kathiఅతనొక చిన్న నటుడు.. తక్కువ సినిమాలలో నటించాడు... అందులోనూ గుర్తుండిపోయే క్యారెక్టర్‌ లేమీ కావు... అయితే ఇప్పుడతను సినిమాలలో కన్నా న్యూస్‌ఛానెల్స్‌ ద్వారా పాపులర్‌ అయిపోయాడు. రాష్ట్ర మంతా తెలిసేలా గుర్తింపు పొందాడు. అతడే కత్తి మహేష్‌. పవర్‌స్టార్‌ పవన్‌కళ్యాణ్‌ జనసేన అభిమాను లకు కొరుకుడు పడని కొయ్యగా మారిన వ్యక్తి.

రాష్ట్ర రాజకీయాలలో పవన్‌ పాత్ర ఏమిటి అనే దానిపై క్లారిటీ లేదు. పవన్‌ వ్యవహారశైలిని చూసిన ఎవరికైనా అతను చంద్రబాబు పంజరంలో చిలకేననే విషయం ఇట్టే అర్ధమైపోతుంది. కాకాపోతే పవన్‌ అభిమానులే ఇంకా అర్ధం చేసుకోవడం లేదు. పవన్‌ వ్యవహారశైలిపై వైకాపా శ్రేణులు బాగానే ధుమ్మెత్తి పోసాయి. అయితే పవన్‌ను ఆడుకోవడంలో కత్తి మహేష్‌ ముందు వైకాపా నాయకులు కూడా సరిపోవడం లేదు. టీవీ ఛానల్స్‌ చర్చా వేదికలలోనూ, సోషల్‌ మీడియాలోనూ పవన్‌ను కడిగేయడంలో, ఆయనను ప్రశ్నించడంలో కత్తి మహేష్‌ నిముషం కూడా గ్యాప్‌ ఇవ్వడం లేదు. ఒక్కోసారి వితండవాదానికి కూడా దిగుతూ పవన్‌ అభిమానులకు మెంటలెక్కిస్తున్నాడు. పవన్‌పై అతను విపరీత వ్యాఖ్యలు చేసివున్నాడు. అభిమానులకు కోపమొచ్చి కత్తిని తీవ్రస్థాయిలో దూషించడమే కాక అతన్ని చంపుతామని సోషల్‌ మీడియా ద్వారానే బెదిరించారు. కాని, కత్తి మహేష్‌ ఇవేమీ లెక్క చేయకుండా పవన్‌పై మరింతగా రెచ్చిపోతున్నాడు. దమ్ముంటే తనతో చర్చకు రావాలని పవన్‌కే నేరుగా సవాల్‌ విసురుతున్నాడు. ఈ కత్తిని ఎలా అదుపు చేయాలో తెలియక పవన్‌ జనసేన జుట్టు పీక్కుంటోంది.

vijayగత కొద్ది రోజులుగా రెండు తెలుగు రాష్ట్రాల్లో సంచలనం సృష్టిస్తున్న సంఘ టన హాస్యనటుడు విజయసాయి ఆత్మహత్య. గతంలో ఎంతో మంది సినీ ప్రముఖులు ఆత్మహత్యలు చేసుకున్నారు. వారందరివి వివిధ కోణాలు, పలు కారణాలు. కానీ ఈ ఉదంతం మాత్రం వార్తల్లో నానుతూనే వుంది. ఇందుకు కారణం విజయ్‌ మరణానికి ముందు తీసుకున్న సెల్ఫీ వీడియో. బహుశా ఇలా సెల్ఫీలలో సైతం మరణవాంగ్మూలం ఇస్తారనే విషయం పోలీసుశాఖకు కూడా తొలిసారిగా అర్థమైనట్లుంది. మామూలుగా లేఖల రూపంలో దొరికే వాంగ్మూలాలని వాళ్ళు ఏమైనా చేసేయగలరు కానీ ఇలా సెల్ఫీవీడియోలను ఏమార్చడం ఎవరి తరమూ కాదు. ఈ సెల్ఫీని విజయ్‌సాయి ఎంతమందికి పంపించి వుంటాడో వారికి తెలియదు కాబట్టి ఈ విషయంలో వాళ్ళు గోల్‌మాల్‌ చేసే అవకాశమే లేదు.

