Sub Editor, Internet Edition , Lawyer Telugu Weekly

rasi 11

1Ariesమేషం

కుటుంబసౌఖ్యం, శుభవార్తలు వినడం జరుగు తుంది. బిడ్డల వల్ల అదనపు ఖర్చులుంటాయి. ఇతరు లకు సహాయపడతారు. విలువైన వస్తువులు సమకూర్చు కొనడం జరుగుతుంది. ఉద్యోగులకు పనిభారం పెరిగి, సమర్ధత బాగుంటుంది. పరిచయాలు పెరుగుతాయి. ముఖ్య నిర్ణయాలలో, ఆర్ధిక ఒప్పందాలలో తొందరపాటు పనికిరాదు. సోదరవర్గానికి అభివృద్ధి బాగుంటుంది.

 

2Taurusవృషభం

ప్రముఖులతో పరిచయాలు, సభలు సమావేశా లలో పాల్గొనడం జరుగుతుంది. ఋణ బాధలుంటే సర్దుబాటు కాగలవు. ఉద్యోగులకు గుర్తింపు గౌరవాలు బాగుంటాయి. శుభవార్తలు వింటారు. కోర్టు వ్యవహారా లందు అనుకూలత ఉంటుంది. ఆరోగ్యం ఫరవాలేదు. ఉద్యోగ ప్రయత్నాలలో అనుకూలత, పెట్టుబడులకు అవకాశాలుంటాయి.

 

3Geminiమిధునం

విలువైన వస్తువులు సమకూరుతాయి. కొన్ని ఇబ్బందులు నుండి బయటపడతారు. యజమానులకు వర్కర్లతో సమస్యలు రావచ్చును. అనుకున్న పనులు శ్రమ పెట్టి జరుగుతాయి. ఆరోగ్యం బాగుంటుంది. ఉద్యోగు లకు పరిస్థితి బాగుంటుంది. వ్యవహారాలలో ఇంటా బయట సామరస్యంగా వ్యవహరించండి. రావలసిన బాకీలు కొంత మేరకు అందుతాయి.

 

4Cancerకర్కాటకం

వృత్తి పరంగా ఆర్ధికాభివృద్ధి ఉంటుంది. లౌక్యంగా పనులు జరుపుకొనాలి. ఉద్యోగులకు పనిభారం పెరుగు తుంది. సన్నిహితుల వల్ల సమస్యలు కలుగవచ్చును. ఉద్యోగ ప్రయత్నాలలో అనుకూలత ఉంటుంది. స్థిరా స్తుల లావాదేవీలు వాయిదా వేసికొనండి. విద్యా ప్రగతి బాగుంటుంది. శుభకార్య ప్రయత్నాలు వేగవంతం కాగలవు. ప్రవర్తనను అదుపులో పెట్టుకొనండి.

 

5Leoసింహం

ప్రభుత్వపరంగా అనుమతులు, ఋణాలు ఆలస్యం కాగలవు. ఉద్యోగులు పబ్లిక్‌తోను అధికారులతోను జాగ్రత్తగా మెలగాలి. పనులందు టెన్షన్‌ ఎక్కువగా ఉంటుంది. కుటుంబ వ్యవహారాలలో వ్యతిరేకత కొద్దిగా చోటు చేసుకుంటుంది. అనుకోని ప్రయాణాలుంటాయి. ఆరోగ్య విషయంలో శ్రద్ధ అవసరం. స్థిరాస్తుల లావా దేవీలందు జాగ్రత్త అవసరం.

 

6Virgoకన్య

ఉద్యోగులకు అధికారుల సహకారం బాగుంటుంది. శుభకార్యాలలో పాల్గొంటారు. సోదర వర్గానికి మేలు ఒకటి జరుగుతుంది. ప్రభుత్వ అనుమతులు లభించ గలవు. ఆరోగ్యం బాగుంటుంది. విద్యాప్రగతి కలదు. ముఖ్యపత్రాలు, డబ్బు పోగొట్టుకొనకుండా జాగ్రత్త పడండి. చేపట్టిన పనులు సమర్ధవంతంగా నిర్వహిస్తారు. కోర్టు వ్యవహారాలు వాయిదా పడతాయి.

