Sub Editor, Internet Edition , Lawyer Telugu Weekly

galpikaపట్టువదలని హైటెక్‌ విక్రమార్కుడు ఎర్లీమార్నింగ్‌ ఎయిట్‌ థర్టీకల్లా నిద్ర లేచాడు. బాత్‌రూంకు వెళ్ళి పొద్దున చేయాల్సిన పనులన్నీ ముగించుకుని మద్రాసుబస్టాండ్‌ వద్దనున్న మురళీకృష్ణ హోటల్‌లోకి వెళ్ళాడు. మూడు ఇడ్లీలలో మూడు బకెట్ల సాంబార్‌ లాగించి మళ్ళీ రోడ్డు మీదకొచ్చాడు. ఆయన రోడ్డు పక్కన నిలబడ్డాడోలేదో ఆయన ముందు పాతిక ఆటోలు ఆగాయి. విక్రమార్కుడు ఒక ఆటోలో ఎక్కబోయేలోపే ఇంకో ఆటో సర్రున దూసుకొచ్చింది. ఒక్క ఉదుటున విక్రమార్కుడిని ఆ ఆటోలోకి లాక్కుని ఆటోవాలా షార్‌ నుండి వదిలిన రాకెట్‌లా ముందుకు దూసుకుపోయాడు. చిత్తశుద్ధితో టైం టూ టైం విధులు నిర్వ హించే వైద్యులు పనిచేస్తున్న పెద్దాసుపత్రి ముందు ఆటో ఆగింది. విక్రమార్కుడు అక్కడ దిగి పెద్దాసుపత్రిలోకి వెళ్లాడు. ఆసుపత్రి ప్రాంగణంలో ఎటు చూసినా పెద్ద పెద్ద భవనాలు కనిపించసాగాయి. విక్రమార్కుడు మనసులో... ఇక్కడ మెడి కల్‌ కాలేజీ రాకముందే బాగుండింది, మార్చురీ ఎక్కడ వుందో ఈజీగా అర్ధ మయ్యేది, ఇన్ని బిల్డింగ్‌ల మధ్య మార్చురీ ఎక్కడ ఉందో అనుకుంటూ అక్కడే వున్న వార్డుబాయ్‌ని మార్చురీకి ఎటు వెళ్ళాలని అడిగాడు. అతను చెప్పిన రూటులో వెళ్ళి విక్రమార్కుడు మార్చురీకి చేరుకున్నాడు. అక్కడ కల్తీసారా తాగి చనిపోయిన ఓ వ్యక్తి బాడీని భుజనా వేసుకుని బోడిగాడి తోటలోని రోటరీ క్లబ్‌ శ్మశానవాటిక వైపు బయల్దేరాడు విక్రమార్కుడు. ఆయన అలా నడుచుకుంటూ యం.జి మాల్‌ వద్దకు వచ్చేసరికి ఎండ బాగా కాస్తుండడంతో నీరసం వచ్చేసింది. ఇంత దూరం నడి చినా శవంలోని భేతాళుడిలో ఉలుకు పలుకు లేదేంటబ్బా అనుకుంటూ విక్ర మార్కుడు... భేతాళ... భేతాళ అంటూ భుజం మీద వున్న డెడ్‌బాడీని గట్టిగా తట్టాడు. అప్పుడు బాడీలోని భేతాళుడు... నీరసంగా ఊ కొట్టాడు. విక్రమార్కుడు వుండి... రొటీన్‌గా నువ్వు చెప్పే సోది చెప్పి, అడిగే క్వశ్చన్‌ అడిగితే ఈరోజుకు నా బాధ్యత తీరి రూమ్‌కు పోయి రెండు బీర్లు కొట్టి పడుకుంటానన్నాడు. అప్పుడు భేతాళుడు... ఆ బీర్‌ ఏదో ఇప్పుడే కొడదాం పదా.. అలా బార్‌కెళ్లి కూర్చుని మాట్లాడుకుందాం అంటూ హోటల్‌ డి.ఆర్‌ ఉత్తమలోని బార్‌కి వెళ్లారు. నాలుగు బీర్లు ఆర్డర్‌ చేసుకున్నారు. విక్రమార్కుడి రిక్వెస్ట్‌తో భేతాళుడు లేటెస్ట్‌ పొలిటికల్‌ స్టోరీ ఒకటి చెప్పడం మొదలు పెట్టాడు.