ఇక సెల్ఫీ వీడియోతో పాటు దొరికిన సాక్ష్యాల ఆధారంగా (కార్లు, ఫోన్‌ సంభాషణలు) ఈ వ్యవహారంలో శ్రీనివాస్‌ అనే న్యాయవాది, శశిధర్‌ అనే పారిశ్రామికవేత్త, విజయసాయి భార్య ఏ1 ముద్దాయి వనితరెడ్డిలతో పాటు ఏ2, ఏ3 ముద్దాయిలుగా వుండడంతో ఇది పెద్ద చర్చనీయాంశంగా మారింది. పోలీసులకు దొరికిన రెండుకార్లలో ఒక దానిపైన అడ్వకేటు స్టిక్కర్‌ ఉండడం, మరో కారు శశిధర్‌కు చెందిన నవయుగ కంపెనీకి చెందడం.

నవయుగ కన్‌స్ట్రక్షన్స్‌, నవయుగ ఇన్‌ఫోటెక్‌తో పాటు కృష్ణ పట్నం పోర్టు కంపెనీలు శశిధర్‌కి చెందినవి కావడంతో మీడియా హడావుడి కొంచెం ఎక్కువగానే కనిపిస్తోంది. ఇక సోషల్‌ మీడియాలో అయితే గంటకో కథ ఎవరిష్టం వచ్చినట్లు వాళ్ళు చూపిస్తూ ఇది మా పరిశోధన అంటూ జబ్బలు కొట్టుకుం టున్నారు. పై విషయాలన్నీ మన కనవసరం. అసలు ఎక్కడో సినిమాల్లో చిన్నచిన్న వేషాలు వేసుకునే విజయ సాయి భార్యకీ ఈ శ్రీనివాస్‌, శశిధర్‌లకీ వున్న సంబంధ భావ్యాలు ఏమిటి...? బంధమా... బంధు త్వమా... లేక వేరే ఏదైనా అనుబంధమా...? ఈ ప్రశ్నలకు వాళ్ళు సమాధానాలు చెప్పాల్సివుంది.

నెల్లూరుజిల్లాకి సంబంధించినంత వరకు కృష్ణపట్నం పోర్టన్నా, ఆ కంపెనీ యాజమాన్య మన్నా ఓ ప్రతిష్టాత్మక సంస్థగా ప్రతిష్టాత్మక వ్యక్తులుగా అందరూ చూస్తారు. ఇక జిల్లా యంత్రాంగ మైతే గల్లీ నుండి ఢిల్లీ వరకూ ప్రభుత్వ పెద్దలతో పోర్టు యాజ మాన్యానికున్న పలుకుబడిని దృష్టిలో వుంచుకుని వాళ్ళ ఆజ్ఞలకు, ఆదేశాలకు, ఆలోచనలకు తోక వూపుతూ పని చేస్తారు. ప్రతి ఫలంగా వాళ్ళ మర్యాదలనీ ఆస్వాదిస్తారు.

ఇలాంటి తరుణంలో పోర్టు యం.డి శశిధర్‌పై వచ్చిన ఆరోపణలు వాస్తవమా? కాదా? అని రుజువు చేసుకోవలసిన బాధ్యత వారిపైనే వుంది. వారికి అపార పలుకుబడి వుండొచ్చు, వేలకోట్లు ఆస్తులుండొచ్చు... కానీ కాండక్ట్‌ & క్యారెక్టర్‌ చాలా ముఖ్యం. ఇప్పటికే వారి పోర్టులో భాగంగా సముద్ర మధ్యలో మయసభను తలపించే ''దక్షిణ్‌''లో జరుగుతున్న 'దక్షిణ' వ్యవ హారం కథలు కథలుగా బయటకు వినిపిస్తూనే వుంది. వాయు మార్గంలో వచ్చే విఐపిలకు జరిగే విందు వినోదాల ముచ్చట వాడవాడలా షికారు చేస్తూనే వుంది. పిల్లి కళ్ళు మూసుకుని పాలు త్రాగినట్లుగా ఈ ''దక్షిణ్‌''లో వారు జరిపే కార్యకలాపాలు ఎవరికీ తెలియవని అనుకున్నా అది వారి భ్రమే.