 

7Libraతుల

ఉద్యోగార్ధులకు అవకాశాలు, కోర్టు వ్యవహారాలు రాజీకి రావడం జరుగుతుంది. ఆర్ధిక లావాదేవీలందు జాగ్రత్త అవసరం. ఆరోగ్య విషయంలో జాగ్రత్తపడండి. కుటుంబసభ్యులకు స్వల్ప అనారోగ్య బాధలుండవచ్చును. ముఖ్యమైన వ్యవహారాలలో సొంత నిర్ణయాలు మేలు చేస్తాయి. వ్యాపారాభివృద్ధికి పథకాలు, ప్రణాళికలు ప్రారంభిస్తారు. శుభకార్యాలు నిర్ణయం కాగలవు.

 

8Scorpioవృశ్చికం

అధికారులకు స్థానమార్పులు, ఉద్యోగుల విధులలో ప్రభుత్వ ఒత్తిడి ఉంటుంది. శుభకార్యాలలో పాల్గొనడం, దూరప్రయాణాలుంటాయి. అనవసర వ్యవహారాలలో తల దూర్చవద్దు. ఉద్యోగ ప్రయత్నాలలో అనుకూలత ఉంటుంది. మొగమాటలకు పోకుండా అభిప్రాయాలను ఖచ్చితంగా తెలియజేయండి. విద్యాప్రగతి బాగుంటుంది. అనుకున్న పనులు నిదానంగా జరుగుతాయి.

 

9Sagittariusధనుస్సు

వృత్తి వ్యాపారాలు ఆశించిన రీతిలో సాగక రాబడి తగ్గుతుంది. పన్నులు, చెల్లింపుల వత్తిడి పెరుగుతుంది. బంధువర్గంతో మనస్పర్థలు కలుగవచ్చు. ఇబ్బందులు ఉండినా మనోధైర్యం బాగుంటుంది. ఉద్యోగులు విధి నిర్వహణలో అధికారులతోను, పబ్లిక్‌తోను జాగ్రత్తగా మెలగండి. కుటుంబ వ్యవహారాలలో భిన్నాభిప్రాయాలు ఇబ్బందులుంటాయి.

 

10Capricornమకరం

వృత్తి వ్యాపారాలలో అభివృద్ధి తగ్గి రాబడి తగ్గు తుంది. మంచి అవకాశాలు చేజారిపోవచ్చును. శుభ కార్యాల ఖర్చులు, దూరప్రయాణ ఖర్చులుంటాయి. ఉద్యోగ ప్రయత్నాలు ఫలించే అవకాశం ఉంది. ఉద్యో గులకు అధికారుల సహకారం బాగుంటుంది. తొందర పాటు మాటలు ప్రవర్తనను తగ్గించుకొనాలి. ముఖ్యమైన వ్యవహారాలు, ఆర్ధిక నిర్ణయాలలో జాగ్రత్త అవసరం.

 

11Aquariusకుంభం

కుటుంబ సభ్యులతో సామరస్యం ఉండదు. శుభ కార్యాలు నిర్ణయం కావచ్చును. స్వల్పంగా అనుకోని అదనపు ఖర్చులుంటాయి. విద్యార్థులు చదువుపై దృష్టి పెట్టడం అవసరం. ఇబ్బందికరమగు సమస్య ఒకటి పరిష్కారం కావచ్చు. వ్యాపారాభివృద్ధి పథకాలు అమలు చేస్తారు. వృత్తి వ్యాపారాలు సామాన్యంగా సాగుతాయి. అవసరాలకు ఋణాలు చేయవలసి వస్తుంది.