రాజా, ఇటీవలే ఐదు రాష్ట్రాల అసెంబ్లీ ఎన్నికలు ముగిసాయి. అన్ని పార్టీలు కూడా ప్రతిష్టాత్మకంగా భావిం చిన ఉత్తరప్రదేశ్‌లో బీజేపీ గెలుపొందడం చూసే ఉంటావు. యూపీ ముఖ్యమంత్రి పదవి కోసం రాజ్‌నాథ్‌సింగ్‌, దినేశ్‌ శర్మ, కేశవ ప్రసాద్‌మౌర్య లాంటి వాళ్ళు పోటీ పడ్డారు. అందరూ కూడా వీరిలో ఒకరిని ముఖ్యమంత్రి పదవి వరిస్తుందని వూహిం చారు. అయితే ప్రధాని నరేంద్రమోడీ అనూహ్యంగా పెళ్ళి పెటాకులు లేని యోగి ఆదిత్యనాథ్‌ను సీఎంగా ఎంపిక చేశారు. ముఖ్యమంత్రి పదవికి సంసా రులు ఎంతో మంది లైన్‌లో వుండగా సన్యాసి అయిన యోగిఆదిత్యనాథ్‌ను సీఎంను చేయడంలో ప్రధాని నరేంద్ర మోడీ ఆంతర్యం ఏమిటి? ఈ ప్రశ్నకు సమాధానం తెలిసి కూడా చెప్పక పోయావో నేను పుట్టినప్పటి నుండి 'ఈ'టీవీలో వస్తున్న 'పెళ్లాం కొట్టిన మేకులు... మొగుడు పెట్టిన కేకలు' సీరియల్‌ను మొదటి ఎపిసోడ్‌ నుండి మొత్తం చూపిస్తానన్నాడు. ఆ మాటకు విక్రమార్కుడు భయపడి... భేతాళ అంత పనిచేయొద్దు, ఇది సింపుల్‌ క్వశ్చన్‌... ప్రధాని నరేంద్రమోడీ లక్ష్యం ప్రశాంత మైన భారతదేశాన్ని నిర్మించడం. ఈ లక్ష్యం నెరవేరాలంటే ప్రజల్లో కోరికలు, ఆశలు చచ్చిపోవాలి, ప్రజలకు సంపాదన మీద, వైవాహిక సుఖాల మీద విరక్తి పెరిగేలా చేయాలి. అందుకే నరేంద్రమోడీ మొదట పెద్దనోట్లను రద్దు చేశారు. ఈ నోట్ల రద్దు తర్వాత చాలామందికి డబ్బంటే విరక్తి లుగుతోంది. నాలుగు వేల రూపాయలు కావాలన్నా నాలుగు రోజులు ఏటిఎంల ముందు, బ్యాంకుల ముందు నిలబడే పరిస్థితి కల్పించాడు. పెద్దనోట్ల రద్దు తర్వాత తలెత్తిన పరిణా మాలతో ''డబ్బు ఒక మాయ... ఆస్తులు ఒక మిధ్య'' అనే భావాన్ని కల్పించారు. సంసార జీవితం లేని మోడీ ప్రధానిగా ఉంటే దేశంలో ప్రజలందరు కూడా సన్యాసులుగా మారే పరిస్థితి వచ్చింది. అట్లాగే ప్రతి రాష్ట్రానికీ ఒక పెళ్లి పెటా కులు లేని సన్యాసి ముఖ్యమంత్రిగా వుంటే అతను ఆ రాష్ట్ర ప్రజలను కూడా తన మార్గంలోకి తెచ్చుకోగలడు. ప్రజలకు వైవాహిక సుఖాల మీద విరక్తి కలిగేలా పరిపాలన చేయగలడు. సుఖసంసార బాంధవ్యాల నుండి విముక్తి పొందేలా బోధనలు చేయగలడు. భగవంతుడి ధ్యానంతో పొద్దుపుచ్చేలా ప్రజల మనసు లను మార్చగలడు. ప్రజలు ఆశలు, కోరికలను ఎప్పుడైతే వదులుతారో అప్పుడు ఆ సమాజంలో ఆస్తుల గొడవ లుండవు, పదవుల కోసం పగలుండవు, చంపుకోవడం, నరుక్కోవడం ఉండవు. ఒకరి పట్ల ఒకరు ప్రేమతో జీవిస్తారు. అప్పుడు ఆ రాష్ట్రం సుఖసంతోషాలతో వర్ధిల్లుతుంది. అలాగే మోడీ చేస్తున్న మరో కార్యక్రమం అందరిచేత 'యోగ' చేయిం చడం. దీనివల్ల కోపతాపాలు తగ్గి ప్రశాంతంగా వుంటారు. ఒక్క మాటలో చెప్పాలంటే ఋషులు, మునుల కాలంలో ప్రజలు ప్రశాంతంగా జీవించే వాళ్ళు. అలాంటి ప్రశాంత జీవనం కోసమే ఇప్పుడు నరేంద్రమోడీ సన్యాసులను, ఋషులను వెదికి వెదికి సీఎంలను చేస్తున్నారని చెప్పాడు విక్రమార్కుడు. ఆ వివరణకు సంతృప్తి చెందిన భేతాళుడు రెండు బీర్‌ సీసాలను ఖాళీ చేసి టక్కున మాయమయ్యాడు.