నెల్లూరీయులకు పోర్ట్‌ అంటే ఓ ల్యాండ్‌మార్క్‌. నెల్లూరు అభివృద్ధికి దిక్సూచిగా కృష్ణపట్నం పోర్టును చూస్తారు. అలాంటి సంస్థ యాజమాన్యం ఇలాంటి 'గలీజు' వ్యవహారంలో అభాసు పాలైతే అది వారికే కాదు, వారిపై నమ్మకం పెట్టుకున్న జిల్లా వాసులకీ అవమానమే. నెల్లూరు పారిశ్రామికవేత్తలకు విశ్వ వ్యాప్తంగా ఒక గుర్తింపు వుంది. మేధావులుగా పేరు ఉంది. చిల్లర చేష్టలకు దూరంగా వ్యాపారాన్ని భక్తితో చేస్తారన్న నమ్మకం ఉంది. ఒక జివికె, ఒక శీనయ్య, ఒక గునుపాటి ప్రసాద్‌రెడ్డి, ఒక దొడ్ల కుటుంబం, ఒక అల్లారెడ్డి కుటుంబం, ఒక సీబ్రోస్‌ కుటుంబం లాంటి ఎందరో తమ కండక్ట్‌ని ఉన్నతంగా ఉంచు కున్నవారే. శశిధర్‌ నెల్లూరు వాడు కాకపోయినా ఇప్పుడు నెల్లూరి వ్యాపారవేత్త కిందే లెక్క. ఇప్పుడు ఆయన శీలం ఏ3 నిందితునిగా పోలీస్‌ రికార్డ్స్‌లో భద్రంగాఉంది. అదీ తన భార్య మీద అనుమానం వ్యక్తం చేస్తూ మరణించిన విజయ్‌ మాటల కారణంగా శశిధర్‌ పరువు బజారున పడింది. ఇప్పుడు తన శీలం ఉన్నతమైందని నిరూపించుకోవాల్సిన బాధ్యత శశిధర్‌పైనే ఉంది. విలువలతో కూడిన వ్యాపారం చేసే నెల్లూరియన్స్‌ పక్కన ధైర్యంగా నిలబడా లంటే కడిగిన ముత్యంలా బయటకు రావాల్సిన అగత్యం ఇప్పుడు శశిధర్‌పైనే ఉంది. వేచిచూద్దాం చట్టం ఎవరికి చుట్టమౌతుందో!

nandiఈ రాష్ట్రంలో ప్రతిదీ రాజకీయమైపోయింది. ముఖ్యమంత్రి చంద్రబాబు ఏ పని చేసినా దాని వెనుక ఓట్ల మర్మం దాగి వుంటుంది. లేదా పూర్తిగా రాజకీయ కోణం వుంటుంది. ఆ రాజకీయ కోణం ఇప్పుడు సినిమా రంగాన్ని కూడా వదల్లేదు.

తెలుగుదేశం అధికారంలోకి వచ్చాక ఇంతవరకు సినీ పరిశ్రమకు సంబంధించి నంది అవార్డులు ప్రకటించలేదు. 2014, 2015, 2016 సంవత్సరాలకు గాను మొన్న ఒకేసారి రాష్ట్ర ప్రభుత్వం నంది అవార్డును ప్రకటించింది. నంది విజేతల ఎంపికలో నందమూరి కుటుంబానికి పెద్దపీట వేసి సినీ పరిశ్రమలో నందమూరికి పోటీగా వున్న మెగా ఫ్యామిలీ ప్రాధాన్యత తగ్గించడం వివాదాలకు ఆజ్యం పోస్తోంది. కేవలం బంధుప్రీతితోనే నంది అవార్డుల ఎంపిక జరిగిందంటూ ఇప్పటికే సినీరంగం నుండి పలువురు విమర్శలు మొదలుపెట్టారు. 2014లో ఉత్తమ నటుడుగా బాలకృష్ణ, 2015లో మహేష్‌, 2016లో జూనియర్‌ ఎన్టీఆర్‌లు ఉత్తమ నటులుగా ఎంపికయ్యారు. 2014లో లెజండ్‌ను, 2015లో బాహుబలిని, 2016లో జనతాగ్యారేజ్‌ను ఎక్కువ అవార్డులు వరించాయి.

సినీ పరిశ్రమలో మెగా కుటుంబం నుండి చిరంజీవితో పాటు పవన్‌ కళ్యాణ్‌, నాగబాబు, రామ్‌చరణ్‌, సాయి ధర్మతేజ, అల్లు అర్జున్‌, అల్లు శిరీష్‌, కంచె హీరో వరుణ్‌తేజ వున్నారు. వీరిలో చిరంజీవిని 2016 సంవత్సరానికి రఘుపతి వెంకయ్య జాతీయ అవార్డుకు ఎంపిక చేశారు. అల్లు అర్జున్‌కు రుద్రమదేవి సినిమాకుగాను

