవార్డులివ్వాలని కేంద్రమంత్రివర్గం నిర్ణయించింది. ఆంధ్రప్రదేశ్‌లో కొత్త ప్రజాస్వామ్య విధానాలను ఆవిష్కరించి, ఓట్లతోనే కాదు నోట్లతోనూ జయాపజయాలను నిర్ణయించవచ్చని చాటిచెప్పిన చంద్రబాబును ఈ ఏటి 'ఉత్తమ ప్రజాస్వామ్య పరిరక్షక్‌' అవార్డును అందుకోవాల్సిందిగా కోరాడు. అప్పుడు సభ మధ్యలో నుండి... 'ఆపండి..' అనే కేక వినిపించింది. అందరూ అటువైపు చూసారు. తమిళనాడు సీఎం పళనిస్వామి లేచి నిలబడివున్నాడు. ఆయన ఆవేశంగా... కేంద్ర ప్రభుత్వం ఎన్ని ఇబ్బందులు పెట్టినా నూటపాతికమంది ఎమ్మెల్యేలను ఫామ్‌హౌస్‌లో పెట్టుకుని కాపాడి ప్రజాస్వామ్య పద్ధతిలో ముఖ్యమంత్రి నయ్యాను, ఆ అవార్డు నాకే రావాలన్నాడు. అప్పుడే సభ మధ్యలో నుండి... నీకు అంత సీన్‌ లేదు అనే మాట వినిపించింది. అందరూ ఆ వైపు చూసారు. వైకాపా నేత జగన్‌ లేచి వున్నాడు. ఆయన పళనిస్వామి వైపు ఆవేశంగా చూస్తూ... నీకు అంత సీన్‌ లేదు. నూటపాతికమంది ఎమ్మెల్యేలను పెట్టుకుని కూడా సీఎం కావడానికి నవ్వు నానా తంటాలు పడ్డావు. అదే మా చంద్రబాబు 1995లో వైశ్రాయ్‌ హోటల్‌లో 20మంది ఎమ్మెల్యేలను పెట్టుకుని డ్రామా ఆడించి సీఎం అయ్యాడు. నువ్వు గొప్పా, మా చంద్రబాబు గొప్పా అని ప్రశ్నించాడు. దానికి సమాధానం చెప్పలేక పళనిస్వామి తల వంచాడు. తర్వాత జగనే వుండి... మాది పాండవులు, కౌరవుల బంధం. ఏపిలో మేం మేం కొట్టుకుంటే శత్రువులం... అదే పరాయి రాష్ట్రం వాళ్ళు మాపైకి వస్తే అందరమూ మిత్రులమే... మా స్టేట్‌ సీఎంకు ఈ అవార్డు వస్తుందంటే, మాకొచ్చినట్లే కదా... అని చెప్పి కూర్చున్నాడు. జగన్‌ ఉన్నట్లుండి తనపై చూపించిన అభిమానాన్ని చంద్రబాబు తట్టుకోలేకపోయాడు. ఇంతకాలం ఇలాంటి డైమండ్‌నా నేను తిట్టింది, నా వాళ్ల చేత తిట్టించింది అని పశ్చాత్తాపడుతూ ఏడవ సాగాడు. బాబు ఏడుస్తున్నాడు గాని గొంతులో నుండి సౌండ్‌ రాలేదు. సౌండ్‌ రాకపోయేసరికి నాకేదో అయ్యిందనే ఆందోళనతో చంద్రబాబు పెద్దగా అరిచాడు. ఈసారి సౌండ్‌ బయటకొచ్చింది. కాకపోతే ఆ సౌండ్‌కు పక్కనే నిద్రిస్తున్న భువనేశ్వరీదేవి బెదిరిపోయి లేచింది. వెంటనే చంద్రబాబు ముఖం మీద నీళ్ళు చల్లింది. చంద్రబాబు అప్పుడు తెప్పరిల్లుకున్నాడు. అప్పటిదాకా తనకొచ్చింది కల అని తెలుసుకున్నాడు. ఇక బుద్ధుంటే రాత్రి పడుకునేముందు 'ఆత్మసాక్షి' ఛానెల్‌ వార్తలను చూడకూడదు, లోకేష్‌ స్పీచ్‌లను వినకూడదు అని నిర్ణయించుకుని మళ్ళీ ముసుగుతన్నాడు.

Page 1 of 817

newsbottomad

ఎక్కువగా చదివిన వార్తలు

  • నెల్లూరు కార్పొరేషన్‌కు... కాగ్‌ అక్షింతలు
    నెల్లూరు కార్పొరేషన్‌ ఎంత దరిద్రంగా ఉందన్నది ఇంతవరకు నెల్లూరీయులకు మాత్రమే తెలిసిన రహస్యమనుకున్నాం. కాని దీని ఘనత ఢిల్లీ దాకా పాకిందన్న విషయం మొన్ననే బయటపడింది. ఆధునిక కాలానికనుగుణంగా మారడంలో నెల్లూరు కార్పొరేషన్‌ వెనుకబడిందంటూ 'కాగ్‌' అక్షింతలు వేసింది. సాంకేతిక పరిజ్ఞానాన్ని…
  • షిరిడి సాయిబాబా, యోగాంజనేయస్వామి బ్రహ్మోత్సవాలు
    నెల్లూరుజిల్లా ఇందుకూరుపేట మండలం కొత్తూరు గ్రామంలోని శ్రీ షిరిడి సాయిబాబా, శ్రీ యోగాంజనేయస్వామి వార్ల బ్రహ్మోత్సవాలు ఈ నెల 18 నుండి 22వ తేదీ వరకు వైభవంగా నిర్వహిస్తున్నట్లు ధర్మకర్తలు కలికి శ్రీలత, కలికి కోదండరామిరెడ్డి తెలిపారు. 19వ తేదీ బుధవారం …
  • భానుడు... భగభగ
    సూర్యుడు ఉగ్రరూపం దాలుస్తు న్నాడు. ఏప్రిల్‌ నెలాఖరుకే సినిమా చూపిస్తున్నాడు. ఇప్పటికే ఎండలు 43డిగ్రీలను తాకాయి. ఇంకా వడ గాల్పులు మొదలుకాలేదు. మే నెల రాలేదు. రోళ్లు పగిలే రోహిణికార్తె ముం దుంది. ఇప్పుడే ఎండలు ఈ రేంజ్‌లో వున్నాయంటే, ఇంక…
  • కావలి ప్రజల దాహార్తి తీర్చండి
    కావలి నియోజకవర్గంలోని పలు ప్రాంతాల ప్రజలు మంచినీటి కొరతతో తీవ్ర ఇబ్బందులు పడుతున్నారని, అధికారులు వెంటనే ఈ ప్రాంతాలను సందర్శించి ప్రజలకు నీరందించి ఆదుకోవాలని కావలి ఎమ్మెల్యే రామిరెడ్డి ప్రతాప్‌ కుమార్‌రెడ్డి కోరారు. ఈనెల 16న ఆయన కావలి పెద్ద చెరువును…
  • రాటుదేలిన జగన్‌
    ఆవేశం కాదు ఆలోచనతో కూడిన ప్రసంగం... అర్ధం పర్ధం లేని మాటలతో కాదు అర్ధవంతమైన వివరాలతో విమర్శలు... ఏ అంశం చర్చకు వచ్చినా ప్రభుత్వాన్ని ఇరకాటంలో పెట్టడం... ఏ ప్రశ్న వేసినా ప్రభుత్వం నుండి సరైన సమాధానం రాలేకపోవడం... మొన్న ముగిసిన…

Newsletter