empty chairఎమ్మెల్సీ ఎన్నికల కోడ్‌ మూలంగా దాదాపు నెల నుండి జిల్లాలో ఎటువంటి అధికారిక నియామకాలు, బదిలీలు జరగ లేదు. 22వ తేదీతో ఎన్నికల కోడ్‌ ముగిసింది. ఇక అధికారుల బదిలీల ప్రక్రియ చేపట్టవచ్చు. ముందుగా భర్తీ చేయాల్సింది నెల్లూరు కార్పొరేషన్‌ కమిషనర్‌ పోస్ట్‌ను. కమిషనర్‌గా వున్న వెంకటేశ్వర్లును గతేడాది డిసెంబర్‌లో బదిలీ చేశారు. విజయవాడ సిసిఎల్‌ఏలో పనిచేస్తున్న హరీష్‌ను కొత్త కమిషనర్‌గా వేసినా ఆయన ఇక్కడకు రావడానికి భయపడ్డారు. బాధ్యతలు తీసుకోవ డానికి వెనుకాడాడు. దీంతో అతను ఇక్కడకు రాడని తేటతెల్ల మైంది. ఈలోపు ఎన్నికల కోడ్‌ రావడంతో దాదాపు మూడున్నర నెలల నుండి కమిషనర్‌ పోస్ట్‌లో ఇన్‌ఛార్జ్‌లు నడుస్తున్నారు. అలాగే జడ్పీ సిఇఓగా వున్న బి.రామిరెడ్డిపై ఏసిబి దాడి జరిగి ఆయన అరెస్ట్‌ కావడంతో ఆ పోస్ట్‌లో కూడా ఇన్‌ఛార్జే వున్నారు. అలాగే జిల్లా పంచాయితీ అధికారిగా కూడా ఇన్‌ఛార్జ్‌ వున్నారు. జిల్లా అటవీశాఖ అధికారిగా కూడా ఇన్‌ఛార్జ్‌ అధికారి చంద్రశేఖర్‌ కొనసాగుతున్నారు. జిల్లా పరిశ్రమల శాఖ జోనల్‌ మేనేజర్‌గాను, కో-ఆపరేటివ్‌ సెంట్రల్‌ బ్యాంకు సిఇఓగాను ఇన్‌ఛార్జ్‌లే ఉండడం విశేషం. సోమశిల ప్రాజెక్ట్‌ ఎస్‌.ఇగా 4నెలల నుండి ఇన్‌ఛార్జ్‌ వున్నారు. ఇక పిడబ్ల్యూడి ఎస్‌ఇగా వున్న కోటేశ్వరరావు ఈ నెలాఖరులో పదవీ విరమణ చేయనున్నారు. ఇరిగేషన్‌ ఇన్‌ఛార్జ్‌ ఎస్‌ఇగా కూడా ఆయనే పనిచేస్తున్నారు. ఆయన రిటైర్‌ అయితే ఈ రెండుశాఖలకు ఎస్‌ఇలను నియమించాల్సి వుంటుంది. పూర్తి స్థాయి అధికారులు లేక ఆయాశాఖల్లో పనితీరు గాడి తప్పుతోంది. అధికారులను నియమించడంపై ప్రభుత్వం దృష్టి పెట్టాల్సివుంది.

swyampaజ్యోతిశ్శాస్త్రము నందు లోకవ్యవహారము కొరకు మనదేశమున చంద్ర సూర్య బృహస్పతి మానములని మూడు ప్రధానముగా విభజించారు. తిరుమలగిరికి దక్షిన ప్రాంతము సౌరమానమని, తిరుమలగిరి-వింధ్య పర్వతముల మధ్య ప్రాంత మును చాంద్రమానమని, వింధ్య పర్వతములకు ఉత్తర ప్రాంతము బార్హస్పత్య మానమని ప్రచారము లోనున్నది. చాంద్ర, సౌరమానముల వారికి దుర్ముఖి నామ సంవత్సరము జరుగుతుంది. బార్హస్పత్య మానము వారికి సౌమ్యనామ సంవత్సరము జరుగుతుంది.