 

12Piscesమీనం

విద్యావృద్ధి ప్రయత్నాలలో అనుకూలత కలదు. సాహిత్య సాంస్కృతిక సేవా రంగాలకు సహాయ మందించ గలరు. విలువైన వస్తువులు కొనడం ఉంటుంది. గృహ నిర్మాణాలు, కాంట్రాక్టు పనులు సవ్యంగా జరుగుతాయి. ఆరోగ్యం బాగుంటుంది. బంధు విభేదాలు, బంధువుల నుండి విమర్శనలు స్వల్పంగా ఉంటాయి. ఆదాయం బాగుంటుంది. కుటుంబ సౌఖ్యం బాగుంటుంది.

galpikaఢిల్లీలోని ప్రధానమంత్రి కార్యాలయం. ప్రధాని నరేంద్ర మోడీతో బీజేపీ అధ్యక్షుడు అమిత్‌షా, కేంద్రమంత్రులు అరుణ్‌జైట్లీ, రాజ్‌నాథ్‌సింగ్‌, ఉమాభారతి, సుష్మాస్వరాజ్‌, స్మృతి ఇరానీలు సమావేశమైవున్నారు. మొదట మోడీ మాట్లాడుతూ... రాష్ట్రపతి, ఉపరాష్ట్రపతి ఎన్నికల్లో మన పార్టీ వాళ్లంతా బాగా పనిచేసారు. బాధ్యతలను సక్రమంగా నిర్వర్తించారు. మీ అందరికీ నా అభినందనలు అని చెప్పాడు. అమిత్‌షా అందుకుని... ముఖ్యంగా ఉపరాష్ట్రపతిగా వెంకయ్యనాయుడును ఎన్నుకోవడం మన పార్టీకి పెద్ద మైలేజీ కానుంది. రాజ్యసభలో ఇంత కాలం మనం డిఫెన్స్‌లో వుంటుండేవాళ్లం. ఇప్పుడు అది మారబో తోంది. రాజ్యసభలోనూ చక్రం తిప్పబోయేది మన వెంకయ్యే అని చెప్పాడు. వారు అలా పిచ్చాపాటి మాట్లాడుకుంటుండగా... మోడీ టీవీ ఆన్‌ చేసి 'రిపబ్లిక్‌' ఛానెల్‌ పెట్టాడు. అందరూ టీవీ వైపు చూసారు... స్క్రీన్‌పై వస్తున్న ఫ్లాష్‌ న్యూస్‌ చూసి అందరూ షాకయ్యారు. 'ఉపరాష్ట్రపతి పదవికి రాజీనామా చేయనున్న వెంకయ్యనాయుడు, మరికొద్ది సేపట్లో రాష్ట్రపతికి తన రాజీనామాను సమర్పించనున్న ఉషాపతి...' అని బ్రేకింగ్‌ న్యూస్‌ వస్తున్నాయి. మోడీతో పాటు అక్కడున్న వారందరికీ తల తరిగినంత పనయ్యింది. ముందుగా మోడీ తేరుకుని... ముందు అర్జంట్‌గా వెంకయ్యజీ వద్దకు వెళదాం పదండి అంటూ అందర్నీ తీసుకుని వెంకయ్యనాయుడు ఇంటి వద్దకు వెళ్లాడు. అక్కడ వెంకయ్యనాయుడు అచ్చతెలుగులో రాజీనామా లేఖను వ్రాస్తున్నాడు. అది చూసి మోడీ... ఏమైంది వెంకయ్యాజీ, ఎందుకు రాజీనామా చేయాలనుకుంటున్నారు అని ప్రశ్నించాడు. అందుకు వెంకయ్య... నాకు ఉపరాష్ట్రపతిగా కంటే ఉషాపతిగా ఉండడమే హాయిగా వుంది. నన్ను రాజీనామా చేయనివ్వండని కోరాడు. అమిత్‌షా అందుకుని... దీని వెనుక ఏదో బలమైన కారణమే వుంది. ఎందుకు రాజీనామా చేయాలనుకుంటున్నారో కారణం చెప్పండని బ్రతిమ లాడాడు. అప్పుడు వెంకయ్య... మొన్న నెల్లూరెళ్లాను కదా... అప్పటినుండే రాజీనామా చేయాలని డిసైడ్‌ అయ్యానన్నాడు. నెల్లూరులో ఏం జరిగిందని అమిత్‌షా అడిగాడు. అందుకు వెంకయ్య... ఇది నోటితో చెబితే అర్ధమయ్యేది కాదు... అంటూ వేలితో గాల్లో స్క్రీన్‌ గీసి ఫ్లాష్‌బ్యాక్‌ ప్లే చేసాడు.