ఉత్తమ సహాయనటుడు అవార్డు లభించింది. ఈ మూడేళ్ళలో మెగా ఫ్యామిలీ నటుల నుండి మంచి సినిమాలే వచ్చాయి. అల్లు అర్జున్‌ నటించిన సన్‌ ఆఫ్‌ సత్యమూర్తి సినిమాలో ఎంతో మంచి సందేశం దాగి వుంది. అలాగే తెలుగువారి పౌరుషాన్ని చాటే 'రుద్రమదేవి' సినిమాకు ఒక్క ఉత్తమ సహాయ నటుడు అవార్డు తప్ప ఇంకేమీ దక్కలేదు. దీనిపై ఆ చిత్ర దర్శకుడు గుణశేఖర్‌ బహిరంగంగానే తన అసంతృప్తిని వెళ్ళగక్కాడు. జరిగిందో లేదో తెలియని కల్పిత కథను ఆధారంగా చేసుకుని తీసిన 'గౌతమీ పుత్ర శాతకర్ణి' సినిమాకు గతంలో రాష్ట్ర ప్రభుత్వం వినోదం పన్ను మినహాయించింది. అదే వాస్తవ కథతో, తెలుగుజాతి పౌరుషాన్ని చాటే సారాంశంతో తీసిన రుద్రమదేవి సినిమాకు మాత్రం వినోదం పన్ను మినహాయించలేదు. ఆ చిత్ర దర్శకుడు దీనినే ప్రశ్నించాడు. గోదావరి పుష్కరాలప్పుడు 23మంది భక్తుల ప్రాణాలు తీసి సెట్టింగ్‌లు వేసి నిర్మించిన పుష్కరాల డాక్యుమెంటరీకి నంది రావడం ఆశ్చర్యం కలిగించే విషయం కాకపోవచ్చు... కాని నందుల ఎంపికలో మెగా ఫ్యామిలీని తక్కువ చేసి చూసారనే అభిప్రాయం సర్వత్రా వినవస్తోంది.

newsbottomad

ఎక్కువగా చదివిన వార్తలు

  • దండగ... పండగ...
    పర్యాటక అభివృద్ధి అంటే సంవత్సరంలో 365రోజులు జరగాల్సిన ప్రక్రియ. దానిని రెండుమూడు రోజులు జాతరగా మార్పు చేయడం సబబు కాదు. మూడురోజుల సంబడం కోసం మూడు కోట్లు తగలెయ్యడం కరెక్ట్‌ కాదు. ఆ నిధులనే పర్యాటక కేంద్రాల అభివృద్ధికి వెచ్చిస్తే సంవత్సరం…
  • చిలికి చిలికి... గాలివాన కానుందా?
    ఈ జిల్లాలో తెలుగుదేశం పార్టీకి పునాదులుగా వుండి, పార్టీ జెండాలు మోసి భుజాలు కాయలు కాసిన నాయకుల వల్ల పార్టీకి ఎప్పుడూ సమస్యలు ఎదురు కాలేదు. వారి వ్యక్తిగత ఆర్ధిక లావాదేవీల వల్ల పార్టీకి చెడ్డపేరొచ్చింది కూడా లేదు. కాని, ఇతర…
  • సమన్వయ లోపం... వైకాపాకు శాపం!
    2014 ఎన్నికల ప్రచారంలో జగన్‌ సభలకు జనం జాతర మాది రిగా వచ్చారు. అంతకుముందు నిర్వహించిన ఓదార్పుయాత్రలకు పోటెత్తినట్లు వచ్చారు. అదే చంద్ర బాబు సభలకు లారీలు, బస్సులు పెట్టి తోలినా జనం రాలేదు. అయినా కూడా ఆ ఎన్నికల్లో చంద్రబాబు…
  • సినిమానూ వదలని సెగ
    నేనెందుకు పార్టీ పెట్టానో నాకే తెలి యదు, నేనెందుకు ప్రచారం చేస్తున్నానో నాకే తెలియదు, ఎన్ని సీట్లకు పోటీ చేయాలో నాకే తెలియదు... అన్నంత అజ్ఞానంలో వున్న హీరో పవర్‌స్టార్‌ పవన్‌ కళ్యాణ్‌, ఒక దశ దిశ నిర్దేశం లేకుండా రాజకీయపార్టీని…
  • అజీజ్‌ బ్రదర్స్‌పై కేసు
    నెల్లూరు నగరపాలక సంస్థ మేయర్‌ అబ్దుల్‌ అజీజ్‌కు షాక్‌ తగిలింది. ఆయన పైన ఆయన తమ్ముడు, కార్పొరేటర్‌ జలీల్‌ మీద చెన్నైలో చీటింగ్‌ కేసు నమోదైంది. మేయర్‌ అజీజ్‌కు చెందిన స్టార్‌ ఆగ్రో కంపెనీలో వాటా కోసం తాము ఇచ్చిన 42కోట్ల…

Newsletter