ప్రభవాది అరవై సంవత్సరములలో 31వది హేమలంబ నామ సంవత్సరము. యుగమనగా సంవత్సరము (కాలము) యుగము యొక్క ఆది అనగా ప్రారంభము, యుగాది అయినది. వ్యవహా రములో 'ఉగాది'గ పిలవబడుతున్నది. ఉగాదినాడు వారి వారి వర్ణాచారాల ప్రకారం మంగళస్నానము చేసి, దైవాన్ని చిత్తశుద్ధితో ఆరాధించి, షడ్రుచులు కల వేప ప్రసాదాన్ని స్వీకరించి పంచాంగ విష యాన్ని తెలుసుకొనవలసి వుంటుంది. పంచాంగం ఎందుకు వినటం, తెలిసికొనడం జరగాలంటే..

'శ్రీ కల్యాణ గుణావహం రిపుహరం

దుస్స్వప్న దోషాపహం

గంగాస్నాన విశేష పుణ్యఫలదం

గోదాన తుల్యం నృణాం

ఆయుర్వృద్ధిద ముత్తమం శుభకరస్త్రం

సంతాన సంపత్స్రదమ్‌

నానాకర్మ సుపాధనం సముచితాం

పంచాంగ మాకర్ణ్యతాం'..

ప్రతి సంవత్సరము నవనాయకులని, 21 మంది ఉపనాయకులని పిలవబడుతూ గ్రహముల కాలానికి శుభాశుభ ఫలితములనిస్తాయి. చైత్ర శుక్ల పాఢ్యమి వారాధిపతి రాజు, రవి మేషరాశి ప్రవేశవారాధిపతి మంత్రి, రవి సింహరాశి ప్రవేశ వారాధిపతి సేనాధిపతి, రవి కర్కాటక సంక్రమణ ప్రవేశవారాధిపతి సస్యాధిపతి, ధనుర్మాస ప్రవేశ వారాధిపతి ధాన్యాధిపతి, మిధున సంక్రమణ ప్రవేశ వారాధిపతి అర్ఘాతిపతి, ఆర్ద్రకార్తె ప్రవేశవారాధిపతి మేఘాధిపతి, తులా ప్రవేశ సమయమ వారాధిపతి రసాధిపతి, మకర ప్రవేశవారాధిపతి నీరసాధిపతి అని నవనాయకులు, సహాయకులైన 21మంది

ఉపనాయకులని పిలవబడతారు. ముందుగా ఫలి తాలు చూస్తూ ఈ విధంగా వున్నాయి.

ఈ సంవత్సరమున రాజు-బుధుడు, మంత్రి- శుక్రుడు, సేన, అర్ఘమేఘాధిపతుడు-గురువు, సస్యాధిపతి-చంద్రుడు, ధాన్యాధిపతి-శని, రసాధి పతి-బుధుడు. నీరసాధిపతి-రవి. నవనాయకులలో 7 మంది శుభువలు, ఇద్దరు పాపులు, ఉపనాయ కులతో 12 మంది శుభులు, 9 పాపులు, పశుపాలకుడు బలరాముడగుటచే క్షీరసమృద్ధి, తృణ సమృద్ధి కలదు.

చాంద్రమానాబ్ద హేమలంబ సంవత్సర ఫలమ్‌ :

పరిపాలకులు ప్రజలను చక్కగా పరిపాలిం చెదరు. ప్రభువులకు పరస్పర విరోధ భావము లుండును. అచ్చటచ్చట ప్రజలకు బాధలు కలిగి ననూ సుఖవంతులై యుందురు. ధాన్యాదుల ధరలు సమముగా యుండును. అల్పవర్షములు కొన్నిచోట్ల దుర్భిక్ష భయం ఉరుములు మెరుపులతో కూడిన గాలి వర్షములుండును.

హేమలంబ సంవత్సరాధిపతి రాహువు భయో త్సాతములు రోగభయములు, భూకంపాద్యుపద్రవ ములు, వ్యాపారమందు వడిదుడుకులుండును. చైత్ర వైశాఖ మాసములందు పీడలు, ధాన్యాది సమస్త వస్తువులకు ధరలు తగ్గును. సరిహద్దులలో యుద్ధ వాతావరణము తలపించును. జ్యేష్టాది మాస త్రయమున ధాన్యాదుల ధరలు పెరుగును. భాద్ర పద ఆశ్వయుజ మాసము లందు అధికవర్షములుం డును. పసుపు, మిర్చి, చింతపండు, ఉప్పు, మిరియాలు, దంతములు, వెండి, బంగారము ధరలు పెరుగును. కార్తీకమాసమున కొన్నిచోట్ల పరిపాలకుల మార్పులు కలిగి ప్రజాపీడ, ఖనిజ ముల ధరలు సరసముగా యుండును. పశువులకు పీడ మార్గశిరం మొదలు సంవత్సరాంతము వరకు పరిపాలకులు మంచి ఆలోచనలతో జనరంజ కముగా ప్రజాభీష్టములు నెరవేర్చెదరు.