------

అది ఐఆర్‌ 20-420 మున్సిపల్‌ కార్పొరేషన్‌ ముదురుదోమలకు ప్రసిద్ధిగాంచిన నెల్లూరు నగరంలోని పోలీస్‌ పరేడ్‌ మైదానం. విఆర్‌సి గ్రౌండ్‌లో తన కోసం ఏర్పాటు చేసిన ఆత్మీయ అభినందన సభలో పాల్గొనేందుకు వెంకయ్యనాయుడు అప్పుడే హెలికాఫ్టర్‌లో దిగాడు. వెంకయ్య దిగగానే అక్కడున్న అభిమానులు, బీజేపీ కార్యకర్తలు... ''వెంకయ్యనాయుడు జిందాబాద్‌'' అంటూ నినాదాలు చేయసాగారు. ఉపరాష్ట్రపతి ప్రోటోకాల్‌ అధికారులు నినాదాలు చేస్తున్న కార్యకర్తలతో... సార్‌ ఇప్పుడు ఉపరాష్ట్రపతి... మీరిలా జిందాబాద్‌లు కొట్టకూడదని వారించారు. వెంకయ్యకు అది కొంచెం ఇబ్బందనిపించింది. ఈ కార్యకర్తలు అభిమానంతో కొట్టే జేజేలకు ఇక నేను దూరంగా ఉండాల్సిందేనా? అని మనసులో బాధ ఏర్ప డింది. అయినా తమాయించుకుని అక్కడ గుమికూడిన జనాన్ని...ఏం పుల్లయ్య బాగున్నావా... ఏం గురవారెడ్డి... పిల్లలు ఏం చేస్తున్నారు అంటూ పేరు పేరునా పలకరించసాగాడు. ప్రోటోకాల్‌ ఆఫీసర్‌ వచ్చి... సార్‌, మీరిప్పుడు ఉపరాష్ట్రపతి. జనంలోకి మరీ ఇంతగా దూసుకుపోకూడదని చెప్పాడు. వెంకయ్య చేసేదేమీ లేక కారు ఎక్కాడు. రోడ్డు పొడవునా విద్యార్థులు జాతీయ పతకాలతో స్వాగతం పలుకుతుండగా ఆయన పోలీస్‌ ఆఫీసు రోడ్డు మీదుగా పోసాగాడు. కరెక్ట్‌గా కస్తూర్భా కళాక్షేత్రం జంక్షన్‌ వద్దకు వెళ్లేసరికి ఆ సందులో నుండి బోండాలు కాలుస్తున్న వాసన వచ్చింది. వెంకయ్య జింకపిల్ల మాదిరిగా కారు నుండి దూకేసి బోండాలు కాలుస్తున్న టిఫిన్‌ కొట్టు వద్దకు వెళ్లాడు. అక్కడ వేడి వేడిగా కాల్చిన బోండాలను పెట్టుకుని తినబోతుండగా, ప్రోటోకాల్‌ ఆఫీసర్‌ వచ్చి సార్‌, ఇప్పుడు మీరు ఉపరాష్ట్రపతి... ఎక్కడపడితే అక్కడ ఏ చెత్తంటే ఆ చెత్త తినకూడదు అన్నాడు. ఇది చెత్తేంటి, నాకిష్టమైన ఆహారం... నేను చిన్నప్పటి నుండి పులిబొంగరాలు తినే పెరిగానని వెంకయ్య అన్నాడు. దానికతను... నిన్నటిదాకా మీరు ఏం తిని పెరిగారో మాకు అన వసరం, ఇకనుండి మేం సూచించిన ఆహారమే మీరు తీసుకోవాలి అని చెప్పారు. కెవిఆర్‌ పెట్రోల్‌ బంకు సెంటర్‌కు వెళ్లాక...