రాజాధి-నవనాయకల ఫలితములు :

రాజు-బుధుడు: బుధుడు రాజగుటచే భూమియందు గాలితో కూడిన మధ్యమ కృషి కల్గి, ప్రజలు వివా హాది శుభకార్యముల, యజ్ఞయాగాది కార్యక్రమ ముల పట్ల ఉత్సాహం ప్రదర్శించెదరు. మధ్యమైన ధనధాన్యవృద్ధి కలిగియున్నప్పటికినీ ప్రజలు సుభిక్షముగా నుందురు

మంత్రి-శుక్రుడు: మంత్రి శుక్రుడగుటచే మంచి వర్షములు, ప్రజలు సుఖసౌఖ్యాదులను అనుభవిం చెదరు. ఆవులు సమృద్ధిగా పాలనిచ్చును. ధాన్య జాతులు బాగుగా ఫలించి ప్రభువులు ఉన్నతమైన సౌఖ్యములనొందెదరు.

సేనాధిపతి-గురువు: గురుడు సేనాధిపతియగుటచే సువృష్టియు, ప్రజలు అత్యంత అనురాగవంతు లగుట, దేవతలు ఉత్సవములను, బ్రాహ్మణులు యజ్ఞములు చేయుట, ప్రభువులు ప్రజారంజక పాలన చేయుటయు కల్గును. సైనిక పటిష్టత, ఆధునిక, యుద్ధ యంత్ర సామగ్రుల సమీకరణ బాగుండును.

సస్యాధిపతి-చంద్రుడు: చంద్రుడు సస్యాధిపతి యగు టచే అధిక వృష్టి కల్గి మెట్ట పల్లప ప్రాంతమున ఆహార ధాన్యములు, పప్పు ధాన్యములు బాగుగా ఫలించును. ప్రజలు సుఖసంతోషాదులతో కూడి యుందురు.

ధాన్యాధిపతి-శని: ధాన్యాధిపతి శనియగుట వలన మేఘాడంబరము కల్గి అల్పవృష్టి, ప్రజలకు వ్యాధులు వలన భయం కలిగి భయాందోళన నొందెదరు. ధాన్యాదులకు కొరత ఏర్పడును.

మేఘాధిపతి-గురువు: మేఘాధిపతి గురువు యగు టచే సువృష్టియు మరియు ప్రభువులకు స్వల్ప వైరములు కల్గియున్ననూ అన్యోన్య మైత్రి కలిగి యుందురు. ధర్మబద్ధమైన విధానములో ప్రజలు నడిచెదరు.

అర్ఘాధిపతి-గురువు: గురుడు అర్ఘాధిపతి యగుటచే సువృష్టియు, ధనధాన్యభివృద్ధియు, యజ్ఞకర్మల యందు బ్రాహ్మణులు శ్రద్ధ వహించుట, ప్రపంచ మందు ఉత్సవములు, శుభకార్యములు అధిక మగును. స్వల్పముగా ధరల పెరుగుదల వుండును.

రసాధిపతి-బుధుడు: రసాధిపతి బుధుడుయగుటచే నేరేడు, బెల్లం, ఉసిరి, శిలాజిత్తు తీగలతో చుట్ట బడిన వస్తువు క్రేన్‌ వస్తువులు మొదలగు వస్తువులకు అభివృద్ధియుండును. కుంటలు, వాగులు, సెలయేళ్ళు పొంగిపొర్లును. ధాన్యములు ఫలించును.

నీరసాధిపతి-రవి: సూర్యుడు నీరసాధిపతి యగు టచే రాగి, చందనము, రత్నములు, మాణిక్యములు, ముత్యములు మొదలగు వస్తువులును వృద్ధిగా నుండును.

వర్షలగ్నము, జగర్లగ్నములు :

వర్షలగ్నము మేషము మరియు జగర్గగ్నము కుంభము అయినవి. వర్షలగ్నమును పరిశీలింపగా లగ్నాధిపతి అయిన కుజుడు స్వక్షేత్రమును పొంది బలీయుడగుట, గురు శుక్రులు సమసప్తక స్థితిని పొంది లగ్నాత్‌ షష్ట వ్యయస్థానములు పొందుట మరియు ఇతర గ్రహములు బలహీనముగా నుండెను. జగర్లగ్నమును పరిశీలింపగా లగ్నాధిపతి శని లాభ స్థానమును పొందుట, శుక్రుడు యోగకారకుడై ఉచ్ఛస్థితిని పొందియుండుట, విక్రమ స్థానమందు రవి ఉచ్ఛ స్థితి పొందుట, బృహస్పతి అష్టమస్థితిని పొందెను. గ్రహయోగములన్నింటినీ పరిశీలింపగా ఉభయ తెలుగు రాష్ట్రములు అత్యధిక విశ్వాసములతో గంభీరముగా ప్రజాపాలన సాగిం తురు. స్పష్టమైన ఆధిక్యముతో ప్రత్యేక కృషి సల్పుదురు. ఆర్ధిక లోటుపాట్లు వున్ననూ సంక్షేమము, సంస్కరణలకు సమ ప్రాధాన్యతనిచ్చి నడిపించెదరు. లక్ష్యసాధనకు అనేక ఒడిదుడుకులు ఎదురు కావచ్చును. మౌలిక సదుపాయముల కల్పన, భారీ నీటిపారుదల, విద్యుత్‌ ఉత్పత్తి, విద్యా సాంకేతి కీకరణ వంటి విషయములకు కేంద్ర ప్రభుత్వము ప్రత్యేక సహకారములందించును. ఆర్ధిక లోటును పూరించుటకు కేంద్ర సహకారము తప్పనిసరి అగును. కేంద్రప్రభుత్వము అత్యంత సాహసోపేత నిర్ణయములు తీసుకొనుట ఊహించని మార్పులు తెచ్చును. ఎటువంటి నిర్ణయమునైనా గంభీరముగా, స్థిరముగా వ్యవహరించెదరు. ఇనుము, ఉక్కు, సహజ వాయువు వెలికితీత వంటి భారీ నూతన ప్రయ త్నములకు అవరోధములు ఎక్కువగా నుండును. భారతదేశము తమ పొరుగు రాజ్యములతో సంఘీభావముతో మెలగుటతో అత్యున్నత గౌరవ ప్రతిష్టలు పొందును. సరిహద్దులలో యుద్ధమేఘాలు ఆవరించినప్పటికీ, ప్రతిఘటింపు మరియు దౌత్య వ్యవహారములతో శాంతి వాతావరణము నెల కొనును. విద్యా విషయములలో పెనుమార్పులు తీసుకువచ్చును. మొదటి ఆరుమాసముల తద నంతరం ఆర్ధికపరిపుష్టి కలుగును. ప్రజారోగ్యము ఔషధముల లభ్యత పెరిగి సామాన్యునికి సైతము అత్యున్నత వైద్యసేవలు అందుబాటులోనికి వచ్చును. ఇంధన పొదుపు లభ్యత పెరుగుటచే ధరలు అందుబాటులో నుండుట, స్వదేశీ ద్రవ్య మారక విలువలు మునుపెన్నడూ లేనివిధంగా పెరుగుట జరుగును. రోదశీ పరిజ్ఞానము అంతరిక్ష పరిశోధనలకు ప్రాధాన్యత పెరుగును. రోడ్డు, మరియు రైలు మార్గముల విస్తరణ అభివృద్ధికి దోహదపడును. ఆంధ్రరాష్ట్ర రాజధాని నిర్మాణ ములో ప్రగతిపధమున నడుచును. భూమి, స్థిరాస్థి వ్యాపారములు కొంత మందకొడిన సాగును. జనులు విపరీత ధన వ్యయము, విలాసములను కొంతమేరకు తగ్గించుకొనుటకు ప్రయత్నించెదరు. అమెరికా వంటి పశ్చిమదేశాలలో అస్థిర నిర్ణయము వలన ఆ యొక్క దేశ ఆధిపత్యము, ప్రాభవము తగ్గును. కమ్యూనికేషన్స్‌, పర్యాటక, బస్సు, రైలు విమానయానములందు కొన్ని అపశ్రుతులు జరు గును. పంచాయతీరాజ్‌, మునిసిపాలిటీ, గృహ నిర్మాణ, గనులు, పౌల్ట్రీ, విద్యాసంస్థలందు ఖర్చులు పెరుగును. చలనచిత్ర, రాజకీయ క్రీడారంగము లందు ప్రముఖులకు బాధలుండును. సైన్యము, పోలీసు వ్యవస్థలు సుస్థిరముగనుండును. ఆఫ్రికా, వాయవ్య ఆసియా దేశాలందు యుద్ధవాతావర ణము, ప్రజా ఆస్తి సంపదల ధ్వంసకాండ జరు గును. తుఫాన్‌ల వల్ల నష్టము కలిగే అవకాశములు ఎక్కువగా నుండును. కేంద్రప్రభుత్వ నిధులపై రాష్ట్రములు ఆధారపడును. నేరచరిత పెరిగినను ప్రభుత్వ అదుపులోనుండును.