ఉదయగిరి నుండి వచ్చిన పాత స్నేహితులు కనిపించారు. దాంతో వెంకయ్య కారు దిగి, వారితో క్షేమ సమాచారాలు ముచ్చటించు కుంటూ నడవసాగాడు. వాళ్లతో కలిసి నడుస్తుంటే వెంకయ్యకు 1978-83 ప్రాంతంలో ఉదయగిరి పల్లెల్లో నడిచి ప్రచారం చేసిన సంఘటనలు గుర్తుకు రాసాగాయి. ఆయన మనసుకు అది ఎంతో హాయిగా వుంది. అప్పుడే ప్రోటోకాల్‌ అధికారి వచ్చి... సార్‌, మీరిప్పుడు ఉపరాష్ట్రపతి... రాజకీయ నాయకుడి మాదిరిగా రోడ్డుమీద నడవకూడదు, ముందు కారెక్కండి అని చెప్పాడు. వెంకయ్య అయిష్టంగా కారెక్కాడు. అలా కాన్వాయ్‌ సర్వోదయ కాలేజీ వద్దకు వచ్చింది. అక్కడ కాలేజీ గ్రౌండ్‌లో కొందరు పిల్లలు కబడ్డీ ఆడుతున్నారు. ఆ సీన్‌ చూడగానే వెంకయ్యకు చిన్ననాటి జ్ఞాపకాలు గుర్తుకు వచ్చాయి. వెంకయ్య కారు దిగి చెంగు చెంగున ఎగురుకుంటూ సర్వోదయ గ్రౌండ్‌ లోకి వెళ్లాడు. ఓ జట్టు వైపు చేరి అడ్డపంచె ఎగ్గట్టి ''కబడ్డీ... కబడ్డీ'' అంటూ కూతకు పోయాడు. మంచి హుషారు మీద అటు ఇటూ తిరుగుతూ కూతపెడుతున్నాడు. అంతలో ఓ ఆటగాడు వెంకయ్య కాలును పట్టుకోబోయాడు. అతన్ని తప్పించుకునే సమయంలో వెంకయ్యకు తన పంచె అడ్డమొచ్చి పడబోయాడు. దాంతో, వెంటనే అక్కడకు ప్రోటోకాల్‌ ఆఫీసర్‌ వచ్చి... సార్‌, మీరిప్పుడు ఉపరాష్ట్రపతి... ఇలా ఎక్కడపడితే అక్కడ గేమ్స్‌ ఆడకూడదు. ముఖ్యంగా మీరు ఈ పంచె తీసేసి సూటూ, కోటు వేసు కోవాలి. ఈ అడ్డపంచె వల్ల చాలా ఇబ్బంది ఉందన్నాడు. అప్పటికే లోలోపల రగిలిపోతున్న వెంకయ్యకు అతని మాటలతో నషాళానికంటింది. పదవినైనా వదులుకుంటాను గాని, నా ఆంధ్రా పంచెకట్టును వదులుకునే ప్రశ్నే లేదు. ఈ దేశంలో రాష్ట్రపతి, ఉపరాష్ట్రపతి, ప్రధాని వంటి పదవులు పుట్టక ముందే ఈ పంచెకట్టు పుట్టింది. నాకు పదవి కంటే పంచే ముఖ్యం... నా పంచెకట్టు అడ్డమనుకుంటే ఇప్పుడే ఉప రాష్ట్రపతి పదవికి రాజీనామా చేసేస్తాను అంటూ వెంకయ్య రుసరుసలా డుతూ కారెక్కాడు. వెంకయ్య నోటి నుండి రాజీనామా మాట రాగానే 'ఉపరాష్ట్రపతి పదవికి వెంకయ్య రాజీనామా' అంటూ మీడియా కోడై కూయసాగింది.