కావేరీనదీ పుష్కరములు :

గురువు తులారాశి ప్రవేశ సమయము నుండి 12 రోజులపాటు కావేరీనదీ పుష్కరములు జరుగు తాయి. ఈ సంవత్సరము భాద్రపద బహుళ సప్తమి మంగళవారము తేది.12.09.2017 నుండి కావేరీనదీ పుష్కరములు ప్రారంభమగును.

కర్తరీ నిర్ణయము :

తేది.04.05.2017 గురువారము నుండి డొల్లు కర్తరీ ప్రారంభము. తేది 11.05.2017 గురువారము నుండి తేది.28.05.2017 ఆది వారము వరకు నిజకర్తరి. ఈ కర్తరిలో 'మృచ్ఛిలా దారు కర్మాణి వర్జయేత్‌' అను ప్రమాణము వలన మట్టి, రాయి, కొయ్యతో కూడిన నిర్మాణములు పనికిరావు.

మౌఢ్యములు :

సూర్యునకు అత్యంత సమీపమును ఏ గ్రహము వచ్చినను అస్తంగత దోషము కలుగును. శుభగ్రహ ములగు గురు శుక్రులు రవి సమీపమునుకు వచ్చి నచో అస్తంగతులగుదురు. కాబట్టి గురు శుక్ర మౌఢ్యములుగా చెప్పబడినవి. ఏ రకములైన శుభ కార్యములు కూడా చేయరాదని ధర్మశాస్త్ర, జ్యోతి శ్శాస్త్ర ప్రమాణము. తేది. 30.03.2017 వరకు శుక్రమౌఢ్యమి జరుగును. ఆశ్వీయుజ బహుళ అష్టమి శుక్రవారము తేది.13.10.2017 నుండి కార్తీక బహుళ పంచమి బుధవారము తేది. 08.11.2017 వరకు గురుమౌఢ్యమి జరుగును. మార్గశిర శుక్ల చతుర్దశి శనివారం తేది. 02.12.2017 నుండి మాఘ బహుళ అమావాస్య గురువారము తేది. 15.02.2018 వరకు శుక్ర మౌఢ్యమి జరుగును.

మకర సంక్రమణం :

తేది.14.01.2018 పుష్య బహుళ త్రయోదశి ఆదివారం రాత్రి 7.11 గంటలకు సూర్యుడు మకర రాశిలో ప్రవేశించును. దీనిని ఉత్తరాయణ పుణ్య కాలమని, సంక్రాంతి అని పిలుస్తారు.

దక్షిణాయనగే భానౌ కలికాలే నరై: కృతమ్‌

పాపం మూర్తీభవత్సరం బహర్వ్యాప్యుత్తరాయణే!!

దక్షిణాయనంలో జనులు చేసిన పాపములన్ని ఘోరం రూపంలో మకర సంక్రమణ సమయంలో సూర్యాంశ గ్రహతారులు ప్రత్యక్షమగు రూపమే మకర సంక్రాంతి పురుష రూపము. అందుకే పితృ దేవతలను పూజిస్తారు. మకర సంక్రాంతి పురుషల లక్షణములను పరిశీలిస్తే దేశమున సుభిక్ష క్షేమారోగ్య ములుండును. జంతు నష్టములు కలుగును. జల ప్రళయములు, దొంగతనాలు, రోగభయాలు ఈ సంవత్సరము ఉండును. పంటలు బాగా పండును. కాబట్టి ఉత్తరాయణ పుణ్యకాల సమయములలో పితృదేవతలను ఆరాధించి రుణం తీర్చుకోవాలి.

ఆర్త్రకార్తె ప్రవేశము : (తొలకరులు)

జ్యేష్ట బహుళ త్రయోదశి గురువారము తేది 22.06.2017న 12.46 గంటలకు కన్యా లగ్న మున ఆర్ద్రకార్తె ప్రవేశము 'పూర్వాహ్ణకాలే జగతో విపత్తి:'.. మధ్యాహ్న కాలము కావున వర్షాల వల్ల నష్టములు, ధాన్యాదుల ధరలు పెరుగుట, అకాల వర్షముల వలన పంట నష్టములు, ప్రజలకు అనా రోగ్యబాధలు కలుగును.

గ్రహణములు :

తేది 07.08.2017 సోమవారం శ్రావణ శుక్ల పూర్ణిమ రాత్రి 10.48 నుండి 12.52 వరకు శ్రవణా నక్షత్రమున కేతుగ్రస్థ చంద్రగ్రహణము కలుగును. శ్రవణ ధనిష్ట నక్షత్రముల వారు చూడకూడదు.

తేది 31.01.2018 బుధవారం మాఘ శుక్ల పూర్ణిమ రోజున సాయంకాలము 5.15 నుంచి 8.43 వరకు ఆశ్లేషా నక్షత్రమునందు సంపూర్ణ చంద్రగ్రహణము కలదు. పుష్యమి, ఆశ్లేషా నక్షత్ర ముల వారు చూడకూడదు. యధోచితముగా శాంతిని నిర్వహించుకొనవలెను.

ఆదాయ వ్యయయులు -

రాజపూజ్య అవమానములు

ఆ వ్య రా అ

మేష 5 5 3 1

వృషభ 14 11 6 1

మిధున 2 11 2 4

కర్కాటక 11 8 5 4

సింహ 14 2 1 7

కన్య 2 11 4 7

తుల 14 11 7 7

వృశ్చిక 5 5 3 3

ధనుః 8 11 6 3

మకర 11 5 2 6

కుంభ 11 5 5 6

మీన 8 11 1 2

సర్వాదాయం 65 53

Page 1 of 804

newsbottomad

ఎక్కువగా చదివిన వార్తలు

  • నంద్యాల 'ఉప'ద్రవం!
    కర్నూలు జిల్లాలో హఠాన్మరణం చెందిన భూమా నాగిరెడ్డిని కోల్పోవడం ఒక లోటైతే, ఆయన మృతితో రానున్న నంద్యాల అసెంబ్లీ ఉపఎన్నికలు ముఖ్యమంత్రి చంద్రబాబుకు సవాల్‌గా మారనున్నాయి. నంద్యాల సీటు మాదే... కాబట్టి మేము పోటీ చేయడం ఖాయమంటూ వైకాపా అధినేత వైయస్‌…
  • కోడ్‌ ముగిసింది... కుర్చీలు నిండాల్సి వుంది!
    ఎమ్మెల్సీ ఎన్నికల కోడ్‌ మూలంగా దాదాపు నెల నుండి జిల్లాలో ఎటువంటి అధికారిక నియామకాలు, బదిలీలు జరగ లేదు. 22వ తేదీతో ఎన్నికల కోడ్‌ ముగిసింది. ఇక అధికారుల బదిలీల ప్రక్రియ చేపట్టవచ్చు. ముందుగా భర్తీ చేయాల్సింది నెల్లూరు కార్పొరేషన్‌ కమిషనర్‌…
  • అన్నదాతను ముంచిన అకాలవర్షం
    వాన రాకడ.. ప్రాణం పోకడ తెలియ దని సామెత. పంటలు బాగా పండాలని, అదునుకు వాన కురవాలని పదునైన ఎదురుచూసినప్పుడు మాత్రం రాని వాన, తీరా పంటలు చేతికి అందివచ్చే సమ యంలో మాత్రం ఒక్కసారిగా కుండ పోతగా కురుస్తుంది. ఎదిగిన…
  • బాబుకు పమ్రాద సంకేతాలు!
    అధికారాన్ని ఫణంగా పెట్టి, విలువలను పాతిపెట్టి, డబ్బు సంచులు తెచ్చిపెట్టి, మాట వినని వారిపై కేసులు పెట్టి, ఓటర్ల తరలింపుకు ప్రత్యేక విమానాలే పెట్టి, రిసార్ట్స్‌లో క్యాంపులు పెట్టి, అక్రమ కేసులు, అట్రాసిటీ కేసులతో అవతల వారిని భయపెట్టి... గెలిచిన గెలుపు…
  • న(వ)మో భారత్‌
    భారతదేశ చరిత్ర మారుతోంది... కుటుంబ రాజరిక వ్యవస్థ నుండి సామాన్య జనావళి వైపుకు చరిత్ర మళ్ళుతోంది. ఇంతకాలం సంపన్న కుటుంబాలలో పుట్టిన నాయకుల చరిత్రను, తండ్రి, తాతల వారసత్వంతో రాజకీయాలను శాసించిన నాయకురాళ్ళ చరిత్రను చదువుకున్న భారతం... భారతదేశ ప్రజాస్వామ్య వ్యవస్థలో…

Newsletter