----

వెంకయ్య వేలితో గీసిన ఎయిర్‌స్క్రీన్‌పై సీన్‌లు ఇక్కడితో అయిపో యాయి. జరిగింది ఇది సార్‌, ఉపరాష్ట్రపతి పదవినైనా వదులుకోవడానికి నేను సిద్ధమేగాని, నా పంచెకట్టును నేను వదులుకోను అని వెంకయ్య చెప్పాడు. అందుకు మోడీ... ఈ దేశ ప్రజలు తొలిసారిగా తెలుగు పంచెకట్టును చూడబోతున్నారు. ఉపరాష్ట్రపతి పదవికి మీ పంచె అడ్డం కాదు... అందం అని చెప్పి శాంతింపజేశాడు.

ramaraoరాజకీయ ఒత్తిళ్లకు లొంగి అడ్డదారులు తొక్కితే, రాజకీయ నాయకుల మాటలు నమ్మి వారు చెప్పినట్లు నడుచుకుంటే పరిస్థి తులు ఎలా వుంటాయో ఇప్పుడు ఉదయగిరి నియోజకవర్గం లోని అధికారులకు తెలిసొచ్చింది. ఇటీవల పసుపు కొనుగోలు వ్యవహారం జిల్లాలో సంచలనం కావడం తెలిసిందే! ఈ కేసులో ప్రధాన సూత్రధారులు ఉదయగిరి ప్రాంతానికి చెందిన తెలుగు దేశం, వైకాపా, బీజేపీ నాయకులు. వీళ్ళే దళారుల అవతారమెత్తి బయట జిల్లాల నుండి పెద్దఎత్తున పసుపు కొనుగోలు చేసి

ఉదయగిరి కొనుగోలు కేరద్రంలో మద్దతు ధరకు అమ్ముకుని లక్షలాది రూపాయలు సంపాదించారు. అధికారులు, విఆర్‌ఓల మీద ఒత్తిళ్లు తెచ్చి ఉదయగిరి ప్రాంతంలోనే పసుపు సాగు చేసినట్లుగా సర్టిఫికేట్లు ఇప్పించుకున్నారు. అధికార పార్టీ నాయ కుల అండ వుంది కదా, ఏమొచ్చిన వాళ్ళు చూసుకుంటారనే ధైర్యంతో పసుపు సాగు చేయకున్నా చేసినట్లు సర్టిఫికేట్లు ఇచ్చారు. విఆర్‌ఓల సర్టిఫికేట్ల ఆధారంగా మార్క్‌ఫెడ్‌ వాళ్ళు పసుపు కొనుగోలు చేసారు. మీడియాలో దీని గురించి రాకుంటే సైలెంట్‌ గానే వుండేది. మీడియాలో వచ్చాక రచ్చరచ్చయ్యింది. ఎవరి పాటికి వాళ్ళు దీని నుండి బయటపడే ప్రయత్నం చేయసాగారు. రాజకీయ నేతల ఒత్తిళ్లకు లొంగి సర్టిఫికేట్లు ఇచ్చిన పాపానికి 19మంది విఆర్‌ఓలు సస్పెండయ్యారు. మరికొంతమంది అధికా రుల మీద చర్యలు తీసుకున్నారు. వైసిపి నాయకులతో పాటు ఈ పసుపు దందాలో ప్రధానపాత్ర పోషించిన ఉదయగిరి ప్రాంత తెలుగుదేశం నాయకుల మీద కూడా కేసులు నమోదయ్యాయి. వీళ్లంతా కూడా స్థానిక ఎమ్మెల్యే బొల్లినేని రామారావు మీద ఒత్తిడి తెచ్చారు. ఈ మాత్రం మమ్మల్ని కాపాడలేకపోతే మీ వెనుక మేం తిరగడం దండగ కదా అని బొల్లినేనిని ఎత్తిపొడవ సాగారు. దీంతో ఆయన ఆత్మరక్షణలో పడ్డాడు. ఈ కేసుల్లో

ఉన్నోళ్లంతా రేపు తనకు దూరమైతే పోలింగ్‌ బూత్‌ దగ్గర పని చేసే నాయకుడు వుండడని భావించి, వాళ్లను ఈ కేసు నుండి కాపాడుకునే ప్రయత్నాలు మొదలుపెట్టాడు.

ఈ క్రమంలోనే పసుపు దందాపై 8వ తేదీ తొలిసారిగా నోరు విప్పాడు. కలిగిరిలో విలేకరుల సమావేశం నిర్వహించి తప్పందా అధికారులదేనని చెప్పారు. పసుపు కొనుగోలు విచారణ పక్కదారి పట్టిందని, దీనిపై సక్రమంగా విచారణ జరిపి దోషు లను పట్టుకుని శిక్షించాలని ఆయన చెబుతున్నారు. మొత్తానికి ఆయన చివరికి తేల్చిందేందంటే రాజకీయ నాయకులు ఆడే గేమ్‌లో అధికారులు ఎప్పుడూ బకరాలేనని!

Page 1 of 881

newsbottomad

ఎక్కువగా చదివిన వార్తలు

  • వెనక్కి తగ్గేదే లేదు!
    పోలీస్‌స్టేషన్‌కు వెళితే ఎస్‌ఐ మా మాట వినడం లేదు... ఎస్‌ఐ చేత పని చేయించుకోలేకుంటే నా అనుచరుల ముందు నా పరువు పోతుంది.. ఎస్‌ఐ వద్దే పరపతిలేనోడివి... నువ్వేం నాయకుడివని అనుచరులు నన్ను వదిలిపోతున్నారు.... ఓ మండల స్థాయి నాయకుడు తన…
  • ఉంటారా? వెళ్ళిపోతారా?
    రాజకీయాలు చాలా విచిత్రంగా ఉంటాయి. ఎప్పుడు ఎవరు కింగ్‌లవుతారో, ఎవరు తెరమరుగవుతారో అంతే పట్టదు. రాజకీయాలలో ఎల్లకాలం వెలగడం అన్నది ఎవరికీ శాశ్వతం కాదని చాలామంది నాయకుల చరిత్రను పరిశీలిస్తే అర్ధమవుతుంది. నెల్లూరుజిల్లాలో సుధీర్ఘ రాజకీయ చరిత్ర ఉం డేది ఆనం…
  • వర్గాన్ని కాపాడుకోవడమా..? నియోజకవర్గాన్ని వదులుకోవడమా?
    జిల్లాలో పసుపు కొనుగోలు అక్రమాల సంగతేమోగాని దీనిమూలంగా ఉదయగిరి ఎమ్మెల్యే బొల్లినేని రామారావుకు పెద్ద చిక్కొచ్చిపడింది. పసుపు కొనుగోలు వ్యవహారాన్ని పెద్దకుంభకోణంగా చిత్రించిపెట్టారు. దీనిపై రాష్ట్ర ప్రభుత్వం సీరియస్‌ అయ్యింది. విచారణకు ఆదేశించి భారీ ఎత్తున ఉద్యోగులను సస్పెండ్‌ చేసింది. ఈ…
  • వారి ఆశలపై... నీళ్ళు చల్లారు!
    రాష్ట్రంలో అసెంబ్లీ నియోజకవర్గాలు 175 నుండి 225కు పెరుగు తాయనే ప్రచారం మొన్నటివరకు బలంగా వుండింది. ఈమధ్యనే కేంద్ర ప్రభుత్వం ఆ ప్రచారానికి తెరదించుతూ ఈ ఎన్నికలకే కాదు, ఆ తర్వాత ఎన్నికల నాటికి కూడా సీట్ల పెంపు ఉండదని కుండబద్ధలు…
  • నేరం మా వాళ్ళది కాదు
    రాజకీయ ఒత్తిళ్లకు లొంగి అడ్డదారులు తొక్కితే, రాజకీయ నాయకుల మాటలు నమ్మి వారు చెప్పినట్లు నడుచుకుంటే పరిస్థి తులు ఎలా వుంటాయో ఇప్పుడు ఉదయగిరి నియోజకవర్గం లోని అధికారులకు తెలిసొచ్చింది. ఇటీవల పసుపు కొనుగోలు వ్యవహారం జిల్లాలో సంచలనం కావడం తెలిసిందే!…

Newsletter